Все тек­сты на се­год­ня пред­став­ле­ны в со­от­вет­ствии с ука­за­ни­я­ми Ти­пи­ко­на. Спе­ци­аль­ные чте­ния обо­зна­че­ны толь­ко для Ве­ли­ких и бден­ных празд­ни­ков.

По­ря­док чте­ний Псал­ти­ри свя­то­го про­ро­ка и царя Да­ви­да
Втор­ник, 10 июня 2025 г. (28 мая ст.ст.)
Сед­ми­ца 1-я по Пя­ти­де­сят­ни­це (Тро­иц­кая)
Свт. Иг­на­тия, еп. Ро­стов­ско­го (1288)
Прп. Ни­ки­ты исп., еп. Хал­ки­дон­ско­го (IX)

Бо­го­слу­жеб­ные ука­за­ния для свя­щен­но- и цер­ков­но­слу­жи­те­лей

Пс.46:1 В конец, о сынех Ко­рео­вых, пса­лом.
Пс.46:2 Вси языцы, вос­пле­щи­те ру­ка­ми, вос­клик­ни­те Богу гла­сом ра­до­ва­ния:
Пс.46:3 яко Гос­подь Выш­ний стра­шен, Царь велий по всей земли:
Пс.46:4 по­ко­ри люди нам и языки под ноги наша:
Пс.46:5 избра нам до­сто­я­ния свое, доб­ро­ту Иа­ков­лю, юже воз­лю­би.
Пс.46:6 Взыде Бог в вос­клик­но­ве­нии, Гос­подь во гласе трубне.
Пс.46:7 Пойте Богу на­ше­му, пойте: пойте Ца­ре­ви на­ше­му, пойте.
Пс.46:8 Яко Царь всея земли Бог, пойте ра­зум­но.
Пс.46:9 Во­ца­ри­ся Бог над языки: Бог седит на пре­сто­ле свя­тем Своем.
Пс.46:10 Князи люд­стии со­бра­ша­ся с Богом Ав­ра­ам­лим: яко Божии дер­жав­нии земли зело воз­не­со­ша­ся.
Пс.47:1 Пса­лом песни сынов Ко­рео­вых, вто­рыя суб­бо­ты.
Пс.47:2 Велий Гос­подь и хва­лен зело во граде Бога на­ше­го, в горе свя­тей Его,
Пс.47:3 бла­го­ко­рен­ным ра­до­ва­ни­ем всея земли: горы Си­он­ския, ребра се­ве­ро­ва, град Царя ве­ли­ка­го.
Пс.47:4 Бог в тя­же­стех его зна­емь есть, егда за­сту­па­ет и.
Пс.47:5 Яко се, царие зе­мстии со­бра­ша­ся, сни­до­ша­ся вкупе:
Пс.47:6 тии ви­дев­ше тако, уди­ви­ша­ся, смя­то­ша­ся, по­дви­го­ша­ся:
Пс.47:7 тре­пет прият я тамо, бо­лез­ни яко раж­да­ю­щия.
Пс.47:8 Духом бур­ным со­кру­ши­ши ко­раб­ли Фар­сий­ския.
Пс.47:9 Якоже слы­ша­хом, тако и ви­де­хом во граде Гос­по­да сил, во граде Бога на­ше­го: Бог ос­но­ва и в век.
Пс.47:10 При­я­хом, Боже, ми­лость Твою по­сре­де людий Твоих.
Пс.47:11 По имени Тво­е­му, Боже, тако и хвала Твоя на кон­цах земли: прав­ды ис­полнь дес­ни­ца Твоя.
Пс.47:12 Да воз­ве­се­лит­ся гора Си­он­ская, и да воз­ра­ду­ют­ся дщери Иудей­ския, судеб ради Твоих, Гос­по­ди.
Пс.47:13 Обы­ди­те Сион и обы­ми­те его, по­ве­ди­те в стол­пех его:
Пс.47:14 по­ло­жи­те серд­ца ваша в силу его, и раз­де­ли­те домы его, яко да по­ве­сте в роде инем.
Пс.47:15 Яко Той есть Бог наш во век и в век века: Той упа­сет нас во веки.
Пс.48:1 В конец, сыном Ко­рео­вым, пса­лом.
Пс.48:2 Услы­ши­те сия, вси языцы, вну­ши­те, вси жи­ву­щии по все­лен­ней,
Пс.48:3 земно­род­нии же и сы­но­ве че­ло­ве­че­стии, вкупе богат и убог.
Пс.48:4 Уста моя воз­гла­го­лют пре­муд­рость, и по­уче­ние серд­ца моего разум.
Пс.48:5 При­к­ло­ню в прит­чу ухо мое, от­вер­зу во псал­ти­ри га­на­ние мое.
Пс.48:6 Вскую боюся в день лют? Без­за­ко­ние пяты моея обы­дет мя.
Пс.48:7 На­де­ю­щи­и­ся на силу свою и о мно­же­стве бо­гат­ства сво­е­го хва­ля­щи­и­ся:
Пс.48:8 брат не из­ба­вит, из­ба­вит ли че­ло­век? Не даст Богу из­ме­ны за ся,
Пс.48:9 и цену из­бав­ле­ния души своея: и утру­ди­ся в век,
Пс.48:10 и жив будет до конца, не узрит па­гу­бы.
Пс.48:11 Егда уви­дит пре­муд­рыя уми­ра­ю­щыя, вкупе бе­зу­мен и несмыс­лен по­гиб­нут, и оста­вят чуждим бо­гат­ство свое.
Пс.48:12 И гроби их жи­ли­ща их во век, се­ле­ния их в род и род, на­ре­ко­ша имена своя на зем­лях.
Пс.48:13 И че­ло­век в чести сый не ра­зу­ме, при­ло­жи­ся ско­том несмыс­лен­ным и упо­до­би­ся им.
Пс.48:14 Сей путь их со­блазн им, и по сих во устех своих бла­го­во­лят.
Пс.48:15 Яко овцы во аде по­ло­же­ни суть, смерть упа­сет я: и об­ла­да­ют ими пра­вии за­ут­ра, и по­мощь их обет­ша­ет во аде: от славы своея из­ри­но­ве­ни быша.
Пс.48:16 Обаче Бог из­ба­вит душу мою из руки адовы, егда при­ем­лет мя.
Пс.48:17 Не убой­ся, егда раз­бо­га­те­ет че­ло­век, или егда умно­жит­ся слава дому его:
Пс.48:18 яко вне­гда умре­ти ему, не воз­мет вся, ниже сни­дет с ним слава его.
Пс.48:19 Яко душа его в жи­во­те его бла­го­сло­вит­ся, ис­по­вест­ся тебе, егда бла­го­со­тво­ри­ши ему.
Пс.48:20 Вни­дет даже до рода отец своих, даже до века не узрит света.
Пс.48:21 И че­ло­век в чести сый не ра­зу­ме, при­ло­жи­ся ско­том несмыс­лен­ным и упо­до­би­ся им.
Пс.49:1 Бог Богов Гос­подь гла­го­ла, и приз­ва землю от во­сток солн­ца до запад.
Пс.49:2 От Сиона бла­го­ле­пие кра­со­ты Его:
Пс.49:3 Бог яве при­и­дет, Бог наш, и не пре­мол­чит: огнь пред Ним воз­го­рит­ся, и окрест Его буря зелна.
Пс.49:4 При­зо­вет небо свыше, и землю, раз­су­ди­ти люди Своя.
Пс.49:5 Со­бе­ри­те Ему пре­по­доб­ныя Его, за­ве­ща­ю­щыя завет Его о жерт­вах.
Пс.49:6 И воз­ве­стят небе­са прав­ду Его: яко Бог судия есть.
Пс.49:7 Услы­ши­те, людие Мои, и воз­гла­го­лю вам, Из­ра­и­лю, и за­сви­де­тел­ствую тебе: Бог, Бог твой есмь Аз.
Пс.49:8 Не о жерт­вах твоих об­ли­чу тя, все­со­жже­ния же твоя предо Мною суть выну:
Пс.49:9 не при­и­му от дому тво­е­го тел­цев, ниже от стад твоих коз­лов.
Пс.49:10 Яко Мои суть вси зве­рие дуб­рав­нии, скоти в горах и во­ло­ве:
Пс.49:11 по­знах вся птицы небес­ныя, и кра­со­та сел­ная со Мною есть.
Пс.49:12 Аще вза­л­чу, не реку тебе: Моя бо есть все­лен­ная и ис­пол­не­ние ея.
Пс.49:13 Еда ям мяса юнча? Или кровь коз­лов пию?
Пс.49:14 Пожри Бо­го­ви жерт­ву хвалы и воз­даждь Выш­не­му мо­лит­вы твоя:
Пс.49:15 и при­зо­ви Мя в день скор­би твоея, и изму тя, и про­сла­ви­ши Мя.
Пс.49:16 Греш­ни­ку же рече Бог: вскую ты по­ве­да­е­ши оправ­да­ния Моя и вос­при­ем­ле­ши завет Мой усты тво­и­ми?
Пс.49:17 Ты же воз­не­на­ви­дел еси на­ка­за­ние и от­вергл еси сло­ве­са Моя вспять.
Пс.49:18 Аще видел еси татя, текл еси с ним, и с пре­лю­бо­де­ем уча­стие твое по­ла­гал еси:
Пс.49:19 уста твоя умно­жи­ша злобу, и язык твой спле­та­ше льще­ния:
Пс.49:20 седя на брата тво­е­го кле­ве­тал еси и на сына ма­те­ре твоея по­ла­гал еси со­блазн.
Пс.49:21 Сия со­тво­рил еси, и умол­чах, воз­не­пще­вал еси без­за­ко­ние, яко буду тебе по­до­бен: об­ли­чу тя и пред­став­лю пред лицем твоим грехи твоя.
Пс.49:22 Ра­зу­мей­те убо сия, за­бы­ва­ю­щии Бога, да не когда по­хи­тит, и не будет из­бав­ля­яй.
Пс.49:23 Жерт­ва хвалы про­сла­вит Мя, и тамо путь, имже явлю ему спа­се­ние Мое.
Пс.50:1 В конец, пса­лом Да­ви­ду,
Пс.50:2 вне­гда внити к нему На­фа­ну про­ро­ку, егда вниде к Вир­са­вии жене Ури­е­ве.
Пс.50:3 По­ми­луй мя, Боже, по ве­ли­цей ми­ло­сти Твоей, и по мно­же­ству щед­рот Твоих очи­сти без­за­ко­ние мое.
Пс.50:4 Наи­па­че омый мя от без­за­ко­ния моего и от греха моего очи­сти мя:
Пс.50:5 яко без­за­ко­ние мое аз знаю, и грех мой предо мною есть выну.
Пс.50:6 Тебе еди­но­му со­гре­ших и лу­ка­вое пред Тобою со­тво­рих: яко да оправ­ди­ши­ся во сло­ве­сех Твоих и по­бе­ди­ши, вне­гда су­ди­ти Ти.
Пс.50:7 Се бо, в без­за­ко­ни­их зачат есмь, и во гре­сех роди мя мати моя.
Пс.50:8 Се бо, ис­ти­ну воз­лю­бил еси, без­вест­ная и тай­ная пре­муд­ро­сти Твоея явил ми еси.
Пс.50:9 Окро­пи­ши мя ис­со­пом, и очи­щу­ся: омы­еши мя, и паче снега убе­лю­ся.
Пс.50:10 Слуху моему даси ра­дость и ве­се­лие: воз­ра­ду­ют­ся кости сми­рен­ныя.
Пс.50:11 От­вра­ти лице Твое от грех моих и вся без­за­ко­ния моя очи­сти.
Пс.50:12 Серд­це чисто со­зи­жди во мне, Боже, и дух прав об­но­ви во утро­бе моей.
Пс.50:13 Не от­вер­жи мене от лица Тво­е­го и Духа Тво­е­го Свя­та­го не отыми от мене.
Пс.50:14 Воз­даждь ми ра­дость спа­се­ния Тво­е­го и Духом вла­дыч­ним утвер­ди мя.
Пс.50:15 Научу без­за­кон­ныя путем Твоим, и нече­сти­вии к Тебе об­ра­тят­ся.
Пс.50:16 Из­ба­ви мя от кро­вей, Боже, Боже спа­се­ния моего: воз­ра­ду­ет­ся язык мой прав­де Твоей.
Пс.50:17 Гос­по­ди, устне мои от­вер­зе­ши, и уста моя воз­ве­стят хвалу Твою.
Пс.50:18 Яко аще бы вос­хо­тел еси жерт­вы, дал бых убо: все­со­жже­ния не бла­го­во­ли­ши.
Пс.50:19 Жерт­ва Богу дух со­кру­шен: серд­це со­кру­шен­но и сми­рен­но Бог не уни­чи­жит.
Пс.50:20 Убла­жи, Гос­по­ди, бла­го­во­ле­ни­ем Твоим Сиона, и да со­зи­ждут­ся стены Иеру­са­лим­ския:
Пс.50:21 тогда бла­го­во­ли­ши жерт­ву прав­ды, воз­но­ше­ние и все­со­же­га­е­мая: тогда воз­ло­жат на ол­тарь Твой телцы.
Пс.51:1 В конец, ра­зу­ма Да­ви­ду,
Пс.51:2 вне­гда при­и­ти Доику Иду­мей­ску, и воз­ве­сти­ти Саулу, и рещи ему: при­и­де Давид в дом Ави­ме­ле­хов.
Пс.51:3 Что хва­ли­ши­ся во злобе, сильне? Без­за­ко­ние весь день.
Пс.51:4 Неправ­ду умыс­ли язык твой: яко брит­ву изощ­ре­ну со­тво­рил еси лесть.
Пс.51:5 Воз­лю­бил еси злобу паче бла­го­сты­ни, неправ­ду неже гла­го­ла­ти прав­ду:
Пс.51:6 воз­лю­бил еси вся гла­го­лы по­топ­ныя, язык льстив.
Пс.51:7 Сего ради Бог раз­ру­шит тя до конца: вос­торг­нет тя, и пре­се­лит тя от се­ле­ния тво­е­го и ко­рень твой от земли живых.
Пс.51:8 Узрят пра­вед­нии и убо­ят­ся, и о нем воз­сме­ют­ся и рекут:
Пс.51:9 се, че­ло­век, иже не по­ло­жи Бога по­мощ­ни­ка себе, но упова на мно­же­ство бо­гат­ства сво­е­го, и воз­мо­же су­е­тою своею.
Пс.51:10 Аз же яко мас­ли­на пло­до­ви­та в дому Божии: упо­вах на ми­лость Божию во век и в век века.
Пс.51:11 Ис­по­вем­ся Тебе в век, яко со­тво­рил еси: и терп­лю имя Твое, яко благо пред пре­по­доб­ны­ми Тво­и­ми.
Пс.52:1 В конец, о Ма­еле­фе, ра­зу­ма Да­ви­ду.
Пс.52:2 Рече бе­зу­мен в серд­цы своем: несть Бог. Рас­тле­ша и омер­зи­ша­ся в без­за­ко­ни­их, несть тво­ряй бла­гое.
Пс.52:3 Бог с небе­се при­ни­че на сыны че­ло­ве­че­ския, ви­де­ти, аще есть ра­зу­ме­ва­яй или взыс­ка­яй Бога.
Пс.52:4 Вси укло­ни­ша­ся, вкупе непо­треб­ни быша: несть тво­ряй бла­гое, несть до еди­на­го.
Пс.52:5 Ни ли ура­зу­ме­ют вси де­ла­ю­щии без­за­ко­ние, сне­да­ю­щии люди моя в снедь хлеба? Гос­по­да не при­зва­ша.
Пс.52:6 Тамо устра­ши­ша­ся стра­ха, идеже не бе страх: яко Бог раз­сы­па кости че­ло­ве­ко­угод­ни­ков: по­сты­де­ша­ся, яко Бог уни­чи­жи их.
Пс.52:7 Кто даст от Сиона спа­се­ние Из­ра­и­ле­во? Вне­гда воз­вра­тит Бог пле­не­ние людий Своих, воз­ра­ду­ет­ся Иаков и воз­ве­се­лит­ся Из­ра­иль.
Пс.53:1 В конец, в пес­нех ра­зу­ма Да­ви­ду,
Пс.53:2 вне­гда при­и­ти Зи­фе­ем и рещи Са­у­ло­ви: не се ли, Давид скры­ся в нас?
Пс.53:3 Боже, во имя Твое спаси мя и в силе Твоей суди ми.
Пс.53:4 Боже, услы­ши мо­лит­ву мою, внуши гла­го­лы уст моих:
Пс.53:5 яко чуждии во­ста­ша на мя, и креп­цыи взыс­ка­ша душу мою, и не пред­ло­жи­ша Бога пред собою.
Пс.53:6 Се бо, Бог по­мо­га­ет ми, и Гос­подь за­ступ­ник души моей:
Пс.53:7 от­вра­тит злая вра­гом моим: ис­ти­ною Твоею по­тре­би их.
Пс.53:8 Волею пожру Тебе, ис­по­вем­ся имени Тво­е­му, Гос­по­ди, яко благо:
Пс.53:9 яко от вся­кия пе­ча­ли из­ба­вил мя еси, и на враги моя воз­зре око мое.
Пс.54:1 В конец, в пес­нех ра­зу­ма, Асафу, пса­лом.
Пс.54:2 Внуши, Боже, мо­лит­ву мою и не пре­зри мо­ле­ния моего:
Пс.54:3 вонми ми и услы­ши мя: воз­скор­бех пе­ча­лию моею, и смя­тох­ся
Пс.54:4 от гласа вра­жия и от сту­же­ния греш­ни­ча: яко укло­ни­ша на мя без­за­ко­ние и во гневе враж­до­ва­ху ми.
Пс.54:5 Серд­це мое смя­те­ся во мне, и бо­язнь смер­ти на­па­де на мя:
Пс.54:6 страх и тре­пет при­и­де на мя, и покры мя тма.
Пс.54:7 И рех: кто даст ми криле яко го­лу­бине? И по­ле­щу, и почию.
Пс.54:8 Се, уда­лих­ся бегая и во­дво­рих­ся в пу­сты­ни.
Пс.54:9 Чаях Бога спа­са­ю­ща­го мя от ма­ло­ду­шия и от бури.
Пс.54:10 По­то­пи, Гос­по­ди, и раз­де­ли языки их: яко видех без­за­ко­ние и пре­ре­ка­ние во граде.
Пс.54:11 Днем и нощию обы­дет и по сте­нам его: без­за­ко­ние и труд по­сре­де его, и неправ­да:
Пс.54:12 и не оску­де от стогн его лихва и лесть.
Пс.54:13 Яко аще бы враг по­но­сил ми, пре­тер­пел бых убо: и аще бы нена­ви­дяй мя на мя ве­ле­ре­че­вал, укрыл­бых­ся от него.
Пс.54:14 Ты же, че­ло­ве­че рав­но­душне, вла­ды­ко мой и зна­е­мый мой,
Пс.54:15 иже купно на­сла­ждал­ся еси со мною бра­шен: в дому Божии хо­ди­хом еди­но­мыш­ле­ни­ем.
Пс.54:16 Да при­и­дет же смерть на ня, и да сни­дут во ад живи: яко лу­кав­ство в жи­ли­щих их, по­сре­де их.
Пс.54:17 Аз к Богу воз­звах, и Гос­подь услы­ша мя.
Пс.54:18 Вечер и за­ут­ра и по­лу­дне повем и воз­ве­щу, и услы­шит глас мой.
Пс.54:19 Из­ба­вит миром душу мою от при­бли­жа­ю­щих­ся мне: яко во мнозе бяху со мною.
Пс.54:20 Услы­шит Бог, и сми­рит я сый пре­жде век: несть бо им из­ме­не­ния, яко не убо­я­ша­ся Бога.
Пс.54:21 Про­ст­ре руку свою на воз­да­я­ние: осквер­ни­ша завет Его.
Пс.54:22 Раз­де­ли­ша­ся от гнева лица Его, и при­бли­жи­ша­ся серд­ца их: умяк­ну­ша сло­ве­са их паче елеа, и та суть стре­лы.
Пс.54:23 Воз­вер­зи на Гос­по­да пе­чаль твою, и Той тя пре­пи­та­ет: не даст в век молвы пра­вед­ни­ку.
Пс.54:24 Ты же, Боже, низ­ве­де­ши их в сту­де­нец ис­тле­ния: мужие кро­вей и льсти не пре­по­ло­вят дний своих. Аз же, Гос­по­ди, упо­ваю на Тя.

Пс.55:1 В конец, о людех от свя­тых уда­ле­ных, Да­ви­ду в стол­по­пи­са­ние, вне­гда удер­жа­ша и ино­пле­мен­ни­цы в Гефе, пса­лом.
Пс.55:2 По­ми­луй мя, Боже, яко попра мя че­ло­век: весь день боря стужи ми.
Пс.55:3 По­пра­ша мя врази мои весь день: яко мнози бо­рю­щии мя с вы­со­ты.
Пс.55:4 В день не убо­ю­ся, аз же упо­ваю на Тя.
Пс.55:5 О Бозе по­хва­лю сло­ве­са Моя: на Бога упо­вах, не убо­ю­ся: что со­тво­рит мне плоть?
Пс.55:6 Весь день сло­вес моих гну­ша­ху­ся: на мя вся по­мыш­ле­ния их на зло.
Пс.55:7 Все­лят­ся и скры­ют, тии пяту мою со­хра­нят, якоже по­тер­пе­ша душу мою.
Пс.55:8 Ни о че­со­мже от­ри­не­ши я, гне­вом люди низ­ве­де­ши.
Пс.55:9 Боже, живот мой воз­ве­стих Тебе: по­ло­жил еси слезы моя пред Тобою, яко и во обе­то­ва­нии Твоем.
Пс.55:10 Да воз­вра­тят­ся врази мои вспять, в оньже аще день при­зо­ву Тя: се, по­знах, яко Бог мой еси Ты.
Пс.55:11 О Бозе по­хва­лю гла­гол, о Гос­по­де по­хва­лю слово.
Пс.55:12 На Бога упо­вах, не убо­ю­ся: что со­тво­рит мне че­ло­век?
Пс.55:13 Во мне, Боже, мо­лит­вы, яже воз­дам хвалы Твоея:
Пс.55:14 яко из­ба­вил еси душу мою от смер­ти, очи мои от слез и нозе мои от по­полз­но­ве­ния: бла­го­уго­жду пред Гос­по­дем во свете живых.
Пс.56:1 В конец, да не рас­тли­ши, Да­ви­ду в стол­по­пи­са­ние, вне­гда ему от­бе­га­ти от лица Са­у­ло­ва в пе­ще­ру.
Пс.56:2 По­ми­луй мя, Боже, по­ми­луй мя: яко на Тя упова душа моя, и на сень крилу Твоею на­де­ю­ся, дон­де­же прейдет без­за­ко­ние.
Пс.56:3 Воз­зо­ву к Богу Выш­не­му, Богу бла­го­де­яв­ше­му мне.
Пс.56:4 Посла с небе­се и спасе мя, даде в по­но­ше­ние по­пи­ра­ю­щыя мя: посла Бог ми­лость Свою и ис­ти­ну Свою,
Пс.56:5 и из­ба­ви душу мою от среды ским­нов. По­спах сму­щен: сы­но­ве че­ло­ве­че­стии, зубы их ору­жия и стре­лы, и язык их мечь остр.
Пс.56:6 Воз­не­си­ся на небе­са, Боже, и по всей земли слава Твоя.
Пс.56:7 Сеть уго­то­ва­ша ногам моим, и сля­ко­ша душу мою: ис­ко­па­ша пред лицем моим яму, и впа­до­ша в ню.
Пс.56:8 Го­то­во серд­це мое, Боже, го­то­во серд­це мое: вос­пою и пою во славе моей.
Пс.56:9 Во­ста­ни, слава моя, во­ста­ни, псал­ти­рю и гусли: во­ста­ну рано.
Пс.56:10 Ис­по­вем­ся Тебе в людех, Гос­по­ди, вос­пою Тебе во язы­цех:
Пс.56:11 яко воз­ве­ли­чи­ся до небес ми­лость Твоя и даже до облак ис­ти­на Твоя.
Пс.56:12 Воз­не­си­ся на небе­са, Боже, и по всей земли слава Твоя.
Пс.57:1 В конец, да не рас­тли­ши, Да­ви­ду в стол­по­пи­са­ние.
Пс.57:2 Аще во­ис­тин­ну убо прав­ду гла­го­ле­те, пра­вая су­ди­те, сы­но­ве че­ло­ве­че­стии.
Пс.57:3 Ибо в серд­цы без­за­ко­ние де­ла­е­те на земли, неправ­ду руки вашя спле­та­ют.
Пс.57:4 Очужди­ша­ся греш­ни­цы от ло­же­сн, за­блу­ди­ша от чрева, гла­го­ла­ша лжу.
Пс.57:5 Ярость их по по­до­бию зми­и­ну, яко ас­пи­да глуха и за­ты­ка­ю­ща­го уши свои,
Пс.57:6 иже не услы­шит гласа оба­ва­ю­щих, оба­ва­емь оба­ва­ет­ся от пре­муд­ра.
Пс.57:7 Бог со­кру­шит зубы их во устех их: чле­нов­ныя львов со­кру­шил есть Гос­подь.
Пс.57:8 Уни­чи­жат­ся яко вода ми­мо­те­ку­щая: на­пря­жет лук свой, дон­де­же из­не­мо­гут.
Пс.57:9 Яко воск рас­та­яв отъ­и­мут­ся: паде огнь на них, и не ви­де­ша солн­ца.
Пс.57:10 Пре­жде еже ра­зу­ме­ти тер­ния ва­ше­го рамна, яко живы, яко во гневе по­жрет я.
Пс.57:11 Воз­ве­се­лит­ся пра­вед­ник, егда уви­дит от­мще­ние: руце свои умыет в крови греш­ни­ка.
Пс.57:12 И речет че­ло­век: аще убо есть плод пра­вед­ни­ку, убо есть Бог судя им на земли.
Пс.58:1 В конец, да не рас­тли­ши, Да­ви­ду в стол­по­пи­са­ние, вне­гда посла Саул и стре­же дом его, еже умерт­ви­ти его.
Пс.58:2 Изми мя от враг моих, Боже, и от во­ста­ю­щих на мя из­ба­ви мя:
Пс.58:3 из­ба­ви мя от де­ла­ю­щих без­за­ко­ние, и от муж кро­вей спаси мя.
Пс.58:4 Яко се, уло­ви­ша душу мою, на­па­до­ша на мя креп­цыи: ниже без­за­ко­ние мое, ниже грех мой, Гос­по­ди:
Пс.58:5 без без­за­ко­ния текох и ис­пра­вих: во­ста­ни в сре­те­ние мое и виждь.
Пс.58:6 И Ты, Гос­по­ди Боже сил, Боже Из­ра­и­лев, вонми по­се­ти­ти вся языки: да не ущед­ри­ши вся де­ла­ю­щыя без­за­ко­ние.
Пс.58:7 Воз­вра­тят­ся на вечер, и вза­л­чут яко пес, и обы­дут град.
Пс.58:8 Се, тии от­ве­ща­ют усты сво­и­ми, и мечь во уст­нах их: яко кто слыша?
Пс.58:9 И Ты, Гос­по­ди, по­сме­е­ши­ся им, уни­чи­жи­ши вся языки.
Пс.58:10 Дер­жа­ву мою к Тебе со­хра­ню: яко Ты, Боже, за­ступ­ник мой еси.
Пс.58:11 Бог мой, ми­лость Его пред­ва­рит мя: Бог мой, явит мне на вра­зех моих.
Пс.58:12 Не убий их, да не когда за­бу­дут закон Твой: рас­то­чи я силою Твоею и низ­ве­ди я, за­щит­ни­че мой, Гос­по­ди,
Пс.58:13 грех уст их, слово устен их: и яти да будут в гор­ды­ни своей, и от клят­вы и лжи воз­ве­стят­ся в кон­чине,
Пс.58:14 во гневе кон­чи­ны, и не будут: и уве­дят, яко Бог вла­ды­че­ству­ет Иа­ко­вом и концы земли.
Пс.58:15 Воз­вра­тят­ся на вечер, и вза­л­чут яко пес, и обы­дут град:
Пс.58:16 тии ра­зы­дут­ся ясти: аще ли же не на­сы­тят­ся, и по­роп­щут.
Пс.58:17 Аз же вос­пою силу Твою и воз­ра­ду­ю­ся за­ут­ра о ми­ло­сти Твоей: яко был еси за­ступ­ник мой и при­бе­жи­ще мое в день скор­би моея.
Пс.58:18 По­мощ­ник мой еси, Тебе пою: яко Бог за­ступ­ник мой еси, Боже мой, ми­лость моя.
Пс.59:1 В конец, о из­ме­ни­ти­ся хо­тя­щих, в стол­по­пи­са­ние Да­ви­ду, в на­уче­ние:
Пс.59:2 вне­гда сожже Сре­до­ре­чие Си­рий­ское и Сирию Со­вал­скую, и воз­вра­ти­ся Иоав и по­ра­зи Едома в дебри Солей два­на­де­сять тысящ.
Пс.59:3 Боже, от­ри­нул ны еси и низ­ло­жил еси нас, раз­гне­вал­ся еси и ущед­рил еси нас.
Пс.59:4 Стрясл еси землю и сму­тил еси ю: из­це­ли со­кру­ше­ние ея, яко по­дви­же­ся.
Пс.59:5 По­ка­зал еси людем Твоим же­сто­кая: на­по­ил еси нас вином уми­ле­ния.
Пс.59:6 Дал еси бо­я­щым­ся Тебе зна­ме­ние, еже убе­жа­ти от лица лука.
Пс.59:7 Яко да из­ба­вят­ся воз­люб­лен­нии Твои, спаси дес­ни­цею Твоею и услы­ши мя.
Пс.59:8 Бог воз­гла­го­ла во свя­тем Своем: воз­ра­ду­ю­ся, и раз­де­лю Си­ки­му, и юдоль Жилищ раз­ме­рю.
Пс.59:9 Мой есть Га­ла­ад, и Мой есть Ма­нас­сий, Ефрем кре­пость главы Моея, Иуда царь Мой.
Пс.59:10 Моав коноб упо­ва­ния Моего: на Иду­мею про­ст­ру сапог Мой: Мне ино­пле­мен­ни­цы по­ко­ри­ша­ся.
Пс.59:11 Кто вве­дет мя во град ограж­де­ния? Или кто на­ста­вит мя до Иду­меи?
Пс.59:12 Не Ты ли, Боже, от­ри­ну­вый нас? И не изы­де­ши, Боже, в силах наших?
Пс.59:13 Даждь нам по­мощь от скор­би: и су­ет­но спа­се­ние че­ло­ве­че­ско.
Пс.59:14 О Бозе со­тво­рим силу: и Той уни­чи­жит сту­жа­ю­щыя нам.
Пс.60:1 В конец, в пес­нех, Да­ви­ду Пса­лом.
Пс.60:2 Услы­ши, Боже, мо­ле­ние мое, вонми мо­лит­ве моей:
Пс.60:3 от конец земли к Тебе воз­звах, вне­гда уны серд­це мое: на ка­мень воз­несл мя еси, на­ста­вил мя еси,
Пс.60:4 яко был еси упо­ва­ние мое, столп кре­по­сти от лица вра­жия.
Пс.60:5 Все­лю­ся в се­ле­нии Твоем во веки, по­кры­ю­ся в крове крил Твоих.
Пс.60:6 Яко Ты, Боже, услы­шал еси мо­лит­вы моя, дал еси до­сто­я­ние бо­я­щым­ся имене Тво­е­го.
Пс.60:7 Дни на дни ца­ре­вы при­ло­жи­ши, лета его до дне рода и рода.
Пс.60:8 Пре­бу­дет в век пред Богом: ми­лость и ис­ти­ну его кто взы­щет?
Пс.60:9 Тако вос­пою имени Тво­е­му во веки, воз­да­ти ми мо­лит­вы моя день от дне.
Пс.61:1 В конец, о Иди­фу­ме, пса­лом Да­ви­ду.
Пс.61:2 Не Богу ли по­ви­нет­ся душа моя? От Того бо спа­се­ние мое.
Пс.61:3 Ибо Той Бог мой и спас мой, за­ступ­ник мой: не по­дви­жу­ся наи­па­че.
Пс.61:4 До­ко­ле на­ле­жи­те на че­ло­ве­ка? Уби­ва­е­те вси вы, яко стене пре­кло­нене и опло­ту возри­но­ве­ну.
Пс.61:5 Обаче цену мою со­ве­ща­ша от­ри­ну­ти, те­ко­ша в жажди: усты сво­и­ми бла­го­слов­ля­ху, и серд­цем своим кле­ня­ху.
Пс.61:6 Обаче Бо­го­ви по­ви­ни­ся, душе моя: яко от Того тер­пе­ние мое.
Пс.61:7 Ибо Той Бог мой и спас мой, за­ступ­ник мой: не пре­се­лю­ся.
Пс.61:8 О Бозе спа­се­ние мое и слава моя: Бог по­мо­щи моея, и упо­ва­ние мое на Бога.
Пс.61:9 Упо­вай­те на Него, весь сонм людий: из­ли­яй­те пред Ним серд­ца ваша, яко Бог по­мощ­ник наш.
Пс.61:10 Обаче су­ет­ни сы­но­ве че­ло­ве­че­стии, лживи сы­но­ве че­ло­ве­че­стии в ме­ри­лех еже неправ­до­ва­ти: тии от суеты вкупе.
Пс.61:11 Не упо­вай­те на неправ­ду, и на вос­хи­ще­ние не же­лай­те: бо­гат­ство аще течет, не при­ла­гай­те серд­ца.
Пс.61:12 Еди­ною гла­го­ла Бог, двоя сия слы­шах, зане дер­жа­ва Божия,
Пс.61:13 и Твоя, Гос­по­ди, ми­лость: яко Ты воз­да­си ко­муж­до по делом его.
Пс.62:1 Пса­лом Да­ви­ду, вне­гда быти ему в пу­сты­ни Иудей­стей.
Пс.62:2 Боже, Боже мой, к Тебе утре­нюю: воз­жа­да Тебе душа моя, коль мно­жи­цею Тебе плоть моя, в земли пусте и непро­ходне и без­водне.
Пс.62:3 Тако во свя­тем явих­ся Тебе, ви­де­ти силу Твою и славу Твою.
Пс.62:4 Яко лучши ми­лость Твоя паче живот: устне мои по­хва­ли­те Тя.
Пс.62:5 Тако бла­го­слов­лю Тя в жи­во­те моем и о имени Твоем воз­де­жу руце мои.
Пс.62:6 Яко от тука и масти да ис­пол­нит­ся душа моя, и уст­на­ма ра­до­сти вос­хва­лят Тя уста моя.
Пс.62:7 Аще по­ми­нах Тя на по­сте­ли моей, на утрен­них по­учах­ся в Тя:
Пс.62:8 яко был еси по­мощ­ник мой, и в крове крилу Твоею воз­ра­ду­ю­ся.
Пс.62:9 При­льпе душа моя по Тебе: мене же прият дес­ни­ца Твоя.
Пс.62:10 Тии же всуе ис­ка­ша душу мою: вни­дут в пре­ис­под­няя земли:
Пс.62:11 пре­да­дят­ся в руки ору­жия, части ли­со­вом будут.
Пс.62:12 Царь же воз­ве­се­лит­ся о Бозе: по­хва­лит­ся всяк кле­ный­ся Им, яко за­гра­ди­ша­ся уста гла­го­лю­щих непра­вед­ная.
Пс.63:1 В конец, пса­лом Да­ви­ду.
Пс.63:2 Услы­ши, Боже, глас мой, вне­гда мо­ли­ти­ми­ся к тебе: от стра­ха вра­жия изми душу мою.
Пс.63:3 По­крый мя от сонма лу­кав­ну­ю­щих, от мно­же­ства де­ла­ю­щих неправ­ду:
Пс.63:4 иже изо­ст­ри­ша яко мечь языки своя, на­пря­го­ша лук свой, вещь горь­ку,
Пс.63:5 со­стре­ля­ти в тай­ных непо­роч­на: вне­за­пу со­стре­ля­ют его, и не убо­ят­ся.
Пс.63:6 Утвер­ди­ша себе слово лу­ка­вое: по­ве­да­ша скры­ти сеть, реша: кто узрит их?
Пс.63:7 Ис­пы­та­ша без­за­ко­ние: из­чез­о­ша ис­пы­та­ю­щии ис­пы­та­ния: при­сту­пит че­ло­век, и серд­це глу­бо­ко.
Пс.63:8 И воз­не­сет­ся Бог: стре­лы мла­де­нец быша язвы их,
Пс.63:9 и из­не­мо­го­ша на ня языцы их: сму­ти­ша­ся вси ви­дя­щии их.
Пс.63:10 И убо­я­ся всяк че­ло­век: и воз­ве­сти­ша дела Божия, и тво­ре­ния Его ра­зу­ме­ша.
Пс.63:11 Воз­ве­се­лит­ся пра­вед­ник о Гос­по­де и упо­ва­ет на Него: и по­хва­лят­ся вси пра­вии серд­цем.

Пс.64:1 В конец, пса­лом песни Да­ви­ду, песнь Иере­ми­е­ва и ие­зе­ки­и­ле­ва, людий пре­се­ле­ния, егда хо­тя­ху ис­хо­ди­ти.
Пс.64:2 Тебе по­до­ба­ет песнь, Боже, в Сионе, и Тебе воз­даст­ся мо­лит­ва во Иеру­са­ли­ме.
Пс.64:3 Услы­ши мо­лит­ву мою: к Тебе всяка плоть при­и­дет.
Пс.64:4 Сло­ве­са без­за­кон­ник пре­мог­о­ша нас: и нече­стия наша Ты очи­сти­ши.
Пс.64:5 Бла­жен, егоже из­брал еси и приял, все­лит­ся во дво­рех Твоих. Ис­пол­ним­ся во бла­гих дому Тво­е­го: свят храм Твой.
Пс.64:6 Дивен в прав­де, услы­ши ны, Боже, Спа­си­те­лю наш, упо­ва­ние всех кон­цей земли и сущих в мори да­ле­че:
Пс.64:7 уго­тов­ля­яй горы кре­по­стию Своею, пре­по­я­сан силою:
Пс.64:8 сму­ща­яй глу­би­ну мор­скую, шуму волн его кто по­сто­ит? Смя­тут­ся языцы,
Пс.64:9 и убо­ят­ся жи­ву­щии в кон­цах от зна­ме­ний Твоих: ис­хо­ды утра и ве­че­ра укра­си­ши.
Пс.64:10 По­се­тил еси землю и упоил еси ю, умно­жил еси обо­га­ти­ти ю: река Божия на­пол­ни­ся вод: уго­то­вал еси пищу им, яко тако [есть] уго­то­ва­ние.
Пс.64:11 Браз­ды ея упой, умно­жи жита ея: в кап­лях ея воз­ве­се­лит­ся воз­си­я­ю­щи.
Пс.64:12 Бла­го­сло­ви­ши венец лета бла­го­сти Твоея, и поля Твоя ис­пол­нят­ся тука:
Пс.64:13 раз­бо­те­ют крас­ная пу­сты­ни, и ра­до­стию холми пре­по­я­шут­ся.
Пс.64:14 Оде­я­ша­ся овни овчии, и удо­лия умно­жат пше­ни­цу: воз­зо­вут, ибо вос­по­ют.
Пс.65:1 В конец, песнь псал­ма вос­кре­се­ния.
Пс.65:2 Вос­клик­ни­те Гос­по­де­ви вся земля, пойте же имени Его, да­ди­те славу хвале Его.
Пс.65:3 Рцыте Богу: коль страш­на дела Твоя? Во мно­же­стве силы Твоея сол­жут Тебе врази Твои.
Пс.65:4 Вся земля да по­кло­нит­ся Тебе и поет Тебе, да поет же имени Тво­е­му, Выш­ний.
Пс.65:5 При­и­ди­те и ви­ди­те дела Божия, коль стра­шен в со­ве­тех паче сынов че­ло­ве­че­ских.
Пс.65:6 Об­ра­ща­яй море в сушу, в реце прой­дут но­га­ми: тамо воз­ве­се­лим­ся о Нем,
Пс.65:7 вла­ды­че­ству­ю­щем силою Своею веком: очи Его на языки при­зи­ра­е­те: пре­о­гор­че­ва­ю­щии да не воз­но­сят­ся в себе.
Пс.65:8 Бла­го­сло­ви­те, языцы, Бога на­ше­го, и услы­шан со­тво­ри­те глас хвалы Его,
Пс.65:9 по­ло­ж­ша­го душу мою в живот, и не дав­ша­го во смя­те­ние ног моих.
Пс.65:10 Яко ис­ку­сил ны еси, Боже, раз­же­гл ны еси, якоже раз­жи­за­ет­ся среб­ро.
Пс.65:11 Ввел ны еси в сеть, по­ло­жил еси скор­би на хреб­те нашем.
Пс.65:12 Воз­вел еси че­ло­ве­ки на главы нашя: про­и­до­хом скво­зе огнь и воду, и извел еси ны в покой.
Пс.65:13 Вниду в дом Твой со все­со­жже­ни­ем, воз­дам Тебе мо­лит­вы моя,
Пс.65:14 яже из­ре­ко­сте устне мои, и гла­го­ла­ша уста моя в скор­би моей.
Пс.65:15 Все­со­жже­ния тучна воз­не­су Тебе с ка­ди­лом, и овны, воз­не­су Тебе волы с козлы.
Пс.65:16 При­и­ди­те, услы­ши­те, и повем вам, вси бо­я­щи­и­ся Бога, елика со­тво­ри души моей.
Пс.65:17 К Нему усты моими воз­звах, и воз­не­сох под язы­ком моим.
Пс.65:18 Неправ­ду аще узрех в серд­цы моем, да не услы­шит мене Гос­подь.
Пс.65:19 Сего ради услы­ша мя Бог, внят гласу мо­ле­ния моего.
Пс.65:20 Бла­го­сло­вен Бог, Иже не от­ста­ви мо­лит­ву мою и ми­лость Свою от мене.
Пс.66:1 В конец, в пес­нех, пса­лом песни Да­ви­ду.
Пс.66:2 Боже, ущед­ри ны и бла­го­сло­ви ны, про­све­ти лице Твое на ны и по­ми­луй ны:
Пс.66:3 по­зна­ти на земли путь Твой, во всех язы­цех спа­се­ние Твое.
Пс.66:4 Да ис­по­ве­дят­ся Тебе людие, Боже, да ис­по­ве­дят­ся Тебе людие вси.
Пс.66:5 Да воз­ве­се­лят­ся и да воз­ра­ду­ют­ся языцы: яко су­ди­ши людем право­тою, и языки на земли на­ста­ви­ши.
Пс.66:6 Да ис­по­ве­дят­ся Тебе людие, Боже, да ис­по­ве­дят­ся Тебе людие вси.
Пс.66:7 Земля даде плод свой: бла­го­сло­ви ны, Боже, Боже наш,
Пс.66:8 бла­го­сло­ви ны, Боже: и да убо­ят­ся Его вси концы земли.
Пс.67:1 В конец, пса­лом песни Да­ви­ду.
Пс.67:2 Да вос­крес­нет Бог, и рас­то­чат­ся врази Его, и да бежат от лица Его нена­ви­дя­щии Его.
Пс.67:3 Яко из­че­за­ет дым, да из­чез­нут: яко тает воск от лица огня, тако да по­гиб­нут греш­ни­цы от лица Божия:
Пс.67:4 а пра­вед­ни­цы да воз­ве­се­лят­ся, да воз­ра­ду­ют­ся пред Богом, да на­сла­дят­ся в ве­се­лии.
Пс.67:5 Вос­пой­те Богу, пойте имени Его: пу­те­со­тво­ри­те Воз­шед­ше­му на за­па­ды, Гос­подь имя Ему: и ра­дуй­те­ся пред Ним.
Пс.67:6 Да смя­тут­ся от лица Его, Отца сирых и судии вдо­виц: Бог в месте свя­тем Своем.
Пс.67:7 Бог все­ля­ет еди­но­мыс­лен­ныя в дом, из­во­дя око­ван­ныя му­же­ством, та­кож­де пре­о­гор­че­ва­ю­щыя жи­ву­щыя во гро­бех.
Пс.67:8 Боже, вне­гда ис­хо­ди­ти Тебе пред лю­дь­ми Тво­и­ми, вне­гда ми­мо­хо­ди­ти Тебе в пу­сты­ни,
Пс.67:9 земля по­тря­се­ся, ибо небе­са ка­ну­ша от лица Бога Си­наи­на, от лица Бога Из­ра­и­ле­ва.
Пс.67:10 Дождь волен от­лу­чи­ши, Боже, до­сто­я­нию Тво­е­му, и из­не­мо­же, Ты же со­вер­шил еси е.
Пс.67:11 Жи­вот­ная Твоя живут на ней: уго­то­вал еси бла­го­стию Твоею ни­ще­му, Боже.
Пс.67:12 Гос­подь даст гла­гол бла­го­вест­ву­ю­щым силою мно­гою:
Пс.67:13 царь сил воз­люб­лен­на­го, кра­со­тою дому раз­де­ли­ти ко­ры­сти.
Пс.67:14 Аще по­спи­те по­сре­де пре­дел, криле го­лу­бине по­среб­рене, и меж­до­ра­мия ея в бле­ща­нии злата:
Пс.67:15 вне­гда разн­ствит Небес­ный цари на ней, осне­жат­ся в Сел­моне.
Пс.67:16 Гора Божия, гора туч­ная, гора усы­рен­ная, гора туч­ная.
Пс.67:17 Вскую непщу­е­те, горы усы­рен­ныя? Гора, юже бла­го­во­ли Бог жити в ней: ибо Гос­подь все­лит­ся до конца.
Пс.67:18 Ко­лес­ни­ца Божия тмами тем, ты­ся­ща го­бзу­ю­щих: Гос­подь в них в Синаи во свя­тем.
Пс.67:19 Воз­шел еси на вы­со­ту, пле­нил еси плен: приял еси да­я­ния в че­ло­ве­цех, ибо не по­ка­ря­ю­щы­я­ся, еже все­ли­ти­ся.
Пс.67:20 Гос­подь Бог бла­го­сло­вен, бла­го­сло­вен Гос­подь день дне: по­спе­шит нам Бог спа­се­ний наших.
Пс.67:21 Бог наш Бог еже спа­са­ти: и Гос­под­ня, Гос­под­ня ис­хо­ди­ща смерт­ная.
Пс.67:22 Обаче Бог со­кру­шит главы вра­гов Своих, верх влас пре­хо­дя­щих в пре­гре­ше­ни­их своих.
Пс.67:23 Рече Гос­подь: от Ва­са­на об­ра­щу, об­ра­щу во глу­би­нах мор­ских:
Пс.67:24 яко да омо­чит­ся нога твоя в крови, язык пес твоих от враг от него.
Пс.67:25 Ви­де­на быша ше­ствия Твоя, Боже, ше­ствия Бога моего Царя, иже во свя­тем.
Пс.67:26 Пред­ва­ри­ша князи близ по­ю­щих, по­сре­де дев тим­пан­ниц.
Пс.67:27 В церк­вах бла­го­сло­ви­те Бога, Гос­по­да от ис­точ­ник Из­ра­и­ле­вых.
Пс.67:28 Тамо Ве­ни­а­мин юней­ший во ужасе, князи Иудо­вы вла­ды­ки их, князи За­ву­ло­ни, князи Неф­фа­лим­ли.
Пс.67:29 За­по­веждь, Боже, силою Твоею: укре­пи, Боже, сие, еже со­де­лал еси в нас.
Пс.67:30 От храма Тво­е­го во Иеру­са­лим Тебе при­не­сут царие дары.
Пс.67:31 За­пре­ти зве­рем трост­ным: сонм юнец в юни­цах люд­ских, еже за­тво­ри­ти ис­ку­шен­ныя среб­ром: рас­то­чи языки хо­тя­щыя бра­нем.
Пс.67:32 При­и­дут мо­лит­вен­ни­цы от Егип­та: Ефи­о­пиа пред­ва­рит руку свою к Богу.
Пс.67:33 Цар­ства зем­ная, пойте Богу, вос­пой­те Гос­по­де­ви,
Пс.67:34 воз­шед­ше­му на небо небе­се на во­сто­ки: се, даст гласу Сво­е­му глас силы.
Пс.67:35 Да­ди­те славу Бо­го­ви: на Из­ра­и­ли ве­ле­ле­по­та Его, и сила Его на об­ла­цех.
Пс.67:36 Дивен Бог во свя­тых Своих: Бог Из­ра­и­лев, Той даст силу и дер­жа­ву людем Своим. Бла­го­сло­вен Бог.
Пс.68:1 В конец, о из­мен­ших­ся, пса­лом Да­ви­ду.
Пс.68:2 Спаси мя, Боже, яко вни­до­ша воды до души моея.
Пс.68:3 Уг­ле­бох в ти­ме­нии глу­би­ны, и несть по­сто­я­ния: при­и­дох во глу­би­ны мор­ския, и буря по­то­пи мя.
Пс.68:4 Утру­дих­ся зовый, из­мол­че гор­тань мой: ис­чезо­сте очи мои, от еже упо­ва­ти ми на Бога моего.
Пс.68:5 Умно­жи­ша­ся паче влас главы моея нена­ви­дя­щии мя туне: укре­пи­ша­ся врази мои, из­го­ня­щии мя непра­вед­но: яже не вос­хи­щах, тогда воз­да­ях.
Пс.68:6 Боже, Ты уве­дел еси безу­мие мое, и пре­гре­ше­ния моя от Тебе не ута­и­ша­ся.
Пс.68:7 Да не по­сты­дят­ся о мне тер­пя­щии Тебе, Гос­по­ди, Гос­по­ди сил: ниже да по­сра­мят­ся о мне ищу­щии Тебе, Боже Из­ра­и­лев.
Пс.68:8 Яко Тебе ради пре­тер­пех по­но­ше­ние, покры сра­мо­та лице мое.
Пс.68:9 Чуждь бых бра­тии моей и стра­нен сы­но­вом ма­те­ре моея:
Пс.68:10 яко рев­ность дому Тво­е­го снеде мя, и по­но­ше­ния по­но­ся­щих Ти на­па­до­ша на мя.
Пс.68:11 И по­крых по­стом душу мою, и бысть в по­но­ше­ние мне:
Пс.68:12 и по­ло­жих оде­я­ние мое вре­ти­ще, и бых им в прит­чу.
Пс.68:13 О мне глум­ля­ху­ся се­дя­щии во вра­тех, и о мне пояху пи­ю­щии вино.
Пс.68:14 Аз же мо­лит­вою моею к Тебе, Боже: время бла­го­во­ле­ния, Боже: во мно­же­стве ми­ло­сти Твоея услы­ши мя, во ис­тине спа­се­ния Тво­е­го.
Пс.68:15 Спаси мя от бре­ния, да не уг­леб­ну: да из­бав­лю­ся от нена­ви­дя­щих мя и от глу­бо­ких вод.
Пс.68:16 Да не по­то­пит мене буря вод­ная, ниже да по­жрет мене глу­би­на, ниже све­дет о мне ро­вен­ник уст своих.
Пс.68:17 Услы­ши мя, Гос­по­ди, яко блага ми­лость Твоя: по мно­же­ству щед­рот Твоих при­з­ри на мя.
Пс.68:18 Не от­вра­ти лица Тво­е­го от от­ро­ка Тво­е­го, яко скорб­лю: скоро услы­ши мя.
Пс.68:19 Вонми души моей и из­ба­ви ю: враг моих ради из­ба­ви мя.
Пс.68:20 Ты бо веси по­но­ше­ние мое, и студ мой, и сра­мо­ту мою: пред Тобою вси оскорб­ля­ю­щии мя.
Пс.68:21 По­но­ше­ние чаяше душа моя и страсть: и ждах со­скор­бя­ща­го, и не бе, и уте­ша­ю­щих, и не об­ре­тох.
Пс.68:22 И даша в снедь мою желчь, и в жажду мою на­по­и­ша мя оцта.
Пс.68:23 Да будет тра­пе­за их пред ними в сеть и в воз­да­я­ние и в со­блазн.
Пс.68:24 Да по­мра­чат­ся очи их, еже не ви­де­ти, и хре­бет их выну сляцы.
Пс.68:25 Про­лий на ня гнев Твой, и ярость гнева Тво­е­го да по­стиг­нет их.
Пс.68:26 Да будет двор их пуст, и в жи­ли­щих их да не будет живый.
Пс.68:27 Зане егоже Ты по­ра­зил еси, тии по­гна­ша, и к бо­лез­ни язв моих при­ло­жи­ша.
Пс.68:28 При­ло­жи без­за­ко­ние к без­за­ко­нию их, и да не вни­дут в прав­ду Твою.
Пс.68:29 Да по­тре­бят­ся от книги живых, и с пра­вед­ны­ми да не на­пи­шут­ся.
Пс.68:30 Нищ и боляй есмь аз: спа­се­ние Твое, Боже, да при­и­мет мя.
Пс.68:31 Вос­хва­лю имя Бога моего с пес­нию, воз­ве­ли­чу Его во хва­ле­нии:
Пс.68:32 и угод­но будет Богу паче телца юна, роги из­но­ся­ща и паз­нок­ти.
Пс.68:33 Да узрят нищии и воз­ве­се­лят­ся: взы­щи­те Бога, и жива будет душа ваша.
Пс.68:34 Яко услы­ша убо­гия Гос­подь, и око­ван­ныя Своя не уни­чи­жи.
Пс.68:35 Да вос­хва­лят Его небе­са и земля, море и вся жи­ву­щая в нем.
Пс.68:36 Яко Бог спа­сет Сиона, и со­зи­ждут­ся гради Иудей­стии, и все­лят­ся тамо и на­сле­дят и:
Пс.68:37 и семя рабов Твоих удер­жит и, и лю­бя­щии имя Твое все­лят­ся в нем.
Пс.69:1 В конец Да­ви­ду, в вос­по­ми­на­ние, во еже спа­сти мя Гос­по­ду.
Пс.69:2 Боже, в по­мощь мою вонми: Гос­по­ди, по­мо­щи ми пот­щи­ся.
Пс.69:3 Да по­сты­дят­ся и по­сра­мят­ся ищу­щии душу мою, да воз­вра­тят­ся вспять и по­сты­дят­ся хо­тя­щии ми злая:
Пс.69:4 да воз­вра­тят­ся абие сты­дя­ще­ся гла­го­лю­щии ми: бла­го­же, бла­го­же.
Пс.69:5 Да воз­ра­ду­ют­ся и воз­ве­се­лят­ся о Тебе вси ищу­щии Тебе, Боже: и да гла­го­лют выну, да воз­ве­ли­чит­ся Гос­подь, лю­бя­щии спа­се­ние Твое.
Пс.69:6 Аз же нищ есмь и убог, Боже, по­мо­зи ми: по­мощ­ник мой и Из­ба­ви­тель мой еси Ты, Гос­по­ди, не за­кос­ни.