Кон­да́къ 1

Избра́н­ный из­мла́­да Го́­спо­ду ра­бо́­та­ти, по­дви­за́в­ся до́­брымъ по́­дви­гомъ вѣ́ры, те­че́ніе твое́ до́­блест­но скон­ча́лъ еси́. Во­дво­ря́яся же дне́сь въ не­бе́с­ныхъ се­ле́ніяхъ, мо­ли́ся е́же из­ба́­ви­ти­ся на́мъ отъ лю́­тыхъ обстоя́ній, отъ всѣ́хъ зо́лъ и на­па́­стей, да зо­ве́мъ ти́:

Ра́дуй­ся, Ген­на́­діе, те́­плый на́шъ къ Бо́гу мо­ли́­твен­ни­че и чу­до­тво́р­че.

Икосъ 1

Ангель­скому жи­тію́ вос­хо­тѣ́въ по­дра­жа́­ти, из­мла́­да яви́лся еси́ тща­ли́­вѣй­шій въ дому́ Бо́жіемъ дѣ́­ла­тель, нося́ вы́ну въ се́рд­цѣ за­ко́­ны и оправ­да́нія Его́. Сего́ ра́ди ра́­дост­но во­піе́мъ ти́:

Ра́дуй­ся, вся́кое му­дро­ва́ніе пло́­ти умер­тви́­вый. Ра́дуй­ся, еще́ отъ пе­ле́нъ пу́ть и́сти­ны по­зна́­вый. Ра́дуй­ся, пре­зрѣ́­вый вся́ су́­ет­ная бла́­га мíра, Го́­спо­да ра́ди. Ра́дуй­ся, все́ю ду­ше́ю Бо́­го­ви при­лѣ­пи́­вый­ся. Ра́дуй­ся, во́­и­не Царя́ Не­бе́с­на­го. Ра́дуй­ся, по́­дви­гомъ до́­брымъ по­дви­за́­вый­ся предъ Ни́мъ. Ра́дуй­ся, бла­га́я о́тра­сле бла­га́­го ко́­ре­не. Ра́дуй­ся, свѣ­ти́ль­ни­че стра­ны́ Лю­бимо­гра́д­скія.

Ра́дуй­ся, Ген­на́­діе, те́­плый на́шъ къ Бо́гу мо­ли́­твен­ни­че и чу­до­тво́р­че.

Кон­да́къ 2

Ви́дяще тя́ при́­сніи еще́ ю́на зѣло́, не отходя́ща отъ це́р­кви, и пре­бы­ва́­ю­ща въ по­стѣ́ и мо­ли́­твѣ, тща́­хуся осла́­би­ти ду­хо́в­ный по́­двигъ тво́й. Ты́ же, отъ ю́но­сти твоея́, вда́­вый се́рд­це Бо́­го­ви, пре­бы́лъ еси́ не­по­ко­ле­би́мъ, ду́­хомъ горя́, Го́­спо­де­ви ра­бо́­тая и вос­пѣ­ва́я: Алли­лу́ія.

Икосъ 2

Ра́зумъ, исходя́щій отъ Отца́ свѣ́­товъ, я́ко би́­серъ драгíй обрѣ́тъ, тѣ́мъ озаря́емъ, вся́ку мглу́ грѣ­хо́в­ную да­ле́­че от­гна́лъ еси́ отъ себе́: управ­ля́емъ же сы́й, я́ко путе­во́д­ною звѣз­до́ю, въ пу­сты́­ню, спо­до́­бил­ся еси́ очи́­ма тво­и́­ма зрѣ́­ти тру­ды́ и по́­дви­ги Кор­ни́лія и вни­ма́­ти сло­ве­сѣ́мъ му́­дро­сти его́. Мы́ же вос­хва­ля́юще тя́, во­піе́мъ си́це:

Ра́дуй­ся, лу­ча́­ми Бо́жія му́­дро­сти оза­ре́н­ный. Ра́дуй­ся, бла­го­да́т­ною си́­лою во вся́цѣмъ дѣ́лѣ бла́­зѣ утвер­жде́н­ный. Ра́дуй­ся, по́­хоть пло́­ти, по́­хоть оче́съ и го́р­дость жи­те́й­скую низ­ло­жи́­вый. Ра́дуй­ся, не­кра́­до­мое до­бро­дѣ́­те­лей со­кро́­ви­ще стяжа́­вый. Ра́дуй­ся, пу­сты́­ню обла­гоу­ха́­вый дѣ́лъ тво­и́хъ до­бро́­тою. Ра́дуй­ся, за­блу́д­шихъ на пу́ть за́­по­вѣ­дей и оправ­да́ній Го­спо́д­нихъ на­ста́­ви­вый. Ра́дуй­ся, и́но­комъ да́­вый о́бразъ кро́­то­сти и сми­рен­но­му́­дрія. Ра́дуй­ся, оби́­тель твою́ мо­ли́­тва­ми тво­и́­ми огра­жда́яй и спа­са́яй. Ра́дуй­ся, Лю­би́­ма гра́­да при­бѣ́­жи­ще и ра́­до­ва­ніе. Ра́дуй­ся, по­мо́щ­ни­че при­те­ка́­ю­щихъ къ тебѣ́ съ вѣ́­рою.

Ра́дуй­ся, Ген­на́­діе, те́­плый на́шъ къ Бо́гу мо­ли́­твен­ни­че и чу­до­тво́р­че.

Кон­да́къ 3

Си́лою, да́н­ною ти́ свы́­ше, въ пу­сты́няхъ по­дви­за́яся, а́ще и мно́­ги на­па́­сти и оз­ло­бле́нія отъ вра́гъ ви́­ди­мыхъ и не­ви́­ди­мыхъ пре­тер­пѣ́лъ еси́, оба́­че та́ вся́ до́­блест­но по­бѣ­ди́лъ еси́, и ко́з­ни и́хъ раз­ру­ши́лъ еси́, вос­пѣ­ва́я къ Бо́гу: Алли­лу́ія.

Икосъ 3

Имѣ́я отъ ю́но­сти твоея́ вса­жде́нъ въ се́рд­цѣ тво­е́мъ стра́хъ Бо́жій, не да́лъ сна́ очи́­ма тво­и́­ма, и вѣ́­ждо­ма тво­и́­ма дре­ма́­нія, до́н­де­же обрѣ́лъ еси́ въ пу­сты́­нѣ Лю­бимо­гра́д­ской, при во­да́хъ Су́р­скихъ, мѣ́­сто Го́­спо­де­ви, се­ле́ніе Бо́гу Іа́­ков­лю, и ре́клъ еси́: "се́ по­ко́й мо́й во вѣ́къ вѣ́ка, здѣ́ все­лю́­ся, я́ко из­во́­лихъ и́". Мы́, чудя́щеся все­бла­го́­му о тебѣ́ Бо́жію смо­трѣ́­нію, во­піе́мъ ти́:

Ра́дуй­ся, я́ко из­мла́­да по­зна́лъ и все́ю ду­ше́ю тво­е́ю воз­лю­би́лъ еси́ Отца́ Не­бе́с­на­го. Ра́дуй­ся, я́ко вся́ су́­ет­ная и тлѣ́н­ная пре­зрѣ́лъ еси́. Ра́дуй­ся, я́ко вся́ зем­на́я, уме́­ты бы́ти вмѣ­ни́лъ еси́, взы­ску́я Іеру­са­ли́­ма го́рняго. Ра́дуй­ся, я́ко из­во́­лилъ еси́ подъя́ти вся́ко по­но­ше́ніе па́че, не́­же­ли вку­ша́­ти вре́­мен­ную грѣ­ха́ сла́­дость. Ра́дуй­ся, я́ко скорбь­ми́ мно́­ги­ми вше́лъ еси́ въ ра́­дость Го́­спо­да тво­е­го́. Ра́дуй­ся, я́ко стра́н­никъ и при­шле́цъ сы́й, со­зда́лъ еси́ до́мъ Бо́жій, хра́мъ Го́­спо­де­ви, въ не́м­же отъ лѣ́тъ мно́­гихъ при­зва́ся свято́е и́мя Его́. Ра́дуй­ся, во́дъ Су́р­скихъ ли­ко­ва́ніе. Ра́дуй­ся, гра́­да Лю­би́­ма огра­жде́ніе. Ра́дуй­ся, Ко­стром­ски́хъ пре­дѣ́лъ бла­го­лѣ́п­ное укра­ше́ніе.

Ра́дуй­ся, Ген­на́­діе, те́­плый на́шъ къ Бо́гу мо­ли́­твен­ни­че и чу­до­тво́р­че.

Кон­да́къ 4

Бу́рю зло­рѣ́­чія, кле­ве́тъ и ше­пта́­нія, по дѣ́й­ству змíя дре́в­на­го, иско́н­на­го отца́ лжи́, окая́нніи воз­дви­го́­ша на тя́ въ оби́­те­ли до́­блест­на­го Кор­ни́лія. Оба́­че Го­спо́дь, вѣ́­дый из­ба­вля́ти и утѣ­ша́­ти пре­по­до́б­ныя Своя́, обра­ти́ сту́дъ на гла­ву́ вра́гъ тво­и́хъ, тебе́ же на ши­ро­ту́ из­ве­де́, и по­ста́­ви на про­стра́н­ствѣ но́зѣ твои́, Ему́­же при­но­ся́ же́ртву хва­лы́ и бла­го­да­ре́нія, вопія́лъ еси́ вы́ну: Алли­лу́ія.

Икосъ 4

Слы́­ша­ша бли́ж­ніи и да́ль­ніи, отъ днѣ­про́в­скихъ до во́лж­скихъ стра́нъ о бо­гоу­го́д­номъ жи­тіи́ тво­е́мъ, тво­и́хъ по́­дви­зѣхъ и тер­пѣ́ніи мно́­зѣмъ; гра́дъ же Мо­сква́, въ при­ше́­ствіе твое́ съ Се­ра­піо́­номъ и Уа́­ромъ, чудя́щеся, изъ у́стъ тво­и́хъ прія́ про­ре­че́ніе, егда́ ре́клъ еси́ не­по­ро́ч­ной, я́ко а́гни­цѣ су́­щей Ана­ста­сíи: "ты́ еси́ роз­га́ пре­кра́с­ная, вѣн­це́мъ ца́р­скимъ бу́­де­ши бла­гоу­кра́­ше­на", - е́же и сбы́ст­ся во вре́мя свое́. Хва́ляще Бо́га, да́в­ша­го ти́ да́ръ про­зрѣ́­нія, во­піе́мъ:

Ра́дуй­ся, ду́ха про­ро́­че­ства бо­го­му́­дрен­нымъ жи­тіе́мъ стяжа́­вый. Ра́дуй­ся, бла­го­да́тію ду́шу свою́ ожи­ви́­вый и чи­сто­то́ю воз­вы́­си­вый ю́. Ра́дуй­ся, сбы́тіемъ про­ро́­че­ства обра́­до­вав­шій ца́р­ство пра­во­сла́в­ное. Ра́дуй­ся, я́ко руко́ю бла­го­че­сти́­вой Ана­ста­сíи утро́­ша­ся сле́­зы мно́­гихъ. Ра́дуй­ся, я́ко ца­ри́­ца су́щи, дер­жа́в­цу Ру́с­скія зе­мли́ сла́ву во бла­го­че́ст­номъ жи́­телствѣ пріумно́­жи. Ра́дуй­ся, я́ко от­ло­жи́въ во успе́ніи вѣ­не́цъ тлѣ́н­ный, спо­до́­бил­ся еси́ прія́ти вѣ­не́цъ сла́­вы не­скон­ча́­е­мыя. Ра́дуй­ся, я́ко и мно́­зѣмъ же­на́мъ, су́­щимъ въ бо­лѣ́­зни и ско́р­бехъ, по́­мощь и утѣ­ше́ніе по­да­ва́лъ еси́. Ра́дуй­ся, я́ко и не­мощ­нíи мла­де́н­цы не отще­ти́­ша­ся отъ твоея́ по́­мо­щи, но цѣль­бу́ и во́з­ра­ста пре­спѣ́яніе отъ святы́я ра́ки твоея́ полу­чи́­ша. Ра́дуй­ся, я́ко и всѣ́мъ при­те­ка́­ю­щимъ ко гро́бу тво­е­му́ ско́­рый явля́ешися по­мо́щ­никъ.

Ра́дуй­ся, Ген­на́­діе, те́­плый на́шъ къ Бо́гу мо­ли́­твен­ни­че и чу­до­тво́р­че.

Кон­да́къ 5

Бого­те́ч­ной упо­до́­бив­ся звѣз­дѣ́, при­те́клъ еси́ отъ ю́га во стра­ны́ сѣ́­ве­ра, и лу­ча́­ми до­бро­дѣ́­те­лей тво­и́хъ оза­ри́въ пу­сты́­ню Лю­бимо­гра́д­скую, нау­ча́лъ еси́, о́тче, ис­по­вѣ́­да­ти­ся Бо́гу не­бе́с­но­му и пѣ́ти и́ме­ни Его́, зо­ву́­ще: Алли­лу́ія.

Икосъ 5

Ви́дя бла­го­да́ть я́же въ тебѣ́ и да́ръ Свята́го Ду́ха, ца́рь Іо­а́ннъ из­во́­ли, да и ча́да его́ тво­е́ю руко́ю, пре­по­до́б­не, об­новля́ются въ па­ки­бы­тіе́. Мы́ же сла́вяще Бо́га, воз­но­ся́щаго сми­ре́н­ныхъ се́рд­цемъ, и вѣн­ча́­ю­ща­го и́хъ ми́­ло­стію и ще­дро́­та­ми, взы­ва́­емъ:

Ра́дуй­ся, Ген­на́­діе, я́ко ста́р­цы по­слу́­ша тя́ и му́­дріи въ со­вѣ́тъ тво́й вни­до́­ша. Ра́дуй­ся, я́ко и предъ цари́ гла­го́­лалъ еси́ о судь­ба́хъ и оправ­да́ніихъ Го­спо́д­нихъ. Ра́дуй­ся, я́ко сло́­во твое́ бы́сть вы́ну во бла­го­да́­ти, со́лію рас­тво­ре́н­но. Ра́дуй­ся, я́ко ни­ко­ли́­же сло́­во пра́з­дно и гни́­ло изы́­де изъ у́стъ тво­и́хъ, па́че же вся́ бя́ху къ на­зи­да́­нію вѣ́р­ныхъ. Ра́дуй­ся, я́ко бы́лъ еси́ со­су́дъ въ че́сть, освяще́нъ, бла­го­по­тре́­бенъ Вла­ды́­цѣ. Ра́дуй­ся, я́ко со­блю́лъ еси́ та́­ин­ство вѣ́ры въ чи́­стой со́­вѣ­сти. Ра́дуй­ся, я́ко пре­бы́лъ еси́ во и́сти­нѣ бла­го­вѣст­во­ва́нія. Ра́дуй­ся, я́ко а́н­гелу-бла­го­вѣ́ст­нику упо­до́­бил­ся еси́, пред­ре́къ сла́ву Ана­ста­сíи, о не́й­же воз­ве­се­ли́­ша­ся бо­га́тіи и убо́­зіи.

Ра́дуй­ся, Ген­на́­діе, те́­плый на́шъ къ Бо́гу мо­ли́­твен­ни­че и чу­до­тво́р­че.

Кон­да́къ 6

Пустынно­жи́­тель­ство­ва­вый на Сви́­рѣ рѣцѣ́ пре­по­до́б­ный Алек­са́ндръ, ра́­дост­но прія́тъ тя́ съ со­дру́­гомъ тво­и́мъ Ѳе­о́­до­ромъ, и про­зор­ли́­вецъ сы́й, пред­по­ка­за́ въ тебѣ́ бла­га́­го и му́­дра­го и́но­че­ствую­щимъ вождя́ и на­ста́в­ни­ка. Слы́­шав­шіи та­ко­ва́я про­ре­че́нія, про­сла́­ви­ша Го́­спо­да, гла­го́­лю­ще: Алли­лу́ія.

Икосъ 6

Возсія́, я́ко звѣз­да́ у́трен­няя, и я́ко луна́ пол­на́ во днѣ́хъ сво­и́хъ, сла́­ва по́­дви­говъ, тру­жде́нія и тер­пѣ́нія тво­е­го́: пу­сты́ня бо воз­вѣ­сти́ о тебѣ́, и до­бро­дѣ́­те­ли твоя́ о́крестъ жи­ву́­щимъ по­вѣ́­да. Сего́ ра́ди я́коже о́ни, та́­ко­жде и мы́ бла­го­да­ря́ще Бо́га, во­піе́мъ ти́:

Ра́дуй­ся, пре­зрѣ́­вый сла́ву мíра, ища́ Бо́жія сла́­вы. Ра́дуй­ся, сбы­тіе́ про­ро́­че­ства, е́же о тебѣ́, до́­брѣ по­ка­за́­вый. Ра́дуй­ся, яви́­вый­ся при́­сный ре­вно­ва́­тель пре­по­до́б­нымъ Алек­са́ндру и Кор­ни́лію. Ра́дуй­ся, сре­ди́ жи­те́й­скихъ обу­ре­ва́­ній обрѣ­ты́й ти́­хое при­ста́­ни­ще. Ра́дуй­ся, пу­сты́­ню и е́зе­ро освяти́­вый ан­ге­ло­по­до́б­нымъ жи́­тель­ствомъ тво­и́мъ. Ра́дуй­ся, по­ло­жи́­вый ос­но­ва́ніе тве́р­до оби́­те­ли тво­е́й, и мо­ли́­тва­ми тво­и́­ми огра­ди́­вый ю́. Ра́дуй­ся, о́бразъ чест­на́­го жи́­телства и́но­комъ со­бо́ю да́­вый. Ра́дуй­ся, сло́­вомъ и дѣ́­ломъ на­ка­за́­вый буія́ и стро­пти́­выя. Ра́дуй­ся, за­блу́жд­шихъ на­ста́в­ни­че и всѣ́хъ при­те­ка́­ю­щихъ къ тебѣ́ ско́­рый въ бѣ­да́хъ по­мо́щ­ни­че.

Ра́дуй­ся, Ген­на́­діе, те́­плый на́шъ къ Бо́гу мо­ли́­твен­ни­че и чу­до­тво́р­че.

Кон­да́къ 7

Про­сла́­ви­ти хотя́ пу­сты́­ню не­про­хо́д­ную и про­свѣ­ти́­ти сидя́щія во тмѣ́ и сѣ́ни сме́рт­нѣй, все­бла­гíй Бо́гъ, дер­жа́в­нымъ ма́ніемъ Ва­си́лія Іо­а́н­но­ви­ча ука­зу́­етъ ти́ мѣ́­сто, да со­зи́­жде­ши ол­та́рь Бо́­го­ви и се­ле́ніе ис­по­вѣ́­да­ю­щимъ и́мя свято́е Его́. Ты́ же, Го́­спо­ду спо­спѣ­ше­ству́­ю­щу, сія́ со­дѣ́­лавъ, съ со́н­момъ по­дви́ж­ни­ковъ и со всѣ́­ми, и́же ви́­дѣ­ша бла­го­сло­ве́ніе на дѣ́­лѣхъ ру́къ тво­и́хъ, вос­пѣ́лъ еси́: Алли­лу́ія.

Икосъ 7

Но́вый и ди́в­ный зло­че́­стія об­ли­чи́­тель яви́лся еси́, пре­по­до́б­не, егда́ свято­та́т­ствен­ную про­сте́р­ша­го ко ол­та­рю́ ру́ку, раз­сла­бле́ніемъ на­ка­за́лъ еси́; егда́ же ис­по­вѣ́­да грѣ́хъ сво́й предъ то­бо́ю, и въ ра­ска́яніе пріи́­де, того́ бла­го­да́т­ною си́­лою ис­цѣ­ли́лъ еси́, и на пу́ть спа­се́нія на­ста́­вилъ еси́. Сего́ ра́ди па́мять твою́, уго́д­ни­че Бо́жій, че́­ству­ю­ще, зо­ве́мъ ти́ си́це:

Ра́дуй­ся, зло­че́­стія об­ли­чи́­те­лю. Ра́дуй­ся, ка́­ю­щих­ся во грѣ­сѣ́хъ сво­и́хъ утѣ́­ши­те­лю. Ра́дуй­ся, за­блу́жд­шихъ на­ста́в­ни­че. Ра́дуй­ся, мо­ли́­тва­ми тво­и́­ми по­да­ва́яй ис­цѣ­ле́ніе тѣ­ле́с­ное, вку́­пѣ же и ду­ше́в­ное. Ра́дуй­ся, за­сту́п­ни­че­ствомъ тво­и́мъ низ­ла­га́яй де́­мон­ская воз­ста́нія. Ра́дуй­ся, бла­го­да́тію я́же въ тебѣ́ по­да­ва́яй си́лы къ жи­во­ту́ и бла­го­че́­стію. Ра́дуй­ся, свы́­ше да́н­ною ти́ пре­му́­дро­стію умудря́яй не­раз­у́м­ныя. Ра́дуй­ся, я́ко всѣ́мъ при­те­ка́­ю­щимъ къ тебѣ́ съ вѣ́­рою, при́­сно по­да­е́­ши утѣ­ше́ніе и ра́­до­ва­ніе.

Ра́дуй­ся, Ген­на́­діе, те́­плый на́шъ къ Бо́гу мо­ли́­твен­ни­че и чу­до­тво́р­че.

Кон­да́къ 8

Стра́н­ное чу́до яви́ся, егда́ не­мощ­ству́­ю­щій боля́ринъ Бо­ри́съ, прія́въ съ бла­го­го­вѣ́ніемъ по́­сохъ отъ руки́ твоея́, пре­по­до́б­не, здра́въ бы́сть. Іе­ре́й же Ва­си́лій, го́р­дост­но пре­зрѣ́въ прія́тый отъ пре­по­до́б­на­го да́ръ, и по­ве́ргъ о́ный, тя́жко иску­ше́нъ бы́сть; по­зна́въ же грѣ́хъ сво́й, и при­не́с­ши покая́ніе Бо́гу, про­сла́­ви пра́­вду Его́, и уго́д­ни­ка Его́, вопія́: Алли­лу́ія.

Икосъ 8

Ве́сь у́мъ впе­ри́въ въ го́рняя, Еди́­на­го, иску́пль­ша­го на́съ Го́­спо­да воз­лю­би́лъ еси́, Тому́ по­слѣ́­до­валъ еси́ и Того́ я́звы на тѣ́лѣ сво­е́мъ но­си́лъ еси́, съ Ни́м­же и про­слав­ля́ешися дне́сь. Сего́ ра́ди вос­хва­ля́емъ тя́:

Ра́дуй­ся, обрѣ­ты́й пре­му́­дрость, ю́же ни­кто́­же отъ князе́й вѣ́ка сего́ разу­мѣ́. Ра́дуй­ся, не ду́ха мíра сего́ прія́вый, но Ду́ха Иже отъ Бо́га. Ра́дуй­ся, вѣ́­рою уразу­мѣ́­вый та́й­ны су­де́бъ Бо́жіихъ. Ра́дуй­ся, по­ка­за́­вый вѣ́ру твою́ не въ му́­дро­сти че­ло­вѣ́­че­стѣй, но въ си́лѣ Бо́жіей. Ра́дуй­ся, я́ко гра́­да не­бе́с­на­го взы­ска́лъ еси́. Ра́дуй­ся, я́ко къ Іеру­са­ли́му не­бе́с­но­му во­сте́клъ еси́. Ра́дуй­ся, я́ко на ве́­че­рю бра́­ка Агнча зва́нъ еси́. Ра́дуй­ся, не къ тому́ себѣ́ по­жи́въ, но Бо́­го­ви, дне́сь во Ца́рствіи Его́ вселя́ешися.

Ра́дуй­ся, Ген­на́­діе, те́­плый на́шъ къ Бо́гу мо­ли́­твен­ни­че и чу­до­тво́р­че.

Кон­да́къ 9

Вся́кими ду­хо́в­ны­ми да­ро­ва́ніями укра́­шенъ, вся́кія цѣль­бы́ по­да́­тель яви́лся еси́, бла­же́н­не. Тѣ́м­же хва́ляще и бла­го­да­ря́ще Бо́га, во­піе́мъ: Алли­лу́ія.

Икосъ 9

Витíи не­мо́л­ство­ваху и му́­дріи вѣ́ка сего́ изу­мѣ­ва́хуся, ви́дяще, ка́ко бѣ́сный, лю́тѣ стра­жда́й, и пу́ты же­лѣ́зны­ми свя́занъ сы́й, предъ гро́­бомъ тво­и́мъ, пре­по­до́б­не, а́біе ис­цѣ­лѣ́ и воз­да­де́ хва­лу́ Бо́­го­ви, ди́в­но­му во святы́хъ Сво­и́хъ. Та́яжде творя́ще, и мы́ гла­го́­лемъ:

Ра́дуй­ся, си́лы мно́­ги со­тво­ри́­вый. Ра́дуй­ся, де́­мон­скія со­про­тиву­во­ста́нія ни во что́­же вмѣ­ни́­вый. Ра́дуй­ся, об­дер­жи́­мыхъ лю́­ты­ми не­ду́­га­ми увра­че­ва́­вый. Ра́дуй­ся, без­у­тѣ́ш­нымъ утѣ­ше́ніе и ра́­дость о Го́­спо­дѣ по­да́­вый. Ра́дуй­ся, омра­че́н­ныхъ умо́мъ въ ра́зумъ и́сти­ны при­ве­ды́й. Ра́дуй­ся, отъ сер­де́ч­на­го ока­ме­нѣ́нія и не­че́­стія мно́­гихъ обра­ти́­вый къ Бо́гу. Ра́дуй­ся, я́ко не­мощ­ству́­ю­щимъ ду́­хомъ и тѣ́­ломъ про­сте́рлъ еси́ ру́ку по́­мо­щи. Ра́дуй­ся, я́ко без­на­де́ж­ныхъ и отча́янныхъ су́­щихъ, утвер­ди́лъ еси́ во упо­ва́ніи на Бо́га жи́ва и и́стин­на.

Ра́дуй­ся, Ген­на́­діе, те́­плый на́шъ къ Бо́гу мо­ли́­твен­ни­че и чу­до­тво́р­че.

Кон­да́къ 10

Спа­се́нія искíй, я́ко би́­се­ра мно­го­цѣ́н­на­го, и къ Бо́гу ду­ше́ю воз­жа­да́въ, я́коже еле́нь на исто́ч­ни­ки вод­ны́я, ни­что́­же зем­но́е въ себѣ́ по­мыш­ля́лъ еси́; ра­бо́­тая же Го́­спо­ду со стра́­хомъ и ра́дуяся предъ Ни́мъ съ тре́­пе­томъ, спо­до́­бил­ся еси́, бла­же́н­не, съ ли́ки из­бра́н­ныхъ пред­стоя́ти пре­сто́лу Царя́ Сла́­вы, и при́­сно вос­пѣ­ва́­ти: Алли­лу́ія.

Икосъ 10

Стѣна́ и при­бѣ́­жи­ще бы́лъ еси́, Ген­на́­діе, въ вѣ́цѣ се́мъ: въ пу­сты́­ню бо, въ не́й­же вос­хо­тѣ́лъ еси́ во­дво­ри́­ти­ся, къ тебѣ́ при­те­ка́­ху сла́в­ніи зе­мли́, бо­га́тіи и убо́­зи, во­жде­лѣ­ва́­ю­ще, да пріи́мутъ отъ руки́ твоея́ бла­го­сло­ве́ніе, да сло́­во у́стъ тво­и́хъ утѣ́­шитъ, и мо­ли́­тва твоя́ огра­ди́тъ и́хъ отъ вра́гъ ви́­ди­мыхъ и не­ви́­ди­мыхъ; и мы́ та́­ко­жде, при­те­ка́­ю­ще вѣ́­рою къ ра́цѣ тво­е́й, и моля́ще о за­ступле́ніи на́съ, грѣ́ш­ныхъ и не­клю­чи́­мыхъ ра́бъ, во­піе́мъ:

Ра́дуй­ся, я́ко стра­сте́й воз­ста́ніе по­бѣ­ди́лъ еси́. Ра́дуй­ся, я́ко при­зы­ва́­ю­щихъ тя́ пред­ва­ри́лъ еси́ въ де́нь оз­ло­бле́нія. Ра́дуй­ся, я́ко по­то­п­ля́­е­мыхъ на­па́­стей бу́­рею, из­хи­ти́лъ еси́ изъ пу­чи́­ны зо́лъ. Ра́дуй­ся, я́ко вла́­е­мыхъ вол­на́­ми жи­те́й­скихъ по­пе­че́ній, къ ти́­хому при­ста́­ни­щу упра́­вилъ еси́. Ра́дуй­ся, и́щу­щихъ Ца́рствія не­бе́с­на­го и пра́­вды его́, мо­ли́­тва­ми тво­и́­ми утвер­жда́яй на ка́­ме­ни за́­по­вѣ­дей Го­спо́д­нихъ. Ра́дуй­ся, оби́­те­ли твоея́ сто́л­пе и утвер­жде́ніе. Ра́дуй­ся, по­дви­за́­ю­щих­ся во бла­го­че́­стіи не­у­сы́п­ный спо­мо́щ­ни­че. Ра́дуй­ся, покая́нныя сле́­зы про­ли­ва́­ю­щихъ ко Го́­спо­ду со­мо­ли́­твен­ни­че.

Ра́дуй­ся, Ген­на́­діе, те́­плый на́шъ къ Бо́гу мо­ли́­твен­ни­че и чу­до­тво́р­че.

Кон­да́къ 11

Пѣ́ніе и сла­во­сло́­вія, по́­дви­ги и мо­ли́­твен­ныя тру­жде́нія, па́че же все­го́ себе́ при­не́слъ еси́, пре­по­до́б­не, въ же́ртву жи́ву, свя́ту, бла­гоу­го́д­ну Бо́­го­ви. Сего́ ра́ди, стяжа́въ бла­же́н­ное без­сме́р­тіе, въ чер­то́­гѣ Царя́ Сла́­вы, съ тма́­ми те́мъ без­пло́т­ныхъ си́лъ ли­ков­ству́я, вос­пѣ­ва́­е­ши: Алли­лу́ія.

Икосъ 11

Свѣ­то­за́р­ной звѣз­дѣ́ упо­до́­бив­ся, отъ Мо­ги­ле́­ва гра́­да, отъ пре­дѣ́лъ Дне­про́в­скихъ, а́мо­же пе́р­віи возсія́ша, по­сре­ди́ и́доль­ска­го не­че́­стія, лучи́ бла­го­да́т­ныя вѣ́ры, при­те́клъ еси́, да и во мра́­цѣ пу­сты́­ни Ко­стром­скíя у́зрятъ лю́діе сла́ву Бо́жію и чу­де­са́ Его́ по­вѣ́дятъ. Сія́ у́бо зри́мъ ны́нѣ, и сла́вяще Бо́га, гла­го́­лемъ:

Ра́дуй­ся, на­пои́­вый себе́ струя́ми во́дъ бла­го­да́т­ныхъ. Ра́дуй­ся, утвер­ди́­вый себе́ въ вѣ́рѣ, е́юже про­свѣ­ти́­ся рав­ноа­по́­столь­ный ве­ли́кій кня́зь Вла­ди́­міръ. Ра́дуй­ся, осія́нный бла­го­сло­ве́ніемъ святы́я Аѳо́н­скія горы́, по­чи­ва́­ю­щимъ на оби́­те­ли Ан­то́нія и Ѳе­о­до́­сія, Пе­че́р­скихъ чу­до­тво́рцевъ. Ра́дуй­ся, и́хъ жи­тію́ по­дра­жа́­вый. Ра́дуй­ся, я́ко оста́вль бо­га́т­ство и сла́ву до́ма о́т­чаго, пу­сты́­ню воз­лю­би́лъ еси́. Ра́дуй­ся, я́ко хла́дъ и зно́й и вся́ку тяготу́ по­не́слъ еси́. Ра́дуй­ся, я́ко пору­га́нія и оз­ло­бле́нія, Го́­спо­да ра́ди, пре­тер­пѣ́лъ еси́. Ра́дуй­ся, я́ко въ тер­пѣ́ніи мно́­зѣ стяжа́въ ду́шу свою́, жи­во́тъ вѣ́ч­ный на­слѣ́­до­валъ еси́.

Ра́дуй­ся, Ген­на́­діе, те́­плый на́шъ къ Бо́гу мо­ли́­твен­ни­че и чу­до­тво́р­че.

Кон­да́къ 12

Бла­го­да́ть и си́лу да́н­ную ти́ отъ Бо́га, е́же цѣ­ли́­ти не­мощ­ству́­ю­щія ду́­хомъ, не­мощ­ству́­ю­щія тѣ́­ломъ, е́же спа­са́­ти по­ги­ба́­ю­щихъ и из­ба­вля́ти отъ лю́­тыхъ обстоя́ній, дая́ти же дая́нія бла­га́я, съ вѣ́­рою и лю­бо́­вію при­те­ка́­ю­щимъ къ тебѣ́, зна́­мень­ми и чу­де­сы́ нау­че́­ни су́ще, свѣ́­мы. Тѣ́м­же мо́­лим­ся ти́, пре­по­до́б­не, мо­ли́ся о на́съ, я́ко скобь­ми́, па́че же мно́­ги­ми грѣх­ми́ об­дер­жи́­ми есмы́ вы́ну, да хо­да́­тай­ствомъ тво­и́мъ улу­чи́в­ше спа­се́ніе, вос­по­е́мъ Го́­спо­де­ви: Алли­лу́ія.

Икосъ 12

Пою́ще и пре­воз­но­ся́ще Бо́га, ди́в­на­го во святы́хъ Сво­и́хъ, бла­го­лѣ́п­но че́­ствуемъ святу́ю па́мять твою́, уго́д­ни­че: еще́ бо во днѣ́хъ пло́­ти твоея́ чу­до­дѣ́й­ствен­ныя бла­го­да́­ти бы́лъ еси́ при­ча́ст­никъ, по бла­же́н­номъ успе́ніи тво­е́мъ на­слѣ́д­ствуя съ ли́ки святы́хъ вѣ́ч­ную жи́знь, мо́­ли­ши о чту́­щихъ тя́. Сего́ ра́ди во­піе́мъ:

Ра́дуй­ся, про­сла́­ви­вый Бо́га въ души́ и тѣ­ле­си́ сво­е́мъ. Ра́дуй­ся, я́ко сла́­вы отъ че­ло­вѣ́къ не прія́лъ еси́, сла́­ва же Го­спо́д­ня осія́ тя́. Ра́дуй­ся, я́ко оби­та́я въ не­бе́с­ныхъ се­ле́ніяхъ, не остав­ля́еши на́съ хо­да́­тай­ствомъ и за­сту́п­ни­че­ствомъ тво­и́мъ. Ра́дуй­ся, я́ко на­дѣ́­ю­ще­ся на тя́, воз­сы­ла́­емъ мо­ли́­твы на́ши и то­бо́ю хва́­лим­ся. Ра́дуй­ся, я́ко на­де́­жда при­те­ка́­ю­щихъ къ ра́цѣ тво­е́й съ вѣ́­рою, ни­ко­ли́­же по­сра­ми́­ся. Ра́дуй­ся, я́ко ста́р­цы и мла­де́н­цы воз­ра́­до­ва­ша­ся о тебѣ́. Ра́дуй­ся, я́ко при́­сный хра­ни́­тель еси́ Лю­бимо­гра́д­скія стра­ны́, спо­до́бль­шіяся хра­ни́ть святы́я мо́щи твоя́. Ра́дуй­ся, я́ко па́мять твоя́ во бла­го­сло­ве́ніи и чу­де­са́ твоя́ воз­вѣ­ща́­ют­ся въ ро́ды ро­до́въ.

Ра́дуй­ся, Ген­на́­діе, те́­плый на́шъ къ Бо́гу мо­ли́­твен­ни­че и чу­до­тво́р­че.

Кон­да́къ 13

О, свя́тче Бо́жій и чу­до­тво́р­че, пре­по­до́б­не Ген­на́­діе! Пріи­ми́ мо­ли́­твы и бла­го­хва­ле́нія на́ша, при­но­си́­мыя тебѣ́ дне́сь, по достоя́нію, и не за­бу́­ди на́съ при­те­ка́­ю­щихъ къ тебѣ́, и и́щу­щихъ по́­мо­щи твоея́ и за­ступле́нія. Па́че же бу́ди хо­да́­тай на́шъ предъ Бо́­гомъ, да от­бѣ́г­ше не­че́­стія, и из­ба́вль­ше­ся отъ вся́каго зла́­го обстоя́нія, спо­до́­бим­ся на­слѣ́­ди­ти Ца́р­ство не­бе́с­ное, и та́мо съ ли́ки святы́хъ, сла́­ви­ти Отца́ и Сы́на и Свята́го Ду́ха, и во вся́ вѣ́ки вос­пѣ­ва́­ти предъ Ни́мъ: Алли­лу́ія.

Се́й кон­да́къ гла­го́­лет­ся три́­жды. Та́же Икосъ 1-й и Кон­да́къ 1-й

Мо­ли́­тва пре­по­до́б­но­му отцу́ на́­шему Ген­на́­дію, Лю­бимо­гра́д­ско­му чу­до­тво́р­цу

Избра́н­ни­че Бо́жій и чу­до­тво́р­че, пре­по­до́б­ный о́тче Ген­на́­діе! Отъ ю́но­сти твоея́ ис­по́л­ненъ сы́й ду́ха пре­му́­дро­сти и ра́зу­ма, ду́ха бла­го­че́­стія и стра́­ха Го­спо́д­ня, и пріи́мъ вся́ ору́жія Бо́жія, препоя́савъ чре́­сла твоя́ и́сти­ною, обо́лк­ся въ броня́ пра́­вды и обу́въ но́зѣ во уго­то́­ва­ніе бла­го­вѣст­во­ва́нія ми́ра, надъ всѣ́­ми же вос­пріи́мъ щи́тъ вѣ́ры, воз­мо́глъ еси́, я́ко до́бръ во́­инъ Хри­сто́въ, вся́ стрѣ́­лы лу­ка́­ва­го раз­жже́­ныя уга­си́­ти. Сего́ ра́ди, во­дво­ря́яся дне́сь, съ ли́ки без­пло́т­ныхъ си́лъ, въ оби́­теляхъ Отца́ Не­бе́с­на­го, неувяда́­е­мымъ вѣн­це́мъ увязе́нъ еси́, и пред­стоя́ пре­сто́лу Царя́ Сла́­вы Го́­спо­да си́лъ, и́ма­ши дер­зно­ве́ніе воз­но­си́­ти къ Нему́ мо­ле́нія и бла­го­хва­ле́нія твоя́. Мы́ же окая́нніи, воз­во­дя́ изъ глу­би­ны́ зо́лъ о́чи и серд­ца́ на́ша къ го́р­не­му Сіо́ну, жи­ли́­щу Бо́га Іа́­ковля, мо́­лимъ тя́, пре­по­до́б­не Ген­на́­діе: бу́ди за­сту́п­ни­комъ и хо­да́­та­емъ на́­шимъ предъ Бо́­гомъ и Го́­спо­демъ на́­шимъ, Судіе́ю пра́­вед­нѣй­шимъ, Его́­же вы́ну про­гнѣвля́емъ, со­грѣ­ша́­ю­ще предъ Ни́мъ. И я́коже во дни́ пло́­ти своея́, ди́в­ная и пре­сла́в­ная со­вер­ши́лъ еси́, о́тче все­хва́ль­не, та́ко и ны́нѣ пре­ше́дъ отъ на́съ въ оби́­те­ли Отца́ Не­бе́с­на­го уди­ви́ хо­да́­тай­ствомъ сво­и́мъ ми́­лость Го­спо́д­ню на на́съ; да от­бѣ́г­ше не­че́­стія и мір­ски́хъ по́­хо­тей, Бо́­го­ви же бла­гоу­го­ди́в­ше, обря́щемъ по́­мощь Его́ во вре́мя бла­го­по­тре́б­но, и бла­го­сло­ве́ніе на ны́ и на дѣла́ ру́къ на́­шихъ, и да спо­до́­битъ на́съ на­слѣ́­ди­ти Ца́р­ство Не­бе́с­ное, и съ ли́ки святы́хъ сла́­ви­ти и вос­пѣ­ва́­ти пре­чест­но́е и ве­ли­ко­лѣ́­пое и́мя Отца́ и Сы́на и Свята́го Ду́ха, ны́нѣ и при́­сно, и во вѣ́ки вѣ­ко́въ. Ами́нь.

Тро­па́рь, гла́съ 4

Яко пу­стынно­лю­би́­вая го́р­ли­ца, отъ су́­ет­на­го и мно­го­мяте́ж­на­го мíра въ пу­сты́­ню уда­ли́в­ся, чи­сто­то́ю и го­вѣ́ніемъ, мо­ли́­тва­ми и тру­жде́ніемъ про­сла́­вилъ еси́ Бо́га въ душѣ́ и тѣ­ле­си́ сво­е́мъ. И та́ко бла­го­че́ст­но по­жи́въ, яви́лся еси́, пре­по­до́б­не Ген­на́­діе, пу­сты́­ни Лю­бимо­гра́д­скія укра­ше́ніе, и́но­комъ чест­на́­го житія́ о́бразъ и те́­плый мо­ли́­твен­никъ за всѣ́хъ, при­те­ка́­ю­щихъ къ ра́цѣ тво­е́й съ вѣ́­рою.

Кон­да́къ, гла́съ 3

Моли́твою и по­сто́мъ, тру­жде́ніемъ и тер­пѣ́ніемъ умер­тви́­вый вся́кое пло́­ти му­дро­ва́ніе, чи­сто­ты́ со­су́дъ бла­го­лѣ́­пенъ, Бо­же́­ствен­ныхъ да­ро́въ и чу­де́съ при­ча́ст­никъ, и́но­комъ же до́блій на­ста́в­никъ бы́лъ еси́, спо­дви­за́яся бла­же́н­но­му Кор­ни́лію, о́тче бо­го­му́­дре. Сего́ ра́ди во­піе́мъ: мо­ли́ся ко Го́­спо­ду, да мо­ли́­тва­ми тво­и́­ми да́руетъ ми́ръ и спа­се́ніе ду­ша́мъ на́­шимъ.

Ве­ли­ча́­ніе

Убла­жа́­емъ тя́, пре­по­до́б­не о́тче Ген­на́­діе, и чте́мъ святу́ю па́мять твою́, на­ста́в­ни­че мо­на́­ховъ и со­бе­сѣ́д­ни­че а́н­ге­ловъ.