Молитва по соглашению - это форма совместного заочного обращения православных к Богу, не заменяющая собой главнейшее соборное христианское богослужение, во время которого совершается таинство Евхаристии

Го́споди Иису́се Христе́, Сы́не Бо́жий, Ты бо ре́кл еси́ пречи́стыми усты́ Твои́ми: "Ами́нь глагóлю вáм, я́ко áще двá от вáс совещáета на земли́ о вся́цей вéщи, ея́же áще прóсита, бýдет и́ма от Отцá моегó, и́же на небесе́х: иде́же бо естá двá или́ триé сóбрани во и́мя моé, тý éсмь посреде́ и́х". Непрело́жны словеса́ Твоя́, Го́споди, милосе́рдие Твое́ безприкла́дно и человеколю́бию Твоему́ не́сть конца́. Сего́ ра́ди мо́лим Тя, да́руй на́м, рабóм Твои́м [И́мярек] [Или́: Са́м помяни́, Бо́же, ве́дый коего́ждо во́зраст и именова́ние], согласи́вшимся проси́ть Тя: [Про́сьба] [Или́: О Це́ркви Твое́й святе́й под зна́мением Креста́ во́инствующей, согла́сии в ве́ре и единому́дрии, суему́дрия же и раско́лов истребле́ние; О ми́ре, тишине́ и благоустрое́нии во все́й богопросвеще́нной держа́ве Росси́йстей; О долгоде́нствии, душе́вном и теле́сном здра́вии правосла́внаго Госуда́ря* Росси́йскаго [И́мярек], на враги́ же его́ побе́ду и одоле́ние; О младе́нцев воспита́нии и благода́тном охране́нии; О да́ре, все́м и коему́ждо благопотре́бнем, душе́вном и теле́сном здра́вии, да поживе́м в ве́це се́м в покая́нии, чистоте́, в творе́нии богоуго́дных де́л и да сподо́бимся ви́дети блага́я на земли́ живы́х; Об избавле́нии от тру́са, пото́па, огня́, меча́ и вся́каго пра́веднаго гне́ва и преще́ния, благовре́менне подвиза́я нас к очисти́тельному и умилостиви́тельному во гресе́х на́ших покая́нию, ра́ди мно́жества щедро́т Твои́х; О христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на Стра́шнем Суди́щи Твое́м] исполне́ния на́шего проше́ния. [Та́же: Отврати́, Го́споди, от на́с все́х вра́г ви́димых и неви́димых да сохрани́ши на́с благода́тию Твое́ю и непобеди́мым ополче́нием а́нгел Твои́х, и́ми же огражда́еми и наставля́еми]. Но оба́че не я́коже мы хоти́м, но я́коже Ты. Да бу́дет во ве́ки во́ля Твоя́. Ами́нь.

* Государь - глава государства.

До­ре­во­лю­ци­он­ные ака­фи­сты и прин­ци­пы таксономии (от гре­че­ско­го τάξις - строй, по­ря­док и νόμος - закон) при­ме­ня­лись для со­став­ле­ния про­си­тель­ной части мо­лит­вы по со­гла­ше­нию. Текст молитвы впервые воспроизведен (опубликован) по машинописной рукописи 10 сентября 2015 года. Рассмотрение Синодальной богослужебной комиссией Русской Православной Церкви предстоит.