Кон­да́къ 1

Избра́н­ной Бо́­гомъ отъ ро́да бла­го­ро́д­на­го, Иконíйска­го гра́­да, пре­му́­дрой и все­хва́ль­ной не­вѣ́­стѣ Хри­сто́­вѣ, я́ко из­ба­вля́еміи то­бо́ю отъ иску­ше́ній и бѣ́дъ, бла­го­да́р­ствен­ная пѣ́нія и хва­ле́нія во­с­пи­су́­емъ ти́, мо­ли́­твен­ни­цы твои́, свята́я и мно­го­стра­да́ль­ная му́­че­ни­це Па­ра­ске́­во. Ты́ же, имѣ́я дер­зно­ве́ніе ко Го́­спо­ду, отъ вся́кихъ на́съ бѣ́дъ сво­бо­ди́, да со уми­ле́ніемъ и ра́­до­стію зо­ве́мъ ти́:

Ра́дуй­ся, Па­ра­ске́­во, не­вѣ́­сто Хри­сто́­ва все­хва́ль­ная.

Икосъ 1

Анге­ломъ чест­ну́ю и все­лю­бе́з­ную чи­сто­ту́ тво­е­го́ се́рд­ца, мно­го­стра­да́ль­ная Па­ра­ске́­во, не­по­ро́ч­но со­хра́н­ши, а́н­ге­ломъ со­бе­сѣ́д­ни­ца бы́ти спо­до́­би­ла­ся еси́. Съ ни́­ми­же вос­пѣ­ва́я трисвяту́ю пѣ́снь Бо́гу на не­бе­си́, услы́­ши и на́съ, вѣ́­рою и лю­бо́­вію чту́­щихъ тя́ и во­пі­ю́­щихъ ти́ хва­ле́нія сія́ на зе­мли́:

Ра́дуй­ся, отро­ко­ви́­це, Бо́­гомъ Отце́мъ преду­ста́в­лен­ная бы́ти со­о­бра́з­ной въ стра­да́ніи о́бразу Сы́на Его́; ра́дуй­ся, и Сы́­номъ Бо́жіимъ укрѣп­ле́н­ная на по́­дви­ги стра­да́ль­че­скія. Ра́дуй­ся, и́стин­ную вѣ́ру въ Жи­во­тво­ря́щую и Еди­но­су́щ­ную Тро́­и­цу свя́то со­блю́д­шая; ра́дуй­ся, свято́е цѣ­ло­му́­дріе и дѣ́в­ствен­ную не­по­ро́ч­ность до́­брѣ со­хра́н­шая. Ра́дуй­ся, я́ко ра́­дост­но уне­вѣ́­сти­ла­ся еси́ без­сме́рт­но­му не­бе́с­но­му Же­ни­ху́, Хри­сту́; ра́дуй­ся, зем­на́­го обру́ч­ни­ка па́че Не­бе́с­на­го зна́­ти не вос­хо­тѣ́в­шая. Ра́дуй­ся, я́ко цвѣ́тъ чи­сто­ты́, въ неувяда́­е­мой сла́­вѣ цвѣ­ту́­щая; ра́дуй­ся, я́ко кри́нъ, воня́ми тво­и́хъ до­бро­дѣ́­те­лей на́мъ бла­гоу­ха́­ю­щая. Ра́дуй­ся, въ не­бе́с­номъ вер­то­гра́­дѣ не­из­ре­че́н­ною ра́­до­стію на­сла­жда́­ю­щаяся; ра́дуй­ся, Крас­нѣ́й­ша­го па́че сы­но́въ че­ло­вѣ́­че­скихъ зрѣ́­ніемъ та́мо утѣ­ша́­ю­щаяся. Ра́дуй­ся, убѣ­ли́в­шая ри́зы твоя́ въ кро́­ви Агнчей на зе­мли́; ра́дуй­ся, въ ли́кѣ дѣ́в­ствен­ницъ пред­стоя́щая Бо́жіему Агнцу на не­бе­си́.

Ра́дуй­ся, Па­ра­ске́­во, не­вѣ́­сто Хри­сто́­ва все­хва́ль­ная.

Кон­да́къ 2

Ви́дѣв­ше бла­го­лѣ́піе лица́ тво­е­го́, свята́я му́­че­ни­це Па­ра­ске́­во, лю́діе удивля́хуся, взи­ра́­ю­ще на тя́, не у́ вѣ́дяще кра­со­ты́ души́ твоея́. Мы́ же, по­ми­на́­ю­ще свѣт­лѣ́й­шія па́че со́лн­ца до­бро­дѣ́­те­ли твоя́, по­и́мъ Го́­спо­де­ви, да­ро­ва́в­ше­му тебѣ́ бла­го­да́ть Свою́: Алли­лу́ія.

Икосъ 2

Му́дро­сти вмѣ­сти́­ли­ще па́че ума́ мір­ски́хъ мудре­це́въ яви́­ла­ся еси́, отро­ко­ви́­це не­по­ро́ч­ная, из­мла́­да укло­ни́в­ши­ся отъ люб­ве́ къ мíру и отве́рг­ши­ся все­го́, я́же въ мíрѣ, все́ю пол­но­то́ю люб­ве́ твоея́ воз­лю­би́­ла еси́ не­бе́с­на­го Же­ни­ха́ Хри­ста́, Царя́ сла́­вы, Ему́­же, я́ко вѣ́р­ная раба́, въ жи­тіи́ тво­е́мъ апо́­столь­ски по­слу­жи́­ла еси́, жи́в­ши свя́то сре­ди́ не­вѣ́р­ныхъ и безбоя́знен­но про­по­вѣ́­дав­ши и́мъ Хри­ста́ Бо́га. Та­ко­во́му тво­е­му́ ра́зуму дивя́щеся, сія́ по­хва­лы́ тебѣ́ во­с­пи­су́­емъ:

Pа́дуй­ся, пре­му́­драя ева́н­гель­ская дѣ́во, во свѣ́­тѣ вѣ́ры и дѣ́лъ бла­ги́хъ хо­ди́в­шая; ра́дуй­ся, Хри­ста́ Го́­спо­да, Бо́жію Си́лу и Бо́жію Пре­му́­дрость, па́че все­го́ воз­лю­би́в­шая. Ра́дуй­ся, па́че мудре­це́въ мíра сего́ му­дрѣ́й­шая; ра́дуй­ся, па́че ста́­рецъ идоло­слу­жи́­тель­ныхъ, разу́м­нѣй­шая. Ра́дуй­ся, не­вѣ́р­ныхъ свѣ́­томъ вѣ́ры про­свѣ­ща́­ю­щая; ра́дуй­ся, ча́дъ Це́р­кве Хри­сто́­вы въ вѣ́рѣ утвер­жда́­ю­щая. Ра́дуй­ся, лю­бо́­вію тво­е́ю ко Хри­сту́ а́н­гель­ская ли­ко­стоя́нія воз­ве­се­ля́ющая; ра́дуй­ся, де́­мон­ская лу­ка́в­ствія ору́жіемъ Кре­ста́ Го­спо́д­ня отгоня́ющая. Ра́дуй­ся, въ про­по­вѣ́­да­ніи вѣ́ры бо­го­гла­го́­ли­вая уста́ апо́­столь­ская; ра́дуй­ся, дѣ́въ хри­стіа́н­скихъ укра­ше́ніе. Ра́дуй­ся, вѣ́р­ная ко Хри­сту́ Бо́гу мо­ли́­твен­ни­це о на́­шемъ спа­се́ніи; ра́дуй­ся, всѣ́хъ скорбя́щихъ крѣ́п­кое за­ступле́ніе и огра­жде́ніе.

Ра́дуй­ся, Па­ра­ске́­во, не­вѣ́­сто Хри­сто́­ва все­хва́ль­ная.

Кон­да́къ 3

Си́лою Хри­сто́­вою со­блю­да́­е­ма, все­сла́в­ная му́­че­ни­це Па­ра­ске́­во, бо­лѣ́­зней тѣ­ле́с­ныхъ не­бре­г­ла́ еси́, по́­дви­гомъ до́­брымъ по­дви­за́­ти­ся хотя́щи. Му́­же­скимъ смы́­сломъ воору­жи́в­ши­ся, сла́­бость же́н­скую отве́ргла еси́, упо­ва́ніемъ же укрѣ­пи́в­ши­ся, ра́­дост­но пред­ста́­ла еси́ на су­ди́­ще, идѣ́­же я́сно вѣ́ру въ Тро́­и­цу Бо­же́­ствен­ную про­по­вѣ́­да­ла еси́, Бо́гу во­пі­ю́­щи: Алли­лу́ія.

Икосъ 3

Слы́­шавъ отъ тебе́, му́­драя дще́рь, не­пра́­вед­ный судія́ не­слы́­хан­ная сло­ве­са́ о тво­е́мъ ро­жде́ніи, я́ко бла­го­че­сти́­віи ро­ди́­те­ли твои́, Стра́­сти Хри­сто́­вы по­чи­та́­ю­ще, зна­ме­ни́­та­го дне́ те­зо­и­ме­ни́ту тя́ на­ре­ко́­ша, Па­ра­ске́­вою, въ пред­зна­ме­но­ва́ніе, я́ко Хри­сто́­выхъ Стра­сте́й и́ма­ши бы́ти при­ча́ст­ни­цею. Не разу­мѣ́ же сего́ не­че­сти́­вый иге́­монъ, но вѣ­ща́­ше ти́ без­сту́д­ная сло­ве­са́, и по­ве­лѣ́ би́ти тя́ суро́­вы­ми жи́­ла­ми, и полуме́ртву тя́ су́щу вве́рг­нути въ тем­ни́цу. Ты́ же, до́­бле­ствен­нѣ пре­тер­пѣ́в­ши же­сто­ча́й­шія му́ки, въ тем­ни́­цѣ, а́ки въ чер­то́­зѣ свѣ́т­лѣ ли­ку́­ю­щи, вопія́ла еси́: "ни­ко­гда́­же отлучу́ся Тебе́, Го́­спо­ди, но по­сли́ ми по́­мощь Твою́ и спа­си́ мя ве­ли́кія ра́ди Твоея́ ми́­ло­сти". Тѣ́м­же, убла­жа́­ю­ще тя́, во­піе́мъ ти́ та­ко­ва́я:

Ра́дуй­ся, незло́­би­вая го­лу­би́­це, отъ иску­ше́ній лу­ка́­ва­го вра­га́ сво­бо­ди́в­шаяся; ра́дуй­ся, сло­ве́с­ная а́гни­це, отъ зла́­го во́л­ка, му­чи́­теля, къ до́­бро­му Па́­сты­рю, Хри­сту́ Бо́гу, при­бѣ́г­шая. Ра́дуй­ся, во дво́ръ сло­ве́с­ныхъ ове́цъ, оде­сну́ю Его́ стоя́щихъ, вше́д­шая; ра́дуй­ся, на бра́къ Агн­чій ра́­дост­но те­ку́­щая. Ра́дуй­ся, я́ко тебѣ́ уго­то́­ва­но е́сть бла́гъ вѣ́ч­ныхъ со­кро́­ви­ще; ра́дуй­ся, я́ко тебѣ́ обѣ­то­ва́­но е́сть бла­же́н­ство Ца́р­ства не­бе́с­на­го. Ра́дуй­ся, пре­му́­драя ева́н­гель­ская дѣ́во, свѣ́т­ло горя́щій свѣ­ти́ль­никъ иму́­щая; ра́дуй­ся, дер­зно­ве́ніе ве́ліе ко Хри­сту́ Бо́гу стяжа́в­шая. Ра́дуй­ся, во́­лею сво­е́ю бла­го́е и́го Хри­сто́­во на ся́ подъя́вшая; ра́дуй­ся, се́рд­це свое́ отъ вся́кія ле́­сти ду­шевре́д­ныя чи́­сто со­хра́н­шая. Ра́дуй­ся, и́стин­ная Хри­сто́­выхъ Стра­сте́й при­ча́ст­ни­це; ра́дуй­ся, во стра­да́ніихъ тво­и́хъ бла­го­да́т­ную по́­мощь отъ Хри­ста́ Го́­спо­да полу­чи́в­шая.

Ра́дуй­ся, Па­ра­ске́­во, не­вѣ́­сто Хри­сто́­ва все­хва́ль­ная.

Кон­да́къ 4

Бу́ри тя́ж­кихъ иску­ше́ній воз­дви­го́­ша вра­зи́ про­ти́ву тебе́, мно­го­стра­да́ль­ная Па­ра­ске́­во; ты́ же отъ тво­и́хъ кро­ве́й тру­до­лю́б­но ча́шу стра­да́ній испи­ла́ еси́, же­ла́­ю­щи по Хри­стѣ́, Же­нисѣ́ тво­е́мъ, во слѣ́дъ по­те­щи́, пре­хва́ль­ная му́­че­ни­це, и я́ко ла́­сто­ви­ца до­бро­гла́с­ная, пѣ́снь вос­пѣ­ва́­ла еси́ Хри­сту́ Бо́гу: Алли­лу́ія.

Икосъ 4

Имѣ́яй все­гда́ предъ оча́­ми сво­и́­ми Го́­спо­да, за ис­по­вѣ́­да­ніе вѣ́ры па́­ли­цами не­ми́­ло­стив­но отъ му­чи́­те­лей біе́­ма, ра́­до­ва­лася еси́, при­сно­па́мятная му́­че­ни­це Па­ра­ске́­во, во­пі­ю́­щи: "ни­что́­же мя́ раз­лу­чи́тъ отъ люб­ве́ Твоея́, Хри­сте́", и та́ко по­дви­за́яся во сла́ву Бо́жію, уго­ди́­ла еси́ Го́­спо­ду. Тѣ́м­же, по­ми­на́­ю­ще чест­на́я твоя́ стра­да́нія, съ уми­ле́ніемъ зо­ве́мъ ти́:

Ра́дуй­ся, а́гни­це все­до́бляя, Па­сты­ре­на­ча́ль­нику Хри­сту́ при­не́с­шаяся, я́ко же́р­тва бла­гоу­ха́н­ная; ра́дуй­ся, без­сме́рт­но­му Же­ни­ху́ Хри­сту́ не­по­ро́ч­ное му­че́ніе твое́, я́ко вѣ́но пре­чест­но́е, пред­ста́­вив­шая. Ра́дуй­ся, отро­ко­ви́­це чи́­стая, и́стин­ное ис­по­вѣ́­да­ніе вѣ́ры Пра­во­сла́в­ныя предъ не­вѣ́р­ны­ми яви́в­шая; ра́дуй­ся, пра́­вед­ная об­ли­чи́­тель­ни­це, не­пра́­вду не­че­сти́­ва­го судіи́ я́вѣ откры́в­шая. Ра́дуй­ся, я́ко то­бо́ю по­сра­ми́­ся лу­ка́­вый вра́гъ, ви́дящь себе́ отъ ю́ной дѣ́вы по­бѣ­жде́н­на; ра́дуй­ся, я́ко ра́ду­ют­ся о тебѣ́ и си́лы не­бе́с­ныя, ви́дяще тя́ не­мощ­ну́ю и мла́­ду су́щу, по­бѣ­жда́­ю­щую лю́­тыхъ му­чи́­те­лей. Ра́дуй­ся, го­лу­би́­це чи́­стая и не­по­ро́ч­ная се́рд­цемъ; ра́дуй­ся, сми­ре́н­ная а́гни­це, бла­гоус­пѣ́ш­но чест­нѣ́й и бла­же́н­нѣй Стра́­сти Го­спо́д­ней упо­до́бль­шаяся. Ра́дуй­ся, я́ко при­не­сла́ся еси́ Зи­жди́­те­лю тво­е­му́, я́ко ка­ди́­ло бла­го­во́н­ное; ра́дуй­ся, я́ко зри́тъ на тя́ пре­свѣ́т­лое Со́лн­це пра́­вды, три­дне́в­но возсія́вшее отъ гро́­ба и укрѣ­пи́в­шее тя́ къ по́­дви­гу стра­да́ль­че­ско­му. Ра́дуй­ся, я́ко за пре­сла́в­ная твоя́ стра­да́нія спо­до́­би­ла­ся еси́ вни́­ти въ чер­то́гъ Хри­ста́, Царя́ не­бе́с­на­го; ра́дуй­ся, я́ко та́мо вку́­пѣ со святы́ми на­сла­жда́­е­ши­ся не­из­ре­че́н­ною ра́­до­стію.

Ра́дуй­ся, Па­ра­ске́­во, не­вѣ́­сто Хри­сто́­ва все­хва́ль­ная.

Кон­да́къ 5

Бого­те́ч­ною звѣз­до́ю пре­шла́ еси́ въ мíрѣ, стра­сто­те́р­пи­це сла́в­ная Па­ра­ске́­во, я́сно вѣ́ру во Хри­ста́ всѣ́мъ про­по­вѣ́­да­ю­щи. Стра­да́нія мно́­га и лю́та му́­же­ски пре­тер­пѣ́в­ши, му­чи́­теля по­сра­ми́­ла еси́ и ко Хри­сту́ Го́­спо­ду, я́ко Свѣ́ту не­за­хо­ди́­мому, ра́­дост­но во­сте­кла́ еси́. Ему́­же пред­стоя́щи съ ли́ки пра́­вед­ныхъ, вы́ну во­піе́­ши: Алли­лу́ія.

Икосъ 5

Ви́дяще си́лы не­бе́с­ныя пло́тію стра́ждущую Со­дѣ́­теля ра́ди стра­сто­те́р­пи­цу Па­ра­ске́ву, Его́ си́­лою крѣпя́щуюся, гла­го́­лаху: "се́, и дѣ́вы на зе­мли́ про­сла́­ви­ша Го́­спо­да!" Че­ло­вѣ́­цы же, тре́­пе­томъ одер­жи́­ми, ужа­са́хуся, и удивля́яся, пѣ́снь­ми про­слав­ля́ху, гла­го́­лю­ще: "о, чу­де­се́! дѣ́ва вра­га́ по­бѣ­ди́ и мо́­лит­ся ми́­ло­сти­во­му Вла­ды́­цѣ за спа­се́ніе мíра". Сего́ ра́ди и мы́, по­ми­на́­ю­ще ис­по́л­нен­ное вѣ́ры му́­же­ство твое́, пре­сла́в­ная му́­че­ни­це, убла­жа́­емъ тя́, гла­го́­лю­ще:

Ра́дуй­ся, до́­бле­ствен­ная стра­сто­те́р­пи­це, въ за­щи́ту вѣ́ры Пра­во­сла́в­ныя по­дви­за́в­шаяся; ра́дуй­ся, на­вѣ́­товъ вра́жіихъ му́­драя ра­зо­ри́­тель­ни­це. Ра́дуй­ся, Иконíйска­го гра́­да учи́­тель­ни­це; ра́дуй­ся, и́доль­ской, су́­ет­ной ле́­сти об­ли­чи́­тель­ни­це. Ра́дуй­ся, вѣ́р­ныхъ смы́­слы воня́ми до­бро­дѣ́­те­лей тво­и́хъ бла­го­во́н­ствую­щая; ра́дуй­ся, смра́дъ стра́ст­ный бла­го­да́тію, свы́­ше ти́ да́н­ною, отгоня́ющая. Ра́дуй­ся, е́л­лин­скія кумíры, я́ко пра́хъ, уни­чи­жи́в­шая; ра́дуй­ся, тво­и́­ми по́­дви­ги, и́же къ Бо́гу, тмы́ на­ча́ль­ни­ка низ­ло­жи́в­шая. Ра́дуй­ся, го́рняя, па́че до́ль­нихъ, вос­хо­жде́нія въ се́рд­цѣ тво­е́мъ по­ло­жи́­ти воз­лю­би́в­шая; ра́дуй­ся, Хри­сту́ Го́­спо­ду, Че­ло­вѣ­ко­лю́б­цу, всю́ себе́ пре­да́в­шая. Ра́дуй­ся, по­до́б­но пер­во­му́­че­ни­цѣ Ѳе́клѣ, мно́гъ на­ро́дъ сло́­вомъ Бо́жіимъ про­свѣ­ти́в­шая; ра́дуй­ся, не­вѣ́р­ныхъ къ Бо­же́­ствен­ной вѣ́рѣ при­ве́д­шая.

Ра́дуй­ся, Па­ра­ске́­во, не­вѣ́­сто Хри­сто́­ва все­хва́ль­ная.

Кон­да́къ 6

Про­по­вѣ́д­ни­цу чу­де́съ и сла́­вы Бо́жія яви́ла еси́ себе́, до́­бле­ствен­ная му́­че­ни­це Па­ра­ске́­во, по́­слѣ пре­сла́в­на­го ис­цѣ­ле́нія въ тем­ни́­цѣ, отъ Хри­ста́ Го́­спо­да тебѣ́ да­ро­ва́н­на­го. Ему́­же воз­сы­ла́я бла­го­да́р­ствен­ная мо­ле́нія, ра́­дост­но мы́ во­піе́мъ: Алли­лу́ія.

Икосъ 6

Возсія́ла еси́, я́ко свѣ­то­за́р­ная звѣз­да́, оба­гри́в­ши­ся ка́плями кро́в­ны­ми, и Бо­же́­ствен­ною бла­го­да́тію от­гна́­ла еси́ без­бо́жія тму́, му́­че­ни­це Па­ра­ске́­во, про­свѣ­ти́в­ши вѣ́р­ныя, чту́щія твоя́ до́­бле­ствен­ныя по́­дви­ги. Тѣ́м­же вос­хва­ля́юще тя́, усе́рд­но во­піе́мъ ти́:

Ра́дуй­ся, бо­го­му́­драя дѣ́во, Хри­сто́­выхъ Стра­сте́й о́бщ­ни­це; ра́дуй­ся, въ тем­ни́­цѣ ти́ су́­щей, а́н­гель­ска­го по­сѣ­ще́нія спо­до́бль­шаяся. Ра́дуй­ся, въ отра́ду бо­лѣ́­зней тво­и́хъ, ору́дія Стра­сте́й Хри­сто́­выхъ со­зер­ца́в­шая; ра́дуй­ся, чест­ны́й Кре́стъ и тер­но́­вый вѣ­не́цъ не­тлѣ́н­на­го Же­ни­ха́ тво­е­го́, Хри­ста́, узрѣ́в­шая. Ра́дуй­ся, я́звы Го́­спо­да на тѣ́лѣ тво­е́мъ но­си́в­шая; ра́дуй­ся, отъ всѣ́хъ я́звъ Тѣ́м­же Го́­спо­домъ чрезъ а́н­ге­ла ис­цѣ­ле́н­ная. Ра́дуй­ся, я́ко То́й­же Го­спо́дь да­ро­ва́лъ тебѣ́ крѣ́­пость и пре­му́­дрость, е́йже не воз­мо­го́­ша про­ти́­ви­ти­ся вси́ про­тив­ля́­ю­щіися и́сти­нѣ; ра́дуй­ся, отъ кро­ве́й тво­и́хъ свѣ́т­лую себѣ́ ри́зу ист­ка́в­шая. Ра́дуй­ся, я́ко то­бо́ю отъ мно́­гихъ ра́нъ грѣ́ш­ніи исцѣля́ются; ра́дуй­ся, я́ко то­бо́ю отъ раз­ли́ч­ныхъ бо­лѣ́­зней, съ вѣ́­рою тя́ при­зы­ва́­ю­щіи, здра́­віе пріе́м­лютъ. Ра́дуй­ся, у́зъ грѣ­хо́в­ныхъ ско́­рая рѣ­ши́­тель­ни­це; ра́дуй­ся, о всѣ́хъ хри­стіа́­нахъ предъ пре­сто́­ломъ Бо́жіимъ вѣ́р­ная мо­ли́­твен­ни­це.

Ра́дуй­ся, Па­ра­ске́­во, не­вѣ́­сто Хри­сто́­ва все­хва́ль­ная.

Кон­да́къ 7

Хотя́щу без­у́м­но­му му­чи́­те­лю иге́­мону же­ла́ніе свое́ улу­чи́­ти и па́ки по­ку­ша́­ю­щуся ла­ска́­тель­ны­ми сло­ве­сы́ тебе́, свята́я му́­че­ни­це Па­ра­ске́­во, отъ и́стин­на­го Бо́га обра­ти́­ти къ по­кло­не́нію и́до­ломъ. Ты́ же, я́ко бо­го­му́­драя дѣ́ва, вра­зумля́я его́ въ су́­ет­ствѣ и́до­ловъ, ре­кла́ еси́ ему́: "по­ка­жи́ ми, иге́­мо­не, бо­го́въ, и́хже ты́ мни́­ши ис­цѣ­ли́в­шихъ мя́ отъ ра́нъ", и по ве­лѣ́нію му­чи́­теля при­ше́д­ши въ хра́мъ и́доль­скій, по­мо­ли́­ла­ся еси́ Еди́­ному Истин­но­му Бо́гу, отъ Его́­же свята́го и́ме­не вси́ и́до­ли па­до́­ша и раз­сы́па­ша­ся въ пра́хъ, во увѣ­ре́ніе, я́ко Еди́нъ е́сть Бо́гъ, про­слав­ля́емый во Святѣ́й Тро́­и­цѣ, Ему́­же вку́­пѣ со святы́ми а́н­ге­ла­ми вы́ну во­піе́­ши: Алли­лу́ія.

Икосъ 7

Но́вую по­ка­за́ без­че­ло­вѣ́­чія я́­рость звѣ­ро­о­бра́з­ный му­чи́­тель, егда́ тебе́, свята́я му́­че­ни­це Па­ра­ске́­во, по­ве­лѣ́ на дре́­вѣ по­вѣ́­си­ти и свѣ­ща́­ми горя́щими опаля́ти твоя́ дѣ­ви́­че­ская ре́­бра. Сіе́ па­че­е­сте́­ствен­ное тер­пѣ́ніе твое́ бла­го­го­вѣ́й­но вос­по­ми­на́­ю­ще, по­хва­ла́­ми бла­жи́мъ тя́ си­це­вы́­ми:

Ра́дуй­ся, мно­го­о­бра́з­ныя бо­лѣ́­зни за Царя́, Хри­ста́ Бо́га, пре­тер­пѣ́в­шая; ра́дуй­ся, я́ко предъ ли­це́мъ че­ло­вѣ́­че­скимъ а́ще и му́ку прія́ла еси́, упо­ва́ніе же твое́ без­сме́р­тія ис­по́л­не­но е́сть. Ра́дуй­ся, я́ко по­вѣ́­ше­на была́ еси́ на дре́­вѣ Хри­ста́ ра́ди, на Кре­стѣ́ распя́таго, да вѣн­це́мъ не­тлѣ́нія отъ Него́ увязе́­ши­ся; ра́дуй­ся, я́ко стро́­га­на была́ еси́ по ре́­бромъ, Іису́­са ра́ди, ко­піе́мъ въ ре́­бра про­бо­де́н­на­го, да Ца́рствіемъ Его́ не­бе́с­нымъ на­сла­ди́­ши­ся. Ра́дуй­ся, я́ко о́гнь люб­ве́ къ Бо́гу въ серд­цѣ́ тво­е́мъ возжг­ла́ еси́; ра́дуй­ся, я́ко за Того́ свѣ­ща́­ми о́гнен­ны­ми па­ли́­ма была́ еси́. Ра́дуй­ся, твер­дѣ́й­шая ада­ма́н­та въ тер­пѣ́ніи тво­е́мъ по­ка­за́в­шаяся; ра́дуй­ся, въ вѣ́рѣ во Хри­ста́ Го́­спо­да крѣп­ча́е па́че ка́­ме­не, въ му́­же­ствѣ не­по­ко­ле­би́­момъ пре­бы́в­шая. Ра́дуй­ся, я́ко огне́мъ опаля́ема, о́гнен­ною му́­дро­стію пла́­мень уга­си́­ла еси́ есте́­ствен­ный; ра́дуй­ся, я́ко свѣ­щу́ не­у­га­си́му ду­ше́в­ную со­блю́д­ши, вош­ла́ еси́ со Хри­сто́мъ, Же­ни­хо́мъ тво­и́мъ, въ чер­то́гъ не­бе́с­ный. Ра́дуй­ся, я́ко чу­де́с­ны­ми и́скра­ми стра́­сти умер­тви́в­ши, де́­мон­скія пол­ки́ стра­да́ль­че­ски по­бѣ­ди́­ла еси́; ра́дуй­ся, я́ко стра­да́ніями тво­и́­ми мно́гъ на­ро́дъ къ по­зна́нію и́стин­на­го Бо́га при­ве­ла́ еси́.

Ра́дуй­ся, Па­ра­ске́­во, не­вѣ́­сто Хри­сто́­ва все­хва́ль­ная.

Кон­да́къ 8

Стра́н­ное и стра́ш­ное святы́я му́­че­ни­цы Па­ра­ске́­вы стра­да́ніе ви́дяще, вѣ́р­ніи удивля́хуся зѣло́: ка́ко мла́­да отро­ко­ви́­ца су́щи, въ ю́ност­нѣмъ тѣ­ле­си́ та­ко­ва́я му́­же­ствен­но за Хри­ста́ те́р­питъ му́ки, сле́з­на­го ис­по́л­ни­ша­ся уми­ле́нія? Не­вѣ́р­ніи же, тре́­пе­томъ одер­жи́­ми и чу­де́с­ны­ми и́скра­ми опаля́еми отъ а́н­ге­ла, бѣ­жа́ху. Мы́ же, про­слав­ля́юще ди́в­на­го во святы́хъ Бо́га, во­піе́мъ: Алли­лу́ія.

Икосъ 8

Ве́сь Слад­ча́й­шій Іису́съ сла́­дость, ве́сь же­ла́ніе тебѣ́ бы́сть, свята́я му́­че­ни­це Па­ра­ске́­во. Сла́д­цѣ бо Его́ ра́ди го́рь­кія тер­пѣ́­ла еси́ му́ки, гла­го́­лю­щи къ му­чи́­те­лю: "вра́­же не­че­сти́­вый иге́­мо­не, что́ не­и́­стов­ствуе­ши на хри­стіа́­ны? ни ца́р­ства у тебе́ отъя́хъ, ни гра́­да тво­е­го́ ра­зо­ри́хъ, но бу́­и­ми сло­ве­сы́ увѣ­ща́­ти мя́ по­мыш­ля́еши. Азъ пло́­ти моея́ не ща­жду́ за Хри­ста́ мо­е­го́, зане́ Онъ лю́­битъ мя́; къ Нему́ пой­ду́ и Того́ бу́ду не­вѣ́­ста. То́й мене́ спа­се́тъ отъ ру́къ вра́гъ мо­и́хъ и да́руетъ ми́ жи́знь вѣ́ч­ную". По­ми­на́­ю­ще си­це­ва́я твоя́ сло­ве­са́ и до́­бле­ствен­ныя по́­дви­ги тво­е­го́ ис­по­вѣ́д­ни­че­ства, во­піе́мъ ти́:

Ра́дуй­ся, зло́­бы не­вѣ́р­ныхъ не устра­ши́в­шаяся; ра́дуй­ся, тва́­ри па́че Со­зда́в­ша­го не по­слу­жи́в­шая. Ра́дуй­ся, во е́же со­про­тив­ля́тися вра­го́мъ Бо́жіимъ, въ ду­хо́в­ное всеору́жіе бла­го­да́­ти Бо́жіей обле́к­шаяся; ра́дуй­ся, и́до­ломъ нѣ­мы́мъ и глу­хи́мъ въ ка́­пищѣ и́доль­скомъ не по­кло­ни́в­шаяся. Ра́дуй­ся, и́ме­немъ все­си́ль­на­го Го́­спо­да и тво­е́ю къ Нему́ мо­ли́­твою вся́ и́до­лы та́мо со­кру­ши́в­шая; ра́дуй­ся, де́­мо­новъ ко­ва́рствія Бо­же́­ствен­ною си́­лою упразд­ни́в­шая. Ра́дуй­ся, то­мле́­нія му­чи́­те­лей Кре­сто́мъ Го­спо́д­нимъ, я́ко дер­жа́в­нымъ ору́жіемъ, му́­же­ски по­бѣ­ди́в­шая; ра́дуй­ся, о́гнен­ное опа­ле́ніе и жже́­ніе дѣ́в­ствен­на­го тѣ­ле­се́ тво­е­го́ въ воню́ мѵ́ра Хри­сту́ Бо́гу при­не́с­шая. Ра́дуй­ся, вѣ́ру, на­де́жду и лю­бо́вь къ Бо́гу со­хра́н­шая; ра́дуй­ся, по­бѣ́­ды вѣ­не́цъ отъ руки́ Хри­ста́ Жи­зно­да́в­ца пріе́м­шая. Ра́дуй­ся, рѣко́, ис­по́л­нен­ная бла­го­да́­ти Бо́жія во­да́­ми; ра́дуй­ся, исто́ч­ни­че, кипя́щій чу­де́съ излія́ній.

Ра́дуй­ся, Па­ра­ске́­во, не­вѣ́­сто Хри­сто́­ва все­хва́ль­ная.

Кон­да́къ 9

Всѣ́ми бо­го­кра́с­ны­ми лѣ́­по­та­ми до­бро­дѣ́­те­лей укра́­сив­ши себе́, пре­хва́ль­ная му́­че­ни­це Па­ра­ске́­во, яви́­ла­ся еси́ твер­да́ и не­по­ко­ле­би́­ма во ис­по­вѣ́­да­ніи вѣ́ры Хри­сто́­вы. Сего́ ра́ди а́н­гель­ское есте­ство́ ве́ліею воз­ра́­до­ва­ся ра́­до­стію, узрѣ́в­ше му́­же­ствен­ную крѣ́­пость твою́ и тве́р­дое твое́ упо­ва́ніе. И мы́, слы́­шав­ше, ка́ко по­сра­ми́­ся лу­ка́­вый вра́гъ, отъ дѣ́вы по­бѣ­жда́­емь, и ка́ко са́мъ Хри­сто́съ Бо́гъ до­сто́й­но вѣн­ча́­етъ тя́, му́­че­ни­цу, ку́п­но съ то­бо́ю ра́­дост­но во­піе́мъ про­слав­ля́­ю­щему тя́ Го́­спо­ду: Алли­лу́ія.

Икосъ 9

Вѣтíйствую­щій язы́къ не воз­мо́­жетъ вос­хва­ли́­ти дѣла́ твоя́ и ве­ли́кія стра­да́ль­че­скія твоя́ по́­дви­ги по достоя́нію, сла́в­ная му́­че­ни­це Па­ра­ске́­во. Кто́ бо по­вѣ́сть стра­да́нія твоя́ и до­бро­дѣ́­те­ли? На су­ди́­щи бо ис­по­вѣ́­дав­ши и́стин­на­го Бо́га, отъ без­че­ло­вѣ́ч­ныхъ му­чи́­те­лей пре­тер­пѣ́­ла еси́ лю́тая, бо­лѣ́­знен­ная стра­да́нія; и въ си́хъ же­сто́­кихъ бо­лѣ́­знехъ бы́в­ши па́­ли­цами біе́­ма, же­лѣ́зны­ми но­готь­ми́ стро­го́­ма и огне́мъ па­ли́­ма, ни­что́­же и́но вѣ­ща́­ла еси́ къ Со­зда́­те­лю тво­е­му́, то́­кмо сіе́: "спа­си́ мя́, Го́­спо­ди, не­до­сто́й­ную рабу́, не раз­лу­чи́ мене́, Хри­сте́, отъ Тво­е­го́ же­ла́нія!" Сми­ре́н­но по­ми­на́­ю­ще си­це­ва́я твоя́ стра­да́нія, уми­ле́н­ную пѣ́снь при­но́­симъ ти́, гла­го́­лю­ще:

Ра́дуй­ся, кро́­вію стра­да́нія тво­е­го́ Хри­сту́ Бо́гу уне­вѣ́­стив­шаяся; ра́дуй­ся, Стра­сте́мъ Хри­сто́­вымъ по­дра­жа́в­шая. Ра́дуй­ся, люб­ве́ ра́ди Го­спо́д­ни же­сто́кія му­че́нія пре­тер­пѣ́в­шая; ра́дуй­ся, отъ не­бе́с­на­го Царя́ бла­го­лѣ́п­ный вѣ­не́цъ вос­прія́вшая. Ра́дуй­ся, я́ко всѣ́мъ вѣ́р­нымъ вос­по­ми­на́ніе твое́ пре­сла́д­ко; ра́дуй­ся, я́ко все́й Це́р­кви Хри­сто́­вой и́мя твое́ пре­че́ст­но. Ра́дуй­ся, до­сто­чу́д­ное а́н­ге­ломъ и че­ло­вѣ́­комъ зрѣ́­ли­ще бы́в­шая; ра́дуй­ся, и са­мѣ́хъ му­чи́­те­лей не­по­бѣ­ди́­мымъ тер­пѣ́ніемъ тво­и́мъ уди­ви́в­шая. Ра́дуй­ся, я́ко Са́мъ Го­спо́дь свы́­ше при­зрѣ́ на твоя́ стра­да́нія; ра́дуй­ся, я́ко Са́мъ То́й По­дви­го­по­ло́ж­никъ по­хва­ли́ твоя́ по́­дви­ги. Ра́дуй­ся, дѣ́­вамъ до­бро́­то и по­хва­ле́ніе; ра́дуй­ся, му́­че­ни­комъ кра­со­то́ и вѣ́р­нымъ утѣ­ше́ніе.

Ра́дуй­ся, Па­ра­ске́­во, не­вѣ́­сто Хри­сто́­ва все­хва́ль­ная.

Кон­да́къ 10

Спа­сти́ хотя́ ду́шу твою́, о тѣ́лѣ тво­е́мъ вся́­че­ски не­бре­г­ла́ еси́, свята́я му́­че­ни­це Па­ра­ске́­во. Егда́ бо на тя́ и ме́ч­ное на сме́рть осу­жде́ніе изы́­де отъ без­за­ко́н­на­го му­чи́­теля, ты́ подъ ме́чь о́стрый, а́ки подъ вѣ­не́цъ кра́с­ный, ра́­дост­но по­те­кла́ еси́; и во гла­ву́ усѣк­но­ве́­на бы́в­ши, ду­ше́ю тво­е́ю вос­па­ри́­ла еси́ въ чер­то́гъ Же­ни­ха́ тво­е­го́ без­сме́рт­на­го, Хри­ста́ Бо́га, Ему́­же вы́ну на не­бе­сѣ́хъ ны́нѣ вос­пѣ­ва́­е­ши: Алли­лу́ія.

Икосъ 10

Стѣна́ была́ еси́ крѣп­ка́ и не­по­ко­ле­би́­ма во ис­по­вѣ́­да­ніи вѣ́ры въ Тріе­ди́­на­го Бо́га. Сего́ ра́ди мно­го­бо­лѣ́­знен­ная стра­да́нія отъ му­чи́­теля пре­тер­пѣ́­ла еси́ и, до́­брѣ скон­ча́в­ши те­че́ніе твое́, вѣ­не́цъ отъ Хри­ста́ Бо́га прія́ла еси́, и а́н­гель­скихъ ли­ко­стоя́ній на не­бе­си́ спо­до́­би­ла­ся еси́. Тѣ́м­же вос­по­ми­на́­ю­ще твоя́ по́­дви­ги, убла­жа́­емъ тя́, мно­го­стра­да́ль­ная:

Ра́дуй­ся, те­че́ніе му́­че­ни­че­ска­го пути́ до́­брѣ скон­ча́в­шая; ра́дуй­ся, вѣ́ру без­сме́рт­но­му Же­ни­ху́ Хри­сту́ до сме́р­ти со­хра́н­шая. Ра́дуй­ся, въ жи­тіи́ тво­е́мъ бо­гоу­го́д­ны­ми дѣ́лы Го́­спо­де­ви по­слу­жи́в­шая; ра́дуй­ся, за лю­бо́вь ко Хри­сту́ Бо́гу всю́ мірску́ю суету́ отве́рг­шая. Ра́дуй­ся, си́­лою свы́­ше на бра́нь про­ти́ву си́лъ пре­и­спо́д­нихъ препоя́­сан­ная; ра́дуй­ся, по­бѣ­до­но́с­ною сла́­вою въ вы́ш­нихъ отъ Хри­ста́ по­бѣ­ди́­теля одѣ́янная. Ра́дуй­ся, ору́жіемъ бла­го­во­ле́нія Бо́жія вѣн­ча́н­ная на зе­мли́; ра́дуй­ся, цвѣ́­томъ неувяда́­е­мымъ укра́­шен­ная на не­бе­си́. Ра́дуй­ся, хри­стіа́­номъ крѣ́п­кое при­бѣ́­жи­ще; ра́дуй­ся, вѣ́р­нымъ тве́р­дое за­ступле́ніе. Ра́дуй­ся, без­по­мо́щ­ныхъ за­щи­ти́­тель­ни­це; ра́дуй­ся, си́­рыхъ по­кро­ви́­тель­ни­це.

Ра́дуй­ся, Па­ра­ске́­во, не­вѣ́­сто Хри­сто́­ва все­хва́ль­ная.

Кон­да́къ 11

Пѣ́ніе на́ше вся́кое по­бѣ­жда́­ет­ся, и мно́­гое мно́­же­ство хва­ле́б­ныхъ пѣ́­сней, во­с­пи­су́­е­мыхъ ти́, нѣ́сть до­во́ль­но по достоя́нію вос­хва­ли́­ти тя́, пре­хва́ль­ная му́­че­ни­це Па­ра­ске́­во. Оба́­че мо­ли́­тва­ми тво­и́­ми полу­ча́­ю­ще отъ Хри­ста́ Бо́га не­ис­че́т­ная бла­го­дѣя́нія, бла­го­да́р­ни су́ще, по­е́мъ о тебѣ́ Ему́: Алли­лу́ія.

Икосъ 11

Возсія́вши на́мъ, я́ко свѣ­ти́­ло свѣ­то­за́р­ное, мра́къ де́­мон­скій отъ че­ло­вѣ́къ тво­и́­ми моль­ба́­ми отгоня́еши, свята́я му́­че­ни­це Па­ра­ске́­во, пріе́м­ши бо бла­го­да́ть цѣ­ли́­ти не­ду́­ги, всѣ́мъ вѣ́р­нымъ, при­те­ка́­ю­щимъ къ тебѣ́ съ мо­ли́­твою, по­да­е́­ши ис­цѣ­ле́ніе: кро­во­то­чи́­віи бо и про­ка­же́н­ніи при­кос­но­ве́ніемъ къ ра́цѣ мо­ще́й тво­и́хъ очи­ща́­ют­ся, глусíи слы́­шатъ, раз­сла́б­лен­ніи здра́­ви бы­ва́­ютъ, при­зы­ва́­ніемъ свята́го тво­е­го́ и́ме­не. Мы́ же, по­ми­на́­ю­ще ско́­рое за­ступле́ніе твое́, во­піе́мъ ти́:

Ра́дуй­ся, бла­го­во́н­ная сми́р­но, Це́р­ковь Хри­сто́ву бла­гоу­ха́­ю­щая; ра́дуй­ся, бла­го­на­де́ж­ная мо­ли́­твен­ни­це, ѳиміа́мъ мо­ли́­твы о на́съ къ Бо́гу при­но­ся́щая. Ра́дуй­ся, мѵро­по­ло́ж­ни­це ис­цѣ­ле́ній не­о­ску́д­ная; ра́дуй­ся, со­кро́­ви­ще Бо́жіихъ да­ро́въ не­и­жди­ва́­е­мое. Ра́дуй­ся, ча́ше, отъ оби́лія до́му Бо́жія че́рп­лю­щая ра́­дость; ра́дуй­ся, со­су́­де, отъ ис­пол­не́нія Хри­сто́­ва пріе́млю­щій всѣ́хъ бла́гъ не­бе́с­ныхъ сла́­дость. Ра́дуй­ся, бла­го­да́т­ную ро́су ис­цѣ­ле́ній всѣ́мъ вѣ́р­нымъ исто­ча́­ю­щая; ра́дуй­ся, ско́рб­ныя серд­ца́ не­ду́ж­ныхъ да­ро­ва́ніемъ ис­цѣ­ле́ній ободря́ющая. Ра́дуй­ся, я́ко Хри­сто́съ Бо́гъ за до́­бле­ствен­ная твоя́ стра­да́нія, сла́ву и ве­ле­лѣ́піе на тя́ воз­ло­жи́лъ е́сть; ра́дуй­ся, я́ко тебѣ́ Ца́рь ца́рству­ю­щихъ и Го­спо́дь го­спо́д­ству­ю­щихъ бла­же́н­ство Ца́рствія Сво­е­го́ да­ро­ва́лъ е́сть. Ра́дуй­ся, Ца́рствія Хри­сто́­ва со­на­слѣ́д­ни­це; ра́дуй­ся, сла́­вы Бо́жія со­при­ча́ст­ни­це.

Ра́дуй­ся, Па­ра­ске́­во, не­вѣ́­сто Хри­сто́­ва все­хва́ль­ная.

Кон­да́къ 12

Бла­го­да́ть отъ Бо́га дана́ ти́ е́сть по­да­ва́­ти ис­цѣ­ле́нія всѣ́мъ тре́бую­щимъ, я́ко отъ исто́ч­ни­ка пре­бо­га́­та­го, хра­ни́­ти же и со­блю­да́­ти отъ раз­ли́ч­ныхъ бо­лѣ́­зней, бѣ́дъ и скор­бе́й вся́каго че­ло­вѣ́­ка, вѣ́­рою, лю­бо́­вію и бла­го­го­вѣ́ніемъ, чест­на́я твоя́ стра­да́нія вос­по­ми­на́­ю­ща­го и по­чи­та́­ю­ща­го. Мо­ли́­твен­на­го тво­е­го́ о на́съ пред­ста́­тель­ства и бла­го­да́т­ныхъ да­ро­ва́ній не лиши́ и на́съ, мно­го­стра­да́ль­ная Хри­сто́­ва стра­сто­те́р­пи­це. Да и мы́, здра́­ви су́ще тѣ́­ломъ и ду́­хомъ, въ ны́­нѣш­ней и бу́ду­щей жи́­зни о тебѣ́ по­е́мъ Бо́гу: Алли­лу́ія.

Икосъ 12

Пое́мъ твоя́ крѣ́п­кія по́­дви­ги, по­чи­та́­емъ стра­да́нія, хва́­лимъ дол­го­тер­пѣ́ніе, убла­жа́­емъ святу́ю твою́ кон­чи́­ну, сла́­вимъ твое́ въ не́­мощ­нѣмъ тѣ́лѣ не­по­бѣ­ди́­мое му́­же­ство, и́мже на зе­мли́ и на не­бе­си́ про­сла́­ви­ла­ся еси́, свята́я и до­бро­по­бѣ́д­ная му́­че­ни­це Па­ра­ске́­во. И въ че́сть тво­и́хъ по­бѣ­до­но́с­ныхъ по́­дви­говъ и стра­да́ній по­хва́ль­ная во­с­пи­су́­емъ ти́ сія́:

Ра́дуй­ся, отъ а́н­гель­скихъ чи­но́въ въ со­жи́­тель­ство и́хъ лю­бе́з­но прія́тая; ра́дуй­ся, отъ дѣ́в­ствен­ныхъ ли́­ковъ въ чер­то́гъ не­бе́с­ный ра́­дост­но вве­де́н­ная. Ра́дуй­ся, отъ му́­че­ни­че­скихъ пол­ко́въ подъ вѣ­не́цъ сла́­вы про­во­жда́­е­мая во гла́­сѣ ра́­до­ва­нія; ра́дуй­ся, отъ не­бе́с­ныхъ жи́­те­лей пріе́м­лю­щая о Го́­спо­дѣ цѣ­ло­ва́ніе. Ра́дуй­ся, я́ко мзда́ твоя́ мно́­га е́сть на не­бе­сѣ́хъ; ра́дуй­ся, я́ко ра́­дость твоя́ вѣ́ч­на е́сть во свѣ́т­ло­сти святы́хъ. Ра́дуй­ся, въ не­бе́с­номъ чер­то́­зѣ Бо­же́­ствен­на­го Же­ни­ха́ тво­е­го́ со а́н­ге­лы Его́ веселя́щаяся; ра́дуй­ся, ли­це­зрѣ́­ніемъ все­бла­га́­го Го́­спо­да та́мо вку́­пѣ со святы́ми на­сла­жда́­ю­щаяся. Ра́дуй­ся, ду­ше́в­ныхъ и тѣ­ле́с­ныхъ не­ду́­говъ на́­шихъ цѣ­ли́­тель­ни­це; ра́дуй­ся, ду­ше­спа­си́­тель­ныхъ бла́гъ и не­бе́с­ныхъ да­ро́въ по­да́­тель­ни­це. Ра́дуй­ся, я́ко то­бо́ю отъ неча́янныя сме́р­ти со­хра­ни́­ти­ся упо­ва́­емъ; ра́дуй­ся, я́ко тво­и́мъ за­ступле́ніемъ вѣ́ч­ную жи́знь отъ Хри­ста́ Бо́га улу­чи́­ти бла­го­на­де́ж­но ча́­емъ.

Ра́дуй­ся, Па­ра­ске́­во, не­вѣ́­сто Хри­сто́­ва все­хва́ль­ная.

Кон­да́къ 13

О, свята́я, пре­му́­драя и все­хва́ль­ная му́­че­ни­це, не­вѣ́­сто Хри­сто́­ва Па­ра­ске́­во! Отъ бла­го­го­вѣ́й­ныхъ сер­де́цъ при­но­си́мую ти́, а́ще и не­до­сто́й­ную, хва­ле́б­ную пѣ́снь сію́ пріи­ми́ отъ на́съ, я́ко усе́рд­ную же́ртву сер­де́цъ, лю́бящихъ тя́ и че́­ству­ю­щихъ святу́ю па́мять твою́. Охраня́й на́съ мо­ли́­тва­ми тво­и́­ми святы́ми, и вся́ лю́ди, при­те­ка́­ю­щія къ чест­нѣ́й ико́­нѣ тво­е́й и съ лю­бо́­вію ло­бы­за́­ю­щія ю́, из­ба­вля́й отъ вся́каго зла́­го обстоя́нія и ско́р­би. Да ти́­хое и без­мо́лв­ное жи­тіе́ по­жи́в­ше въ ны́­нѣш­немъ вѣ́цѣ, бла­же́н­ство вѣ́ч­ное на­слѣ́­димъ, и ку́п­но съ то­бо́ю и всѣ́­ми святы́ми вы́ну спо­до́­бим­ся вос­пѣ­ва́­ти Бо́гу: Алли­лу́ія.

Се́й кон­да́къ гла­го́­лет­ся три́­жды. Та́же Икосъ 1-й и Кон­да́къ 1-й

Мо­ли́­тва святѣ́й му́­че­ни­цѣ Па­ра­ске́­вѣ

Свята́я не­вѣ́­сто Хри­сто́­ва, мно­го­стра­да́ль­ная му́­че­ни­це Па­ра­ске́­во! Вѣ́мы, я́ко отъ ю́но­сти твоея́ ты́ все́ю ду­ше́ю тво­е́ю и всѣ́мъ се́рд­цемъ тво­и́мъ воз­лю­би́­ла еси́ Царя́ сла́­вы, Хри­ста́ Спа­си́­теля и Ему́ еди́­ному уне­вѣ́­сти­ла­ся еси́, разда́в­ши имѣ́­нія твоя́ не­и­му́­щимъ и бѣ́д­нымъ. Ты́ си́­лою бла­го­че́­стія тво­е­го́, тво­и́мъ цѣ­ло­му́­дріемъ и пра́­ве­д­но­стію, я́ко лу­ча́­ми со́л­неч­ны­ми, просія́ла еси́, жи́в­ши свя́то сре­ди́ не­вѣ́р­ныхъ и безбоя́знен­но про­по­вѣ́­дав­ши и́мъ Хри­ста́ Бо́га. Ты́ отъ дне́й ю́но­сти твоея́, нау­че́н­ная тво­и́­ми ро­ди́­телями, все­гда́ бла­го­го­вѣ́й­но че́­ство­ва­ла дни́ иску­пи́­тель­ныхъ Стра­сте́й Го́­спо­да на́­ше­го Іису́­са Хри­ста́, Его́­же ра́ди и сама́ до­бро­во́ль­но по­стра­да́­ла еси́. Ты́, де­сни́­цею а́н­ге­ла Бо́жія отъ не­ис­цѣ́ль­ныхъ ра́нъ ди́в­но ис­цѣ­ле́н­ная и вос­прія́вшая не­из­ре­че́н­ную свѣ́т­лость, изу­ми́­ла еси́ не­вѣ́р­ныхъ му­чи́­те­лей. Ты́, и́ме­немъ Го́­спо­да на́­ше­го Іису́­са Хри­ста́ и си́­лою мо­ли́­твы твоея́ въ ка́­пищѣ язы́­че­скомъ всѣ́хъ и́до­ловъ до́лу по­ве́рг­ши, въ пра́хъ со­кру­ши́­ла еси́ я́. Ты́, опаля́емая свѣ­ща́­ми, еди́­ною мо­ли́­твою тво­е́ю къ все­си́ль­но­му Го́­спо­ду уга­си́­ла еси́ о́гнь есте́­ствен­ный, и тѣ́мъ же пла́­ме­немъ, чу­де́с­нѣ воз­жже́н­нымъ чрезъ а́н­ге­ла Бо́жія, по­па­ли́в­ши не­и́­сто­выхъ без­за­ко́н­ни­ковъ, мно́гъ на­ро́дъ при­ве­ла́ еси́ къ по­зна́нію и́стин­на­го Бо́га. Ты́, во сла́ву Го́­спо­да прія́вши ме́ч­ное гла­вы́ твоея́ усѣ­че́ніе отъ му­чи́­те­лей, до́­бле­ствен­но скон­ча́­ла еси́ стра­да́ль­че­скій тво́й по́­двигъ, воз­ше́д­ши ду­ше́ю тво­е́ю на не­бе­са́, въ чер­то́гъ во­жде­лѣ́н­на­го тво­е­го́ Же­ни­ха́ Хри­ста́, Царя́ сла́­вы, ра́­дост­но срѣ́т­шаго тя́ си́мъ не­бе́с­нымъ гла́­сомъ: "ра́дуй­те­ся, пра́­вед­ніи, я́ко му́­че­ни­ца Па­ра­ске́­ва увѣн­ча́ся!" Тѣ́м­же и мы́ дне́сь [со­ше́д­ше­ся въ хра́мъ, посвяще́н­ный и́ме­ни тво­е­му́ свято́му,] при­вѣ́т­ствуемъ тя́, мно­го­стра­да́ль­ная, и, взи­ра́­ю­ще на святу́ю твою́ ико́ну, съ уми­ле́ніемъ во­піе́мъ ти́: все­чест­на́я Па­ра­ске́­во! вѣ́мы, я́ко ве́ліе и́ма­ши дер­зно­ве́ніе ко Го́­спо­ду! умо­ли́ у́бо Его́, Че­ло­вѣ­ко­лю́б­ца, и о на́съ, пред­стоя́щихъ и моля́щихся ти́, да по­да́стъ Онъ и на́мъ, я́коже тебѣ́, тер­пѣ́ніе и бла­го­ду́шіе въ бѣ­да́хъ и ско́рб­ныхъ обстоя́ніихъ; да да́руетъ Онъ хо­да́­тай­ствомъ тво­и́мъ и за­ступле́ніемъ, ра́­дост­ное, бла­го­де́н­ствен­ное и ми́р­ное жи­тіе́, здра́­віе же и спа­се́ніе, и во все́мъ бла­го́е по­спѣ­ше́ніе Бла­го­че­сти́­вѣй­шему, Са­мо­дер­жа́в­нѣй­шему, Ве­ли́­кому Го­су­да́­рю на́­шему Импе­ра́­то­ру [и́мярекъ], Су­пру́­гѣ Его́ Бла­го­че­сти́­вѣй­шей Го­су­да́­ры­нѣ Импе­ра­три́­цѣ [и́мярекъ], На­слѣ́д­нику Его́ Бла­го­вѣ́р­ному Го­су­да́­рю Це­са­ре́­ви­чу и Ве­ли́­кому Кня́зю [и́мярекъ] и все­му́ Ца́рству­ю­щему До́му. Воз­лю́б­лен­но­му же на́­шему Оте́­че­ству, да нис­по­сле́тъ свято́е Свое́ бла­го­сло­ве́ніе и ми́ръ, и всѣ́мъ пра­во­сла́в­нымъ хри­стіа́­номъ да по­да́стъ тво­и́­ми святы́ми мо­ли́­тва­ми утвер­жде́ніе въ вѣ́рѣ, бла­го­че́­стіи и свя́­то­сти, пре­спѣ́яніе же въ хри­стіа́н­ской люб­ви́ и вся́кой до­бро­дѣ́­те­ли; да очи́­ститъ на́съ, грѣ́ш­ныхъ, отъ вся́кія скве́р­ны и по­ро́­ка; да огра­ди́тъ на́съ святы́ми Сво­и́­ми а́н­ге­ла­ми, да за­сту́­питъ, со­хра­ни́тъ и по­ми́луетъ всѣ́хъ свято́ю Сво­е́ю бла­го­да́тію и со­дѣ́­ла­етъ на­слѣ́д­ни­ка­ми и при­ча́ст­ни­ка­ми не­бе́с­на­го Сво­е­го́ Ца́рствія. И та́ко улу­чи́в­ше спа­се́ніе тво­и́­ми святы́ми мо­ли́­тва­ми, пред­ста́­тель­ствомъ и за­ступле́ніемъ, все­сла́в­ная не­вѣ́­сто Хри­сто́­ва Па­ра­ске́­во, про­сла́­вимъ вси́ пре­чест­но́е и ве­ли­ко­лѣ́­пое и́мя ди́в­на­го во святы́хъ Сво­и́хъ и́стин­на­го Бо́га, Отца́ и Сы́на и Свята́го Ду́ха, все­гда́, ны́нѣ и при́­сно, и во вѣ́ки вѣ­ко́въ. Ами́нь.

Тро­па́рь, гла́съ 4

Прему́­драя и все­хва́ль­ная Хри­сто́­ва му́­че­ни­ца Па­ра­ске́­ва, му́­же­скую крѣ́­пость пріе́м­ши, же́н­скую же не́­мощь отве́рг­ши, діа́­во­ла по­бѣ­ди́ и му­чи́­теля по­сра­ми́, во­пі­ю́­щи и гла­го́­лю­щи: прі­и­ди́­те, тѣ́ло мое́ ме­че́мъ ссѣ­цы́­те и огне́мъ сож­ги́­те, а́зъ бо, ра́ду­ю­щи­ся, иду́ ко Хри­сту́, Же­ни­ху́ мо­е­му́. Тоя́ мо­ли́­тва­ми, Хри­сте́ Бо́же, спа­си́ ду́ши на́ша.

Кон­да́къ, гла́съ 3

Всесвято́е и не­по­ро́ч­ное му­че́ніе при­не́с­ши, я́ко вѣ́но пре­чест­но́е, без­сме́рт­но­му Же­ни­ху́ Хри­сту́, а́н­гель­ское ли­ко­стоя́ніе воз­ве­се­ли́­ла еси́ и по­бѣ­ди́­ла еси́ де́­мон­скія ко́з­ни. Сего́ ра́ди тя́ че́ст­но вѣ́­рою чти́мъ, му́­че­ни­це Па­ра­ске́­во мно­го­стра­да́ль­ная.

Ве­ли­ча́­ніе

Вели­ча́­емъ тя́, стра­сто­те́р­пи­це Хри­сто́­ва Па­ра­ске́­во, и чте́мъ чест­но́е стра­да́ніе твое́, е́же за Хри­ста́ пре­тер­пѣ́­ла еси́.