Кон­да́къ 1

Избра́н­ную отъ ро́да ца́р­ска­го и вѣн­ча́н­ную на не­бе­си́ дѣ́ву му́­че­ни­цу, не­вѣ́сту Хри­сто́ву Екате­ри́ну, по­хва́ль­ны­ми пѣ́снь­ми вос­по­и́мъ, я́ко пре­сла́в­ную му­чи́­теля по­бѣ­ди́­тель­ни­цу, и пре­му́друю фи­ло­со́­фовъ на­ста́в­ни­цу и мно́­гихъ ко Хри­сту́ путе­во­ди́­тель­ни­цу. Ты́ же, ве­ли­кому́­че­ни­це Екате­ри́­но, иму́­щи дер­зно­ве́ніе ко Го́­спо­ду, при­кло­ни́­ся ми́­ло­стив­нѣ къ бла­го­по­тре́б­нымъ про­ше́ніямъ зо­ву́­щихъ ти́:

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Икосъ 1

Ангель­ской ра́в­ную чи­сто­ту́ со­блю́д­ши, свята́я дѣ́во Екате­ри́­но, къ ли­ко́мъ а́н­гель­скимъ во­сте­кла́ еси́ и со а́н­ге­лы Бо­же́­ствен­на­го оза­ре́нія спо­до́­би­ла­ся еси́, съ ни́ми же вос­пѣ­ва́я Тро́й­че­скую пѣ́снь на не­бе­си́, услы́­ши на́съ, по­ю́­щихъ тебѣ́ на зе­мли́ сія́:

Ра́дуй­ся, отъ мла­де́н­ства обре­че́н­ная из­бра́ніемъ Бо́га Отца́ въ со­су́дъ бла­го­да́­ти; ра́дуй­ся, ди́в­нымъ смо­тре́ніемъ Бо́жіимъ ве­ли́­чіе и сла́ву Хри­ста́, Сы́на Бо́жія, разу­мѣ́­ти на­ста́в­лен­ная. Ра́дуй­ся, чу­де́с­ное зна́­ме­ніе яви́в­ша­го­ся на тебѣ́ Бо́жія про́­мы­сла; ра́дуй­ся, я́ко по зва́в­ше­му тя́ Свято́му Ду́ху, и сама́ усе́рд­но во святы́ню те­кла́ еси́. Ра́дуй­ся, свѣ́­томъ бла­го­че­сти́­выя вѣ́ры про­свѣ­ти́в­шаяся; ра́дуй­ся, свято́ю ку­пе́лію отро­жде́н­ная. Ра́дуй­ся, чест­но́е Ду́ха святы́ни жи­ли́­ще; ра́дуй­ся, стра­да́ній Хри­сто́­выхъ ис­пол­не́ніе. Ра́дуй­ся, из­мы́в­шая ри́зы своя́ въ Кро́­ви Агнчей на зе­мли́; ра́дуй­ся, ли­ку́­ю­щая со святы́ми дѣ́­ва­ми на не­бе­си́. Ра́дуй­ся, звѣз­до́ пре­свѣ́т­лая, на не́бѣ цер­ко́в­нѣмъ сла́­вою чу­де́съ бли­ста́­ю­щая; ра́дуй­ся, и во бла­же́н­нѣмъ Ца́рствіи Хри­сто́­вѣмъ, я́ко го­лу­би́­ца, кро́­то­стію сія́ющая.

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Кон­да́къ 2

Ви́дящи бла­же́н­ная Екате­ри́­на себе́ ви­дѣ́­нія спо­до́бь­шую­ся, тече́ ко свято́му ста́р­цу, ико́ну Бо­го­ма́­те­ре пре́­жде того́ е́й вру­чи́в­ше­му, и по­вѣ́­да ему́, ка́ко скры­ва́­ше лице́ Свое́ отъ нея́ яви́­вый­ся, съ Пре­чи́­стою Сво­е́ю Ма́­те­рію Хри­сто́съ, ка́ко без­у́м­ну, и ни́щу, и худо­ро́д­ну ю́ на­ре́къ, до́н­де­же не оста́­витъ и́доль­ска­го не­че́­стія. Пре­по­до́б­ный же, слы́­шавъ сія́, на­ста́­ви ю́ въ та́­ин­ствахъ вѣ́ры и кре­сти́ ю́, она́ же во об­нов­ле́ніи ду́ха бла­го­да́р­но поя́ше Бо́гу: Алли­лу́ія.

Икосъ 2

Ра́зумъ благíй, бла­го­ро́д­ство и́стин­ное, бо­га́т­ство не­ги́­б­лю­щее стяжа́в­ши, въ ду­хо́в­нѣмъ отро­жде́ніи, свята́я Екате­ри́­на до­сто́й­на яви́­ла­ся не­бе́с­на­го Же­ни­ха́ Хри­ста́, Иже па́ки яви́вся е́й, воз­лю­би́ ю́ и да­ро­ва́н­нымъ пе́рст­немъ въ не­вѣ́сту Себѣ́ обру­чи́. Она́ же, по­зна́в­ши та­ко́е бла­го­во­ле́ніе Бо́жіе, та́ко уязви́ся лю­бо́­вію Его́, я́ко не му́др­ство­вав­ше бо́­лѣе о зем­ны́хъ ве­щѣ́хъ, но о Воз­лю́б­лен­нѣмъ сво­е́мъ по­мыш­ля́ше не­пре­ста́н­но. Та­ко­вы́я бла­го­да́­ти спо­до́бль­шаяся, услы́­ши отъ на́съ сія́:

Ра́дуй­ся, я́ко въ есте́­ствен­нѣй ти́ да­ро­ва́н­нѣй пре­му́­дро­сти, па́че есте́­ствен­ныхъ да­ро́въ ду­хо́в­ныхъ отъ Бо́га взы­ска́­ла еси́; ра́дуй­ся, я́ко му́­дрость мірску́ю, сла́ву и бо­га́т­ство обуи́­ла еси́. Ра́дуй­ся, я́ко отъ зем­ны́хъ же­ни­ха́ себѣ́ зна́­ти не вос­хо­тѣ́­ла еси́; ра́дуй­ся, въ ви­дѣ́­ніи Са­ми́мъ Хри­сто́мъ Го́­спо­домъ въ не­вѣ́сту Ему́ не­тлѣ́н­ную обру­че́н­ная. Ра́дуй­ся, я́ко спо­ру́ч­ни­цу о себѣ́ и хо­да́­та­и­цу къ Сы́ну Бо́жію и Бо́гу, Саму́ю Пре­чи́­стую Бо­го­ма́­терь имѣ́­ла еси́; ра́дуй­ся, я́ко въ за­ло́гъ обру­че́нія Не­бе́с­но­му Же­ни­ху́ тво­е­му́, пре­чу́д­ный пе́р­стень на де­сну́ю ти́ ру́ку отъ Хри­ста́ и́стин­но прія́ла еси́. Ра́дуй­ся, я́ко из­мѣ­ни́в­ши­ся чу́д­нымъ из­мѣ­не́ніемъ, отъ мір­ски́хъ ве­ще́й вся́ по́­мы­слы от­ло­жи́­ла еси; ра́дуй­ся, я́ко бо́­дрен­но въ воню́ мѵ́ра Хри­сто́­ва по­те­кла́ еси́. Ра́дуй­ся, до́­брая лю­би́­тель­ни­це Же­ни­ха́ Без­сме́рт­на­го; ра́дуй­ся, прія́­те­ли­ще бла­го­во­ле́нія Вы́шняго. Ра́дуй­ся, ма́­сли­на, въ дому́ Бо́жіемъ на­са­жде́н­ная; ра́дуй­ся, ке́дръ, въ Ли­ва́­нѣ вы­со­ко­ра́­слен­ный.

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Кон­да́къ 3

Си́ла Вы́шняго даде́ то­гда́ святѣ́й Екате­ри́­нѣ дер­зно­ве́ніе, е́же не­че́­ствую­ща­го царя́ Мак­си­ми́­на о при­не­се́ніи и́до­ломъ же́ртвъ об­ли­чи́­ти небоя́знен­но, и то́й пре­бы́сть без­гла́­сенъ на мно́гъ ча́съ, не могíй про­ти́­ви­ти­ся ея́ гла­го́­ломъ, она́ же бла­го­да­ря́щи Бо́га вос­пѣ­ва́­ше: Алли­лу́ія.

Икосъ 3

Иму́щи свята́я Екате­ри́­на свы́­ше да́н­ную себѣ́ пре­му́­дрость, егда́ не­че­сти́­вый ца́рь по­ста́­ви ю́ предъ со­бо́ю, ис­по­вѣ́­да бы́ти себе́ дще́рь ца́рскую, фи­ло­со́ф­скія и ри́­тор­скія нау́­ки до́­брѣ изу­чи́в­шую, па́че же не­вѣ́сту Хри­сто́ву себе́ на­и­ме­но­ва́ въ я́вное отвер­же́ніе и́доль­ска­го служе́нія. По­ми­на́­ю­ще у́бо та­ко­во́е дер­зно­ве́н­ное ис­по­вѣ́­да­ніе твое́, воз­гла­ша́­емъ ти́ си­це­ва́я:

Ра́дуй­ся, пче­ло́, ды́ма и́доль­ска­го отле­тѣ́в­шая; ра́дуй­ся, го­лу­би́­це, бо́­дрен­но чи­сто­ту́ ду́ха и тѣ́ла тво­е­го́ блю­сти́ при́­сно тща́в­шаяся. Ра́дуй­ся, я́ко въ по­зна́ніе та́­инъ спа­се́нія о Хри­стѣ́ Го́­спо­дѣ ве́сь у́мъ тво́й устре­ми́в­ши, со­кро́­ви­щами ду­хо́в­ны­ми обо­га­ти́­ла­ся еси́; ра́дуй­ся, я́ко о сла́­вѣ Не­бе́с­на­го Же­ни­ха́ тво­е­го́, Хри­ста́, зѣло́ по­ре­вно­ва́в­ши, лю́ди за­блу́жд­шія въ мре́­жу вѣ́ры Хри­сто́­вой уло­ви́­ти вся́ко тща́­ла­ся еси́. Ра́дуй­ся, я́ко управ­ля́ема дла́нію крѣ́п­кою Хри­сто́­вою, и́доль­скія бу́ри из­бѣ́­гла еси́; ра́дуй­ся, я́ко на­прав­ля́ема Вла­ды́­ки Бо­же́­ствен­ны­ми по­ве­лѣ́ніи и Того́ лю­бо́­вію па­ли́­ма, усе́рд­но къ по­дви­го́мъ по­те­кла́ еси́. Ра́дуй­ся, я́ко одѣ́явшися Бо­же́­ствен­ною по́­мощію, без­бо́ж­но­му су­ди́­щу му́­же­ствен­но пред­ста́­ла еси́; ра́дуй­ся, я́ко крѣ́п­кимъ дер­зно­ве́ніемъ тво­и́мъ са­ма­го́ му­чи́­теля царя́ ужа­си́­ла еси́. Ра́дуй­ся, твер­ды́­ня вѣ́ры, воз­дви́г­нутая Хри­сто́мъ на низ­ло­же́ніе не­вѣ́рія; ра́дуй­ся, ден­ни́­це пре­свѣ́т­лая, де́нь спа­се́нія во Хри­ста́ чрезъ тебе́ увѣ́­ро­вав­шимъ со­привне́с­шая. Ра́дуй­ся, стра­сто­те́р­пи­це, я́ко свѣ­ти́­ло, тмы́ мі­ро­де́рж­ца по­бѣ­ди́­ла еси́; ра́дуй­ся, свяще́н­ное за­бра́­ло огра́­ды, ове́цъ Хри­сто́­выхъ обе­ре­га́­ю­щая отъ хи­ще́ній во́л­ка мы́­слен­на­го.

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Кон­да́къ 4

Бу́рю я́­ро­сти воз­дви́г­нувъ ца́рь на святу́ю дѣ́ву, рече́ къ не́й: "не гла­го́­ли мнѣ́ злѣ́ о бо­зѣ́хъ на́­шихъ". Свята́я же Екате­ри́­на отвѣ­ща́: "а́ще вос­хо́­ще­ши оттрясти́ мра́къ пре́­ле­сти отъ ду­ше́в­ныхъ ти́ оче́й, уразу­мѣ́­е­ши бо­говъ тво­и́хъ ху́­дость и по­зна́­е­ши Истин­на­го Бо́га, Его́­же и́мя то́­чію гла­го́­ле­мое, или́ Кре́стъ изо­бра­же́н­ный на воз­ду́­сѣ, про­го­ня́етъ бо­го́въ тво­и́хъ и по­губля́етъ. Аще по­ве­ли́­ши, явлю́ тебѣ́ и́стину, по­ю́­щи Бо́гу: Алли­лу́ія".

Икосъ 4

Слы́­шавъ не­че­сти́­вый ца́рь сво­бо́д­ный и му́­дрый отвѣ́тъ тво́й о вѣ́рѣ Хри­сто́­вѣй, и убоя́вся, да не бу́­детъ по­бѣ­жде́нъ отъ тебе́, пре­свѣ́т­лая отро­ко­ви́­це, со­бра́ отъ пре­дѣ́­ловъ дер­жа́­вы своея́ мудрецо́въ, чис­ло́мъ пятьдеся́тъ, на пре́ніе. Ты́ же, ар­ха́н­ге­ломъ Ми­ха­и́­ломъ утвер­жде́н­ная и о по­бѣ́­дѣ увѣ́­рен­ная, воз­ра́­до­ва­лася еси́ и бо́­дрен­но всту­пи́­ла еси́ въ пре́ніе съ ни́ми. Пріи­ми́ у́бо отъ на́съ по­хва­лу́ сію́:

Ра́дуй­ся, я́ко отъ ар­ха́н­ге­ла о по­бѣ­до­но́с­нѣмъ тор­же­ствѣ́ тво­е́мъ надъ со­про­ти́в­ны­ми из­вѣ­ще́­на была́ еси́; ра́дуй­ся, я́ко Бо­же́­ствен­ное зна́ніе съ не­бе­се́ иму́­щи, лжеи­ме́н­на­го зна́нія бла­го­дер­зно­ве́н­но и му́­же­ствен­но пред­ста́­те­лей по­сра­ми́­ла еси́. Ра́дуй­ся, я́ко бла­го­да́ть Ду́ха Исти­ны очи­ще́н­нымъ се́рд­цемъ прія́ла еси́; ра́дуй­ся, я́ко утвер­ди́в­ши тебе́ жи­тіе́мъ и по́­мы­сломъ тер­пѣ­ли́­вымъ, вра­га́ мы́­слен­на­го льще́нія по­пра́­ла еси́. Ра́дуй­ся, бла­го­дви́ж­ный ор­га́­не Ду́ха; ра́дуй­ся, изъяви́­тель­ни­це ума́ Хри­сто́­ва. Ра́дуй­ся, хе­ру­ви́м­ское стяжа́в­шая бо­го­по­зна́ніе; ра́дуй­ся, лю­бо́­вію се­ра­фи́­мовъ вос­пла­ме­не́н­ная къ Бо́гу. Ра́дуй­ся, му́­дрыхъ му­дрѣ́й­шая; ра́дуй­ся, ду­хо́в­ный ме́чь на не­вѣ́ріе изо­стри́в­шая. Ра́дуй­ся, не­че́­стія про­го­ни́­тель­ни­це; ра́дуй­ся вѣ́р­ныхъ на­ста́в­ни­це.

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Кон­да́къ 5

Бого­свѣ́т­лѣй звѣз­дѣ́ была́ еси́ по­до́б­на, Екате­ри́­но, пре­прѣ́в­ши пятьдеся́тъ витíй и гла­го́­лы тво­и́­ми му́­дры­ми на­ста́­вив­ши и́хъ на пу́ть хри­стіа́н­скій, ве­ду́щій къ Пра́­вед­но­му Со́лн­цу, отъ Дѣ́вы возсія́в­ше­му, Хри­сту́ Бо́гу, и́же и осу­жде́­ни бы́в­ше за Хри­ста́ на сож­же́­ніе и на­пу́т­ство­ва­ни мо­ли́­твою тво­е́ю, съ ра́­до­стію идо́­ша во о́гнь, по­ю́­ще: Алли­лу́ія.

Икосъ 5

Ви́дѣвъ ца́рь по­ве­лѣ́нія своя́ пре­не­бре­же́н­на и увѣ­ща́нія пре­зрѣ́н­на, обра­ти́­ся къ лу­ка́в­ству, е́же ла­ска́ніемъ пре­льсти́­ти тя́, бла­же́н­ная Екате­ри́­но, обѣ­ща́я тебѣ́ да́ти до пол­ца́рствія. Ты́ же вѣ́ру со­кро́­ви­щамъ зем­ны́мъ пред­по­че́т­ши и Же­ни­ха́ Хри­ста́ воз­лю­би́в­ши па́че зем­на́­го ца́р­ства, и оде́жду му́­че­ни­че­ства па́че багряни́цы, отве́ргла еси́ того́ суе­сло́­вія. Сего́ ра́ди во­с­пи­су́­емъ ти́ по­хва́ль­ная сія́:

Ра́дуй­ся, дѣ́во, ле́сть об­ли­чи́в­шая; ра́дуй­ся, за­пи­на́­теля змíя по­пра́в­шая. Ра́дуй­ся, я́ко по­ги́­бель­ное уче́ніе не­вѣ́р­ныхъ въ ору́жіе къ и́хъ по­ра­же́нію обра­ти́­ла еси́; ра́дуй­ся, я́ко са­ми́хъ бо­го́въ и́ми чти́­мыхъ отъ по­че­ство­ва́нія об­на­жи́в­ши, въ по­зо́ръ из­ве­ла́ еси́. Ра́дуй­ся, я́ко пятидесяти­чи́­слен­ный со­вѣ́тъ хва́лящихся бы́ти му́­дры­ми пре­му́­дро ра­зо­ри́­ла еси́; ра́дуй­ся, я́ко бу́й­ство и́хъ мірскíя му́­дро­сти предъ всѣ́мъ мно́­же­ствомъ откры́­ла еси́. Ра́дуй­ся, тру­бо́ Ду́ха, вос­пѣ́в­шая гла́съ и́стин­на­го бо­го­сло́­вія; ра́дуй­ся, до́­брое вѣ́ры ис­по­вѣ́­да­ніе. Ра́дуй­ся, свѣ́­та ева́н­гель­ска­го сія́ніе; ра́дуй­ся, за­ко́­новъ вѣ́ч­ныхъ хра­ни́­тель­ни­це. Ра́дуй­ся, на го́ру бо­го­ви­дѣ́­нія во­сте́к­шая; ра́дуй­ся я́ко то­бо́ю свѣ́тъ Хри­сто́въ состяза́­те­лей тво­и́хъ вѣ́­рою про­свѣ­ти́въ, во спа­се́ніе прія́лъ е́сть.

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Кон­да́къ 6

Про­по­вѣ́д­ни­комъ и бо­го­но́с­нымъ апо́­сто­ломъ по­ре­вно­ва́в­ши, дер­зно­ве́н­но предъ ли­це́мъ му­чи́­теля про­по­вѣ́­да­ла еси́ Хри­ста́, Истин­на­го Бо́га, Ему́­же въ ра́­нахъ и тем­ни́­цѣ пѣ́ла еси́: Алли­лу́ія.

Икосъ 6

Возсія́вый въ се́рд­цы тво­е́мъ про­свѣ­ще́ніе и́стин­на­го бла­го­разу́­мія, от­гна́лъ е́сть мра́къ скор­бе́й, и не оста́­ви тя́ ал­ка́­ти, го­лу­би́­цею пи́щу ти́ по­сы­ла́я, ниже́ сту­жа́­ти о бо­лѣ́­зни: по­сѣ­ти́ бо Са́мъ тя́ въ тем­ни́­цѣ, ободря́я и мно́­ги вѣн­цы́ обѣ­ща­ва́я. Ты́ же, тер­пѣ­ли­во­ду́ш­ная, си́мъ па́че укрѣ­пи́­ла­ся еси́ и ца­ри́­цу Ав­гу́сту и во­е­во́ду Пор­фи́рія съ во́­и­ны, при­те́к­шихъ къ тебѣ́, обра­ти́­ла еси́ къ свѣ́ту вѣ́ры Хри­сто́­вой и нау­чи́­ла пѣ́ти тебѣ́ сія́:

Ра́дуй­ся, мѵро­по­ло́ж­ни­це Бо­же́­ствен­ныя люб­ве́; ра́дуй­ся, я́ко Хри­ста́ по­дра­жа́­ю­щи, во́­лею вош­ла́ еси́ къ стра­да́нію. Ра́дуй­ся, ада­ма́н­те крѣ́п­кій; ра́дуй­ся, все­чест­но́е ору́діе чу­де́съ не­из­ре­че́н­ныхъ. Ра́дуй­ся, вра­га́ тер­пѣ́ніемъ уби́в­шая; ра́дуй­ся, я́звы Го́­спо­да на тѣ́лѣ тво­е́мъ но­си́в­шая. Ра́дуй­ся, ца­ри́­цѣ Ав­гу́­стѣ съ при­ше́д­ши­ми съ не́ю му́­че­ни­че­ско­му по́­дви­гу путе­на­ста́в­ни­це; ра́дуй­ся, я́ко во тмѣ́ свѣ́тъ была́ еси́. Ра́дуй­ся, я́ко Са́мъ Го­спо́дь, Свѣ́тъ мíра, тебѣ́ въ тем­ни́­цѣ бы́в­шей, Себе́ яви́лъ е́сть; ра́дуй­ся, у́зъ грѣ­хо́в­ныхъ ско́­рая рѣ­ши́­тель­ни­це. Ра́дуй­ся, бо­лѣ́зну­ю­щихъ ско́­рая цѣ­ле́б­ни­це; ра́дуй­ся, по­со́б­ни­це на́­ше­го спа­се́нія.

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Кон­да́къ 7

Хотя́щу без­бо́ж­но­му царю́ при­ве­сти́ тя къ бо­го­ме́рз­ко­му идоло­служе́нію, па́ки сѣ́ти под­сти­ла́­етъ тебѣ́, пре­му́­драя, е́же уло­ви́­ти тя́ ле́ст­но по­хва­ло́ю кра­со­ты́ твоея́. Ты́ же кра­со­ту́ ве́щь при­вре́­мен­ну и ско́­ро пре­хо́д­ну име­но­ва́­ла еси́, Хри­ста́ же ис­по­вѣ́­да­ла еси́ Бо́га жи́ва и и́стин­на, и пѣ́ла Ему́: Алли­лу́ія.

Икосъ 7

Но́вую ца́рь по­ка­за́ я́­рость и без­че­ло­вѣ́­чіе, егда́ по­ве­лѣ́ епа́рху ко­ле́­са­ми рас­тер­за́­ти дѣ́в­ствен­ное, чи́­стое свято́е тѣ́ло твое́, но чу­де́с­ною руко́ю а́н­ге­ла а́біе раз­рѣ­ше́­на была́ еси́ без­вре́д­но, ко­ле́­са же вне­за́­пу со­кру­ши́­ша­ся, и́ми­же мно́­ги отъ не­вѣ́р­ныхъ убіе́­ни бы́ша. Еже ви́дя ца́рь у́жа­сомъ смяте́ся, пред­стоя́щее же мно́­же­ство на­ро́­да взы­ва́­ше: "ве­ли́къ Го­спо́дь хри­стіа́н­скій!" Мы́ же, чудя́щеся сему́, взы­ва́­емъ тебѣ́:

Ра́дуй­ся, я́ко жи­тію́ не­ве­ще́­ствен­но­му на­вы́кши, тѣ­ле́с­ную кра­со­ту́ му́­же­ствен­но увяди́ла еси́; ра́дуй­ся, я́ко на тѣ́лѣ тво­е́мъ цвѣ­то­но­си́­ла еси́ Бо́жію свѣ́т­лость. Ра́дуй­ся, я́ко не­по­ро́ч­ное тѣ́ло твое́, мно­го­раз­ли́ч­нымъ тя́ж­кимъ му́­камъ, люб­ве́ ра́ди Со­зда́­теля тво­е­го́, вда­ла́ еси́; ра́дуй­ся, я́ко въ крѣ́­по­сти то́яжде люб­ве́, стра́­хомъ и лю́­то­стію му́ки не низ­ло­жи́в­ши­ся по­бѣ­до­но́с­на яви́­ла­ся еси́. Ра́дуй­ся, я́ко пре­и­му́­ще­ства ра́ди ду­ше́в­ныя кра­со­ты́, лю́тыя биче­ва́­нія на тѣ́лѣ тво­е́мъ бо­го­му́­дрен­нѣ прія́ти пред­по­чла́ еси́; ра́дуй­ся, я́ко я́з­ва­ми за Хри­ста́ въ пор­фи́ру и́стин­но ца́рскую укра́­ше­на бы́ти воз­же­лѣ́­ла еси́. Ра́дуй­ся, я́ко ухи­щре́н­ныя гла­го́­лы и иску­ше́ніе му­чи́­теля пре­о­до­лѣ́­ла еси́; ра́дуй­ся, я́ко на­де́­жды лю́­та­го раз­сла́­би­ти крѣ́­пость твоея́ мы́­сли пре­сѣ­кла́ еси́. Ра́дуй­ся, му́­че­ни­це, а́н­ге­ломъ чест­но́е и ди́в­ное зрѣ́­ли­ще; ра́дуй­ся, сла́­во пол­ко́въ стра­да́ль­че­скихъ. Ра́дуй­ся, свѣ́т­лая вра­го́въ по­бѣ́­до; ра́дуй­ся, стра́хъ не­вѣ́р­ныхъ.

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Кон­да́къ 8

Стра́н­ное сла́­вы из­мѣ­не́ніе и за Хри­ста́ стра­да́ніе ца­ри́­цы и во­е­во́­ды съ во́­и­ны ви́­дѣв­ше, устра­ни́м­ся люб­ве́ мíра и пло́­ти, и впе­ри́мъ себе́ къ разу­мѣ́нію Бо́га. Се́й бо е́сть кра­со­та́, и сла́­ва, и вѣ­не́цъ на́мъ, по­ю́­щимъ: Алли­лу́ія.

Икосъ 8

Ве́сь сла́­дость и же­ла́ніе тебѣ́, свята́я Екате­ри́­но, бы́сть Іису́съ: сла́д­цѣ бо Его́ ра́ди го́рь­кія му́ки тер­пѣ́­ла еси́, и ски́­петръ, пред­ла­га́­е­мый тебѣ́, по­пра́­ла еси́, пред­зря́ бу́ду­щее воздая́ніе. Тѣ́м­же пріи­ми́ отъ на́съ по­хва́ль­ная сія́:

Ра́дуй­ся, я́ко тво­и́­ми бо­го­му́­дры­ми уче́ніи, ца­ри́­ца вѣ́рую­щи ко бла­го­че́­стію при­те­че́; ра́дуй­ся, я́ко та́яжде, пре­тер­пѣ́в­ши бо­лѣ́­знен­ное от­тор­же́ніе ея́ со­сце́въ и ме́ч­ное усѣ­че́ніе, Ца́рствія не­бе́с­на­го не­пре­е́м­на­го я́в­ствен­но то­бо́ю спо­до́­би­ся. Ра́дуй­ся, пре­свѣ́т­лая луно́, ходя́щихъ въ нощи́ не­вѣ́рія мглу́ от­гна́в­шая; ра́дуй­ся, до­бро­дѣ́­тель­ми, я́ко лу­ча́­ми со́л­неч­ны­ми, про­свѣ­ти́в­шая идоло­служе́ніемъ омра­че́н­ныхъ пол­ки́. Ра́дуй­ся, го́р­ли­це, кра́с­на­го Же­ни­ха́ въ пу­сты́­ни до́ль­на­го мíра вос­пѣ­ва́в­шая; ра́дуй­ся, Вла­ды́­ку го́р­нихъ си́лъ сла́д­кою пѣ́снію ис­по­вѣ́­да­нія тво­е­го́ об­ве­се­ли́в­шая. Ра́дуй­ся, во­не́ю ри́зъ Хри­сто́­выхъ бла­гоу­ха́в­шая; ра́дуй­ся, я́ко се́р­на на го­ра́хъ аро­ма́т­скихъ иска́в­шая Ро­жде́н­на­го пре́­жде холмо́въ вѣ́ч­ныхъ. Ра́дуй­ся, я́ко мір­ска́­го тре­вол­не́нія мо́ре лег­ко́ и бы́­стро пре­плы­ла́ еси́; ра́дуй­ся, я́ко къ ти́­хому при­ста́­ни­щу при­сно­бла­же́н­ныя жи́­зни при­ста́­ла еси́. Ра́дуй­ся, я́ко мно­го­раз­ли́ч­ное Хри­сту́ бо­га́т­ство спа­се́ніемъ тво­и́хъ бли́ж­нихъ пред­по­сла́­ла еси́; ра́дуй­ся, я́ко по́­двигъ стра­да́ль­че­скій, ра́ди люб­ве́ Хри­сто́­вы, подъя́ла еси́.

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Кон­да́къ 9

Все́ есте­ство́ а́н­гель­ское воз­ра́­до­ва­ся ра́­до­стію, зря́ тя́, пре­сла́в­ная Екате­ри́­но, по­бѣ­ди́в­шую мі­ро­де́рж­ца те́м­на­го, и срѣ́тъ тя́, къ премíрнымъ, я́ко по­бѣ­до­но́с­ную во­е­во́ду, въ по­слѣ́­до­ва­ніи пол­ка́ стра­да́ль­че­ска­го ше́­ствую­щу, вос­пѣ́ по­бѣ́д­ная, взы­ва́я Бо́гу: Алли­лу́ія.

Икосъ 9

Витíй мно­го­вѣ­ща́н­ныхъ уста́ за­гра­ди́­ша­ся: не воз­мо́г­ши бо про­ти­во­вѣ­ща́­ти бо­го­дух­но­ве́н­нымъ сло­ве­се́мъ тво­и́мъ, мол­ча́­ніемъ по­что́­ша да­ро­ва́нія твоя́. Мы́ же, а́ще и не­мощ­нíи, оба́­че дер­за́­емъ отве́рзти уста́ на́ша на хва­лы́ твоя́, при­но­ся́ тебѣ́ пѣ́снь сію́:

Ра́дуй­ся, бла­гозву́ч­ный ор­га́­не Ду́ха Свята́го; ра́дуй­ся, у́мъ Хри­сто́въ стяжа́в­шая. Ра́дуй­ся, заре́ не­из­ре­че́н­на­го сія́нія; ра́дуй­ся, до­гма́­товъ Бо­же́­ствен­ныхъ изъясне́ніе. Ра́дуй­ся, Алек­сан­дрíи гра́­да кра­со­то́ и утвер­жде́ніе; ра́дуй­ся, горы́ Си­на́й­скія лѣ́­по­то и по­хва­ле́ніе. Ра́дуй­ся, ре́­вно­сти Иліи́­ной по­дра­жа́в­шая; ра́дуй­ся, купи­ну́ не­сга­ра́­емую души́ и тѣ́ла чи­сто­то́ю прояви́в­шая. Ра́дуй­ся, чи́­стая, чи́­стѣ Чи́­ста­го воз­лю­би́в­шая; ра́дуй­ся, пре­сла́в­ная, пле­ни́­цы вра­га́ те́м­на­го раз­рѣ­ша́­ю­щая. Ра́дуй­ся, сія́ющая до­бро́­тою дѣ́в­ства и бла­гоу­ха́­ю­щая му́­че­ни­че­ства бла­го­да́ть­ми; ра́дуй­ся, му́­че­ни­ковъ хва­ло́ и бла­го­че́­стія учи́­тель­ни­це.

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Кон­да́къ 10

Хотя́ спа­сти́ ду́шу твою́, о тѣ́лѣ тво­е́мъ не­ра­ди́­ла еси́, Екате­ри́­но, и на ме́ч­ное усѣ­че́ніе, му­чи́­те­лю да́в­шу на то́ из­ре­че́ніе, ра́­дост­но те­кла́ еси́, по­ю́­щи без­сме́рт­но­му Же­ни­ху́ тво­е­му́ Хри­сту́ Бо́гу: Алли­лу́ія.

Икосъ 10

Стѣна́ твер­да́ и не­пре­о­до­ли́­ма яви́­ла­ся еси́ же­на́мъ тебе́, не­вѣ́­сто Хри­сто́­ва, про­во­жда́­ю­щимъ и съ ры­да́ніемъ тя́ же­сто­ко­се́рду къ себѣ́ и безраз­су́д­ну бы́ти име­ну́­ю­щимъ, я́ко не по­ща­ди́­ла еси́ сла́д­ка­го жи­во­та́ во цвѣ́­тѣ ю́но­сти, я́ко пре­зрѣ́­ла еси́ зем­но́е пред­ла­га́­е­мое ца́р­ство и бла­же́н­ство. Ты́ же вос­пре­ти́­ла еси́ не­по­ле́з­ный пла́чь и́хъ и суе­сло́­віе, те­ку́­щи ско­рѣ́е со­е­ди­ни́­ти­ся чрезъ сме́рть съ тво­и́мъ Воз­лю́б­лен­нымъ. Того́ ра́ди слы́­ши­ши взы­ва́­ю­щихъ ти́ си­це­ва́я:

Ра́дуй­ся, ра́­дост­но за Гла­ву́ Це́р­кви, Хри­ста́, подъ ме́чь гла­ву́ свою́ пре­кло́нь­шая; ра́дуй­ся, до кон­ца́ тер­пѣ́ніемъ те­че́ніе по́­дви­га скон­ча́в­шая до́­брѣ. Ра́дуй­ся, ни ско́р­бію, ни ра́­на­ми, ни ме­че́мъ съ пути́ Хри­сто́­ва ис­по­вѣ́­да­нія не отвра­ти́в­шаяся; ра́дуй­ся, я́ко пла́­мень люб­ве́ въ исто́ч­ни­кахъ кро́­ви не­га­си́мъ со­блю́д­шая. Ра́дуй­ся, отро­ко­ви́­це до­бро­дѣ́­во, я́ко страсть­ми́ свяще́н­нѣй­ши­ми тебе́ саму́ю бла­го­лѣ́п­но укра­си́­ла еси́; ра́дуй­ся, я́ко до­сто́й­но къ не­бе́с­но­му Хри­сто́ву чер­то́гу взош­ла́ еси́. Ра́дуй­ся, все­свѣ́т­лая отро­ко­ви́­це, я́ко воз­лю­би́в­ши еди́­на­го Же­ла́­е­ма­го, во слѣ́дъ Того́ крѣп­ча́й­шее те­че́ніе со­вер­ши́­ла еси́; ра́дуй­ся, я́ко кро́­вію тво­е́ю къ Же­ни­ху́ тво­е­му́, Хри­сту́, я́сно вопія́ла: "въ воню́ мѵ́ра Тво­е­го́ у́м­на­го исто­ще́н­на­го теку́, Же­ни­ше́ мо́й!" Ра́дуй­ся, я́ко пре­ста́­ви­ла­ся еси́ къ чер­то́­гамъ свѣ­то­ви́д­нымъ, не­вѣ́ст­ны­ми укра́­ше­на у́тварь­ми, дѣ́в­ствен­ную иму́­щи свѣ­щу́ въ тво­е́й де­сни́­цѣ, въ шу́й­цѣ же дер­жа́­щи усѣ­че́н­ную твою́ гла­ву́; ра́дуй­ся, я́ко прія́та бы́сть Бо́гу твоя́ бо­го­му́­драя мо­ли́­тва: вѣ́­рою бо твое́ име­ну́­ю­щая и́мя спа­са́­етъ Вла­ды́­ка отъ иску­ше́ній и бла­гоздра́­віе по­да­е́тъ, не­ду́­говъ из­ба­вля́я ду­ше́в­ныхъ же и тѣ­ле́с­ныхъ. Ра́дуй­ся, му́­че­ни­ковъ кра­со­то́; ра́дуй­ся, крѣ́п­кое хри­стіа́нъ при­бѣ́­жи­ще.

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Кон­да́къ 11

Пѣ́ніе по­хва́ль­ное дер­зну́­хомъ при­не­сти́ тебѣ́, а́ще и оску­дѣ­ва́­етъ сло́­во на́ше, не­доу­мѣ­ва́­етъ у́мъ, ка́ко гла­го́­ла­ти. Но сло́­во твое́ пре­му́­дрое, мно́­гихъ ис­хи́­тив­шее отъ не­вѣ́­же­ства и отъ идоло­не­че́­стія, воз­став­ля́етъ на́съ, во е́же пѣ́ти уди­ви́в­ше­му на тебѣ́ ве­ли́­чія Своя́ Бо́гу: Алли­лу́ія.

Икосъ 11

Свѣ­то­пріе́м­ную тя́ свѣ­щу́, ме́ч­нымъ усѣ­че́ніемъ по­га­ше́н­ную, на свѣ́щ­ни­цѣ же не­бе́с­нѣмъ, предъ пре­сто́­ломъ Святы́я Тро́­и­цы воз­бли­ста́в­шую, ви́­дѣв­ше святíи а́н­ге­ли, по­кло­ни́­ша­ся Жи­ву́­щему во вѣ́ки и, полу­чи́в­ше отъ Вла­ды́­ки по­ве­лѣ́ніе, дѣ́в­ствен­ное твое́ тѣ́ло на горѣ́ Си­на́й­стѣй по­гре­бо́­ша, да не­ви́­ди­мо бу́­детъ, я́коже сама́ хо­тѣ́­ла еси́, вра­го́мъ Го­спо́д­нимъ. Мы́ же ра́­дост­ную пѣ́снь сію́ воз­сы­ла́­емъ ти́:

Ра́дуй­ся, солн­це­о­бра́з­ная дѣ́во, на не­бе­са́ ду́­хомъ воз­ше́д­шая; ра́дуй­ся, Сіо́­на го́рняго до­сти́г­шая. Ра́дуй­ся, вѣ́н­че до­бро́­ты въ руцѣ́ Го­спо́д­ни; ра́дуй­ся, ча́ше, отъ оби́лія до́му Бо́жія че́рп­лю­щая ра́­дость. Ра́дуй­ся, къ ски́ніи не­руко­тво­ре́н­нѣй, вѣ́ч­нѣй, ду́­хомъ при­бли́­жив­шаяся; ра́дуй­ся, я́ко не­тлѣ́н­нымъ ти́ тѣ́­ломъ по­чи­ва́­е­ши на горѣ́ за­ко́н­нѣй, идѣ́­же ви́­дѣ­на бы́ша ше́­ствія Бо́га Си­на́­и­на. Ра́дуй­ся, дѣ́во, дер­жа́в­ству­ю­щей Дѣ́вѣ Ца­ри́­цѣ, въ ри́зы по­зла­ще́н­ны одѣ́яннѣй, пре­и­спе­щре́н­нѣй вслѣ́д­ствую­щая; ра́дуй­ся, я́ко то­бо́ю до­сто́й­но вос­пѣ­ва́­ет­ся Ма́­терь Жи­во­та́, по­сре­дѣ́ дѣ́въ тим­па́н­ницъ. Ра́дуй­ся, я́ко на тебѣ́ сія́етъ ве­ле­лѣ́­по­та Хри­ста́ Бо́га; ра́дуй­ся, пре­сто́­ла вѣ́ч­на­го пред­стоя́­тель­ни­це. Ра́дуй­ся, отъ хра́­ма все­ле́н­ныя мо­ли́­твен­никъ къ тебѣ́ на­зи­ра́­ю­щая; ра́дуй­ся, ка­ди́­ло мо­ли́твъ Вы́ш­не­му о на́съ бла­го­прія́тное.

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Кон­да́къ 12

Бла­го­да́ть дана́ тебѣ́ отъ Бо́га, е́же ру­ко­во́д­ство­ва­ти къ по­зна́нію и́сти­ны Его́, въ та́й­нѣ со­кро­ве́н­ныя, и дая́ти всѣ́мъ, я́же къ по́ль­зѣ, про­ше́нія. Тѣ́м­же мы́ уми­ле́н­но про́­симъ тя́, му́­драя дѣ́во, осія́й у́мныя на́ши о́чи и по­ло­жи́ на́мъ къ не­бе­си́ сте­зю́ про­хо́д­ну, да по­е́мъ съ то­бо́ю ны́нѣ и во вся́ вѣ́ки Еди́­ному пре­му́­дро­сти Ви­но́в­но­му: Алли­лу́ія.

Икосъ 12

Пою́ще твоя́ крѣ́п­кія му́­че­ни­че­скія по́­дви­ги, хва́­лимъ тя́, я́ко оду­шев­ле́н­ный со­су́дъ спа­се́нія че­ло­вѣ́­ковъ: тво­и́мъ бо ра́зу­момъ Бо́гъ, пре­му́­дрость пре­му́­дрыхъ вѣ́ка сего́ по­гу­би́въ, му́­дрыя витíи при­зва́ въ язы́къ свя́тъ, въ лю́ди об­нов­ле́нія, я́ко тѣ́мъ стра­да́­ти за Хри­ста́. Тѣ́м­же вле­цы́ и на́съ по­мра­че́н­ныхъ, бла­га́я дѣ́во, ко Свѣ́ту Хри­сту́, да зо­ве́мъ ти́:

Ра́дуй­ся, зер­ца́­ло Бо́жія пре­му́­дро­сти; ра́дуй­ся, си́­лою Вы́шняго одѣ́янная. Ра́дуй­ся, по­дви́ж­ни­це, еле́­емъ ра́­до­ва­нія ума­ще́н­ная; ра́дуй­ся, во­е­во́­до, по́лкъ Бо́жій къ вѣ́ч­ному ве­ли́­че­ству пред­по­сла́в­шая. Ра́дуй­ся, во свѣ́т­ло­сти святы́хъ вше́д­шая; ра́дуй­ся, во свѣ́­тѣ не­при­сту́п­нѣмъ Жи­ву́­щему, въ ли́кѣ пла́­мен­ныхъ слу́гъ пред­ста́в­шая. Ра́дуй­ся, гро́мъ трисвята́го пѣ́нія гла́­сомъ тво­и́мъ умно­жа́­ю­щая; ра́дуй­ся, не­из­ре­че́н­ную сла́­дость отъ до­бро́тъ ра́й­скихъ вку­ша́­ю­щая. Ра́дуй­ся, я́ко хва­ла́ и ра́­до­ва­ніе надъ гла­во́ю тво­е́ю; ра́дуй­ся, я́ко вѣ́ч­ная сла́­ва тебе́ обли­ста­ва́­етъ. Ра́дуй­ся, отъ Тріѵ­по­ста́с­на­го Бо­же­ства́ вѣн­це́мъ не­бе́с­на­го Ца́рствія увѣн­ча́н­ная; ра́дуй­ся, бла­го­да́­ти и без­ко­не́ч­ныя сла́­вы на́мъ хо­да́­та­и­це.

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Кон­да́къ 13

О, свята́я ве­ли­кому́­че­ни­це Екате­ри́­но! По­хва́ль­ное пѣ́ніе сіе́ пріе́м­ши, не пре­ста́й о на́съ мо­ли́­ти­ся ко Го́­спо­ду, да из­ба́­витъ на́съ отъ вра́гъ ви́­ди­мыхъ и не­ви́­ди­мыхъ, и вѣ́ч­на­го Ца́рствія тво­и́мъ бла­го­прія́т­нымъ хо­да́­тай­ствомъ спо­до́­битъ на́съ, да съ то­бо́ю по­е́мъ Бо́гу: Алли­лу́ія.

Се́й кон­да́къ гла­го́­лет­ся три́­жды. Та́же Икосъ 1-й и Кон­да́къ 1-й

Мо­ли́­тва

О, свята́я Екате­ри́­но, дѣ́во и му́­че­ни­це, и́стин­ная Хри­сто́­ва не­вѣ́­сто! Мо́­лимъ тя́ чрезъ осо­бли́вую бла­го­да́ть, е́юже пред­ва­ри́ тя́ Же­ни́хъ тво́й, Слад­ча́й­шій Іису́съ, да я́коже по­сра­ми́в­ши пре́­ле­сти му­чи́­теля му́­дро­стію тво­е́ю, пятдеся́тъ витíй по­бѣ­ди́­ла еси́ и, на­пои́в­ши и́хъ не­бе́с­нымъ уче́ніемъ, къ свѣ́ту и́стин­ныя вѣ́ры на­ста́­ви­ла еси́, та́ко ис­про­си́ и на́мъ о́ную Бо́жію му́­дрость, да и мы́, рас­то́рг­нувъ вся́ ко́з­ни а́д­ска­го му­чи́­теля и пре­зрѣ́въ мíра и пло́­ти со­бла́з­ны, до­сто́й­ны яви́мся Бо­же́­ствен­ныя сла́­вы и къ раз­ши­ре́нію святы́я на́шея пра­во­сла́в­ныя вѣ́ры со­су́­ды до­сто́й­ны со­дѣ́­ла­ем­ся, и съ то­бо́ю въ не­бе́с­нѣй ски́ніи Го́­спо­да и Вла­ды́­ку на́­ше­го Іису́­са Хри­ста́, со Отце́мъ и Святы́мъ Ду́­хомъ, вос­хва́­лимъ и про­сла́­вимъ во вся́ вѣ́ки вѣ­ко́въ. Ами́нь.

Тро­па́рь, гла́съ 4

Добро­дѣ́­тель­ми, я́ко лу­ча́­ми со́л­неч­ны­ми, про­свѣ­ти́­ла еси́ не­вѣ́р­ныя мудре­цы́. И, я́коже пре­свѣ́т­лая луна́ ходя́щимъ въ нощи́, не­вѣ́рія тму́ от­гна́­ла еси́ и ца­ри́­цу увѣ́ри­ла еси́, вку́­пѣ же и му­чи́­теля об­ли­чи́­ла еси́, бо­гозва́н­ная не­вѣ́­сто, бла­же́н­ная Екате­ри́­но, же­ла́ніемъ во­сте­кла́ еси́ въ не­бе́с­ный чер­то́гъ къ пре­кра́с­но­му Же­ни­ху́ Хри­сту́, и отъ Него́ ца́р­скимъ вѣн­це́мъ вѣн­ча́­ла­ся еси́: Ему́­же, со а́н­ге­лы пред­стоя́щи, за ны́ мо­ли́ся, творя́щія пре­чест­ну́ю па́мять твою́.

Кон­да́къ, гла́съ 2

Ли́къ чест­ны́й бо­же́­ствен­нѣ, му­че­ни­ко­лю́б­цы, воз­дви́г­ни­те ны́нѣ, по­чи­та́­ю­ще все­му́друю Екате­ри́ну, сія́ бо въ три́з­ни­щи Хри­ста́ про­по­вѣ́­да и змíя по­пра́, ри́­то­ровъ ра́зумы укро­ти́в­ши.

Ве­ли­ча́­ніе

Вели­ча́­емъ тя́, стра­сто­те́р­пи­це Хри­сто́­ва Екате­ри́­но, и чте́мъ чест­но́е стра­да́ніе твое́, е́же за Хри­ста́ пре­тер­пѣ́­ла еси́.