Кон­да́къ 1

Избра́н­ный чу­до­тво́р­че, ско́­рый за­сту́п­ни­че и мо­ли́­твен­ни­че о ду­ша́хъ на́­шихъ, святи́­те­лю Хри­сто́въ Мо­исе́е, я́ко имѣ́яй дер­зно­ве́ніе ко Го́­спо­ду, отъ вся́кихъ на́съ бѣ́дъ сво­бо­ди́, да зо­ве́мъ ти́:

Ра́дуй­ся, святи́­те­лю Мо­исе́е, по­хва­ло́ Це́р­кве Хри­сто́­вы и ве­ли́кій чу­до­тво́р­че.

Икосъ 1

Ангела тя́ зем­на́­го и че­ло­вѣ́­ка не­бе́с­на­го про­слав­ля́емъ вси́: отъ зем­ны́хъ бо къ не­бе́с­нымъ вос­хо­дя́ чи́­сты­ми по́­мы­слы, до­сто́­инъ яви́лся еси́ слу­жи́­тель ве­лѣ́ній Бо́жіихъ. И ны́нѣ, пред­стоя́ пре­сто́лу Святы́я Тро́­и­цы, не пре­ста́й моля́ся о во­пі­ю́­щихъ ти́:

Ра́дуй­ся, бо­го­за́р­ный свѣ́­те, освѣ­ща́­ю­щій на́съ; ра́дуй­ся, бла­го­че́­стія на­ста́в­ни­че. Ра́дуй­ся, отъ ю́но­сти воз­лю­би́­вый Бо́га всѣ́мъ се́рд­цемъ тво­и́мъ; ра́дуй­ся, я́ко Ему́ еди́­ному ра­бо́­та­ти воз­же́­лѣлъ еси́. Ра́дуй­ся, вся́ кра́с­ная мíра сего́ ни во что́­же вмѣ­ни́­вый; ра́дуй­ся, я́ко за́­по­вѣ­демъ Хри­сто́­вымъ отъ ю́но­сти по­слѣ́­до­валъ еси́. Ра́дуй­ся, цвѣ́­те бла­гоу­ха́н­ный; ра́дуй­ся, ро́з­го вер­то­гра́­да Хри­сто́­ва. Ра́дуй­ся, свя́то и бо­гоу­го́д­но на зе­мли́ по­жи­вы́й; ра́дуй­ся, я́ко по́­дви­гомъ до́­брымъ здѣ́ по­дви­за́л­ся еси́. Ра́дуй­ся, гра́ду на́­шему до́­брый па́­сты­рю; ра́дуй­ся, про­воз­вѣ́ст­ни­че лю́­демъ спа­се́нія.

Ра́дуй­ся, святи́­те­лю Мо­исе́е, по­хва­ло́ Це́р­кве Хри­сто́­вы и ве­ли́кій чу­до­тво́р­че.

Кон­да́къ 2

Ви́димъ тя́, святи́­те­лю Мо­исе́е, я́ко звѣз­ду́, мы́­слен­но возсія́вшую на тве́р­ди Цер­ко́в­нѣй, и всѣ́хъ на­прав­ля́ющую къ вы­со­тѣ́ бла­го­че́­стія, по­ю́­щихъ Бо́гу: Алли­лу́ія.

Икосъ 2

Ра́зумъ бо­го­лю­би́­вый стяжа́в­ши, о мір­стѣ́й кра­со­тѣ́ и пло́­ти му­дро­ва́ніихъ не­бре́глъ еси́, сего́ ра́ди оста́­вивъ оте́­че­ство твое́, Ве­ли́кій Нов­гра́дъ, и во гра́­дѣ Тфе́­ри и́но­че­скій о́бразъ вос­пріи́мь, а́н­гель­скому жи­тію́ не­по­ро́ч­но по­ре­вно­ва́лъ еси́ и да­ро́въ бла­го­да́­ти Ду́ха ис­по́л­нил­ся еси́. Тѣ́м­же ра́­до­стію взы­ва́­емъ ти́:

Ра́дуй­ся, пре­му́­дро­сти Бо́жія со­кро́­ви­ще; ра́дуй­ся, воз­дер­жа́ніемъ умер­тви́­вый плот­скíя стра́­сти. Ра́дуй­ся, я́ко бла­ги́­ми нра́­вы отъ ю́но­сти при­лѣ­пи́л­ся еси́ Хри­сту́; ра́дуй­ся, гла­го́­ловъ и за­ко́­новъ Бо́жіихъ ис­пол­ни́­те­лю. Ра́дуй­ся, я́ко въ по­ще́ніихъ, и бдѣ́ніихъ, и мо­ли́­твахъ жи­тіе́ твое́ про­во­жда́лъ еси́; ра́дуй­ся, мір­ска́я тре­вол­не́нія, я́ко лѣ́­ност­ный со́нъ, отрясы́й. Ра́дуй­ся, я́ко до­бро­дѣ́­те­лей ра́ди тво­и́хъ освяти́ тя́ Хри­сто́съ; ра́дуй­ся, тве́р­дый ада­ма́н­те, со­кру­ша́яй гор­ды́­ню вра­го́въ спа­се́нія на́­ше­го. Ра́дуй­ся, я́ко ве­ду́­щи­ми къ не­бе­си́ Бо­же́­ствен­ны­ми стезя́ми бо́­дрен­но ше́­ство­валъ еси́; ра́дуй­ся, я́ко отъ злѣ́ ве­ду́­щихъ путíй до кон­ца́ укло­ни́л­ся еси́. Ра́дуй­ся, мо­на́­ше­ска­го по­слу­ша́­нія свѣ́т­лый о́бла­че; ра́дуй­ся, а́н­гель­ски во пло́­ти по­жи́­вый.

Ра́дуй­ся, святи́­те­лю Мо­исе́е, по­хва­ло́ Це́р­кве Хри­сто́­вы и ве­ли́кій чу­до­тво́р­че.

Кон­да́къ 3

Си́лою Вы́шняго утвер­жда́яся, бла­же́н­не о́тче, во святѣ́мъ жи́­тель­ство­ва­ніи, я́ко ча́до по­слу­ша́­нія пре­бы­ва́лъ еси́ во оби́­те­ли пре­по­до́б­на­го Ма­ка́­рія Колмо́в­ска­го, и де́нь и но́щь поу­ча́л­ся еси́ въ за­ко́­нѣ Го­спо́д­ни, воз­зы­ва́я всѣ́хъ пѣ́ти Бо́гу: Алли­лу́ія.

Икосъ 3

Имѣ́я лю­бо́вь бо­же́­ствен­ную и вы­со­то́ю сми­ре́нія укра­ша́­емь, бы́лъ еси́ я́ко звѣз­да́ путе­во́д­ная мно́­гимъ и на­ча́ль­никъ свяще́н­на­го со­бо́­ра и́но­ковъ, на­ка­зу́я и уча́, и вся́ при­во­дя́ къ во́ли Бо́жіей. Тѣ́м­же, я́ко дѣ́­ла­те­лю до­бру́ въ вер­то­гра́­дѣ Го­спо́д­ни, при­но́­симъ ти́ хва­ле́нія:

Ра́дуй­ся, свѣ­ти́ль­ни­че бо­же́­ствен­ный и свѣ­то­но́с­ный; ра́дуй­ся, е́же по о́бразу Бо́жію со­блю­ды́й не­вре­ди́­мо. Ра́дуй­ся, мо­на́­ше­ству­ю­щихъ до­бро́­то; ра́дуй­ся, пра́­ви­ло до­бро­дѣ́­те­ли извѣ́ст­нѣй­шее. Ра́дуй­ся, я́ко воз­ло­жи́въ ру́ку на ра́ло не воз­вра­ти́л­ся еси́ вспя́ть; ра́дуй­ся, я́ко упра́вленъ бы́лъ еси́ въ Ца́рствіе Хри­ста́ Бо́га. Ра́дуй­ся, со­бо́­ровъ и́но­че­скихъ по­хва­ле́ніе; ра́дуй­ся, я́ко вра́жія опол­че́­нія упразд­ни́лъ еси́. Ра́дуй­ся, те­ку́­щихъ къ не­бе­си́ учи́­те­лю; ра́дуй­ся, ре́­вно­сти без­пло́т­ныхъ по­дра­жа́­те­лю. Ра́дуй­ся, Бо­же́­ствен­ныхъ сло­ве́съ хра­ни́­те­лю; ра́дуй­ся, пре­по­до́б­ныхъ и пра́­вед­ныхъ со­на­слѣ́д­ни­че.

Ра́дуй­ся, святи́­те­лю Мо­исе́е, по­хва­ло́ Це́р­кве Хри­сто́­вы и ве­ли́кій чу­до­тво́р­че.

Кон­да́къ 4

Бу́ри стра­сте́й мно­го­бо­лѣ́­знен­ныхъ сму­ща́­ютъ ны́ и оз­ло­бля́ютъ, но, ис­цѣ­ле́ній исто́ч­ни­че не­о­ску­дѣ­ва́­е­мый, ути­ши́ стра́­сти мно­го­вре́­мен­ныя при­те­ка́­ю­щихъ съ вѣ́­рою къ ра́цѣ мо­ще́й тво­и́хъ, и воз­дви́г­ни пѣ́ти Бо́гу: Алли­лу́ія.

Икосъ 4

Слы́­ша­ша бли́ж­ніи и да́ль­ніи бо­гоу­го́д­ное жи­тіе́ твое́, и егда́ на ар­хи­па́­стыр­скій пре­сто́лъ Це́р­кве Нов­гра́­да Ве­ли́­ка­го иска́ху му́жа до­сто́й­на, а́біе вси́ же­ла́ніемъ воз­же­лѣ́­ша имѣ́­ти тя́ па­сты­ре­на­ча́ль­ни­ка и святи́­теля. Сего́ ра́ди и же́злъ па́­стыр­ства прія́лъ еси́ отъ Все­россíйска­го ми­тро­по­ли́­та Пе­тра́ и па́­ству твою́ до́­брѣ упа́слъ еси́. Мы́ же, о́вцы па́­жи­ти твоея́, свѣ́­томъ тво­е­го́ бо­го­разу́­мія озаря́еми, во­піе́мъ ти́:

Ра́дуй­ся, ар­хіе­ре́ю, пре­му́­дрый учи́­те­лю; ра́дуй­ся, му́жу же­ла́ній, па­сти́ ста́­до Хри­сто́­во при­зва́н­ный. Ра́дуй­ся, чи­сто­то́ю я́ко со́лн­це возсія́вый; ра́дуй­ся, о́тче пре­ди́в­ный. Ра́дуй­ся, па́­сты­рю пре­лю­бе́з­ный; ра́дуй­ся, из­бра́н­ный со­су́­де бла­го­да́­ти Бо­же́­ствен­ныя. Ра́дуй­ся, апо́­сто­ловъ со­при­ча́ст­ни­че; ра́дуй­ся, ве­ли́­кихъ святи́­те­лей Нов­го­ро́д­скихъ пре­е́м­ни­че и со­пре­сто́ль­ни­че. Ра́дуй­ся, бо́­дрый стра́­же сло­ве́с­ныхъ ове́цъ; ра́дуй­ся, іе­ра́р­ховъ укра­ше́ніе. Ра́дуй­ся, бла­го­че­сти́­выхъ ве­лѣ́ній ска­за́­те­лю и на­са­ди́­те­лю; ра́дуй­ся, я́ко сла́ву Це́р­кве обо­га­ти́лъ еси́ уче́нь­ми тво­и́­ми, бо­го­му́­дре.

Ра́дуй­ся, святи́­те­лю Мо­исе́е, по­хва­ло́ Це́р­кве Хри­сто́­вы и ве­ли́кій чу­до­тво́р­че.

Кон­да́къ 5

Бого­те́ч­ная во­и́­стину звѣз­да́ бы́лъ еси́ въ жи­тіи́ тво­е́мъ всѣ́мъ и́щу­щимъ спа­се́нія, и по чест­нѣ́мъ успе́ніи ко спа­се́нію ны́ ру­ко­во́­ди­ши. Тѣ́м­же про­слав­ля́­ю­щему тя́ Го́­спо­ду во­піе́мъ: Алли­лу́ія.

Икосъ 5

Ви́дѣ­ша тя́ лю́діе па́­стыря во­и́­стину до­бра́, не­лѣ́­ност­на­го стро­и́­теля и бо́­дрен­на­го ра­чи́­теля о спа­се́ніи и́хъ: це́р­кви бо и мо­на­сты­ри́ со­зи­да́лъ еси́, и́хже ико́­на­ми укра­си́лъ и кни́­га­ми удо­во́­лилъ, вся́ вос­пол­ня́я мздо́ю тво­е́ю. Сего́ ра́ди по­хва­ла́­ми тя́ вѣн­ча́­емъ си́це:

Ра́дуй­ся, о́тче пре­сла́в­ный; ра́дуй­ся, пра­во­сла́в­ныхъ утвер­жде́ніе. Ра́дуй­ся, хра́­мовъ Бо́жіихъ со­зи­да́­те­лю; ра́дуй­ся, оби́­те­лей и́но­че­скихъ устро­и́­те­лю. Ра́дуй­ся, я́ко ви­дѣ́­ніе дѣя́ній Бо­же́­ствен­ныхъ вѣ́р­нымъ пре́­далъ еси; ра́дуй­ся, я́ко за­блу­жда́­ю­щихъ бо­го­му́­дрен­но вра­зумля́еши. Ра́дуй­ся, Пра­во­сла́­вія пре­да́ніе со дер­зно­ве́ніемъ про­по­вѣ́­да­вый; ра́дуй­ся, бла­го­да́тію Бо́жіею преу­кра́­шен­ный. Ра́дуй­ся, Це́р­кве кра­со­то́; ра́дуй­ся, я́ко вся́ уче́нь­ми тво­и́­ми про­свѣ­ща́­е­ши. Ра́дуй­ся, не­по­сты́д­ный о на́съ пред­ста́­те­лю; ра́дуй­ся, мо­ли́­твен­ни­че о ду­ша́хъ на́­шихъ.

Ра́дуй­ся, святи́­те­лю Мо­исе́е, по­хва­ло́ Це́р­кве Хри­сто́­вы и ве­ли́кій чу­до­тво́р­че.

Кон­да́къ 6

Про­по­вѣ́д­никъ и о́бразъ до́­бра­го житія́ бы́лъ еси́ въ кро́­то­сти и пре­му́­дро­сти. И Го­спо́дь, ви́дя сми­ре́нія тво­е­го́ вы­со­ту́, свы́­ше стро­е́­нія тебѣ́ сло́­во да́руетъ, и́мже лжему́­дрія по­то́­ки за­гра­ди́лъ еси́, вѣ́р­ныя же нау­чи́лъ еси́ пѣ́ти Бо́гу: Алли­лу́ія.

Икосъ 6

Возсія́лъ еси́, я́ко звѣз­да́ лу­че­за́р­ная, бли­ста́ніемъ уче́ній и дѣя́ній тво­и́хъ, егда́ по осьм­на́­де­сяти лѣ́­тѣхъ во́ль­на­го тво­е­го́ уда­ле́нія со святи́­тель­ска­го пре­сто́­ла па́ки, а́ще и про­ти́ву во́ли, при­зва́ху тя́ лю́діе на па́­стырство, и, прія́въ бла­го­сло­ве́ніе отъ па­тріа́р­ха Ца­ре­гра́д­ска­го и ми­тро­по­ли́­та Все­россíйска­го, сто́лпъ и утвер­жде́ніе Це́р­кве по­ка­за́л­ся еси́. И ны́нѣ не пре́­зри при­те­ка́­ю­щихъ къ тебѣ́ и во­пі­ю́­щихъ:

Ра́дуй­ся, и́сти­ны по­бо́р­ни­че; ра́дуй­ся, е́ре­сей по­сра­ми́­те­лю. Ра́дуй­ся, свѣ­ти́­ло бла­го­че́­стія; ра́дуй­ся, со­бла́з­новъ про­го­ни́­те­лю. Ра́дуй­ся, я́ко ле́сть без­за­ко́н­ныхъ об­ли­чи́лъ еси́; ра́дуй­ся, я́ко чу́­ждая уче́нія отъ Це́р­кве вѣ́р­ныхъ от­гна́лъ еси́. Ра́дуй­ся, бо́­дрен­ный въ вер­то­гра́­дѣ Хри­сто́­вѣ дѣ́­ла­те­лю; ра́дуй­ся, я́ко вра́жія опол­че́­нія низ­ло­жи́­вый. Ра́дуй­ся, вѣ́ры Пра­во­сла́в­ныя та­и́н­ни­че; ра́дуй­ся, я́ко то­бо́ю во­и́­стин­ну пра́­во хо­ди́­ти по­зна́­хомъ. Ра́дуй­ся, я́ко стра́хъ Бо́жій, на­ча́­ло пре­му́­дро­сти, въ серд­ца́ па­со́­мыхъ вну­ша́лъ еси́; ра́дуй­ся, я́ко одо­жде́ніемъ сло­ве́съ тво­и́хъ не­пло́д­ное сер­де́цъ воз­дѣ́­лы­валъ еси́.

Ра́дуй­ся, святи́­те­лю Мо­исе́е, по­хва­ло́ Це́р­кве Хри­сто́­вы и ве­ли́кій чу­до­тво́р­че.

Кон­да́къ 7

Хотѣ́ніемъ отъ мір­ски́хъ сла­сте́й отлу­ча́яся, крѣ́п­ко опол­ча́л­ся еси́ на не­ви́­ди­мыя вра­ги́, святи́­те­лю пре­по­до́б­не, и вѣ́р­нымъ бы́лъ еси́ цѣ­ло­му́­дрія о́бразъ, и уче́ній со­кро́­ви­ще не­о­ску­дѣ­ва́­е­мое, во­пі­ю́­щимъ о тебѣ́ Бо́гу: Алли­лу́ія.

Икосъ 7

Но́ва­го тя́ о спа­се́ніи людíй ре­вни́­теля Мо­исе́я по­зна­ва́­емъ. Якоже бо то́й ско́­ро къ лю́­демъ без­за­ко́н­ную­щимъ сни́­де отъ горы́ Бо́жія, во е́же пре­сѣ­щи́ не­че­сти́­вое и́хъ устре­мле́­ніе, та́ко и ты́ къ мяту́­щим­ся гра́­жда­номъ отъ оби́­те­ли Ар­хи­стра­ти́­га Ми­ха­и́­ла а́біе при­те́клъ еси́ со сло́­вомъ вра­зумле́­нія, да не ра́дуютъ по­га́­ныя, да не пу­сто­ша́тъ гра́дъ и це́р­кви Бо́жіи. Сего́ ра́ди и крѣ́­пость по­да­де́ ти́ Бо́гъ, и не по­пу­сти́ людíй Сво­и́хъ бы́ти въ по­смѣ́хъ діа́­волу. И мы́, сла́вяще о се́мъ Бо́га, при­но́­симъ ти́ хва­ле́б­ное пѣ́ніе:

Ра́дуй­ся, сла́­вы Бо́жія при́­сный ре­вни́­те­лю; ра́дуй­ся, мяте́­жей укро­ти́­те­лю. Ра́дуй­ся, не­му́­дрыхъ на­ка­за́­те­лю; ра́дуй­ся, за­блу́жд­шихъ къ и́сти­нѣ воз­зы­ва́яй. Ра́дуй­ся, я́ко тмо́ю стра­сте́й омра­ча́­е­мыя про­свѣ­ща́­е­ши; ра́дуй­ся, я́ко всѣ́хъ къ не­бе­си́ на­прав­ля́еши. Ра́дуй­ся, отъ ра­бо́­ты вра́жія, я́коже о́ный Мо­исе́й отъ Еги́­пта, изводя́й; ра́дуй­ся, во мра́­цѣ пре́­ле­сти сѣдя́щія къ свѣ́ту бла­го­разу́­мія воз­став­ля́яй. Ра́дуй­ся, я́ко раз­жже́­нія са­та­ни́н­ская уга­си́­вый; ра́дуй­ся, я́ко хри­стіа́нъ со­бо́­ры въ еди­но­мы́­сліе при­во́­ди­ши. Ра́дуй­ся, я́ко то­бо́ю діа́­волъ по­пра́ся; ра́дуй­ся, я́ко то­бо́ю Хри­сто́съ про­сла́­вися.

Ра́дуй­ся, святи́­те­лю Мо­исе́е, по­хва­ло́ Це́р­кве Хри­сто́­вы и ве­ли́кій чу­до­тво́р­че.

Кон­да́къ 8

Стра́н­ни­че­ское на зе­мли́ жи­тіе́ по­жи́въ и вол­не́ній мно́­же­ство бла­го­иску́с­но пре­ше́дъ, къ без­ско́рб­но­му жи­во­ту́ до­сти́глъ еси́ и дер­зно­ве́ніе и́ма­ши къ По­дви­го­по­ло́ж­нику Бо́гу, Ему́­же во­піе́мъ: Алли­лу́ія.

Икосъ 8

Ве́сь ис­по́л­ненъ люб­ве́ Хри­сто́­вы и Бла­га́­го Бо́га по­дра­жа́­тель бы́въ, па́­стыр­ски пору­че́н­ное тебѣ́ отъ Хри­ста́ ста́­до упа́слъ еси́: лица́ бо си́ль­ныхъ не стыдя́ся на­став­ля́лъ и́хъ на пу́ть спа­се́нія, не­мощ­ны́я за­сту­па́лъ еси́, вдо­ва́мъ и си­ро­та́мъ бы́въ по­мо́щ­никъ и лю­бо́вь не­ли­це­мѣ́р­ну ко всѣ́мъ стяжа́въ. Сего́ ра́ди, чту́­ще святу́ю па́мять твою́, лю­бо́­вію ти́ во­піе́мъ:

Ра́дуй­ся, сви­дѣ́­ній Го­спо́д­нихъ не­по­сты́д­ный про­по­вѣ́д­ни­че; ра́дуй­ся, я́ко кро́т­кими гла­го́­лы и мно́­гимъ ра́зу­момъ про­ти́в­ныя вра­зумля́лъ еси́. Ра́дуй­ся, гор­ды́­ни сми­ри́­те­лю, убо́­гихъ же за­сту́п­ни­че; ра́дуй­ся, я́ко стяжа́лъ еси́ лю­бо́вь, ни­ко­ли́­же от­па­да́­ю­щую. Ра́дуй­ся, ми­ло­се́р­дія исто́ч­ни­че; ра́дуй­ся, не­пре­ста́н­ное о лю́­дехъ про­мыш­ле́ніе. Ра́дуй­ся, ни́­щихъ пи­та́­те­лю; ра́дуй­ся, а́лчу­щимъ хлѣ́­бе не­о­ску­дѣ­ва́­е­мый. Ра́дуй­ся, всѣ́хъ на­де́ж­ное при­бѣ́­жи­ще; ра́дуй­ся, не­на­де́ж­ныхъ на­де́­ждо свѣ́т­лая. Ра́дуй­ся, боля́щихъ услы́­ша­ніе ско́­рое; ра́дуй­ся, ско́рб­ныхъ отра́­до.

Ра́дуй­ся, святи́­те­лю Мо­исе́е, по­хва­ло́ Це́р­кве Хри­сто́­вы и ве­ли́кій чу­до­тво́р­че.

Кон­да́къ 9

Всего́ себе́ впе­ри́въ къ Бо­же́­ствен­но­му же­ла́нію и пло́ть по­ви­ну́въ ду́ху воз­дер­жа́ніемъ вся́кимъ и до­бро­дѣ́яніемъ, по­жи́лъ еси́ въ чи́­стѣй со́­вѣ­сти и вѣ́рѣ не­ра­зо­ри́­мѣй. Сего́ ра́ди и въ се­ле́ніихъ ра́й­скихъ во­дво­ря́ешися, поя́ Бо́гу: Алли­лу́ія.

Икосъ 9

Вѣтíй мно­го­вѣ­ща́н­ныхъ крас­но­гла­го́­ла­нія не воз­мо́гутъ ис­по­вѣ́­сти сла́­вы твоея́, ни из­ре­щи́ ве­ли́­чія до­бро­дѣ́­те­лей тво­и́хъ: отъ ю́но­сти бо взе́мъ кре́стъ тво́й, до­сти́глъ еси́ идѣ́­же до­бро́­та не­и­з­рѣче́н­на и не­до­мы́­слен­на, и на не­бе­сѣ́хъ жи­ве́­ши, во свѣ́­тѣ не­ве­че́р­нѣмъ. Мо­ли́ся у́бо о на́съ, при­но­ся́щихъ ти́ хва­ле́б­ныя пѣ́нія:

Ра́дуй­ся, тще­ту́ мір­ски́хъ по­пе­че́ній отри́ну­вый; ра́дуй­ся, въ пре­по­до́­біи и пра́­вдѣ Бо́гу по­слу­жи́­вый. Ра́дуй­ся, я́ко о зем­ны́хъ не­бре­гíй, не­бе́с­ная на­слѣ́­до­валъ еси́; ра́дуй­ся, я́ко пре­свѣ́т­ло жи­тіе́ твое́ на зе­мли́ пре­ше́лъ еси́. Ра́дуй­ся, я́ко вѣ́­рою воз­ра­ща́­емь, дре́­во жи­во́т­ное яви́лся еси́; ра́дуй­ся, струя́ при­сно­те­ку́­щая, напая́ющая вѣ́р­ныхъ. Ра́дуй­ся, Іеру­са­ли́­ма не­бе́с­на­го гра­жда­ни́­не; ра́дуй­ся, стра­ны́ на́шея свѣ́т­лое ра́­до­ва­ніе. Ра́дуй­ся, бла­же́н­ство вѣ́ч­ное уна­слѣ́­до­ва­вый; ра́дуй­ся, не­кра́­до­мое бо­га́т­ство обрѣ­ты́й. Ра́дуй­ся, при­бѣ́­жи­ще на́ше и упо­ва́ніе; ра́дуй­ся, ско́­рое въ бо­лѣ́­знехъ вра­че­ва́­ніе.

Ра́дуй­ся, святи́­те­лю Мо­исе́е, по­хва­ло́ Це́р­кве Хри­сто́­вы и ве­ли́кій чу­до­тво́р­че.

Кон­да́къ 10

Спа­сти́­ся Хотя́й всѣ́мъ че­ло­вѣ́­комъ и въ ра́зумъ и́сти­ны пріи­ти́, да­ро­ва́ на́мъ тебе́, я́ко со­кро́­ви­ще не­отъе́м­ле­мо, я́ко са́дъ кра́с­ный до­бро­дѣ́­те­лей, я́ко свѣ­ти́ль­ни­ка Бо­же́­ствен­на­го и свѣ­то­но́с­на­го: ис­цѣ­ле́ній бо бла­го­да́ть исто­ча́­е­ши всѣ́мъ, при­те­ка́­ю­щимъ къ ра́цѣ мо­ще́й тво­и́хъ, и воз­дви­за́­е­ши вѣ́р­ныя вос­пѣ­ва́­ти Бо́гу: Алли­лу́ія.

Икосъ 10

Стѣ́ну при­бѣ́­жи­ща стяжа́­хомъ тя́, до­сто­чу́д­не Мо­исе́е, и въ ско́р­бехъ за­ступле́ніе: пред­ва­ря́еши бо въ бѣ­да́хъ су́щія, я́коже ино­гда́ ку́­плю дѣ́­ю­ща­го отъ по­топ­ле́нія спа́слъ еси́, и раз­бо́й­ни­че умыш­ле́ніе на того́ па́ки ра­зо­ри́лъ еси́. Не отри́­ни у́бо и на́съ, уми­ле́н­но ти́ взы­ва́­ю­щихъ:

Ра́дуй­ся, въ бѣ­да́хъ су́­щимъ пред­ста́­те­лю; ра́дуй­ся, на­па́­ству­е­мымъ сво­бо­ди́­те­лю. Ра́дуй­ся, пла́­ва­ю­щихъ хра­ни́­те­лю; ра́дуй­ся, пу­те­ше́­ствую­щимъ бла­го́е по­спѣ­ше́ніе. Ра́дуй­ся, спа­са́яй отъ сме́р­ти го́рь­кія; ра́дуй­ся, въ неча́яніи су́­щимъ ско́­рое по­мо­же́ніе. Ра́дуй­ся, я́ко рѣ́ч­ная вол­не́нія устав­ля́еши; ра́дуй­ся, я́ко обстоя́нія лу­ка́в­ства и на­вѣ́­ты зло́­бы раз­ру­ша́­е­ши. Ра́дуй­ся, оби́­ди­мыхъ по­кро́­ве; ра́дуй­ся, не­мощ­ству́­ю­щихъ крѣ́­по­сте. Ра́дуй­ся, я́ко впа­да́­ю­щихъ во иску­ше́нія воз­став­ля́еши; ра́дуй­ся, я́ко отъ скор­бе́й и оз­ло­бле́ній ис­хи­ща́­е­ши.

Ра́дуй­ся, святи́­те­лю Мо­исе́е, по­хва­ло́ Це́р­кве Хри­сто́­вы и ве­ли́кій чу­до­тво́р­че.

Кон­да́къ 11

Пѣ́ніе на́ше мо­ле́б­ное не пре́­зри, незло́­би­ве о́тче: се́ бо вѣ́­рою и лю­бо́­вію по­дви­за́­е­ми, при­те­ка́­емъ ко чест­но́­му гро́бу тво­е­му́, и, про­слав­ля́юще вѣн­ча́в­ша­го тя́ Го́­спо­да, мо́­лим­ся ти́: мо­ли́ся вы́ну у пре­сто́­ла Сла́­вы из­ба́­ви­ти­ся на́мъ отъ вра́гъ ви́­ди­мыхъ и не­ви́­ди­мыхъ, да во бла­го­да­ре́ніихъ зо­ве́мъ ди́в­но­му во святы́хъ Сво­и́хъ Бо́гу: Алли­лу́ія.

Икосъ 11

Свѣ­то­да́­тель­ная свѣ­ща́ яви́лся еси́ гра́ду на́­шему, бла­же́н­не о́тче, въ не­тлѣ́ніи свята́го тѣ­ле­се́ тво­е­го́. Тѣ́м­же бла­жи́мъ тя́, я́ко и въ гра́­дѣ вы́ш­немъ вселя́ешися и по­сре­дѣ́ на́съ ми­ло­се́рдуе­ши, при­ра­же́нія ле́­сти де́­мон­скія со­кру­ша́я и отгоня́я отъ по­чи­та́­ю­щихъ свяще́н­ную па́мять твою́:

Ра́дуй­ся, че­ло­вѣ́­че Бо́жій; ра́дуй­ся, я́ко про­сла́в­лен­ный то­бо́ю Го­спо́дь про­сла́­ви тя́. Ра́дуй­ся, я́ко въ пре­по­до́­біи по­жи́лъ еси́; ра́дуй­ся, я́ко не даде́ Го­спо́дь ви́­дѣ­ти тебѣ́, пре­по­до́б­но­му Сво­е­му́, истлѣ́нія. Ра́дуй­ся, я́ко въ вы́ш­нихъ се­ле́ніихъ тор­же­ству́­е­ши; ра́дуй­ся, я́ко и на́съ, въ до́ль­немъ мíрѣ пре­бы­ва́­ю­щихъ, не остав­ля́еши. Ра́дуй­ся, не­бо­жи́­те­лю бо­го­про­свѣ­ще́н­ный; ра́дуй­ся, грѣ́ш­ныхъ ко ис­прав­ле́нію при­во­дя́й. Ра́дуй­ся, па́­сты­рю благíй; ра́дуй­ся, вол­ко́въ мы́­слен­ныхъ от­гна́ніе. Ра́дуй­ся, я́ко съ а́н­ге­лы ли­ков­ству́­е­ши; ра́дуй­ся, я́ко пред­сто­и́­ши пре­сто́лу Сла́­вы не­ве­че́р­нія.

Ра́дуй­ся, святи́­те­лю Мо­исе́е, по­хва­ло́ Це́р­кве Хри­сто́­вы и ве­ли́кій чу­до­тво́р­че.

Кон­да́къ 12

Бла­го­да́тію Ду́ха Свята́го, е́юже про­свѣ­ще́нъ бы́въ при жи́­зни, и по сме́р­ти на­сла­жда́­е­ши­ся, обла­го­да­ти́ на́ша мы́­сли и серд­ца́, да чи́­сты­ми усты́ и не­по­ро́ч­ны­ми по́­мы­слы бла­го­да­ри́мъ Бла­го­дѣ́­ю­ща­го на́мъ Го́­спо­да и вос­пѣ­ва́­емъ Ему́: Алли­лу́ія.

Икосъ 12

Пою́ще твое́ хри­сто­по­дра­жа́­тель­ное на зе­мли́ жи­тіе́, бо­го­му́­драя дѣя́нія и по бла­же́н­нѣй кон­чи́­нѣ пре­сла́в­ная чу­до­дѣ́й­ствія, мо́­лимъ тя́ при́­сно за­сту­па́­ти ны́ отъ вра́гъ ви́­ди­мыхъ и не­ви́­ди­мыхъ, я́коже ино­гда́ отъ умыш­ле́нія злы́хъ че­ло­вѣ́къ, е́же рас­хи́­ти­ти святу́ю оби́­тель, идѣ́­же по­ло­же­но́ чест­но́е тѣ́ло твое́, спа́слъ еси́ о́ную ди́в­нымъ явле́ніемъ тво­и́мъ. Тѣ́м­же, я́ко вы́ну бла­га́я лю́­демъ тво­и́мъ хо­да́­тай­ству­ю­щему у пре­сто́­ла Бо́жія, взы­ва́­емъ ти́:

Ра́дуй­ся, при́­сный о на́съ къ Бо́гу хо­да́­таю; ра́дуй­ся, оби́­ди­мыхъ огра­жде́ніе. Ра́дуй­ся, зло́­бы со­кру­ши́­те­лю; ра́дуй­ся, на­вѣ́­товъ вра́жіихъ ра­зо­ре́ніе. Ра́дуй­ся, оби́дящихъ ка­ра́­те­лю; ра́дуй­ся, я́ко не­пра́­выхъ ко́вы раз­ру­ша́­е­ши. Ра́дуй­ся, я́ко стяжа́лъ еси́ къ Бо́гу дер­зно­ве́ніе; ра́дуй­ся, я́ко и на зе­мли́ про­слав­ля́ешися. Ра́дуй­ся, оби́­те­ли твоея́ крѣ́­по­сте и укра­ше́ніе; ра́дуй­ся, всѣ́хъ на́съ за­щи­ще́ніе. Ра́дуй­ся, чест­ны́­ми мо­ща́­ми тво­и́­ми бла­го­да́­ти ис­цѣ­ле́нія по­да­ва́яй; ра́дуй­ся, всѣ́хъ усе́рд­но къ тебѣ́ при­бѣ­га́­ю­щихъ при­ста́­ни­ще не­о­бу­ре­ва́­е­мое.

Ра́дуй­ся, святи́­те­лю Мо­исе́е, по­хва­ло́ Це́р­кве Хри­сто́­вы и ве­ли́кій чу­до­тво́р­че.

Кон­да́къ 13

О, свяще́н­нѣй­шій о́тче, па́­сты­рю и учи́­те­лю на́шъ Мо­исе́е! Не отри́­ни сіе́ на́ше усе́рд­ное при­но­си́­мое ти́ пѣ́ніе, из­ба́­ви на́съ тво­и́мъ хо­да́­тай­ствомъ и по́­мощію отъ вся́каго зла́ и вѣ́ч­ныя му́ки, да съ то­бо́ю вос­пѣ­ва́­емъ Бо́гу: Алли­лу́ія.

Се́й кон­да́къ гла­го́­лет­ся три́­жды. Та́же Икосъ 1-й и Кон­да́къ 1-й

Мо­ли́­тва святи́­те­лю Мо­исе́ю, ар­хіе­пи́­ско­пу Нов­го­ро́д­ско­му, чу­до­тво́р­цу

О, свяще́н­нѣй­шій о́тче, святи́­те­лю Хри­сто́въ Мо­исе́е, па́­сты­рю и учи́­те­лю на́шъ! Не отри́­ни на́съ съ вѣ́­рою при­те­ка́­ю­щихъ къ ра́цѣ мо­ще́й тво­и́хъ и къ тво­е­му́ за­ступле́нію, и те́­плою мо­ли́­твою тя́ при­зы­ва́­ю­щихъ, но ско́­ро по­тщи́­ся по­мо­ли́­ти­ся Царю́ ца́рству­ю­щихъ и Го́­спо­ду го­спо́д­ству­ю­щихъ, да из­ба́­витъ ста́­до Свое́ отъ вол­ко́въ гу́бящихъ е́, и вся́ку страну́ хри­стіа́н­скую огра­ди́ и со­хра­ни́ святы́ми тво­и́­ми мо­ли́­тва­ми отъ мір­ска́­го мяте́жа и тру́­са, на­ше́­ствія ино­пле­ме́н­никъ и ме­ждоу­со́б­ныя бра́­ни, отъ гла́­да же и гу­би́­тель­ства, по­то́­па, и меча́, и огня́, и на­пра́с­ныя сме́р­ти; и я́коже по­ми́­ло­валъ еси́ гряду́­ща­го ку́­плю дѣ́яти отъ по­топ­ле́нія, и отъ раз­бо́й­ни­ковъ спа́слъ еси́ святу́ю оби́­тель сію́ твою́, та́ко по­ми́луй и на́съ, умо́мъ, сло́­вомъ и дѣ́­ломъ во тмѣ́ грѣ­хо́в­нѣй су́­щихъ, и из­ба́­ви на́съ гнѣ́­ва Бо́жія и вѣ́ч­ныя ка́зни, я́ко да тво­и́мъ хо­да́­тай­ствомъ и по́­мощію, Сво­и́мъ же ми­ло­се́р­діемъ и бла­го­да́тію, Хри­сто́съ Бо́гъ ти́­хое и без­грѣ́ш­ное жи­тіе́ да́стъ на́мъ по­жи́­ти въ вѣ́цѣ се́мъ и из­ба́­витъ на́съ шу́іяго стоя́нія, спо­до́­битъ же де­сна́­го со всѣ́­ми святы́ми. Ами́нь.

Тро­па́рь, гла́съ 8

Чисто­ты́ ра́ди житія́ тво­е­го́, по­ще́нія же, и мо­ли́твъ, и тру­до́въ, со­су́дъ бла­го­по­тре́­бенъ бы́лъ еси́ Вла­ды́­цѣ Хри­сту́, Иже да­ро­ва́ тя́ ста́­ду тво­е­му́, я́ко со­кро́­ви­ще не­отъе́м­ле­мо, чу­де­сы́ всѣ́хъ обо­га­ща́­ю­ща. Тѣ́мъ и мы́, со­ше́д­ше­ся къ ра́цѣ мо­ще́й тво­и́хъ, вѣ́­рою и лю­бо́­вію во­піе́мъ: моли́ о на́съ, пре­чест­ны́й ар­хіе­ре́ю Мо­исе́е, о́тче на́шъ.

Кон­да́къ, гла́съ 3

Яко вѣн­це́мъ пре­свѣ́т­лымъ укра­си́в­ся дне́сь, ве­ли́кій Нов­гра́дъ ли­ку́­етъ въ па́мять па́­стыря сво­е­го́ и учи́­теля, и, я́ко діа­ди́му ца́рскую воз­ло­жи́в­ши, чест­на́я о́на оби́­тель свѣ́т­ло ра́дует­ся: про­сла́­ви бо тя́ Бо́гъ, уго́д­ни­ка Сво­е­го́, и прояви́ по­слѣ́д­нему ро́ду на́­шему цѣль­бо­но́с­ныя мо́щи твоя́, святи́­те­лю Мо­исе́е, Це́р­ковь же Бо́жія ве­се­ли́т­ся, со­зы­ва́­ю­щи и́нокъ со­сло́­віе ве­ле­гла́с­но во­пи́­ти: ра́дуй­ся, гра́ду тво­е­му́ и оби́­те­ли по­хва­ло́ и всея́ Россíйскія стра­ны́ пре­свѣ́т­лый свѣ­ти́ль­ни­че.

Ве­ли­ча́­ніе

Ве­ли­ча́­емъ тя́, святи́­те­лю о́тче Мо­исе́е, и чте́мъ святу́ю па́мять твою́, ты́ бо мо́­ли­ши за на́съ Хри­ста́ Бо́га на́­ше­го.