Текст утвер­жден ре­шением Санкт-Пе­тер­бург­ско­го ко­ми­те­та ду­хо­в­ной цен­зуры 17 июня 1888 года

Кон­да́къ 1

Избра́н­ный уго́д­ни­че Бо́жій, пре­свѣ́т­лый пу­сты́­ни свѣ­ти́ль­ни­че и бо­го­му́­дрый мо­на́­ховъ на­ста́в­ни­че, пре­по­до́б­не о́тче на́шъ Ар­се́­ніе! Со а́н­ге­лы пред­стоя́й Тріѵ­по­ста́с­но­му Бо́гу и стяжа́­вый къ Нему́ дер­зно­ве́ніе мно́­гое, мо­ли́ся вы́ну о спа­се́ніи на́съ, грѣ́ш­ныхъ, и мо­ли́­тва­ми тво­и́­ми отъ вся́кихъ бѣ́дъ сво­бо­жда́й зо­ву́­щихъ ти́:

Ра́дуй­ся, Ар­се́­ніе, ве­ли́кій пу­стынно­жи́­те­лю.

Икосъ 1

Ангела во пло́­ти и че­ло­вѣ́­ка не­бе́с­на­го вѣ́мы тя́, пре­по­до́б­не о́тче Ар­се́­ніе. Ты́ бо чи­сто­то́ю и свя́­то­стію житія́ тво­е­го́, без­пло́т­нымъ си́­ламъ по­ре­вно­ва́лъ еси́ и зем­но­ро́д­ныхъ уди­ви́лъ еси́, явля́я всѣ́мъ ди́в­ный о́бразъ въ себѣ́ со­вер­ше́н­ства ду­хо́в­на­го. Тѣ́м­же вос­хва­ля́емъ тя́ и гла­го́­лемъ:

Ра́дуй­ся, ве́­тха­го Ри́ма свято́е прозябе́ніе; ра́дуй­ся, ро­ди́­те­лей бла­го­че­сти́­выхъ пре­чест­на́я о́трасль. Ра́дуй­ся, отъ мла́­до­сти на по́­дви­ги ду­хо́в­ныя предъ­из­бра́н­ный; ра́дуй­ся, отъ ю́но­сти еди́­на­го Бо́га всѣ́мъ се́рд­цемъ воз­лю­би́­вый. Ра́дуй­ся, пре­му́­дро­сти зем­но́й до́­брѣ обу­че́н­ный; ра́дуй­ся, пре­му́­дро­стію не­бе́с­ною ода­ре́н­ный. Ра́дуй­ся, за­ко́нъ Хри­сто́въ на скри­жа́­лехъ се́рд­ца тво­е­го́ на­чер­та́­вый; ра́дуй­ся, во всѣ́хъ оправ­да́ніихъ Го­спо́д­нихъ не­по­ро́ч­но хо­ди́­вый. Ра́дуй­ся, стра́­хомъ Бо́жіимъ огра­жде́н­ный; ра́дуй­ся, ри́­торъ и бо­го­сло́въ изря́дный бы́­вый. Ра́дуй­ся, цѣ­ло­му́­дріе души́ и тѣ́ла не­вре­ди́­мо со­хра­ни́­вый; ра́дуй­ся, свя́то и бо­гоу­го́д­но на зе­мли́ по­жи́­вый.

Ра́дуй­ся, Ар­се́­ніе, ве­ли́кій пу­стынно­жи́­те­лю.

Кон­да́къ 2

Ви́дѣвъ Серд­це­вѣ́­децъ Го­спо́дь, не­по­ро́ч­ную чи­сто­ту́ души́ твоея́, о́тче Ар­се́­ніе, во діа́­ко­на святы́я Ри́м­скія Це́р­кве тя́ по­ста́­ви, да слу́­жи­ши Пре­чи́­стымъ и Жи­во­тво­ря́щимъ Хри­сто́­вымъ Та́й­намъ, и, я́ко до­сто́й­ный со­су́дъ Бо́жіей бла­го­да́­ти, воз­но́­си­ши мо­ли́­твы со­бо́р­ныя за вся́ лю́ди, вос­пѣ­ва́я Пресвятѣ́й Тро́­и­цѣ: Алли­лу́ія.

Икосъ 2

Ра́зу­ма бо­же́­ствен­на­го пре­и­с­по́л­ненъ бы́лъ еси́, Ар­се́­ніе бо­го­му́­дре, я́ко не бы́ти ра́в­но­му тебѣ́ въ пре­му́­дро­сти и бла­го­че́­стіи во все́мъ ца́рствіи Ри́м­стѣмъ. Тѣ́м­же ца́рь Ѳе­о­до́­сій въ на­ста́в­ни­ка сы­но­во́мъ сво­и́мъ Ар­ка́дію и Оно́рію тя́ из­бра́, си́мъ по­дви­за́я и на́съ зва́­ти тебѣ́:

Ра́дуй­ся, отъ За́­па­да къ Во­сто́ку при­ше́­дый свѣ­ти́­ти лю́­демъ бо­го­му́­дріемъ тво­и́мъ; ра́дуй­ся, отъ ве́­тха­го Ри́ма въ но́­вый Ри́мъ пре­се­ли́­вый­ся на но́выя по́­дви­ги ду­хо́в­ныя. Ра́дуй­ся, ца­ре́й на­ста́в­ни­че и учи́­те­лю; ра́дуй­ся, вла­ды́къ зем­ны́хъ къ Ца́рствію го́р­не­му ру­ко­во­ди́­те­лю. Ра́дуй­ся, при дво­рѣ́ ца́р­стѣмъ по­дви́ж­ни­че­ству о Хри­стѣ́ при­лѣ­жа́­вый; ра́дуй­ся, дни́ на уче́ніе, но́щи же на мо­ли́тву посвяща́­вый. Ра́дуй­ся, отъ царя́ Ѳе­о­до́­сія зѣло́ лю­би́мъ и по­чи­та́­емъ бы́­вый; ра́дуй­ся, отце́мъ царя́ и сы­но­ве́й его́ на­рѣче́н­ный. Ра́дуй­ся, са́­номъ се­на́­тор­скимъ по­чте́н­ный; ра́дуй­ся, во сла́­вѣ ца́рствія зем­на́­го сми­ре́нія свята́го пре­и­с­по́­лен­ный. Ра́дуй­ся, мо­ли́­твы усе́рд­ныя къ Бо́гу воз­сы­ла́­вый; ра́дуй­ся, колѣ­нопре­кло­не́нія мно́­гія со­вер­ша́­вый.

Ра́дуй­ся, Ар­се́­ніе, ве­ли́кій пу­стынно­жи́­те­лю.

Кон­да́къ 3

Си́лою Бо́жіею укрѣп­ле́нъ, о́тче пре­по­до́б­не, воз­же­ла́лъ еси́ въ без­мо́л­віи пу­сты́н­нѣмъ ра­бо́­та­ти Го́­спо­де­ви, вы́ну же вос­пріе́мъ гнѣ́въ на тя́ ца­ре́­ви­ча Ар­ка́дія, умы́­слилъ еси́ та́й­но оста́­ви­ти дво́ръ ца́р­скій, и скры́­ти­ся въ пу­сты́­ни, да не­воз­бра́н­но воз­мо́­же­ши вос­пѣ­ва́­ти Бо́гу се­ра­фи́м­скую пѣ́снь: Алли­лу́ія.

Икосъ 3

Имѣ́я же­ла́ніе ве́ліе спа­сти́ ду́шу твою́, о́тче Ар­се́­ніе, мо­ли́л­ся еси́ Бо́гу, да ука́­жетъ тебѣ́ пу́ть пра́­вый ко спаcе́нію, и услы́­шалъ еси́ гла́съ не­бе́с­ный, гла­го́­лющь тебѣ́: "Ар­се́­ніе, бѣ́­гай отъ че­ло­вѣ́­ковъ и спа­се́­ши­ся!" Тѣ́м­же отъ дво­ра́ ца́р­ска­го та́й­но из­ше́лъ еси́, въ худы́я ри́зы об­ле­че́н­ный, и въ пу­сты́­ню Ски́т­скую при­ше́лъ еси́, прося́ отце́въ пу­сты́н­ныхъ, да со­тво­ря́тъ тя́ и́но­комъ. О се́мъ тя́ сла́вяще зо­ве́мъ:

Ра́дуй­ся, отъ Са­мо­го́ Го́­спо­да тай­но­на­у­че́н­ный по­дви́ж­ни­че­ству ду­хо́в­но­му; ра́дуй­ся, гла́­сомъ не­бе́с­нымъ на­ста́в­лен­ный без­мо́лв­ство­ва­ти ду­ше­спа­си́­тель­но. Ра́дуй­ся, до́мъ ца́р­скій оста́­ви­вый, да Ца́рствіе го́р­нее уна­слѣ́­ди­ши; ра́дуй­ся, всю́ сла́ву мíра сего́ пре­зрѣ́­вый, да сла́ву вѣ́ч­ную не­бе́с­ную полу́­чи­ши. Ра́дуй­ся, еди́нъ еди́­ному Хри­сту́ въ пу­сты́­ни ра­бо́­та­ти воз­же­ла́­вый; ра́дуй­ся, святы́й а́н­гель­скій о́бразъ усе́рд­но себѣ́ про­си́­вый. Ра́дуй­ся, отъ ве­ли́­ка­го Іо­а́н­на Ко́­ло­ва во сми­ре́ніи ди́в­но иску­ше́н­ный; ра́дуй­ся, сми­ре́ніе не­ли­це­мѣ́р­ное во иску­ше́ніи то́мъ по­ка­за́­вый. Ра́дуй­ся, по­стри­же́ніе во и́но­че­ство отъ ру́къ его́ святы́хъ вос­прія́вый; ра́дуй­ся, отъ него́ предъу­вѣ́­дѣн­ный, я́ко и́нокъ бла­го­искусе́нъ бу́­де­ши. Ра́дуй­ся, въ без­мо́л­віи пу­сты́н­нѣмъ до́­брѣ по­дви­за́­вый­ся; ра́дуй­ся, въ по­стѣ́ и мо­ли́­твахъ не­о­сла́б­но пре­бы­ва́­вый.

Ра́дуй­ся, Ар­се́­ніе, ве­ли́кій пу­стынно­жи́­те­лю.

Кон­да́къ 4

Бу́ри стра­сте́й из­бѣ­жа́въ, о́тче Ар­се́­ніе, въ при́­стань бла­го­да́т­на­го без­стра́­стія до­сти́глъ еси́, и въ пу­сты́­нѣ Ски́т­стѣй рав­но­а́н­гель­но по­жи́лъ еси́, Бо́­гомъ на­став­ля́емь къ без­мо́л­вію со­вер­ше́н­но­му, ди́в­нымъ жи­тіе́мъ тво­и́мъ удивля́лъ еси́ вся́ отцы́ пу­сты́н­ныя, и по­дви­за́лъ еси́ и́хъ сла́­ви­ти Бо́га и пѣ́ти Ему́: Алли­лу́ія.

Икосъ 4

Слы́­шавъ па́ки гла́съ не­бе́с­ный: "Ар­се́­ніе, бѣжи́ отъ че­ло­вѣ́къ и въ мол­ча́­ніи бу́ди: се́ бо е́сть ко́­рень без­грѣ́шія", въ пу­сты́­ню глу­бо­ча́й­шую уда­ли́л­ся еси́, пре­по­до́б­не, и мол­ча́­ніемъ уста́ твоя́ за­клю­чи́лъ еси́, из­бѣ­га́я бе­сѣ́дъ че­ло­вѣ́­че­стихъ, да вы́ну бе­сѣ́дуе­ши съ Бо́­гомъ въ се́рд­цѣ тво­е́мъ. Сего́ ра́ди и мы́ во­піе́мъ къ тебѣ́:

Ра́дуй­ся, вы­со­то́ без­мо́л­вія, удо­бо­вос­хо­ди́­мая то́­чію из­бра́н­ны­ми изъ из­бра́н­ныхъ; ра́дуй­ся, глу­би­но́ сми­ре́нія, удо­сто́ен­ная бла­го­во­ле́нія Бо́жія. Ра́дуй­ся, про­зор­ли́в­че ди́в­ный, дре́в­нимъ про­ро́­комъ упо­до́­би­вый­ся; ра́дуй­ся, да́ра пред­вѣ́­дѣнія пре­и­с­по́л­нен­ный. Ра́дуй­ся, бѣ́­га­вый отъ лю­де́й, да не раз­лу­чи́­ши­ся съ Бо́­гомъ; ра́дуй­ся, мол­ча́­вый уста́­ми, да не пре­ста́­не­ши вопія́ ко Го́­спо­ду въ се́рд­цѣ тво­е́мъ. Ра́дуй­ся, и́стин­ный Хри­сто́въ уго́­да­ни­че, вся́ за́­по­вѣ­ди Его́ вѣ́р­но со­вер­ши́­вый; ра́дуй­ся, о Хри­стѣ́ вся́ бли́ж­нія твоя́ и́скрен­но лю­би́­вый. Ра́дуй­ся, пра́­ви­ло и́но­че­ска­го без­мо́лв­на­го житія́; ра́дуй­ся, о́бра­зе со­вер­ше́н­ства ду­хо́в­на­го. Ра́дуй­ся, о не́мъ же уди­ви́­ша­ся а́н­ге­ли; ра́дуй­ся, о не́мъ же Бо́га сла́вятъ че­ло­вѣ́­цы.

Ра́дуй­ся, Ар­се́­ніе, ве­ли́кій пу­стынно­жи́­те­лю.

Кон­да́къ 5

Бого­прія́тный исто́ч­никъ сле́зъ мо­ли́­твен­ныхъ, о́чи твои́ исто­ча́ху, пре­по­до́б­не о́тче, и то­ли́­ко уми­ле́нія бо­же́­ствен­на­го пре­и­с­по́л­ненъ бы́лъ еси́, я́ко пла́­ка­ти тебѣ́ вы́ну при мо­ли́­твахъ тво­и́хъ. Тѣ́м­же и на́съ поу­ча́­е­ши при­мѣ́­ромъ тво­и́мъ со сле­за́­ми мо­ли́­ти­ся Бо́гу, и пѣ́ти Ему́ во уми­ле́ніи сер­де́ч­нѣмъ: Алли­лу́ія.

Икосъ 5

Ви́димъ бы́лъ еси́ ве́сь огне­зра́­ченъ, на мо­ли́­твѣ пред­стоя́й, се­ра­фи́м­скою лю­бо́­вію ко Го́­спо­ду объя́тый, и бо­го­мы́­сліемъ вы­со́­кимъ отъ зе­мли́ къ не­бе́с­нымъ воз­но­си́­мый, о́тче Ар­се́­ніе. Дивя́щеся у́бо сему́ на­ча́т­ку сла́­вы твоея́, убла­жа́­емъ тя́ бла­го­хва­ле́ніи си́ми:

Ра́дуй­ся, пу­сты́­ни Ски́т­скія ду­хо́в­ное укра­ше́ніе; ра́дуй­ся, Еги́­пта сла́­во и по­хва­ло́. Ра́дуй­ся, дер­жа́­во без­мо́л­вія; ра́дуй­ся, ми́ра Хри­сто́­ва оби́­тель. Ра́дуй­ся, сле́зъ исто́ч­ни­че не­о­ску́д­ный; ра́дуй­ся, мо­ли́твъ бла­гоу­ха́­ю­щее ка­ди́­ло. Ра́дуй­ся, псалмо­пѣ́нія о́р­га­не пре­кра́с­ный; ра́дуй­ся, тер­пѣ́нія сто́л­пе не­по­ко­ле­би́­мый. Ра́дуй­ся, пра́з­дность ду­шевре́д­ную воз­не­на­ви́­дѣ­вый; ра́дуй­ся, ру­ка́­ма тво­и́­ма ко́ш­ни­цы спле­та́­вый. Ра́дуй­ся, мо­ли́­твою не­пре­ста́н­ною съ Бо́­гомъ вы́ну бе­сѣ́­до­ва­вый; ра́дуй­ся, ви­дѣ́­нія не­бе́с­ныя та́й­но со­зер­ца́­вый.

Ра́дуй­ся, Ар­се́­ніе, ве­ли́кій пу­стынно­жи́­те­лю.

Кон­да́къ 6

Про­по­вѣ́д­никъ бы́лъ еси́ ду­ше­спа­си́­тель­ный, о́тче Ар­се́­ніе, всѣ́мъ къ тебѣ́ при­хо­ди́в­шимъ, мол­ча́­ніемъ тво­и́мъ поу­ча́­вый па́че ри́­тор­ска­го бла­го­сло­ве́нія вся́ вѣ́р­ныя, ви́­дѣв­шія въ тебѣ́ со­вер­ше́н­на­го о Хри­стѣ́ по­дви́ж­ни­ка, си́ль­на­го предъ Бо́­гомъ и людь­ми́, его́­же лице́, я́ко лице́ а́н­ге­ла Бо́жія, свѣ́­томъ не­бе́с­нымъ сія́ше. Тѣ́м­же и вопія́ху про­сла́вль­шему тя́ Бо́гу: Алли­лу́ія.

Икосъ 6

Возсія́въ ве­ли́­ки­ми до­бро­дѣ́­тель­ми тво­и́­ми въ пу­сты́­ни Ски́т­стѣй, я́ко со́лн­це пре­свѣ́т­лое, о́тче Ар­се́­ніе, ве́сь мíръ оза­ри́лъ еси́ сла́­вою тво­и́хъ по́­дви­говъ и тво­е­го́ без­мо́лв­на­го житія́, и́же во о́бразъ всѣ́мъ без­мо́л­ни­комъ отъ Бо́га да­де́ся и въ пра́­ви­ло извѣ́ст­ное ко спа­се́нію. Тѣ́м­же при́­сно тя́ сла́вяще, во­піе́мъ:

Ра́дуй­ся, за́­по­вѣ­дей Хри­сто́­выхъ вѣ́р­ный ис­пол­ни́­те­лю; ра́дуй­ся, при­мѣ́­ромъ тво­и́мъ бо­го­му́­дрію со­вер­ше́н­но­му лю́ди нау­чи́­вый. Ра́дуй­ся, а́н­гель­ское жи­тіе́ на зе­мли́ по­ка­за́­вый; ра́дуй­ся, святу́ю Хри­сто́ву Це́р­ковь по́­дви­га­ми тво­и́­ми бла­гоу­кра́­си­вый. Ра́дуй­ся, воз­ше́­дый на ве́рхъ до­бро­дѣ́­те­лей хри­стіа́н­скихъ; ра́дуй­ся, нис­ше́­дый во глу­бину́ сми­ре́нія свята́го. Ра́дуй­ся, до́­брый дѣ́­ла­те­лю ви­но­гра́­да не­бе́с­на­го; ра́дуй­ся, сла́д­кія пло­ды́ Хри­сту́ при­не­сы́й. Ра́дуй­ся, раз­су­жде́ніе ду­хо́в­ное стяжа́­вый; ра́дуй­ся, бо­го­мы́­сліе мо­ли́­твен­ное воз­лю­би́­вый. Ра́дуй­ся, пу­стынно­лю­би́­вая го́рл­це, Пред­те́­чѣ по­до́бящаяся; ра́дуй­ся, со­су́­де Го­спо́­день, да­ра́­ми Свята́го Ду́ха пре­и­с­по́л­нен­ный.

Ра́дуй­ся, Ар­се́­ніе, ве­ли́кій пу­стынно­жи́­те­лю.

Кон­да́къ 7

Хотя́ Го­спо́дь яви́ти отце́мъ пу­сты́н­нымъ тво­е­го́, о́тче Ар­се́­ніе, без­мо́лв­на­го житія́ со­вер­ше́н­ство, по­ка­за́ еди́­ному отъ ни́хъ въ ви­дѣ́­ніи, ка́ко ко­ра́бль тво́й въ ве­ли́­цѣмъ без­мо́л­віи не че­ло­вѣ́­ки и не а́н­ге­лы, а Са­ми́мъ Го́­спо­домъ управ­ля́ется. И та́ко всѣ́мъ вѣ́­до­мо со­тво­ри́ся, я́ко бѣ́гая отъ че­ло­вѣ́­ковъ, съ Бо́­гомъ со­е­ди­ни́л­ся еси́, зо­вы́й Ему́: Алли­лу́ія.

Икосъ 7

Но́во и ди́в­но бы́сть жи­тіе́ твое́, пре­по­до́б­не о́тче, въ мол­ча́­ніи и без­мо́л­віи кра́й­нѣмъ про­во­ди́­мое то­бо́ю въ пу­сты́­ни Ски́т­стѣй: ди́в­ны бя́ху и бдѣ́нія твоя́ все­нощ­ны́я, въ ни́х­же, воз­дѣ́въ горѣ́ ру́цѣ твои́ на за­хо́­дѣ со́лн­ца, стоя́лъ еси́ та́ко моля́ся, до́н­де­же со́лн­це вос­хо­жда́­ше. О се́мъ удивля́ющеся, во­піе́мъ ти́ си́це:

Ра́дуй­ся, пре­по­до́б­не, пу­сты́­ню без­пло́д­ную ду­хо́в­но опло­до­тво­ри́­вый; ра́дуй­ся, бо­го­но́­се, отъ Еги́­пта до­бро­дѣ́­тель­ми тво­и́­ми все­му́ мíру возсія́вый. Ра́дуй­ся, о́тче, отце́въ кра­со­то́; ра́дуй­ся, пу­стынно­жи́­те­лей бо­го­му́­драя до­бро́­то. Ра́дуй­ся, ни­ще­ты́ ра­чи́­те­лю; ра́дуй­ся, а́н­ге­ловъ со­бе­сѣ́д­ни­че. Ра́дуй­ся, ви­дѣ́­ній Бо­же́­ствен­ныхъ тай­но­зри́­те­лю; ра́дуй­ся, я́ко тебѣ́ без­вѣ́ст­ная и та́й­ная Бо́гъ яви́лъ е́сть. Ра́дуй­ся, я́ко то­бо́ю мно́­зи ко спа­се́нію на­ста́в­ле­ни бы́ша; ра́дуй­ся, я́ко то­бо́ю за­блу­жда́­ю­щіися пу́ть пра́­вый обрѣ­то́­ша. Ра́дуй­ся, свѣ­ти́ль­ни­че, сія́ющій бо­го­му́­дрія лу­ча́­ми; ра́дуй­ся, рѣко́ мно­го­во́д­ная уче́нія Бо­же́­ствен­на­го.

Ра́дуй­ся, Ар­се́­ніе, ве­ли́кій пу­стынно­жи́­те­лю.

Кон­да́къ 8

Стра́н­ни­че­ское на зе­мли́ жи­тіе́ воз­лю­би́лъ еси́, о́тче Ар­се́­ніе, не имы́й здѣ́ пре­бы­ва́­ю­ща­го гра́­да, но гряду́­ща­го, Іеру­са­ли́­ма не­бе́с­на­го, вы́ну взы­ску́яй, пре­хо­ди́лъ еси́ отъ мѣ́­ста на мѣ́­сто въ пу­сты́­ни Ски́­та Еги́­пет­ска­го, и та́ко, я́ко без­пло́т­ный, ни́­щет­но и без­мо́лв­но пре­бы­ва́лъ еси́, взы­ва́я ко Го́­спо­ду: Алли­лу́ія.

Икосъ 8

Ве́сь у́мъ тво́й въ Бо́зѣ углубле́нъ имѣ́лъ еси́, Ар­се́­ніе о́тче на́шъ, и то­ли́­ко бо­го­мы́­лію не­пре­ста́н­но­му при­ле­жа́лъ еси́, я́ко мно́­га­жды за­бы­ва́­ти тебѣ́ о пи́щи и пи­тіи́. Нау­чи́ у́бо и на́съ, лѣ­ни́­выхъ и не­ра­ди́­выхъ, бо́др­ство­ва­ти въ мо­ли́­твахъ къ Бо́гу, да тебѣ́ бла­го­да́р­ствен­но зо­ве́мъ:

Ра́дуй­ся, освяще́н­ный со­су́­де Бо́жія бла­го­да́­ти; ра́дуй­ся, со­кро́­ви­ще пре­бо­га́­тое до­бро­дѣ́­те­лей. Ра́дуй­ся, я́ко ча́съ сме́рт­ный при́­сно по­ми­на́лъ еси́; ра́дуй­ся, я́ко дне́ су́д­на­го въ за­бве́­ніе не по­ло­жи́лъ еси́. Ра́дуй­ся, я́ко ры­да́лъ еси́ го́р­цѣ вос­по­ми­на́я му­че́нія вѣ́ч­ная; ра́дуй­ся, я́ко пла́­калъ еси́ во вся́ дни́ жи­во­та́ тво­е­го́, да из­бѣ́г­не­ши ге­е́н­ска­го пла́­ме­не. Ра́дуй­ся, сми­ре́ніемъ со­вер­ше́н­нымъ низ­ло­жи́­вый вся́ иску­ше́нія пре­го́р­да­го ве­ліа́­ра; ра́дуй­ся, неуязви́мъ пре­бы́­вый его́ раз­жже́н­ны­ми стрѣ­ла́­ми. Ра́дуй­ся, ру́цѣ твои́ пре­по­до́б­ныя со дер­зно­ве́ніемъ горѣ́ воз­дѣ­ва́­вый; ра́дуй­ся, отъ за­хо́­да до вос­хо́­да со́л­неч­на­го въ мо­ли́­твахъ Го́­спо­де­ви пред­стоя́вый. Ра́дуй­ся, пре­и­с­по́л­нен­ный Бо­же́­ствен­ныя люб­ве́; ра́дуй­ся, бо́лій въ ли́кѣ пре­по­до́б­ныхъ.

Ра́дуй­ся, Ар­се́­ніе, ве­ли́кій пу­стынно­жи́­те­лю.

Кон­да́къ 9

Вся́ за́­по­вѣ­ди Хри­сто́­вы вѣ́р­но ис­по́л­нилъ еси́, пре­по­до́б­не о́тче, и то­ли́­ко Бо́гу уго­ди́лъ еси́, я́ко да­ро­ва́ ти́ ве­ли́кій да́ръ раз­су­жде́нія ду­хо­во́мъ и по­зна́нія по́­мы­словъ че­ло­вѣ́­че­скихъ, уче­ни­ко́мъ же тво­и́мъ гла­го́­лалъ еси́, я́ко мно́­жи­цею о гла­го́­лѣ, его́­же про­вѣ­ща́лъ еси́, ка́ялся еси́, а о мол­ча́­ніи ни­ко­гда́­же, си́мъ поу­ча́я и́хъ из­бѣ­га́­ти праз­дно­сло́­вія ду­шевре́д­на­го, да воз­мо́гутъ бла­го­прія́тно пѣ́ти Со­зда́­те­лю сво­е­му́: Алли­лу́ія.

Икосъ 9

Витíй мно­го­вѣ­ща́н­ныхъ пре­вос­хо­ди́лъ еси́ да́­ромъ сло́­ва, пре­по­до́б­не, мол­ча́­ніемъ же тво­и́мъ па́че сло́­ва поу­ча́лъ еси́ вся́ при­хо­ди́в­шія къ тебѣ́ по́ль­зы ра́ди ду­ше́в­ныя, на­став­ля́я и́хъ хра­ни́­ти уста́ отъ мно­го­сло́­вія и осу­жде́нія бли́ж­нихъ, е́же и на́съ спо­до́­би улу­чи́­ти мо­ли́­тва­ми тво­и́­ми, да зо­ве́мъ ти́:

Ра́дуй­ся, зем­ны́й а́н­ге­ле и не­бе́с­ный че­ло­вѣ́­че; ра́дуй­ся, вѣ́р­ный по­слѣ́­до­ва­те­лю Хри­сто́въ. Ра́дуй­ся, по­ло­жи́­вый хра­не́ніе усто́мъ тво­и́мъ; ра́дуй­ся, мол­ча­ли́­вый по­дра­жа́­те­лю со­вер­ше́нствъ Іису́­со­выхъ. Ра́дуй­ся, мол­ча́­ніемъ тво­и́мъ бли́ж­нихъ тво­и́хъ поу­ча́­вый; ра́дуй­ся, вы­со­то́ю до­бро­дѣ́­те­лей тво­и́хъ че­ло­вѣ́­ки удивля́вый. Ра́дуй­ся, ни­ще­ту́ ду­хо́в­ную стяжа́­вый; ра́дуй­ся, кро́т­кое и незло́­би­вое се́рд­це имѣ́­вый. Ра́дуй­ся, вся́кое уго­жде́ніе пло́­ти воз­не­на­ви́­дѣ­вый; ра́дуй­ся, пу­сты́н­ное оз­ло­бле́ніе сла́д­цѣ пре­тер­пѣ́­вый. Ра́дуй­ся, гнилу́ю во́ду я́ко аро­ма́­ты обоня́вый; ра́дуй­ся, вмѣ́­сто мя́г­ка­го одра́, ро­го́­зи­ну себѣ́ по­сти­ла́­вый.

Ра́дуй­ся, Ар­се́­ніе, ве­ли́кій пу­стынно­жи́­те­лю.

Кон­да́къ 10

Спа­се́ніе ду­ше́в­ное иска́лъ еси́ вся́ дни́ жи­во­та́ тво­е­го́, пре­по­до́б­не о́тче, и сіе́ бла­го­на­де́ж­но полу­чи́лъ еси́, въ ста́­ро­сти ма­сти́­тѣй кон­чи́­ною свято́ю пре­ста́­вил­ся еси́ ко Го́­спо­ду, прія́ти отъ Него́ мзду́ тру­до́мъ тво­и́мъ на не­бе­си́, на зе­мли́ же оста́­вилъ еси́ па́мять съ по­хва­ла́­ми жи­тіе́мъ тво­и́мъ бла­ги́мъ, е́же вос­хва­ля́я, по­е́мъ Бо́гу, ди́в­но­му во святы́хъ Сво­и́хъ: Алли­лу́ія.

Икосъ 10

Стѣна́ огра­жде́нія яви́лся еси́ вѣ́р­нымъ, о́тче Ар­се́­ніе, по чест­нѣ́мъ успе́ніи тво­е́мъ, со­блю­да́яй и́хъ мо­ли́­тва­ми тво­и́­ми отъ вся́кихъ иску­ше́ній и оз­ло­бле́ній діа́­воль­скихъ: прія́лъ бо еси́ бла­го­да́ть отъ Го́­спо­да по­мо­га́­ти зем­но­ро́д­нымъ, мо­ли́­твен­но тя́ при­зы­ва́­ю­щимъ и во­пі­ю́­щимъ:

Ра́дуй­ся, по­бѣ­до­но́с­че, увѣ́н­чан­ный отъ Хри­сто́­вой де­сни́­цы; ра́дуй­ся, укра́­шен­ный сла́­вою не­ве­че́р­нею на не­бе­си́. Ра́дуй­ся, убла­жа́­е­мый отъ ро́да въ ро́дъ на зе­мли́; ра́дуй­ся, ра́­дост­ный совсе́ль­ни­че а́н­ге­ловъ. Ра́дуй­ся, бла­же́н­ный со­на­слѣ́д­ни­че всѣ́хъ святы́хъ; ра́дуй­ся, въ ло́нѣ Авра­а́м­ли упо­ко́ен­ный. Ра́дуй­ся, со из­бра́н­ны­ми Бо́жіи­ми во­дво­ре́н­ный; ра́дуй­ся, ли­це­зрѣ́­нія Хри­сто́­ва спо­до́б­лен­ный. Ра́дуй­ся, прія́вый бла́­га, пра́­вед­нымъ отъ вѣ́ка уго­то́­ван­ныя; ра́дуй­ся, полу­чи́­вый гра­жда́н­ство Іеру­са­ли́­ма го́рняго. Ра́дуй­ся, все­ли́­вый­ся та́мо, от­ню́ду­же от­бѣ­же́ вся́ка бо­лѣ́знь; ра́дуй­ся, осія́нный свѣ́­томъ Три­со́л­неч­на­го Бо­же­ства́.

Ра́дуй­ся, Ар­се́­ніе, ве­ли́кій пу­стынно­жи́­те­лю.

Кон­да́къ 11

Пѣ́ніе со а́н­гель­ски­ми во́­ин­ствы при­но́­си­ши горѣ́ Пресвятѣ́й Тро́­и­цѣ, Ар­се́­ніе бо­го­бла­же́н­не, и мо́­ли­ши­ся вы́ну за лю́ди, вѣ́р­но по­чи­та́­ю­щія святу́ю па́мять твою́. Мо́­лимъ тя́, пре­по­до́б­не: по­мо­ли́ся и за на́съ, грѣ́ш­ныхъ, ко Го́­спо­ду, сла́вящихъ дне́сь и́мя твое́ и убла­жа́­ю­щихъ по́­дви­ги твоя́; да бу́­демъ и мы́ по­дра­жа́­те­ли до­бро­дѣ́­те­лемъ тво­и́мъ, и вку́­пѣ съ то­бо́ю спо­до́­бим­ся пѣ́ти Тріе­ди́­ному Бо́гу: Алли­лу́ія.

Икосъ 11

Свѣ­то­по­да́­тель­ный свѣ­ти́ль­никъ до­бро­дѣ́­те­лей ева́н­гель­скихъ бы́лъ еси́ при жи́­зни, о́тче Ар­се́­ніе, та­ко­вы́мъ явля́ешися и по сме́р­ти, на­став­ля́я на́съ къ бо­гоу­го­жде́нію и́стин­но­му ду­ше­спа­си́­тель­ны­ми из­рѣче́ніями тво­и́­ми, въ кни́­гахъ свято­о­те́­че­скихъ за­пи́­сан­ны­ми, отъ ни́х­же по­чер­па́я на­зи­да́­ніе ду­хо́в­ное, взы­ва́­емъ ти́:

Ра́дуй­ся, зер­ца́­ло чи́­стое со­кро­ве́н­на­го въ Бо́зѣ житія́; ра́дуй­ся, свѣ­ще́, горя́щая пла́­ме­немъ люб­ве́ ко Го́­спо­ду. Ра́дуй­ся, со­вер­ше́н­ный о Хри­стѣ́ по­дви́ж­ни­че; ра́дуй­ся, до́­брый и́но­ковъ на­ста́в­ни­че. Ра́дуй­ся, Ева́н­гелія Хри­сто́­ва по­слѣ́­до­ва­те­лю; ра́дуй­ся, апо́­столь­скихъ пре­да́ній блю­сти́­те­лю. Ра́дуй­ся, бо­го­му́­дрія не­бе́с­на­го пре­и­с­по́л­нен­ный; ра́дуй­ся, бо­го­мы́­сліемъ мо­ли́­твен­нымъ удо́­брен­ный. Ра́дуй­ся, у́ме, оза­ре́н­ный лу­ча́­ми Бо­же́­ствен­на­го свѣ́­та; ра́дуй­ся, связа́­вый язы́къ сво́й мол­ча́­ніемъ во сла́ву Бо́жію. Ра́дуй­ся, въ мол­ча́­ніи тво­е́мъ бла­го­гла­го́­ли­вый учи́­тель бы́­вый; ра́дуй­ся, уче­ни­ки́ твоя́ бо­гоу­го­жде́нію и́стин­но­му нау­чи́­вый.

Ра́дуй­ся, Ар­се́­ніе, ве­ли́кій пу­стынно­жи́­те­лю.

Кон­да́къ 12

Бла­го­да́ть Го­спо́д­ню ис­про­си́ на́мъ, пре­по­до́б­не уго́д­ни­че Хри­сто́въ, и бу́ди на́мъ ру­ко­во­ди́­тель въ Ца́рствіе не­бе́с­ное. Мо́­лимъ ти ся при­ле́ж­но: по­мо­зи́ на́мъ, не­мощ­ны́мъ и грѣ́ш­нымъ, тво­и́мъ до­бро­дѣ́­те­лемъ по­дра­жа́­ти, Бо́гу, а не мíру бла­гоу­го­жда́­ти, да воз­мо́­жемъ бла­го­прія́тно пѣ́ти всѣ́хъ Тво­р­цу́: Алли­лу́ія.

Икосъ 12

Пою́ще свято́е без­мо́лв­ное жи­тіе́ твое́, о́тче Ар­се́­ніе, ди­ви́м­ся бо­го­мы́­слію тво­е­му́ мо­ли́­твен­но­му, я́ко вы́ну съ Бо́­гомъ пре­бы­ва́лъ еси́ умо́мъ тво­и́мъ, ны́нѣ же, егда́ пре­ше́лъ еси́ отъ вре́­мен­ныхъ по́­дви­говъ къ вѣ́ч­ному бла­же́н­ству, тѣ́мъ па́че съ Бо́­гомъ не­раз­лу́ч­но пре­бы­ва́­е­ши, и Бо́гъ въ тебѣ́ пре­бы­ва́­етъ, Его́­же умоля́ти не пре­ста́й за чту́щія тя́ и во­пію́­щія:

Ра́дуй­ся, кри́­не свя́­то­сти и чи­сто­ты́; ра́дуй­ся, дре́­во бла­го­пло́д­ное са́да Іису́­со­ва. Ра́дуй­ся, воз­ра́с­шій въ удо́ліяхъ свята́го сми­ре́нія; ра́дуй­ся, воз­не­се́н­ный да́же до горы́ не­бе́с­ныя. Ра́дуй­ся, вы́шняго Сіо́­на жи́­те­лю; ра́дуй­ся, сла́­вы Тро́­и­че­скія со­зер­ца́­те­лю. Ра́дуй­ся, всѣ́хъ святы́хъ при́­сный дру́­же; ра́дуй­ся, грѣ́ш­ныхъ съ Бо́­гомъ при­ми­ри́­те­лю. Ра́дуй­ся, по­дви́ж­ни­че­ска­го без­мо́лв­на­го житія́ вѣ́р­ный ука­за́­те­лю; ра́дуй­ся, о всѣ́хъ чту́­щихъ тя́ усе́рд­ный ко Го́­спо­ду пред­ста́­те­лю. Ра́дуй­ся, ду́ши на́ша на­став­ля́яй во спа­се́ніе; ра́дуй­ся, тѣ­ле­са́ на́ша въ по́­дви­зѣхъ укрѣп­ля́яй.

Ра́дуй­ся, Ар­се́­ніе, ве­ли́кій пу­стынно­жи́­те­лю.

Кон­да́къ 13

О, ве­ли́кій уго́д­ни­че Бо́жій, пре­по­до́б­не о́тче на́шъ Ар­се́­ніе! Пріи­ми́ бла­гоутро́б­но сіе малое мо­ле­ніе наше въ по­хва­лу тебѣ при­но­си­мое съ вѣрою и лю­бо­вію, и умоли воз­люб­лен­на­го тобою и воз­лю­бив­ша­го тя Го­спо­да: да спа­сетъ и по­ми­луетъ насъ, грѣш­ныхъ, из­ба­витъ муки вѣчныя, и спо­до­битъ во Цар­ствіи не­бе­снѣмъ со святыми пѣти Ему: Алли­лу́ія.

Се́й кон­да́къ гла­го́­лет­ся три́­жды. Та́же Икосъ 1-й и Кон­да́къ 1-й

Мо­ли́­тва

О, свяще́н­ная гла­во́, зем­ны́й а́н­ге­ле, не­бе́с­ный че­ло­вѣ́­че, без­мо́л­вія ра­чи́­те­лю, мол­ча́­нія лю­би́­те­лю, пре­по­до́б­не и бо­го­но́с­не о́тче на́шъ Ар­се́­ніе! При­па́­да­емъ ти́ и мо́­лим­ся: по­мо­ли́ся ко Го́­спо­ду, Бо́гу и Спа́су на́­шему Іису́су Хри­сту́, да да́руетъ на́мъ, грѣ́ш­нымъ и не­до­сто́й­нымъ ра­бо́мъ Сво­и́мъ, вся́ ко спа­се́нію ду­ше́в­но­му бла­го­по­тре́б­ныя дары́ Своя́: вѣ́ру пра́ву, на­де́жду бла́гу, лю­бо́вь не­ли­це­мѣ́р­ну, бла­го­че́­стіе не­по­ко­ле­би́­мое, лю­бо­му́­дріе хри­сто­по­слѣ́­до­ва­тель­ное, и вся́ до­бро­дѣ́­те­ли, во святѣ́мъ Ева́н­геліи Имъ за­по­вѣ́­дан­ныя; да бу́­демъ по­дра­жа́­те­ли тво­е­го бо­гоу­го́д­на­го житія́, и вку́­пѣ съ то­бо́ю спо­до́­бим­ся спа­се́ніе вѣ́ч­ное полу­чи́­ти и Ца́рствіе не­бе́с­ное уна­слѣ́­ди­ти. Ей, уго́д­ни­че Бо́жій! Не пре́­зри на́съ, но по­мо­зи́ на́мъ, не­бе́с­нымъ пред­ста́­тель­ствомъ тво­и́мъ, бла­го­че́ст­но жи­тіе́ вре́­мен­ное скон­ча́­ти, кон­чи́­ну бла­гу́ю, ми́р­ную и не­по­сты́д­ную стяжа́ти, и бла­же́н­ства ра́й­ска­го удо­сто́­и­ти­ся, да про­сла́­вимъ че­ло­вѣ­ко­лю́­біе и ще­дро́­ты въ Тро́­и­цѣ сла́­ви­ма­го и по­кла­ня́­е­ма­го Бо́га, Отца́ и Сы́на и Свята́го Ду́ха, и твое́ свято́е за­ступле́ніе, во вѣ́ки вѣ­ко́въ. Ами́нь.

Тро­па́рь, гла́съ 8

Сле́зъ тво­и́хъ те­че́нь­ми пу­сты́­ни без­пло́д­ное воз­дѣ́­лалъ еси́, и и́же изъ глу­би­ны́ воз­ды­ха́нь­ми во сто́ тру­до́въ упло­до­но­си́лъ еси́, и бы́лъ еси́ свѣ­ти́ль­никъ все­ле́н­нѣй, сія́я чу­де­сы́, Ар­се́­ніе, о́тче на́шъ, моли́ Хри­ста́ Бо́га спа­сти́­ся ду­ша́мъ на́­шимъ.

Кон­да́къ, гла́съ 3

Отъ Ри́ма возсія́лъ еси́ я́коже со́лн­це ве­ли́­кое, и къ ца́р­скому гра́ду до­сти́глъ еси́, пре­бла­же́н­не, сло­ве­сы́ тво­и́­ми про­свѣ­ща́я сего́ и дѣ́лы, вся́ку не­раз­у́­мія мглу́ отгоня́. Сего́ ра́ди тя́ по­чи­та́­емъ, отце́въ сла́­во, Ар­се́­ніе пре­по­до́б­не.

Ве­ли­ча́­ніе

Убла­жа́­емъ тя́, пре­по­до́б­не о́тче Ар­се́­ніе, и чте́мъ святу́ю па́мять твою́, на­ста́в­ни­че мо­на́­ховъ и со­бе­сѣ́д­ни­че а́н­ге­ловъ.