Кон­да́къ 1

Воз­бра́н­ный чу­до­тво́р­че и изря́дный уго́д­ни­че Хри­сто́въ, всѣ́мъ съ вѣ́­рою при­хо­дя́щимъ исто­ча́яй мно­го­цѣ­ле́б­ныя да́ры, по­хва́ль­ная во­с­пи­су́­емъ ти́, творя́щіи все­чест­ну́ю па́мять твою́, ты́ же, я́ко имѣ́я дер­зно­ве́ніе ко Го́­спо­ду, моли́ спа­сти́­ся ду­ша́мъ на́­шимъ, да зо­ве́мъ ти́:

Ра́дуй­ся, Ѳе­о­до́­сіе, ве­ли́кій чу­до­тво́р­че.

Икосъ 1

Ангель­ское твое́ во пло́­ти жи­тіе́ про­ви́­дѣвъ всея́ тва́­ри Со­зда́­тель, отъ ю́но­сти уго­то́­ва тя́ въ жи­ли́­ще Себѣ́, Его́ же тя́ оби­та́­ли­щемъ бы́ти увѣ́­дѣв­ше, по­хва́ль­ная во­с­пи­су́­емъ ти́:

Ра́дуй­ся, бла­го­че­сти́­выхъ ро­ди́­те­лей бла­го­прія́тное ис­про­ше́ніе; ра́дуй­ся, отъ бла­го­че­сти́­ва­го ко́­ре­не о́трасль святѣ́й­шая. Ра́дуй­ся, отъ ю́но­сти твоея́ Бо́гу по­слу­жи́­вый; ра́дуй­ся, воз­дер­жа́ніемъ а́н­ге­ловъ уди­ви́­вый. Ра́дуй­ся, въ мо­ли́­твахъ те́­плый пред­ста́­те­лю; ра́дуй­ся, скорбя́щихъ сла́д­кое утѣ­ше́ніе. Ра́дуй­ся, прося́щимъ ско́­рый по­мо́щ­ни­че; ра́дуй­ся, боля́щимъ ско́­рый и без­ме́з­дный вра­чу́. Ра́дуй­ся, зем­ны́й а́н­ге­ле; ра́дуй­ся, не­бе́с­ный че­ло­вѣ́­че. Ра́дуй­ся, со­су́­де из­бра́н­ный Ду́ха Свята́го; ра́дуй­ся, тѣ­ле́съ на́­шихъ здра́­вія и ду́шъ спа­се́нія хо­да́­тай.

Ра́дуй­ся, Ѳе­о­до́­сіе, ве­ли́кій чу­до­тво́р­че.

Кон­да́къ 2

Ви́дя тще­ту́ мір­ски́хъ по­пе­че́ній, бла­же́н­не Ѳе­о­до́­сіе, жи́знь твою́ не мíрови, но Бо́гу посвяти́лъ еси́, сего́ ра́ди оста́­вивъ до́мъ ро­ди́­те­лей тво­и́хъ, во­дво­ри́л­ся еси́ съ ра­бо́­та­ю­щи­ми Бо́гу во и́но­че­скомъ жи­тіи́, во е́же не­пре­ста́н­но и бла­го­прія́тно во­пи́­ти Ему́: Алли­лу́ія.

Икосъ 2

Ра́зумъ плот­ско́му че­ло­вѣ́ку не­раз­у­мѣ́н­ный отъ ю́но­сти твоея́ стяжа́­вый, пре­по­до́б­не о́тче Ѳе­о­до́­сіе, го́рняя му́др­ство­валъ еси́, а не зем­на́я, тѣ́м­же взы­ва́­емъ ти́:

Ра́дуй­ся, му́­дро­сти не­бе́с­ная жи­ли́­ще; ра́дуй­ся, тер­пѣ́нія ада­ма́н­те. Ра́дуй­ся, бра­то­лю́­бія зер­ца́­ло; ра́дуй­ся, и́но­ковъ пра́­ви­ло. Ра́дуй­ся, на скри­жа́­ли се́рд­ца тво­е­го́ за­ко́нъ Бо́жій на­пи­са́­вый; ра́дуй­ся, са́мъ себе́ и ве́сь жи­во́тъ тво́й Хри­сту́ Бо́гу пре­да́­вый. Ра́дуй­ся, у́мъ тво́й къ не­бе­си́ впе­ри́­вый; ра́дуй­ся, стра́хъ Бо́жій въ се́рд­цѣ тво­е́мъ до кон­ца́ со­хра­ни́­вый. Ра́дуй­ся, вмѣ́­сто тлѣ́н­ныхъ не­тлѣ́н­ная стяжа́­вый; ра́дуй­ся, го́р­дость мірску́ю по­пра́­вый. Ра́дуй­ся, Ду́­хомъ Святы́мъ нау­че́н­ный; ра́дуй­ся, не­кни́ж­ный па́че кни́ж­ныхъ про­свѣ­ще́н­ный.

Ра́дуй­ся, Ѳе­о­до́­сіе, ве­ли́кій чу­до­тво́р­че.

Кон­да́къ 3

Си́ла Вы́шняго осѣ­ни́ твое́ се́рд­це, пре­по­до́б­не о́тче Ѳе­о­до́­сіе, я́ко тебе́, въ Спа­си́­те­ле­вой оби́­те­ли Бо́га ра́ди не­у­сы́п­но по­тру­ди́в­ша­ся, и къ чу­до­тво́р­нѣй ра́цѣ пре­по­до́б­на­го Ди­ми́­трія не­лѣ́­ност­но при­па­да́в­ша, яви́ соу­ча́ст­ни­ка святы́ни его́, съ ни́мъ же и ны́нѣ во­дво­ря́ешися въ го́р­нѣй оби́­те­ли, ди́в­но­му во святы́хъ Сво­и́хъ Бо́гу все­гда́ вопія́: Алли­лу́ія.

Икосъ 3

Имѣ́яй тя́, о́тче Ѳе­о­до́­сіе, пре­по­до́б­ный Ди­ми́­трій При­лу́цкій, па́че про́­чихъ из­бра́н­на и лю­бе́з­на, преду­го­то́­ва тя́ къ вя́щ­шимъ по́­дви­гомъ спа­си́­тель­нымъ, егда́ отъ ме­ждоу­со́­бія россíйскихъ вельмо́жъ, и отъ ка­за́н­скихъ та­та́ръ и че­ре­ми́съ, мно́­гія ско́р­би, иму́щія бы́ти пред­ре­че́, та́же по­бѣ́ду надъ о́ны­ми и ко­не́ч­ное раз­зо­ре́ніе ца́р­ства Ка­за́н­ска­го про­воз­вѣ­сти́, да и ты́ съ ни́мъ пред­ста́­не­ши ко Го́­спо­ду съ те́­плымъ сво­и́мъ пред­ста́­тель­ствомъ. Мы́ же, вѣ́ду­ще вся́ сбы́в­шаяся, и уразу­мѣ́в­ше тя́ крѣ́п­ка мо­ли́­твен­ни­ка о ду­ша́хъ на́­шихъ, во­піе́мъ ти́:

Ра́дуй­ся, во пло́­ти удо­сто́ен­ный со­бе­сѣ́­до­ва­нія со святы́мъ Ди­ми́­тріемъ; ра́дуй­ся, ве­ли́кій бла­го­че́­стія сто́л­пе. Ра́дуй­ся, зер­ца́­ло со­вер­ше́н­на­го тер­пѣ́нія; ра́дуй­ся, міро­лю́б­цевъ об­ли­чи́­те­лю. Ра́дуй­ся, сла­сто­лю́б­цевъ на­ка­за́­те­лю; ра́дуй­ся, вра­жде́б­ныхъ ис­пра́­ви­те­лю. Ра́дуй­ся, ма­ло­ду́ш­ныхъ утѣ́­ши­те­лю; ра́дуй­ся, къ воз­дер­жа́нію путе­во­ди́­те­лю. Ра́дуй­ся, тре́з­вен­на­го житія́ на­ста́в­ни­че; ра́дуй­ся, во уны́­ніи за­кос­нѣ­ва́­ю­щихъ ис­пра́­ви­те­лю. Ра́дуй­ся, мно́­гихъ ко Го́­спо­ду обра­ти́­вый; ра́дуй­ся, ко́з­ни лу­ка́­ва­го ра­зо­ри́­вый.

Ра́дуй­ся, Ѳе­о­до́­сіе, ве­ли́кій чу­до­тво́р­че.

Кон­да́къ 4

Бу́ря я́­ро­сти и звѣ́р­ство без­бо́ж­ныхъ, мно́­гихъ бра́тіи твоея́ злѣ́ истор­га́я жи́знь при о́чію тво­е́ю, ве́лію при­чи­ни́ тебѣ́ ско́рбь и тѣ­сно­ту́. Оба́­че ты́, я́ко до́блій во́­инъ Хри­сто́въ, му́­же­ствен­но мо­ли́­твою себе́ воору­жа́я, подъ уда́­ра­ми зло́­бы не из­мѣ­ни́л­ся еси́, все­гда́ вопія́ Бо́гу: Алли­лу́ія.

Икосъ 4

Слы́­шавъ игу́­менъ отъ бра́тіи твое́ тер­пѣ­ли­во­ду́ш­ное въ без­мо́л­віи жи­тіе́, пре­бла­же́н­не, по рас­хи­ще́ніи по­га́­ны­ми, а́ще и не хотя́ща отлу­чи́­ти­ся святы́я оби́­те­ли, вос­хо­тѣ́ по­сла́­ти тя́ во гра́дъ То́ть­му на стро­е́­ніе со­ле­на́­го ва­ре́нія. Ты́ же, апо́­столь­ски­ми сто­па́­ми по­слу­ша́­нія ра́ди ше́­ство­вавъ, пу́ть тво́й до́­брѣ со­вер­ши́лъ еси́, сего́ ра́ди срѣ­та́­емъ тя́ при­вѣ́т­ствіи си́ми:

Ра́дуй­ся, и́го Хри­сто́­во и бре́мя Его́ по­не́с­шій из­мла́­да; ра́дуй­ся, не обра­ти́­вый­ся вспя́ть въ ше́­ствіи до го́рняго гра́­да. Ра́дуй­ся, во умерщ­вле́ніи стра­сте́й до́­брѣ по­дви­за́­вый­ся; ра́дуй­ся, въ ду­хо́в­номъ му́­же­ствѣ съ дре́в­ни­ми отца́­ми срав­не́н­ный. Ра́дуй­ся, мо­ли́­тва­ми тво­и́­ми ди́в­ная со­тво­ри́­вый; ра́дуй­ся, го­спо́д­ствію ду́ха пло́ть по­ко­ри́­вый. Ра́дуй­ся, ми́­ромъ не­бе́с­нымъ пріо­сѣ­не́н­ный; ра́дуй­ся, дол­го­тер­пѣ́нія иску́съ стяжа́­вый. Ра́дуй­ся, зем­на́я му­дро­ва́нія пре­зрѣ́­вый; ра́дуй­ся, еди́­на­го Го́­спо­да все­ду́ш­но по­иска́­вый. Ра́дуй­ся, со­хра­ни́­вый не­вре́д­но цѣ­ло­му́­дріе; ра́дуй­ся, я́ко вѣ́р­ный ра́бъ предъ Го́­спо­демъ во вся́ дни́ бла­го­че́ст­но ше́­ство­ва­вый.

Ра́дуй­ся, Ѳе­о­до́­сіе, ве­ли́кій чу­до­тво́р­че.

Кон­да́къ 5

Бого­те́ч­ная звѣз­да́ яви́лся еси́ во стра­нѣ́ То́­тем­ской, все­бла­же́н­не, на пу́ть спа­си́­тель­ный къ вѣ́ч­ному не­бе́с­но­му оте́­че­ству ве­ду́­щая, егда́ при­мѣ́­ромъ вѣ́р­ныхъ ду́ши на­зи­да́я, нау­чи́лъ еси́ я́ бла­го­да́р­но пѣ́ти Бо́гу: Алли­лу́ія.

Икосъ 5

Ви́дѣ­вый, пре­по­до́б­не о́тче, въ ва́р­ни­цахъ со́ли о́гнен­ный жа́ръ ве́лій, мы́­слен­но пред­став­ля́лъ еси́ себѣ́ же­сто́­кость огня́ въ гряду́­щемъ вѣ́цѣ, на грѣ́ш­ни­ковъ не­ра­ска́янныхъ уго­то́­ван­на­го, и вне­гда́ пре­бы­ва́лъ при ва­ре́ніи пи́щ­ныя со́ли, имѣ́я слу­жа́­щія лю́ди, я́ко при́­сныя себѣ́ ча́да, все­гда́ вну­ша́лъ еси́ и́мъ стра́хъ Бо́жій, рас­тво­ря́я со́лію сло́­ва Бо́жія, са́мъ же на бо́ль­шія по́­дви­ги къ до­бро­дѣ́­те­ли поу­ча́л­ся еси́, тѣ́м­же во­піе́мъ ти́:

Ра́дуй­ся, о́бра­зе кро́­то­сти ду­хо́в­ныя; ра́дуй­ся, умер­тви́­вый пло́ть твою́ по­сто́мъ и бдѣ́ніемъ. Ра́дуй­ся, умер­тви́­вый язы́къ тво́й на гла­го́­ла­ніе тще́т­ныхъ; ра́дуй­ся, умер­тви́­вый у́ши твои́ на слы́­ша­ніе гла­го́лъ ду­шевре́д­ныхъ. Ра́дуй­ся, умер­тви́­вый ру́ки на гра­бле́ніе и тво­ре́ніе зла́; ра́дуй­ся, умер­тви́­вый чре́­во на объяде́ніе и пія́н­ство. Ра́дуй­ся, тру­да́­ми ме́р­тва со­дѣ́­ла­вый чре­сла́ своя́ на не­чи­сто­ту́; ра́дуй­ся, умер­тви́­вый но́ги къ те­че́нію на со­вѣ́тъ не­че­сти́­выхъ. Ра́дуй­ся, на ка́­ме­ни Хри­сто́­вою вѣ́­рою утвер­жде́н­ный; ра́дуй­ся, Бо́жіимъ сви­дѣ́­тель­ствомъ воз­вы́­шен­ный. Ра́дуй­ся, не пре́ніемъ, но вѣ́­рою воз­мо­га́­ти нау­чи́­вый; ра́дуй­ся, не­кни́ж­ный, мно́­гихъ кни́ж­ныхъ по­сра­ми́­вый.

Ра́дуй­ся, Ѳе­о­до́­сіе, ве­ли́кій чу­до­тво́р­че.

Кон­да́къ 6

Про­по­вѣ́д­никъ не­мо́лч­ный яви́лся еси́ всѣ́мъ зря́щимъ тя́, пре­по­до́б­не, пре­му́­дро­сти ева́н­гелскія, все­гда́ш­нія чи­сто­ты́ и му́­же­ствен­на­го тер­пѣ́нія, а́ще и въ без­мо́л­віи хра­ни́лъ еси́ въ се́рд­цѣ тво­е́мъ со­кро́­ви­ще вѣ́ры, на­де́­жды и люб­ви́, и вос­пѣ­ва́лъ еси́ Бо́гу: Алли­лу́ія.

Икосъ 6

Возсія́ бо­го­хра­ни́­мой души́ тво­е́й и́стин­ный бо­го­вѣ́­дѣнія свѣ́тъ, егда́ на́­чалъ еси́ по­мыш­ля́ти о со­зда́ніи но́выя оби́­те­ли при гра́­дѣ То́тьмѣ, и все­ли́­ти­ся ту́, зна́­менуя тѣ́мъ Бо́жіе лю́­демъ бла­го­сло­ве́ніе, а о бла­го­де́н­ствен­ной и́хъ жи́­зни мо­гу́­ще­ствен­ное къ Бо́гу пред­ста́­тель­ство. Мы́ же, ви́­дѣв­ше твое́, пре­по­до́б­не, не то́­чію о себѣ́, а па́че о спа­се́ніи бли́ж­нихъ по­пе­че́ніе, вос­пѣ­ва́­емъ тя́ си́це:

Ра́дуй­ся, сро́д­ни­ки по пло́­ти Хри­ста́ ра́ди оста́­ви­вый; ра́дуй­ся, всю́ на­де́жду на Него́ воз­ло­жи́­вый. Ра́дуй­ся, люб­ве́ не­ли­це­мѣ́р­ныя хра­ни́­те­лю; ра́дуй­ся, слу­жи́­те­лю Бо́жій, о вѣ́р­ныхъ Бо́га умоля́яй. Ра́дуй­ся, на­ста́в­ни­че грѣ́ш­ныхъ, къ не­бе́с­нымъ на­прав­ля́яй; ра́дуй­ся, и сло́­вомъ и жи­тіе́мъ поу­ча́яй. Ра́дуй­ся, о́бра­зе а́гн­цемъ и па́­сты­ремъ; ра́дуй­ся, бла­же́н­ныя вѣ́ч­но­сти иска́­те­лю. Ра́дуй­ся, не­по­сти­жи́­мыя сла́­вы святы́хъ со­зер­ца́­те­лю; ра́дуй­ся, струя́ напая́ющая бла­го­че́­стіемъ Це́р­ковь. Ра́дуй­ся, свѣ­ти́ль­ни­че, не­пре­ста́н­нымъ бо­го­мы́­сліемъ сія́ющій; ра́дуй­ся, свѣ́щ­ни­че, лю­бо́­вію къ Бо́гу и къ бли́ж­не­му свѣтя́щій.

Ра́дуй­ся, Ѳе­о­до́­сіе, ве­ли́кій чу­до­тво́р­че.

Кон­да́къ 7

Хотя́ обѣ́­щан­ное Бо́гу ис­по́л­ни­ти, прія́лъ еси́ пу́ть ко игу́­мену и бра́тіи, они́ же, и не хотя́ще раз­лу­чи́­ти­ся съ то­бо́ю, съ че́­стію изъ оби́­те­ли тя́ про­во­ди́­ша. Ше́дъ у́бо въ пу́ть сво́й, ра́дуяся, егда́ до­сти́глъ еси́ мѣ́­ста къ сооруже́нію оби́­те­ли, на­зна­ча́­е­ма­го на бре­гу́ Ко́­вды рѣки́, во­дру­зи́въ кре́стъ, Бо́гу съ ра́­дост­ны­ми сле­за́­ми во­зо­пи́лъ еси́: Алли­лу́ія.

Икосъ 7

Но́выя ра́­до­сти и бла­го­да­ре́нія Бо́гу излія́лъ еси́ сле́­зы, пре­по­до́б­не о́тче, егда́ пре­ше́дъ рѣку́ и воз­ше́дъ на го́ру, по­ста́­вилъ еси́ ку́щу и во­дру­зи́въ кре́стъ на мѣ́­стѣ, на­зна­ча́­е­момъ для сооруже́нія хра́­ма, съ колѣ­нопре­кло­не́ніемъ и со сле­за́­ми моля́ся, ре́клъ еси́: «бла­го­сло­ве́нъ Бо́гъ, Иже по­ка­за́ ми́ мѣ́­сто, идѣ́­же все­лю́­ся въ вѣ́къ вѣ́ка». Сего́ ра́ди во­піе́мъ ти́:

Ра́дуй­ся, отъ горы́ сея́ воз­ше́­дый на го́ру не­бе́с­ную; ра́дуй­ся, дре́в­нимъ обще­жи́тія на­ча́ль­ни­комъ упо­до́­би­вый­ся. Ра́дуй­ся, и́стин­ный Бо́гу по­кло́н­ни­че; ра́дуй­ся, ве­ли́кій Ему́ уго́д­ни­че. Ра́дуй­ся, дѣ́­ла­те­лю ви­но­гра́­да Хри­сто́­ва не­лѣ́­ност­ный; ра́дуй­ся, благíй и вѣ́р­ный Его́ ра́бе. Ра́дуй­ся, да́н­ный ти́ та­ла́нтъ бла­го­че́­стія воз­ра­сти́­вый; ра́дуй­ся, въ ма́лѣ бы́въ вѣ́­ренъ, надъ мно́­ги­ми ны́нѣ по­ста́в­лен­ный. Ра́дуй­ся, го́р­ли­це пу­стынно­лю­би́­вая; ра́дуй­ся, дре́­во, по­сре­дѣ́ про­ис­хо­дя́щихъ во́дъ на­са­жде́н­ное. Ра́дуй­ся, гряду́щая, я́ко настоя́щая, пред­ска­за́­вый; ра́дуй­ся, ду­ше́в­ны­ма очи́­ма вы́ну Го́­спо­да со­зер­ца́яй.

Ра́дуй­ся, Ѳе­о­до́­сіе, ве­ли́кій чу­до­тво́р­че.

Кон­да́къ 8

Стра́н­но бѣ́ ви́­дѣ­ти, ка́ко убо́гій ста́­рецъ еди́нъ оби­та́­етъ въ пу­сты́­нѣ на горѣ́, пре­зи­ра́я ви́­ди­мыхъ и не­ви́­ди­мыхъ вра­го́въ, воз­лю́б­лен­ный же и́мъ гра́дъ оби́­тель тому́ устро́­и­ти и святы́­нею обо­га­ти́­ти­ся тщи́т­ся. Мы́ же, очи́­ма на́­ши­ма вся́ по во́лѣ его́ отъ Бо́га со­вер­ша́­е­мая зря́ще, бла­го­да́р­но Ему́ во­піе́мъ: Алли­лу́ія.

Икосъ 8

Ве́сь, пре­чу́д­ный Ѳе­о­до́­сіе, ду­ше́ю и тѣ́­ломъ посвяти́лъ еси́ себе́ Бо́гу, пре­бы­ва́я въ не­пре­ста́н­ныхъ труда́хъ, мо­ли́­твахъ, по­стѣ́хъ и бдѣ́ніихъ, е́же ви́­дѣв­ше окре́ст­ніи лю́діе, кро́­то­сти и тер­пѣ́нію тво­е­му́ удивля́ющеся, на­ча́­ша слу­жи́­ти по­тре́б­ны­ми къ по­стро­е́­нію святы́я оби́­те­ли. О че­со́мъ хо­да́­тай­ство­ва­ти тру­до­лю́б­но по­те́клъ еси́ во гра́дъ ца́рствую­щій ко ве­ли́­кому кня́зю. Мы́ же по́­дви­ги твоя́ вос­хва­ля́емъ си́це:

Ра́дуй­ся, со­вер­ше́н­ный въ до­бро­дѣ́­те­лехъ че­ло­вѣ́­че; ра́дуй­ся, лѣ­ни́­выхъ по­дви́г­ну­вый тво­и́­ми нра́­вы. Ра́дуй­ся, кро́­то­сти на­вы́­кну­вый отъ Агнца, взе́мляющаго грѣ­хи́ мíра; ра́дуй­ся, за по́­дви­ги полу­чи́­вый вѣ́ч­ная бла­га́я. Ра́дуй­ся, щи­то́мъ вѣ́ры стрѣ́­лы лу­ка́­ва­го раз­жже́н­ныя уга­си́­вый; ра́дуй­ся, мо­ли́­твою и по­сто́мъ гла­ву́ ему́ со­кру­ши́­вый. Ра́дуй­ся, пред­во­ди́­те­лю до́­брый въ пути́ спа­се́нія; ра́дуй­ся, пре­спѣ­ва́­вый до­бро­дѣ́­тель­ми и тру­да́­ми. Ра́дуй­ся, умерщ­вле́ніемъ стра­сте́й мíру уме́­рый; ра́дуй­ся, воз­дѣ́­лы­ва­ніемъ до­бро­дѣ́­те­ли жи­вы́й Бо́­го­ви. Ра́дуй­ся, себе́ са­ма­го́, я́ко ю́нца въ же́ртву Бо́гу посвяти́­вый; ра́дуй­ся, свѣ­ти́ль­ни­че, еле́­емъ бла­го­да́­ти пи­та́­е­мый.

Ра́дуй­ся, Ѳе­о­до́­сіе, ве­ли́кій чу­до­тво́р­че.

Кон­да́къ 9

Вся́кое есте­ство́ а́н­гель­ское уди­ви́ся тво­и́мъ по́­дви­гомъ и хри­сто­по­дра­жа́­тель­но­му жи­тію́ тво­е­му́: по­чи­та́ху бо тя́ и на зе­мли́ во вре́мя тру­до́въ тво­и́хъ жи́в­шіи, не я́ко про́­ста че­ло­вѣ́­ка, но я́ко а́н­ге­ла Бо́жія по­сре­дѣ́ и́хъ свѣтя́щася, и пре­му́­дро­стію уче́нія въ до­бро­дѣ́­те­ли всѣ́хъ пре­вос­хо­дя́ща. Мы́ же про­слав­ля́­ю­щемуся то­бо́ю Бо́гу взы­ва́­емъ: Алли­лу́ія.

Икосъ 9

Витíйство че­ло­вѣ́­че­ское, все­бла­же́н­не, твое́ о Хри­стѣ́ му́­же­ство из­ре­щи́ не мо́­жетъ, я́ко преуспѣ­ва́я во бдѣ́ніихъ и по­ще́ніихъ, ве­ри́­га­ми тя́ж­ки­ми и власяни́­цею обле́кл­ся еси́, пре­тер­пѣ­ва́я бо­лѣ́­зни люб­ве́ ра́ди Бо́жія, пло́ть твою́ ду́­хо­ви по­ра­бо́­тилъ еси́. Сего́ ра́ди во­піе́мъ ти́:

Ра́дуй­ся, я́ко ал­ка́­вый и жа­жда́­вый пра́­вды, ны́нѣ на­сы­ща́­е­ши­ся; ра́дуй­ся, въ по­слу­ша́­ніе Бо́гу Отцу́ себе́ от­да́­вый. Ра́дуй­ся, ни­ще­то́ю тво­е́ю Бо́гу Сы́ну по­дра­жа́­вый; ра́дуй­ся, чи­сто­ту́ твою́ Бо́гу Ду́ху со­хра­ни́­вый. Ра́дуй­ся, во пло́­ти а́н­гель­ски по­жи́­вый; ра́дуй­ся, во́­и­не Хри­сто́въ не­по­бѣ­ди́­мый. Ра́дуй­ся, ку́плями жи­те́й­ски­ми не обяза́­вый­ся, да Во­е­во́­дѣ уго́­денъ бу́­де­ши; ра́дуй­ся, не вос­хо­тѣ́­вый двѣ­ма́ го­спо­ди́­но­ма ра­бо́­та­ти. Ра́дуй­ся, отъ ю́но­сти на пло́ть, мíръ и діа́­во­ла воору­жи́­вый­ся; ра́дуй­ся, си́хъ вра­го́въ сла́в­но по­бѣ­ди́­вый. Ра́дуй­ся, оте́цъ по ду́ху ча­до­лю­би́­вый; ра́дуй­ся, оби́­тель ди́в­ну на­са­ди́­вый.

Ра́дуй­ся, Ѳе­о­до́­сіе, ве­ли́кій чу­до­тво́р­че.

Кон­да́къ 10

Спа­сти́ хотя́ ду́шу твою́, сла́­вы мірскíя все­мѣ́р­но бѣ́­галъ еси́, и егда́ окре́ст­ніи на­ро́­ди на­ча́­ша тя́ я́ко ве́лія о Хри­стѣ́ по­дви́ж­ни­ка по­чи­та́­ти, ты́ я́вно предъ всѣ́­ми во гра́­дѣ сла́д­ки­ми бра́ш­ны пи­та́л­ся еси́, и отъ без­у́м­ныхъ лю­де́й уко­ре́нія и біе́нія съ ра́­до­стію пре­тер­пѣ­ва́лъ еси́, Бо́гу во умерщ­вле́ніи пло́­ти не­пре­ста́н­но вопія́: Алли­лу́ія.

Икосъ 10

Стѣна́, огра­жда́­ю­щая отъ всѣ́хъ при­ло́­говъ діа́­воль­скихъ, бы́лъ еси́ бра́тіи, па́че по кон­чи́­нѣ тво­е́й, въ не́й же о про­слав­ле́ніи оби́­те­ли и за­ступле́ніи тре́бу­ю­щихъ тво­и́хъ мо­ли́твъ пред­ре́клъ еси́. Ны́нѣ у́бо, пред­ре­че́нію ис­пол­ня́емая зря́ще, бла­го­да́р­но во­піе́мъ ти́:

Ра́дуй­ся, ду́шу свою́ за че­ло­вѣ́­ки по­ло­жи́­вый; ра́дуй­ся, отъ оби́­те­ли зем­ны́я въ не­бе́с­ную пре­се­ли́­вый­ся. Ра́дуй­ся, ду­ше́ю та́мо, тѣ́­ломъ же здѣ́ пре­бы­ва́яй; ра́дуй­ся, отъ мо­ще́й тво­и́хъ не­ду́­говъ цѣ­ле́нія исто­ча́яй. Ра́дуй­ся, въ ве­ли́­кихъ по́­дви­зѣхъ те­че́ніе со­вер­ши́­вый; ра́дуй­ся, роз­го́ мно́гъ пло́дъ о Хри­стѣ́ со­тво́р­шая. Ра́дуй­ся, гро́здъ ви́н­ный, пи­та́­ю­щій и веселя́щій на́съ; ра́дуй­ся, омра­че́н­ныя про­свѣ­ти́­вый. Ра́дуй­ся, про­свѣ­ще́н­ныя утвер­ди́­вый; ра́дуй­ся, отра́­да къ тебѣ́ при­бѣ­га́­ю­щимъ. Ра́дуй­ся, Россíи на со­про­ти́в­ныя по­бѣ́ду со­дѣ­ва́­ю­щій; ра́дуй­ся, всѣ́мъ пра­во­вѣ́р­нымъ про­ше́нія ис­пол­ня́ющій.

Ра́дуй­ся, Ѳе­о­до́­сіе, ве­ли́кій чу­до­тво́р­че.

Кон­да́къ 11

Пѣ́ніе мо­ле́б­ное при­но­ся́ Святѣ́й Тро́­и­цѣ о со­хра­не́ніи и укрѣп­ле́ніи Все­россíйска­го ца́р­ства, хо­да́­тай­ствуе­ши о Бла­го­че­сти́­вѣй­шемъ Импе­ра́­то­рѣ на́­шемъ и все́мъ Ав­гу­стѣ́й­шемъ До́мѣ, Ему́ же и все́й дер­жа́­вѣ Россíйстѣй отъ си́лы въ си́лу при­хо­дя́щей моли́ спа­сти́­ся, да съ ра́­до­стію во­піе́мъ Бо́гу: Алли­лу́ія.

Икосъ 11

Свѣ­то­за́р­ный свѣ­ти́ль­никъ яви́лся еси́, егда́ мо­ще́й тво­и́хъ про­свѣ­ти́л­ся еси́ не­тлѣ́ніемъ, исто­ча́я свѣ́тъ бла­го­да́­ти Бо́жія цѣ­ле́б­ны­ми да­ро­ва́ніи тво­и́­ми. Сего́ ра́ди мы́, я́ко ча́да Це́р­кве Хри­сто́­вы сте­ка́­ю­ще­ся, бла­го­да́р­ствен­ная при­но­ся́ще Бо́гу, во­піе́мъ къ тебѣ́:

Ра́дуй­ся, пре­и­с­по́л­нен­ный вся́кія бла­го­сты́­ни; ра́дуй­ся, ми́­ло­сти пре­ве­ли́кія со­кро́­ви­ще. Ра́дуй­ся, про­мыш­ле́нія о лю́­дехъ прія́­те­ли­ще; ра́дуй­ся, кри́­не ра́й­ска­го се­ле́нія. Ра́дуй­ся, мѵ́ро Хри­сто́­ва бла­гоу­ха́нія; ра́дуй­ся, дре́­во чу­до­то́ч­ное рая́ Іису́­со­ва. Ра́дуй­ся, ча́ше, из­ли­ва́­ю­щая то́ки ми­ло­се́р­дія Бо́жія; ра́дуй­ся, чу­де́съ пу­чи́­но, свы́­ше излія́нная. Ра́дуй­ся, и́но­ковъ удо­бре́ніе; ра́дуй­ся, всея́ Россíи укрѣп­ле́ніе. Ра́дуй­ся, То́­тем­ская по­хва­ло́; ра́дуй­ся, всѣ́хъ сми­рен­но­му́др­ству­ю­щихъ сла́­во.

Ра́дуй­ся, Ѳе­о­до́­сіе, ве­ли́кій чу­до­тво́р­че.

Кон­да́къ 12

Бла­го­да́ть цѣль­бы́ стяжа́в­ша­го, пре­по­до́б­на­го Ѳе­о­до́­сія по­чти́мъ се́рд­цемъ и усты́, и да вя́щшую воз­да­ди́мъ по́­честь святы́мъ его́ мо­ща́мъ, по­тщи́м­ся все­мѣ́р­но по­дра­жа́­ти вѣ́рѣ его́, все­гда́ вопія́ про­слав­ля́­ю­щему святы́хъ Сво­и́хъ Бо́гу: Алли­лу́ія.

Икосъ 12

Пою́ще твое́, свя́те Ѳе­о­до́­сіе, те́­плое пред­ста́­тель­ство, отъ вра­го́въ ви́­ди­мыхъ и не­ви́­ди­мыхъ ско́­рое за­ступле́ніе, при­зы­ва́­ю­ще тя́ уми́ль­но про́­симъ, не воз­гну­ша́й­ся на́съ, грѣ́ш­ныхъ, но услы́­ши во­пі­ю́­щихъ къ тебѣ́:

Ра́дуй­ся, вся́кій не­ду́гъ тѣ­ле́с­ный и ду­ше́в­ный вра­чу́­ю­щій; ра́дуй­ся, въ не­ве­че́р­нѣмъ дни́ Ца́рствія Бо́жія при­сно­жи­ву́щій. Ра́дуй­ся, злы́хъ по́­мы­словъ про­го­ни́­те­лю; ра́дуй­ся, бѣ­сну́­е­мыхъ ско́­рый цѣ­ли́­те­лю. Ра́дуй­ся, за­кос­нѣ­ва́­ю­щихъ грѣ́ш­ни­ковъ ис­прав­ле́ніе; ра́дуй­ся, не­мо́лч­ный на­ста́в­ни­че. Ра́дуй­ся, пред­ста́­тель­ствомъ тво­и́мъ ло­мо́т­ныя бо­лѣ́­зни увра­че­ва́­вый; ра́дуй­ся, огне́­вич­ныя не­ду́­ги от­гна́­вый. Ра́дуй­ся, слѣ­пы́мъ про­зрѣ́­ніе да­ро­ва́­вый; ра́дуй­ся, хро­мы́мъ и раз­сла́б­лен­нымъ хо­жде́ніе ис­прав­ля́яй. Ра́дуй­ся, въ Бо́зѣ на́мъ по­тре́б­ная со­зер­ца́­ю­щій; ра́дуй­ся, мно́­гимъ про­ше́нія пред­ва­ря́ющій.

Ра́дуй­ся, Ѳе­о­до́­сіе, ве­ли́кій чу­до­тво́р­че.

Кон­да́къ 13

О, ве­ли́кій чу­до­тво́р­че Ѳе­о­до́­сіе! Мо­ле́ніе на́ше пріе́м­ши, умо­ли́ по­дви­го­по­ло́ж­ни­ка Іису́­са, да из­ба́­витъ ца́рствую­щія гра́­ды и вся́кій гра́дъ и страну́ хри­стіа́н­скую отъ на­хо­жде́нія ино­пле­ме́н­ныхъ, отъ ере­се́й и ра­ско́­ловъ, отъ бо­лѣ́­зней и грѣ­хо́въ, и отъ вся́кія на­па́­сти, да съ то­бо́ю въ се­ле́ніи пра́­вед­ныхъ спо­до́­бим­ся пѣ́ти Тріѵ­по­ста́с­но­му Бо́гу: Алли­лу́ія.

Се́й кон­да́къ гла­го́­лет­ся три́­жды. Та́же Икосъ 1-й и Кон­да́къ 1-й

Мо­ли́­тва пре­по­до́б­но­му отцу́ на́­шему Ѳе­о­до́­сію, То́­тем­ско­му чу­до­тво́р­цу

О, до́­брый на́шъ па́­сты­рю и бо­го­му́­дрый на­ста́в­ни­че, пре­по­до́б­не о́тче Ѳе­о­до́­сіе! Услы́­ши на́съ, грѣ́ш­ныхъ, моля́щихся тебѣ́, и при­зы­ва́­ю­щихъ въ по́­мощь ско́­рое пред­ста́­тель­ство твое́: ви́ждь на́съ, грѣ́ш­ныхъ, въ то­ли́­цѣхъ обстоя́ніихъ су́­щихъ, ви́ждь на́съ, не­мощ­ны́хъ, отвсю́­ду уловля́­е­мыхъ, вся́каго бла́­га ли­ше́н­ныхъ и умо́мъ отъ ма­ло­ду́шія по­мра­че́н­ныхъ. По­тщи́­ся, уго́д­ни­че Бо́жій, не оста́­ви­ти на́съ въ грѣ­хо́в­номъ плѣ­ну́ бы́ти, да не бу́­демъ въ ра́­дость вра­го́мъ на́­шимъ, и не у́мремъ въ лу­ка́­выхъ дѣя́ніихъ на́­шихъ. Моли́ о на́съ, не­до­сто́й­ныхъ, Спа́­са Го́­спо­да, Ему́ же ты́ со без­пло́т­ны­ми ли́ки пред­сто­и́­ши. Ми́­ло­сти­ва къ на́мъ со­тво­ри́ Со­дѣ́­теля на́­ше­го въ ны́­нѣш­немъ вѣ́цѣ и въ бу́ду­щемъ, да не воз­да́стъ на́мъ по дѣ­ло́мъ на́­шимъ, и по не­чи­сто­тѣ́ сер­де́цъ на́­шихъ, но по Сво­е́й Его́ бла́­го­сти воз­да́стъ на́мъ. На твое́ бо хо­да́­тай­ство упо­ва́­ю­ще, тво­и́мъ пред­ста́­тель­ствомъ хва́­лим­ся, твое́ за­ступле́ніе на по́­мощь при­зы­ва́­емъ и къ цѣль­бо­но́с­но­му гро́бу тво­е­му́ при­па­да­ю­ще, не­до­сто́й­ніи, ис­цѣ­ле́нія про́­симъ: из­ба́­ви на́съ, уго́д­ни­че Хри­сто́въ, отъ злы́хъ находя́щихъ на на́съ, и укро­ти́ во́л­ны стра­сте́й и бѣ́дъ во­ста­ю́­щихъ на на́съ, да ра́ди святы́хъ тво­и́хъ мо­ли́твъ не объи́­метъ на́съ на­па́сть, и не погря́знемъ въ пу­чи́­нѣ грѣ­хо́в­нѣй и въ ти́нѣ стра­сте́й на́­шихъ. Моли́, пре­по­до́б­не о́тче Ѳе­о­до́­сіе, Хри­ста́ Бо́га на́­ше­го, да по­да́стъ на́мъ ми́р­ное жи́­тель­ство, остав­ле́ніе грѣ­хо́въ, ду­ша́мъ на́­шимъ спа­се́ніе и ве́лію ми́­лость. Ами́нь.

Тро­па́рь, гла́съ 1

Отъ ю́но­сти, пре­по­до́б­не Ѳе­о­до́­сіе, же­ла́ніе свое́ ко Хри­сту́ Бо́гу впе­ри́въ, Его́­же ра́ди гра́дъ и оте́­че­ство оста́вль и сла́ву су́­ет­ную, я́ко пра́хъ, вмѣ­ни́въ, по­слѣ́­до­валъ еси́ пре­по­до́б­но­му Ди­ми́­трію и оби́­те­ли его́ со­жи́­тель бы́лъ еси́, пре­се­ли́в­ся ко гра́ду То́тьмѣ и въ ме­ждо­рѣ́­чіе все­ли́в­ся, по­сто́мъ и бдѣ́ніемъ, и власяны́мъ одѣя́ніемъ, и ве­ри́­га­ми тѣ́ло свое́ удру­чи́лъ еси́. Сего́ ра́ди Бо́гъ, ви́­дѣвъ твоя́ тру­ды́, и по пре­став­ле́ніи чу­де­сы́ обо­га­ти́ тя́: бѣ́сы изгоня́еши и слѣ­пы́я про­свѣ­ща́­е­ши, отъ вся́кихъ не­ду́гъ и бѣ́дъ из­ба­вля́еши при­хо­дя́щихъ къ тебѣ́ съ вѣ́­рою и во­пію́­щія: сла́­ва Да́в­ше­му ти́ крѣ́­пость, сла́­ва Вѣн­ча́в­ше­му тя́, сла́­ва Да­ю́­щему то­бо́ю всѣ́мъ ис­цѣ­ле́ніе.

Инъ тро­па́рь, гла́съ 2

Отъ мір­ска́­го мяте́жа из­ше́дъ, пре­по­до́б­не о́тче на́шъ Ѳе­о­до́­сіе, и въ ти́­хое при­ста́­ни­ще до­сти́гъ, пре­по­до́б­но­му Ди­ми́­трію со­жи́­тель бы́лъ еси́, и от­ту́ду, Бо́жіимъ Ду́­хомъ на­прав­ля́емъ, во гра́дъ То́ть­му пе­ре­се­ли́л­ся еси́, и во ото́­цѣхъ вод­ны́хъ оби́­тель себѣ́ воз­дви́глъ еси́, идѣ́­же рав­но­а́н­гель­ное жи­тіе́ по­жи́въ, по­слѣ́­до­валъ еси́ Хри­сту́, Его́­же ра́ди влася́ну ри́зу и ве­ри́­ги на тѣ́лѣ сво­е́мъ но­си́лъ еси́. Сми­ре́ніемъ и ни­ще­лю́­біемъ укра­си́в­ся, сла́ву су́­ет­ную пре­зрѣ́лъ еси́ и оте́­че­ское имѣ́­ніе до́­брѣ рас­то­чи́лъ еси́, мо­ле́ніемъ къ Бо́гу и сле́з­ны­ми струя́ми бѣ­со́въ по­сра­ми́лъ еси́, тѣ́м­же по сме́р­ти Хри­сто́съ чу­де́съ да́­ромъ обо­га­ти́ тя́. Имѣ́я у́бо дер­зно­ве́ніе ко Го́­спо­ду, пре­по­до́б­не о́тче на́шъ Ѳе­о­до́­сіе, моли́ Хри­ста́ Бо́га, да спа­се́тъ ду́ши на́ша.

Кон­да́къ, гла́съ 8

Воз­дер­жа́ніемъ пло́ть изнури́лъ еси́ и не­пре­ста́н­ны­ми мо­ли́­тва­ми, я́ко а́н­гелъ, воз­вы́­сил­ся еси́, струя́ми же сле́з­ны­ми бѣ­со́в­скія пол­ки́ по­гру­зи́лъ еси́. И ны́нѣ во свѣ́­тѣ не­ве­че́р­нѣмъ ли­ку́­е­ши у Хри­ста́ Бо́га и при­хо­дя́щимъ ко свято́му тво­е­му́ гро́бу не­о­ску́д­но ис­цѣ­ле́ніе по­да­е́­ши, вѣ́­рою во­пі­ю́­щимъ тебѣ́: ра́дуй­ся, о́тче Ѳе­о­до́­сіе бо­го­му́­дре.

Инъ кон­да́къ, гла́съ 4

Чисто­то́ю ду­ше́в­ною бо­же́­ствен­нѣ воору­жи́в­ся, Хри­сту́ усе́рд­но по­слѣ́­до­валъ еси́, пре­по­до́б­не о́тче на́шъ Ѳе­о­до́­сіе, и ны́нѣ не­пре­ста́н­ныя мо­ли́­твы, я́ко ко­піе́, въ ру́ки си́хъ прія́лъ еси́, и ри́зу же́­сто­ку но­си́лъ еси́, отъ вла́съ ис­пле­те́ну, и ве­ри́­ги тя́жки на пле­ща́хъ сво­и́хъ имѣ́лъ еси́. Юност­ная дви­за́нія увяди́въ, бдѣ́ніемъ и все­но́щ­нымъ стоя́ніемъ тѣ́ло свое́ утон­чи́лъ еси́, и сле́з­ны­ми те­че́ніи бѣ­со́в­ская опол­че́­нія до кон­ца́ по­то­пи́лъ еси́. Тѣ́м­же отъ Хри­ста́ Бо́га ис­цѣ­ле́нія да́ръ прія́лъ еси́: слѣ­пы́я про­свѣ­ща́­ти, и глу­хи́мъ слы́­ша­ти тво­ри́­ши, и нѣ­мы́мъ гла­го́­ла­ти, и вся́кими не­ду́­ги одер­жи́­мымъ, съ вѣ́­рою при­хо­дя́щимъ ко свято́му тво­е­му́ гро́бу, не­о­ску́д­но по­да­ва́­е­ши про­ше́нія. Тѣ́мъ во­піе́мъ ти́: ра́дуй­ся, пу­сты́н­ный жи́­те­лю и ни́­щихъ кор­ми́­те­лю, пре­по­до́б­не о́тче на́шъ Ѳе­о­до́­сіе, и гра́ду на́­шему То́тьмѣ по­хва­ла́ и ве­ли́­кое утвер­жде́ніе.

Ве­ли­ча́­ніе

Убла­жа́­емъ тя́, пре­по­до́б­не о́тче Ѳе­о­до́­сіе, и чте́мъ святу́ю па́мять твою́, на­ста́в­ни­че мо­на́­ховъ и со­бе­сѣ́д­ни­че а́н­ге­ловъ.