Все тексты на сегодня представлены в соответствии с указаниями Типикона. Специальные чтения обозначены только для Великих и бденных праздников.
Порядок чтений: Воскресенье, 1 ноября 2026 г. (19 октября ст.ст.)
Неделя 22-я по Пятидесятнице
Перенесение мощей прп. Иоанна Рыльского (1238)
Прор. Иоиля (800 до Р.Х.) Мч. Уара и с ним семи мчч., учителей христианских (ок. 307)
Богослужебные указания для священно- и церковнослужителей
Евангельские и Апостольские чтения
На утрени
Ин.21:15 Егда же обедоваше, глагола Симону Петру Иисус: Симоне Ионин, любиши ли Мя паче сих? Глагола Ему: ей, Господи, Ты веси, яко люблю Тя. Глагола ему: паси агнцы Моя.Ин.21:16 Глагола ему паки второе: Симоне Ионин, любиши ли Мя? Глагола Ему: ей, Господи, Ты веси, яко люблю Тя. Глагола ему: паси овцы Моя.
Ин.21:17 Глагола ему третие: Симоне Ионин, любиши ли Мя? Оскорбе (же) Петр, яко рече ему третие: любиши ли Мя? И глагола Ему: Господи, Ты вся веси: Ты веси, яко люблю Тя. Глагола ему Иисус: паси овцы Моя:
Ин.21:18 аминь, аминь глаголю тебе: егда был еси юн, поясался еси сам и ходил еси, аможе хотел еси: егда же состареешися, воздежеши руце твои, и ин тя пояшет и ведет, аможе не хощеши.
Ин.21:19 Сие же рече, назнаменуя, коею смертию прославит Бога. И сия рек, глагола ему: иди по Мне.
Ин.21:20 Обращься же Петр виде ученика, егоже любляше Иисус, вслед идуща, иже и возлеже на вечери на перси Его и рече: Господи, кто есть предаяй Тя?
Ин.21:21 Сего видев Петр, глагола Иисусови: Господи, сей же что?
Ин.21:22 Глагола ему Иисус: аще хощу, да той пребывает, дондеже прииду, что к тебе? Ты по Мне гряди.
Ин.21:23 Изыде же слово се в братию, яко ученик той не умрет. И не рече ему Иисус, яко не умрет, но: аще хощу тому пребывати, дондеже прииду, что к тебе?
Ин.21:24 Сей есть ученик свидетелствуяй о сих, иже и написа сия: и вем, яко истинно есть свидетелство его.
Ин.21:25 Суть же и ина многа, яже сотвори Иисус, яже аще бы по единому писана быша, ни самому мню (всему) миру вместити пишемых книг. Аминь.
На литургии
Апостол
Гал.6:11 Видите, колицеми книгами писах вам моею рукою.Гал.6:12 Елицы хотят хвалитися по плоти, сии нудят вы обрезатися, точию да не креста ради Христова гоними будут:
Гал.6:13 ни бо обрезающиися сами закон хранят, но хотят вам обрезоватися, да в вашей плоти похвалятся:
Гал.6:14 мне же да не будет хвалитися, токмо о кресте Господа нашего Иисуса Христа, имже мне мир распятся, и аз миру.
Гал.6:15 О Христе бо Иисусе ни обрезание что может, ни необрезание, но нова тварь.
Гал.6:16 И елицы правилом сим жительствуют, мир на них и милость, и на Израили Божии.
Гал.6:17 Прочее, труды да никтоже ми дает: аз бо язвы Господа Иисуса на теле моем ношу.
Гал.6:18 Благодать Господа нашего Иисуса Христа со духом вашим, братие. Аминь.
Евангелие
Лк.8:5 изыде сеяй сеяти семене своего: и егда сеяше, ово паде при пути, и попрано бысть, и птицы небесныя позобаша е:Лк.8:6 а другое паде на камени, и прозяб усше, зане не имеяше влаги:
Лк.8:7 и другое паде посреде терния, и возрасте терние, и подави е:
Лк.8:8 другое же паде на земли блазе, и прозяб сотвори плод сторицею. Сия глаголя, возгласи: имеяй ушы слышати, да слышит.
Лк.8:9 Вопрошаху же Его ученицы Его, глаголюще: что есть притча сия?
Лк.8:10 Он же рече: вам есть дано ведати тайны Царствия Божия, прочым же в притчах, да видяще не видят и слышаще не разумеют.
Лк.8:11 Есть же сия притча: семя есть слово Божие:
Лк.8:12 а иже при пути, суть слышащии, потом (же) приходит диавол и вземлет слово от сердца их, да не веровавше спасутся:
Лк.8:13 а иже на камени, иже егда услышат, с радостию приемлют слово: и сии корене не имут, иже во время веруют, и во время напасти отпадают:
Лк.8:14 а еже в тернии падшее, сии суть слышавшии, и от печали и богатства и сластьми житейскими ходяще подавляются, и не совершают плода:
Лк.8:15 а иже на добрей земли, сии суть, иже добрым сердцем и благим слышавше слово, держат и плод творят в терпении. Сия глаголя, возгласи: имеяй ушы слышати, да слышит.
