Кон­да́къ 1

Избра́н­ный чу­до­тво́р­че и пре­ди́в­ный ис­по­вѣ́д­ни­че Хри­сто́въ, мо­ли́­твен­ни­че о ду­ша́хъ на́­шихъ, святи́­те­лю Сте­фа́­не, я́ко имѣ́яй дер­зно­ве́ніе ко Го́­спо­ду, отъ вся́кихъ на́съ бѣ́дъ и на­па́­стей сво­бо­ди́ зо­ву́­щихъ:

Ра́дуй­ся, Сте­фа́­не, ис­по­вѣ́д­ни­че Хри­сто́въ и чу­до­тво́р­че.

Икосъ 1

Анге­ловъ со­бе­сѣ́д­ни­че и че­ло­вѣ́­ковъ на­ста́в­ни­че, ны́нѣ, я́ко Бо́жій слу­жи́­те­лю, пред­стоя́ съ вы́ш­ни­ми ли́ки, святи́­те­лю Сте­фа́­не, мо́­ли­ши о всѣ́хъ на́съ Хри­ста́ Бо́га на́­ше­го. Сего́ ра́ди бла­го­да́р­нѣ во уми­ле́ніи зо­ве́мъ ти́:

Ра́дуй­ся, чи­сто­то́ю и святы́­нею а́н­ге­ломъ упо­до́­би­вый­ся; ра́дуй­ся, по­сто́мъ и бдѣ́ніемъ без­стра́­стія до­сти́г­ну­вый. Ра́дуй­ся, вѣ́р­ныхъ не­пре­ло́ж­ное утвер­жде́ніе; ра́дуй­ся, не­вѣ́р­ныхъ бо­го­му́­дрен­ное об­ли­че́­ніе. Ра́дуй­ся, апо́­столь­скихъ пре­да́ній вѣ́р­ный хра­ни́­те­лю; ра́дуй­ся, не­по­ко­ле­би́­мый Пра­во­сла́­вія сто́л­пе. Ра́дуй­ся, тве́р­дое огра­жде́ніе Хри­сто́­вы Це́р­кве; ра́дуй­ся, дѣ́­ла­те­лю до́­брый вер­то­гра́­да Го­спо́д­ня.

Ра́дуй­ся, Сте­фа́­не, ис­по­вѣ́д­ни­че Хри­сто́въ и чу­до­тво́р­че.

Кон­да́къ 2

Бу́рю мір­ска́­го житія́ и тяже­ло­но́с­ныхъ стра­сте́й во́л­ны пре­ше́дъ, обрѣ́лъ еси́ ти́­хое при­ста́­ни­ще и въ пу­сты́­ню все­ли́в­ся, не­лѣ́­ност­но Хри­сту́ по­ра­бо́­талъ еси́ во мно́­зѣ дол­го­тер­пѣ́ніи, умерщ­вля́я по́­хо­ти плот­скíя Бо́га ра́ди и поя́ Ему́: Алли­лу́ія.

Икосъ 2

Ра́зу­момъ свы́­ше про­свѣ­ще́н­нымъ и Ду́­хомъ Святы́мъ оза­ре́н­нымъ не­вѣ́р­ныхъ лю­де́й Су­ро́ж­скихъ вѣ́­рою Хри­сто́­вою про­свѣ­ти́лъ еси́, сего́ ра́ди во­піе́мъ ти́:

Ра́дуй­ся, тру­до́въ апо́­столь­скихъ ре­вни́­те­лю; ра́дуй­ся, бо­го­сло́­вія и́стин­на­го пре­му́­дрый учи́­те­лю. Ра́дуй­ся, друго́мъ тво­и́мъ спа­се́нія же­ла́­вый; ра́дуй­ся, во дво́ръ Хри­сто́­вы Це́р­кве си́хъ при­зва́­вый. Ра́дуй­ся, я́ко не­бе́с­ны­ми стезя́ми не­воз­вра́т­но ше́­ство­валъ еси́; ра́дуй­ся, я́ко на вы­со­ту́ до­бро­дѣ́­те­лей воз­ше́лъ еси́. Ра́дуй­ся, стра­ны́ Су­ро́ж­скія про­свѣ­ти́­те­лю; ра́дуй­ся, хри­стіа́нъ стра­ны́ сея́ не­бе́с­ный по­кро­ви́­те­лю.

Ра́дуй­ся, Сте­фа́­не, ис­по­вѣ́д­ни­че Хри­сто́въ и чу­до­тво́р­че.

Кон­да́къ 3

Ви́дя въ тво­ре́ніихъ Бо́жіихъ, а́ки въ зер­ца́­лѣ, пре­му́­дрость и сла́ву Твор­ца́, къ Нему́ ду́­хомъ вы́ну воз­но­си́л­ся еси́, бо­го­му́­дре. Свѣ́­томъ бо­го­разу́­мія тво­е­го́ и на́съ оза­ри́, да во­піе́мъ ку́п­но съ то­бо́ю Бо́гу: Алли­лу́ія.

Икосъ 3

Имѣ́я въ се́рд­цы сво­е́мъ о́гнь люб­ве́ Бо­же́­ствен­ныя, спа­се́нія ра́ди ду́шъ че­ло­вѣ́­че­скихъ па́­стыр­ски по­дви­за́л­ся еси́, бо­го­му́­дре, про­ти́ву ко́з­немъ діа́­воль­скимъ, и по­бѣ­ди́­тель­нымъ Кре­ста́ ору́жіемъ, я́ко пау­чи́ну лу­ка́­ва­го сѣ́ти раз­сѣ­ка́лъ еси́. Тѣ́м­же пріи­ми́ отъ на́съ пѣ́снь сію́:

Ра́дуй­ся, ра́бе Бо́жій, благíй и вѣ́р­ный; ра́дуй­ся, учи́­те­лю сми­ре́нія и цѣ­ло­му́­дрія. Ра́дуй­ся, о́бра­зе кро́­то­сти и по­слу­ша́­нія; ра́дуй­ся, на­ста́в­ни­че дѣ́лъ до́­брыхъ. Ра́дуй­ся, огне­ви́д­ный сто́л­пе, на­став­ля́яй на пу́ть спа­се́нія; ра́дуй­ся, свѣ­ти́ль­ни­че свѣ­то­за́р­ный, вѣ́р­ныя про­свѣ­ща́яй. Ра́дуй­ся, не­ис­чер­па́­е­мый со­су́­де бла­го­да́­ти Хри­сто́­вы; ра́дуй­ся, чи́­стое прія́­те­ли­ще Ду́ха Свята́го.

Ра́дуй­ся, Сте­фа́­не, ис­по­вѣ́д­ни­че Хри­сто́въ и чу­до­тво́р­че.

Кон­да́къ 4

Святы́й Ге́р­манъ, на мо­ли́­твѣ стоя́, предъиз­вѣ­ще́нъ бы́сть отъ а́н­ге­ла объ из­бра́ніи тя́ Бо́­гомъ во святи́­теля гра́­да Су­ро́­жа, ты́ же, о́тче Сте­фа́­не, со сми­ре́ніемъ ту́­ю­же вѣ́сть прія́лъ еси́, поя́ Бо́гу: Алли­лу́ія.

Икосъ 4

Ви́дѣв­ше въ тебѣ́ Су­ро́ж­стіи лю́діе святи́­теля, я́ко а́н­ге­ла, зна́­ме­ніе бла­го­да́­ти не­бе́с­ныя нося́ща, воз­ра́­до­ва­ша­ся ра́­до­стію не­из­гла­го́­лан­ною. Ты́ же до́­брѣ вни­ма́я себѣ́ и все­му́ ста́­ду, въ не́м­же тя́ Ду́хъ Святы́й по­ста́­ви епи́­ско­па, усе́рд­но па́слъ еси́ Це́р­ковь Го́­спо­да и Бо́га, я́ко сло́­во воз­да́­ти хотя́: сего́ ра́ди убла­жа́­емъ тя́, о́тче Сте­фа́­не, зо­ву́­ще:

Ра́дуй­ся, че­ло­вѣ́­че Бо́жій, пре­по­до́­біемъ а́ки по́ясомъ зла­ты́мъ препоя́­сан­ный; ра́дуй­ся, дру́­же Хри­сто́въ, святи́­тель­ствомъ, а́ки би́­се­ромъ дра­ги́мъ преу­кра́­шен­ный. Ра́дуй­ся, во́­и­не Хри­сто́въ, не­по­бѣ­ди́­мый; ра́дуй­ся, стра́­же до́му Бо́жія не­у­сы́п­ный. Ра́дуй­ся, мзду́ тру­до́въ сво­и́хъ отъ Хри­ста́ вос­прія́вый; ра́дуй­ся, я́ко вше́лъ еси́ въ ра́­дость Го́­спо­да сво­е­го́. Ра́дуй­ся, стра­ны́ Та­ври́­че­ской свѣ́т­лое укра­ше́ніе; ра́дуй­ся, пре­ди́в­ное осія́ніе не­бе́с­ныя сла́­вы.

Ра́дуй­ся, Сте­фа́­не, ис­по­вѣ́д­ни­че Хри­сто́въ и чу­до­тво́р­че.

Кон­да́къ 5

Спа­сти́­ся всѣ́мъ хотя́ Пре­бла­гíй Го­спо́дь яви́ тя́, святи́­те­лю о́тче Сте­фа́­не, о́бразъ житія́ пра́­вед­на­го: кто́ бо не уми­ли́т­ся, ви́дя твое́ без­мѣ́р­ное ко всѣ́мъ бла­го­се́р­діе? Тѣ́м­же ве́лію къ на́мъ ми́­лость Бо́жію сла́вяще, во­піе́мъ: Алли­лу́ія.

Икосъ 5

Стѣна́ бы́лъ еси́ по́­мо­щи и за­ступле́нія всѣ́мъ без­по­мо́щ­нымъ и на­па́­ству­е­мымъ, святи́­те­лю Сте­фа́­не, и ми­ло­се́р­дія не­и­сто­щи́­мое со­кро́­ви­ще. Сего́ ра́ди ди́в­на­го во святы́хъ Сво­и́хъ Бо́га сла́вяще, убла­жа́­емъ тя́ си́це:

Ра́дуй­ся, ар­хіе­ре́ю, отъ Са­ма́­го Го́­спо­да про­на­ре­че́н­ный; ра́дуй­ся, му́жу же­ла́ній, па­сти́ ста́­до Хри­сто́­во свы́­ше из­бра́н­ный. Ра́дуй­ся, Па­сты­ре­на­ча́ль­ни­ка Іису́­са бла­го­во­ле́ніе; ра́дуй­ся, мно­го­свѣ́т­лый Це́р­кве свѣ­ти́ль­ни­че. Ра́дуй­ся, апо́­сто­ловъ со­при­ча́ст­ни­че; ра́дуй­ся, святи́­те­лей ве­ли́­кихъ со­пре­сто́ль­ни­че. Ра́дуй­ся, чи­сто­ты́ сер­де́ч­ныя со­кро́­ви­ще; ра́дуй­ся, сми­ре́нія Хри­сто́­ва зер­ца́­ло.

Ра́дуй­ся, Сте­фа́­не, ис­по­вѣ́д­ни­че Хри­сто́въ и чу­до­тво́р­че.

Кон­да́къ 6

Хотя́ Че­ло­вѣ­ко­лю́­бецъ Го­спо́дь яви́ти въ тебѣ́, святи́­те­лю, не­из­ре­че́н­ное къ лю́дямъ ми­ло­се́р­діе, по­ка­за́ Тя́ я́ко во­и́­стину свѣ­ти́­ло бо­го­свѣ́т­лое, дѣ́лы бо и сло­ве­сы́ тво­и́­ми всѣ́хъ при­во­ди́лъ еси́ ко бла­го­че́­стію. Тѣ́м­же сія́ніемъ по́­дви­говъ тво­и́хъ про­свѣ­ще́н­ни, тебе́ усе́рд­но ве­ли­ча́­емъ и про­сла́вль­шему Тя́ Хри­сту́ во­піе́мъ: Алли­лу́ія.

Икосъ 6

Ви́дя себе́ по­ста́в­ле­на на сте­пе́нь ар­хіе­ре́й­ства, святи́­те­лю о́тче Сте­фа́­не, не да́лъ еси́ очи́­ма тво­и́­ма сна́, ниже́ вѣ́­ждомъ тво­и́мъ дре­ма́­нія, по­став­ля́я па́­ствѣ тво­е́й па́­сты­ри смы́­слен­ны и вся́ лю́ди управ­ля́я ко спа­се́нію. Мы́ же, вѣ́ду­ще тя́ бы́ти па­сты­ре­на­ча́ль­ни­ка бо­го­му́­дрен­на и стро­и́­теля до́му Бо́жія до­бра́, взы­ва́­емъ къ тебѣ́ си́це:

Ра́дуй­ся, крѣ́п­кое кор­ми́­ло Хри­сто́­вы Це́р­кве; ра́дуй­ся, ни́вы Го­спо́д­ни усе́рд­ный жа́­те­лю. Ра́дуй­ся, вѣ́р­ныхъ крѣ́п­кое утвер­жде́ніе; ра́дуй­ся, не­вѣ́р­ныхъ бо­го­му́­дрен­ное об­ли­че́­ніе. Ра́дуй­ся, вѣ́р­ный та́­инъ святы́хъ стро­и́­те­лю; ра́дуй­ся, я́ко па́­сты­ремъ тво­и́мъ бла­го­вре́­мен­нѣ и без­вре́­мен­нѣ про­по­вѣ́­да­ти за­по­вѣ́­далъ еси́. Ра́дуй­ся, без­стра́­стія со­су́­де чи́­стый; ра́дуй­ся, из­мла́­да Хри­ста́ воз­лю­би́­вый.

Ра́дуй­ся, Сте­фа́­не, ис­по­вѣ́д­ни­че Хри­сто́въ и чу­до­тво́р­че.

Кон­да́къ 7

Бого­те́ч­ная звѣз­да́ яви́лся еси́ въ стра­нѣ́ на́­шей, на­став­ля́я всѣ́хъ на пу́ть спа­се́нія: при­зы­ва́­ю­щихъ бо тя́ вско́­рѣ пред­ва­ря́еши и отъ вся́кихъ бѣ́дъ и на­па́­стей из­ба­вля́еши, вѣ́р­ныя же нау­ча́­е­ши спа­са́­ю­щему то­бо́ю Бо́гу взы­ва́­ти: Алли­лу́ія.

Икосъ 7

Боже́­ствен­нымъ Ду́­хомъ про­свѣ­ще́нъ, про­по­вѣ́­далъ еси́ со дер­зно­ве́ніемъ Пра­во­сла́­вія пре­да́ніе, все­бла­же́н­не Сте­фа́­не, и му­чи́­теля без­за­ко́н­на по­сра­ми́лъ еси́, въ за­то­че́ніе не­пра́­вед­но по­сы­ла́­емь. Мы́ же, вѣ́ду­ще та­ко­ва́я, во­піе́мъ тебѣ́ си́це:

Ра́дуй­ся, за Хри­ста́ по­стра­да́­вый и му́­чи­мый; ра́дуй­ся, тве́р­до Его́ ис­по­вѣ́­да­вый. Ра́дуй­ся, всѣ́хъ нау­чи́­вый не­по­сра́м­лен­но по­кла­ня́тися чест­ны́мъ ико́­намъ; ра́дуй­ся, пред­ста́­те­лю предъ пре­сто́­ломъ Бо́жіимъ, за на́съ, грѣ́ш­ныхъ. Ра́дуй­ся, ве­се́ліе зе­мли́ Су­ро́ж­скія; ра́дуй­ся, царя́ не­че­сти́­ва­го об­ли­чи́­те­лю. Ра́дуй­ся, Пра­во­сла́­вія ре­вни́­те­лю; ра́дуй­ся, не­че­сти́­выхъ ере­се́й об­ли­чи́­те­лю.

Ра́дуй­ся, Сте­фа́­не, ис­по­вѣ́д­ни­че Хри­сто́въ и чу­до­тво́р­че.

Кон­да́къ 8

Отче отце́въ, бо­го­но́с­ный Сте­фа́­не, Су­ро́жу утвер­жде́ніе, рабы́ твоя́ со­блю­ди́ отъ вся́кого пре­грѣ­ше́нія, ви́­ди­мыхъ же вра́гъ и не­ви́­ди­мыхъ, вос­пѣ­ва́­ю­щихъ Бо́гу: Алли­лу́ія.

Икосъ 8

Тво­е­го́ чи́­ста­го и не­по­ро́ч­на­го житія́ кíй язы́къ че­ло­вѣ́­че­скій вос­хва­ли́­ти и вос­пѣ́­ти, пре­по­до́б­не Сте­фа́­не, воз­мо́­жетъ? Во всѣ́хъ бо по́­дви­зѣхъ до́­бле­ствен­нѣ по­дви­за́л­ся еси́, не­че­сти́­ва­го царя об­ли­чи́лъ еси́, че­сти́ же ико́­ны нау­чи́лъ еси́ и отце́въ до­гма́­ты, все­му́­дре, ис­по­вѣ́­далъ еси́, сего́ ра́ди убла­жа́­емъ тя́ си́це:

Ра́дуй­ся, а́н­ге­ловъ со­жи́­те­лю; ра́дуй­ся, апо́­сто­ловъ удо­бре́ніе. Ра́дуй­ся, му́­че­ни­ковъ по­хва­ло́; ра́дуй­ся, святи́­те­лей сла́­во. Ра́дуй­ся, и́но­ковъ укра­ше́ніе; ра́дуй­ся, свяще́н­ная гла­во́, отъ пе­ле́нъ очи́­стив­шаяся Ду́­хомъ. Ра́дуй­ся, я́ко звѣз­да́ свѣ́т­лая возсія́вый; ра́дуй­ся, отъ сре­ды́ тмы́ мно́­гія из­ве­ды́й.

Ра́дуй­ся, Сте­фа́­не, ис­по­вѣ́д­ни­че Хри­сто́въ и чу­до­тво́р­че.

Кон­да́къ 9

Ты́ Су­ро́жу бы́въ про­свѣ­ти́­тель и жи­ву́­щихъ въ не́мъ за­сту́п­никъ, обу­ре­ва́­е­мыхъ же и въ на­па́­стехъ су́­щихъ, ти́­хое при­ста́­ни­ще, вра́чь стра­сте́й ду­ше́в­ныхъ же вку́­пѣ и тѣ­ле́с­ныхъ, от­ню́ду­же вся́ ча́да твоя́ при́­сно взы­ва́­ютъ Бо́гу: Алли­лу́ія.

Икосъ 9

Витíи мно­го­вѣ­ща́н­ныя не воз­мо́гутъ по достоя́нію из­ре­щи́ тво­и́хъ бла­го­дѣя́ній мно́­же­ства, святи́­те­лю о́тче Сте­фа́­не, ще­дро­да́­тель­ная бо де­сни́­ца твоя́ всю́­ду досяза́ше. Мы́ же, бла­го­се́р­дію тво­е­му́ дивя́щеся, со уми­ле́ніемъ взы­ва́­емъ ти́:

Ра́дуй­ся, лучу́ люб­ве́ Бо́жія пре­свѣ́т­лая; ра́дуй­ся, со­кро́­ви­ще ми­ло­се́р­дія Спа́­со­ва не­и­сто­щи́­мое. Ра́дуй­ся, бли́ж­нія своя́ па́че себе́ воз­лю­би́­вый; ра́дуй­ся, въ ме́нь­шихъ бра́тіяхъ тво­и́хъ Са­мо­го́ Хри­ста́ ви́­дѣ­вый. Ра́дуй­ся, си́­рыхъ пи­та́­те­лю и при­зрѣ́­ніе; ра́дуй­ся, скорбя́щихъ утѣ­ше́ніе. Ра́дуй­ся, стра­да́ль­цевъ укрѣп­ле́ніе; ра́дуй­ся, оби́­ди­мыхъ за­сту́п­ни­че.

Ра́дуй­ся, Сте­фа́­не, ис­по­вѣ́д­ни­че Хри­сто́въ и чу­до­тво́р­че.

Кон­да́къ 10

Бу́рю злы́хъ на­па́­стей ути­ша́я, про­ше́лъ еси́ ве́сь пу́ть тѣ́­сный и ско́рб­ный и́но­че­ско­го житія́, неся́ яре́мъ и пу­сты́н­на­го по́­дви­га, и мно­го­нощ­на́­го бдѣ́нія, и мо­ли́­твы, и тѣ́ла умерщ­вле́нія и святи́­тель­ска­го служе́нія. И та́ко бла­го­да́тію Бо́жіею отъ си́лы въ си́лу вос­хо­дя́ и отъ дѣя́нія къ бо­го­ви­дѣ́­нію, во оби́­те­ли го́р­нія пре­се­ли́л­ся еси́. Идѣ́­же со а́н­ге­лы вы́ну вос­пѣ­ва́­е­ши Бо́гу: Алли­лу́ія.

Икосъ 10

Кто не бла­жи́тъ тебе́, пре­бла­же́н­не Сте­фа́­не, слы́­ша сла́в­ное жи­тіе́ твое́, се́й ме́ртвъ е́сть ду­ше́ю. Мы́ же си́це тебѣ́ вос­пѣ­ва́­емъ:

Ра́дуй­ся, ве­ли́кій Бо́гу уго́д­ни­че; ра́дуй­ся, я́ко во вре́­мен­нѣй жи́­зни се́й, люб­ве́ ра́ди ко Го́­спо­ду, вы́ну во спа­се́ніе души́ твоея́ по­дви­за́л­ся еси́. Ра́дуй­ся, я́ко Его́ по́­мощію, оста́вль тлѣ́н­ная, не­тлѣ́н­ная стяжа́лъ еси́; ра́дуй­ся, я́ко бла­го­да́тію Бо́жіею спо­до́­бил­ся еси́ стоя́ти у пре­сто́­ла Вла­ды́ч­ня. Ра́дуй­ся, я́ко та́ко спо­до́­бил­ся еси́ при­ча́ст­ни­комъ бы́ти вѣ́ч­ныя сла́­вы; ра́дуй­ся, та́ко полу­чи́­вый бла­го­да́ть хо­да́­тай­ство­ва­ти о на́съ. Ра́дуй­ся, ско́­рый по­мо́щ­ни­че при­зы­ва́­ю­щихъ тя́; ра́дуй­ся, пра­во­сла́в­но­му ца́рству на́­шему за­щи́­ти­те­лю.

Ра́дуй­ся, Сте­фа́­не, ис­по­вѣ́д­ни­че Хри­сто́въ и чу­до­тво́р­че.

Кон­да́къ 11

Бла­го­да́ть чу­де́съ мно­го­о­бра́з­ныхъ, все­ли́в­ся въ не­бе­си́, прія́лъ еси́ отъ Го́­спо­да, пре­бла­же́н­не Сте­фа́­не, сего́ ра́ди по­да­е́­ши ис­цѣ­ле́нія всѣ́мъ, при­те­ка́­ю­щимъ къ тебѣ́ съ вѣ́­рою. Мы́ же, си́лѣ чу­де́съ тво­и́хъ чудя́щеся, во­піе́мъ Бо́гу: Алли­лу́ія.

Икосъ 11

Зна́­ме­ніи чу­де­сы́ тебе́ Го­спо́дь про­сла́­ви, пре­бла­же́н­не Сте­фа́­не, про­го́­ни­ши бо ду́хи и вра­чу́­е­ши стра́­сти, ду́ши же про­свѣ­ща́­е­ши вѣ́р­ныхъ, си́це тебѣ́ во­пі­ю́­щихъ:

Ра́дуй­ся, по тру­дѣ́хъ стра́н­ствія зем­на́­го въ не­бе́с­ныхъ се­ле́ніихъ сла́д­цѣ по­чи́­вый; ра́дуй­ся, я́ко сме́рть прія́вый, тлѣ́нія же не по­зна́­вый. Ра́дуй­ся, со Хри­сто́мъ, Его́­же воз­лю­би́лъ еси́, на вѣ́ки со­во­ку­пи́­вый­ся; ра́дуй­ся, Ца́рствія не­бе́с­на­го и сла́­вы вѣ́ч­ныя на­слѣ́д­ни­че. Ра́дуй­ся, не­на­де́ж­нымъ на­де́­ждо; ра́дуй­ся, си́ль­нымъ мíра сего́ небоя́знен­ный суда́ Бо́жія про­воз­вѣ́ст­ни­че. Ра́дуй­ся, я́ко за и́стину пре­тер­пѣ́лъ еси́ ско́р­би; ра́дуй­ся, я́ко стяжа́лъ еси́ из­гна́н­ныхъ пра́­вды ра́ди бла­же́н­ство.

Ра́дуй­ся, Сте­фа́­не, ис­по­вѣ́д­ни­че Хри­сто́въ и чу­до­тво́р­че.

Кон­да́къ 12

Бла­го­да́ть свы́­ше Ти́ да́н­ную по­зна́в­ше, бла­го­го­вѣ́й­но ло­бы­за́­емъ свѣ­то­лѣ́п­ное все­чест­на́­го лица́ тво­е­го́ изо­бра­же́ніе и бла­го­да́р­ствен­но во­піе́мъ Хри­сту́ Бо́гу на́­шему: Алли­лу́ія.

Икосъ 12

Ве́сь еси́ въ вы́ш­нихъ, но и ни́ж­нихъ не остав­ля́еши, святи́­те­лю о́тче Сте­фа́­не, при́­сно со Хри­сто́мъ ца́рствуе­ши и о на́съ, грѣ́ш­ныхъ, мо­ли́­твы къ Нему́ воз­сы­ла́­е­ши. Тѣ́м­же во уми­ле́ніи зо­ве́мъ ти́:

Ра́дуй­ся, при­бѣ́­жи­ще на́ше въ ско́р­бехъ; ра́дуй­ся, ско́­рый по­мо́щ­ни­че въ бѣ­да́хъ су́­щихъ. Ра́дуй­ся, на не­ви́­ди­мыя вра­ги́ на́ша по­бо́р­ни­че; ра́дуй­ся, по­сѣ­ти́­те­лю въ не́­мо­щехъ ле­жа́­щихъ. Ра́дуй­ся, я́ко Хри­сту́ до́бль­ствен­но по­слѣ́­до­валъ еси́; ра́дуй­ся, я́ко Слад­ча́й­шему Іису́су до кон­ца́ по­слу­жи́лъ еси́. Ра́дуй­ся, я́ко на­сла­жда́­е­ши­ся ли­це­зрѣ́­нія Бо́жія; ра́дуй­ся, я́ко спо­до́­бил­ся еси́ зрѣ́­ти не­ве­че́р­ній де́нь Ца́рствія Хри­сто́­ва.

Ра́дуй­ся, Сте­фа́­не, ис­по­вѣ́д­ни­че Хри­сто́въ и чу­до­тво́р­че.

Кон­да́къ 13

О, ве­ли́кій и пре­сла́в­ный чу­до­тво́р­че, святи́­те­лю о́тче Сте­фа́­не! Пріи­ми́ сіе́ по­хва́ль­ное пѣ́ніе отъ на́съ, не­до­сто́й­ныхъ, во уми­ле́ніи тебѣ́ при­но­си́­мое и тво­и́мъ те́­плымъ пред­ста́­тель­ствомъ у пре­сто́­ла Царя́ сла́­вы ис­про­си́ на́мъ въ вѣ́рѣ и до́­брыхъ дѣ́­лѣхъ утвер­жде́ніе, въ жи­зни́ се́й отъ всѣ́хъ бѣ́дъ и на­па́­стей из­ба­вле́ніе, въ сме́рт­нѣмъ же успе́ніи на́­шемъ бла­гу́ю на­де́жду спа­се́нія, да спо­до́­бим­ся въ ра́­до­сти вѣ́ч­нѣй вос­пѣ­ва́­ти ди́в­но­му во святы́хъ Сво­и́хъ Бо́гу: Алли­лу́ія.

Се́й кон­да́къ гла­го́­лет­ся три́­жды. Та́же Икосъ 1-й и Кон­да́къ 1-й

Мо­ли́­тва

О, свяще́н­ная гла­во́, крѣ́п­кій на́шъ мо­ли́­твен­ни­че и за­сту́п­ни­че, святи́­те­лю о́тче Сте­фа́­не, услы́­ши на́съ, съ вѣ́­рою и лю­бо́­вію при­зы­ва́­ю­щихъ тя́. По­ми­на́й на́съ у пре­сто́­ла Все­дер­жи́­те­ле­ва и не пре­ста́й мо­ли́­ти­ся за на́съ. Ис­про­си́ пред­ста́­тель­ствомъ тво­и́мъ у Все­ми́­ло­сти­вѣй­ша­го Спа́­са на́­ше­го ми́ръ Це́р­кви Его́, па́­сты­ремъ Бо́жіимъ ре́­вность и си́лу, Бла­го­че­сти́­вѣй­шему Царю́ на́­шему му́­дрость и бла­го­по­спѣ́­ше­ство, пра­во­сла́в­нѣй стра­нѣ́ на́­шей ми́ръ и спа­се́ніе. Умо­ли́ Не­бе́с­на­го Отца́ всѣ́мъ по­да́­ти ко­е­му́­ждо бла­го­по­тре́­бенъ да́ръ: вѣ́ру и́стин­ную, на­де́жду тве́рдую, лю­бо́вь не­о­ску́д­ную, гра­до́въ на́­шихъ утвер­жде́ніе, мíра уми­ре́ніе, отъ гла́­да и гу­би́­тель­ства из­ба­вле́ніе, отъ на­ше́­ствія ино­пле­ме́н­никъ со­хра­не́ніе, ю́нымъ бла­го́е въ вѣ́рѣ воз­ра­ста́ніе, ста́­рымъ и не­мощ­ны́мъ утѣ­ше́ніе и укрѣп­ле́ніе, боля́щимъ ис­цѣ­ле́ніе, си́­рымъ и вдо­ви́­цамъ ми́­лость и за­ступле́ніе, бѣ́д­ствую­щимъ по́­мощь. Не по­сра­ми́ на́съ во упо­ва́ніи на́­шемъ, спо­спѣ́шствуй, я́ко оте́цъ ча­до­лю­би́­вый, и на́мъ по­не­сти́ бла­го́е и́го Хри­сто́­во во бла­го­ду́шіи и тер­пѣ́ніи и всѣ́хъ на́съ упра́­ви въ ми́рѣ и покая́ніи не­по­сты́д­но жи­во́тъ сво́й скон­ча́­ти и Ца́рствія Бо́жія на­слѣ́д­ни­цы бы́ти, идѣ́­же ты́ ны́нѣ во­дво­ря́ешися со а́н­ге­лы и всѣ́­ми святы́ми, вы́ну хваля́ Бо́га, въ Тро́­и­цѣ сла́­ви­мо­го, Отца́ и Сы́на и Свята́го Ду́ха. Ами́нь.

Тро­па́рь, гла́съ 4

Яко святи́­тель со без­пло́т­ны­ми еди­но­жи́­тель бы́въ, священ­но­му́­че­ни­че Сте­фа́­не, вос­пріе́мъ бо Кре́стъ, я́ко ору́жіе, и ста́въ крѣ́п­ко со­про­ти́въ ико­ноу­ко­ри́­теля и духо­бо́рцевъ, не по­кла­ня́­ю­щих­ся пре­чи́­стому о́бразу Хри́­ста Бо́га на́­ше­го, и отсѣ́клъ еси́ вся́ку е́ресь лу­ка́­выхъ. Того́ ра́ди пріе́мъ му­че́нія вѣ­не́цъ, из­ба́­вилъ еси́ гра́дъ тво́й Су­ро́жъ отъ вся́кія непрія́зни. И ны́нѣ мо́­лимъ тя́, свя́те, да из­ба́­ви­ши на́съ отъ вся́кихъ злы́хъ иску­ше́ній, и бѣ́дъ, и вѣ́ч­ныя му́ки.

Кон­да́къ, гла́съ 3

Вы́шняго си́­лою, свяще́н­не, укрѣ­пи́в­ся, ца­ре́­ва низ­ло­жи́лъ еси́ иконо­бо́р­ная ша­та́­нія; дне́сь Су­ро́жу и на́мъ вѣ́р­нымъ пред­ле­жа́тъ сла́­ва и бо­га́т­ство - святы́я твоя́ мо́щи, и́хже свы́­ше да­ро­но́сятъ а́н­гель­стіи чи́­но­ве, пѣ́снь­ми и пѣ́ніемъ сла­во­сло́вятъ тя́, ве­ли́кій свяще́н­ный Сте­фа́­не.

Ве­ли­ча́­ніе

Вели­ча́­емъ тя́, святи́­те­лю о́тче Сте­фа́­не, и чте́мъ святу́ю па́мять твою́, ты́ бо мо́­ли­ши за на́съ Хри­ста́ Бо́га на́­ше­го.