Кон­да́къ 1

Избра́н­ная отъ всѣ́хъ ро­до́въ Дѣ́во, Ма́ти Го́­спо­да Бо́га Вы́шняго, въ лу­че­за́р­ной сла́­вѣ не­бе́с­ной пре­вы́­ше хе­ру­ви́­мовъ и се­ра­фи́­мовъ сія́ющая, Ца­ри́­це и Вла­ды́­чи­це! Пре­кло­ни́ у́хо Твое́ къ на́мъ, грѣ́ш­нымъ, и уто­ли́ пе­ча́ль сер­де́цъ на́­шихъ. Про­стри́ надъ на́ми по­кро́въ Тво́й чест­ны́й. По­сѣ­ти́ мно­го­бѣ́д­ствен­ную жи́знь на́шу: въ стра­нѣ́ бо чу­ждѣ́й су́щи, не и́ма­мы ины́я по́­мо­щи, не и́ма­мы ины́я на­де́­жды, ра́з­вѣ Тебе́, Ма́ти ро́да на́­ше­го, въ стра́­сѣ и тре́­пе­тѣ предъ ве­ли́­чіемъ ми­ло­се́р­дія Тво­е­го́ ко­лѣ́­на пре­кло́н­ше, хо­да́­тай­ства Тво­е­го́ предъ без­сме́рт­нымъ Сы́­номъ Тво­и́мъ про́­симъ, со уми­ле́ніемъ зо­ву́­ще:

Ра́дуй­ся, Свѣ́т­лая Оби́­тель стра́н­ни­ковъ без­до́м­ныхъ.

Икосъ 1

Арха́н­гелъ бла­го­вѣ́ст­никъ съ не­бе­се́ по́­сланъ бы́сть пра́­вед­но­му Іо­а­ки́му ра́­дость Ро­жде­ства́ Тво­е­го́ воз­вѣ­сти́­ти. И воз­ра́­до­ва­ся ста́­рецъ святы́й, ве­ли́­чіе Твое́ въ мíрѣ Бо́жіемъ про­ви́дя. Тѣ́мъ же и мы́ съ ни́мъ ра́­дост­но Тебѣ́, Бо­го­ро́­ди­це, во­піе́мъ:

Ра́дуй­ся, Пре­чи́­стая, всѣ́хъ цвѣ­то́въ бла­гоу­ха́н­нѣй­шая. Ра́дуй­ся, кро́т­каго ми­ло­се́р­дія две́­ри на́мъ отвер­за́­ю­щая. Ра́дуй­ся, Люб­ве­о­би́ль­ная, надъ всѣ́­ми на́ми по­кро́въ Тво́й святы́й про­сти­ра́­ю­щая. Ра́дуй­ся, Дѣ́во Свѣ­то­за́р­ная, на́ша те́р­нія опаля́ющая.

Ра́дуй­ся, Свѣ́т­лая Оби́­тель стра́н­ни­ковъ без­до́м­ныхъ.

Кон­да́къ 2

Ви́дяще Тя́ на о́бла­цѣхъ, чест­ны́й по­кро́въ про­сти­ра́­ю­щую и тѣ́мъ на́съ со­блю­да́­ю­щую, бла­го­да́р­ствен­но во­піе́мъ Бо́гу: Алли­лу́ія.

Икосъ 2

Ра́зумъ на́шъ, обу­ре­ва́­е­мый по­мыш­ле́ніями плот­ски́­ми, во­тще́ око́­вы зем­ны́я со­кру­ши́­ти тща́­ша­ся: не­мощ­ны́я и лѣ­ни́­выя во грѣ­сѣ́хъ на́­шихъ валя́емся, но сле́з­но къ Тво­е­му́ ми­ло­се́р­дію взы­ва́­емъ: воз­дви́г­ни изъ бе́з­дны грѣ­хо́в­ныя, на­ста́­ви на́съ на пу́ть спа­се́нія, да со а́н­ге­лы Тебе́, Ма́ти Пре­чи́­стая, про­слав­ля́емъ:

Ра́дуй­ся, по­кро́­ве на́шъ и спа­се́ніе. Ра́дуй­ся, грѣ́ш­ни­ковъ мо­ли́­твен­ни­це. Ра́дуй­ся, на́ши сле́­зы ути­ра́­ю­щая. Ра́дуй­ся, Ма́ти ми­ло­се́р­дія. Ра́дуй­ся, Жи­во­пріе́м­ный Исто́ч­ни­че, [на́съ] напоя́ющій. Ра́дуй­ся, во из­гна́ніи на́съ не остав­ля́ющая.

Ра́дуй­ся, Свѣ́т­лая Оби́­тель стра́н­ни­ковъ без­до́м­ныхъ.

Кон­да́къ 3

Си́ла Вы́шняго охраня́ша Тя́, егда́ мла­де́н­чески­ми сто­па́­ми тво­ри́­ла еси́ вос­хо­жде́ніе лѣ́­стви­цы хра́­ма Го­спо́д­ня. И мы́, грѣ́ш­ніи, стра́н­ни­ки без­до́м­ныя, дер­жа́­ще­ся за святы́я ри́зы Твоя́, го́­рест­но мо́­лимъ: воз­ве­ди́ на́съ по лѣ́­стви­цѣ спа­се́нія, да при­бли́зим­ся къ пре­сто́лу сла́­вы Бо́жія, бла­го­да́р­ствен­но зо­ву́­ще: Алли­лу́ія.

Икосъ 3

Иму́ще се́рд­це всѣ́хъ дѣ́въ чи­стѣ́й­шее и ра́зумъ въ го́р­нее устре­мле́н­ный, Дѣ́во Марíе, въ хра́­мѣ Бо́жіемъ пре­бы­ва́­ю­ще, о зем­но́мъ не по­мыш­ля́я, все́ су­ще­ство́ Свое́ къ вос­прія́тію Царя́ ца­ре́й при­го­то́­ви­ла еси́. Си́лы не­бе́с­ныя предъ чи­сто­то́ю Тво­е́ю пре­кло­ня́ются и ве́сь ро́дъ че­ло­вѣ́­че­скій ра́­дост­ную пѣ́снь Тебѣ́ воз­сы­ла́­етъ:

Ра́дуй­ся, Пре­чи́­стая Дѣ́во, всѣ́хъ дѣ́въ чи­стѣ́й­шая. Ра́дуй­ся, ра́зумъ плот­ски́мъ грѣ­хо́мъ не по­вре­ди́в­шая. Ра́дуй­ся, кро́т­кая лампа́­до все­му́ мíру сія́ющая. Ра́дуй­ся, се́рд­це, всѣ́хъ сер­де́цъ чи­стѣ́й­шее. Ра́дуй­ся, ра́й­ское ви­дѣ́­ніе, на́ши ду­хо́в­ныя о́чи умиля́ющее. Ра́дуй­ся, кра­со­то́ не­из­ре­че́н­ная и нео­пи́­сан­ная.

Ра́дуй­ся, Свѣ́т­лая Оби́­тель стра́н­ни­ковъ без­до́м­ныхъ.

Кон­да́къ 4

Бу́рю отча́янія въ серд­ца́хъ на́­шихъ пре­тер­пѣ­ва́я, въ ско́р­би жи́знь из­гна́н­ни­ковъ во стра­нѣ́ чу­ждѣ́й скон­ча­ва́я, къ Тебѣ́, Бо­го­ро́­ди­це, при­бѣ­га́­емъ и сми­ре́н­но мо́­лимъ: по­да́й на́мъ си́лу ду́ха, по­да́й на́мъ кро́­тость и сми­ре́ніе къ пе­ре­не­се́нію всѣ́хъ го́­ре­стей на́­шихъ, да вос­по­и́мъ Бо́гу: Алли­лу́ія.

Икосъ 4

Слы́­ша­ще бла­гу́ю вѣ́сть, ар­ха́н­ге­ломъ Га­вріи́­ломъ при­не­се́н­ную, Ты́, сми­рен­но­му́­дрен­но святы́ню ча́са сего́ разу­мѣ­ва́я, ре­кла́ еси́: "се́ раба́ Го­спо́д­ня, бу́ди Мнѣ́ по гла­го́­лу тво­е­му́". Пресвята́я Дѣ́во, нау­чи́ и на́съ хра­ни́­ти по­ко́р­ность во́лѣ Бо́жіей и безро́­пот­но пе­ре­не­сти́ Бо́­гомъ нис­по­сы­ла́­е­мыя на́мъ ис­пы­та́нія. Да очи́­стятся огне́мъ стра­да́ній ду́ши на́ша, да из­мету́т­ся изъ сер­де́цъ на́­шихъ вся́ скве́р­ны грѣ­хо́въ на́­шихъ, да воз­ста́­немъ бо́­дры и чи́­сты се́рд­цемъ, бла­го­да́р­ствен­ное хва­ле́ніе си́це Бо́гу воз­сы­ла́я: бла­го­да­ри́мъ Тя́, Бо́же, Царю́ не­бе­се́ и зе­мли́, вся́ пре­му́­дро­стію Тво­е́ю стро́яй и со­кро­ве́н­ная че­ло­вѣ́­ковъ я́вѣ пред­вѣ́­дый, се́ до­сто́й­ная по дѣ­ло́мъ на́­шимъ пріе́м­лемъ, да бу́­детъ надъ на́ми во́ля свята́я Твоя́. Тебе́ же, Пре­бла­го­сло­ве́н­ная Дѣ́во, Бо́га всѣ́хъ ро́жд­шая, уми­ле́н­но про­слав­ля́емъ:

Ра́дуй­ся, сми­ре́н­ная рабо́ Го­спо́д­ня, на́съ при­мѣ́­ромъ Сво­и́мъ ободря́ющая. Ра́дуй­ся, Дѣ́во Пресвята́я, ю́ность Свою́ Бо́гу посвяти́в­шая. Ра́дуй­ся, кро́­то­сте не­из­гла­го́­лан­ная. Ра́дуй­ся, сто́л­пе вѣ́ры не­по­ко­ле­би́­мый. Ра́дуй­ся, упо­ва́ніе всѣ́хъ кон­це́въ зе­мли́. Ра́дуй­ся, люб­ве́ мо́ре не­из­мѣ́ри­мое.

Ра́дуй­ся, Свѣ́т­лая Оби́­тель стра́н­ни­ковъ без­до́м­ныхъ.

Кон­да́къ 5

Бого­те́ч­ная звѣз­да́ вол­хво́мъ на не­бе­си́ я́вль­ше­ся и ди́в­ный вер­те́пъ оза­ри́в­шая, по­ка­за́ Царя́ сла́­вы въ я́­слѣхъ ле­жа́­ща и съ Ни́мъ Ма́­терь Его́, Дѣ́ву Чи́­стую и Святу́ю, въ се́рд­цѣ сво­е́мъ пѣ́­сни а́н­ге­ловъ сла­га́в­шую. О, Дѣ́во кро́­то­сти и сми­ре́нія! Воз­не­си́ Го́­спо­ду и на́ше сла­во­сло́­віе: Алли­лу́ія.

Икосъ 5

Ви́дяще вол­хвы́ сла́ву Пред­вѣ́ч­на­го Мла­де́н­ца Хри­ста́, на́съ ра́ди пло́тію ро́жд­ша­го­ся, воз­да́­ша Ему́ Бо́­же­ское по­кло­не́ніе. Ан­гелъ же Го­спо́­день ста́р­цу Іо́­сифу яви́ся, по­ве­лѣ́ Без­сме́рт­ное Отро­ча́ и Ма́­терь Его́ во Еги́­петъ отъ я́­ро­сти Иро­до­вой спа­са́­ти. Со уми­ле́ніемъ по­мыш­ля́я о пути́ Тво­е́мъ, Бо­го­ро́­ди­це, мно­го­тру́д­нѣмъ, мы́, грѣ́ш­ніи, сми­ре́н­но къ Тебѣ́ при­бѣ­га́­емъ: облег­чи́ и на́мъ пу́ть те́р­ній ис­по́л­нен­ный, по­ды­ми́ па́­да­ю­щихъ ду́­хомъ, под­дер­жи́ сла́­быхъ и боля́щихъ, про­стри́ ру́ку спа­се́нія уны­ва́­ю­щимъ, отри́ сле́­зы пла́чу­щимъ, со­е­ди­ни́ растоя́щіяся серд­ца́ скорбя́щихъ, воз­вра­ти́ ма́­те­ри ея́ сы́на, воз­вра­ти́ бра́­та бра́ту, воз­вра­ти́ на́мъ отчи́зну на́шу, кро́­вію исте­ка́­ю­щую, воз­вра­ти́ на́мъ хра́­мы святы́е, се́ла на́ши ро­дны́я, воз­вра­ти́ на́мъ Ру́сь Пра­во­сла́в­ную ты́сячами свѣ­че́й и лампа́дъ къ Бо́гу свои́ мо­ли́­твы, я́ко ѳиміа́мъ, воз­но­ся́щую. О, Пре­сла́в­ная Все­пѣ́­тая Дѣ́во Бо­го­ро́­ди­це, во вся́ пре́ж­няя дни́ го́­ре­стей на́­шихъ ми́­ло­сти­во на на́съ пре­зи­ра́в­шая, бу́ди ми́­ло­сти­ва и ны́нѣ къ на́мъ, грѣ́ш­нымъ, по зе­млѣ́ ро­дно́й пла́чу­щимъ. Умо­ли́ Сы́на Тво­е­го́ воз­вра­ти́ть на́мъ свою́ ми́­лость, а отчи́з­нѣ на́­шей уше́д­шую ея́ сла́ву, да ра́­дост­но, во уми­ле́ніи сер­де́цъ на́­шихъ Тебѣ́ во­піе́мъ:

Ра́дуй­ся, Бо­го­ро́­ди­це, ма­те­ри́н­скія сле́­зы со­би­ра́­ю­щая. Ра́дуй­ся, вдо­ви́цъ и си­ро́тъ по­кры­ва́­ю­щая. Ра́дуй­ся, ста́рцевъ утѣ­ше́ніе. Ра́дуй­ся, ю́но­сти обо­дре́ніе. Ра́дуй­ся, убо́­гихъ при­зрѣ́­ніе. Ра́дуй­ся, все­му́ мíру ве­се́ліе.

Ра́дуй­ся, Свѣ́т­лая Оби́­тель стра́н­ни­ковъ без­до́м­ныхъ.

Кон­да́къ 6

Про́­по­вѣдь люб­ви́, кро́­то­сти и все­про­ще́нія мíрови воз­вѣ­ща́­ю­щая, со Хри­сто́мъ, Сы́­номъ Тво­и́мъ, вся́ го́­ре­сти зем­ны́я пре­тер­пѣ́в­шая, апо́­сто­ла Іо­а́н­на и съ ни́мъ ве́сь ро́дъ хри­стіа́н­скій Сво­е­му́ ма­те­ри́н­ско­му се́рд­цу усы­но­ви́в­шая, При­сно­дѣ́­во Пре­не­по­ро́ч­ная, не отвра­ти́ и на́съ во тмѣ́ из­гна́нія су́­щихъ и утѣ­ше́нія ма­те­ри́н­ска­го тре́бу­ю­щихъ, да со бла­го­да­ре́ніемъ Го́­спо­ду зо­ве́мъ: Алли­лу́ія.

Икосъ 6

Возсія́вшая все́й все­ле́н­нѣй, я́ко ди́в­ный хра́мъ Бо́жій, ис­по́л­нен­ный бо­же́­ствен­ныя сла́­вы и бла­го­да́­ти. О, Дѣ́во, Ма́ти Пре­чи́­стая Ца­ри́­ца Не­бе́с­ная, Ца­ри́­ца че­ло­вѣ́­ковъ и а́н­ге­ловъ, апо́­сто­ловъ и му́­че­ни­ковъ! Возсія́й и на́мъ путе­во́д­ною звѣз­до́ю во мра́кѣ ско́рб­ныхъ дне́й на́­шихъ, воз­ве­се­ли́ серд­ца́ на́ша, во уны́­ніе по­ве́р­жен­ныя, про­свѣ­ти́ умы́ на́ша, тмо́ю отча́янія объя́тые, воз­ста́­ви си́лы на́ша на чуж­би́­нѣ изсяка́­ю­щія, умно́­жи вѣ́ру на́шу, укрѣ­пи́ на­де́жду на́шу, и со­грѣ́й огне́мъ пла́­мен­ныя люб­ве́, оже­сто­че́н­ныя и оз­ло́б­лен­ныя ду́ши на́ша, да зря́ще Тя́ на не­бе­сѣ́хъ, на́мъ вне́­млю­щую, мо­ли́­твен­но Тебѣ́ зо­ве́мъ:

Ра́дуй­ся, Ма́ти ро́да хри­стіа́н­ска­го. Ра́дуй­ся, па́че всѣ́хъ свѣ­ти́лъ сія́ющая. Ра́дуй­ся, всѣ́хъ до­бро­дѣ́­те­лей зла­то́й вѣ́н­че. Ра́дуй­ся, еди́­на Бла­го­сло­ве́н­ная, ско́рб­ный на́шъ мíръ въ пе­ча́­ли по­сѣ­ща́­ю­щая.

Ра́дуй­ся, Свѣ́т­лая Оби́­тель стра́н­ни­ковъ без­до́м­ныхъ.

Кон­да́къ 7

Хотя́ще съ Сы́­номъ Тво­и́мъ Еди­но­ро́д­нымъ до сме́р­ти кре́ст­ной не­раз­лу́ч­но бы́ти, Ты́ вос­по­слѣ́­до­ва­ла еси́ не­ви́н­но­му Стра­да́ль­цу до са́мыя Гол­го́­ѳы и у под­но́­жія кре­ста́ слы́­ша­ще во́­пли со́н­ми­ща разъяре́н­на­го, въ мол­ча́­ніи стра­да́­ла еси́; и Тебѣ́ Са­мо́й ду́шу про́й­де ору́жіе. Тѣ́м­же удивля́яся Тво­е­му́ не­из­ре­че́н­но­му ма­те­ри́н­ско­му му́­же­ству, зо­ве́мъ: Алли­лу́ія.

Икосъ 7

Но́вую вѣ́сть Тебѣ́, Бо­го­ро́­ди­це, ар­ха́н­гелъ Го­спо́­день воз­вѣ­сти́, Во­скре́с­ша­го Сы́на Тво­е­го́ ра́­дост­но про­слав­ля́я. Съ Ни́мъ и вся́ во́­ин­ства не­бе́с­ная ве­ле­гла́с­но сла́вятъ без­сме́рт­на­го Хри­ста́. Спо­до­би́ и на́съ, Хри­сте́ Бо́же, а́дъ со­кру­ши́­вый и жи­во́тъ вѣ́ч­ный мíрови да­ро­ва́­вый, сра́­до­ва­ти­ся дне́сь Ма́­те­ри Тво­е́й, уми­ле́н­но вос­кли­ца́я:

Ра́дуй­ся, Бла­го­да́т­ная, Го­спо́дь съ То­бо́ю. Ра́дуй­ся, чи́­стая Дѣ́во, сла́­ва Го­спо́д­ня на Тебѣ́ возсія́. Ра́дуй­ся, Бо­го­ро́­ди­це, о воз­ста́ніи Ро­жде­ства́ Тво­е­го́. Ра́дуй­ся, не­за­хо­ди́­мая заре́ и́сти­ны, на́ше зем­но́е стра́н­ство­ва­ніе освѣ­ща́­ю­щая. Ра́дуй­ся, путе­во́д­ная звѣз­до́, на́съ къ пра́­вдѣ Бо́жіей ве­ду́­щая. Ра́дуй­ся, лучу́ ра́й­скій, на́ши ду́ши уми­ро­тво­ря́ющій.

Ра́дуй­ся, Свѣ́т­лая Оби́­тель стра́н­ни­ковъ без­до́м­ныхъ.

Кон­да́къ 8

Стра́н­ное та́­ин­ство и пре­сла́в­ное, Воз­не­се́ніемъ Тво­и́мъ, Хри­сте́ Бо́же, мíру яви́­вый и оде­сну́ю Бо́га Отца́ сѣдя́й. И на́мъ, стра́н­ни­камъ зе­мли́, о се­ле́ніяхъ ра́й­скихъ скорбя́щимъ, Утѣ́­ши­теля Ду́ха и́сти­ны нис­по­сли́ и все­ли́ въ ны́, Жи­зно­да́в­че, мо­ли́­тва­ми Ма́­те­ри Твоея́, да зо­ве́мъ: Алли­лу́ія.

Икосъ 8

Ве́сь на́шъ пу́ть стра́н­ни­че­скій сле­за́­ми го́­ре­сти оро­ша́я, кам­не́й и те́р­ній ис­по́л­нен­ный, къ Тебѣ́, Бо­го­ро́­ди­це Дѣ́во, во­піе́мъ: Уми­ло­се́р­дись надъ на́ми, Бо­же́­ствен­ная на́ша По­кро­ви́­тель­ни­це, и пріюти́ подъ сѣ́нь свята́го по­кро́­ва Тво­е­го́ на́съ, стра́н­ни­ковъ, отъ пути́ не­по­си́ль­на­го из­не­мо­га́­ю­щихъ и ус­по­ко­е́­нія въ ти́­хой при́­ста­ни ча́­ю­щихъ. Укрѣ­пи́ ста́рцевъ не­мощ­ны́хъ, увра­чу́й ста́­рицъ боля́щихъ, на­сы́­ти на́съ а́лчу­щихъ, на­по́й на́съ жа́­жду­щихъ. Во­о­ду­шеви́ ю́но­шей къ свѣ́т­лымъ по́­дви­гамъ стремя́щихся, вра­зу­ми́ ро­ди́­те­лей во­спи­та́нію дѣ­те́й сво­и́хъ, со­хра­ни́ мла­де́н­цевъ отъ вся́кія бѣды́ и утвер­ди́ въ ду­хо́в­ной пра́­вдѣ му­же́й и во́­и­новъ. Осѣ­ни́ бла­го­да́тію Тво­е́ю на́­шихъ па́­сты­рей ду­хо́в­ныхъ, воз­не­си́ мо­ли́­твы на́ша ко пре­сто́лу Все­вы́ш­няго, да сла­во­сло́­вимъ Тя́, Ма́­терь Бо́жію, зо­ву́­ще:

Ра́дуй­ся, пу́т­ни­ковъ ма­те­ри́н­скій со­су́­де тер­пѣ́нія и свѣ́т­лое при­ста́­ни­ще. Ра́дуй­ся, скорбя́щихъ свѣ́т­лая ра́­до­сте. Ра́дуй­ся, мла­де́н­цевъ по­кро́­ве и за­щи́­то. Ра́дуй­ся, пра́­вды не­бе́с­ныя по­бо́р­ни­це. Ра́дуй­ся, не­пре­ста́н­ная хо­да́­та­и­це о ду­ша́хъ на́­шихъ.

Ра́дуй­ся, Свѣ́т­лая Оби́­тель стра́н­ни­ковъ без­до́м­ныхъ.

Кон­да́къ 9

"Вся́къ, и́же при­зо­ве́тъ и́мя Го­спо́д­не, спа­се́т­ся", и "на вся́кую пло́ть из­лію́ отъ Ду́ха Мо­е­го́", рече́ Го­спо́дь. На Тебѣ́ же, Ма́ти Бо́жія, бла­го­да́ть Свята́го Ду́ха излія́ся пре­вы́­ше вся́кія мѣ́ры, зане́ Твор­ца́ и Зи­жди́­теля на́­ше­го вмѣ­сти́­ла еси́. Из­ле́й же и на на́ши стра́ждую­щія ду́ши ми́­лость Сы́на Тво­е­го́, да облег­че́н­нымъ се́рд­цемъ во­піе́мъ: Алли­лу́ія.

Икосъ 9

Святíи апо́­сто­ли, ни­что́ же зем­но́е въ себѣ́ по­мыш­ля́юще, съ бла­го­го­вѣ́й­нымъ тре́­пе­томъ пре­сла́в­ное Успе́ніе Твое́ сла́вятъ. Ца́рь бо ца́рству­ю­щихъ и Го­спо́дь го­спо́д­ству­ю­щихъ со­ше́дъ на зе́­млю, вос­прія́ ду́шу святу́ю Твою́ и въ ве­ли́­цѣй сла́­вѣ воз­не­се́ ю́ на не́бо, идѣ́­же уго­то́­ва оде­сну́ю пре­сто́­ла Сво­е­го́ оби́­тель Тебѣ́. И мы́, я́ко о́вцы раз­сѣ́яніи, къ Тво­е­му́ ми­ло­се́р­дію, Бо­го­ро́­ди­це, взы­ва́­емъ: по­да́ждь при­ста́­ни­ще на́мъ без­до́м­нымъ, со­бе­ри́ во­е­ди́­но оте́­че­ство на́ше, по­сли́ на́мъ ми́ръ и бла­го­сло­ве́ніе, да мо­ли́­твен­но Тебѣ́ по­е́мъ:

Ра́дуй­ся, на́съ по­ги­ба́­ю­щихъ спа­са́­ю­щая. Ра́дуй­ся, съ ли́ки святы́хъ за на́съ моля́щаяся. Ра́дуй­ся, Бо­же́­ствен­ный По­кро́­ве ра­бо́мъ Тво­и́мъ. Ра́дуй­ся, свѣ́т­лый ли́къ Сво́й отъ на́съ не отвра­ща́­ю­щая. Ра́дуй­ся, по Успе́ніи Сво­е́мъ мíръ не остав­ля́ющая. Ра́дуй­ся, за ны́ предъ Сы́­номъ Тво­и́мъ пред­ста́­тель­ствую­щая.

Ра́дуй­ся, Свѣ́т­лая Оби́­тель стра́н­ни­ковъ без­до́м­ныхъ.

Кон­да́къ 10

Спа­сти́ хотя́й мíръ, Па́­стырь До́­брый, всѣ́хъ ко спа­се́нію зо­ву́щій и вся́ къ Себѣ́ при­вле­ка́­ю­щій, пра́­ве­д­ныя любя́й и грѣ́ш­ныя ми́луяй, спа­си́ и ны́, грѣ́ш­ныя, мо­ли́­тва­ми Бо­го­ро́­ди­цы, да по­е́мъ Тебѣ́: Алли­лу́ія.

Икосъ 10

Стѣна́ и пред­ста́­тель­ство всѣ́хъ грѣ́ш­ни­ковъ ка́­ю­щих­ся, пріи­ми́ и на́ше покая́ніе, Все­бла­га́я Дѣ́во Марíе. Умягчи́ же­сто­ко­се́р­дыя ду́ши на́ша, ис­цѣ­ли́ бо­лѣ́­знен­ное блу­жда́­ніе умо́въ на́­шихъ, низ­ве́рг­ни го́р­дые въ пу­чи́ну сми­ре́нія, по­ды­ми́ горѣ́ оче­са́ на́ша, зе­мле́ю око­ва́н­ныя. Ра­зомк­ни́ уста́ въ отча́яніи сомкну́в­шіяся, да вос­по­и́мъ Ти́ сла­во­сло́­віе:

Ра́дуй­ся, Жи­во­но́с­ный Исто́ч­ни­че, на́съ ро­со́ю жи­ви́­тель­ною окро­пля́ющій. Ра́дуй­ся, во вся́ ро́ды гла́су моля́щихся вне́­м­лю­щая. Ра́дуй­ся, по­ги­ба́­ю­щимъ ру́ку спа­се́нія про­сти­ра́­ю­щая. Ра́дуй­ся, Все­бла­га́я, о зло́­бѣ люд­стѣ́й стра­жду́­ю­щая. Ра́дуй­ся, цвѣ́­те ра́й­скій. Ра́дуй­ся, две́­ре спа­се́нія.

Ра́дуй­ся, Свѣ́т­лая Оби́­тель стра́н­ни­ковъ без­до́м­ныхъ.

Кон­да́къ 11

Пѣ́ніе а́н­гель­ское про­во­жда́­етъ пра́­вед­ныхъ по сме́р­ти; гдѣ́ у́бо мы́, грѣ́ш­ніи, обря́щемъ спа­се́ніе, егда́ кро­мѣ́ еди́­на­го бла­га́­го дѣ́ла предъ Судіе́ю пра́­вед­нымъ пред­ста́­немъ? На Тя́, Бо­го­ро́­ди­це, на́ша на­де́­жда. Спа­си́ Тво­и́мъ пред­ста́­тель­ствомъ ду́ши на́ша, да по­е́мъ: Алли­лу́ія.

Икосъ 11

Свѣ­то­пріе́м­ная свѣ­ща́ во тмѣ́ из­гна́нія на́мъ свѣтя́щая, веди́ на́съ къ Сы́ну Тво­е­му́ Го́­спо­ду и Спа­си́­те­лю на́­шему, и я́коже на бра́кѣ въ Ка́нѣ Га­ли­ле́й­ской за­сту­па́­ю­щаяся за бѣ́д­ныхъ лю­де́й по­ка­за́­ла­ся еси́, гла­го́­лю­ще Сы́ну Тво­е­му́: "вина́ не и́мутъ", та́­ко­жде и ны́нѣ по­ка­жи́­ся за­сту́п­ни­цей за на́съ отве́р­жен­ныхъ. Рцы́ Сы́ну Тво­е­му́: "Го́­спо­ди, отчи́з­ны и при­ста́­ни­ща не и́мутъ". Ис­по́л­ни серд­ца́ и́хъ ра́­до­сти и утѣ­ше́нія. Мы́ же, бла­го­да́р­ніи, Тебѣ́, Вла­ды́­чи­це, вос­кли­ца́­емъ:

Ра́дуй­ся, Свѣ́­те не­бе́с­ный не­у­га­си́­мый. Ра́дуй­ся, оде­сну́ю Бо́га Сы́на Тво­е­го́ сѣдя́щая. Ра́дуй­ся, си́лъ не­бе́с­ныхъ пре­вы́сшая. Ра́дуй­ся, про­сты́хъ умо́въ утѣ­ше́ніе. Ра́дуй­ся, стре­мле́­ніе пра́­вед­ныхъ вѣ́ч­ное. Ра́дуй­ся, воз­во­дя́щая грѣ́ш­ни­ковъ на не́бо.

Ра́дуй­ся, Свѣ́т­лая Оби́­тель стра́н­ни­ковъ без­до́м­ныхъ.

Кон­да́къ 12

Бла­го­да́ть Сы́на Тво­е­го́ мíрови яви́ла еси́, При­сно­дѣ́­во Пре­не­по­ро́ч­ная, спа­си́ и на́съ, грѣ́ш­ныхъ, зо­ву́­щихъ о Тебѣ́: Алли­лу́ія.

Икосъ 12

Пою́ще Тя́, Бла­го­да́т­ная, ме­жду́ же­на́­ми еди́­на бла­го­сло­ве́н­ная, Спа­си́­теля мíру да­ро­ва́в­шая, и тѣ́мъ вѣ́ч­ную сла́ву и по­кло­не́ніе стяжа́в­шая, ра́­дост­ное Ти́, Бо́жіей Ма́­те­ри, сла­во­сло́­віе при­но́­симъ:

Ра́дуй­ся, изъ Тебе́ бо возсія́ Со́лн­це пра́­вды, Хри­сто́съ Бо́гъ на́шъ. Ра́дуй­ся, не­по­сти­жи́­мая та́й­но Бо­го­во­пло­ще́нія. Ра́дуй­ся, Не­вмѣ­сти́­ма­го вмѣ­сти́в­шая. Ра́дуй­ся, Ма́ти Сло́­ва, Иже бѣ́ Бо́гъ. Ра́дуй­ся, Ма́ти Свѣ́­та во тмѣ́ свѣтя́щаго и тма́ Его́ не объя́ша.

Ра́дуй­ся, Свѣ́т­лая Оби́­тель стра́н­ни­ковъ без­до́м­ныхъ.

Кон­да́къ 13

О, все­пѣ́­тая Ма́ти! О, Ма́ти бла­го­да́­ти ис­по́л­нен­ная! Пріи­ми́ на́ше сле́з­ное къ Тебѣ́ мо­ле́ніе, е́же въ ны́­нѣш­нее вре́мя на ми­ло­се́р­діе Твое́ дер­за́­ю­ще, изъ глу­би­ны́ ду­ше́в­ныя Тебѣ́ при­но́­симъ, по­ю́­ще: Алли­лу́ія.

Се́й кон­да́къ гла­го́­лет­ся три́­жды. Та́же Икосъ 1-й и Кон­да́къ 1-й

Мо­ли́­тва

Что́ Ти́ ре­че́мъ, Ца­ри́­це на́ша и Вла­ды́­чи­це, по­мыш­ле́нія про­ни­ца́­ю­щая и всю́ на́шу жи́знь во мгно­ве́ніе о́ка ози­ра́­ю­щая? Что́ мо́­жемъ мы́, грѣ́ш­ніи и не­чи́­стіи, по­вѣ́­да­ти сво­и́­ми скве́р­ны­ми уста́­ми Тебѣ́, Пре­чи́­стѣй и Пре­не­по­ро́ч­нѣй? Не и́ма­мы сло­ве́съ по достоя́нію вос­пѣ́­ти Твое́ ве­ли́­чіе у пре­сто́­ла Твор­ца́ всея́ все­ле́н­ныя. Не и́ма­мы си́лы ис­че­сти́ вся́ дѣла́ Твоя́ ми­ло­се́рд­ная, че­ло­вѣ́­ковъ ра́ди со­дѣ́­лан­ная. Пред­сто­и́мъ Тебѣ́ тре­пе́щущіи и пла́чущіи о все́й грѣ­хо́в­нѣй жи́­зни на́­шей по­мыш­ля́юще. Вѣ́мы, я́ко по дѣ­ло́мъ ка́ру Бо́жію пріе́м­лемъ, вѣ́мы, я́ко не­до­сто́й­ни есмы́ подъ святу́ю сѣ́нь по­кро́­ва Тво­е­го́ вни́­ти, но, я́ко мы­та́рь, я́ко раз­бо́й­никъ, я́ко слѣп­цы́ и про­ка­же́н­ніи и мы́ со­кру­ше́н­нымъ се́рд­цемъ го́­рест­но Го́­спо­ду взы­ва́­емъ: "Бо́же, ми́­ло­стивъ бу́ди на́мъ, грѣ́ш­нымъ!" И Тебе́, Пре­чи́­стая Дѣ́во, мо́­лимъ: пріи­ми́ во́пль и сто́­ны сер­де́цъ на́­шихъ и воз­не­си́ и́хъ къ пре­сто́лу Все­вы́ш­няго. По­вѣ́­дай Сы́ну Тво­е­му́ сле́з­ное покая́ніе и пе­ча́ль сер­де́цъ на́­шихъ, да воз­зри́тъ Онъ на на́съ ми­ло­се́рд­нымъ о́комъ Сво­и́мъ и да́руетъ на́мъ ис­пол­не́ніе мо­ли́твъ на́­шихъ. Со­бе­ри́ на́съ, я́ко же ма́­терь со­би­ра́­етъ птен­цо́въ подъ кры­ле́ своя́, и на­ста́­ви на́съ на пу́ть спа­се́нія. Уми­ри́ и бла­го­сло­ви́ страну́ на́шу. Со­хра­ни́ и утвер­ди́ Пер­во­святи́­теля на́­ше­го и съ ни́мъ вся́ священ­но­слу­жи́­те­ли и вѣ́р­ныя слуги́ Це́р­кви Хри­сто́­вой. Вра­зу­ми́ всѣ́хъ, да ис­по́лнятъ до́лж­ную предъ Бо́­гомъ и че­ло­вѣ́­ки пра́­вду, со­блю­да́я до́­брая и со­кру­ша́я зла́я. По­мо­ги́ отца́мъ и матерямъ на­ста́­вить ча́да свои́. Вра­зу­ми́ ча́дъ, да чту́тъ ро­ди́­те­лей сво­и́хъ. Отвра­ти́ серд­ца́ на́ша отъ грѣ­ха́ и зажги́ сре­ди́ на́съ ого́нь свята́го ми­ло­се́р­дія Тво­е­го́. Да воз­не­на­ви́­димъ зло́, да у́зримъ бе́з­дну па­де́нія на́­ше­го и воз­лю́­бимъ бли́ж­няго сво­е­го́, да отве́р­жем­ся себе́, да во́зь­мемъ кре́стъ сво́й и по́й­демъ ко свѣ́ту и́сти­ны, про­свѣ­ща́­ю­щей мíръ. Со­кру­ши́ си́лу зла́ на зе­млѣ́ и про­ле́й въ умы́ на́ша лу́чъ ра́зу­ма Хри­сто́­ва, да, То­бо́ю спа­са́­е­мыя, здѣ́ оте́­че­ство, а по сме́р­ти ра́й обря́щемъ и Тріе­ди́­ному Бо́гу хва­лу́, бла­го­да­ре́ніе и по­кло­не́ніе воз­сы­ла́­емъ все­гда́, ны́нѣ и при́­сно, и во вѣ́ки вѣ­ко́въ. Ами́нь.