Кон­да́къ 1

Избра́н­ніи отъ Царя́ си́лъ Го́­спо­да Іису́­са во апо́­сто­лы язы́­комъ Сло­ве́н­скимъ, Ме­ѳо́­діе и Кири́л­ле бо­го­му́­дріи, пѣ́снь­ми вос­хва­ля́емъ ва́съ, пред­ста́­те­лей на́­шихъ; вы́ же, я́ко иму́щіи дер­зно­ве́ніе ко Го́­спо­ду, отъ вся́кихъ на́съ на­па́­стей пред­ста́­тель­ствомъ ва́­шимъ сво­бо­ди́­те, зо­ву́­щихъ:

Ра́дуй­те­ся, Ме­ѳо́­діе и Кири́л­ле, язы́къ Сло­ве́н­скихъ апо́­сто­ли и бо­го­му́­дріи учи́­теліе.

Икосъ 1

Анге­ловъ Тво­ре́цъ и Го­спо́дь си́лъ преду­ста́­ви ва́съ бы́ти про­свѣ­ти́­те­ли язы́­комъ Сло­ве́н­скимъ; того́ ра́ди и бла­го­да́ть Его́ бѣ́ съ ва́ми, огра­жда́­ю­щи и укрѣп­ля́ющи ва́съ во вся́ дни́ жи­во­та́ ва́­ше­го, ю́же по­мо́щ­ни­цу себѣ́ иму́­ще, сла́ву Бо́жію во гра­дѣ́хъ и пу­сты́­нехъ, дѣ́лы и сло­ве­сы́ вѣ­ща́­ли есте́ всѣ́мъ. Тѣ́м­же и мы́, я́ко о́трасль язы́къ, вѣ́­рою Хри­сто́­вою отъ ва́съ про­свѣ­ще́н­ныхъ, вос­пѣ­ва́­емъ ва́съ, гла­го́­лю­ще:

Ра́дуй­те­ся, ра́­до­сти Ева́н­гель­скія бла­го­вѣ­сти́­теліе; ра́дуй­те­ся, чу­до­дѣ́й­ствен­ныя бла­го­да́­ти но­си́­теліе. Ра́дуй­те­ся, ско́р­би мно́­ги за и́мя Го­спо́д­не прія́вшіи; ра́дуй­те­ся, пре́­ле­сти мíра сего́ отве́рг­шіи. Ра́дуй­те­ся, из­дѣ́т­ска Бо́­гомъ бла­го­сло­ве́н­ніи; ра́дуй­те­ся, вѣн­цы́ ис­по­вѣ́д­ни­че­ски­ми отъ Него́ укра­ше́н­ніи. Ра́дуй­те­ся, я́ко сла́ву че­ло­вѣ́­че­скую пре­зрѣ́в­ше, въ пу­сты́­ни Го́­спо­да иска́­ли есте́; ра́дуй­те­ся, я́ко во́лю Его́ си́ль­нымъ мíра сего́ со мно́­гимъ дер­зно­ве́ніемъ бла­го­вѣ­сти́­ли есте́. Ра́дуй­те­ся, си́хъ ра́ди отъ Вла­ды́­ки всѣ́хъ въ ра́й свѣ́­телъ прія́тіи; ра́дуй­те­ся, предъ Ни́мъ на́ши те́­пліи хо­да́­тае. Ра́дуй­те­ся, я́ко ва́­ши­ми мо­ли́­тва­ми вѣ́рѣ на́­шей утвер­жде́ніе и́ма­мы; ра́дуй­те­ся, я́ко пред­ста́­тель­ствомъ ва́­шимъ е́ре­сей одо­лѣ́ніе стяжа́­хомъ.

Ра́дуй­те­ся, Ме­ѳо́­діе и Кири́л­ле, язы́къ Сло­ве́н­скихъ апо́­сто­ли и бо­го­му́­дріи учи́­теліе.

Кон­да́къ 2

Ви́дѣвъ святы́й Кири́ллъ, еще́ сы́й о́трокъ, въ нощи́ ви­дѣ́­ніе, я́ко из­бра́­ти ему́ Софíю дѣ́ву се­стру́ себѣ́, ро­ди́­те­лемъ сія́ по­вѣ́­да. Тíи же, разу­мѣ́в­ше здѣ́ во́лю Бо́жію, во е́же бы́ти ча́ду и́хъ пре­му́­дро­сти слу­жи́­те­лю, вель­ми́ о нау­че́ніи и на­ка­за́ніи его́ пе­ко́­ша­ся, зря́ще же ско́­рое его́ въ ра́зумѣ пре­спѣ́яніе, поя́ху Бо́гу: Алли­лу́ія.

Икосъ 2

Ра́зумъ не­до­разу­мѣ́н­ный и есте­ство́ су́­щихъ ис­пы­ту́я, Кири́ллъ въ пре­му́­дро­сти па́че све́рст­никъ сво­и́хъ пре­спѣ­ва́­ше и, еще́ о́трокъ сы́й, про­сла́­вися, и въ па­ла́­тѣхъ ца́р­скихъ во о́бразъ благíй ю́ному сы́ну ца­ре́ву во­дво­ре́нъ бѣ́. Но, бо­га́т­ство и сла́ву зем­ну́ю пре­зрѣ́въ и е́же еди́­но на по­тре́бу спа­се́нія ища́, въ пу­сты́­ню все­ли́ся, да по­ще́нь­ми и мо­ли́­тва­ми без­стра́­стія до­сти́г­нетъ. Си́хъ же ра́ди и Ме­ѳо́­дій, во­е­во́­да уже́ сы́й, оты́­де на гору́ Оли́мпъ, идѣ́­же я́ко и́нокъ Го́­спо­ду слу­жа́­ше. Тѣ́м­же нау­чи́м­ся и мы́ иску­ше́нія мíра пре­зи­ра́­ти, на­и­па́­че же Хри­сту́ Бо́гу уго­жда́­ти, уго́д­ни­ки Его́ вос­пѣ­ва́­ю­ще си́це:

Ра́дуй­те­ся, сла́­вою, я́же отъ че­ло­вѣ́къ, не пре­льсти́в­шіися; ра́дуй­те­ся, пу­стынно­жи́­тель­ству крѣ́п­цѣ при­лѣ­пи́в­шіися. Ра́дуй­те­ся, я́ко Го­спо́дь про­свѣ­ща́лъ вы́ е́сть въ со́ніихъ и ви­дѣ́­ніихъ; ра́дуй­те­ся, я́ко и му́­дрость че­ло­вѣ́­че­ская по­со́б­ство­ва ва́мъ во спа­се́ніе. Ра́дуй­те­ся, я́ко сло́­во Бо́жіе и святы́хъ оте́цъ пи­са́нія па́че фи­ло­со́фіи воз­лю­би́­ли есте́; ра́дуй­те­ся, я́ко Го­спо́д­ня за­ко́­на не слы́­ша­теліе за­бы́т­ли­ви бы́­сте, но тво­р­цы́. Ра́дуй­те­ся, я́ко ко́з­ни діа́­воль­скія, на пу­стынно­жи́­те­ли находя́щія, по­бѣ­ди́­ли есте́; ра́дуй­те­ся, я́ко си́хъ ра́ди да­де́ся ва́мъ вла́сть надъ иску­ше́нь­ми и страсть­ми́. Ра́дуй­те­ся, я́ко по́­дви­зи ва́ши стяжа́ша ва́мъ вѣ­не́цъ жи­во­та́; ра́дуй­те­ся, я́ко и ны́нѣ по­дви́ж­ни­комъ и по́ст­ни­комъ по­со́б­ни­цы есте́. Ра́дуй­те­ся, всѣ́мъ грѣ́ш­нымъ предъ Бо́­гомъ бла́­зіи за­сту́п­ни­цы; ра́дуй­те­ся, ду́шъ на́­шихъ отъ ле́­сти са­та­ни́н­скія за­щи́т­ни­цы.

Ра́дуй­те­ся, Ме­ѳо́­діе и Кири́л­ле, язы́къ Сло­ве́н­скихъ апо́­сто­ли и бо­го­му́­дріи учи́­теліе.

Кон­да́къ 3

Си́ла мо­ле́ній ца­ре́­выхъ пону́­ди свята́го Кири́л­ла пу­сты́­ню оста́­ви­ти служе́нія ра́ди па́­стыр­ска въ Ца­ре­гра́­дѣ, идѣ́­же сла́ву Бо́жію уче́нь­ми и дѣ́лы вѣ­ща́­ше и е́ресь иконо­бо́р­ную по­сра­мля́ше. Тѣ́м­же и на́съ, о святы́й о́тче, въ пра­во­сла́­віи утвер­ди́, отпа́д­шія же отъ и́стин­ныя вѣ́ры еди­но­пле­ме́н­ни­ки на́ша къ еди­но­вѣ́рію воз­вра­ти́, да вси́ Сло­ве́­не еди́­нѣ­ми усты́ во­пію́тъ о про­свѣ­ти́­те­лехъ сво­и́хъ Хри­сту́ Бо́гу: Алли­лу́ія.

Икосъ 3

Имѣ́я пре­му́­дро­сти си́лу, по­те́клъ еси́, святы́й Кири́л­ле, съ мо­на́­хомъ Гео́р­гіемъ ко Ага́ряномъ стяза́нія ра́ди о вѣ́рѣ, и отъ свята́го Гри­го́рія Бо­го­сло́­ва ду­хо́в­но про­свѣ­ща́­емь, пре­му́­дрость та́й­ны Святы́я Тро́­и­цы во мно́­зѣхъ по­до́­біихъ по­ка­за́лъ еси́, по­сра­мля́я не­че­сти́­выхъ си́­лою сло­ве́съ тво­и́хъ. Тíи же, за́­ви­стію рас­па­ля́еми, вос­хо­тѣ́­ша зе́ліемъ по­гу́­би­ти тя́, его́­же вку́шь, не пре­тер­пѣ́лъ еси́ вре­да́, но здра́въ при­бы́лъ еси́ ко свято́му Ме­ѳо́­дію во оби́­тель и съ ни́мъ ку́п­но и́но­че­скія тру­ды́ па́ки подъя́лъ еси́, и про­свѣ­ти́­ся пу­сты́ня по́­дви­говъ ва́­шихъ свѣ́­томъ. Тѣ́м­же и на́съ пред­ста́­тель­ствомъ ва́­шимъ про­свѣ­ти́­те, лю­бо́­вію по­ю́­щихъ:

Ра́дуй­те­ся, до­бро­гла́с­ніи сла́­вы Бо́жія ким­ва́­ли; ра́дуй­те­ся, Це́р­кве Его́ тве́р­діи стол­пи́. Ра́дуй­те­ся, та́й­ну Тро́­и­цы въ по­до́­біихъ про­по­вѣ́­дав­шіи; ра́дуй­те­ся, во­пло́­ще­ніе Бо́га Сло́­ва предъ Сра­ци́­ны не­тре́­пет­но ис­по­вѣ́­дав­шіи. Ра́дуй­те­ся, Елли­новъ и Іуде́­евъ и ва́р­ва­ровъ про­свѣ­ти́­теліе; ра́дуй­те­ся, Тріе­ди́­на­го Бо­же­ства́ бла­го­вѣ­сти́­теліе. Ра́дуй­те­ся, я́ко ва́ми по­сра­ми́­ся ле́сть иконо­бо́р­ная; ра́дуй­те­ся, я́ко отъ ва́съ увяда́­етъ не­че́­стіе Ага́рянское. Ра́дуй­те­ся, я́ко и́стину Хри­сто́ву не­вѣ́дущіи и́мутъ вы́ учи́­те­ли; ра́дуй­те­ся, я́ко иску­ша́­еміи со­мнѣ́ніемъ обрѣ­та́­ютъ вы́ въ вѣ́рѣ на­ста­ви́­те­ли. Ра́дуй­те­ся, я́ко про­гнѣ́­вав­шіи Го́­спо­да и́мутъ ва́съ предъ Ни́мъ пред­ста́­те­ли; ра́дуй­те­ся, я́ко уго­жда́­ю­щіи Ему́ имѣ́­ютъ вы́ по­кро­ви́­те­ли.

Ра́дуй­те­ся, Ме­ѳо́­діе и Кири́л­ле, язы́къ Сло­ве́н­скихъ апо́­сто­ли и бо­го­му́­дріи учи́­теліе.

Кон­да́къ 4

Бу́рю раз­ли́ч­ныхъ бѣ́дъ и зо́лъ, на язы́ки Сло­ве́н­скія находя́щую, пред­ста́­тель­ствомъ ва́­шимъ ра­зо­ри́­те, пре­по­до́б­ніи, я́ко служе́ній мно́­гихъ жре́­бій прія́ли есте́, и во апо́­столь­стѣмъ бо ли́цѣ, и въ пре­по­до́б­ныхъ со́н­мѣ, и во учи́­те­лей че́­сти, и во ис­по­вѣ́д­ни­ковъ во́­ин­ствѣ вчи­ни́ ва́съ Го­спо́дь, да вси́ Сло­ве́­не во­пію́тъ Ему́ о ва́съ: Алли­лу́ія.

Икосъ 4

Слы́ша ца́рь Коза́­рескъ, я́ко и́стин­ная вѣ́ра въ стра­нѣ́ Елли­новъ ис­по­вѣ́дует­ся, ис­про­си́ себѣ́ отъ царя́ Ви­зан­тíйска учи́­те­лей пра­во­сла́­вія. Се́й же умо­ли́ святы́хъ Кири́л­ла и Ме­ѳо́­дія оста́­ви­ти пу­сты́­ню и плы́­ти по́н­томъ Евк­си́н­скимъ къ Коза́­ромъ. Къ ни́м­же при­ше́д­ше, свята́я бра́тія, обра­ти́­ша серд­ца́ и́хъ ко Хри­сту́ и спа­си́­тель­ное Кре­ще́­ніе пре­по­да́­ша и́мъ. Съ тѣ́­ми­же и мы́ про­сла́­вимъ рав­ноа­по́­столь­ныхъ бра́тій, гла­го́­лю­ще:

Ра́дуй­те­ся, не убоя́в­шіися сни́­ти ко ва́р­ва­ромъ съ Ева́н­гель­скимъ бла­го­вѣ́­стіемъ; ра́дуй­те­ся, оза­ри́в­шіи мо́ре сла́в­нымъ сво­и́мъ та́мо ше́­ствіемъ. Ра́дуй­те­ся, я́ко свята́го апо́­сто­ла Кли́­мен­та не­тлѣ́н­ныя мо́щи отъ ва́съ обрѣ́­те­ны бы́ша; ра́дуй­те­ся, я́ко того́ по́­мощію не­че́­стіе Коза́р­ско отъ ва́съ по­сра­ми́­ся. Ра́дуй­те­ся, я́ко свѣ́тъ Хри­сто́въ стра­нѣ́ полу́­ноч­нѣй пре­по­да́­ли есте́; ра́дуй­те­ся, я́ко пра́­ве­д­но­сти ва́шея сла́­ва во вся́ кон­цы́ зе­мли́ рас­про­стре́ся. Ра́дуй­те­ся, Це́р­кве Хри­сто́­вы пред­ста́­тель­ство и утвер­жде́ніе; ра́дуй­те­ся, отъ е́ре­сей и ра­ско́­ловъ на́ше крѣ́п­кое огра­жде́ніе. Ра́дуй­те­ся, отъ Ага́рянъ и Іуде́й прія́вшіи за Хри­ста́ уко­ре́ніе; ра́дуй­те­ся, отъ мо­ще́й му́­че­ни­ка сни­ска́в­шіи бла­го­сло­ве́ніе. Ра́дуй­те­ся, по­чи­та́нію уго́д­ни­ковъ бла­ги́мъ о́бра­зомъ житія́ ва́­ше­го на́съ нау­чи́в­шіи; ра́дуй­те­ся, и са́ми, я́ко уго́д­ни­цы Бо́жіи, отъ всѣ́хъ пра­во­сла́в­ныхъ ис­по­вѣ́дуеміи.

Ра́дуй­те­ся, Ме­ѳо́­діе и Кири́л­ле, язы́къ Сло­ве́н­скихъ апо́­сто­ли и бо­го­му́­дріи учи́­теліе.

Кон­да́къ 5

Бого­те́ч­на звѣз­да́ яви́ся ва́мъ свята́го Кли́­ме­та не­тлѣ́н­ное тѣ́ло, вос­плы́въ на вол­на́хъ по́н­та Евк­си́н­ска­го, на его́­же днѣ́ отъ се­дми́­сотъ лѣ́тъ со­кры́­то ле­жа́­ше. Ва́мъ же яви́лъ е́ е́сть творя́й чу­де­са́ Го­спо́дь въ зна́­ме­ніе тру­до́въ апо́­столь­скихъ и ско́р­бей ис­по­вѣ́д­ни­че­скихъ ва́­шихъ. Еже разу­мѣ́в­ше, во­зо­пи́­сте Бо́гу: Алли­лу́ія.

Икосъ 5

Ви́дѣв­ше свята́я бра́тія со­пле­ме́н­ныя и́мъ Сло­ве́­ны и́стин­ную вѣ́ру ис­по­вѣ́дую­ща, сло́­во же Бо́жіе сво­и́мъ и́мъ язы́­комъ че­сти́ не вѣ́ду­ща, по­тща́­ша­ся Бо­же́­ствен­ныя кни́­ги на язы́къ Сло­ве́нскъ пре­ла­га́­ти, да вси́ лю́діе на сро́д­нѣмъ и́мъ язы́цѣ Еди́­на­го всѣ́хъ Го́­спо­да про­сла́вятъ; тѣ́м­же и мы́ про­сла́­вимъ Го́­спо­да о святи́­те­лехъ на́­шихъ, и́мже во­зо­піи́мъ:

Ра́дуй­те­ся, по­да́­теліе Хри­сто́­ва свѣ́­та на­ро́­домъ ино­пле­ме́н­нымъ; ра́дуй­те­ся, про­свѣ­ти́­теліе Сло­ве́нъ, ва́мъ со­пле­ме́н­ныхъ. Ра́дуй­те­ся, дѣ́­ла­теліе ви­но­гра́­да Хри­сто́­ва; ра́дуй­те­ся, па́­стыріе до́бріи ста́­да Іису́­со­ва. Ра́дуй­те­ся, сло́­ва Бо́жія вѣ́р­ніи тол­ко́в­ни­цы; ра́дуй­те­ся, на́ши блазíи и кро́т­ціи учи́­теліе. Ра́дуй­те­ся, ми́ръ Хри­сто́въ съ со­бо́ю всю́­ду про­не́с­шіи; ра́дуй­те­ся, мíръ ве́сь свѣ́­томъ уче́ній ва́­шихъ про­свѣ­ти́в­шіи. Ра́дуй­те­ся, и ны́нѣ пріе́млю­щіи мо­ле́нія на́съ грѣ́ш­ныхъ; ра́дуй­те­ся, и ны́нѣ по­сы­ла́­ю­щіи утѣ­ше́ніе пе­ча́ль­нымъ. Ра́дуй­те­ся, всѣ́хъ, за и́стину уг­не­те́н­ныхъ, при­бѣ́­жи­ще; ра́дуй­те­ся, Ду́ха Свята́го пре­чест­но́е жи­ли́­ще.

Ра́дуй­те­ся, Ме­ѳо́­діе и Кири́л­ле, язы́къ Сло­ве́н­скихъ апо́­сто­ли и бо­го­му́­дріи учи́­теліе.

Кон­да́къ 6

Про­по­вѣ́д­ни­цы бо­го­но́с­ніи бы́в­ше, свята́я бра́тія, во стра­ны́ Сло­ве́н­скія идо́­ша про­свѣ­ти́­ти но­во­кре­ще́н­ныя лю́ди Хри­сто́­вымъ уче́ніемъ. Тíи же, узрѣ́в­ше ва́съ, я́ко а́н­ге­ловъ свѣ́т­лыхъ, спа­се́ніе бла­го­вѣ­сти́­ти гряду́­щихъ, я́ко па́­сты­рей до́­брыхъ, ду́шу свою́ за о́вцы по­ла­га́­ю­щихъ, во­зо­пи́­ша про­слав­ля́­ю­щему святы́я Своя́ Бо́гу: Алли­лу́ія.

Икосъ 6

Возсія́вши въ Мо­ра́­віи зари́ и́стин­ныя вѣ́ры, ис­про­си́­ша кня́зи Сло­ве́н­стіи отъ царя́ Ви­зан­тíйска­го во стра­ны́ своя́ учи́­те­ли и утвер­ди́­те­ли лю́­демъ. Си́хъ же мо­ле́нія услы́­шав­ше, святíи Ме­ѳо́­дій и Кири́ллъ во стра­ны́ Сло­ве́н­скія по­дви­го́­ша­ся, про­по­вѣ́­да­ю­ще Ева́н­геліе Ца́рствія Бо́жія Сло­ве́н­скимъ язы́­комъ. Еже увѣ́­дѣв­ше, воз­ра́­до­ва­ша­ся Сло­ве́­не и, отвсю́­ду ко святы́мъ бра́тіямъ при­те­ка́­ю­ще, за­ко́ну Бо́жію поу­ча́хуся, Го́­спо­да сла́вяще и про­свѣ­ти́­те­ли своя́ хва́ляще, съ ни́­ми­же и мы́ вку́­пѣ вос­по­и́мъ Ме­ѳо́­дія и Кири́л­ла, взы­ва́­ю­ще:

Ра́дуй­те­ся, апо́­сто­ли на́ши бо­го­гла­го́­ли­віи; ра́дуй­те­ся, учи́­теліе на́ши бла­го­да́т­ніи. Ра́дуй­те­ся, ис­по­вѣ́д­ни­цы на́ши, мно́­гое дер­зно­ве́ніе иму́щіи; ра́дуй­те­ся, пу­сты́н­ни­цы на́ши пре­по­до́б­ніи. Ра́дуй­те­ся, мо­ли́­твен­ни­цы на́ши те́­пліи; ра́дуй­те­ся, чу­до­тво́р­цы на́ши свѣ́т­ліи. Ра́дуй­те­ся, сла́­ви­ти Бо́га всѣ́­ми язы́ки за­вѣ­ща́в­шіи; ра́дуй­те­ся, треязы́ч­ную е́ресь до́бль­ствен­но об­ли­чи́в­шіи. Ра́дуй­те­ся, Сло­ве́­номъ въ го́дъ ско́р­би утѣ­ше́ніе; ра́дуй­те­ся, во обстоя́ніихъ тя́ж­кихъ на­де́­ждо и́хъ и за­ступле́ніе. Ра́дуй­те­ся, при­но­ся́щіи ко Вла­ды́­цѣ всѣ́хъ на́ша покая́нныя мо­ли́­твы; ра́дуй­те­ся, и са́ми о на́съ къ Нему́ вы́ну моля́щіися.

Ра́дуй­те­ся, Ме­ѳо́­діе и Кири́л­ле, язы́къ Сло­ве́н­скихъ апо́­сто­ли и бо­го­му́­дріи учи́­теліе.

Кон­да́къ 7

Хотя́ще из­гна́­ти вы́ изъ стра́нъ Сло­ве́н­скихъ, свяще́н­ни­цы Ла­ти́н­стіи окле­ве­та́­ша вы́ предъ епи́­ско­помъ Ри́м­скимъ. Егда́ же се́й съ мо­щ­ми́ свята́го Кли́­мен­та при­ше́д­шихъ ва́съ узрѣ́ и пра­во­вѣ́ріе ва́ше и до́­брое жи­тіе́ увѣ́­дѣ, а́біе по­сра­ми́ кле­ве­та́в­шія на вы́ ко­ры­сто­лю́б­цы, ва́съ же и́ме­немъ Хри­сто́­вымъ бла­го­сло­ви́, поя́ Бо́гу: Алли­лу́ія.

Икосъ 7

Ди́в­ніи апо́­сто­ли яви́­ша­ся, свята́я бра́тія, не иму́­ще поко́я въ тру­дѣ́хъ сво­и́хъ: святы́й бо Кири́ллъ отъ по́­дви­говъ мно́­гихъ из­не­мо́гъ, ско́­ро по при­ше́­ствіи въ Ри́мъ жи­во́тъ сво́й скон­ча́. Святы́й же Ме­ѳо́­дій ре́­вно­стію бра́­та сво­е­го́ укрѣп­ле́нъ и отъ па́пы Адріа́­на бла­го­да́тію ар­хіе­ре́й­скою по­чте́нъ, къ по́­дви­гомъ но́­вымъ въ Мо­ра́­вію и Пан­но́нію воз­вра­ти́­ся, идѣ́­же тру­ды́ мно́­жай­шія по­не­се́; и́мже дивя́щеся, вос­по­и́мъ святу́ю бра́тію, зо­ву́­ще:

Ра́дуй­те­ся, до́бріи слу́­зи Хри­сто́­вы; ра́дуй­те­ся, я́ко да́же до сме́р­ти вѣ́р­ни и́сти­нѣ пре­бы́­ли есте́. Ра́дуй­те­ся, Го́­спо­де­ви, а не че­ло­вѣ́­комъ уго­жда́в­шіи; ра́дуй­те­ся, и́ме­не Его́ ра́ди по­но­ше́нія отъ че­ло­вѣ́къ прія́вшіи. Ра́дуй­те­ся, чрезъ все́ жи­тіе́ на ни́вѣ Го­спо́д­ней по­тру­ди́в­шіися; ра́дуй­те­ся, и по сме́р­ти отъ па́­ствы своея́ лю­бо́­вію не отлу­чи́в­шіися. Ра́дуй­те­ся, свѣ́тъ мíру и со́ль зе­мли́ бы́в­шіи; ра́дуй­те­ся, я́ко свѣ­ти́ль­никъ, горя́й во тмѣ́, язы́­комъ свѣ­ти́в­шіи. Ра́дуй­те­ся, я́ко гра́дъ вер­ху́ горы́, отъ вѣ́р­ныхъ и не­вѣ́р­ныхъ не утаи́­вый­ся; ра́дуй­те­ся, за́­по­вѣ­ди Го­спо́д­ни со­тво́р­шіи и и́ныхъ нау­чи́в­шіи. Ра́дуй­те­ся, сего́ ра́ди ве́ліи во Ца́рствіи Бо́жіемъ на­ре­че́н­ніи; ра́дуй­те­ся, на зе­мли́ въ Це́р­кви Го­спо́д­ней про­сла́в­лен­ніи.

Ра́дуй­те­ся, Ме­ѳо́­діе и Кири́л­ле, язы́къ Сло­ве́н­скихъ апо́­сто­ли и бо­го­му́­дріи учи́­теліе.

Кон­да́къ 8

Стра́н­но пре­став­ле́ніе свята́го Кири́л­ла всѣ́мъ яви́ся, не о жи́­зни бо вре́­мен­нѣй по­мыш­ля́ше, но Го́­спо­да о но­во­про­свѣ­ще́н­ныхъ и́мъ це́р­квахъ моля́ше, да утвер­ди́тъ я́ въ пра­во­сла́­віи и отъ тріязы́ч­ныя е́ре­си и про́­чихъ на­па́­стей и бѣ́дъ да огра­ди́тъ я́, свята́го же Ме­ѳо́­дія увѣ­ща­ва́­ше, гла­го́­ля: "Се́, бра́­те, су­пру́­га во­ло́въ бя́ховѣ, еди́ну бразду́ тя́жуща, и а́зъ на лесѣ́ па́­даю, те­че́ніе скон­ча́въ; ты́ же лю́­би­ши святу́ю го́ру вель­ми́, не мози́ у́бо горы́ ра́ди оста́­ви­ти уче́нія язы́­ковъ Сло­ве́н­скихъ". Тѣ́м­же, то­ли́­цѣй ре́­вно­сти святы́хъ бра́тій дивя́щеся, вос­по­и́мъ Бо́гу: Алли­лу́ія.

Икосъ 8

Ве́сь пре́­данъ бы́въ ду­ше́ю же и тѣ́­ломъ за­вѣ́ту бра́­та сво­е­го́, святы́й Ме­ѳо́­дій не убоя́ся пре­ще́­ній кня́­же­скихъ, ни кле­ве́тъ отъ іе­ре́­евъ Ла­ти́н­скихъ, ни за­то­че́нія тем­ни́ч­на, но вся́ сія́, я́ко до́блій во́­инъ Хри­сто́въ, пре­тер­пѣ­ва́я, не пре­ста́ язы́ки Сло­ве́н­скія и па́­ству свою́ до́­брѣ пра́­ви­ти и про­свѣ­ща́­ти, до́н­де­же въ ста́­ро­сти опо­чи́ и къ свято́му Кири́л­лу во бла­же́н­ную оби́­тель ра́й­скую пре­ста́­вися. Къ ни́мъ же мы́ вос­по­и́мъ те́­плѣ:

Ра́дуй­те­ся, вѣн­це́мъ тер­пѣ́нія на зе­мли́ вѣн­ча́н­ніи; ра́дуй­те­ся, свѣ́­томъ вѣ́ч­нымъ на не­бе­си́ осія́нніи. Ра́дуй­те­ся, по­дви́ж­ни­цы, ни́щіи ду́­хомъ, я́ко ва́ше е́сть Ца́рствіе не­бе́с­ное; ра́дуй­те­ся, пла́­кав­шіи мно́­го, я́ко оби́ль­но утѣ́­ши­сте­ся. Ра́дуй­те­ся, кро́т­цыи, я́ко на­слѣ́­ди­сте во Хри­стѣ́ зе́м­ли Сло­ве́н­скія; ра́дуй­те­ся, а́л­кав­шіи и жа́­ждав­шіи пра́­вды, я́ко на­сы́­ти­сте­ся въ се­ле́ніихъ не­бе́с­ныхъ. Ра́дуй­те­ся, ми́­ло­сти­віи, я́ко не са́ми то́­кмо по­ми́­ло­ва­ни есте́, но и и́нымъ ми́­ло­сти отъ Бо́га хо­да́­таи бы́­сте; ра́дуй­те­ся, чи́­стіи се́рд­цемъ, я́ко дне́сь Бо́га ли­це́мъ къ лицу́ зри­те́. Ра́дуй­те­ся, ми­ро­тво́р­цы че­ло­вѣ́­комъ бы́в­шіи, я́ко сы́­но­ве Бо́жіи на­ре­ко́­сте­ся; ра́дуй­те­ся, из­гна́н­ніи пра́­вды ра́ди, я́ко ва́ше е́сть Ца́рствіе Бо́жіе. Ра́дуй­те­ся, я́ко воз­не­на­ви́­дѣ­ни бѣ́­сте отъ че­ло­вѣ́къ и го­не́ніе и кле­ве­ты́ прія́ли бѣ́­сте Хри­ста́ ра́ди; ра́дуй­те­ся, и ве­се­ли́­те­ся, я́ко мзда́ ва́ша мно́­га на не­бе­сѣ́хъ.

Ра́дуй­те­ся, Ме­ѳо́­діе и Кири́л­ле, язы́къ Сло­ве́н­скихъ апо́­сто­ли и бо­го­му́­дріи учи́­теліе.

Кон­да́къ 9

Вся́кія ко́з­ни, на стра­ны́ Сло­ве́н­скія находя́щія, бо́­дро разоря́ли есте́, пре­по­до́б­ніи, тѣ́м­же и ны́нѣ не оста́­ви­те на́съ, сми­ре́н­ныхъ и грѣ́ш­ныхъ, но вся́ Сло­ве́­ны въ пра­во­сла́­віи и еди­но­мы́­сліи утвер­ди́­те, да вси́ еди́­ны­ми усты́ и еди́­нѣмъ се́рд­цемъ во­пію́тъ про­сла́­вив­ше­му ва́съ Бо́гу: Алли­лу́ія.

Икосъ 9

Вѣтíя мно­го­вѣ­ща́н­ныя, я́ко ры́бы без­гла́с­ны, зри́мъ о ва́съ, пре­по­до́б­ніи: не­доу­мѣ́­ютъ бо, ка́ко и въ пу­сты́­ни ду́­хомъ ви­та́­ли есте́, и по­сре­дѣ́ че­ло­вѣ́къ не­у­сы́п­ны­ми по́­дви­ги по­дви­за́­сте­ся. Мы́ же, ра́ду­ю­ще­ся, я́ко та­ко­вы́ и́ма­мы учи́­те­ли и мо­ли́­твен­ни­ки, про­слав­ля́емъ ва́съ, гла­го́­лю­ще:

Ра́дуй­те­ся, и́стин­ныя вѣ́ры ис­по­вѣ́д­ни­цы; ра́дуй­те­ся, Ца́рствія Бо́жія на­слѣ́д­ни­цы. Ра́дуй­те­ся, е́ре­си иконо­бо́р­ныя об­ли­чи́­теліе; ра́дуй­те­ся, Іуде́й­ства по­сра­ми́­теліе. Ра́дуй­те­ся, треязы́ч­ную е́ресь по­пра́в­шіи; ра́дуй­те­ся, Сло­ве́­номъ две́­ри Ца́рствія не­бе́с­на­го отве́рз­шіи. Ра́дуй­те­ся, во́­и­ни Хри­сто́­вы, еще́ въ жи­тіи́ отъ Него́ сла́­вою вѣн­ча́н­ніи; ра́дуй­те­ся, и въ сла́­вѣ сво­е́й ду́хъ сми­рен­но­му́­дрія со­блю́д­шіи. Ра́дуй­те­ся, зла́я, я́ко Иса́ія и Іеремíя, отъ еди­но­пле­ме́н­ныхъ за бла­га́я прія́вшіи; ра́дуй­те­ся, я́ко Да­ніи́лъ и Есѳи́рь, за язы́къ сво́й хо­да́­тай­ство­вав­шіи. Ра́дуй­те­ся, со всѣ́­ми святы́ми не­мер­ца́­ю­щимъ свѣ́­томъ осіява́­еміи; ра́дуй­те­ся, со всѣ́­ми уго́д­ни­ки Бо́жіи о на́съ грѣ́ш­ныхъ Го́­спо­ду моля́щіися.

Ра́дуй­те­ся, Ме­ѳо́­діе и Кири́л­ле, язы́къ Сло­ве́н­скихъ апо́­сто­ли и бо­го­му́­дріи учи́­теліе.

Кон­да́къ 10

Спа­сти́ хотя́ но́­вое ста́­до Хри­сто́­во отъ вол­ко́въ мы́­слен­ныхъ, святы́й Ме­ѳо́­дій на одрѣ́ сме́рт­нѣмъ уче­ни­ки́ своя́ вель­ми́ моля́ше тве́р­до стоя́ти во и́стин­нѣй вѣ́рѣ, ниже́ ко́з­ней вра́­же­скихъ устра­ша́­ти­ся, но и въ скор­бе́хъ и на­па́­стехъ за вся́ бла­го­да­ри́­ти Бо́га, по­ю́­ще: Алли­лу́ія.

Икосъ 10

Стѣна́ есте́ всѣ́мъ, о пра­во­сла́­віи трудя́щимся, и за­ступле́ніе къ ва́мъ съ вѣ́­рою при­те­ка́­ю­щимъ, Ме­ѳо́­діе и Кири́л­ле бо­го­му́­дріи, и́бо не­бе­се́ и зе­мли́ Тво­ре́цъ из­бра́ ва́съ бы́ти на зе­мли́ лов­цы́ че­ло­вѣ́­комъ, по­слѣ­ди́ же на не­бе­сѣ́хъ къ ли́ку апо́­столъ со­при­чте́. Тѣ́м­же и на́мъ умо­ли́­те бла­го­да́­ти Его́ да́­ромъ по­да́­ти­ся, уми­ле́н­но во­пі­ю́­щимъ та­ко­ва́я:

Ра́дуй­те­ся, до­бро­дѣ́­тель­ми, я́ко ви́ссономъ, укра́­шен­ніи; ра́дуй­те­ся, въ пре­му́­дро­сти съ Со­ло­мо́­номъ сра́вн­шіися. Ра́дуй­те­ся, воз­дер­жа́ніемъ и мо­ли́­твою ве­ли́­кимъ Ан­то́нію и Па­хо́­мію упо­до́бль­шіися; ра́дуй­те­ся, я́ко Ве­ли́кій Ва­си́лій и Іо­а́ннъ Зла­тоу́­стый, си́­лою сло́­ва ода­ре́н­ніи. Ра́дуй­те­ся, я́ко цѣ­ло­му́­дріемъ Іо́­сифу по­до́б­ни бы́­сте; ра́дуй­те­ся, тер­пѣ́нію Іовлему по­дра­жа́в­шіи. Ра́дуй­те­ся, незло́­біемъ царю́ и про­ро́ку Да­ви́ду со­ре­вно­ва́в­шіи; ра́дуй­те­ся, ре́­вно­стію по вѣ́рѣ Иліи́ упо­до́­бив­шіися. Ра́дуй­те­ся, я́ко, по­до́б­но Па́влу и Іо­а́н­ну Бо­го­сло́ву, Хри­ста́ Бо́га воз­лю­би́­ли есте́; ра́дуй­те­ся, я́ко Да­ніи́лъ и тріе́ о́тро­цы, му́­же­ствен­но Бо́га про­сла́­вив­шіи. Ра́дуй­те­ся, я́ко а́н­ге­ломъ и святы́мъ Бо́жіимъ со­жи́­тель­ствуе­те; ра́дуй­те­ся, я́ко и мы́ грѣ́ш­ніи и́мя ва́ше съ вѣ́­рою при­зы­ва́­емъ.

Ра́дуй­те­ся, Ме­ѳо́­діе и Кири́л­ле, язы́къ Сло­ве́н­скихъ апо́­сто­ли и бо­го­му́­дріи учи́­теліе.

Кон­да́къ 11

Пѣ́ніе бла­го­да́р­ное при­но­ся́ще ко Го́­спо­ду, пред­ста́­те­ли на́мъ грѣ́ш­нымъ ва́съ да­ро­ва́в­ше­му, со уми­ле́ніемъ мо́­лимъ вы́, святíи учи́­теліе на́ши, не воз­гну­ша́­ти­ся на́съ, лѣ́­но­сти ра́ди на́шея, ниже́ от­сту­пи́­ти отъ на́съ тя́ж­кихъ ра́ди без­за­ко́ній на́­шихъ, но ми­ло­се́р­діе отъ Го́­спо­да всѣ́мъ ис­про­си́­ти, во­пі­ю́­щимъ Ему́ о ва́съ: Алли­лу́ія.

Икосъ 11

Свѣ­то­за́р­ную апо́­столъ Сло­ве́н­скихъ дво́­и­цу вос­хва­ля́юще, вѣ́р­ніи, устра­ни́м­ся сво­и́хъ на́мъ ра́с­прей и раз­до́­ровъ, па́че же раз­дѣ­ле́ній въ вѣ́рѣ, еди­не́ніе же ду́ха въ со­ю́­зѣ ми́ра блю­ду́­ще, вос­по­и́мъ святы́хъ учи́­те­лей та́ко:

Ра́дуй­те­ся, гро­мо­гла́с­ныя тру­бы́ Ева́н­гель­ска­го бла­го­вѣ́­стія; ра́дуй­те­ся, гу́­сли слад­коз­ву́ч­ныя про́­по­вѣ­ди спа­се́нія. Ра́дуй­те­ся, крѣ́п­ціи пра́­вды ра­чи́­теліе; ра́дуй­те­ся, не­по­ко­ле­би́­міи не­пра́­вды истре­би́­теліе. Ра́дуй­те­ся, ра́­до­сти по­да́­те­ли всѣ́мъ бы́в­шіи; ра́дуй­те­ся, ско́р­бей на­па­де́нія отвсю́­ду вос­прія́вшіи. Ра́дуй­те­ся, мзды́ и воздая́ній тру­до́мъ сво­и́мъ отъ че­ло­вѣ́къ не иска́в­шіи; ра́дуй­те­ся, о не­бла­го­да́р­ныхъ лю́­дехъ Бо́гу мо­ли́в­шіися. Ра́дуй­те­ся, а́н­гелъ Бо́жіихъ и святы́хъ Его́ по́­дви­ги и до­бро­дѣ́­тель­ми сво­и́­ми ра́­до­вав­шіи; ра́дуй­те­ся, ра́­до­сти вѣ́ч­ныя ку́п­но съ ни́ми во оби́­те­лехъ бла­же́н­ныхъ на­сла­жде́н­ніи. Ра́дуй­те­ся, звѣ́зды, свѣ́­томъ и́сти­ны сія́ющія; ра́дуй­те­ся, са́ми до­бро­дѣ́­те­лей ва́­шихъ свѣ́­томъ осія́нніи.

Ра́дуй­те­ся, Ме­ѳо́­діе и Кири́л­ле, язы́къ Сло­ве́н­скихъ апо́­сто­ли и бо­го­му́­дріи учи́­теліе.

Кон­да́къ 12

Бла­го­да́ть еди­не́нія и ми́ра ис­про­си́­те на́мъ, пре­по­до́б­ніи, и́же ми́ръ во все́мъ мíрѣ до кон­ца́ мір­ска́­го житія́ ва́­ше­го бла­го­вѣ­сти́в­шіи, я́ко да и мы́, отъ всѣ́хъ ра­ско́­ловъ и иску­ше́ній сво­бо́д­ше­ся, въ ми́рѣ вос­по­и́мъ, я́ко дру́­ги, ва́съ воз­лю­би́в­ше­му Еди́­ному Ми­ро­тво́р­цу всѣ́хъ Го́­спо­ду: Алли­лу́ія.

Икосъ 12

Пою́ще ва́ше ди́в­ное жи­тіе́ на зе­мли́ и сла́ву, я́же на не­бе­си́, по­мыш­ля́юще, сми­ре́н­но мо́­лимъ ва́съ, святíи учи́­теліе, си́лу свы́­ше пра­во­сла́в­нымъ хри­стіа́­номъ на вра­ги́ не­ви́­ди­мыя и ви́­ди­мыя да­ро­ва́­ти, и вся́ на­ро́­ды Сло­ве́н­скія въ еди­не́ніе вѣ́ры при­зва́­ти, да вси́ вос­по­ю́тъ, вѣ́р­но взы­ва́­ю­ще:

Ра́дуй­те­ся, пра­во­сла́­вія тве́р­дое огра­жде́ніе; ра́дуй­те­ся, ино­сла́­вія жи­во́е об­ли­че́­ніе. Ра́дуй­те­ся, ис­хо­жде́ніе Ду́ха Свята́го отъ Отца́ то́­чію, я́ко от­дре́в­ле прія́хомъ, ис­по­вѣ́­дав­шіи; ра́дуй­те­ся, слу́ж­бу Бо́жію со­вер­ша́­ти ко­му́­ждо сво­и́мъ си́ язы́­комъ за­вѣ­ща́в­шіи. Ра́дуй­те­ся, пра́­вед­ныхъ въ пра́­ве­д­но­сти утвер­жде́ніе; ра́дуй­те­ся, и без­за­ко́н­ныхъ къ за­ко́ну обра­ще́ніе. Ра́дуй­те­ся, я́ко ва́ми и мы́ во ис­пол­не́ніе Це́р­кве вни­до́­хомъ; ра́дуй­те­ся, я́ко ва́ми сло́­во Бо́жіе на сро́д­нѣмъ на́мъ язы́цѣ до­сти́­же. Ра́дуй­те­ся, я́ко мо­ли́­тва­ми ва́­ши­ми, а́ки за­бра́­ломъ крѣ́п­кимъ, отъ вра­го́въ на́­шихъ огра­жда́­ем­ся; ра́дуй­те­ся, я́ко пред­ста́­тель­ствомъ ва́­шимъ вѣ́ч­ныя жи́­зни спо­до­б­ля́емся. Ра́дуй­те­ся, всѣ́мъ Сло­ве́­номъ па́­стыріе и отцы́, и́хже ра́ди есмы́ вси́ бра́тіе; ра́дуй­те­ся, я́ко ва́съ ра́ди, бра́тія су́ще по пло́­ти, и по духу́ бра́тія Хри­сту́ со­тво­ри́­хом­ся.

Ра́дуй­те­ся, Ме­ѳо́­діе и Кири́л­ле, язы́къ Сло­ве́н­скихъ апо́­сто­ли и бо­го­му́­дріи учи́­теліе.

Кон­да́къ 13

О, пре­чу́д­ніи и пре­ди́в­ніи язы́къ Сло­ве́н­скихъ учи́­теліе, святíи рав­ноа­по́­столь­ніи Ме­ѳо́­діе и Кири́л­ле! Ны́­нѣш­нее пріе́м­ше мо­ле́ніе на́ше, вся́ Сло­ве́­ны отъ находя́щихъ и́мъ зо́лъ и бѣ́дъ сво­бо­ди́­те, въ ми́рѣ и еди­не́ніи со­блю­ди́­те и къ Ца́рствію не­бе́с­но­му пред­ста́­тель­ствомъ ва́­шимъ при­ве­ди́­те всѣ́хъ, во уми­ле́ніи о ва́съ по­ю́­щихъ Бо́гу: Алли­лу́ія.

Се́й кон­да́къ гла­го́­лет­ся три́­жды. Та́же Икосъ 1-й и Кон­да́къ 1-й

Мо­ли́­тва святы́мъ рав­ноа­по́­столь­нымъ Ме­ѳо́­дію и Кири́л­лу

О, пре­сла́в­ніи язы́къ Сло­ве́н­скихъ учи́­теліе и про­свѣ­ти́­теліе, святíи рав­ноа­по́­столь­ніи Ме­ѳо́­діе и Кири́л­ле! Къ ва́мъ, я́ко ча́да ко отце́мъ, свѣ́­томъ уче́ній и пи́­сменъ ва́­шихъ про­свѣ­ще́н­ніи и въ вѣ́рѣ Хри­сто́­вой на­ста́в­лен­ніи, ны́нѣ усе́рд­но при­бѣ­га́­емъ и въ со­кру­ше́ніи сер­де́цъ на́­шихъ мо́­лим­ся. Аще бо и за­вѣ́тъ ва́­шихъ, я́ко ча́да не­по­ко­ри́­вая, не со­блю­до́­хомъ и о уго­жде́ніи Бо́гу, я́коже учи́­сте, не­бре­го́­хомъ, и отъ еди­но­мы́­слія и люб­ве́, ю́же Сло­ве́­номъ, я́ко бра́тіямъ въ вѣ́рѣ и по пло́­ти, до́­брѣ за­вѣ­ща́­сте, отпа­до́­хомъ: оба́­че, я́коже дре́­влѣ въ жи­тіи́ ва́­шемъ не­бла­го­да́р­ныхъ и не­до­сто́й­ныхъ не отвра­ща́­сте тщи́, но бла­ги́­ми за зла́я воз­да­ва́­сте, та́ко и ны́нѣ грѣ́ш­ныхъ и не­до­сто́й­ныхъ ча́дъ ва́­шихъ мо­ли́­твы не отвра­ти́­те, но, я́ко ве́ліе иму́­ще дер­зно­ве́ніе ко Го́­спо­ду, при­лѣ́ж­но Того́ мо­ли́­те, да на­ста́­витъ и обра­ти́тъ на́съ на пу́ть спа­се́нія, ра́с­при же и раз­до́­ры, по­сре­дѣ́ еди­но­вѣ́р­ныхъ бра́тій воз­ни­ка́­ю­щія, уми­ри́тъ, отпа́д­шія па́ки во еди­но­мы́­сліе при­ве­де́тъ и всѣ́хъ на́съ еди­не́ніемъ ду́ха и люб­ве́ во еди́­нѣй, святѣ́й, со­бо́р­нѣй и апо́­столь­стѣй Це́р­кви со­е­ди­ни́тъ. Вѣ́мы бо, вѣ́мы, я́ко мно́­го мо́­жетъ мо­ли́­тва пра́­вед­ни­ча ко бла­го­се́р­дію Вла­ды́­ки, а́ще и о грѣ́ш­ныхъ лю́­дехъ при­но­си́­ма бы­ва́­етъ. Не оста́­ви­те у́бо на́съ, уны́­лыхъ и не­до­сто́й­ныхъ ча́дъ ва́­шихъ, и́хже грѣ́хъ ра́ди па́­ства ва́ша, ва́ми со­бра́н­ная, вра­ждо́ю раз­дѣ­ля́ема и со­бла́з­ны отъ ино­вѣ́р­ныхъ пре­льща́­е­ма, ума́ли­ся, о́вцы же ея́ сло­ве́с­ныя раз­сѣ­е­ва́­е­мы, отъ вол­ко́въ мы́­слен­ныхъ вос­хи­ща́­ют­ся; да­ди́­те у́бо на́мъ мо­ли́­тва­ми ва́­ши­ми о пра­во­сла́­віи ре́­вность, да е́ю воз­грѣ­ва́­е­ми, оте́­че­ская пре­да́нія до́­брѣ со­хра­ни́мъ, уста́­вы и обы́­чаи цер­ко́в­ныя вѣ́р­но со­блю­да́­ти по­тщи́м­ся, вся́кихъ лжеу­че́ній стра́н­ныхъ от­бѣ­жи́мъ, и та́ко въ жи­тіи́ бо­гоу­го́д­нѣмъ на зе­мли́ пре­спѣ­ва́­ю­ще, жи́­зни ра́й­скія на не­бе­си́ спо­до́­бим­ся, и та́мо съ ва́ми вку́­пѣ Вла­ды́­ку всѣ́хъ, въ Тро́­и­цѣ Еди́­на­го Бо́га про­сла́­вимъ во вѣ́ки вѣ­ко́въ. Ами́нь.

Тро­па́рь, гла́съ 4

Яко апо́­сто­ломъ еди­нон­ра́в­ніи и сло­ве́н­скихъ стра́нъ учи́­теліе, Кири́л­ле и Ме­ѳо́­діе бо­го­му́­дріи, Вла­ды́­ку всѣ́хъ мо­ли́­те, вся́ язы́ки сло­ве́н­скія утвер­ди́­ти въ пра­во­сла́­віи и еди­но­мы́­сліи, уми­ри́­ти мíръ и спа­сти́ ду́ши на́ша.

Кон­да́къ, гла́съ 3

Свяще́н­ную дво́­и­цу про­свѣ­ти́­те­лей на́­шихъ по­чти́мъ, Бо­же́­ствен­ныхъ пи­са́ній пре­ло­же́ніемъ исто́ч­никъ бо­го­по­зна́нія на́мъ исто­чи́в­шихъ, изъ не­го́­же да́же до­дне́сь не­о­ску́д­но по­чер­па́­ю­ще, убла­жа́­емъ ва́съ, Кири́л­ле и Ме­ѳо́­діе, пре­сто́лу Вы́шняго пред­стоя́щихъ и те́­плѣ моля́щихся о ду­ша́хъ на́­шихъ.

Ве­ли­ча́­ніе

Вели­ча́­емъ ва́съ, святíи рав­ноа­по́­столь­ніи Ме­ѳо́­діе и Кири́л­ле, вся́ сло­ве́н­скія стра­ны́ уче́нь­ми сво­и́­ми про­свѣ­ти́в­шія и ко Хри­сту́ при­ве́д­шія.