Кон­да́къ 1

Избра́н­ную и вѣн­ча́н­ную дѣ́ву му́­че­ни­цу, не­вѣ́сту Хри­сто́ву Екате­ри́ну, по­хва́ль­ны­ми пѣ́снь­ми вос­по­и́мъ, я́ко пре­сла́в­ную му­чи́­теля по­бѣ­ди́­тель­ни­цу и пре­му́друю фи­ло­со́­фовъ на­ста́в­ни­цу. Ты́ же, ве­ли­кому́­че­ни­це Екате­ри́­но, иму́­щи дер­зно­ве́ніе ко Го́­спо­ду, при­кло­ни́­ся ми́­ло­стив­нѣ къ бла­го­по­тре́б­нымъ про­ше́ніямъ зо­ву́­щихъ ти́:

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Икосъ 1

Анге­ломъ ра́в­ную чи­сто­ту́ иму́­щи, свята́я дѣ́во Екате­ри́­но, съ а́н­ге­лы Бо­же́­ствен­на­го оза­ре́нія спо­до́­би­ла­ся еси́, съ ни́ми же вос­пѣ­ва́­ю­щи трисвяту́ю пѣ́снь, услы́­ши на́съ, по­ю́­щихъ тебѣ́ на зе­мли́ сія́:

Ра́дуй­ся, чест­но́е святы́ни жи­ли́­ще. Ра́дуй­ся, чу­де́с­ное зна́­ме­ніе сбы́в­ша­го­ся на тебѣ́ Бо́жія про́­мы­сла. Ра́дуй­ся, бла­го­во­ле́нія Отча со­су́­де. Ра́дуй­ся, стра­да́ній Хри­сто́­выхъ ис­пол­не́ніе. Ра́дуй­ся, чи́­стое Ду́ха Свята́го оби­та́­ли­ще. Ра́дуй­ся, свѣ́­томъ бла­го­че­сти́­выя вѣ́ры про­свѣ­ти́в­шаяся. Ра́дуй­ся, свято́ю ку­пѣ́лію отро­жде́н­ная. Ра́дуй­ся, из­мы́в­шая ри́зы своя́ въ кро́­ви Агнчей на зе­мли́. Ра́дуй­ся, ли­ку́­ю­щая со свяще́н­ны­ми дѣ́­ва­ми на не­бе­си́.

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Кон­да́къ 2

Ви́дящи Екате­ри́­на себе́ ви­дѣ́­нія спо­до́бль­шую­ся, тече́ къ свято́му ста́р­цу, ико́ну е́й Бо­го­ма́­те­ре пре́­жде того́ вру­чи́в­ше­му, и по­вѣ́­да ему́, ка́ко отвра­ща́­ше лице́ Свое́, е́й яви́­вый­ся съ Пре­чи́­стою Сво­е́ю Ма́­те­ріею Хри­сто́съ, ка́ко без­у́м­ну, и ни́щу, и худо­ро́д­ну ю́ на­ре́къ, до́н­де­же не оста́­витъ и́доль­ска­го не­че́­стія. Пре­по­до́б­ный же, слы́­шавъ сія́, на­ста́­ви ю́ въ та́­ин­ствахъ вѣ́ры и кре­сти́ ю́. Она́ же во об­нов­ле́ніи ду́ха бла­го­да́р­но поя́ше Бо́гу: Алли­лу́ія.

Икосъ 2

Ра́зумъ благíй, бла­го­ро́д­ство и́стин­ное, бо­га́т­ство не­ги́­б­лю­щее стяжа́в­ши въ ду­хо́в­номъ отро­жде́ніи свята́я Екате­ри́­но, до­сто́й­на яви́ся не­бе́с­на­го Же­ни­ха́ Хри­ста́, Иже, па́ки яви́вся е́й, воз­лю­би́ ю́ и да­ро­ва́н­нымъ пе́рст­немъ въ не­вѣ́сту Себѣ́ обру­чи́. Она́ же, по­зна́в­ши та­ко́е къ не́й бла­го­во­ле́ніе Бо́жіе, та́ко уязви́ся лю­бо́­вію Его́, я́ко не му́др­ство­ва­ше бо́­лѣе о зем­ны́хъ ве­ща́хъ, но о Воз­лю́б­лен­номъ сво­е́мъ не­пре­ста́н­но мы́сляше. Та­ко­во́й бла­го­да́­ти спо­до́бль­шаяся слы́­ши отъ на́съ:

Ра́дуй­ся, зло­во́ніе мір­ско́е воз­не­на­ви́­дѣв­шая. Ра́дуй­ся, въ воню́ мѵ́ра Хри­сто́­ва те­ку́­щая. Ра́дуй­ся, до́­брая лю­би́­тель­ни­це Же­ни­ха́ Без­сме́рт­на­го. Ра́дуй­ся, со­кро́­ви­ще бла­го­во­ле́нія Вы́шняго. Ра́дуй­ся, ден­ни́­це пре­свѣ́т­лая. Ра́дуй­ся, луна́ со­вер­ше́н­ная. Ра́дуй­ся, ма́­сли­на, въ дому́ Бо́жіи на­са­жде́н­ная. Ра́дуй­ся, ке́дръ въ Ли­ва́­нѣ вы­со­ко­ра́­слен­ный.

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Кон­да́къ 3

Си́ла Вы́шняго даде́ то­гда́ святѣ́й Екате­ри́­нѣ дер­зно­ве́ніе, е́же не­че́­ствую­ща­го царя́ Мак­си­ми́­на о при­не­се́ніи и́до­ломъ же́ртвъ об­ли­чи́­ти небоя́знен­но, и то́й пре­бы́сть без­гла́­сенъ на мно́гъ ча́съ, не могíй про­ти́­ви­ти­ся ея́ гла­го́­ламъ. Она́ же, бла­го­да­ря́щи Бо́га, вос­пѣ­ва́­ше: Алли­лу́ія.

Икосъ 3

Иму́щи свята́я Екате­ри́­на свы́­ше да́н­ную себѣ́ пре­му́­дрость, егда́ не­че­сти́­вый ца́рь, по­ста́­вивъ предъ со­бо́ю, во­про­ша́­ше ю́ о ро́дѣ ея́ и са́нѣ, она́ ис­по­вѣ́­да себе́ бы́ти дще́рь ца́рскую, фи­ло­со́ф­скія и ри́­тор­скія нау́­ки до́­брѣ изу­чи́в­шую, па́че же Хри­сто́ву не­вѣ́сту себе́ на­и­ме­но­ва́, въ я́вное отвер­же́ніе и́доль­ска­го служе́нія.

Ра́дуй­ся, у́бо, Екате­ри́­но пре­сла́в­ная. Ра́дуй­ся, ца́р­ское свяще́ніе. Ра́дуй­ся, пче­ло́, ды́ма и́доль­ска­го отле­тѣ́в­шая. Ра́дуй­ся, го­лу­би́­це, зла́­ты кри́­ла иму́­щая. Ра́дуй­ся, ка­ди́­ло Хри­сто́­ва бла­гоу­ха́нія.

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Кон­да́къ 4

Бу́рею я́­ро­сти воз­не­и́­сто­вив­ся ца́рь на святу́ю дѣ́ву, рече́ къ не́й: "не гла­го́­ли злѣ́ о бо­зѣ́хъ на́­шихъ". Свята́я же Екате­ри́­на отвѣ­ща́: "а́ще вос­хо́­ще­ши отрясти́ мра́къ пре́­ле­сти от ду­ше́в­ных ти оче́й, уразу­мѣ́­е­ши бо­го́въ тво­и́хъ ху́­дость и по­зна́­е­ши и́стин­на­го Бо́га, Его́­же и́мя то́ль­ко гла­го́­ле­мое, или́ кре́стъ, изо­бразу́­е­мый на воз­ду́­сѣ, про­го­ня́етъ бо́ги твоя́ и по­губля́етъ. И а́ще по­ве­ли́­ши, явлю́ тебѣ́ и́стину, по­ю́­щи Бо́гу: Алли­лу́ія".

Икосъ 4

Слы́­шавъ не­че­сти́­вый ца́рь сво­бо́д­ный и му́­дрый отвѣ́тъ тво́й о вѣ́рѣ Хри­сто́­вой, убоя́вшися, да не бу́­детъ по­бѣ­жде́нъ отъ тебе́, со­бра́ отъ пре­дѣ́­ловъ дер­жа́­вы сво­е́й мудрецо́въ, чис­ло́мъ пятдеся́тъ, на прѣ́­ніе. Ты́ же, ар­ха́н­ге­ломъ Ми­ха­и́­ломъ утвер­жде́н­ная, и о по­бѣ́­дѣ увѣ́­рен­ная, воз­ра́­до­ва­лася еси́ всту­пи́­ти въ прѣ́­ніе съ ни́ми. Пріи­ми́ у́бо, дѣ́во, отъ на́съ по­хва­лу́ сію́:

Ра́дуй­ся, изъяви́­тель­ни­це ума́ Хри­сто́­ва. Ра́дуй­ся, хе­ру­ви́м­ское стяжа́в­шая бо­го­по­зна́ніе. Ра́дуй­ся, се­ра­фи́м­скою вос­па­ле́н­ная къ Бо́гу лю­бо́­вію. Ра́дуй­ся, му́­дрыхъ му­дрѣ́й­шая. Ра́дуй­ся, ду­хо́в­ный ме́чь на не­вѣ́ріе изо­стри́в­шая. Ра́дуй­ся не­че́­стія про­го­ни́­тель­ни­це. Ра́дуй­ся вѣ́р­ныхъ на­ста́в­ни­це.

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Кон­да́къ 5

Бого­те́ч­ной звѣз­дѣ́ была́ еси́ по­до́б­на, Екате­ри́­но, пре­прѣ́в­ши пятдеся́тъ витíй и на­ста́­вив­ши и́хъ на пу́ть хри­стіа́н­скій, ве­ду́щій къ пра́­вед­но­му Со́лн­цу, отъ Дѣ́вы возсія́в­ше­му, Хри­сту́ Бо́гу, сво­и́­ми му́­дры­ми гла­го́­лы, и́же и осу­жде́­ни бы́в­ше за Хри­ста́ на сож­же́­ніе и на­пу́т­ство­ва­ни мо­ли́­твою тво­е́ю, съ ра́­до­стію идо́­ша въ о́гнь, по­ю́­ще: Алли­лу́ія.

Икосъ 5

Ви́дѣвъ ца­рю́­ю­щій по­ве­лѣ́нія своя́ въ тебѣ́ пре­не­бре­же́н­ны и увѣ­ща́нія пре­зрѣ́н­ны, обра­ти́­ся къ лу­ка́в­ству, е́же ла­ска́ніемъ пре­льсти́­ти тя́, обѣ­ща́я пол­ца́р­ства тебѣ́ да́ти. Ты́ же вѣ́ру со­кро́­ви­щамъ зем­ны́мъ пред­по­че́т­ши, и Же­ни­ха́ Хри­ста́ воз­лю­би́в­ши па́че зем­на́­го ца́р­ства, и оде́жду му́­че­ни­че­ства па́че багряни́цы, отве́ргла еси́ его́ суе­сло́­віе. Сего́ ра́ди во­с­пи­су́­емъ ти́ сія́ по­хва́ль­ная:

Ра́дуй­ся, дѣ́во, ле́сть об­ли­чи́в­шая. Ра́дуй­ся, за­пи­на́­теля змíя по­пра́в­шая. Ра́дуй­ся, дще́рь ца­ре́­ва. Ра́дуй­ся, дѣ́во, ря́сны зла­ты́­ми одѣ́янная. Ра́дуй­ся, вся́кое ве­ще­ство́ пре­воз­ше́д­шая. Ра́дуй­ся, на го́ру бо­го­ви­дѣ́­нія во­сте́к­шая. Ра́дуй­ся, свѣ́­томъ бо­го­по­зна́нія про­свѣ­ще́н­ная. Ра́дуй­ся, тру­ба́ Ду́ха, вос­пѣ́в­шая гла́съ и́стин­на­го бо­го­сло́­вія. Ра́дуй­ся, до́­брое вѣ́ры ис­по­вѣ́­да­ніе. Ра́дуй­ся, свѣ́­та ева́н­гель­ска­го сія́ніе. Ра́дуй­ся, за­ко́­новъ вѣ́ч­ныхъ хра­ни́­тель­ни­це. Ра́дуй­ся, на́ша по­мо́щ­ни­це.

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Кон­да́къ 6

Про­по­вѣ́д­ни­комъ бо­го­но́с­нымъ, апо́­сто­ломъ по­ре­вно­ва́в­ши, дер­зно­ве́н­но предъ ли­це́мъ му­чи́­теля про­по­вѣ́­да­ла еси́ Хри­ста́, и́стин­на­го Бо́га, Ему́­же въ ра́­нахъ и въ тем­ни́­цѣ пѣ́ла еси́: Алли­лу́ія.

Икосъ 6

Возсія́вый въ се́рд­цѣ тво­е́мъ про­свѣ­ще́ніе и́стин­на­го бо­го­разу́­мія, от­гна́лъ е́сть мра́къ скор­бе́й, и́же не оста́­ви тя́ ал­ка́­ти, го­лу­би́­цею пи́щу ти́ по­сы­ла́я, ниже́ сту­жа́­ти о бо­лѣ́­зни, по­сѣ­ти́лъ бо Са́мъ тя́ въ тем­ни́­цѣ, ободря́я и мно́­ги вѣн­цы́ обѣ­ща­ва́я. Ты́ же, тер­пѣ­ли­во­ду́ш­ная, си́мъ па́че укрѣ­пи́­ла­ся еси́, и ца­ри́­цу Ав­густу, и во­е­во́ду Пор­фи́рія, съ во́­и­ны при­те́к­шихъ къ тебѣ́, обра­ти́­ла еси́ къ свѣ́ту вѣ́ры Хри­сто́­вой, и нау­чи́­ла пѣ́ти тебѣ́ сія́:

Ра́дуй­ся, мѵро­по­ло́ж­ни­це Бо­же́­ствен­ныя люб­ви́. Ра́дуй­ся, ада­ма́н­те крѣ́п­кій. Ра́дуй­ся, вина́ чу­де́съ не­из­ре­че́н­ныхъ. Ра́дуй­ся, вра­га́ тер­пѣ́ніемъ уби́в­шая. Ра́дуй­ся, я́звы Го́­спо­да на тѣ́лѣ сво­е́мъ но­си́в­шая. Ра́дуй­ся, ца­ри́­цѣ Ав­гу­стѣ съ при­ше́д­ши­ми къ му́­че­ни­че­ско­му по́­дви­гу путе­на­ста́в­ни­це. Ра́дуй­ся, я́ко во тмѣ́ свѣ́тъ была́ еси́. Ра́дуй­ся, я́ко Са́мъ Го­спо́дь, Свѣ́тъ мíра, тебѣ́, въ тем­ни́­цѣ бы́в­шей, Себе́ яви́лъ е́сть. Ра́дуй­ся, у́зъ грѣ­хо́в­ныхъ ско́­рая рѣ­ши́­тель­ни­це. Ра́дуй­ся, бо­лѣ́зну­ю­щихъ ско́­рая цѣ­ле́б­ни­це. Ра́дуй­ся, по­мо́щ­ни­це на́­ше­го спа­се́нія.

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Кон­да́къ 7

Хотя́щу без­бо́ж­но­му царю́ при­ве­сти́ тя́ къ ме́рз­ко­му идоло­служе́нію, па́ки сѣ́ти под­сти­ла́­етъ тебѣ́, пре­му́­драя, е́же уло­ви́­ти тя́ ле́ст­но по­хва­ло́ю кра­со­ты́ твоея́. Ты́ же кра­со­ту́ ве́щь при­вре́­мен­ну и ско­ро­пре­хо́д­ну име­но­ва́­ла еси́, Хри­ста́ же ис­по­вѣ́­да­ла еси́ Бо́га жи́ва и и́стин­на, и пѣ́ла Ему́: Алли­лу́ія.

Икосъ 7

Но́вую по­ка­за́ ца́рь я́­рость и без­че­ло­вѣ́­чіе, по­ве­лѣ́въ епа́рху ко­ле́­са­ми рас­тер­за́­ти дѣ́в­ствен­ное, чи́­стое и свято́е тѣ́ло твое́, но чу­де́с­но руко́ю а́н­ге­ла а́біе раз­рѣ­ше́­на еси́ без­вре́д­на и ко­ле́­са на ча́­сти со­кру­ше́­ны, и́ми­же мно́­ги отъ не­вѣ́р­ныхъ убіе́­ны, я́ко уди­ви́ся са́мъ ца́рь и пред­стоя́щій на­ро́дъ, и́же и взы­ва́­ше: "ве­ли́къ Бо́гъ хри­стіа́н­скій!" Мы́ же, чудя́щеся сему́, взы­ва́­емъ тебѣ́:

Ра́дуй­ся, му́­че­ни­це, а́н­ге­ломъ чест­на́я и го­вѣ́й­ная. Ра́дуй­ся, сла́­ва пол­ко́въ стра­да́ль­че­скихъ. Ра́дуй­ся, свѣ́т­лая вра­го́въ по­бѣ́­да. Ра́дуй­ся, стра́хъ не­вѣ́р­ныхъ. Ра́дуй­ся, со­су́­де мно́­жай­шія си́лы Бо́жія. Ра́дуй­ся, ра́­до­ва­ніе вѣ́р­ныхъ.

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Кон­да́къ 8

Стра́н­ное сла́­вы из­мѣ­не́ніе и за Хри­ста́ стра­да́ніе ца­ри́­цы и во­е­во́­ды съ во́­и­ны ви́­дѣв­ше, устра­ни́м­ся люб­ве́ мíра и пло́­ти, и впе­ри́мъ себе́ къ разу­мѣ́нію Бо́га. Се́й бо е́сть кра­со­та́, и сла́­ва, и вѣ­не́цъ на́мъ, по­ю́­щимъ: Алли­лу́ія.

Икосъ 8

Ве́сь сла́­дость, ве́сь же­ла́ніе тебѣ́, свята́я Екате­ри́­но, бы́сть Іису́съ: сла́д­цѣ бо Его́ ра́ди го́рь­кія му́ки тер­пѣ́­ла еси́ и ски́­петръ, пред­ла­га́­е­мый тебѣ́, по­пра́­ла еси́, пред­зря́ бу́ду­щее воздая́ніе. А отъ на́съ же пріи­ми́ по­хва́ль­ная сія́:

Ра́дуй­ся, чи́­стая, чи́­стѣ Чи́­ста­го воз­лю­би́в­шая. Ра́дуй­ся, го́р­ли­ца, Кра́с­на­го Же­ни­ха́ въ пу­сты́­нѣ до́ль­на­го мíра во­жде­лѣ́в­шая. Ра́дуй­ся, воню́ ри́зъ Его́ бла­гоу­ха́в­шая. Ра́дуй­ся, я́ко се́р­на на го­ра́хъ аро­ма́т­скихъ иска́в­шая Ро­жде́н­на­го пре́­жде холмо́въ вѣ́ч­ныхъ. Ра́дуй­ся, по́­двигъ стра­да́ль­че­скій ра́ди люб­ве́ Хри­сто́­вы со­вер­ши́в­шая. Ра́дуй­ся, ли́къ му́­че­ни­че­скій Бо́гу при­ве́д­шая. Ра́дуй­ся, я́ко витíи то­бо́ю полу­чи́­ша Ца́р­ство не­бе́с­ное. Ра́дуй­ся, я́ко то́­е­же то­бо́ю полу­чи́­ти ча́­емъ. Ра́дуй­ся, по­кро́въ и за­бра́­ло на́ше.

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Кон­да́къ 9

Все́ есте­ство́ а́н­гель­ское воз­ра́­до­ва­ся ра́­до­стію, зря́ тя́, Екате­ри́­но, по­бѣ­ди́в­ши мі­ро­де́рж­ца, ше́­ствую­щую къ премíрнымъ я́ко по­бѣ­до­но́с­ную во­е­во́ду, въ по­слѣ́­до­ва­ніи пол­ка́ стра­да́ль­че­ска­го, и вос­пѣ́ по­бѣ́д­ная, взы­ва́я: Алли­лу́ія.

Икосъ 9

Витíя мно­го­вѣ­ща́н­ныя зау­сти́­ша­ся: не воз­мо́г­ше бо про­ти­во­вѣ­ща́­ти бо­го­дух­но­ве́н­нымъ сло­ве­се́мъ тво­и́мъ, мол­ча́­ніемъ по­чи­та́­ютъ да­ро­ва́нія твоя́. Мы́ же, не­мощ­нíи, ка́ко мо́­жемъ отве́р­сти уста́ на хва­лы́ твоя́? Од­на́­ко дер­за́­емъ и мо́­лимъ, спо­до́­би, бла­га́я, без­бѣ́д­но при­не­сти́ тебѣ́ пѣ́снь сію́:

Ра́дуй­ся, ор­га́­не Ду́ха Свята́го. Ра́дуй­ся, заре́ не­из­ре­че́н­на­го осія́нія. Ра́дуй­ся, до­гма́­товъ Бо­же́­ствен­ныхъ пу­чи́­на. Ра́дуй­ся, хи́­тро­сте, пре­прѣ́в­шая фи­ло­со́­фовъ. Ра́дуй­ся, ча́ше пре­му́­дро­сти. Ра́дуй­ся, пле­те́нія витíй рас­тер­за́в­шая. Ра́дуй­ся, плѣ­ни́­цы грѣ­хо́в­ныя раз­рѣ­ша́­ю­щая.

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Кон­да́къ 10

Спа­сти́ хотя́ ду́шу твою́, о тѣ́лѣ тво­е́мъ не­ра­ди́­ла еси́, Екате­ри́­но, и на ме́ч­ное усѣ­че́ніе, му­чи́­те­лю да́в­шу на то́ из­ре­че́ніе, ты́ ра́­дост­но по­те­кла́ еси́, по­ю́­щи Свято́му Без­сме́рт­но­му: Алли­лу́ія.

Икосъ 10

Стѣна́ тве́р­да и не­пре­о­до­ли́­ма яви́­ла­ся еси́ же­на́мъ, тебе́ на мѣ́­сто усѣ­че́нія про­во­жда́­ю­щимъ и съ ры­да́ніемъ тя́ же­сто­ко­се́рду къ себѣ́ и безраз­су́д­ну бы́ти име­ну́­ю­щимъ: я́ко не по­ща­ди́­ла еси́ сла́д­ка­го жи­во­та́ въ цвѣ́­тѣ ю́но­сти, я́ко пре­зрѣ́­ла еси́ зем­но́е пред­ла­га́­е­мое ца́р­ство и бла­же́н­ство. Ты́ же вос­пре­ти́­ла еси́ не­по­ле́з­ный пла́чь и́хъ и суе­сло́­віе, те­ку́­щи ско­рѣ́е со­е­ди­ни́­ти­ся чрезъ сме́рть со сво­и́мъ Воз­лю́б­лен­нымъ, того́ ра́ди слы́­ши­ши:

Ра́дуй­ся, ра́­дост­но за Гла́ву Це́р­кви Хри­ста́, подъ ме́чь гла­ву́ свою́ при­кло­ни́в­шая. Ра́дуй­ся, до кон­ца́ пре­тер­пѣ́в­шая. Ра́дуй­ся, те­че́ніе скон­ча́в­шая до́­брѣ. Ра́дуй­ся, я́ко ни ско́р­бію, ни ра́­на­ми, ни ме­че́мъ съ пути́ Хри­сто́­ва ис­по­вѣ́­да­нія не со­вра­ти́­ла­ся еси́. Ра́дуй­ся, я́ко пла́­мень люб­ви́ въ исто́ч­ни­кѣ кро́­ви не­у­га­си́мь со­блю́д­шая. Ра́дуй­ся, му́­че­ни­ковъ кра­со­то́. Ра́дуй­ся, крѣ́п­кое хри­стіа́нъ при­бѣ́­жи­ще.

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Кон­да́къ 11

Пѣ́ніе по­хва́ль­ное дер­зну́­хомъ при­не­сти́ тебѣ́, но оску­дѣ­ва́­етъ сло́­во на́ше и не­доу­мѣ­ва́­етъ у́мъ, ка́ко гла­го́­ла­ти. Но сло́­во твое́ пре­му́­дрое, мно́­гихъ ис­хи́­тив­шее отъ не­вѣ́­же­ства и идоло­не­че́­стія, воз­став­ля́етъ на́съ. Да́ждь на́мъ сло́­во твое́, во е́же пѣ́ти уди­ви́в­ше­му на тебѣ́ ве­ли́­чія Своя́ Бо́гу: Алли­лу́ія.

Икосъ 11

Свѣ­то­пріе́м­ную тя́ свѣ­щу́, ме́ч­нымъ усѣ­че́ніемъ по­га­ше́н­ную, но на свѣ́щ­ни­цѣ не­бе́с­номъ предъ пре­сто́­ломъ Святы́я Тро́­и­цы по­ста́в­лен­ную, ви́­дѣв­ше святíи а́н­ге­ли, по­кло­ни́­ша­ся Жи­ву́­щему во вѣ́ки и, полу­чи́в­ше отъ Вла­ды́­ки по­ве­лѣ́ніе, дѣ́в­ствен­ное тѣ́ло твое́ на горѣ́ Си­на́й­стѣй по­гре­бо́­ша, да не ви́­ди­мо бу́­детъ, я́коже сама́ хо­тѣ́­ла еси́, вра­го́мъ Го­спо́д­нимъ. Мы́ же пѣ́снь сію́ воз­сы­ла́­емъ ти́:

Ра́дуй­ся, солн­це­о­бра́з­ная дѣ́во, на не­бе­са́ ду́­хомъ воз­ше́д­шая. Ра́дуй­ся, Сіо́­на го́рняго до­сти́г­шая. Ра́дуй­ся, вѣ́н­че до­бро́­ты въ руцѣ́ Го­спо́д­ни. Ра́дуй­ся, ча́ше, отъ оби́лія до́му Бо́жія че́рп­лю­щая ра́­дость. Ра́дуй­ся, къ ски́ніи не­руко­тво­ре́н­нѣй, вѣ́ч­нѣй при­бли́­жив­шаяся. Ра́дуй­ся, на горѣ́ за­ко́н­нѣй по­чи­ва́­ю­щая тѣ́­ломъ. Ра́дуй­ся, я́ко та́мо ви́­дѣ­на бы́ша ше́­ствія Бо́га Си­на́­и­на, Бо́га Іа́­ковля. Ра́дуй­ся, мѣ́­ста бо­го­ви­дѣ́­нія Мо­исе́­е­ва одер­жа́ніе. Ра́дуй­ся, ре́­вно­сти Иліи­ны́ ука­за́ніе. Ра́дуй­ся, ку­пи­ны́ не­сго­ра́­е­мой явле́ніе. Ра́дуй­ся, дѣ́во, Дѣ́вѣ Ца­ри́­цѣ, въ ри́зы по­зла­ще́н­ны одѣ́янной, пре­и­спе­щре́н­ной вслѣ́д­ствую­щая. Ра́дуй­ся, я́ко то­бо́ю Сы́й вос­пѣ­ва́­ет­ся по­сре­дѣ́ дѣ́въ тим­па́н­ницъ. Ра́дуй­ся, я́ко на тебѣ́ ве­ле­лѣ́­по­та Его́. Ра́дуй­ся, пре­сто́­ла Вѣ́ч­на­го пред­стоя́­тель­ни­це. Ра́дуй­ся, отъ хра́­ма все­ле́н­ныя мо­ли́­твен­ни­ки къ тебѣ́ на­зи­ра́­ю­щая. Ра́дуй­ся, ка­ди́­ло мо­ли́твъ Вы́ш­не­му о на́съ бла­го­прія́тное.

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Кон­да́къ 12

Бла­го­да́ть дана́ тебѣ́ отъ Бо́га ру­ко­во́д­ство­ва­ти къ по­зна́нію и́сти­ны Его́, въ та́й­нѣ со­кро­ве́н­ной, и дая́ти всѣ́мъ, я́же къ по́ль­зѣ про­ше́нія. Тѣ́м­же мы́, по­мра­че́н­ніи, уми­ле́н­но про́­симъ тя́, му́­драя дѣ́во: про­свѣ­ти́ у́мныя на́ши о́чи и по­ло­жи́ на́мъ къ не­бе­си́ сте­зю́ про­хо́д­ну, да по­е́мъ съ то­бо́ю ны́нѣ и во вся́ вѣ́ки Еди́­ному Пре­му́­дро­му: Алли­лу́ія.

Икосъ 12

Пою́ще крѣ́п­кія твоя́ му́­че­ни­че­скія по́­дви­ги, хва́­лимъ тя́, я́ко оду­шев­ле́н­ный со­су́дъ спа­се́нія че­ло­вѣ́­ковъ: тво­и́мъ бо ра́зу­момъ Бо́гъ пре­му́­дрость пре­му́­дрыхъ вѣ́ка сего́ по­гу­би́; то­бо́ю витíй при­зва́ въ язы́къ свя́тъ, въ лю́ди об­нов­ле́нія, я́ко тѣ́мъ стра­да́­ти за Хри­ста́. Про­свѣ­ти́ и на́съ, бла­га́я дѣ́во, по­мра­че́н­ныхъ, да зо­ве́мъ ти́:

Ра́дуй­ся, зер­ца́­ло Бо́жія му́­дро­сти. Ра́дуй­ся, си́­лою Вы́шняго одѣ́янная. Ра́дуй­ся, по­дви́ж­ни­це, еле́­емъ ра́­до­ва­нія ума­ще́н­ная. Ра́дуй­ся, во­е­во́­до, по́лкъ Бо́жій къ вѣ́ч­ному ве­ли́­че­ству пред­по­сла́в­шая. Ра́дуй­ся, во свѣ́т­ло­сти святы́я вше́д­шая; ра́дуй­ся, во свѣ́­тѣ не­при­сту́п­нѣмъ Жи­ву́­щему, въ ли́кѣ пла́­мен­ныхъ слу́гъ пред­ста́в­шая. Ра́дуй­ся, гро́мъ трисвята́го пѣ́нія гла́­сомъ сво­и́мъ умно­жа́­ю­щая. Ра́дуй­ся, не­из­ре­че́н­ную сла́­дость до­бро́­ты вку­ша́­ю­щая. Ра́дуй­ся, я́ко хва­ла́ и ра́­до­ва­ніе надъ гла­во́ю тво­е́ю. Ра́дуй­ся, я́ко вѣ́ч­ная сла́­ва тебе́ объе́м­летъ. Ра́дуй­ся, отъ Тріѵ­по­ста́с­на­го Бо­же­ства́ вѣн­це́мъ не­бе́с­на­го Ца́рствія увѣн­ча́н­ная. Ра́дуй­ся, бла­го­да́­ти и без­ко­не́ч­ной сла́­вы на́мъ хо­да́­та­и­це.

Ра́дуй­ся, Екате­ри́­но, не­вѣ́­сто Хри­сто́­ва пре­му́­драя.

Кон­да́къ 13

О, свята́я ве­ли­кому́­че­ни­це Екате­ри́­но! Пріи­ми́ сіе́ по­хва́ль­ное пѣ́ніе и из­ба́­ви на́съ отъ вра́гъ ви́­ди­мыхъ и не­ви́­ди­мыхъ, и отъ вѣ́ч­на­го му­че́нія тво­и́мъ бо­го­прія́т­нымъ хо­да́­тай­ствомъ со­хра­ни́, да съ то­бо́ю при́­сно по­е́мъ Бо́гу: Алли­лу́ія.

Се́й кон­да́къ гла­го́­лет­ся три́­жды. Та́же Икосъ 1-й и Кон­да́къ 1-й

Мо­ли́­тва пе́р­вая святѣ́й ве­ли­кому́­че­ни­цѣ Екате­ри́­нѣ

О, свята́я Екате­ри́­но, дѣ́во и му́­че­ни­це, и́стин­ная Хри­сто́­ва не­вѣ́­сто! Мо́­лимъ тя́ чрезъ осо­бли́вую бла­го­да́ть, е́юже пред­ва­ри́ тя Же­ни́хъ тво́й, Слад­ча́й­шій Іису́съ: я́коже по­сра­ми́в­ши пре́­ле­сти му­чи́­теля, му́­дро­стію тво­е́ю пятдеся́тъ витíй по­бѣ­ди́­ла еси́ и, на­пои́в­ши и́хъ не­бе́с­нымъ уче́ніемъ, къ свѣ́ту и́стин­ныя вѣ́ры на­ста́­ви­ла еси́, та́ко ис­про­си́ и на́мъ о́ную Бо́жію му́­дрость, да и мы́, рас­то́рг­нувъ всѣ́ ко́з­ни а́д­ска­го му­чи́­теля, и пре­зрѣ́въ мíра и пло́­ти со­бла́з­ны, до­сто́й­ны яви́мся Бо­же́­ствен­ныя сла́­вы, и къ раз­ши­ре́нію святы́я на́шея Пра­во­сла́в­ныя вѣ́ры со­су́­ды до­сто́й­ны со­дѣ́­ла­ем­ся, и съ то­бо́ю въ не­бе́с­ной ски́ніи Го́­спо­да и Вла­ды́­ку на́­ше­го Іису́­са Хри­ста́ хва́­лимъ и про­слав­ля́емъ во вся́ вѣ́ки. Ами́нь.

Мо­ли́­тва вто­ра́я святѣ́й ве­ли­кому́­че­ни­цѣ Екате­ри́­нѣ

О, свята́я ве­ли­кому́­че­ни­це Екате­ри́­но, из­бра́н­ный чи­сто­ты́ со­су́­де, сто́л­пе Пра­во­сла́­вія, на­де́ж­ная пред­ста́­тель­ни­це на́ша, яви́в­шая на́мъ сама́ вину́ умоля́ти тя́, по­дви́ж­ни­це за­ко́н­ная, свята́я на святѣ́й горѣ́ свя́то по­чи­ва́­ю­щая! Мо́­лимъ тя́: при­ни́к­ши свы́­ше, вон­ми́ гла́су мо­ле́нія на́­ше­го, при́­зри на бѣ́д­ствіе ра­бо́въ тво­и́хъ, про­свѣ­ти́ омра­че́ніе ума́ на́­ше­го, со­тво­ри́ на́съ го́рняя му́др­ство­ва­ти, а не зем­на́я. По­спѣ­ши́ на́мъ мо­ли́­тва­ми тво­и́­ми по­бѣ­жда́ть плот­скíя по­хо­тѣ́нія, при­стра́­стія къ мíру и ко́з­ни злы́хъ ду­хо́въ, на на́съ зло́б­но во­ю́­ю­щихъ: да тво­и́мъ пред­ста́­тель­ствомъ во дни́ житія́ сего́ сво­бо́д­ни бу́­демъ отъ вра­жде́б­ныхъ и́хъ на­па­де́ній и по ис­хо́­дѣ отъ воз­ду́ш­ныхъ и́хъ истяза́ній. О, пре­му́­драя дѣ́во! Да́руй на́мъ вся́, я́же къ по́ль­зѣ про­ше́нія: мо́­же­ши бо мно́­гая ис­про­си́­ти у воз­лю́б­лен­на­го Же­ни­ха́, Хри­ста́ Бо́га на́­ше­го. Мы́ вѣ́мы, я́ко мно́­го мо́­жетъ мо­ли́­тва пра́­вед­на­го, по­спѣ­ше­ству́­е­мая бла­гоутро́­біемъ ми­ло­се́р­да­го Бо́га, Ему́­же сла́­ва, че́сть и бла­го­да­ре́ніе все­гда́, ны́нѣ и при́­сно и во вѣ́ки ве­ко́въ. Ами́нь.

Тро­па́рь, гла́съ 4

Добро­дѣ́­тель­ми, я́ко лу­ча́­ми со́л­неч­ны­ми, про­свѣ­ти́­ла еси́ не­вѣ́р­ныя мудре­цы́. И, я́коже пре­свѣ́т­лая луна́ ходя́щимъ въ нощи́, не­вѣ́рія тму́ от­гна́­ла еси́ и ца­ри́­цу увѣ́ри­ла еси́, вку́­пѣ же и му­чи́­теля об­ли­чи́­ла еси́, бо­гозва́н­ная не­вѣ́­сто, бла­же́н­ная Екате­ри́­но, же­ла́ніемъ во­сте­кла́ еси́ въ не­бе́с­ный чер­то́гъ къ пре­кра́с­но­му Же­ни­ху́ Хри­сту́, и отъ Него́ ца́р­скимъ вѣн­це́мъ вѣн­ча́­ла­ся еси́: Ему́­же, со а́н­ге­лы пред­стоя́щи, за ны́ мо­ли́ся, творя́щія пре­чест­ну́ю па́мять твою́.

Кон­да́къ, гла́съ 2

Ли́къ чест­ны́й бо­же́­ствен­нѣ, му­че­ни­ко­лю́б­цы, воз­дви́г­ни­те ны́нѣ, по­чи­та́­ю­ще все­му́друю Екате­ри́ну, сія́ бо въ три́з­ни­щи Хри­ста́ про­по­вѣ́­да и змíя по­пра́, ри́­то­ровъ ра́зумы укро­ти́в­ши.

Ве­ли­ча́­ніе

Вели­ча́­емъ тя́, стра­сто­те́р­пи­це Хри­сто́­ва Екате­ри́­но, и чте́мъ чест­но́е стра­да́ніе твое́, е́же за Хри­ста́ пре­тер­пѣ́­ла еси́.