Кон­да́къ 1

Бого­из­бра́н­ный по́л­че и ли́че бо­го­кра́с­ный, пре­по­до́б­ніи отцы́ на́ши Пе­че́р­скіи, чу­де́съ мно́­гихъ исто́ч­ни­цы, и́но­че­ска­го, по́ст­ни­че­ска­го обще­жи­тія́ на Руси́ пер­воу­чи́­те­ли и на­ста́в­ни­цы, сіе́ ва́мъ отъ ду­ше́в­на­го же­ла́нія дер­за́­емъ при­не­сти́ по­хва́ль­ное пѣ́ніе. Вы́ же, я́ко иму́щіи ве́ліе дер­зно­ве́ніе къ по­дви­го­по­ло́ж­нику Хри­сту́ Бо́гу на́­шему, мо­ли́­те­ся Ему́, мо́­лимъ вы́, отъ вся́кихъ бѣ́дъ и зо́лъ на́мъ из­ба́­ви­ти­ся, да съ бла­го­да­ре́ніемъ зо­ве́мъ ва́мъ:

Ра́дуй­те­ся, вси́ пре­по­до́б­ніи отцы́ на́ши Пе­че́р­скіи, всемíрніи свѣ­ти́ль­ни­цы, ве­ли́кіи и пре­сла́в­ніи чу­до­тво́р­цы.

Икосъ 1

Анге­ло­по­до́б­на­го воз­же­ла́­сте житія́, отцы́ бо­го­му́­дріи, мірскíя мно­го­мяте́ж­ныя мол­вы́ из­бѣ­го́­сте, въ пе­ще́­рахъ те́с­ныхъ и те́м­ныхъ все­ли́­сте­ся, идѣ́­же тру­ды́ ве́ліи и по́­дви­ги подъя́сте, да Хри­ста́ пріо­бря́щете. Тѣ́м­же и слы́­ши­те отъ не­мощ­ны́хъ на́съ и грѣ́ш­ныхъ сія́ пѣ­сно­пѣ́нія:

Ра́дуй­ся, Ан­то́ніе, воз­дер­жа́нія, сми­ре́нія, по­слу­ша́­нія и без­мо́л­вія зер­ца́­ло; ра́дуй­ся, вѣ́ры пра­во­сла́в­ныя крѣ́п­кое за­бра́­ло. Ра́дуй­ся, Ѳе­о­до́­сіе, мо­на́­ше­ская по­хва­ло́; ра́дуй­ся, оби́­те­ли твоея́ ве­ле­лѣ́п­ная сла́­во. Ра́дуй­ся Ми­ха­и́­ле, пе́р­вый ар­хи­па́­сты­рю на́шъ и учи́­те­лю; ра́дуй­ся, вѣ́ры Хри­сто́­вой усе́рд­ный на­са­ди́­те­лю и идоло­служе́нія иско­ре­ни́­те­лю. Ра́дуй­ся, Про́­хоре, чу­до­тво́р­че все­бла­же́н­ный, хлѣ́­бы су́­щи­ми отъ бы́лій и со́лію отъ пе́­пла, гла́­домъ та́­ю­щія лю́ди про­пи­та́­вый; ра́дуй­ся Іо­а́н­не, по­сто́мъ не­из­ре­че́н­нымъ просія́вый. Ра́дуй­те­ся, Ѳе­о́­до­ре и Ва­си́ліе, во вре́­мен­нѣй жи́­зни вза­и́м­нымъ люб­ве́ Хри­сто́­вы со­ю́­зомъ себе́ связа́в­шіи; ра́дуй­те­ся, отъ ко­ры­сто­лю­би́­ва­го кня́зя Мстисла́­ва крѣ́п­ко по­стра­да́в­шіи. Ра́дуй­те­ся, я́ко и по бла­же́н­нѣй кон­чи́­нѣ ва́­шей во еди́­ной ра́цѣ дру­же­лю́б­нѣ по­чи́­сте; ра́дуй­те­ся, я́ко во еди́­номъ часѣ́ къ пре­сто́лу Бо́жію пред­ста́­сте.

Ра́дуй­те­ся, вси́ пре­по­до́б­ніи отцы́ на́ши Пе­че́р­скіи, всемíрніи свѣ­ти́ль­ни­цы, ве­ли́кіи и пре­сла́в­ніи чу­до­тво́р­цы.

Кон­да́къ 2

Ви́дя Хри­сто́съ Го­спо́дь, я́ко во и́мя Его́ сни­до́­сте­ся куп­но­жи́­тель­ство­ва­ти, по­сре­дѣ́ ва́съ обрѣ́­те­ся, по­со́б­ствуя ва́мъ въ раз­ли́ч­ныхъ по́­дви­зѣхъ, на­и­па́­че же во бра́­ни со ду́хи зло́­бы по­д­не­бе́с­ны­ми, и обо­га­ща́­ше ва́съ бла­го­да́тію Ду́ха Пресвята́го: о́вому подая́ да́ръ про­ро́­че­ства, о́вому же да́ры ис­цѣ­ле́ній, ино́му вла́сть изгоня́ти ду́хи не­чи́­стіи. Вы́ же бла­го­да́ть сію́ пріе́м­ши, не воз­не­со́­сте­ся ду́­хомъ сво­и́мъ, но въ про­сто­тѣ́ души́ и се́рд­ца, со сми­ре́ніемъ и бла­го­да­ре́ніемъ, Бла­го­да́­те­лю Бо́гу пѣ́снь вос­пѣ́­сте: Алли­лу́ія.

Икосъ 2

Ра́зумъ не­у­кло́­ненъ иму́­ще и крѣ́п­кою вѣ́­рою въ Бо́га воору­жи́в­ше­ся, пути́ спа­си́­тель­на­го дер­жа́­сте­ся, отцы́ пре­хва́ль­ніи, его́­же и со­вер­ши́­сте пре­сла́в­но съ по́­мощію Хри­ста́ и Пре­чи́­стыя Его́ Ма́­те­ри. Сію́ по́­мощь и на́мъ, хотя́щимъ бо­гоу­го́д­но­му жи­тію́ ва́­шему по­дра­жа́­ти, ис­про­си́­те у пре­сто́­ла Все­вы́ш­няго, да бла­го­да́р­но вос­по­е́мъ ва́мъ:

Ра́дуй­ся, По­ли­ка́р­пе, гла­во́ пре­свѣ́т­лая, житія́ святы́хъ ко­не́ч­нѣе спи­са́­вый и во еди́­но со­бра́­вый; ра́дуй­ся, я́ко съ ни́ми у пре­сто́­ла Тро́­и­цы Пресвяты́я пред­ста́­вый. Ра́дуй­ся, Вар­ла­а́­ме, у́ме бла­го­да́т­ный, пе­ще́­ру те́м­ную и тѣ́­сную свѣ́т­лымъ и про­стра́н­нымъ па­ла́­тамъ пред­по­чты́й; ра́дуй­ся, зла­тотка́н­ныя оде́­жды на ру́бы и́но­че­скія пре­мѣ­ни́­вый. Ра́дуй­ся, Да­міа́­не, цѣ­ле́б­ни­че без­ме́з­дный, мо­ли́­тва­ми и святы́мъ еле́­емъ боля́щихъ вра­че­ва́­вый; ра́дуй­ся, куп­но­жи­тія́ на не­бе­сѣ́хъ съ пре­по­до́б­нымъ Ѳе­о­до́­сіемъ у Го́­спо­да себѣ́ ис­про­си́­вый. Ра́дуй­ся, Ни­ко­ди́­ме, въ пе­че́ніи хлѣ́­бовъ свяще́н­ныхъ три́­де­сятъ лѣ́тъ по­тру­ди́­вый­ся; ра́дуй­ся, Ла­вре́н­тіе, въ за­тво́­рѣ тѣ­снѣ́й­шемъ мно­го­лѣ́т­но по­дви­за́­вый­ся. Ра́дуй­ся, Аѳана́­сіе, да́ръ сле́зъ и уми­ле́нія отъ Го́­спо­да полу­чи́­вый; ра́дуй­ся, Ера́з­ме, за укра­ше́ніе хра́­ма Бо́жія Ма́­те­ре па­ла́ту кра­со­ты́ не­из­ре­че́н­ныя въ не­бе́с­нѣмъ Ца́рствіи отъ Хри­ста́ стяжа́­вый. Ра́дуй­ся, Луко́, за́­по­вѣ­дей Бо́жіихъ усе́рд­ный дѣ́­ла­те­лю; ра́дуй­ся, Не­кта́­ріе, по­слу­ша́­нія не­лѣ́­ност­ный ис­пол­ни́­те­лю.

Ра́дуй­те­ся, вси́ пре­по­до́б­ніи отцы́ на́ши Пе­че́р­скіи, всемíрніи свѣ­ти́ль­ни­цы, ве­ли́кіи и пре­сла́в­ніи чу­до­тво́р­цы.

Кон­да́къ 3

Си́лою бла­го­да́­ти, да́н­ною ти́ свы́­ше, въ жи­во­тѣ́ тво­е́мъ, Ага́­пите бла­же́н­не, бо­лѣ́­зни раз­ли́ч­ныя вра­че­ва́лъ еси́. Бла­го­да́ть сія́ и си́ла тебѣ́ и ны́нѣ при­су́­ща, па́че же и умно́­жи­ся. Тѣ́м­же мо́­лимъ тя́: ис­цѣ­ли́ на́ша не­ду́­ги, увра­чу́й стра́­сти ду­ше́в­ныя и тѣ­ле́с­ныя, да, здра́­ви су́ще ду­ше́ю и тѣ́­ломъ, вос­по­е́мъ про­сла́вль­шему тя́ Хри­сту́: Алли­лу́ія.

Икосъ 3

Иму́­щимъ къ ва́мъ вѣ́ру, лю­бо́вь и усе́р­діе, хо­да́­таи бу́­ди­те жи́­зни вѣ́ч­ныя, отцы́ бо­го­прія́тніи. Ва́ши бо мо­ли́­твы мно­го­мо­гу́­щи у пре­сто́­ла Бо́жія, сего́ ра́ди и при­бѣ­га́­емъ къ ва́мъ, я́ко ве­ли́­кимъ по­мо́щ­ни­комъ на́­шимъ и за­сту́п­ни­комъ, сла́вяще ва́съ си́це:

Ра́дуй­ся, Іо­а́н­не, я́ко по­слу­ша́­ніе и по кон­чи́­нѣ сво­е́й прояви́лъ еси́; ра́дуй­ся, я́ко ста́р­ше­му бра́ту сво́й сме́рт­ный о́дръ усту­пи́лъ еси́. Ра́дуй­ся, Ѳе­о́­фи­ле, я́ко бра́т­нимъ по­слу­ша́­ніемъ отъ гнѣ́­ва ис­цѣ­ли́л­ся еси́; ра́дуй­ся, я́ко вмѣ́­сто гнѣ́­ва уми­ле́ніе и сле́­зы не­пре­ста́н­ныя во­зы­мѣ́лъ еси́. Ра́дуй­ся, Ку́к­шо священ­но­му́­че­ни­че, я́ко язы́ч­ни­ковъ мно́­же­ство ко Хри­сто́­вой вѣ́рѣ при­ве́лъ еси́; ра́дуй­ся, я́ко за Хри­ста́ со уче­ни­ко́мъ тво­и́мъ во гла́ву усѣ́­ченъ бы́лъ еси́. Ра́дуй­ся, Алексíе, мо­ли́­твы у́мныя до́­брый дѣ́­ла­те­лю; ра́дуй­ся, Гри­го́ріе, ико́нъ святы́хъ бла­го­го­вѣ́й­ный пи­са́­те­лю. Ра́дуй­ся, Са́в­во, чу­де́съ ве­ли́­кихъ тво­ри́­те­лю; ра́дуй­ся, Се́р­гіе, по­слу­ша́­нія пре­хва́ль­ный ра­чи́­те­лю. Ра́дуй­ся, Мер­ку́ріе, жи­тію́ без­пло́т­ныхъ по­ре­вно­ва́­те­лю; ра́дуй­ся, Пи́­ме­не мно­го­бо­лѣ́­знен­ный, крѣ́п­кій на Бо́га упо­ва́­те­лю.

Ра́дуй­те­ся, вси́ пре­по­до́б­ніи отцы́ на́ши Пе­че́р­скіи, всемíрніи свѣ­ти́ль­ни­цы, ве­ли́кіи и пре­сла́в­ніи чу­до­тво́р­цы.

Кон­да́къ 4

Бу́р­ный и ши­ро́кій житія́ мір­ска́­го пу́ть воз­не­на­ви́­дѣв­ше, воз­лю­би́­сте же все­ду́ш­но у́з­кую и при­ско́рб­ную житія́ мо­на́­ше­ска­го сте­зю́ и се́ю усе́рд­но по­те­ко́­сте, отцы́ бо­го­му́­дріи, тѣ́м­же и Го­спо́дь, ви́дя ва́ше бла­го́е про­из­во­ле́ніе, за­по­вѣ́­да а́н­ге­ломъ Сво­и́мъ спо­спѣ­ше­ство­ва́­ти ва́мъ и укрѣп­ля́ти ва́съ. Сего́ ра́ди, хотя́щему всѣ́мъ че­ло­вѣ́­комъ спа­сти́­ся Хри­сту́, по­е́мъ: Алли­лу́ія.

Икосъ 4

Слы́­ша­ще лю́діе, я́ко Го­спо́дь про­сла́­ви святы́мъ не­тлѣ́ніемъ тѣ­ле­са́ ва́ша и да­ро­ва́ ва́мъ бла­го­да́ть цѣ­ли́­ти не­ду́­ги и бо­лѣ́­зни, при­те­ка́­ютъ къ ва́мъ дви́­жиміи вѣ́­рою, съ во­сто́­ка, за́­па­да, сѣ́­ве­ра и ю́га, по­хва­ля́юще ва́съ при­вѣ́т­ствіи та­ко­вы́­ми:

Ра́дуй­ся Не́­сто­ре, пе́р­вый ру́с­скій бы­то­пи­са́­те­лю; ра́дуй­ся житíй святы́хъ отце́въ Пе­че́р­скихъ ска­за́­те­лю и усе́рд­ный и́мъ во все́мъ по­дра­жа́­те­лю. Ра́дуй­ся, Ев­стра́тіе, до́блій му́­че­ни­че и по́ст­ни­че, со­о­бра́з­но Са­мо­му́ Хри­сту́ по­стра­да́в­шій; ра́дуй­ся, вся́ я́звы Го́­спо­да Іису́­са на тѣ́лѣ сво­е́мъ по­не­сы́й. Ра́дуй­ся, Елла́діе, за­тво́р­ни­ковъ по­хва­ло́; ра́дуй­ся, Іеремíе, про­зор­ли́­выхъ сла́­во. Ра́дуй­ся, Мо­исе́е, цѣ­ло­му́­дрія свѣ­ти́­ло; ра́дуй­ся, Іо­а́н­не, дѣ́в­ства по­бѣ́­до. Ра́дуй­ся, Ма́р­ко, его́­же честнíи ру́цѣ гро́­бы святы́мъ иско­па́­ша; ра́дуй­ся, его́­же гла́­са ме́ртвіи по­слу́­ша­ша. Ра́дуй­ся, Ни­ко́­ло кня́же, въ по­слу­ша́­ніе бра́тіи Пе­че́р­ской все­цѣ́­ло себе́ пре­да́­вый; ра́дуй­ся, Гри­го́ріе, и́же по­топ­ле́ніемъ въ рѣцѣ́ кон­чи́­ну бла­же́н­ную прія́вый, его́­же тѣ́ло пре­чест­но́е въ ке́л­іи чу­де́с­но обрѣ́­те­ся.

Ра́дуй­те­ся, вси́ пре­по­до́б­ніи отцы́ на́ши Пе­че́р­скіи, всемíрніи свѣ­ти́ль­ни­цы, ве­ли́кіи и пре­сла́в­ніи чу­до­тво́р­цы.

Кон­да́къ 5

Ви́дя Діо­ни́­сій бо­го­му́­дрый тѣ­ле­са́ ва́ша во гро­бѣ́хъ свято­лѣ́п­но по­чи­ва́­ю­щіи, егда́ вни́­де по­ка­ди́­ти въ де́нь Па́­схи Хри­сто́­вой, отъ из­бы́т­ка люб­ве́ и бла­го­го­вѣ́нія къ ва́мъ воз­зва́: "святíи отцы́ и бра́тія, ны́нѣ е́сть ве­ли́къ де́нь: Хри­сто́съ во­скре́­се!" И, о чу­де­се́! Слы́­шитъ а́біе отъ ва́съ гро­мо­гла́с­ное: "во­и́­стину во­скре́­се!" Дивя́шеся чуде­си́ сему́ пре­сла́в­но­му, по­е́мъ во­скре́с­ше­му и пре­бы­ва́­ю­щему во вѣ́къ вѣ́ка Хри­сту́ Бо́гу: Алли­лу́ія.

Икосъ 5

Разу́м­ніи звѣ́зды не­бе­се́ пе­ще́р­на­го вы́ есте́, отцы́ пре­хва́ль­ніи, пу́ть и́но­че­ска­го житія́ освѣ­ща́­ю­щіи и на кру́­гѣ святы́я Це́р­кве Пра­во­сла́в­ныя пре­свѣ́т­ло бли­ста́­ю­щіи. Сла́­ва бо все­чест­ны́хъ по́­дви­говъ ва́­шихъ во вся́ мíра кон­цы́ про­те­че́, ис­по­вѣ́­да­ніе же святы́я вѣ́ры ва́шея всю́ все­ле́н­ную обли­ста́. Сего́ ра́ди дер­за́­емъ при­но­си́­ти ва́мъ сія́ убо́­гая на́ша пѣ́нія:

Ра́дуй­ся, Они́­си­ме, я́ко тѣ­сно­то́ю за­тво́­ра пе­ще́р­на­го въ про­стра́н­ная се­ле́нія ра́й­скія про­ше́лъ еси́; ра́дуй­ся, я́ко а́лч­бою и жа́­ждою на­сы­ще́ніе бе­ско­не́ч­ное ли­це­зрѣ́­нія Бо́жія улу­чи́лъ еси́. Ра́дуй­ся, Ма­тѳе́е, я́ко за чи­сто­ту́ души́ и тѣ́ла да́ра про­ро́­че­ска­го спо­до́б­ленъ бы́лъ еси́; ра́дуй­ся, я́ко кро́­то­стію и незло́­біемъ вы­со́­кихъ до­сти́глъ еси́. Ра́дуй­ся, Иса́іе, кла́­де­зю глу­бо́­кій сми­ре́нія; ра́дуй­ся, исто́ч­ни­че неизсяка́­е­мый чу­до­тво­ре́ній. Ра́дуй­ся, Авра́­міе, сы́не свята́го тру­до­лю́­бія; ра́дуй­ся, Ни́­фон­те святи́­те­лю, по­бо́р­ни­че пра­во­сла́­вія. Ра́дуй­ся, Сильве́стре, би́­се­ре пре­чест­ны́й; ра́дуй­ся, Пи́­ме­не, со­су́­де Ду́ха Свята́го из­бра́н­ный. Ра́дуй­ся, Ону́­фріе, язы́­комъ мол­ча­ли́­вый, умо́мъ хва­ли́­вый Бо́га; ра́дуй­ся, Ана­то́­ліе, тер­пѣ­ли́­вый ду­ше́ю, ра́зу­момъ цѣ­ло­му́­дрен­ный.

Ра́дуй­те­ся, вси́ пре­по­до́б­ніи отцы́ на́ши Пе­че́р­скіи, всемíрніи свѣ­ти́ль­ни­цы, ве­ли́кіи и пре­сла́в­ніи чу­до­тво́р­цы.

Кон­да́къ 6

Про­по­вѣ́д­ни­цей на́мъ явля́ется чест­на́я де­сни́­ца твоя́, Спи­ридо́­не бо­го­прія́тне, е́юже пра­во­сла́в­ныхъ ча́дъ тво­и́хъ поу­ча́­е­ши, ка́ко пе́р­сты сла­га́­ти по­до­ба́­етъ во изо­бра­же́ніе кре­ста́ свята́го на челѣ́, уста́ же ра­ско­лоу­чи́­те­лей за­гра­жда́­е­ши, я́вѣ об­ли­ча́я и́хъ не­пра́­вое уче́ніе о пер­сто­сло­же́ніи. Си́мъ бо о́бра­зомъ осѣ­ни́въ себе́ кре́ст­нымъ зна́­ме­ніемъ, ото­ше́лъ еси́ ко Хри­сту́, Ему́­же пред­стоя́ мо­ли́ся, да уга­си́тъ без­мѣ́р­но горя́щую пе́щь стра­сте́й на́­шихъ, да да́руетъ на́мъ и́стин­ное усе́р­діе сла­во­сло́­ви­ти Его́ не­пре­ста́н­но во псалмѣ́хъ и пѣ́ніихъ ду­хо́в­ныхъ въ се́й жи́­зни, и въ бу́ду­щей да спо­до́­битъ на́съ пѣ́ти Ему́: Алли­лу́ія.

Икосъ 6

Возсія́ я́ко пре­свѣ́т­лое свѣ­ти́­ло бо­го­зна­ме­ни́­тая оби́­тель ва́ша, отцы́ пре­по­до́б­ніи, и всю́ зе́­млю Ру́с­скую бла­го­да́тію Бо́жіею про­свѣ­ти́: ю́же кро́в­ны­ми по́ты воз­дви­го́­сте и на ню́же бла­го­да́ть свы́­ше мо­ли́­тва­ми ва́­ши­ми и святы́ми по́­дви­ги при­вле­ко́­сте, ре­вну́я бо по­ре­вно­ва́­сте про­ро́­че­ству во апо́­сто­лѣхъ Пер­воз­ва́н­на­го не сол­га́­ти­ся, е́же рече́: "на го­ра́хъ си́хъ возсія́етъ бла­го­да́ть Бо́жія и вѣ́ра умно́­жит­ся". Тѣ́м­же ва́мъ, я́ко ви­но́в­ни­комъ про­ро́­че­ства о́на­го зо­ве́мъ:

Ра́дуй­ся, Аре́­ѳо, я́ко Го­спо́дь ми́­лость Свою́ на тебѣ́ уди­ви́; ра́дуй­ся, я́ко Го­спо́дь укра́­ден­ное бо­га́т­ство твое́ въ ми́­ло­сты­ню тебѣ́ вмѣ­ни́. Ра́дуй­ся, Ѳе­о́­фи­ле, ему́­же земля́ бы́сть ло́­жемъ, власяни́ца оде́­ждою; ра́дуй­ся, Си­со́е, ему́­же бдѣ́ніе бы́сть сно́мъ, сле́­зы ус­по­ко­е́­ніемъ. Ра́дуй­ся, Али́піе, ему́­же а́н­ге­ли въ тру­дѣ́хъ свята́го ико­но­пи­са́нія по­мо́щ­ни­ки бы́ша; ра́дуй­ся, Си́­мо­не cвяти́тeлю, его́­же святѣ́и ру́цѣ житія́ святы́хъ на­пи­са́­ша и на́мъ на по́ль­зу ду­ше́в­ную пре­да́­ша. Ра́дуй­ся, Ни́­ко­не, Ан­то́нія пе́р­вый бла­го­го­вѣ́й­ный уче­ни­че́; ра́дуй­ся, Ѳе­о­до́­сія въ дѣ́­лѣхъ мо­на­сты́р­скихъ усе́рд­ный со­тру́д­ни­че и въ ду­ше­спа­си́­тель­ныхъ по́­дви­зѣхъ ра­чи́­тель­ный соу­ча́ст­ни­че. Ра́дуй­ся, Ѳе­о­фа́­не, я́ко тѣ́ло по­сто́мъ умер­тви́лъ еси́; ра́дуй­ся, Ониси́­фо­ре, я́ко ду́шу бдѣ́н­ны­ми мо­ли́­тва­ми ожи­ви́лъ еси́. Ра́дуй­ся, Ма­ка́­ріе, я́ко за жи́знь святу́ю не­тлѣ́ніемъ тѣ́ла отъ Го́­спо­да по­чте́нъ бы́лъ еси́; ра́дуй­ся, Ана­ста́­сіе, діа́­ко­не бла­го­го­вѣ́й­ный и стра­да́ль­че пре­ди́в­ный.

Ра́дуй­те­ся, вси́ пре­по­до́б­ніи отцы́ на́ши Пе­че́р­скіи, всемíрніи свѣ­ти́ль­ни­цы, ве­ли́кіи и пре­сла́в­ніи чу­до­тво́р­цы.

Кон­да́къ 7

Хотя́ пре­бла­гíй Го­спо́дь страну́ на́шу бла­го­да́тію Сво­е́ю обо­га­ти́­ти и да́ти о́бразъ хотя́щимъ спа­сти́­ся, по­дви́­же ва́съ Ду́­хомъ Святы́мъ на вель­ми́ ско́рб­ное и бо­гоу­го́д­ное жи­тіе́, и́мже уди­ви́­сте не то́­кмо че­ло­вѣ́­ковъ на зе­мли́, но и а́н­ге­ловъ на не­бе­си́: вы́ бо, о, отцы́ бо­го­но́с­ніи, въ пе­ще́­рахъ за­клю­чи́в­ше­ся, а́ки во гро­бѣ́хъ, всеу­се́рд­но въ те­пло­тѣ́ се́рд­ца и души́, Еди́­ному Бо́гу по­ра­бо́­та­сте, бо­го­кра́с­но по­ю́­ще пѣ́снь: Алли­лу́ія.

Икосъ 7

Но́выя жи́­зни и́но­че­скія отца́­ми и учи́­телями яви́­сте­ся, я́же на Руси́ ниже́ име­но­ва́ся ко­гда́, сію́ вы́ на­са­ди́­сте и до́­брѣ уко­ре­ни́­сте. Тѣ́м­же без­чи́­слен­ная мно́­же­ства мо­на́­ше­ству­ю­щихъ, по­слѣ́ду­ю­ще ду­ше­спа­си́­тель­нымъ стезя́мъ ва́­шимъ, бла­го­да́р­но ва́мъ вос­пѣ­ва́­ютъ:

Ра́дуй­ся, Авра́­міе, я́ко Хри­ста́ Го́­спо­да все́ю ду­ше́ю и се́рд­цемъ воз­лю­би́лъ еси́; ра́дуй­ся, я́ко Его́ ра́ди и тру­ды́ ве́ліи за­тво́­ра пе­ще́р­на­го подъя́лъ еси́. Ра́дуй­те­ся и вы́, два­на́­де­сять бра́тій пре­кра́с­ніи, я́ко це́р­ковь Бо́жія Ма́­те­ре, не­бе­си́ по­до́б­ную, укра­си́­ли есте́; ра́дуй­те­ся, я́ко за тру­ды́ ва́ша ди­на́рій отъ Сы́на Ея́ Хри­ста́ Бо́га, Ца́р­ство не­бе́с­ное вос­прія́ли есте́. Ра́дуй­ся, Иса­а́кіе, я́ко пре­мно́­ги­ми стра­да́ніи діа́­воль­скую пре́­лесть низ­ло­жи́лъ еси́; ра́дуй­ся, Иліе́, я́ко воз­дер­жа́нія по́­дви­ги и без­стра́­стія бла­го­да́тію обо­га­ти́л­ся еси́. Ра́дуй­ся мла­де́н­че му́­че­ни­че Іо­а́н­не, я́ко кро́вь твою́ святу́ю не­по­ви́н­но за Хри­ста́ пролія́лъ еси́; ра́дуй­ся, Ни́­ко­не, я́ко на кре­стѣ́ про­сте́р­ше­му во́­лею дла́­ни Хри­сту́, тер­пѣ́ніемъ и незло́­біемъ вель­ми́ уго­ди́лъ еси́. Ра́дуй­ся святи́­те­лю Ефре́­ме, я́ко пче­ла́ со́тъ пре­сла́­докъ, та́ко ты́ уста́въ студíйскій въ оби́­тель Пе­че́рскую при­не́слъ еси́; ра́дуй­ся, Ти́те бла­же́н­не, я́ко гнѣ́в­на­го бѣ́са сми­ре́ніемъ по­пра́лъ еси́. Ра́дуй­ся, я́ко тму́ лу­ка́­выхъ де́­мо­новъ да­ле́­че отъ на́съ про­го­ня́еши; ра́дуй­ся, я́ко свѣ́тъ, е́же не гнѣ́­ва­ти­ся на бли́ж­няго, со­бо́ю на́мъ про­ли­ва́­е­ши.

Ра́дуй­те­ся, вси́ пре­по­до́б­ніи отцы́ на́ши Пе­че́р­скіи, всемíрніи свѣ­ти́ль­ни­цы, ве­ли́кіи и пре­сла́в­ніи чу­до­тво́р­цы.

Кон­да́къ 8

Стра́н­ное и пре­сла́в­ное чу́до бла­го­да́­ти не­бе́с­ныя прояви́ся во о́чію всѣ́хъ вѣ́р­ныхъ: пе­ще́­ра раз­бо́й­ни­ковъ въ хра́­момъ Бо́жіимъ со­дѣ́­ла­ся; идѣ́­же бо грѣ́хъ пре­и­зо­би́­ло­ва, та́мо бла­го­да́ть пріумно́­жи­ся; идѣ́­же те́рнъ без­за­ко́нія уко­ре­ни́­ся, та́мо ке́­дри рая́ Хри­сто́­ва воз­рас­то́­ша; идѣ́­же бла́­то смра́д­ное грѣ­ха́ бя́ше, та́мо исто́ч­ни­цы без­сме́р­тія во­ски­пѣ́­ша; идѣ́­же сме́рть обла­да́­ше, та́мо Го­спо́дь во­ца­ри́ся. Див́ящеся из­мѣ­не́нію де­сни́­цы Вы́шняго, зо­ве́мъ: Алли­лу́ія.

Икосъ 8

Все́ ва́ше, пре­бла­же́н­ніи отцы́, тща́ніе, же­ла́ніе и по­пе­че́ніе бя́ше, да всезло́б­но­му ро́да хри­стіа́н­ска­го вра­гу́ го́р­дую гла­ву́ по­пра́­ти и со­тре́­ти, Го́­спо­да же Іису́­са Хри­ста́ въ ду­ша́хъ и тѣ­ле­се́хъ ва́­шихъ да воз­ве­ли́­чи­ти и про­сла́­ви­ти. Сего́ ра́ди при­вѣ́т­ствуемъ ва́съ си́це:

Ра́дуй­ся, священ­но­му́­че­ни­че Лукіа́­не, я́ко уго­то́­ва­ся тебѣ́ не­бе́с­ное жи­ли́­ще; ра́дуй­ся, я́ко стра­да́ль­цу, да­ро­ва́ся тебѣ́ не­скон­ча́­е­мое ра́й­ское по­ко́­и­ще. Ра́дуй­ся, Ла­вре́н­тіе, я́ко суе­ты́ мірскíя из­бѣ́глъ еси́; ра́дуй­ся, я́ко къ обще­жи­тію́ съ мíромъ а́н­гель­скимъ во­сте́клъ eси́. Ра́дуй­ся, Па­фну́тіе, я́ко, по́мня ча́съ сме́рт­ный, не­пре­ста́н­но сле­зи́лъ еси́; ра́дуй­ся, я́ко при кон­чи́­нѣ отъ а́н­ге­ловъ утѣ­ше́нія спо­до́­бил­ся еси́. Ра́дуй­ся, Мар­ти́ріе, я́ко за ве­ли́кую чи­сто­ту́ и по́ст­ни­че­скіе по́­дви­ги да́ра цѣ­ли́­ти бо­лѣ́­зни спо­до́б­ленъ бы́лъ еси́; ра́дуй­ся, Ила­ріо́­не, я́ко ти́­хост­нымъ и кро́т­кимъ нра́­вомъ, по и́ме­ни тво­е­му́, кро́т­ко­му Го́­спо­ду Іису́су бла­гоу­го­ди́лъ еси́. Ра́дуй­ся, кня́же Ѳе­о́­до­ре, я́ко въ че́сть и во сла́ву Це́р­кве Пра­во­сла́в­ныя мно́­го по­тру­ди́л­ся еси́; ра́дуй­ся, Діо­ни́­сіе, я́ко - "во­и́­стину во­скре́­се Гоcпо́дь" - отъ пре­по­до́б­ныхъ отце́въ въ де́нь Па́­схи услы́­шалъ еси́. Ра́дуй­ся, Аѳана́­сіе, я́ко кра́с­ная мíра сего́ пре­зрѣ́въ, бла́ту вмѣ­ни́лъ еси́; ра́дуй­ся, святи́­те­лю Ѳе­о́­фи­ле, па́­сты­рю до́­брый, я́ко за па­со́­мыхъ то­бо́ю и жи­во́тъ по­ло­жи́­ти го­то́въ бы́лъ еси́.

Ра́дуй­те­ся, вси́ пре­по­до́б­ніи отцы́ на́ши Пе­че́р­скіи, всемíрніи свѣ­ти́ль­ни­цы, ве­ли́кіи и пре­сла́в­ніи чу­до­тво́р­цы.

Кон­да́къ 9

Всѣ́мъ есте́ вся́, отцы́ пре­по­до́б­ніи, не­бе́с­ная бо вра­че­ства́ пред­ла­га́­е­те на́мъ и къ без­ме́з­днымъ лѣч­ба́мъ сво­и́мъ вся́ ны́ со­зы­ва́­е­те, не хи­трость­ми́ че­ло­вѣ́­че­ски­ми, ни обяза́нь­ми, но дѣ́й­ствіемъ Свята́го Ду́ха ду­ше́в­ныя и тѣ­ле́с­ныя ис­цѣ­ле́нія пре­е­сте́­ствен­нѣ по­да­е́­те, е́же пріе́м­лю­ще оби́ль­но, ро́дъ вся́къ и во́з­растъ Бла­го­да́­те­лю и Про­мы­сли́­те­лю зо­ве́тъ бла­го­да́р­но: Алли­лу́ія.

Икосъ 9

Витíи мно­го­вѣ­ща́н­ніи ри́­тор­ски­ми сво­и́­ми язы́ки не воз­мо́гутъ до­сто́й­но вос­пѣ́­ти ва́шея святы́ни, тѣ́мъ па́че мы́, убо́­зіи сло́­вомъ и ра́зу­момъ, кíими пѣ́снь­ми вос­хва́­лимъ ва́съ, о отцы́, а́н­ге­ломъ рав­но­че́ст­ніи? Оба́­че, по­бу­жде́­ни усе́р­діемъ и лю­бо́­вію я́же къ ва́мъ, дер­за́­емъ вѣн­ча́­ти ва́съ си́ми не­до­сто́й­ны­ми по­хва­ла́­ми:

Ра́дуй­ся, Зи­но́­не, по­сто́мъ и мно́­ги­ми ины́­ми по́­дви­ги и́но­че­ска­го житія́ свѣ́т­ло просія́вый; ра́дуй­ся, сми­ре́ніемъ, кро́­то­стію и по­слу­ша́­ніемъ зе́­млю кро́т­кихъ на­слѣ́­ди­вый. Ра́дуй­ся, Гри­го́ріе, я́ко зе́ліемъ, и́мже пи­та́л­ся еси́, здра́­віе боля́щимъ пре­по­да́­вый; ра́дуй­ся, Ипа́­тіе, святы́мъ отце́мъ въ бо­лѣ́знѣхъ со всеу­се́р­діемъ по­слу­жи́­вый и за сіе́ бла­го­да́ть Ду́ха исцѣля́ти не­ду́­ги вос­прія́вый. Ра́дуй­те­ся, отцы́ пре­по­до́б­ніи, и́хже пре­чест­нíи гла­вы́ во здра́­віе ду́шъ и тѣ­ле́съ на́­шихъ мѵ́ро исто­ча́­ютъ; ра́дуй­те­ся, и́хже пресвятíи ду́ши въ не­из­ре­че́н­нѣй сла́­вѣ Бо́жію пре­сто́лу пред­стоя́тъ. Ра́дуй­ся, Мо­исе́е, я́ко мо­ли́­тва­ми, по­сто́мъ и ве­ри́­га­ми стра́­сти умер­тви́лъ еси́; ра́дуй­ся, Іо́­си­фе, я́ко вра­та́­ми сми­ре́н­на­го и усе́рд­на­го по­слу­ша́­нія въ вѣ́ч­ный по­ко́й вше́лъ еси́. Ра́дуй­ся, Па́вле, я́ко ни­ко­ли́­же въ пра́з­дно­сти вре́­ме­не пре­про­во­ди́лъ еси́, тѣ́м­же со тру­жда́­ю­щи­ми­ся и обре­ме­не́н­ны­ми во­дво­ри́л­ся еси́; ра́дуй­ся, Си­со́е, я́ко чрез­мѣ́р­ны­ми по́­дви­ги по́ст­ни­че­ства не то́­кмо че­ло­вѣ́­ковъ, но и а́н­ге­ловъ уди­ви́лъ еси́. Ра́дуй­те­ся, Ле­о́н­тіе и Ге­ро́н­тіе, я́ко изъ мла­де́н­чества Хри­ста́ воз­лю­би́­ли есте́; ра́дуй­те­ся, я́ко во о́тро­че­ствѣ въ по́­дви­зѣхъ на­ста́в­ни­комъ со­рав­ня́лися есте́.

Ра́дуй­те­ся, вси́ пре­по­до́б­ніи отцы́ на́ши Пе­че́р­скіи, всемíрніи свѣ­ти́ль­ни­цы, ве­ли́кіи и пре­сла́в­ніи чу­до­тво́р­цы.

Кон­да́къ 10

Спа­сти́ хотя́ мно́­гихъ, всѣ́хъ обра­ще́нія и спа­се́нія ми́­ло­стив­но ища́й, пре­ми­ло­се́рд­ный Хри­сто́съ Бо́гъ на́шъ, други́хъ ва́съ отце́въ Еги́­пта, Ѳи­ва­и́­ды и Па­ле­сти́­ны, - Руси́ прояви́, да ва́ми мно́­гихъ вра­зу­ми́тъ и по­ка́­жетъ ва́­шимъ жи­тіе́мъ пу́ть ко спа­се́нію, въ че́мъ вы́ по­тру́жд­ше­ся, до́­брѣ преус­пѣ́­сте, въ не­вѣ́­дѣніи су́­щихъ Ева́н­гель­ской и́сти­нѣ не­лѣ́­ност­но поу­ча́я, къ пра­во­вѣ́рію при­ве­до́­сте и къ хра­не́нію Бо́жіихъ за́­по­вѣ­дей и бо­гоу­го́д­но­му и чи́­стому жи­тію́ сло́­вомъ и дѣ́­ломъ не­пре­ста́н­но воз­бу­жда́­сте, Бо́гу По­мо́щ­нику пѣ́снь по­ю́­ще: Алли­лу́ія.

Икосъ 10

Стѣ­но́ю тве́рдою и огра­жде́ніемъ крѣ́п­кимъ бу́­ди­те на́мъ, все­хва́ль­ніи отцы́, съ те́­плою вѣ́­рою, усе́р­діемъ и лю­бо́­вію къ ва́мъ при­бѣ­га́­ю­щимъ, огра­жда́­ю­ще на́съ про­ти́ву чу́в­ствен­ныхъ и мы́­слен­ныхъ вра­го́въ на́­шихъ, да не убо­и́м­ся и́хъ, но да по­бѣ­жда́­емъ тíи мо­ли́­тва­ми ва́­ши­ми ко Хри­сту́ Бо́гу, зо­ву́­ще съ бла­го­да­ре́ніемъ къ ва́мъ си́це:

Ра́дуй­ся, Не́­сто­ре, ни́жняя пре­зрѣ́­вый, вы́шняя же воз­лю­би́­вый; ра́дуй­ся, я́ко предъ кон­чи́­ною Са­ма́­го Го́­спо­да Іису́­са Хри­ста́ со а́н­ге­лы ви́­дѣ­ти спо­до́­би­вый­ся. Ра́дуй­ся, Ѳе­о́­до­ре, я́ко хра­не́ніе усто́мъ сво­и́мъ по­ло­жи́лъ еси́; ра́дуй­ся, Па́м­во ис­по­вѣ́д­ни­че, бо́ги язы́­че­скія прокля́вый, и́мя же Го́­спо­да не­бе­се́ и зе­мли́ ис­по­вѣ́­да­вый. Ра́дуй­ся, Со­фро́­ніе, за­тво́­ромъ крѣ́п­кимъ и же­лѣ́­зомъ тѣ́ло стѣ­сни́­вый, ду­ше́ю же и умо́мъ со псалмо­пѣ́ніемъ къ не­бе­си́ не­пре­ста́н­но па­ри́­вый; ра́дуй­ся, Пан­кра́тіе, я́ко боля́щимъ бла­го­да́тію Ду́ха Свята́го ис­цѣ­ле́нія исто­ча́­е­ши. Ра́дуй­ся, Ана­то́­ліе, я́ко ду́хи лу­ка́­выя отъ при­хо­дя́щихъ къ тебѣ́ съ вѣ́­рою про­го­ня́еши; ра́дуй­ся, Мар­да́ріе, ни­ще­ты́ и нестяжа́нія лю­би́­те­лю. Ра́дуй­ся, Ам­мо́­не, дре́в­нимъ отце́мъ святы́мъ въ по́­дви­зѣхъ всеу­се́рд­ный по­дра­жа́­те­лю; ра́дуй­ся, Піо́­ре, стра́­сти тѣ­ле́с­ныя огне́мъ воз­дер­жа́нія по­па­ли́­вый. Ра́дуй­ся, Мар­ти́ріе, до­бро­дѣ́­тель­нымъ нра́­вомъ ду́шу про­свѣ­ти́­вый; ра́дуй­ся Ру́ѳе, во о́бразъ жи­тіе́мъ сво­и́мъ по́ст­ни­комъ и по­дви́ж­ни­комъ бы́­вый.

Ра́дуй­те­ся, вси́ пре­по­до́б­ніи отцы́ на́ши Пе­че́р­скіи, всемíрніи свѣ­ти́ль­ни­цы, ве­ли́кіи и пре­сла́в­ніи чу­до­тво́р­цы.

Кон­да́къ 11

Пѣ́ніе вся́кое хва­ле́б­ное по­бѣ­жда́­ет­ся мно́­же­ствомъ пре­сла́в­ныхъ ва́­шихъ по́­дви­говъ и тру­до́въ чрез­мѣ́р­ныхъ, пре­вос­хо­дя́щихъ жи­тіе́ че­ло­вѣ́­че­ское, но а́н­гель­скому по­до́б­ное, тѣ́м­же и по­хва­ла́мъ отъ а́н­гелъ па́че, а не отъ че­ло­вѣ́къ ва́мъ при­но­си́­мымъ бы́ти до­сто́яше, оба́­че усе́рд­ное на́ше ви́дяще про­из­во­ле́ніе, съ вѣ́­рою и лю­бо́­вію при­но­си́­мое на́ми пріи­ми́­те пѣ́ніе и ис­про­си́­те на́мъ остав­ле́ніе грѣ­хо́въ, и да въ до́­бромъ ис­прав­ле́ніи и покая́ніи скон­ча́­емъ вре́­мен­ное сіе́ жи­тіе́ на́ше, въ вѣ́ч­нѣмъ же да спо­до́­бим­ся мо­ли́­тва­ми ва́­ши­ми пѣ́ти Бо́гу: Алли­лу́ія.

Икосъ 11

Свѣ́тъ ва́мъ не­за­хо­ди́­мый возсія́ воз­не­на­ви́­дѣв­шимъ стра­сте́й тму́, уго́д­ни­цы Бо́жіи пре­сла́в­ніи: ве­се́ліе же не­скон­ча́­е­мое вос­прія́ ва́съ, до́­брый по́­двигъ со тща́ніемъ скон­ча́в­шихъ. Тѣ́м­же пред­стоя́ще пре­сто́лу Хри­сто́ву, по­ми­на́й­те на́съ, по­ю́­щихъ ва́мъ сія́:

Ра́дуй­ся, Ев­фро­си́ніе, го́рняго Іеру­са­ли́­ма дщи́ пре­чест­на́я; ра́дуй­ся, до́ль­няго Іеру­са­ли́­ма, на́­шею гра́­да Кíева, ма́ти пре­свѣ́т­лая. Ра́дуй­ся, Іуліанíе дѣ́во, ли́ліе пре­кра́с­ная, про­изро́ст­шая въ зем­но́мъ Хри­сто́­вомъ са́дѣ; ра́дуй­ся, про­цвѣ́т­шая въ не­бе́с­номъ Его́ вер­то­гра́­дѣ. Ра́дуй­ся, Ма­ка́­ріе священ­но­му́­че­ни­че, я́ко до сме́р­ти вѣ́­ренъ па́­стырь бы́лъ еси́; ра́дуй­ся, я́ко пре́­жде, не́же прія́ти ти́ пре­сто́лъ на зе­мли́ чу́в­ствен­ный, на пре­сто́­лы мы́­слен­ныя пред­по­сла́л­ся еси́. Ра́дуй­ся, Кассіа́­не, за­тво́р­ни­че ди́в­ный; ра́дуй­ся, Ар­се́­ніе, я́ко за бо­гоу­го́д­ные вре́­мен­ные, вѣ́ч­но отъ Хри­ста́ упо­ко́енъ еси́. Ра́дуй­ся, Евѳи́­міе, я́ко по­ще́нія ра́ди тво­е­го́ ве­ли́­ка­го и не­мо́лч­на­го сла­во­сло́­вія Бо́гу, ра́й­скихъ сла́­до­стей на­сы­ща́­е­ши­ся и со а́н­ге­лы по­е́­ши; ра́дуй­ся, Ве­ніа­ми́­не, я́ко разда́въ имѣ́­нія твоя́, на ло́нѣ Авра­а́­ма по­чи­ва́­е­ши. Ра́дуй­ся, Ти́те, я́ко зем­на́­го царя́ во́­ин­ство оста́­вилъ еси́, да не­бе́с­но­му Царю́ хра́­брѣй­шій во́­инъ бу́­де­ши; ра́дуй­ся, Ахи́­ло, я́ко отъ ю́но­сти распя́лся еси́ жи­тію́ и стра­сте́мъ, да рас­пе́н­ша­го­ся во́­лею на кре­стѣ́ Хри­ста́ пріо­бря́щеши.

Ра́дуй­те­ся, вси́ пре­по­до́б­ніи отцы́ на́ши Пе­че́р­скіи, всемíрніи свѣ­ти́ль­ни­цы, ве­ли́кіи и пре­сла́в­ніи чу­до­тво́р­цы.

Кон­да́къ 12

Бла­го­да́тію Все­ми́­ло­сти­ва­го и Все­ще́­дра­го Бо́га жи­тіе́мъ рав­но­а́н­гель­нымъ по­жи́­сте на зе­мли́, отцы́ духо­но́с­ніи, чу­де­са́ мно́­ги содѣ́ясте, хра́мъ Пре­чи́­стѣй Го­спо­жѣ́ Дѣ́вѣ Бо­го­ро́­ди­цѣ пре­чу́­денъ со­зда́­сте и я́ко не­вѣ́сту пре­кра́с­ну зла́­томъ, сре­бро́мъ и ка́­ме­ніемъ мно­го­цѣ́н­нымъ укра­си́­сте, въ о́нь­же лю́діе отъ всея́ все­ле́н­ныя при­хо­дя́щіи, вос­хва­ля́ютъ о ва́съ Хри­ста́ Бо́га, по­ю́­ще Ему́: Алли­лу́ія.

Икосъ 12

Пою́ще ва́ше без­мо́лв­ное жи­тіе́, по­хва­ля́емъ по́­дви­ги ва́ша: по́стъ, мо­ли́­твы, сле́­зы, колѣ­нопре­кло­не́нія, все­нощ­ны́я бдѣ́нія, пло́­ти умер­вщле́нія, ду́ха со­кру­ше́ніе, дол­уле­га́нія, сми­ре́ніе, кро́­тость, мол­ча́­ніе, тер­пѣ́ніе, ни­ще­ту́, нeстяжа́ніе и вся́ та́ чте́мъ, я́же люб­ве́ ра́ди Хри­сто́­вы подъя́сте, та́ко вос­пѣ­ва́­ю­ще:

Ра́дуй­те­ся, Па­и́­сіе и Мер­ку́ріе, я́ко въ не­раз­лу́ч­нѣй жи́­зни и еди­но­ду́ш­нѣй люб­ве́ бра́т­ской по­жи́­сте на зе­мли́; ра́дуй­те­ся, я́ко еди́­ною жи́знію и ра́­до­стію вку́­пѣ на­сла­жда́­е­те­ся со Хри­сто́мъ и на не­бе­си́. Ра́дуй­ся, Ма­ка́­ріе, и́бо я́ко Самуи́лъ въ ю́нѣмъ во́з­ра­стѣ въ служе́ніе Го́­спо­ду пред­на­зна́­ченъ бы́лъ еси́; ра́дуй­ся, Пи́­ме­не, и́бо я́ко пше­ни́­ца гу́м­на Хри­сто́­ва, въ жи́т­ни­цы не­бе́с­ныя пре­до­пре­дѣ­ле́нъ бы́лъ еси́. Ра́дуй­ся, Силуа́­не, я́ко на кри́­лѣхъ по­ста́ и мо­ли́­твы къ Бо́гу воз­ле­тѣ́лъ еси́; ра́дуй­ся, Ага­ѳо́­не, я́ко на пле­щѣ́хъ до­бро­дѣ́­те­лей вы­со́­кихъ въ го́р­нія подъя́тъ бы́лъ еси́. Ра́дуй­ся, За­ха́­ріе, я́ко бѣ­со́мъ стра́­шенъ бы́лъ еси́, а́н­ге­ломъ же со­бе­сѣ́д­никъ яви́лся еси́, съ ни́ми же и ко пре­сто́лу Тро́­и­цы Пресвяты́я вос­па­ри́лъ еси́; ра́дуй­ся, Ло́н­ги­не, я́ко путе́мъ у́з­кимъ пра́­во ше́­ство­валъ еси́, и́мже и рая́ Бо́жія до­спѣ́лъ еси́. Ра́дуй­ся, Игна́тіе, кня́же пре­свѣ́т­лый пе­ще́р­на­го гра́­да; ра́дуй­ся, па́­сты­рю пре­по­до́б­ный бо­го­из­бра́н­на­го ста́­да. Ра́дуй­ся, му́­че­ни­че мла­де́н­че, я́ко за Хри­ста́ отъ Ирода без­че­ло­вѣ́ч­на­го ча́шу сме́р­ти ис­пи́­вый; ра́дуй­ся, зе́­млю во­сто́­ка кро́­вію освяти́­вый и на́шу страну́ при­ше́­ствіемъ тво­и́мъ бла­го­сло­ви́­вый.

Ра́дуй­те­ся, вси́ пре­по­до́б­ніи отцы́ на́ши Пе­че́р­скіи, всемíрніи свѣ­ти́ль­ни­цы, ве­ли́кіи и пре­сла́в­ніи чу­до­тво́р­цы.

Кон­да́къ 13

О, все­бла­же́н­ніи и вся́кихъ по­хва­ле́ній пре­вы́сшіи, пре­по­до́б­ніи отцы́ на́ши Пе­че́р­скіи, пріи­ми́­те сіе́ ма́­лое ва́мъ при­но­ше́ніе, я́коже и Го­спо́дь прія́тъ двѣ́ ле́­птѣ вдо­ви́­цы, и не воз­гну­ша́й­те­ся мо­ле́ніемъ на́­шимъ, я́ко и Хри­сто́съ не воз­гну­ша́ся ло­бза́­нія блуд­ни́­цы, но спо­до́­би­те на́съ хо­да́­тай­ствомъ ва́­шимъ ко Го́­спо­ду въ до́­бромъ ис­прав­ле́ніи и покая́ніи скон­ча́­ти жи­тіе́ сіе́ и съ мо­ли́­твою во устѣ́хъ, въ се́рд­цѣ и душѣ́ отой­ти́ отъ сея́ вре́­мен­ныя жи́­зни къ вѣ́ч­нѣй, и пред­ста́­ти пре­сто́лу Все­вы́ш­няго, идѣ́­же вы́ пред­сто­и­те́ со ар­ха́н­ге­лы и а́н­ге­лы и со все́­ми святы́ми, пѣ́снь по­ю́­ще: Алли­лу́ія.

Се́й кон­да́къ гла­го́­лет­ся три́­жды. Та́же Икосъ 1-й и Кон­да́къ 1-й

Мо­ли́­тва ко пре­по­до́б­нымъ отце́мъ Пе­че́р­скимъ

О, пре­по­до́б­ніи и бо­го­но́с­ніи отцы́ на́ши Ан­то́ніе и Ѳе­о­до́­сіе, и вси́ пре­по­до́б­ніи Пе­че́р­скіи, свѣ­ти́­ла зем­на́я пре­свѣ́т­лая, отъ те́м­ныхъ мѣ́стъ пе­ще́р­ныхъ въ зе­мли́ Ру́с­ской сла́в­но просія́вшіи, и сію́ мно́­ги­ми свѣ­то­за́р­ны­ми ан­ге­лон­ра́в­на­го ва́­ше­го житія́ звѣз­да́­ми оне­бе­си́в­шіи, всю́ же все­ле́н­ную вы­со́­кихъ до­бро­дѣ́­те­лей свѣт­лость­ми́ и чу­де́съ Бо­же́­ствен­ныхъ бли­ста́нь­ми уди­ви́в­шіи, и ны́нѣ сме́рт­нымъ за́­па­домъ пло́т­ски на вре́мя во гро́бъ за­ше́д­ше, ду­ша́­ми со Хри­сто́мъ, Со́лн­цемъ пра́­вды, су́ще пра́­вед­ни­цы, про­свѣ­ща́­е­те­ся, я́ко со́лн­це во Ца́рствіи не­бе́с­нѣмъ. Идѣ́­же мо­ли́­твен­ніи ва́ша къ Бо́гу Свѣ́ту лучи́ о оте́­че­ствѣ сво­е́мъ про­сти­ра́­ю­ще, не за­бу́­ди­те и ны́, все­гда́ш­нія своя́ мо­ли́­твен­ни­ки, въ нощи́ стра­сте́й и скор­бе́й пре­бы­ва́­ю­щія, свы́­ше бла­го­да́т­ны­ми при­зи­ра́­ти осія́ніи, я́ко да во свѣ́­тѣ до­бро­дѣ́­тель­на­го ва́­ше­го житія́ пра́­во ходя́ще, спо­до́­бим­ся зрѣ́­ти свѣ́тъ не­при­кос­но­ве́н­ныя сла́­вы Бо́жія, хва́ляще Его́ ку́п­но съ ва́ми въ не­скон­ча́­е­мыя вѣ́ки. Ами́нь.

Мо­ли́­тва ина́я

О, пре­бла­же́н­ніи, при­сно­сла́в­ніи, пре­по­до́б­ніи отцы́, святíи пер­во­на­ча́ль­ни­цы Пе­че́р­скіи, Ан­то́ніе и Ѳе­о­до́­сіе, свы́­ше Бо́­гомъ да­ро­ва́н­ніи, дво́­и­це бла­го­да́т­ная, со­ю́­зомъ со­вер­ше́н­ства, лю­бо́­вію къ Бо́гу и бли́ж­не­му со­е­ди­не́н­ная, не то́­чію въ жи́­зни се́й вре́­мен­ной друго­лю́б­нѣ тру­ди́в­шіися о по́ль­зѣ ду­ше́в­ной и́но­че­ству­ю­щихъ и въ мíрѣ бла­го­че́ст­но жи­ву́­щихъ, но и по от­ше́­ствіи сво­е́мъ въ жи́знь вѣ́ч­ную обѣ­ща́в­шіися по­со́б­ство­ва­ти всѣ́мъ и мо­ли́­ти­ся ко Го́­спо­ду Бо́гу и Пресвятѣ́й Бо­го­ро́­ди­це о спа­се́ніи всѣ́хъ, на­и­па́­че грѣ́ш­ни­ковъ, отъ ни́х­же пе́р­вый е́смь а́зъ. Къ ва́мъ, уго́д­ни­комъ Бо́жіимъ и Пресвяты́я Бо­го­ро́­ди­цы, я́ко и́стин­нымъ хо­да́­та­емъ спа­се́нія, при­те­ка́я, сми­ре́н­но мо­лю́­ся: пред­ста́­ни­те мнѣ́ въ по́­мощь, у́за­ми грѣ­хо́въ свя́­зан­но­му, и по­мо­ли́­те­ся о мнѣ́, ку́п­но же и всѣ́хъ на­слѣ́д­ни­ковъ бо­гоу­го́д­на­го ва́­ше­го житія́ и сна­слѣ́д­ни­ковъ Ца́рствія не­бе́с­на­го по­дви́г­ни­те на мно­го­мо­гу́щія мо­ли́­твы, всѣ́хъ бо ва́съ, не­до­сто́й­ный, при­зы­ва́­ти на за­ступле́ніе дер­за́ю, жела́я отъ всѣ́хъ грѣ­хо́въ мо­и́хъ ва́ми сво­бо­жде́ніе полу­чи́­ти. Вси́ пре­по­до́б­ніи отцы́ Пе­че́р­скіи, бо­гоу­го́д­но тру­ди́в­шіися и не­тлѣ́н­но въ пе­ще́­рахъ по­чи­ва́­ю­щіи, святíи іе­ра́р­си, священ­но­на­ча́ль­ни­цы, священ­но­и́­но­цы, по́ст­ни­цы, му́­че­ни­цы, дѣ́в­ствен­ни­цы, чу­до­тво́р­цы, вы́ есте́ ро́дъ из­бра́нъ, ца́р­ское свяще́ніе, язы́къ свя́тъ, лю́діе об­нов­ле́нія, из­вѣ­сти́­теліе до­бро­дѣ́­те­лей изъ тмы́ тлѣ́н­ныя сея́ жи́­зни При­зва́в­ша­го ва́съ въ чу́д­ный свѣ́тъ; ва́съ бо ни земля́ по­та­и́­ла е́сть, а́ще же кíихъ и по­та­и́­ла, подъ спу́­домъ по­чи­ва́­ю­щихъ, но, вѣ́рую, я́ко всѣ́хъ не́бо прія́ло е́сть, и я́ко сла́­вы ва́шея ис­по­вѣ́­сти, та́ко и име́нъ ва́­шихъ ис­че­сти́ ми не воз­мо́ж­но, мно́­же­ству бо звѣ́здно­му упо­до́­би­сте­ся, ра́з­вѣ Са́мъ, ис­чи­та́яй мно́­же­ство звѣ́здъ и всѣ́мъ и́мъ име­на́ на­ри­ца́яй, ис­по­вѣ́­дан­ный отъ ва́съ на зе­мли́ Ца́рь сла́­вы, Хри­сто́съ, всѣ́хъ ва́съ, пре­по­до́б­ныхъ Сво­и́хъ, по и́ме­ни на­пи́­сан­ныхъ на не­бе­сѣ́хъ, ис­чи­та́­етъ и со­вер­ше́н­но ис­по­вѣ́дуетъ предъ Отце́мъ Сво­и́мъ Не­бе́с­нымъ. По­мо­зи́­те мнѣ́, грѣ́ш­но­му, въ со­кру­ше́ніи и сми­ре́ніи се́рд­ца мо­е­го́ при­па́­дая, мо­лю́­ся ва́мъ, свѣ́тъ су́ще мíру и свѣ­ти́ль­ни­цы, изъ-подъ спу́­да пе­ще́р­на­го по­ста́в­ле­ни ду­ша́­ми на свѣ́щ­ни­цѣ не­бе́с­номъ, осіява́й­те мя́, омра­че́н­на­го на­вѣ́­ты вра́жіи­ми, свѣ́­томъ бла­го­да́­ти свы́­ше, да въ не́мъ ходя́щъ, не пре­ткну́ о ка́­мень ноги́ моея́. Вы́ есте́ со­су́­ди, въ че́сть из­бра́н­ніи, ис­по́л­нен­ніи бла­го­да́­ти Бо́жія оби́ль­но, молю́: спо­до́­би­те мя́, грѣ́ш­на­го, отъ ис­пол­не́нія ва́­ше­го прія́ти. Вы́ есте́ со́ль зе­мли́, а́зъ же е́смь земля́, бу́­ди­те мнѣ́ со́лію, со­блю­да́­ю­ще все­цѣ́­ло ду́шу и тѣ́ло мое́ отъ со­гни́­тія грѣ­хо́в­на­го. Вси́ вы́, пре­по­до́б­ніи Пе­че́р­скіи, вра́­че­ве бла­го­да́т­ніи, исцѣля́ющіи вся́къ не­ду́гъ и вся́ку я́зю въ лю́­дехъ, мо­лю́­ся ва́мъ, святíи: ис­цѣ­ли́­те и моя́ ду­ше́в­ныя и тѣ­ле́с­ныя я́звы, да до­сто́й­но про­слав­ля́ю Бо́га въ души́ и тѣ­ле­си́ мо­е́мъ, всѣ́хъ ва́съ во все́мъ бла­го­да­ря́. Вы́ бы́­сте а́лчущіи и жа́­ждущіи пра́­вды, ны́нѣ же бла­же́н­на­го обѣ́­да въ Ца́рствіи Бо́жіи до­сто́й­но на­сы­ща́­е­те­ся. Сми­ре́н­но ко­лѣ́­на се́рд­ца мо­е­го́ пре­кло­ня́я, молю́ ва́съ: по­да­ди́­те и мнѣ́, а́лчу­щему и жа́­жду­щему, тоя́жде бла­го­да́­ти, поне́ отъ кру­пи́цъ па́­да­ю­щихъ отъ тра­пе́­зы ва́шея, и на­сы­ти́­те ду́шу мою́ тщу́ и ду́шу а́лчущу ис­по́л­ни­те бла́гъ. О, все­ще́­дріи го­спо́діе! всѣ́хъ ва́съ до́­брый Па́­стырь па­се́тъ, и ни­что́­же ва́съ уже́ ли­ши́тъ. Ва́­ши­ми бла­го­прія́т­ны­ми мо­ли́­тва­ми со­дѣ́­лай­те, да и мене́, а́ще и не­до­сто́й­на­го, ни­что́­же ли­ши́тъ бла́­го; мо́­же­те бо, пре­по­до́б­ніи вси́, всѣ́мъ вся́ о укрѣп­ля́­ю­щемъ всѣ́хъ ва́съ Іису́­сѣ Хри­стѣ́. Бу́­ди­те, уго́д­ни­цы Бо́жіи, и мнѣ́, окая́н­но­му, вси́ вся́, да съ про́­чіи­ми всѣ́­ми и мене́, къ ва́мъ всеу­се́рд­но при­те­ка́­ю­ща­го, при­о­бря́щете. Аще бо мно́­го мо́­жетъ мо­ли́­тва еди́­на­го пра́­вед­на­го, по­спѣ­ше­ству́­е­мая во бла­го́е, коль­ми́ па́че ва́съ, пра́­вед­ныхъ и пре­по­до́б­ныхъ мно́­гихъ, мо́гутъ мо­ли́­твы вся́ у все­ми́­ло­сти­ва­го Бо́га. Не два́ или́ тріе́ во и́мя Хри­сто́­во со́­бра­ни есте́, и не два́ со­вѣ­ща́­сте­ся на зе­мли́ про­си́­ти во и́мя Хри­сто́­во Отца́ Не­бе́с­на­го, но ве́ліе мно́­же­ство ва́съ, о пре­по­до́б­ніи! По­мо­ли́­те­ся о мнѣ́, еди́­номъ отъ грѣ́ш­ныхъ, а́зъ же вѣ́рую, я́ко Бо́гъ, про­слав­ля́емый въ со­вѣ́­тѣ всѣ́хъ ва́съ, пре­по­до́б­ныхъ Сво­и́хъ, услы́­шитъ про­ше́ніе со́­бран­ныхъ и со­вѣ­ща́н­ныхъ во и́мя Его́. Из­гу­би́хъ, окая́нный, грѣ­хо­па­де́нь­ми мо­и́­ми бла­го­да́ть Бо́жію, вы́, святíи Пе­че́р­скіи, мно́­же­ствомъ сво­и́мъ по­и­щи́­те, молю́, во­и́­стин­ну обря́щете. Увы́ мнѣ́! за­тво­ре́­ны предо мно́ю, не­до­сто́й­нымъ, две́­ри ми­ло­се́р­дія, вы́, пре­по­до́б­ніи уго́д­ни­цы Бо́жіи, вси́ по­тол­цы́­те, и отве́рзут­ся ра́ди ва́съ мнѣ́, грѣ́ш­но­му, я́ко да и а́зъ къ ва́­шему мно́­же­ствен­но­му чис­лу́, съ бо́ль­шею ва́­шею сла́­вою, ва́­ши­ми святы́ми мо­ли́­тва­ми, при­чте́нъ бы́ти спо­до́б­лю­ся. О до­сто­хва́ль­ніи, пре­по­до́б­ніи отцы́ Пе­че́р­скіи! вы́ есте́ ра́­до­ва­ніе Царя́ Не­бе́с­на­го, вы́ бла­го­прія́тная же́р­тва Вы́шняго, вы́ гра́­жда­не но́­ва­го Іеру­са­ли́­ма, вы́ на­слѣ́д­ни­цы Ца́рствія Бо́жія! Та́ко бо вси́ те­ко́­сте, я́ко и же­ла́­е­мое по­сти́г­ну­сте. Молю́, и мо­и́мъ но­га́мъ бла­го́е те­че́ніе въ пути́ за́­по­вѣ­дей Го­спо́д­нихъ со­дѣ́­лай­те и же­ла́­е­мое по­сти́г­нути грѣ́ш­на­го мене́ спо­до́­би­те ва́­ши­ми мно­го­мо́щ­ны­ми хо­да́­тай­ствы, да вше́дъ въ до́мъ Ца́рствія вѣ́ч­на­го, воз­ра́дую­ся и воз­ве­се­лю́­ся, бла­го­да­ря́ всѣ́хъ ва́съ, пре­по­до́б­ныхъ, о та­ко­во́й люб­ви́ ва́­шей ко бли́ж­не­му, и ку́п­но съ ва́ми вос­хва­лю́ и воз­ве­ли́чу во хва­ле́ніи Еди́­на­го въ Тро́­и­цѣ Пресвятѣ́й, отъ всея́ тва́­ри на не­бе­си́ и на зе­мли́ хва­ли́­ма­го, бла­го­сло­ви́­ма­го и по­кла­ня́­е­ма­го Все­ми́­ло­сти­ва­го Бо́га, Отца́ и Сы́на и Свята́го Ду́ха, съ Пре­чи́­стою и При­сно­бла­же́н­ною Дѣ́­вою Бо­го­ро́­ди­цею, ны́нѣ, и при́­сно, и во вѣ́ки вѣ­ко́въ, ами́нь.

Тро­па́рь, гла́съ 2

Егда́ сни­до́­сте во гро́­бы, и са­мѣ́хъ себе́ за­клю­чи́­сте, то­гда́, стра́­сти умер­тви́в­ше плот­скíя, спо­гре­бо́­сте­ся Хри­сту́, бо­го­но́с­ніи, и діа́­воль­скія въ под­зе́м­ныхъ раз­ру­ши́­сте огра́­ды, сего́ ра́ди а́н­ге­ли вѣн­цы́ съ не­бе́съ ва́мъ по­да­ю́тъ.

Кон­да́къ, гла́съ 8

Отцы́ все­чест­нíи, ли́че бо­го­кра́с­ный, чу­де́съ мно́­гихъ исто́ч­ни­цы, мѵ́ро исто­ча́­ю­щіи, со­кро́­ви­ща красно­бо­га́т­ная Го­спо́д­ня, въ зе­мли́ со­кро­ве́н­ная, не пре­ста́й­те, мо́­лимъ вы́, о на́съ мо­ли́­ти­ся ко Го́­спо­ду, да зо­ве́мъ ва́мъ: ра́дуй­те­ся, все­му́ мíру свѣ­ти́ль­ни­цы.

Ве­ли­ча́­ніе

Вели­ча́­емъ ва́съ, пре­по­до́б­ніи отцы́ на́ши Пе­че́р­скіи, и чте́мъ святу́ю па́мять ва́шу, вы́ бо мо́­ли­те о на́съ Хри­ста́, Бо́га на́­ше­го.