Кон­да́къ 1

Избра́в­шу тя́ Па­сты­ре­на­ча́ль­нику Хри­сту́ во апо́­сто­ла стра­ны́ сѣ́­вер­ныя, а́біе отри́нулъ еси́, до­сто­чу́д­не Три́­фо­не, мíра сего́ кра́с­ная, пре­тер­пѣ́въ же вся́ко оз­ло­бле́ніе, бла­го­вѣ­сти́лъ еси́ сѣдя́щимъ во тмѣ́ и сѣ́ни сме́рт­нѣй Бо́га я́вль­ша­го­ся пло́тію: тѣ́м­же со апо́­сто­лы сра́дует­ся ду́хъ тво́й въ не­бе́с­ныхъ оби́­те­лехъ. Имѣ́я у́бо дер­зно­ве́ніе ко Хри­сту́ Бо́гу на́­шему, отъ вся́кихъ бѣ́дъ из­ба́­ви на́съ зо­ву́­щихъ:

Ра́дуй­ся, Три́­фо­не, стра­ны́ сѣ́­вер­ныя про­свѣ­ти́­те­лю, Пе­че́нгскій чу­до­тво́р­че.

Икосъ 1

Ангелы Своя́ стра­на́мъ и язы́­комъ пред­ста́­те­ли да­ро­ва́­вый Бо́гъ, егда́ пріи́­де вре­ме́нъ ис­пол­не́ніе, мо­ле́нія ра́ди а́н­ге­ла стра­ны́, я́же бли́зъ оке­а́­на хла́д­на, и на­ро́­да Ло́п­ска пред­ста́­теля, при­зва́ тя во бла­го­вѣ́­стіе, все­хва́ль­ный Три́­фо­не, я́ко да спа­се́­ни бу́дутъ лю́діе тíи. По­ми­на́­ю­ще у́бо сія́, во­піе́мъ ти́:

Ра́дуй­ся, свяще́н­на­го ко́­ре­не бла­го́е прозябе́ніе; ра́дуй­ся, пу­сты́н­нымъ из­дѣ́т­ска жи­тіе́мъ со­су́дъ из­бра́нъ себе́ Бо́­го­ви уго­то́­ва­вый. Ра́дуй­ся, зва́нъ бы́въ свы́­ше, къ оке­а́ну мо́рю пре­се­ли́­вый­ся; ра́дуй­ся, во Хри­стѣ́ гряду́­щее из­ба­вле́ніе та́мо бла­го­вѣ­сти́­вый. Ра́дуй­ся, по­спѣ́шству­ю­щей ти́ бла­го­да́­ти Бо́жіей, при­ве­ды́й ко Хри­сту́ ча́дъ мно́­же­ство; ра́дуй­ся, со­вер­ше́н­ною Хри­ста́ лю­бо́­вію уязви́в­ся, о́бразъ по се́мъ и́но­че­скій на себе́ прі­е́­мый. Ра́дуй­ся, Тро́­и­цы Жи­во­на­ча́ль­ныя оби́­тель устро́­и­вый, и я́же ко Хри­сту́ мо­на́­ховъ ли­ко­стоя́нія; ра́дуй­ся, ве́лія ра́ди сми­ре́нія отъ на­ча́ль­ства надъ оби́­телію отрекíйся, по­ве­лѣ­ва́яй звѣрь­ми́ ди́­віи­ми. Ра́дуй­ся, те­че́ніе свое́ свято­лѣ́п­нѣ скон­ча́въ, бла­го­че́ст­нѣ ко Хри­сту́ от­ше́­дый; ра́дуй­ся, я́ко оби́­тель твоя́, отъ вра́гъ ра­зо­ре́н­ная, по сло­ве­си́ тво­е­му́ па́ки воз­ста́­вися. Ра́дуй­ся, по пре­став­ле́ніи тво­е́мъ царя́ Ѳе­о́­до­ра спа­сы́й и всѣ́мъ по­тре́б­ная ско́­ро по­да­ва́яй.

Ра́дуй­ся, Три́­фо­не, стра­ны́ сѣ́­вер­ныя про­свѣ­ти́­те­лю, Пе­че́нгскій чу­до­тво́р­че.

Кон­да́къ 2

Ви́дяща ро­ди́­теля твоя́, до­сто­чу́д­не Три́­фо­не, из­дѣ́т­ска по́ст­ни­че­ское твое́ жи­тіе́, а́ще и сту­жа́­ста­ся о тво­е́мъ тер­пѣ́ніи, оба́­че ра́­до­ва­ста­ся, про­разу­мѣ­ва́­ю­ща, я́ко хо́­щетъ Го­спо́дь воз­дви́г­нути тебе́ но́ва мíру свѣ­ти́ль­ни­ка, и Тому́ вос­пѣ­ва́­ста: Алли­лу́ія.

Икосъ 2

Ра́зумъ свы́­ше осѣ­ни́ тя, пре­по­до́б­не, все­го́ себе́ пре­да́­ти Хри­сто́ву из­во­ле́нію, и́мже въ пу­сты́­ню при­ве­де́нъ бы́лъ еси́: та́мо бо на́й­де на тя́ си́ла Бо́жія, во е́же бла­го­вѣ­сти́­ти Ева́н­геліе Хри­сто́­во на­ро́ду ино́му. Тѣ́м­же во­піе́мъ ти́:

Ра́дуй­ся, іере́я Бо́жія ра́­до­сте и ма́­те­ре твоея́ ве­се́ліе; ра́дуй­ся, ро­ди́­те­лей чест­ны́хъ ча́до, отъ Бо́га зѣло́ воз­лю́б­лен­ное. Ра́дуй­ся, дѣ́в­ство дра­го́е и чи­сто­ту́ ду­ше́в­ную со­блю­ды́й не­по­ро́ч­ны; ра́дуй­ся, из­дѣ́т­ска въ дому́ Бо́жіи, а́ки Хри­сто́съ о́трокъ, при­ме­та́­ти­ся из­во́­ли­вый. Ра́дуй­ся, услы́­ша­вый та́мо сло́­во ре­че́н­ное: пу­сты́н­нымъ жи­во́тъ со­кро­ве́нъ е́сть, Бо­же́­ствен­нымъ ра­че́ніемъ во­скри­ля́­ю­щим­ся; ра́дуй­ся, о́нымъ гла́­сомъ, я́ко во́­инъ, на служе́ніе Царю́ при­зва́н­ный. Ра́дуй­ся, пу­сты́н­нымъ жи­тіе́мъ себе́ въ до́­брѣмъ из­во­ле́ніи утвер­ди́­вый; ра́дуй­ся, во ю́но­сти плот­скíя стра́­сти умер­тви́­вый. Ра́дуй­ся, по­сто́мъ ду́шу свою́, во е́же гла́съ свы́­ше слы́­ша­ти, пре­до­чи́­сти­вый; ра́дуй­ся, отъ Хри­ста́ язы́ку Ло́п­ску из­бра́н­ный бла­го­вѣ́ст­ни­че. Ра́дуй­ся, е́же о мíрѣ се́мъ от­ло­жи́­вый по­пе­че́ніе и а́біе вслѣ́дъ Хри­сту́ по­слѣ́­до­ва­вый.

Ра́дуй­ся, Три́­фо­не, стра­ны́ сѣ́­вер­ныя про­свѣ­ти́­те­лю, Пе­че́нгскій чу­до­тво́р­че.

Кон­да́къ 3

Си́лою во е́же бла­го­вѣ­сти́­ти, свы́­ше Хри­сто́съ об­ле­че́ тя, до­сто­чу́д­не Три́­фо­не. Въ пу­сты́­ни бо, а́ки Мо­исе́­о­ви дре́в­ле въ ку­пи­нѣ́, гла́съ ти́ бы́сть: иди́ въ зе́­млю не­о­бѣ­то­ва́н­ную и рцы́, я́ко любы́ обру­че́нія Мо­е­го́ не ра­зо­ри́т­ся. Егда́ же ре́клъ еси́: кто́ еси́ Го́­спо­ди? Отвѣ­ща́ ти: Іису́съ е́смь, Его́­же ты́ и́ще­ши. Сія́ же слы́­шавъ, со уми­ле́ніемъ пре­кло́нь­ся, во­зо­пи́лъ еси́ Тому́: Алли­лу́ія.

Икосъ 3

Иму́щу ти́, а́ки Мо­исе́й, сми­ре́ніе ве́ліе, во е́же отре­щи́­ся та­ко­ва́ зва́нія, ре́клъ еси́, пре­по­до́б­не: не­вѣ́­жда е́смь, Го́­спо­ди, и ма­ло­кни́­женъ. Оба́­че То́й за­по­вѣ́­да ти́: ни­че­со́­же во­пре­ки́ гла­го́­ли, я́ко на вся́ по­слю́ тя, и и́де­ши; вся́, я́же за­по­вѣ́­даю ти́, гла­го́­ли, не убо́й­ся, съ то­бо́ю бо Есмь. Сего́ ра́ди во­піе́мъ ти́:

Ра́дуй­ся, ра́­до­сти ро­ди́­те­лей тво­и́хъ оправ­да́ніе; ра́дуй­ся, ви́­дѣ­вый сла́­вы Отчія сія́ніе. Ра́дуй­ся, я́ко бла­го­да́ть Бо́жія излія́ся на тя́ бо­га́т­но; ра́дуй­ся, я́ко разу­мѣ́ніе ти́ язы́­ковъ да­де́ся. Ра́дуй­ся, я́ко на́й­де на тя́ ду́хъ пре­му́­дро­сти и вѣ́­дѣнія; ра́дуй­ся, Ду́ха Свята́го прія́­те­ли­ще. Ра́дуй­ся, си́­лою Бо́жіею а́ки ме­че́мъ препоя́­сан­ный; ра́дуй­ся, я́ко ры­ба́рь ко оке­а́ну на улов­ле́ніе ду́шъ че­ло­вѣ́­че­скихъ во спа­се́ніе при­зва́н­ный. Ра́дуй­ся, Ан­дре́я Пер­воз­ва́н­на­го, на го­ра́хъ Кíев­скихъ бла­го­вѣ́ст­ни­ка ре­вни́­те­лю; ра́дуй­ся, Ме­ѳо́­дія и Кири́л­ла из­бра́н­ный по­слѣ́­до­ва­те­лю. Ра́дуй­ся, Гу́рія и Вар­со­но́­фія, Сте­фа́­на и Ин­но­ке́н­тія до­сто́й­ный пре­е́м­ни­че.

Ра́дуй­ся, Три́­фо­не, стра­ны́ сѣ́­вер­ныя про­свѣ­ти́­те­лю, Пе­че́нгскій чу­до­тво́р­че.

Кон­да́къ 4

Бу́ри оке­а́­на хла́д­на не убоя́вся, лю­бо́­вію Хри­сто́­вою со­грѣ­ва́­емь, во страну́ сѣ́­вер­ную пре­се­ли́л­ся еси́, до­сто­чу́д­не Три́­фо­не, да пред­ло­жи́­ши та́мо на­ро́ду Ло́п­ску о́гнь люб­ве́ Бо́жія, хла́дъ и мра́къ души́ раз­го­ня́ющь, во е́же чи́­стымъ се́рд­цемъ и усты́ вос­пѣ­ва́­ти Бо́гу: Алли­лу́ія.

Икосъ 4

Слы́­ша­ще и́до­ловъ по­сра­мле́­ніе отъ тебе́, зло­че­сти́­віи людíй си́хъ учи́­теліе, ке­бу́­ни на­ри­ца́­е­ми, зло́бу ве́лію воз­дви­го́­ша на тя́, пре­по­до́б­не, по ла­ни́­то­ма бі­ю́­ще, по ка́­ме­немъ вла­ча́­ще, и и́ны па́­ко­сти дѣ́­ю­ще. Мы́ же зря́ще тя́, со сми­ре́ніемъ та­ко­ва́я пріе́м­лю­ща, уми́ль­но во­піе́мъ:

Ра́дуй­ся, я́ко купе́цъ мно­го­цѣ́н­на ра́ди би́­се­ра ко оке­а́ну устре­ми́­вый­ся; ра́дуй­ся, вве́р­гій мре́­жу свою́ на улов­ле́ніе ду́шъ во спа­се́ніе. Ра́дуй­ся, тще­ту́ и́до­ловъ об­ли­чи́­вый; ра́дуй­ся, сего́ ра́ди а́ки Па́вло­во отъ іуде́й стра­да́ніе прі­е́­мый. Ра́дуй­ся, я́ко сло́­во Бо́жіе свѣ́т­ло­стію лица́ тво­е­го́ утвер­жда́­ше­ся; ра́дуй­ся, я́ко сло́­во твое́ про́й­де въ серд­ца́ ока­ме­не́н­ная. Ра́дуй­ся, отъ Бо́га со­зда́ніе всея́ тва́­ри изъ не­бы­тія́ на­ро́ду Ло­па́рску воз­вѣ­сти́­вый; ра́дуй­ся, бла­го­вѣ­сти́­вый си́мъ лю́­демъ во Ада́­мѣ на́ше па­де́ніе, во Хри­стѣ́ же об­нов­ле́ніе. Ра́дуй­ся, отри­но­ве́н­ныя Хри­сто́­вымъ обру­че́ніемъ утѣ́­ши­вый; ра́дуй­ся, бла­го­вѣ́­стіемъ тво­и́мъ не­бе́с­ныя ли́ки воз­ве­се­ли́­вый. Ра́дуй­ся, а́н­ге­ла пред­ста́­теля стра­ны́ сѣ́­вер­ныя себе́ яви́­вый.

Ра́дуй­ся, Три́­фо­не, стра­ны́ сѣ́­вер­ныя про­свѣ­ти́­те­лю, Пе­че́нгскій чу­до­тво́р­че.

Кон­да́къ 5

Бого­те́ч­нѣй звѣз­дѣ́ упо­до́­бив­ся, всю́ страну́ сѣ́­вер­ную обте́клъ еси́, до­сто­чу́д­не Три́­фо­не. Яко бо ден­ни́­ца, со́лн­цу пре­хо­дя́щая, отъ язы́ка Ло́п­ска при­ве́лъ еси́ ко Хри­сту́ ча́дъ мно́­же­ство, и́же со уми­ле́ніемъ се́рд­ца прі­и́м­ше кре­ще́­ніе, во­зо­пи́­ша о тебѣ́ Бо́гу: Алли­лу́ія.

Икосъ 5

Видѣ́­ніе бѣ́ ди́в­ное, егда́ отъ мра́ч­на не­вѣ́­дѣнія то­бо́ю при­ве­де́н­ніи Хри­сто́­ви со­че­та́­ша­ся: земля́ бо и не́бо ли­ко­ва́ху, во струя́хъ Пе­че́н­ги, а́ки Іор­да́­на и Днѣ­пра́, зря́ща мно́­же­ство кре­ща́­е­мыхъ. По­ми­на́­ю­ще у́бо сія́, вос­кли­ца́­емъ ти́:

Ра́дуй­ся, гла́съ во­пі­ю́­ща­го, отъ на­ро́­да Ло́п­ска услы́­шан­ный; ра́дуй­ся, Кре­сти́­теля Хри­сто́­ва со­бе­сѣ́д­ни­че. Ра́дуй­ся, я́ко тма́ и́доль­ская отъ тебе́ ра­зо­ри́ся; ра́дуй­ся, я́ко кре́стъ, а́ки зна́мя по­бѣ́д­ное, то­бо́ю здѣ́ во­дру­зи́­ся. Ра́дуй­ся, я́ко тра­пе́­за бѣ­со́в­ская ни во что́­же та́мо вмѣ­ни́­ся; ра́дуй­ся, я́ко вмѣ́­сто тоя́ утвер­ди́­ся та́мо тра­пе́­за Хри­сто́­ва спа­си́­тель­ная. Ра́дуй­ся, то­бо́ю бо Ма́­терь Бо́жія про­сла́­вися; ра́дуй­ся, я́ко святíи про­свѣ­ще́н­нымъ то­бо́ю лю́­демъ при́­сни ста́­ша. Ра́дуй­ся, я́ко Вла­ди́­міръ святы́й, зря́ ча́дъ умно­же́ніе, воз­ве­се­ли́ся; ра́дуй­ся, въ рас­пу́тіихъ мíра сего́ обрѣ­ты́й на ве́­че­рю Хри­сто́ву из­бра́н­ныя. Ра́дуй­ся, Це́р­кве отъ на­ро́­да Ло́п­ска со­зда́­те­лю.

Ра́дуй­ся, Три́­фо­не, стра­ны́ сѣ́­вер­ныя про­свѣ­ти́­те­лю, Пе­че́нгскій чу­до­тво́р­че.

Кон­да́къ 6

Егда́ про­по­вѣ́­да­но бы́сть Ева́н­геліе все́й стра­нѣ́ сѣ́­вер­нѣй, и́нъ по́­двигъ прія́лъ еси́ на себе́, до­сто­чу́д­не Три́­фо­не. Язы́ку бо кре­ще́­ну бы́в­шу, а́біе прі­е́мь о́бразъ а́н­гель­скій, со­зда́лъ еси́ оби́­тель Жи­во­на­ча́ль­ныя Тро́­и­цы, въ ню́же сте­че́ся и́нокъ мно́­же­ство, во е́же пѣ́ти Бо́гу: Алли­лу́ія.

Икосъ 6

Возсія́ во мра́­цѣ Сѣ́­ве­ра, я́ко свѣ­ти́ль­никъ свѣ́­та не­ве­че́р­няго, оби́­тель отъ тебе́ со­зда́н­ная, свѣ́­томъ Тро́­и­че­скимъ вся́ осіява́­ю­щая. Тѣ́м­же, ра́ду­ю­ще­ся, во­піе́мъ ти́:

Ра́дуй­ся, апо́­сто­ломъ ве­се́ліе, пре­по­до́б­нымъ же удо­бре́ніе; ра́дуй­ся, куку́­лемъ, а́ки вѣн­це́мъ незло́­бія, гла­ву́ свою́ увязи́­вый. Ра́дуй­ся, по́ясомъ чре́­сла своя́ во умерщ­вле́ніе пло́­ти препоя́­са­вый; ра́дуй­ся, Іо­а́н­ну Бо́­гомъ воз­лю́б­лен­ну по­ре­вно­ва́­вый. Ра́дуй­ся, нестяжа́нія учи́­те­лю; ра́дуй­ся, сми­ре́нія ве­ли́­ка­го но­си́­те­лю. Ра́дуй­ся, ка́­ме­ню, на не́м­же со­зда́ся жи­ли́­ще Пресвяты́я Тро́­и­цы; ра́дуй­ся, въ жи­ли́­щихъ тмы́ се­ле́ніе свѣ́­та не­ве­че́р­няго со­дѣ́­ла­вый. Ра́дуй­ся, я́ко воз­сте­на́ кня́зь мíра сего́, зря́ во́­ин­ства Хри­сто́­ва во­дво­ре́ніе; ра́дуй­ся, я́ко здѣ́ ста́ ко­ле­сни́­ца, Іезекíилемъ со­зер­ца́н­ная. Ра́дуй­ся, я́ко воз­не­се́­ся Сѣдя́щему на не́й пѣ́снь ве­ли́­кая, въ вы́ш­нихъ пѣ­сно­сло́­ви­мая.

Ра́дуй­ся, Три́­фо­не, стра­ны́ сѣ́­вер­ныя про­свѣ­ти́­те­лю, Пе­че́нгскій чу­до­тво́р­че.

Кон­да́къ 7

Хотя́й ча́да своя́ пре­пи­та́­ти и спа­сти́, егда́ гла́дъ стра­нѣ́ при­лу­чи́­ся, бла­же́н­но­му Гу́рію пре́­далъ еси́, до­сто­чу́д­не Три́­фо­не, оби́­тель отъ тебе́ со­зда́н­ную, са́мъ же из­ше́дъ во оте́­че­ствіе, осме­ри́­цу лѣ́тъ по гра­до́мъ та́мо пре­хо­жда́лъ еси́, дая́нія бла́­га пріе́мля и поя́ Бо́гу: Алли­лу́ія.

Икосъ 7

Но́вую ку­пе́ль Сило­а́м­скую яви́ тя Бо́гъ, пре­по­до́б­не, егда́ стра́­ненъ сы́й во оте́­че­ствіи, пріе́мля дая́нія, мно­го­цѣ́н­на со­кро́­ви­ща всѣ́мъ исто­ча́лъ еси́: то­бо́ю бо слѣпíи про­зи­ра́­ху, нѣмíи гла­го́­лаху, не­ду́ж­ніи здра́­віе улу­ча́ху. Чудя́щеся сему́, убла­жа́­емъ тя́:

Ра́дуй­ся, Мо­исе́­о­ви упо­до́­би­вый­ся; ра́дуй­ся, То­ви́­та пра́­вед­на ре­вни́­те­лю. Ра́дуй­ся, я́ко Товíя въ путе́хъ а́н­ге­ломъ хра­не́н­ный; ра́дуй­ся, святи́­теля Ни­ко­ла́я Мѵрли­кíйска­го по­дра­жа́­те­лю. Ра́дуй­ся, Сампсо́­на стран­но­лю­би́­ва и Фи­ла­ре́­та ми́­ло­сти­ва уве­се­ли́­те­лю; ра́дуй­ся, а́лчу­щихъ пи­та́­те­лю. Ра́дуй­ся, си́­рыхъ за­ступле́ніе; ра́дуй­ся, вдо­ви́цъ огра­жде́ніе. Ра́дуй­ся, мла­де́н­цевъ со­блю­де́ніе; ра́дуй­ся, ми­ло­се́р­дія учи́­те­лю. Ра́дуй­ся, о́бра­зе житія́ бо­гоу­го́д­на­го.

Ра́дуй­ся, Три́­фо­не, стра­ны́ сѣ́­вер­ныя про­свѣ­ти́­те­лю, Пе­че́нгскій чу­до­тво́р­че.

Кон­да́къ 8

Стра́н­ствіе скон­ча­ва́я, къ ца́рству­ю­щему гра́ду устре­ми́л­ся еси́, до­сто­чу́д­не Три́­фо­не, идѣ́­же но́­вое о тебѣ́ чу́до бла­го­во­ли́ Бо́гъ со­тво­ри́­ти: не су́щу бо еще́ ти́ та́мо, со еди́­нѣмъ отъ оби́­те­ли Со­ло­ве́цкія ца­ре́­ви пред­ста́лъ еси́ ди́в­но. Тѣ́м­же по­слѣ­ди́ то́й, прі­е́мь тя́ лю­бо́­вію, вся́каго ис­по́л­ни дая́нія, поя́ Бо́гу: Алли­лу́ія.

Икосъ 8

Ве́сь бла­го­го­вѣ́­ин­ства ис­по́л­нив­ся, въ то́е же вре́мя ца­ре́­ви­чъ Ѳе­о́­доръ, из­ше́дъ отъ це́р­кве, по­сла́ ти, пре­по­до́б­не, оде́­жды своя́, я́ко да ми́­ло­сты­ня его́ предъи́­детъ ца́р­скому дая́нію, е́же и бы́сть по се́мъ ве́ліе. Тѣ́м­же во­піе́мъ ти́:

Ра́дуй­ся, сми­ре́нія ра́ди воз­не­се́н­ный; ра́дуй­ся, си́ль­нымъ мíра сего́ явле́н­ный. Ра́дуй­ся, я́ко ца́рь при­ше́­ствію тво­е­му́ уди­ви́ся; ра́дуй­ся, я́ко явле́ніемъ двою́ то́й воз­ве­се­ли́ся. Ра́дуй­ся, отъ царя́ до­сто́й­нѣ по­чте́н­ный; ра́дуй­ся, отъ сы́на ца­ре́­ва ода­ре́н­ный и воз­лю́б­лен­ный. Ра́дуй­ся, отъ на­па́­стей сего́ вы́ну со­блю­да́­вый; ра́дуй­ся, я́ко ми́­ло­сты­нею его́ оби́­тель твоя́ сна­бдѣ́­ся. Ра́дуй­ся, я́ко бла­го­че́­стіемъ его́ ца́р­ство Россíйское уве­се­ли́ся; ра́дуй­ся, я́ко ца́р­ство на́ше цари́ бла­го­че­сти́­вы­ми укра­ша́­ет­ся. Ра́дуй­ся, я́ко святы́ми му́жи о́ное утвер­жда́­ет­ся.

Ра́дуй­ся, Три́­фо­не, стра­ны́ сѣ́­вер­ныя про­свѣ­ти́­те­лю, Пе­че́нгскій чу­до­тво́р­че.

Кон­да́къ 9

Вся́кихъ да­ро­ва́ній ис­по́л­ненъ сы́й, па́ки во страну́ сѣ́­вер­ную, а́ки со́лн­це къ за­хо­жде́нію, при­те́къ, до­сто­чу́д­не Три́­фо­не, со­зда́лъ еси́ це́р­ковь бла­го­вѣ́р­ныхъ князе́й Бо­ри́­са и Глѣ́­ба, и оста́вль оби́­тель, въ до́ль­нѣй пу­сты́­ни во­дво­ри́в­ся, оста́­токъ днíй сво­и́хъ пре­про­во­ди́лъ еси́ въ тер­пѣ́ніи мно́­зѣ, поя́ Бо́гу: Алли­лу́ія.

Икосъ 9

Вѣтíи отъ и́нокъ ди́в­ное е́же ти́ тва́­рей по­ви­но­ве́ніе всю́­ду воз­вѣ­сти́­ша, пре­по­до́б­не: не су́щу бо ти́ еди́­но­жды въ ке́л­ліи, звѣ́рь ди́­вій въ ню́ вни́­де и на­ча́тъ бы́в­шая я́сти. Воз­вра́щ­шу же ти́ ся и на­ка­за́в­шу сего́, ни­ко­ли́­же па́ки ко оби́­те­ли тво­е́й отъ та­цѣ́хъ при­бли­жа́­ти­ся смѣ́яху. Сему́ же чудя́щеся, взы­ва́­емъ ти́:

Ра́дуй­ся, ла́­сто­ви­це пу­стынно­лю́б­ная; ра́дуй­ся, Успе́н­скія пу́­сты­ни укра­ше́ніе. Ра́дуй­ся, мол­ча́­нія о́бра­зе; ра́дуй­ся, при­ло́­ги лу­ка́­ва­го уразу­мѣ́­вый. Ра́дуй­ся, гор­ды́­ни его́ не при­ло­жи́­вый­ся; ра́дуй­ся, стрѣ́­лы того́ без­си́ль­ны яви́­вый. Ра́дуй­ся, въ ко­не́цъ сего́ по­сра­ми́­вый; ра́дуй­ся, Ада́му пер­во­зда́н­ну упо­до́­би­вый­ся. Ра́дуй­ся, я́ко тя́ звѣ́ріе ди́­віи царя́ себѣ́ по­зна́­ша; ра́дуй­ся, отъ зем­но­ро́д­ныхъ прозябе́ніе ди́в­ное. Ра́дуй­ся, ко­ра­блю́ ве­ли́кій, ко при­ста́­ни­щу ти́­хому при­бли́­зи­вый­ся.

Ра́дуй­ся, Три́­фо­не, стра­ны́ сѣ́­вер­ныя про­свѣ­ти́­те­лю, Пе­че́нгскій чу­до­тво́р­че.

Кон­да́къ 10

Спа­сти́ хотя́ со́­бран­ныя, пре́­жде кон­чи́­ны твоея́ до­сто­чу́д­не Три́­фо­не, па́ки во оби́­тель твою́ пре­ше́лъ еси́, и Бо́­го­ви служе́ніе за­по­вѣ́­далъ еси́ бра́тіи: ю́же гряду́­ща­го ра́ди оз­ло­бле́нія Хри­сто́­вымъ утѣ́­шивъ ми­ло­се́р­діемъ, въ не­бе́с­ныя кро́­вы от­ше́лъ еси́, идѣ́­же со святы́ми по­е́­ши Бо́гу: Алли­лу́ія.

Икосъ 10

Стена́ бы́лъ еси́ ча́­домъ оби́­те­ли твоея́, пре­по­до́б­не, и́же со уми­ле́ніемъ по­ю́­ще над­гро́б­ная, по­ло­жи́­ша свято́е тѣ́ло твое́, я́коже за­по­вѣ́­далъ еси́, въ пу­сты́­ни то­бо́ю воз­лю́б­лен­нѣй. Зря́ще же о́ное то́ки чу­де́съ исто­ча́­ю­щее, ра́­дост­но во­зо­пи́­ша:

Ра́дуй­ся, Пресвяты́я Тро́­и­цы изря́дный по­чи­та́­те­лю; ра́дуй­ся, Дѣ́вы Пре­бла­го­сло­ве́н­ныя убла­жа́­те­лю. Ра́дуй­ся, святы́мъ Зо­си́­мѣ, Сав­ва́­тію и Ге́р­ма­ну еди­нон­ра́в­ный; ра́дуй­ся, до́­брѣ Бо́­го­ви по­жи́­вый. Ра́дуй­ся, въ ста́­ро­сти ма­сти́­тѣ ко Хри­сту́ пре­се­ли́­вый­ся; ра́дуй­ся, я́ко гла­ва́ твоя́, при­кло­не́­на су́щи, тру­ды́ извѣ́ст­во­ва­ше. Ра́дуй­ся, сѣ­ди́­на бо твою́ му́­дрость об­ли­ча́­ше; ра́дуй­ся, та­ла́н­ты, отъ Бо́га ти́ вда́н­ныя, пріумно́­жи­вый. Ра́дуй­ся, благíй ра́бе, вше́­дый въ ра́­дость Го́­спо­да тво­е­го́; ра́дуй­ся, чест­ны́хъ мо­на́­ховъ по­хва­ло́ и укра­ше́ніе. Ра́дуй­ся, оби́­те­ли твоея́ при́­сный Бо́­го­ви пред­ста́­те­лю.

Ра́дуй­ся, Три́­фо­не, стра­ны́ сѣ́­вер­ныя про­свѣ­ти́­те­лю, Пе­че́нгскій чу­до­тво́р­че.

Кон­да́къ 11

Пѣ́ніе всеу­ми­ле́н­ное при­но́­симъ ти́, до­сто­чу́д­не Три́­фо­не! Оби́­тель бо твоя́, а́ще по сло­ве­си́ тво­е­му́ отъ Све́­евъ ра­зо­ри́ся, оба́­че стра­да́ніемъ бра́тій про­сла́вль­ши­ся, па́ки воз­ста́­вися. Аще и вто­ри́­цею опу­стѣ́, си́­лою же лу́ч­шею ны́нѣ об­но­ви́ся, въ ню́же и́но­цы те­ку́­ще, о тебѣ́ ра́­дост­но Бо́­го­ви по­ю́тъ пѣ́снь не­мо́лч­ную: Алли­лу́ія.

Икосъ 11

Свѣ­то­за́р­нѣй звѣз­дѣ́ упо­до́­би­ся оби́­тель твоя́, пре­по­до́б­не, егда́ ю́ Све́е разоря́ху: ча́да бо, то­бо́ю со́­бран­ная, тер­пѣ́ніемъ вра­ги́ по­сра­ми́­ша, вѣн­цы́ му́­че­ни­че­ски­ми укра­си́­ша­ся, и ку́п­но съ це́р­ковію огне́мъ по­па­ли́в­ша­ся, я́ко же́р­тва уго́д­на Бо́­го­ви при­не­со́­ша­ся. По­ми­на́­ю­ще у́бо та­ко­ва́я, уми́ль­но во­піе́мъ ти́:

Ра́дуй­ся, гряду́щая въ Бо́зѣ со­зер­ца́яй; ра́дуй­ся, оби́­те­ли ра­зо­ре́ніе предъяви́­вый. Ра́дуй­ся, до вре́­ме­не ю́ во́и не­бе́с­ны­ми со­блю­да́­вый; ра́дуй­ся, я́ко уче­ни́къ тво́й Іо́на, мо­ли́­тва­ми тя́ вы́ну чты́й, въ пу́­сты­ни тво­е́й отъ меча́ скон­ча́ся. Ра́дуй­ся, Гу́рія, Ге́р­ма­на и ины́хъ про­сла́в­лен­ныхъ Бо́­гомъ по­дви́ж­ни­ковъ вѣ́ры и бла­го­че́­стія на­ста́в­ни­че; ра́дуй­ся, я́ко вся́ ча́да твоя́ отъ Хри­ста́ прія́шася. Ра́дуй­ся, я́ко оби́­тель твоя́ па́ки воз­ста́­вися; ра́дуй­ся, я́ко па́ки тѣ́мъ свѣ­ти́ль­никъ бла­го­че́­стія стра­ны́ да­ро­ва́ся. Ра́дуй­ся, то́ю лжеу­че́нія со­кру­ша́­ют­ся; ра́дуй­ся, святы́я бо твоя́ мо́щи а́ки ка́­мень кра­е­уго́­ленъ явля́ются. Ра́дуй­ся, я́ко вся́ ко­е­му́­ждо по­ле́з­ная мо­ли́­тва­ми тво­и́­ми да́руе­ши.

Ра́дуй­ся, Три́­фо­не, стра­ны́ сѣ́­вер­ныя про­свѣ­ти́­те­лю, Пе­че́нгскій чу­до­тво́р­че.

Кон­да́къ 12

Бла­го­да́­ти Хри­сто́­вы но­си́­те­лю, до­сто­чу́д­не Три́­фо­не! Съ вѣ́­рою тя́ при­зы­ва́­ю­щимъ по­ле́з­ная по­да­е́­ши, отъ на­па́­стей же, я́ко царя́ Ѳе­о́­до­ра, ско́­ро из­ба­вля́еши. Сему́ бо но́щію яви́вся во ста́­нѣ, ре́клъ еси́: ско́­ро изы́­ди, да не на́й­детъ на тя́ сме́рть неча́янная. Сія́ же со­тво́р­шу ему́, а́біе отъ стрѣля́нія вра́­же­ска ски́нія опро­ве́р­же­ся и ло́же раз­ме­та́ся, лю́діе же чудя́щеся поя́ху: Алли­лу́ія.

Икосъ 12

Пою́ще Бо́гу пѣ́снь бла­го­да­ре́нія, ра́дуем­ся о тебѣ́, пре­по­до́б­не, я́ко вся́ на́мъ по­ле́з­ная да́руе­ши. То­бо́ю бо па́­гу­ба отгоня́ется, здра́­віе улу­ча́­ет­ся, ми́ръ и бла­гоу­стро­е́­ніе во­дво­ря́ется: по­не́­же на не­бе­сѣ́хъ при́­сно хо­да́­тай­ствуе­ши о на́съ, взы­ва́­ю­щихъ ти́ си́це:

Ра́дуй­ся, на не­бе­сѣ́хъ о на́съ те́­плый пред­ста́­те­лю; ра́дуй­ся, по­чи­та́­ю­щихъ тя́ вѣ́р­ный хра­ни́­те­лю. Ра́дуй­ся, не чту́­щихъ тебе́ вра­зу­ми́­те­лю; ра́дуй­ся, ду­хо́въ зло́­бы от­го­ни́­те­лю. Ра́дуй­ся, по­мра­че́н­ныхъ умы́ про­свѣ­ти́­те­лю; ра́дуй­ся, не­ду́­говъ изря́дный цѣ­ли́­те­лю. Ра́дуй­ся, отъ по­топ­ле́нія мор­ска́­го спа­са́­те­лю; ра́дуй­ся, я́ко то­бо́ю царю́ Ѳе­о́­до­ру да­ро­ва́ся из­ба­вле́ніе. Ра́дуй­ся, я́ко то­бо́ю не­бе́с­ное ца­ре́й на́­шихъ по­зна́ся со­блю­де́ніе; ра́дуй­ся, я́ко то­бо́ю вся́ка пе­ча́ль отгоня́ется. Ра́дуй­ся, я́ко то­бо́ю бла­го­че́­стіе во оби́­те­ли тво­е́й и по все́й стра­нѣ́ се́й утвер­жда́­ет­ся.

Ра́дуй­ся, Три́­фо­не, стра­ны́ сѣ́­вер­ныя про­свѣ­ти́­те­лю, Пе­че́нгскій чу­до­тво́р­че.

Кон­да́къ 13

О, пре­по­до́б­не и до­сто­чу́д­не о́тче на́шъ Три́­фо­не! Жи­во­на­ча́ль­нѣй пред­стоя́ Тро́­и­це, въ не­при­сту́п­нѣмъ свѣ́­тѣ и ра́­до­сти не­из­гла­го́­лан­нѣй, пріи­ми́ сіе́ отъ уми­ле́н­на­го ти́ се́рд­ца воз­но­си́­мое хва­ле́ніе, и не пре­ста́й моля́ся о на́съ, да по­жи́в­ше бла­го­че́ст­нѣ, по успе́ніи на́­шемъ срѣ́­те­ни отъ тебе́ обря́щемся на не­бе­сѣ́хъ, и вос­по­е́мъ Бо́­го­ви со а́н­гель­ски­ми ли́ки: Алли­лу́ія.

Се́й кон­да́къ гла­го́­лет­ся три́­жды. Та́же Икосъ 1-й и Кон­да́къ 1-й

Мо­ли́­тва

О, Всесвяты́я Тро́­и­цы уго́д­ни­че, о бла­же́н­нѣй­шій и рав­ноа­по́­столь­ный па́­сты­рю, пре­по­до́б­не о́тче на́шъ Три́­фо­не! Не за­бу́­ди твоея́ па́­ствы, по­ми­на́й во святы́хъ тво­и́хъ и бо­го­прія́т­ныхъ мо­ли́­твахъ, при­но­си́­мыхъ въ Трои́­цѣ сла́­ви­мо­му Бо́гу, ста́­до твое́, е́же са́мъ, по бла­го­вѣ́­стію отъ а́н­ге­ла, при­ше́­ствіемъ тво­и́мъ со­бра́лъ и упа́слъ еси́. По­не́­же въ сродствѣ́ тво­е­го́ мір­ска́­го жи­ли́­ща, слы́­шавъ во святѣ́й це́р­кви на у́тре­ни по­ю́­щихъ: пу­сты́н­нымъ жи­во́тъ со­кро­ве́нъ е́сть, Бо­же́­ствен­нымъ ра­че́ніемъ во­скри­ля́­ю­щим­ся; и отъ того́ вос­пе­ри́в­ся Бо­же́­ствен­ною лю­бо́­вію, оста́вль до́мъ и сродство́, и при­ше́дъ вскра́й сѣ́­вер­ныя стра­ны́, про­свѣ­ти́лъ еси́ святы́мъ кре­ще́­ніемъ не­вѣ́дущій Твор­ца́, всѣ́хъ Бо́га, Ло­па́р­скій на­ро́дъ, за е́же, во утвер­жде́ніи хри­стіа́н­скія вѣ́ры, мно́­га из­гна́нія и зло­клю­че́­нія подъя́лъ еси́. И бли́зъ рѣки́ Пе­че́н­ги въ пу­сты́­ню все­ли́в­ся, бра́тію изъ мно́­гихъ гра­до́въ и ве́­сей со­бра́въ, ве́лію оби́­тель воз­дви́глъ еси́, и при от­ше́­ствіи къ не­бе́с­нымъ се­ле́ніемъ, о по­сѣ­ще́ніи твоея́ оби́­те­ли про­ро́­че­ствія да́ръ отъ Бо́га вос­прія́лъ еси́, и по сме́р­ти на мо́ри и на су́шѣ мно́­га чу­де­са́ и цѣль­бы́ съ вѣ́­рою прося́щимъ со­тво­ри́лъ еси́ и ны́нѣ тво­ри́­ши. Тѣ́м­же мо́­лимъ тя́: не за­бу́­ди при­сѣ­ща́­ти ча́дъ тво­и́хъ; моли́ за ны́, пре­по­до́б­не о́тче, при­хо­дя́щія къ тебѣ́ съ вѣ́­рою, и за вся́ хри­стіа́­ны, я́ко имѣ́яй дер­зно­ве́ніе къ Без­сме́рт­но­му Царю́ Хри­сту́ всѣ́хъ Бо́гу. Не пре­мол­чи́ за ны́ ко Го́­спо­ду, и не пре́­зри на́съ вѣ́­рою и лю­бо́­вію чту́­щихъ тя́ и по­ми­на́­ю­щихъ святу́ю па́мять твою́. Аще бо ты́ и пре­ста́­вил­ся еси́ отъ на́съ тѣ́­ломъ, но и по сме́р­ти жи­вы́й ду́­хомъ, все­гда́ чу­до­дѣ́й­ствуе­ши. Мо­ли́­тва­ми тво­и́­ми со­хра­ня́й на́съ отъ стрѣ́лъ и ко́з­ней вра́жіихъ, и вся́кія пре́­ле­сти бѣ­со́в­скія, и отъ вра́гъ ви́­ди­мыхъ и не­ви́­ди­мыхъ. Па́­сты­рю на́шъ до́­брый! Аще мо́щи твоя́ въ ра́цѣ не­зри́­мы на́мъ су́ть, оба́­че, по­не́­же все­гда́ въ Тро́­и­цѣ сла́­ви­мо­му Бо́гу, при пре­сто́­лѣ Его́ не­по­сти­жи́­ма­го ве­ли́­че­ствія не­от­сту́п­но въ мо­ли́­твахъ пред­сто­и́­ши, усе́рд­но къ тебѣ́ при­бѣ­га́­емъ и про́­симъ: умо­ли́ и ис­про­си́ на́мъ вре́мя къ покая́нію, да въ ча́съ ис­хо́­да души́ пре́й­демъ отъ зем­ны́хъ къ не­бе́с­нымъ, мы­та́рствъ же воз­ду́ш­ныхъ и вѣ́ч­ныя му́ки из­ба́­вим­ся, и не­бе́с­но­му Ца́рствію на­слѣ́д­ни­цы бу́­демъ со всѣ́­ми отъ вѣ́ка уго­ди́в­ши­ми. О, все­бла­же́н­не о́тче на́шъ Три́­фо­не! Не пре́­зри и ны́нѣ на́съ, при­те­ка́­ю­щихъ къ тебѣ́, я́ко да мо­ли́­тва­ми тво­и́­ми и по́­мощію спа­са́­е­ми, сла́ву и бла­го­да­ре́ніе, хва­лу́ и по­кло­не́ніе за вся́ въ Тро́­и­цѣ еди́­ному Бо́гу, всѣ́хъ Со­зда́­те­лю воз­сы­ла́­емъ, Отцу́ и Сы́ну, и Свято́му Ду́ху, ны́нѣ и при́­сно и во вѣ́ки вѣ­ко́въ. Ами́нь.

Тро­па́рь, гла́съ 8

Пути́, вводя́щаго въ жи́знь, на­ста́в­никъ и учи́­тель бы́лъ еси́: пе́р­вѣе бо, пре­по­до́б­не о́тче на́шъ Три́­фо­не, при­ше́лъ еси́ въ ча́сть Нор­ве́г­скія зе­мли́ и въ по­слѣ́д­нихъ кон­цѣ́хъ сѣ́­вер­ныя стра­ны́ язы́ки про­свѣ­ти́лъ еси́, по­ро­ди́въ во­до́ю и Ду́­хомъ Святы́мъ, и свяще́н­ная твоя́ ча́да въ без­пло́д­нѣй пу­сты́­ни, я́ко дре­ва́ ма́­слич­ная, на­са­ди́лъ еси́, ве́лію оби́­тель Святы́я и Жи­во­на­ча́ль­ныя, Еди­но­су́щ­ныя и Не­раз­дѣ́ль­ныя Тро́­и­цы со­зда́лъ еси́ и мо­на́­ховъ мно́­же­ство со­бра́въ. Тѣ́мъ, я́ко апо́­сто­ломъ и пу­стынно­жи́­те­лемъ рав­но­че́ст­на чту́­ще тя́, при­лѣ́ж­но при­па́­да­ю­ще, во­піе́мъ: моли́ всѣ́хъ Бо́га за Импе­ра́­то­ра [или́: стра́ждущую страну́ на́шу Россíйскую], за о́бласть твою́ и за вся́ лю́ди, по­чи­та́­ю­щія па́мять твою́.

Сла́­ва, и ны́нѣ, бо­го­ро́­ди­ченъ

Иже на́съ ра́ди ро­жде́й­ся отъ Дѣ́вы, и распя́тіе пре­тер­пѣ́въ, Благíй, ис­про­ве́р­гій сме́р­тію сме́рть и Во­скре­се́ніе явле́й я́ко Бо́гъ, не пре́­зри, я́же со­зда́лъ еси́ руко́ю Тво­е́ю, яви́ че­ло­вѣ­ко­лю́­біе Твое́, Ми́­ло­сти­ве. Пріи­ми́ ро́жд­шую Тя́, Бо­го­ро́­ди­цу, моля́щуюся за ны́, и спа­си́, Спа́­се на́шъ, лю́ди отча́янныя.

Кон­да́къ, гла́съ 8

Все́ твое́ у́м­ное же­ла́ніе къ Бо́гу впе­ри́въ, Того́ зва́нію не­воз­вра́т­но отъ души́ по­слѣ́­до­валъ еси́, въ пу­сты́­ню ко­не́ч­ную все­ли́в­ся, и, та́мо а́н­гель­ски и рав­ноа­по́­столь­нѣ по­жи́въ, мно́­гимъ пу́ть бы́лъ еси́ ко спа­се́нію. Сего́ ра́ди и Хри­сто́съ тя́ про­сла́­ви и да́­ромъ чу­де́съ обо­га­ти́. Ибо ве­ли́­кихъ Ца­ре́й Іо­а́н­на и Ѳе­о́­до­ра Россíйскихъ уди­ви́лъ еси́. Тѣ́м­же вси́ во­піе́мъ ти́: ра́дуй­ся, ис­по­вѣ́д­ни­че Хри­ста́ Бо́га на́­ше­го; ра́дуй­ся, гра́ду тво­е­му́ не­ко­ле­би́­мое утвер­жде́ніе, Три́­фо­не, о́тче на́шъ.

Ве­ли­ча́­ніе

Убла­жа́­емъ тя́, пре­по­до́б­не о́тче Три́­фо­не, и чте́мъ святу́ю па́мять твою́, на­ста́в­ни­че мо­на́­ховъ и со­бе­сѣ́д­ни­че а́н­ге­ловъ.