Все тексты на сегодня представлены в соответствии с указаниями Типикона. Специальные чтения обозначены только для Великих и бденных праздников.
Порядок чтений: Пятница, 20 марта 2026 г. (7 марта ст.ст.)
Седмица 4-я Великого поста
Священномучеников, в Херсонесе епископствовавших: Василия, Ефрема, Капитона, Евгения, Еферия, Елпидия и Агафодора (IV)
Богослужебные указания для священно- и церковнослужителей
Евангельские и Апостольские чтения
На вечерне
Быт.12:1 И рече Господь Авраму: изыди от земли твоея, и от рода твоего, и от дому отца твоего, и иди в землю, юже ти покажу:Быт.12:2 и сотворю тя в язык велий, и благословлю тя, и возвеличу имя твое, и будеши благословен:
Быт.12:3 и благословлю благословящыя тя, и кленушыя тя проклену: и благословятся о тебе вся племена земная.
Быт.12:4 И иде Аврам, якоже глагола ему Господь, и идяше с ним Лот: Аврам же бе лет седмидесяти пяти, егда изыде от (земли) Харран.
Быт.12:5 И поят Аврам Сару жену свою, и Лота сына брата своего, и вся имения своя, елика стяжаша, и всякую душу, юже стяжаша в Харране: и изыдоша поити в землю Ханааню.
Быт.12:6 И пройде Аврам землю в долготу ея даже до места Сихем, до дуба Высокаго: Хананее же тогда живяху на земли (той).
Быт.12:7 И явися Господь Авраму и рече ему: семени твоему дам землю сию. И созда тамо Аврам жертвенник Господу явльшемуся ему.
Прит.14:15 Незлобивый веру емлет всякому словеси, коварный же приходит в раскаяние.
Прит.14:16 Премудр убоявся уклонится от зла, безумный же на себе надеявся смешавается со беззаконным.
Прит.14:17 Острояростный без совета творит, муж же мудрый многая терпит.
Прит.14:18 Разделяют безумнии злобу, коварнии же удержат чувство.
Прит.14:19 Поползнутся злии пред благими, и нечестивии послужат пред дверьми праведных.
Прит.14:20 Друзие возненавидят другов убогих: друзие же богатых мнози.
Прит.14:21 Безчестяй убогия согрешает, милуяй же нищыя блажен.
Прит.14:22 Заблуждающии (неправедницы) делают злая, милость же и истину делают благии. Не ведят милости и веры делателие злых: милостыни же и веры у делателей благих.
Прит.14:23 Во всяцем пекущемся есть изюбилие: любосластный же и безпечальный в скудости будет.
Прит.14:24 Венец премудрых богатство их, житие же безумных зло.
Прит.14:25 Избавит от злых душу свидетель верен, разжизает же лживая лестный.
Прит.14:26 Во страсе Господни упование крепости, чадом же Своим оставит утверждение (мира).
На 6-м часе
Ис.29:13 И рече Господь: приближаются Мне людие сии усты своими и устнами своими почитают Мя, сердце же их далече отстоит от Мене: всуе же почитают Мя, учаще заповедем человеческим и учением.Ис.29:14 Сего ради се, Аз приложу, еже преселити люди сия, и преставлю я, и погублю премудрость премудрых и разум разумных сокрыю.
Ис.29:15 Горе творящым глубоко совет, а не Господем: горе в тайне совет творящым, и будут во тме дела их, и рекут: кто ны виде, и кто ны уразумеет, яже мы творим?
Ис.29:16 Не якоже ли брение скудельника вменитеся? Еда речет здание создавшему е: не ты мя создал еси? Или творение сотворшему: не разумно мя сотворил еси?
Ис.29:17 Не еще ли мало, и приложится Ливан, аки гора Хермель, и Хермель в дубраву вменится?
Ис.29:18 И услышат в день оный глусии словеса книги (сея), и иже во тме и иже во мгле очи слепых узрят.
Ис.29:19 И возрадуются нищии ради Господа в веселии, и отчаявшиися человецы исполнятся веселия.
Ис.29:20 Изчезе беззаконник, и погибе гордый, и потребишася вси беззаконнующии во злобе
Ис.29:21 и творящии согрешати человеки во слове: всем же обличающым во вратех претыкание положат, понеже совратиша в неправдах праведнаго.
Ис.29:22 Сего ради тако глаголет Господь на дом Иаковль, егоже определи от Авраама: не ныне постыдится Иаков, ниже ныне лице свое изменит Израиль:
Ис.29:23 но егда увидят чада их дела Моя, Мене ради освятят имя Мое и освятят Святаго Иаковля, и Бога Израилева убоятся.
