Все тексты на сегодня представлены в соответствии с указаниями Типикона. Специальные чтения обозначены только для Великих и бденных праздников.
Порядок чтений: Четверг, 19 февраля 2026 г. (6 февраля ст.ст.)
Сырная седмица (масленица)
Прп. Вукола, еп. Смирнского (ок. 100)
Богослужебные указания для священно- и церковнослужителей
Евангельские и Апостольские чтения
На литургии
Апостол
Иуд.1:11 Горе им. Яко в путь Каинов поидоша, и в лесть Валаамовы мзды устремишася, и в пререкании Корреове погибоша.Иуд.1:12 Сии суть в любвах ваших сквернители, с вами ядуще, без боязни себе пасуще: облацы безводни, от ветр преносими: древеса есенна, безплодна, дважды умерша, искоренена.
Иуд.1:13 Волны свирепыя моря, воспеняющя своя стыдения: звезды прелестныя, имже мрак тьмы во веки блюдется.
Иуд.1:14 Пророчествова же и о сих седмый от Адама Енох, глаголя: се приидет Господь во тьмах святых Ангел Своих,
Иуд.1:15 сотворити суд о всех и изобличити всех нечестивых о всех делех нечестия их, имиже нечествоваша, и о всех жестоких словесех их, яже глаголаша Нань грешницы нечестивии.
Иуд.1:16 Сии суть ропотницы, укорители, (часть порочна,) в похотех своих ходяще нечестием и законопреступлением: и уста их глаголют прегордая: чудящеся лицам пользы ради.
Иуд.1:17 Вы же, возлюбленнии, поминайте глаголы преждереченныя от Апостол Господа нашего Иисуса Христа.
Иуд.1:18 Зане глаголаху вам, яко в последнее время будут ругатели, по своих похотех ходяще и нечестиих.
Иуд.1:19 Сии суть отделяюще себе (от единости веры, и суть) телесни, духа не имуще.
Иуд.1:20 Вы же, возлюбленнии, стою вашею верою назидающе себе, Духом Святым молящеся,
Иуд.1:21 сами себе в любви Божиеи соблюдайте, ждуще милости Господа нашего Иисуса Христа, в жизнь вечную.
Иуд.1:22 И овех убо милуйте разсуждающе.
Иуд.1:23 Овех же страхом спасайте, от огня восхищающе. Обличайте же с боязнию, ненавидяще и яже от плоти оскверненую ризу.
Иуд.1:24 Могущему же сохранити вы без греха и без скверны и поставити пред славою Своею непорочных в радости,
Иуд.1:25 Единому Премудрому Богу и Спасу нашему, Иисусом Христом Господем нашим, слава и величие, держава и власть, прежде всего века, и ныне, и во вся веки. Аминь.
Евангелие
Лк.23:1 И воставше все множество их, ведоша Его к Пилату,Лк.23:2 начаша же Нань вадити, глаголюще: Сего обретохом развращающа язык наш и возбраняюща кесареви дань даяти, глаголюща Себе Христа Царя быти.
Лк.23:3 Пилат же вопроси Его, глаголя: Ты ли еси Царь Иудеом? Он же отвещав рече ему: ты глаголеши.
Лк.23:4 Пилат же рече ко архиереом и народу: ни коеяже обретаю вины в человеце сем.
Лк.23:5 Они же крепляхуся глаголюще, яко развращает люди, учя по всей Иудеи, начен от Галилеи до зде.
Лк.23:6 Пилат же слышав Галилею, вопроси, аще человек Галилеанин есть?
Лк.23:7 И разумев, яко от области Иродовы есть, посла Его ко Ироду, сущу и тому во Иерусалиме в тыя дни.
Лк.23:8 Ирод же видев Иисуса рад бысть зело: бе бо желая от многа времене видети Его, зане слышаше многа о Нем: и надеяшеся знамение некое видети от Него бываемо:
Лк.23:9 вопрошаше же Его словесы многими: Он же ничесоже отвещаваше ему.
Лк.23:10 Стояху же архиерее и книжницы, прилежно вадяще Нань.
Лк.23:11 Укорив же Его Ирод с вои своими и поругався, оболк его в ризу светлу, возврати Его к Пилату.
Лк.23:12 Быста же друга Ирод же и Пилат в той день с собою: прежде бо беста вражду имуща между собою.
Лк.23:13 Пилат же созвав архиереи и князи и люди,
Лк.23:14 рече к ним: приведосте ми человека сего, яко развращающа люди: и се, аз пред вами истязав, ни единыя же обретаю в человеце сем вины, яже Нань вадите:
Лк.23:15 но ни Ирод: послах бо Его к нему, и се, ничтоже достойно смерти сотворено есть о Нем:
Лк.23:16 наказав убо Его отпущу.
Лк.23:17 Нужду же имяше на вся праздники отпущати им единаго.
Лк.23:18 Возопиша же вси народи, глаголюще: возми Сего, отпусти же нам Варавву.
Лк.23:19 Иже бе за некую крамолу бывшую во граде и убийство ввержен в темницу.
Лк.23:20 Паки же Пилат возгласи, хотя отпустити Иисуса.
Лк.23:21 Они же возглашаху, глаголюще: распни, распни Его.
Лк.23:22 Он же третицею рече к ним: что бо зло сотвори Сей? Ничесоже достойна смерти обретох в Нем: наказав убо Его отпущу.
Лк.23:23 Они же прилежаху гласы великими, просяще Его на распятие: и устояху гласи их и архиерейстии.
Лк.23:24 Пилат же посуди быти прошению их:
Лк.23:25 отпусти же бывшаго за крамолу и убийство всаждена в темницу, егоже прошаху: Иисуса же предаде воли их.
Лк.23:26 И яко поведоша Его, емше Симона некоего Киринеа, грядуща с села, возложиша нань крест нести по Иисусе.
Лк.23:27 Идяше же вслед Его народ мног людий, и жены, яже и плакахуся и рыдаху Его.
Лк.23:28 Обращься же к ним Иисус рече: дщери Иерусалимски, не плачитеся о Мне, обаче себе плачите и чад ваших:
Лк.23:29 яко се, дние грядут, в няже рекут: блажены неплоды, и утробы, яже не родиша, и сосцы, иже не доиша:
Лк.23:30 тогда начнут глаголати горам: падите на ны: и холмом: покрыйте ны:
Лк.23:31 зане, аще в сурове древе сия творят, в сусе что будет?
Лк.23:32 Ведяху же и ина два злодея с Ним убити.
Лк.23:33 И егда приидоша на место, нарицаемое Лобное, ту распяша Его и злодея, оваго убо о десную, а другаго о шуюю.
Лк.23:34 Иисус же глаголаше: Отче, отпусти им: не ведят бо что творят. Разделяюще же ризы Его, метаху жребия.
Лк.23:44 Бе же час яко шестый, и тма бысть по всей земли до часа девятаго:
Лк.23:45 и померче солнце, и завеса церковная раздрася посреде.
Лк.23:46 И возглашь гласом велиим Иисус, рече: Отче, в руце Твои предаю дух Мой. И сия рек издше.
Лк.23:47 Видев же сотник бывшее, прослави Бога, глаголя: воистинну человек сей праведен бе.
Лк.23:48 И вси пришедшии народи на позор сей, видяще бывающая, биюще перси своя возвращахуся.
Лк.23:49 Стояху же вси знаемии Его издалеча, и жены споследствовавшыя Ему от Галилеи, зрящя сия.
Лк.23:50 И се, муж именем Иосиф, советник сый, муж благ и праведен
Лк.23:51 сей не бе пристал совету и делу их, от Аримафеа града Иудейска, иже чаяше и сам Царствия Божия:
Лк.23:52 сей приступль к Пилату, проси телесе Иисусова:
Лк.23:53 и снем е обвит плащаницею, и положи е во гробе изсечене, в немже не бе никтоже никогдаже положен.
Лк.23:54 И день бе пяток, и суббота светаше.
Лк.23:55 Вслед же шедшыя жены, яже бяху пришли с Ним от Галилеи, видеша гроб, и яко положено бысть тело Его:
Лк.23:56 возвращшяся же уготоваша ароматы и миро: и в субботу убо умолчаша по заповеди.
