Уставные тексты Евангелія и Апостола на завтра

Все тексты на завтра представлены в соответствии с указаниями Типикона. Специальные чтения обозначены только для Великих и бденных праздников.

Порядок чтений: Вторник, 22 сентября 2026 г. (9 сентября ст.ст.)
Седмица 17-я по Пятидесятнице
Прп. Иосифа, игумена Волоцкого, чудотворца (1515)
Праведных Богоотец Иоакима и Анны
Попразднство Рождества Пресвятой Богородицы
Мч. Севериана (320)
Обретение и перенесение мощей свт. Феодосия, архиеп. Черниговского (1896)

Богослужебные указания для священно- и церковнослужителей

Евангельские и Апостольские чтения

На литургии

Апостол
Еф.2:19 Темже убо ктому несте странни и пришелцы, но сожителе святым и приснии Богу,
Еф.2:20 наздани бывше на основании Апостол и пророк, сущу краеугольну Самому Иисусу Христу,
Еф.2:21 о немже всяко создание составляемо растет в церковь святую о Господе:
Еф.2:22 о немже и вы созидаетеся в жилище Божие Духом.
Еф.3:1 Сего ради аз Павел юзник Иисус Христов о вас языцех.
Еф.3:2 Аще убо слышасте смотрение благодати Божия данныя мне в вас,
Еф.3:3 яко по откровению сказася мне тайна, якоже преднаписах вмале:
Еф.3:4 о немже можете чтуще разумети разум мой в тайне Христове,
Еф.3:5 яже во инех родех не сказася сыном человеческим, якоже ныне открыся святым Его Апостолом и пророком Духом Святым:
Еф.3:6 яко быти языком снаследником и стелесником и спричастником обетования Его о Христе Иисусе, благовествованием,
Еф.3:7 емуже бых служитель по дару благодати Божия, данныя мне по действу силы Его.
Евангелие
Мк.11:11 И вниде во Иерусалим Иисус и в церковь: и соглядав вся, позде уже сущу часу, изыде в Вифанию со обеманадесяте.
Мк.11:12 И наутрие изшедшым им от Вифании, взалка:
Мк.11:13 и видев смоковницу издалеча, имущу листвие, прииде, аще убо что обрящет на ней: и пришед к ней, ничесоже обрете, токмо листвие: не у бо бе время смоквам.
Мк.11:14 И отвещав Иисус рече ей: да не ктому от тебе во веки никтоже плода снесть. И слышаху ученицы Его.
Мк.11:15 И приидоша (паки) во Иерусалим. И вшед Иисус в церковь, начат изгонити продающыя и купующыя в церкви: и трапезы торжником и седалища продающих голуби испроверже:
Мк.11:16 и не даяше, да кто мимонесет сосуд сквозе церковь.
Мк.11:17 И учаше, глаголя им: несть ли писано, яко храм Мой храм молитвы наречется всем языком? Вы же сотвористе его вертеп разбойником.
Мк.11:18 И слышаша книжницы и архиерее, и искаху, како Его погубят: бояхубося Его, яко весь народ дивляшеся о учении Его.
Мк.11:19 И яко позде бысть, исхождаше вон из града.
Мк.11:20 И утро мимоходяще, видеша смоковницу изсохшу из корения.
Мк.11:21 И воспомянув Петр глагола Ему: Равви, виждь, смоковница, юже проклял еси, усше.
Мк.11:22 И отвещав Иисус глагола им:
Мк.11:23 имейте веру Божию: аминь бо глаголю вам, яко, иже аще речет горе сей: двигнися и верзися в море: и не размыслит в сердцы своем, но веру имет, яко еже глаголет, бывает: будет ему, еже аще речет: