Все тексты на сегодня представлены в соответствии с указаниями Типикона. Специальные чтения обозначены только для Великих и бденных праздников.

Порядок чтений Псалтири святого пророка и царя Давида
Пятница, 26 апреля 2024 г. (13 апреля ст.ст.)
Седмица 6-я Великого поста (седмица ваий)
Сщмч. Артемона, пресвитера Лаодикийского (303)

Богослужебные указания для священно- и церковнослужителей

Пс.134:1 Хвалите имя Господне, хвалите, раби Господа,
Пс.134:2 стоящии во храме Господни, во дворех дому Бога нашего.
Пс.134:3 Хвалите Господа, яко благ Господь: пойте имени Его, яко добро:
Пс.134:4 яко Иакова избра Себе Господь, Израиля в достояние Себе:
Пс.134:5 яко аз познах, яко велий Господь, и Господь наш над всеми боги:
Пс.134:6 вся, елика восхоте Господь, сотвори на небеси и на земли, в морях и во всех безднах.
Пс.134:7 Возводя облаки от последних земли, молнии в дождь сотвори, изводяй ветры от сокровищ Своих.
Пс.134:8 Иже порази первенцы Египетския от человека до скота:
Пс.134:9 посла знамения и чудеса посреде тебе, Египте, на фараона и на вся рабы его.
Пс.134:10 Иже порази языки многи и изби цари крепки:
Пс.134:11 Сиона царя Аморрейска и Ога царя Васанска, и вся царствия Ханаанска:
Пс.134:12 и даде землю их достояние, достояние Израилю людем Своим.
Пс.134:13 Господи, имя Твое в век, и память Твоя в род и род:
Пс.134:14 яко судити имать Господь людем Своим, и о рабех Своих умолится.
Пс.134:15 Идоли язык сребро и злато, дела рук человеческих:
Пс.134:16 уста имут, и не возглаголют: очи имут, и не узрят:
Пс.134:17 уши имут, и не услышат: ниже бо есть дух во устех их.
Пс.134:18 Подобни им да будут творящии я и вси надеющиися на ня.
Пс.134:19 Доме Израилев, благословите Господа: доме Ааронь, благословите Господа: доме Левиин, благословите Господа:
Пс.134:20 боящиися Господа, благословите Господа.
Пс.134:21 Благословен Господь от Сиона, живый во Иерусалиме.
Пс.135:1 Исповедайтеся Господеви, яко благ: яко в век милость Его.
Пс.135:2 Исповедайтеся Богу богов: яко в век милость Его.
Пс.135:3 Исповедайтеся Господеви господей: яко в век милость Его.
Пс.135:4 Сотворшему чудеса велия единому: яко в век милость Его.
Пс.135:5 Сотворшему небеса разумом: яко в век милость Его.
Пс.135:6 Утвердившему землю на водах: яко в век милость Его.
Пс.135:7 Сотворшему светила велия единому: яко в век милость Его:
Пс.135:8 солнце во область дне: яко в век милость Его:
Пс.135:9 луну и звезды во область нощи: яко в век милость Его.
Пс.135:10 Поразившему Египта с первенцы его: яко в век милость Его:
Пс.135:11 и изведшему Израиля от среды их: яко в век милость Его:
Пс.135:12 рукою крепкою и мышцею высокою: яко в век милость Его.
Пс.135:13 Раздельшему Чермное море в разделения: яко в век милость Его:
Пс.135:14 и проведшему Израиля посреде его: яко в век милость Его:
Пс.135:15 и истрясшему фараона и силу его в море Чермное: яко в век милость Его.
Пс.135:16 Проведшему люди Своя в пустыни: яко в век милость Его.
Пс.135:17 Поразившему цари велия: яко в век милость Его.
Пс.135:18 И убившему цари крепкия: яко в век милость Его:
Пс.135:19 Сиона царя Аморрейска: яко в век милость Его:
Пс.135:20 и Ога царя Васанска: яко в век милость Его.
Пс.135:21 И давшему землю их достояние: яко в век милость Его:
Пс.135:22 достояние Израилю рабу Своему: яко в век милость Его.
Пс.135:23 Яко во смирении нашем помяну ны Господь: яко в век милость Его.
Пс.135:24 И избавил ны есть от врагов наших: яко в век милость Его:
Пс.135:25 даяй пищу всякой плоти: яко в век милость Его.
Пс.135:26 Исповедайтеся Богу небесному: яко в век милость Его.
Пс.136:1 На реках Вавилонских, тамо седохом и плакахом, внегда помянути нам Сиона:
Пс.136:2 на вербиих посреде его обесихом органы нашя.
Пс.136:3 Яко тамо вопросиша ны пленшии нас о словесех песней, и ведшии нас о пении: воспойте нам от песней Сионских.
Пс.136:4 Како воспоем песнь Господню на земли чуждей?
Пс.136:5 Аще забуду тебе, Иерусалиме, забвена буди десница моя.
Пс.136:6 Прильпни язык мой гортани моему, аще не помяну тебе, аще не предложу Иерусалима, яко в начале веселия моего.
Пс.136:7 Помяни, Господи, сыны Едомския в день Иерусалимль глаголющыя: истощайте, истощайте до оснований его.
Пс.136:8 Дщи Вавилоня окаянная, блажен, иже воздаст тебе воздаяние твое, еже воздала еси нам:
Пс.136:9 блажен, иже имет и разбиет младенцы твоя о камень.
Пс.137:1 Исповемся Тебе, Господи, всем сердцем моим, и пред ангелы воспою Тебе, яко услышал еси вся глаголы уст моих:
Пс.137:2 поклонюся ко храму святому Твоему и исповемся имени Твоему о милости Твоей и истине Твоей, яко возвеличил еси над всем имя Твое святое.
Пс.137:3 В оньже аще день призову Тя, скоро услыши мя: умножиши мя в души моей силою Твоею.
Пс.137:4 Да исповедятся Тебе, Господи, вси царие земстии, яко услышаша вся глаголы уст Твоих:
Пс.137:5 и да воспоют в путех Господних, яко велия слава Господня:
Пс.137:6 яко высок Господь, и смиренныя призирает, и высокая издалеча весть.
Пс.137:7 Аще пойду посреде скорби, живиши мя: на гнев враг моих простерл еси руку Твою, и спасе мя десница Твоя.
Пс.137:8 Господь воздаст за мя: Господи, милость Твоя во век: дел руку Твоею не презри.
Пс.138:1 Господи, искусил мя еси и познал мя еси: ты познал еси седание мое и востание мое.
Пс.138:2 Ты разумел еси помышления моя издалеча:
Пс.138:3 стезю мою и уже мое Ты еси изследовал и вся пути моя провидел еси.
Пс.138:4 Яко несть льсти в языце моем: се, Господи, Ты познал еси
Пс.138:5 вся последняя и древняя: Ты создал еси мя и положил еси на мне руку Твою.
Пс.138:6 Удивися разум Твой от мене, утвердися, не возмогу к нему.
Пс.138:7 Камо пойду от Духа Твоего? И от лица Твоего камо бежу?
Пс.138:8 Аще взыду на небо, Ты тамо еси: аще сниду во ад, тамо еси.
Пс.138:9 Аще возму криле мои рано и вселюся в последних моря,
Пс.138:10 и тамо бо рука Твоя наставит мя, и удержит мя десница Твоя.
Пс.138:11 И рех: еда тма поперет мя? И нощь просвещение в сладости моей.
Пс.138:12 Яко тма не помрачится от Тебе, и нощь яко день просветится: яко тма ея, тако и свет ея.
Пс.138:13 Яко Ты создал еси утробы моя, восприял мя еси из чрева матере моея.
Пс.138:14 Исповемся Тебе, яко страшно удивился еси: чудна дела Твоя, и душа моя знает зело.
Пс.138:15 Не утаися кость моя от Тебе, юже сотворил еси в тайне, и состав мой в преисподних земли.
Пс.138:16 Несоделанное мое видесте очи Твои, и в книзе Твоей вси напишутся: во днех созиждутся, и никтоже в них.
Пс.138:17 Мне же зело честни быша друзи Твои, Боже, зело утвердишася владычествия их:
Пс.138:18 изочту их, и паче песка умножатся: востах, и еще есмь с Тобою.
Пс.138:19 Аще избиеши грешники, Боже: мужие кровей, уклонитеся от мене.
Пс.138:20 Яко ревниви есте в помышлениих, приимут в суету грады Твоя.
Пс.138:21 Не ненавидящыя ли Тя, Господи, возненавидех, и о вразех Твоих истаях?
Пс.138:22 Совершенною ненавистию возненавидех я: во враги быша ми.
Пс.138:23 Искуси мя, Боже, и увеждь сердце мое: истяжи мя и разумей стези моя:
Пс.138:24 и виждь, аще путь беззакония во мне, и настави мя на путь вечен.
Пс.139:1 В конец, псалом Давиду.
Пс.139:2 Изми мя, Господи, от человека лукава, от мужа неправедна избави мя:
Пс.139:3 иже помыслиша неправду в сердцы, весь день ополчаху брани:
Пс.139:4 изостриша язык свой яко змиин: яд аспидов под устнами их.
Пс.139:5 Сохрани мя, Господи, из руки грешничи, от человек неправедных изми мя, иже помыслиша запяти стопы моя.
Пс.139:6 Скрыша гордии сеть мне и ужы, препяша сеть ногама моима: при стези соблазны положиша ми.
Пс.139:7 Рех Господеви: Бог мой еси Ты, внуши, Господи, глас моления моего.
Пс.139:8 Господи, Господи, сило спасения моего, осенил еси над главою моею в день брани.
Пс.139:9 Не предаждь мене, Господи, от желания моего грешнику: помыслиша на мя, не остави мене, да не когда вознесутся.
Пс.139:10 Глава окружения их, труд устен их покрыет я.
Пс.139:11 Падут на них углия огненная, низложиши я во страстех, и не постоят.
Пс.139:12 Муж язычен не исправится на земли: мужа неправедна злая уловят во истление.
Пс.139:13 Познах, яко сотворит Господь суд нищым и месть убогим.
Пс.139:14 Обаче праведнии исповедятся имени Твоему, и вселятся правии с лицем Твоим.
Пс.140:1 Господи, воззвах к Тебе, услыши мя: вонми гласу моления моего, внегда воззвати ми к Тебе.
Пс.140:2 Да исправится молитва моя яко кадило пред Тобою: воздеяние руку моею, жертва вечерняя.
Пс.140:3 Положи, Господи, хранение устом моим и дверь ограждения о устнах моих.
Пс.140:4 Не уклони сердце мое в словеса лукавствия, непщевати вины о гресех с человеки делающими беззаконие: и не сочтуся со избранными их.
Пс.140:5 Накажет мя праведник милостию и обличит мя, елей же грешнаго да не намастит главы моея: яко еще и молитва моя во благоволениих их.
Пс.140:6 Пожерты быша при камени судии их: услышатся глаголи мои, яко возмогоша.
Пс.140:7 Яко толща земли проседеся на земли, расточишася кости их при аде.
Пс.140:8 Яко к Тебе, Господи, Господи, очи мои: на Тя уповах, не отыми душу мою:
Пс.140:9 сохрани мя от сети, юже составиша ми, и от соблазн делающих беззаконие.
Пс.140:10 Падут во мрежу свою грешницы: един есмь аз, дондеже прейду.
Пс.141 Разума Давиду, внегда быти ему в вертепе молящемуся.
Пс.141:1 Гласом моим ко Господу воззвах, гласом моим ко Господу помолихся.
Пс.141:2 Пролию пред Ним моление мое, печаль мою пред ним возвещу.
Пс.141:3 Внегда изчезати от мене духу моему, и ты познал еси стези моя: на пути сем, по немуже хождах, скрыша сеть мне.
Пс.141:4 Сматрях одесную и возглядах, и не бе знаяй мене: погибе бегство от мене, и несть взыскаяй душу мою.
Пс.141:5 Воззвах к Тебе, Господи, рех: Ты еси упование мое, часть моя еси на земли живых.
Пс.141:6 Вонми молению моему, яко смирихся зело: избави мя от гонящих мя, яко укрепишася паче мене.
Пс.141:7 Изведи из темницы душу мою, исповедатися имени твоему: мене ждут праведницы, дондеже воздаси мне.
Пс.142:1 Господи, услыши молитву мою, внуши моление мое во истине Твоей, услыши мя в правде Твоей:
Пс.142:2 и не вниди в суд с рабом Твоим, яко не оправдится пред Тобою всяк живый.
Пс.142:3 Яко погна враг душу мою: смирил есть в землю живот мой: посадил мя есть в темных, яко мертвыя века.
Пс.142:4 И уны во мне дух мой, во мне смятеся сердце мое.
Пс.142:5 Помянух дни древния, поучихся во всех делех Твоих, в творениих руку Твоею поучахся.
Пс.142:6 Воздех к Тебе руце мои: душа моя яко земля безводная Тебе.
Пс.142:7 Скоро услыши мя, Господи, изчезе дух мой: не отврати лица Твоего от мене, и уподоблюся низходящым в ров.
Пс.142:8 Слышану сотвори мне заутра милость Твою, яко на Тя уповах: скажи мне, Господи, путь, в оньже пойду, яко к Тебе взях душу мою.
Пс.142:9 Изми мя от враг моих, Господи, к Тебе прибегох.
Пс.142:10 Научи мя творити волю Твою, яко Ты еси Бог мой: Дух Твой благий наставит мя на землю праву.
Пс.142:11 Имене Твоего ради, Господи, живиши мя правдою Твоею: изведеши от печали душу мою:
Пс.142:12 и милостию Твоею потребиши враги моя и погубиши вся стужающыя души моей: яко аз раб Твой есмь.

Пс.9:1 В конец, о тайных сына, псалом Давиду.
Пс.9:2 Исповемся Тебе, Господи, всем сердцем моим, повем вся чудеса Твоя.
Пс.9:3 Возвеселюся и возрадуюся о Тебе, пою имени Твоему, Вышний.
Пс.9:4 Внегда возвратитися врагу моему вспять, изнемогут и погибнут от лица Твоего.
Пс.9:5 Яко сотворил еси суд мой и прю мою: сел еси на престоле, судяй правду.
Пс.9:6 Запретил еси языком, и погибе нечестивый: имя его потребил еси в век и в век века.
Пс.9:7 Врагу оскудеша оружия в конец, и грады разрушил еси: погибе память его с шумом.
Пс.9:8 И Господь во век пребывает, уготова на суд престол Свой:
Пс.9:9 и Той судити имать вселенней в правду, судити имать людем в правоте.
Пс.9:10 И бысть Господь прибежище убогому, помощник во благовремениих, в скорбех.
Пс.9:11 И да уповают на Тя знающии имя Твое, яко не оставил еси взыскающих Тя, Господи.
Пс.9:12 Пойте Господеви, живущему в Сионе, возвестите во языцех начинания Его:
Пс.9:13 яко взыскаяй крови их помяну, не забы звания убогих.
Пс.9:14 Помилуй мя, Господи, виждь смирение мое от враг моих, возносяй мя от врат смертных:
Пс.9:15 яко да возвещу вся хвалы Твоя во вратех дщере Сиони: возрадуемся о спасении Твоем.
Пс.9:16 Углебоша языцы в пагубе, юже сотвориша: в сети сей, юже скрыша, увязе нога их.
Пс.9:17 Знаемь есть Господь судьбы творяй: в делех руку своею увязе грешник.
Пс.9:18 Да возвратятся грешницы во ад, вси языцы забывающии Бога.
Пс.9:19 Яко не до конца забвен будет нищий, терпение убогих не погибнет до конца.
Пс.9:20 Воскресни, Господи, да не крепится человек, да судятся языцы пред Тобою.
Пс.9:21 Постави, Господи, законоположителя над ними, да разумеют языцы, яко человецы суть.
Пс.9:22 Вскую, Господи, отстоя далече, презираеши во благовремениих, в скорбех?
Пс.9:23 Внегда гордитися нечестивому, возгарается нищий: увязают в советех, яже помышляют.
Пс.9:24 Яко хвалимь есть грешный в похотех души своея, и обидяй благословимь есть.
Пс.9:25 Раздражи Господа грешный: по множеству гнева своего не взыщет: несть Бога пред ним.
Пс.9:26 Оскверняются путие его на всяко время: отъемлются судьбы Твоя от лица его: всеми враги своими обладает.
Пс.9:27 Рече бо в сердцы своем: не подвижуся от рода в род без зла:
Пс.9:28 егоже клятвы уста его полна суть, и горести и льсти: под языком его труд и болезнь.
Пс.9:29 Приседит в ловителстве с богатыми в тайных, еже убити неповиннаго: очи его на нищаго призираете.
Пс.9:30 Ловит в тайне яко лев во ограде своей, ловит еже восхитити нищаго, внегда привлещи и в сети своей.
Пс.9:31 Смирит его: преклонится и падет, внегда ему обладати убогими.
Пс.9:32 Рече бо в сердцы своем: забы Бог, отврати лице Свое, да не видит до конца.
Пс.9:33 Воскресни, Господи Боже мой, да вознесется рука Твоя, не забуди убогих Твоих до конца.
Пс.9:34 Чесо ради прогнева нечестивый Бога? Рече бо в сердцы своем: не взыщет.
Пс.9:35 Видиши, яко Ты болезнь и ярость смотряеши, да предан будет в руце Твои: тебе оставлен есть нищий, сиру Ты буди помощник.
Пс.9:36 Сокруши мышцу грешному и лукавому: взыщется грех его и не обрящется.
Пс.9:37 Господь царь во век и в век века: погибнете, языцы, от земли Его.
Пс.9:38 Желание убогих услышал еси, Господи, уготованию сердца их внят ухо Твое.
Пс.9:39 Суди сиру и смирену, да не приложит ктому величатися человек на земли.
Пс.10 В конец, псалом Давиду.
Пс.10:1 На Господа уповах, како речете души моей: превитай по горам, яко птица?
Пс.10:2 Яко се, грешницы налякоша лук, уготоваша стрелы в туле, состреляти во мраце правыя сердцем.
Пс.10:3 Зане яже Ты совершил еси, они разрушиша: праведник же что сотвори?
Пс.10:4 Господь во храме святем Своем. Господь, на небеси престол Его: очи Его на нищаго призираете, вежди Его испытаете сыны человеческия.
Пс.10:5 Господь испытает праведнаго и нечестиваго: любяй же неправду ненавидит свою душу.
Пс.10:6 Одождит на грешники сети: огнь и жупел, и дух бурен часть чаши их.
Пс.10:7 Яко праведен Господь и правды возлюби: правоты виде лице Его.
Пс.11:1 В конец, о осмей, псалом Давиду.
Пс.11:2 Спаси мя, Господи, яко оскуде преподобный: яко умалишася истины от сынов человеческих.
Пс.11:3 Суетная глагола кийждо ко искреннему своему: устне льстивыя в сердцы, и в сердцы глаголаша злая.
Пс.11:4 Потребит Господь вся устны льстивыя, язык велеречивый,
Пс.11:5 рекшыя: язык наш возвеличим, устны наша при нас суть: кто нам господь есть?
Пс.11:6 Страсти ради нищих и воздыхания убогих ныне воскресну, глаголет Господь: положуся во спасение, не обинюся о нем.
Пс.11:7 Словеса Господня словеса чиста, сребро разжжено, искушено земли, очищено седмерицею.
Пс.11:8 Ты, Господи, сохраниши ны и соблюдеши ны от рода сего и во век.
Пс.11:9 Окрест нечестивии ходят: по высоте твоей умножил еси сыны человеческия.
Пс.12:1 В конец, псалом Давиду.
Пс.12:2 Доколе, Господи, забудеши мя до конца? Доколе отвращаеши лице Твое от мене?
Пс.12:3 Доколе положу советы в души моей, болезни в сердцы моем день и нощь? Доколе вознесется враг мой на мя?
Пс.12:4 Призри, услыши мя, Господи Боже мой: просвети очи мои, да не когда усну в смерть:
Пс.12:5 да не когда речет враг мой: укрепихся на него. Стужающии ми возрадуются, аще подвижуся.
Пс.12:6 (12:7) Аз же на милость Твою уповах: возрадуется сердце мое о спасении Твоем: воспою Господеви благодеявшему мне и пою имени Господа Вышняго.
Пс.13:1 Рече безумен в сердцы своем: несть Бог. Растлеша и омерзишася в начинаниих: несть творяй благостыню.
Пс.13:2 Господь с небесе приниче на сыны человеческия, видети, аще есть разумеваяй, или взыскаяй Бога.
Пс.13:3 Вси уклонишася, вкупе неключими быша: несть творяй благостыню, несть до единаго.
Пс.13:4 Ни ли уразумеют вси делающии беззаконие, снедающии люди моя в снедь хлеба? Господа не призваша.
Пс.13:5 Тамо убояшася страха, идеже не бе страх: яко Господь в роде праведных.
Пс.13:6 Совет нищаго посрамисте: Господь же упование его есть.
Пс.13:7 Кто даст от Сиона спасение Израилево? Внегда возвратит Господь пленение людий своих, возрадуется Иаков, и возвеселится Израиль.
Пс.14:1 Господи, кто обитает в жилищи Твоем? Или кто вселится во святую гору Твою?
Пс.14:2 Ходяй непорочен и делаяй правду, глаголяй истину в сердцы своем:
Пс.14:3 иже не ульсти языком своим и не сотвори искреннему своему зла, и поношения не прият на ближния своя:
Пс.14:4 уничижен есть пред ним лукавнуяй, боящыяжеся Господа славит: кленыйся искреннему своему и не отметаяся:
Пс.14:5 сребра своего не даде в лихву и мзды на неповинных не прият. Творяй сия не подвижится во век.
Пс.15:1 Сохрани мя, Господи, яко на Тя уповах.
Пс.15:2 Рех Господеви: Господь мой еси Ты, яко благих моих не требуеши.
Пс.15:3 Святым, иже суть на земли его, удиви Господь вся хотения Своя в них.
Пс.15:4 Умножишася немощи их, по сих ускориша: не соберу соборы их от кровей, ни помяну же имен их устнама моима.
Пс.15:5 Господь часть достояния моего и чаши моея: Ты еси устрояяй достояние мое мне.
Пс.15:6 Ужя нападоша ми в державных моих: ибо достояние мое державно есть мне.
Пс.15:7 Благословлю Господа вразумившаго мя: еще же и до нощи наказаша мя утробы моя.
Пс.15:8 Предзрех Господа предо мною выну, яко одесную мене есть, да не подвижуся.
Пс.15:9 Сего ради возвеселися сердце мое, и возрадовася язык мой: еще же и плоть моя вселится на уповании.
Пс.15:10 Яко не оставиши душу мою во аде, ниже даси преподобному Твоему видети истления.
Пс.15:11 Сказал ми еси пути живота: исполниши мя веселия с лицем Твоим: красота в деснице Твоей в конец.
Пс.16 Молитва Давиду.
Пс.16:1 Услыши, Господи, правду мою, вонми молению моему, внуши молитву мою не во устнах льстивых.
Пс.16:2 От лица Твоего судьба моя изыдет: очи мои да видита правоты.
Пс.16:3 Искусил еси сердце мое, посетил еси нощию: искусил мя еси, и не обретеся во мне неправда.
Пс.16:4 Яко да не возглаголют уста моя дел человеческих, за словеса устен Твоих аз сохраних пути жестоки.
Пс.16:5 Соверши стопы моя во стезях Твоих, да не подвижутся стопы моя.
Пс.16:6 Аз воззвах, яко услышал мя еси, Боже: приклони ухо Твое мне и услыши глаголы моя.
Пс.16:7 Удиви милости Твоя, спасаяй уповающыя на Тя от противящихся деснице Твоей:
Пс.16:8 сохрани мя, Господи, яко зеницу ока: в крове крилу Твоею покрыеши мя
Пс.16:9 от лица нечестивых острастших мя: врази мои душу мою одержаша
Пс.16:10 тук свой затвориша, уста их глаголаша гордыню.
Пс.16:11 Изгонящии мя ныне обыдоша мя, очи свои возложиша уклонити на землю.
Пс.16:12 Объяша мя яко лев готов на лов и яко скимен обитаяй в тайных.
Пс.16:13 Воскресни, Господи, предвари я и запни им: избави душу мою от нечестиваго, оружие Твое
Пс.16:14 от враг руки Твоея, Господи, от малых от земли: раздели я в животе их, и сокровенных Твоих исполнися чрево их: насытишася сынов, и оставиша останки младенцем своим.
Пс.16:15 Аз же правдою явлюся лицу Твоему, насыщуся, внегда явитимися славе Твоей.

Пс.119:1 Ко Господу, внегда скорбети ми, воззвах, и услыша мя.
Пс.119:2 Господи, избави душу мою от устен неправедных и от языка льстива.
Пс.119:3 Что дастся тебе, или что приложится тебе к языку льстиву?
Пс.119:4 Стрелы сильнаго изощрены, со угльми пустынными.
Пс.119:5 Увы мне, яко пришелствие мое продолжися, вселихся с селении Кидарскими:
Пс.119:6 много пришелствова душа моя: с ненавидящими мира бех мирен:
Пс.119:7 егда глаголах им, боряху мя туне.
Пс.120:1 Возведох очи мои в горы, отнюдуже приидет помощь моя.
Пс.120:2 Помощь моя от Господа, сотворшаго небо и землю.
Пс.120:3 Не даждь во смятение ноги твоея, ниже воздремлет храняй тя:
Пс.120:4 се, не воздремлет, ниже уснет храняй Израиля.
Пс.120:5 Господь сохранит тя, Господь покров твой на руку десную твою.
Пс.120:6 Во дни солнце не ожжет тебе, ниже луна нощию.
Пс.120:7 Господь сохранит тя от всякаго зла, сохранит душу твою Господь:
Пс.120:8 Господь сохранит вхождение твое и исхождение твое, отныне и до века.
Пс.121:1 Возвеселихся о рекших мне: в дом Господень пойдем.
Пс.121:2 Стояще бяху ноги нашя во дворех твоих, Иерусалиме.
Пс.121:3 Иерусалим зиждемый яко град, емуже причастие его вкупе.
Пс.121:4 Тамо бо взыдоша колена, колена Господня, свидение Израилево, исповедатися имени Господню:
Пс.121:5 яко тамо седоша престоли на суд, престоли в дому Давидове.
Пс.121:6 Вопросите же яже о мире Иерусалима: и обилие любящым тя.
Пс.121:7 Буди же мир в силе твоей, и обилие в столпостенах твоих.
Пс.121:8 Ради братий моих и ближних моих глаголах убо мир о тебе.
Пс.121:9 Дому ради Господа Бога нашего взысках благая тебе.
Пс.122:1 К Тебе возведох очи мои, Живущему на небеси.
Пс.122:2 Се, яко очи раб в руку господий своих, яко очи рабыни в руку госпожи своея: тако очи наши ко Господу Богу нашему, дондеже ущедрит ны.
Пс.122:3 Помилуй нас, Господи, помилуй нас, яко помногу исполнихомся уничижения:
Пс.122:4 наипаче наполнися душа наша поношения гобзующих и уничижения гордых.
Пс.123:1 Яко аще не Господь бы был в нас, да речет убо Израиль:
Пс.123:2 яко аще не Господь бы был в нас, внегда востати человеком на ны, убо живых пожерли быша нас:
Пс.123:3 внегда прогневатися ярости их на ны, убо вода потопила бы нас.
Пс.123:4 Поток прейде душа наша:
Пс.123:5 убо прейде душа наша воду непостоянную.
Пс.123:6 Благословен Господь, иже не даде нас в ловитву зубом их.
Пс.123:7 Душа наша яко птица избавися от сети ловящих: сеть сокрушися, и мы избавлени быхом.
Пс.123:8 Помощь наша во имя Господа, сотворшаго небо и землю.
Пс.124:1 Надеющиися на Господа, яко гора Сион: не подвижится в век живый во Иерусалиме.
Пс.124:2 Горы окрест его, и Господь окрест людий Своих, отныне и до века.
Пс.124:3 Яко не оставит Господь жезла грешных на жребий праведных, яко да не прострут праведнии в беззакония рук своих.
Пс.124:4 Ублажи, Господи, благия и правыя сердцем.
Пс.124:5 Уклоняющыяся же в развращения отведет Господь с делающими беззаконие: мир на Израиля.
Пс.125:1 Внегда возвратити Господу плен Сионь, быхом яко утешени.
Пс.125:2 Тогда исполнишася радости уста наша, и язык наш веселия: тогда рекут во языцех: возвеличил есть Господь сотворити с ними.
Пс.125:3 Возвеличил есть Господь сотворити с нами: быхом веселящеся.
Пс.125:4 Возврати, Господи, пленение наше, яко потоки югом.
Пс.125:5 Сеющии слезами, радостию пожнут.
Пс.125:6 Ходящии хождаху и плакахуся, метающе семена своя: грядуще же приидут радостию, вземлюще рукояти своя.
Пс.126:1 Аще не Господь созиждет дом, всуе трудишася зиждущии: аще не Господь сохранит град, всуе бде стрегий.
Пс.126:2 Всуе вам есть утреневати: востанете по седении ядущии хлеб болезни, егда даст возлюбленным Своим сон.
Пс.126:3 Се, достояние Господне сынове, мзда плода чревняго.
Пс.126:4 Яко стрелы в руце сильнаго, тако сынове оттрясенных.
Пс.126:5 Блажен, иже исполнит желание свое от них: не постыдятся, егда глаголют врагом своим во вратех.
Пс.127:1 Блажени вси боящиися Господа, ходящии в путех Его:
Пс.127:2 труды плодов твоих снеси: блажен еси, и добро тебе будет.
Пс.127:3 Жена твоя яко лоза плодовита в странах дому твоего: сынове твои яко новосаждения масличная окрест трапезы твоея.
Пс.127:4 Се, тако благословится человек бояйся Господа.
Пс.127:5 Благословит тя Господь от Сиона, и узриши благая Иерусалима вся дни живота твоего,
Пс.127:6 и узриши сыны сынов твоих: мир на Израиля.
Пс.128:1 Множицею брашася со мною от юности моея, да речет убо Израиль:
Пс.128:2 множицею брашася со мною от юности моея, ибо не премогоша мя.
Пс.128:3 На хребте моем делаша грешницы, продолжиша беззаконие свое.
Пс.128:4 Господь праведен ссече выя грешников.
Пс.128:5 Да постыдятся и возвратятся вспять вси ненавидящии Сиона:
Пс.128:6 да будут яко трава на здех, яже прежде восторжения изсше:
Пс.128:7 еюже не исполни руки своея жняй, и недра своего рукояти собираяй:
Пс.128:8 и не реша мимоходящии: благословение Господне на вы, благословихом вы во имя Господне.
Пс.129:1 Из глубины воззвах к Тебе, Господи:
Пс.129:2 Господи, услыши глас мой. Да будут уши Твои внемлюще гласу моления моего.
Пс.129:3 Аще беззакония назриши, Господи, Господи, кто постоит?
Пс.129:4 (129:3) Яко у Тебе очищение есть.
Пс.129:5 (129:4) Имене ради Твоего потерпех Тя, Господи, потерпе душа моя в слово Твое: упова душа моя на Господа.
Пс.129:6 (129:5) От стражи утренния до нощи, от стражи утренния да уповает Израиль на Господа:
Пс.129:7 (129:6) яко у Господа милость, и многое у Него избавление:
Пс.129:8 (129:6) и Той избавит Израиля от всех беззаконий его.
Пс.130:1 Господи, не вознесеся сердце мое, ниже вознесостеся очи мои: ниже ходих в великих, ниже в дивных паче мене.
Пс.130:2 Аще не смиреномудрствовах, но вознесох душу мою, яко отдоеное на матерь свою, тако воздаси на душу мою.
Пс.130:3 Да уповает Израиль на Господа отныне и до века.
Пс.131:1 Помяни, Господи, Давида и всю кротость его:
Пс.131:2 яко клятся Господеви, обещася Богу Иаковлю:
Пс.131:3 аще вниду в селение дому моего, или взыду на одр постели моея:
Пс.131:4 аще дам сон очима моима, и веждома моима дремание, и покой скраниама моима:
Пс.131:5 дондеже обрящу место Господеви, селение Богу Иаковлю.
Пс.131:6 Се, слышахом я во Евфрафе, обретохом я в полях Дубравы:
Пс.131:7 внидем в селения Его, поклонимся на место, идеже стоясте нозе Его.
Пс.131:8 Воскресни, Господи, в покой Твой, Ты и кивот святыни Твоея.
Пс.131:9 Священницы Твои облекутся правдою, и преподобнии Твои возрадуются.
Пс.131:10 Давида ради раба Твоего, не отврати лице помазаннаго Твоего.
Пс.131:11 Клятся Господь Давиду истиною, и не отвержется ея: от плода чрева твоего посажду на престоле твоем.
Пс.131:12 Аще сохранят сынове твои завет Мой и свидения Моя сия, имже научу я, и сынове их до века сядут на престоле твоем.
Пс.131:13 Яко избра Господь Сиона, изволи и в жилище Себе.
Пс.131:14 Сей покой Мой во век века, зде вселюся, яко изволих и.
Пс.131:15 Ловитву его благословляяй благословлю, нищыя его насыщу хлебы:
Пс.131:16 священники его облеку во спасение, и преподобнии его радостию возрадуются.
Пс.131:17 Тамо возращу рог Давидови, уготовах светилник помазанному Моему.
Пс.131:18 Враги его облеку студом, на немже процветет святыня моя.
Пс.132:1 Се, что добро, или что красно, но еже жити братии вкупе?
Пс.132:2 Яко миро на главе, сходящее на браду, браду Аароню, сходящее на ометы одежды его:
Пс.132:3 яко роса Аермонская сходящая на горы Сионския: яко тамо заповеда Господь благословение и живот до века.
Пс.133:1 Се, ныне благословите Господа, вси раби Господни, стоящии в храме Господни, во дворех дому Бога нашего.
Пс.133:2 В нощех воздежите руки вашя во святая и благословите Господа.
Пс.133:3 Благословит тя Господь от Сиона, сотворивый небо и землю.