Уставные тексты Евангелія и Апостола на завтра

Все тексты на завтра представлены в соответствии с указаниями Типикона. Специальные чтения обозначены только для Великих и бденных праздников.

Порядок чтений: Воскресенье, 3 мая 2026 г. (20 апреля ст.ст.)
Неделя 4-я по Пасхе
Неделя о расслабленом. День кончины Святейшего Патриарха Пимена.
Прав. Тавифы (I)
Перенесение мощей мч. Авраамия Болгарского (1230)
Прп. Феодора Трихины (400)

Богослужебные указания для священно- и церковнослужителей

Евангельские и Апостольские чтения

На утрени

Лк.24:1 Во едину же от суббот зело рано приидоша на гроб, носящя яже уготоваша ароматы: и другия с ними:
Лк.24:2 обретоша же камень отвален от гроба,
Лк.24:3 и вшедшя не обретоша телесе Господа Иисуса.
Лк.24:4 И бысть не домышляющымся им о сем, и се, мужа два стаста пред ними в ризах блещащихся.
Лк.24:5 Пристрашным же бывшым им и поклоньшым лица на землю, рекоста к ним: что ищете живаго с мертвыми?
Лк.24:6 Несть зде, но воста: помяните, якоже глагола вам, еще сый в Галилеи,
Лк.24:7 глаголя, яко подобает Сыну Человеческому предану быти в руце человек грешник, и пропяту быти, и в третий день воскреснути.
Лк.24:8 И помянуша глаголголы Его,
Лк.24:9 и возвращшяся от гроба, возвестиша вся сия единомунадесяте и всем прочым.
Лк.24:10 Бяше же Магдалина Мариа и Иоанна и Мариа Иаковля, и прочыя с ними, яже глаголаху ко Апостолом сия.
Лк.24:11 И явишася пред ними яко лжа глаголы их, и не вероваху им.
Лк.24:12 Петр же востав тече ко гробу и приник виде ризы едины лежащя: и отиде, в себе дивяся бывшему.

На литургии

Апостол
Деян.9:32 И бысть Петру, посещающу всех, снити и ко святым живущым в Лидде:
Деян.9:33 обрете же тамо человека некоего, именем Енеа, от осми лет лежаща на одре, иже бе разслаблен.
Деян.9:34 И рече ему Петр: Енее, исцеляет тя Иисус Христос: востани с постели твоея. И абие воста:
Деян.9:35 и видеша его вси живущии в Лидде и во Ассароне, иже обратишася ко Господу.
Деян.9:36 Во Июппии же бе некая ученица, именем Тавифа, яже сказаема глаголется серна: сия бяше исполнена благих дел и милостынь, яже творяше.
Деян.9:37 Бысть же во дни тыя, болевшей ей умрети: омывше же ю, положиша в горнице.
Деян.9:38 Близ же сущей Лидде Июппии, ученицы слышавше, яко Петр есть в ней, послаша два мужа к нему, моляще его не обленитися приити до них.
Деян.9:39 Востав же Петр иде с нима: егоже пришедша возведоша в горницу, и предсташа ему вся вдовицы плачущя и показующя ризы и одежды, елика творяше, с ними сущи, Серна.
Деян.9:40 Изгнав же вон вся Петр, преклонь колена помолися, и обращься к телу, рече: Тавифо, востани. Она же отверзе очи свои, и видевши Петра, седе.
Деян.9:41 Подав же ей руку, воздвиже ю, и призвав святыя и вдовицы, постави ю живу.
Деян.9:42 Уведано же бысть се по всей Июппии, и мнози вероваша в Господа.
Евангелие
Ин.5:1 По сих (же) бе праздник Иудейский, и взыде Иисус во Иерусалим.
Ин.5:2 Есть же во Иерусалимех Овчая купель, яже глаголется еврейски Вифесда, пять притвор имущи:
Ин.5:3 в тех слежаше множество болящих, слепых, хромых, сухих, чающих движения воды:
Ин.5:4 Ангел бо Господень на (всяко) лето схождаше в купель и возмущаше воду: (и) иже первее влазяше по возмущении воды, здрав бываше, яцем же недугом одержимь бываше.
Ин.5:5 Бе же ту некий человек, тридесять и осмь лет имый в недузе (своем).
Ин.5:6 Сего видев Иисус лежаща и разумев, яко многа лета уже имяше (в недузе), глагола ему: хощеши ли цел быти?
Ин.5:7 Отвеща Ему недужный: ей, Господи, человека не имам, да, егда возмутится вода, ввержет мя в купель: егда же прихожду аз, ин прежде мене слазит.
Ин.5:8 Глагола ему Иисус: востани, возми одр твой и ходи.
Ин.5:9 И абие здрав бысть человек: и взем одр свой и хождаше. Бе же суббота в той день.
Ин.5:10 Глаголаху же Жидове исцелевшему: суббота есть, и не достоит ти взяти одра (твоего).
Ин.5:11 Он (же) отвеща им: Иже мя сотвори цела, Той мне рече: возми одр твой и ходи.
Ин.5:12 Вопросиша же его: кто есть Человек рекий ти: возми одр твой и ходи?
Ин.5:13 Изцелевый же не ведяше, Кто есть: Иисус бо уклонися, народу сущу на месте.
Ин.5:14 Потом (же) обрете его Иисус в церкви и рече ему: се, здрав еси: ктому не согрешай, да не горше ти что будет.
Ин.5:15 Иде (же) человек и поведа Иудеом, яко Иисус есть, иже мя сотвори цела.