Все тексты на сегодня представлены в соответствии с указаниями Типикона. Специальные чтения обозначены только для Великих и бденных праздников.
Порядок чтений: Суббота, 21 декабря 2024 г. (8 декабря ст.ст.)
Седмица 26-я по Пятидесятнице
Прп. Патапия (VII)
Богослужебные указания для священно- и церковнослужителей
Евангельские и Апостольские чтения
На литургии
Апостол
Гал.3:8 Предувидевшее же Писание, яко от веры оправдает языки Бог, прежде благовествова Аврааму, яко благословятся о тебе вси языцы.Гал.3:9 Темже сущии от веры, благословятся с верным Авраамом:
Гал.3:10 елицы бо от дел закона суть, под клятвою суть. Писано бо есть: проклят всяк, иже не пребудет во всех писанных в книзе законней, яко творити я.
Гал.3:11 А яко в законе никтоже оправдается от Бога, яве, яко праведный от веры жив будет.
Гал.3:12 Закон же несть от веры: но сотворивый та человек жив будет в них.
Евангелие
Лк.13:18 Глаголаше же: кому подобно есть Царствие Божие? И кому уподоблю е?Лк.13:19 Подобно есть зерну горушну, еже приемь человек вверже в вертоград свой: и возрасте, и бысть древо велие, и птицы небесныя вселишася в ветвие его.
Лк.13:20 Паки рече: кому уподоблю Царствие Божие?
Лк.13:21 Подобно есть квасу, егоже приемши жена, скры в сатех триех муки, дондеже вскисе все.
Лк.13:22 И прохождаше сквозе грады и веси, учя и шествие творя во Иерусалим.
Лк.13:23 Рече же некий Ему: Господи, аще мало есть спасающихся? Он же рече к ним:
Лк.13:24 подвизайтеся внити сквозе тесная врата: яко мнози, глаголю вам, взыщут внити, и не возмогут.
Лк.13:25 Отнележе востанет дому владыка и затворит двери, и начнете вне стояти и ударяти в двери, глаголюще: Господи, Господи, отверзи нам. И отвещав речет вам: не вем вас, откуду есте.
Лк.13:26 Тогда начнете глаголати: ядохом пред Тобою и пихом, и на распутиих наших учил еси.
Лк.13:27 И речет: глаголю вам, не вем вас, откуду есте: отступите от Мене, вси делателие неправды.
Лк.13:28 Ту будет плачь и скрежет зубом, егда узрите Авраама и Исаака и Иакова и вся пророки во Царствии Божии, вас же изгонимых вон.
Лк.13:29 И приидут от восток и запад и севера и юга, и возлягут в Царствии Божии.
