Все тексты на завтра представлены в соответствии с указаниями Типикона. Специальные чтения обозначены только для Великих и бденных праздников.
Порядок чтений: Пятница, 13 марта 2026 г. (28 февраля ст.ст.)
Седмица 3-я Великого поста
Прп. Василия исповедника (ок. 750)
Богослужебные указания для священно- и церковнослужителей
Евангельские и Апостольские чтения
На вечерне
Быт.8:4 И седе ковчег в месяц седмый, в двадесять седмый день месяца, на горах Араратских.Быт.8:5 Вода же уходящи умаляшеся даже до десятаго месяца: и в десятый месяц, в первый день месяца явишася верси гор.
Быт.8:6 И бысть до четыредесятих днех отверзе Ное оконце ковчега, еже сотвори,
Быт.8:7 и посла врана (видети, аще уступила вода от лица земли): и изшед не возвратися, дондеже изсяче вода от земли.
Быт.8:8 И посла голубицу по нем видети, аще уступила вода от лица земли:
Быт.8:9 и не обретши голубица покоя ногама своима, возвратися к нему в ковчег, яко вода бяше по всему лицу всея земли: и простер руку свою, прият ю и внесе ю к себе в ковчег.
Быт.8:10 И премедлив еще седмь дний, паки посла голубицу из ковчега.
Быт.8:11 И возвратися к нему голубица к вечеру, и имеяше сучец масличен с листвием во устех своих: и позна Ное, яко уступи вода от лица земли.
Быт.8:12 И премедлив еще седмь дний других, паки посла голубицу, и не приложи возвратитися к нему потом.
Быт.8:13 И бысть в первое и шестьсотное лето жития Ноева, в первый день перваго месяца, изсяче вода от лица земли: и откры Ное покров ковчега, егоже сотвори, и виде, яко изсяче вода от лица земли.
Быт.8:14 В месяц же вторый, в двадесять седмый день месяца изсше земля.
Быт.8:15 И рече Господь Бог Ноеви, глаголя:
Быт.8:16 изыди из ковчега ты и жена твоя, и сынове твои и жены сынов твоих с тобою:
Быт.8:17 и вся звери, елицы суть с тобою, и всяку плоть от птиц даже до скотов, и всяк гад движущийся по земли изведи с собою: и раститеся и множитеся на земли.
Быт.8:18 И изыде Ное и жена его, и сынове его и жены сынов его с ним,
Быт.8:19 и вси зверие, и вси скоти, и вся птицы и вси гади движущиися по роду своему на земли изыдоша из ковчега.
Быт.8:20 И созда Ное жертвенник Господеви: и взя от всех скотов чистых и от всех птиц чистых и вознесе во всесожжение на жертвенник.
Быт.8:21 И обоня Господь воню благоухания. И рече Господь Бог размыслив: не приложу ктому прокляти землю за дела человеческая, зане прилежит помышление человеку прилежно на злая от юности его: не приложу убо ктому поразити всякую плоть живущую, якоже сотворих:
Прит.10:31 Уста праведнаго каплют премудрость, язык же неправеднаго погибнет:
Прит.10:32 устне мужей праведных каплют благодати, уста же нечестивых развращаются.
Прит.11:1 Мерила льстивая мерзость пред Господем, вес же праведный приятен Ему.
Прит.11:2 Идеже аще внидет досаждение, тамо и безчестие: уста же смиренных поучаются премудрости.
Прит.11:3 Умираяй праведник остави раскаяние, удобна же бывает и посмеятелна нечестивых погибель.
Прит.11:4 Совершенство правых наставит их, и поползновение отрицающихся пленит их. Не упользуют имения в день ярости: правда же избавит от смерти.
Прит.11:5 Правда непорочнаго исправляет пути, нечестие же впадает в неправду.
Прит.11:6 Правда мужей правых избавит их, безсоветием же уловляются беззаконнии.
Прит.11:7 Скончавшуся мужу праведну, не погибнет надежда: похвала же нечестивых погибнет.
Прит.11:8 Праведный от лова убегнет, в негоже место предается нечестивый.
Прит.11:9 Во устех нечестивых сеть гражданом, чувство же праведных благопоспешно.
Прит.11:10 Во благих праведных исправится град, и в погибели нечестивых радование.
Прит.11:11 В благословении правых возвысится град, усты же нечестивых раскопается.
Прит.11:12 Ругается гражданом лишенный разума, муж же мудр безмолвие водит.
На 6-м часе
Ис.13:2 На горе польней воздвигните знамение, вознесите глас им, не бойтеся, поущайте рукою, отверзите, князи.Ис.13:3 Аз повелеваю, освященни суть: и Аз веду их, исполини идут исполнити ярость Мою радующеся, вкупе и укаряюще.
Ис.13:4 Глас языков многих на горах, подобен языков многих, глас царей и языков собравшихся: Господь Саваоф заповеда языку оружеборцу
Ис.13:5 приити от земли издалеча, от края основания небесе, Господь и оружеборцы Его, растлити всю вселенную.
Ис.13:6 Рыдайте: близ бо день Господень, и сокрушение от Бога приидет:
Ис.13:7 сего ради всяка рука разслабеет, и всяка душа человеча убоится,
Ис.13:8 и смятутся послы, и болезни приимут я яко жены раждающия: и поскорбят друг ко другу, и ужаснутся, и лице свое яко пламень изменят.
Ис.13:9 Се бо, день Господень грядет неизцельный, ярости и гнева, положити вселенную (всю) пусту и грешники погубити от нея.
Ис.13:10 Звезды бо небесныя и орион и все украшение небесное света своего не дадят, и помрачится солнце возсиявающее, и луна не даст света своего.
Ис.13:11 И заповем всей вселенней злая и нечестивым грехи их, и погублю укоризну беззаконных и укоризну гордых смирю:
Ис.13:12 и будут оставшии честнии паче, нежели злато нежженое, и человек честен будет паче, нежели камень, иже от Суфира.
Ис.13:13 Разярится бо небо, и земля потрясется от оснований своих, за ярость гнева Господа Саваофа в день, в оньже приидет ярость Его.
