Кон­да́къ 1

Избра́н­ніи чу­до­тво́р­цы, стра­сто­те́рп­цы Хри­сто́­вы и вра́­че­ве пре­му́­дріи, ту́не по­да­ю́­щіи здра́­віе въ бо­лѣ́­знехъ су́­щимъ, по­хва́ль­ная во­с­пи­су́­емъ ва́мъ, за­сту́п­ни­комъ на́­шимъ и въ ско́р­бѣхъ по­мо́щ­ни­комъ: вы́ бо со­су́­ди бла­го­да́­ти су́ще, исцѣля́ете ду­ше́в­ныя и тѣ­ле́с­ныя на́ша я́звы. Тѣ́м­же сла́вяще Бо́га, ди́в­на­го во святы́хъ Сво­и́хъ, ва́съ усе́рд­но убла­жа́­емъ:

Ра́дуй­те­ся, Ко­смо́ и Да­міа́­не, святíи без­сре́­бре­ни­цы и пре­сла́в­ніи чу­до­тво́р­цы.

Икосъ 1

Ангель­скому жи́­тель­ству по­ре­вно­ва́в­ше, вся́ зем­на́я пре­зрѣ́­ли есте́ и, по́­дви­гомъ му́­че­ни­че­ства вѣн­ча́в­ше­ся, ли­це­зрѣ́­нія Го́­спо­да си́лъ спо­до́­били­ся есте́. Мо­ли́­те­ся у́бо за ны́ при­лѣ́ж­но, къ по́­мо­щи ва́­шей при­те­ка́­ю­щихъ и по­хва́ль­ная ва́мъ во­пі­ю́­щихъ:

Ра́дуй­те­ся, мо­ли́­твен­ни­цы те́­пліи о чту́­щихъ святу́ю па́мять ва́шу; ра́дуй­те­ся, оста́в­лен­ныхъ вра­ча́­ми не­о­ску́д­но исцѣля́ющіи. Ра́дуй­те­ся, я́ко до́мъ, имѣ́­ніе и вся́ ро­ди́­те­лей стяжа́нія ни во­что́­же вмѣ­ни́­ли есте́; ра́дуй­те­ся, ни́щія ми­ло­се́р­діемъ ва́­шимъ пре­пи­та́в­шіи. Ра́дуй­те­ся, стра́ждущія сер­до­бо́ліемъ утѣ­ша́в­шіи; ра́дуй­те­ся, чи­сто­то́ю и свя́­то­стію а́н­ге­ломъ упо­до́­бив­шіися. Ра́дуй­те­ся, свѣ­ти́ль­ни­цы Бо­же́­ствен­на­го свѣ́­та; ра́дуй­те­ся, не­бе́с­ніи че­ло­вѣ́­цы, земнíи а́н­ге­ли. Ра́дуй­те­ся, я́ко хри­стіа́­номъ есте́ при­бѣ́­жи­ще не­по­сты́д­ное; ра́дуй­те­ся, все́ жи­тіе́ свое́ да́же до по­слѣ́д­няго из­ды­ха́нія въ служе́ніи Го́­спо­ду исто­щи́в­шіи. Ра́дуй­те­ся, все­свѣ́т­лое бла­го­да́­ти прія́­те­ли­ще, Ду́ха Свята́го со­су́­ди; ра́дуй­те­ся, всѣ́мъ, при­зы­ва́­ю­щимъ ва́съ, ско́ріи по­мо́щ­ни­цы.

Ра́дуй­те­ся, Ко­смо́ и Да­міа́­не, святíи без­сре́­бре­ни­цы и пре­сла́в­ніи чу­до­тво́р­цы.

Кон­да́къ 2

Ви́дя Го­спо́дь Бо́гъ до́­брая ва́ша на­чи­на́нія и ве́ліе ко бла­го­че́­стію усе́р­діе ва́ше, я́ко вся́ зем­на́я и бла­га́я мíра сего́ во уме́­ты вмѣ­ни́в­ше, въ не­пре­ста́н­нѣмъ тру­дѣ́ люб­ве́ ра́ди бли́ж­няго пре­бы́­сте, и ду́ши своя́ бла­ги́­ми нра́­вы укра́­сили есте́, пре­и­с­по́л­ни ва́съ Ду́ха Свята́го, Его́­же лу­че́ю оза­ри́­ти­ся и на́мъ ис­про­си́­те у Хри­ста́ Бо́га, да ку́п­но съ ва́ми по­е́мъ Ему: Алли­лу́ія.

Икосъ 2

Ра́зу­момъ и́стин­на­го бо­го­по­зна́нія царя́ не­че­сти́­ва­го нау­чи́­ли есте́, вра­зу­ми́въ того́ си́­лою сло­ве́съ ва́­шихъ, и́ми­же дер­зно­ве́н­но Хри­ста́ про­по­вѣ́­да­стѣ. Тѣ́м­же дер­зно­ве́ніе ва́ше по­хва­ля́юще, взы­ва́­емъ си́це:

Ра́дуй­те­ся, ле́­стію не­че­сти́­ва­го царя́ не улов­ле́н­ніи; ра́дуй­те­ся, и́стину Хри­сто́ву дер­зно­ве́н­но предъ ни́мъ ис­по­вѣ́­дав­шіи. Ра́дуй­те­ся, пре­ще́­нія его́ не убоя́в­шіися; ра́дуй­те­ся, не­че­сти́­выхъ со­бо́­ри­ща по­сра­ми́в­шіи. Ра́дуй­те­ся, небоя́знен­ніи про­по­вѣ́д­ни­цы и́сти­ны; ра́дуй­те­ся, служе́нія и́доль­ска­го по­тре­би́­теліе. Ра́дуй­те­ся, вѣ́ры пра­во­сла́в­ныя по­бо́р­ни­цы; ра́дуй­те­ся, ис­по­вѣ́д­ни­цы не­по­ко­ле­би́­міи, ду́ха тер­пѣ́нія и ре́­вно­сти о сла́­вѣ Бо́жіей ис­по́л­нен­ніи. Ра́дуй­те­ся, не­мо́лч­ніи ве­лѣ́ній Го­спо́д­нихъ про­воз­вѣ́ст­ни­цы; ра́дуй­те­ся, вѣ́р­ніи на­ста́в­ни­цы бо­го­му́­дрія. Ра́дуй­те­ся, Ца́рствія Хри­сто́­ва на­де́жд­ніи на́мъ хо­да́­таи; ра́дуй­те­ся, и по сме́р­ти ва́­шей на́съ не остав­ля́ющіи.

Ра́дуй­те­ся, Ко­смо́ и Да­міа́­не, святíи без­сре́­бре­ни­цы и пре­сла́в­ніи чу­до­тво́р­цы.

Кон­да́къ 3

Си́лою Вы́шняго, да́н­ною ва́мъ еще́ во вре́­мен­нѣй жи́­зни, прія́ли есте́ вла́сть чу­де́с­но исцѣля́ти вся́кія не­ду́­ги. По сме́р­ти же ва́­шей на­и­па́­че про­сла́­ви ва́съ Бо́гъ мно́­ги­ми чу­до­тво­ре́ніи, да вси́ при­те­ка́­емъ къ ва́мъ, моля́щеся о ис­цѣ­ле́ніи отъ не­ду́­говъ тѣ­ле́с­ныхъ, па́че же ду­ше́в­ныхъ, и Бо́гу ве­ле­гла́с­но во­піе́мъ: Алли­лу́ія.

Икосъ 3

Иму́ще, я́ко мно­го­цѣ́н­ное со­кро́­ви­ще, мно­го­цѣ­ле́б­ныя мо́щи ва́ша, ра́дуем­ся и, лю­бо́­вію вос­пѣ­ва́­ю­ще да́н­ную ва́мъ отъ Бо́га бла­го­да́ть ис­цѣ­ле́ній, бла­го­да́р­но зо­ве́мъ:

Ра́дуй­те­ся, те́­пліи о на́съ къ Бо́гу пред­ста́­теліе; ра́дуй­те­ся, е́л­лин­ская му­дро­ва́нія ни во­что́­же вмѣ­ни́в­шіи. Ра́дуй­те­ся, Ри́ма свѣ­ти́ль­ни­цы все­свѣ́т­ліи; ра́дуй­те­ся, язы́­че­скимъ за­блу­жде́ніемъ омра­че́н­ныхъ стра́нъ про­свѣ­ти́­теліе. Ра́дуй­те­ся, му́­же­ства и тер­пѣ́нія на­ста́в­ни­цы; ра́дуй­те­ся, я́ко не­по­ви́н­нѣ ка́­мен­ное по­біе́ніе пре­тер­пѣ́в­ше, кон­чи́­ну му́­че­ни­че­скую улу­чи́­ли есте́. Ра́дуй­те­ся, люб­ве́ ра́ди Хри­сто́­вы по­стра­да́в­шіи; ра́дуй­те­ся, раби́ Бо́жіи, отъ Го́­спо­да Хри­ста́ вѣн­цы́ по­бѣ́­ды пріе́м­шіи. Ра́дуй­те­ся, ди́в­ный и пре­кра́с­ный сми­ре́нія и кро́­то­сти о́бразъ всѣ́мъ по­ка­за́в­шіи; ра́дуй­те­ся, не­по­ко­ле­би́­мое пра­во­сла́­вія ос­но­ва́ніе. Ра́дуй­те­ся, свѣ́т­лая стра­сто­те́рп­цевъ сла́­во; ра́дуй­те­ся, до́бріи цѣ­ле́б­ни­цы, ни отъ ко­го́­же мзды́ за ис­цѣ­ле́нія взе́м­шіи.

Ра́дуй­те­ся, Ко­смо́ и Да­міа́­не, святíи без­сре́­бре­ни­цы и пре­сла́в­ніи чу­до­тво́р­цы.

Кон­да́къ 4

Бу́ря я́­ро­сти ве́лія царя́ Ка­ри́­на, не воз­мо́­же по­ко­ле­ба́­ти души́ ва́шея, и егда́ вѣ́р­ніи въ нѣ́­ко­ей пе­ще́­рѣ ва́съ скры́­ша отъ я́ти ва́съ и́щу­щихъ, во́­лею во́­и­номъ пред­ста́­ли есте́, во­пі­ю́­ще: "на́съ по­и­ми́­те, мы́ бо есмы́ и́хже и́ще­те, не­по­ви́н­ныхъ же отпу­сти́­те". Та́же ве­ри́­га­ми об­ло­же́­ни бы́в­ше, въ Ри́мъ отве­до́­сте­ся. Мы́ же, вѣ́ру ва́шу и ве­ри́­ги ло­бы­за́­ю­ще, по­е́мъ Бо́гу: Алли­лу́ія.

Икосъ 4

Слы́­шав­ше ри́м­стіи лю́діе ве́лію ва́шу ко стра́жду­щимъ лю­бо́вь и чу­де́с­ное вра­че­ва́­ніе ва́ше, отвсю́­ду устре­мля́хуся къ ва́мъ съ вѣ́­рою въ цѣль­бо­но́с­ную бла­го­да́ть Бо́жію, въ ва́съ дѣ́й­ствую­щую. Пріе́м­лю­ще же ско́­рое ис­цѣ­ле́ніе, про­слав­ля́ху Бо́га, ва́съ же, ми­ло­се́р­дыхъ цѣ­ли́­те­лей сво­и́хъ, ве­ли­ча́ху, нау­ча́я и на́съ вос­пѣ­ва́­ти ва́мъ си́це:

Ра́дуй­те­ся, Бо́га и́стин­на­го не­пре­бо­ри́­міи про­по­вѣ́д­ни­цы; ра́дуй­те­ся, ору́жіе кре­ста́ Хри­сто́­ва до­бро­по­бѣ́д­но взе́м­шіи. Ра́дуй­те­ся, блазíи вра́­че­ве, стра́жду­щимъ ско́ріи по­мо́щ­ни­цы; ра́дуй­те­ся, вся́ не­мощ­ны́я ту́не вра­чу́­ю­щіи. Ра́дуй­те­ся, и ны́нѣ ис­цѣ­ле́нія оби́ль­но исто­ча́­ю­щіи; ра́дуй­те­ся, ми́­ло­сти­віи утѣ́­ши­теліе въ бѣ­да́хъ и ско́р­бехъ су́­щимъ. Ра́дуй­те­ся, во вся́кихъ обстоя́ніихъ на́съ за­щи­ща́­ю­щіи; ра́дуй­те­ся, без­по­мо́щ­ныхъ спа­си́­тель­ное при­зрѣ́­ніе. Ра́дуй­те­ся, пра́­вед­ныхъ пре­сла́в­ное укра­ше́ніе; ра́дуй­те­ся, пред­ста́­тель­ство на́ше крѣ́п­кое. Ра́дуй­те­ся, при­лѣ́ж­ніи о на́съ къ Бо́гу мо­ли́­твен­ни­цы; ра́дуй­те­ся, всѣ́мъ, вѣ́­рою при­зы­ва́­ю­щимъ ва́съ, ско́ріи по­мо́щ­ни­цы.

Ра́дуй­те­ся, Ко­смо́ и Да­міа́­не, святíи без­сре́­бре­ни­цы и пре­сла́в­ніи чу­до­тво́р­цы.

Кон­да́къ 5

Бого­те́ч­нымъ во­и́­стин­ну путе́мъ ше́­ство­ва­сте, раби́ Хри­сто́­вы, егда́ во у́захъ въ Ри́мъ ве­до́­ми, за е́же и́до­ломъ не по­слу­жи́­сте, Хри­сто́­ви же еди́­ному по­ра­бо́­та­сте, го́рь­кая ис­пы­та́нія тер­пѣ́­ли есте́, святíи, но вся́ пре­тер­пѣ́­сте за воз­лю́бль­ша­го ва́съ Хри­ста́. Тѣ́м­же ве­ли́­кому тер­пѣ́нію и крѣ́п­цѣй люб­ви́ ва́­шей ко Го́­спо­ду дивя́щеся, ку́п­но съ ва́ми по­е́мъ Ему́: Алли­лу́ія.

Икосъ 5

Ви́дѣвъ ца́рь, я́ко си́­лою Хри­сто́­вою ис­цѣ­лѣ́, хва­лу́ Тому́ воз­да­де́. Мы́ же, сла́вяще Бо́га, убла­жа́­емъ ва́съ, сла́в­ныхъ уго́д­ни­ковъ Его́, во­пі­ю́­ще си́це:

Ра́дуй­те­ся, го́рняя па́че до́ль­нихъ воз­лю­би́в­шіи; ра́дуй­те­ся, а́н­гель­скому жи­тію́ на зе­мли́ по­ре­вно­ва́в­шіи. Ра́дуй­те­ся, я́ко мно­го­бо́жіе отри́нув­ше, ро­ди́­тель­ска­го бла­го­че́­стія не от­сту­пи́­ли есте́; ра́дуй­те­ся, я́ко вся́ имѣ́­нія своя́, по сло­ве­си́ Го­спо́д­ню, ни́­щимъ разда́­ли есте́, да Хри­ста́ пріо­бря́щете. Ра́дуй­те­ся, не сло́­вомъ то́­чію, но мно́­жае па́че дѣ́­ломъ и не­пре­ста́н­ною къ Бо́гу мо­ли́­твою ины́хъ поу­чи́в­шіи; ра́дуй­те­ся, не­о­ску́д­ный исто́ч­никъ ис­цѣ­ле́ній и ны́нѣ явля́ющіи. Ра́дуй­те­ся, излія́ніемъ чу­де́съ, да́н­ныхъ ва́мъ отъ Бо́га, на́съ обо­га­ща́­ю­щіи; ра́дуй­те­ся, въ са­ми́хъ себѣ́ хра́мъ Бо́гу уго­то́­вав­шіи. Ра́дуй­те­ся, ско́­рое ни́­щихъ услы́­ша­ніе; ра́дуй­те­ся, ско́рб­ныхъ прія́тное по­пе­че́ніе. Ра́дуй­те­ся, не­на­де́ж­ныхъ извѣ́ст­ное надѣ́яніе; ра́дуй­те­ся, боля́щихъ ско́­рое вра­че­ва́­ніе.

Ра́дуй­те­ся, Ко­смо́ и Да­міа́­не, святíи без­сре́­бре­ни­цы и пре­сла́в­ніи чу­до­тво́р­цы.

Кон­да́къ 6

Про­по­вѣ́д­ни­цы и́ме­не Хри­сто́­ва въ жи­во­тѣ́ сво­е́мъ бы́в­ше, и ны́нѣ си́лу Того́ сви­дѣ́­тель­ствуе­те чу­де­сы́, отъ ико́­ны ва́шея исто­ча́­е­мы­ми, и я́коже вѣ́ры ино­гда́ жены́ нѣ́кія не пре­зрѣ́­сте, но во снѣ́ я́вль­ше­ся е́й, облег­че́ніе въ не­ду́­зѣ да­ро­ва́­ли есте́, си́це и на́­шихъ мо­ле́ній и пѣ́ній гла́­сы услы́­ши­те, о, святíи без­сре́­бре­ни­цы! Вѣ́рѣ же и люб­ви́ лю­де́й ва́­шихъ вне­мли́­те и по­кро́въ ва́шъ свы́­ше да́руй­те, хва́лящимъ ва́съ и по­ю́­щимъ Бо́гу: Алли­лу́ія.

Икосъ 6

Возсія́, я́ко свѣ́тъ, пра́­вда ва́ша, егда́ укоря́еми на су­ди́­щи царя́, дер­зно­ве́н­но ре­ко́­сте къ нему́: "не вол­ше́б­ною хи́­тро­стію вра­чу́­емъ бо­лѣ́­зни, но си́­лою Спа́­са на́­ше­го Іису́­са Хри­ста́, я́коже То́й за­по­вѣ́­да, гла­го́­ля: боля́щія исцѣля́йте, про­ка­же́н­ныя очи­ща́й­те, ту́не прія́сте, ту́не да­ди́­те". Тѣ́м­же дер­зно­ве́нію ва́­шему дивя́щеся, убла­жа́­емъ ва́съ си́ми:

Ра́дуй­те­ся, о́бразъ тве́р­до­сти и вѣ́ры на́мъ по­ка­за́в­шіи; ра́дуй­те­ся, ра́й­скія ра́­до­сти при́­сно на­сла­жда́­ю­щіися. Ра́дуй­те­ся, пре­му́­дріи сѣ́ятеліе бла­го­че́­стія; ра́дуй­те­ся, сла́в­ніи про­по­вѣ́д­ни­цы пра­во­сла́­вія. Ра́дуй­те­ся, учи́­теліе, къ не­бе­си́ на­став­ля́ющіи; ра́дуй­те­ся, чи́­ста­го и не­по­ро́ч­на­го житія́ не­у­сы́п­ніи хра­ни́­теліе. Ра́дуй­те­ся, те́­пліи по­слу́­ша­теліе моля́щихся ва́мъ; ра́дуй­те­ся, ко спа­се́нію изя́щніи и вѣ́р­ніи путе­во­ди́­теліе. Ра́дуй­те­ся, бла­го­че́ст­но и бо­гоу­го́д­но жи́ти хотя́щимъ блазíи на­ста́в­ни­цы; ра́дуй­те­ся, хо­да́­таи бла­ги́хъ всѣ́мъ, по­чи­та́­ю­щимъ па́мять ва́шу. Ра́дуй­те­ся, до́­брѣ те­че́ніе свое́ скон­ча́в­шіи; ра́дуй­те­ся, вѣн­цы́ пра́­вды отъ Вла­ды́­ки Хри­ста́ прія́вшіи.

Ра́дуй­те­ся, Ко­смо́ и Да­міа́­не, святíи без­сре́­бре­ни­цы и пре­сла́в­ніи чу­до­тво́р­цы.

Кон­да́къ 7

Хотя́ще си́лу Хри­сто́ву зло­че­сти́­во­му царю́ откры́­ти, Ду́ха Свята́го ис­по́л­не­ни ре­ко́­сте: "бу́ди по­сра́м­ленъ, о Ка­ри́­не, и съ бо­га́­ми тво­и́­ми!" И а́біе ему́ лице́ из­мѣ­ни́­ся, и вы́я со­вра­ти́­ся, и, моля́шеся къ ва́мъ, гла­го́­ля: "се́ ны́нѣ ви́­жду, я́ко раби́ есте́ и́стин­на­го Бо́га. Молю́ у́бо ва́съ, да я́коже ины́хъ увра­че­ва́­сте, си́це ис­цѣ­ли́­те и мене́, да и а́зъ ку́п­но съ ва́ми вос­пою́ Бо́гу: Алли­лу́ія".

Икосъ 7

Ди́в­ніи о на́съ мо­ли́­твен­ни­цы, цѣ­ли́­теліе ду́шъ и тѣ­ле́съ на́­шихъ и хо­да́­таи спа­се́нія вѣ́ч­на­го, бла­го­да́р­нымъ се́рд­цемъ вос­пѣ­ва́­ю­ще хва­ле́б­ную пѣ́снь Бо́гу, да­ро­ва́в­ше­му на́мъ та­ко­вы́хъ ве­ли́­кихъ чу­до­тво́рцевъ, при­но́­симъ и ва́мъ по­хва­лы́ си­це­вы́я:

Ра́дуй­те­ся, а́н­ге­ловъ тер­пѣ́ніемъ ва́­шимъ уди­ви́в­шіи; ра́дуй­те­ся, бо­же́­ствен­нымъ сія́ніемъ чу­де́съ сво­и́хъ вся́ про­свѣ­ти́в­шіи. Ра́дуй­те­ся, ско́ріи отъ вся́кихъ бо­лѣ́­зней и без­ме́з­дніи вра́­че­ве; ра́дуй­те­ся, за­ступле́ніемъ ва́­шимъ раз­сла́б­лен­ныя исцѣля́ющіи. Ра́дуй­те­ся, отъ не­ис­цѣ́ль­ныхъ бо­лѣ́­зней здра́­вы воз­дви­за́­ю­щіи; ра́дуй­те­ся, до­сто́й­нѣ со­вер­ши́в­шіи зем­ны́й по́­двигъ житія́ ва́­ше­го. Ра́дуй­те­ся, о на́съ, об­на­же́н­ныхъ до́­брыхъ дѣ́лъ, при́­сно къ Бо́гу пред­ста́­тель­ствую­щіи; ра́дуй­те­ся, я́ко сія́ніемъ пре­му́­дро­сти, отъ Го́­спо­да ва́мъ да́н­ныя, всѣ́хъ вѣ́р­ныхъ про­свѣ­ща́­е­те. Ра́дуй­те­ся, мо­ли́­твен­ни­цы о на́съ и за­сту́п­ни­цы на́ши пре­ди́в­ніи; ра́дуй­те­ся, до́бліи стра­сто­те́рп­цы Хри­сто́­вы. Ра́дуй­те­ся, кровь­ми́ сво­и́­ми зе́­млю освяти́в­шіи; ра́дуй­те­ся, и́доль­ское без­у́­міе об­ли­чи́в­шіи.

Ра́дуй­те­ся, Ко­смо́ и Да­міа́­не, святíи без­сре́­бре­ни­цы и пре­сла́в­ніи чу­до­тво́р­цы.

Кон­да́къ 8

Стра́н­ное мíрови жи­тіе́ ва́ше ви́дяще, устра­ни́м­ся и мы́ того́ суе́тъ и, у́мъ на не­бе­са́ пре­ло́ж­ше, во­зо­піи́мъ къ ва́мъ, святíи без­сре́­бре­ни­цы: уто­ли́­те бо­лѣ́­зни, исто­ча́я бла­го­да́т­ная вра­че­ва́­нія всѣ́мъ, усе́рд­но къ по́­мо­щи ва́­шей при­те­ка́­ю­щимъ и во­пі­ю́­щимъ Бо́гу: Алли­лу́ія.

Икосъ 8

Все́ жи­тіе́ ва́ше на зе­мли́ лю­бо́­вію къ Бо́гу и къ бли́ж­нимъ ис­по́л­нив­ше, святíи без­сре́­бре­ни­цы Ко­смо́ и Да­міа́­не, ско́ріи и ны́нѣ по­мо́щ­ни­ки явля́етеся всѣ́мъ, съ вѣ́­рою при­зы­ва́­ю­щимъ ва́съ: не то́­чію бо бли́зъ при­те­ка́­ю­щимъ ко святы́мъ мо­ще́мъ ва́­шимъ, но и да­ле́­че су́­щимъ ис­цѣ­ле́нія исто­ча́­е­те. Тѣ́м­же при­но́­симъ ва́мъ по­хва­лы́ сія́:

Ра́дуй­те­ся, Еди́­ному Бо́гу, въ Тро́­и­цѣ сла́­ви­мо­му, вѣ́р­но по­слу­жи́в­шіи; ра́дуй­те­ся, еди́­ное е́же на по­тре́бу пре­му́­дрѣ из­бра́в­шіи. Ра́дуй­те­ся, я́ко въ не­у­ста́н­нѣмъ тру­дѣ́ и по́­дви­зѣ дни́ и но́щи ва́ша безъ вся́каго уны́­нія пре­про­во­ди́­ли есте́; ра́дуй­те­ся, я́ко си­це­вы́мъ ва́­шимъ тѣ́­снымъ и ско́рб­нымъ жи­тіе́мъ сла́ву Бо́жію въ че­ло­вѣ́­цѣхъ умно́­жи­ли есте́. Ра́дуй­те­ся, до́бліи Хри­сто́­вы по­слѣ́­до­ва­теліе; ра́дуй­те­ся, яко нау­чи́­те­ли и тво­р­цы́ Хри­сто́­выхъ за́­по­вѣ­дей яви́ли­ся есте́. Ра́дуй­те­ся, я́ко име­на́­ми ве́ліихъ въ Ца́рствіи не­бе́с­нѣмъ на­ре­че́­ни бы́­сте; ра́дуй­те­ся, сла́­вою Хри­сто́­вою ве́сь мíръ оза­ри́в­шіи. Ра́дуй­те­ся, я́ко стра­да́ніемъ ва́­шимъ без­стра́­стіе прія́ли есте́; ра́дуй­те­ся, я́ко му́­че­ни­че­скою сме́р­тію без­сме́р­тіе стяжа́ли есте́. Ра́дуй­те­ся, я́ко а́н­ге­ли, на не­бе­си́ и на зе­мли́ про­сла́в­лен­ніи; ра́дуй­те­ся, я́ко Бо́гу ны́нѣ вѣн­це­но́с­ни пред­сто­и­те́.

Ра́дуй­те­ся, Ко­смо́ и Да­міа́­не, святíи без­сре́­бре­ни­цы и пре­сла́в­ніи чу­до­тво́р­цы.

Кон­да́къ 9

Вся́кое есте­ство́ че­ло­вѣ́­че­ское уди­ви́ся сія́нію въ ва́съ бла­го­да́­ти Бо́жія, святíи Ко­смо́ и Да­міа́­не, егда́ не­че­сти́­вый ца́рь Ка­ри́нъ, узрѣ́въ чу­де­са́, о и́ме­ни Го́­спо­да Іису́­са Хри­ста́ ва́ми тво­ри́­мая, увѣ́­ро­ва и про­сла́­ви Бо́га. Тѣ́м­же и мы́, сла́вяще да́в­ша­го ва́мъ си­це­ву́ю си́лу, по­е́мъ Ему́: Алли­лу́ія.

Икосъ 9

Вѣтíя мно­го­вѣ­ща́н­ныя не­доу­мѣ́­ютъ до­во́ль­но изо­бра­зи́­ти оби́ліе люб­ве́ ва́шея, е́юже пре­и­с­по́л­не­ни бы́­сте, святíи уго́д­ни­цы, къ че­ло­вѣ́­комъ о Го́­спо­дѣ. Сего́ ра́ди изъ глу­би­ны́ сер­де́цъ на́­шихъ во­піе́мъ къ ва́мъ:

Ра́дуй­те­ся, Го́­спо­ду сво­е­му́ да́же до сме́р­ти по­ра­бо́­тав­шіи; ра́дуй­те­ся, огне́мъ люб­ве́ Бо́жія вос­па­ля́еми, о́гнь же́ртвъ и́доль­скихъ уга­си́в­шіи. Ра́дуй­те­ся, бли́ж­няго па́че са­ми́хъ себе́ воз­лю­би́в­шіи; ра́дуй­те­ся, я́ко боля́щія и не­ду́ж­ныя по­сѣ­ща́­ли есте́. Ра́дуй­те­ся, ну́­жды убо́­гихъ пред­ва­ря́вшіи; ра́дуй­те­ся, пе­ча́ль­ныхъ утѣ́­ши­теліе. Ра́дуй­те­ся, отча́янныхъ за­сту́п­ни­цы; ра́дуй­те­ся, си́­рыхъ пи­та́­теліе. Ра́дуй­те­ся, лю́тѣ стра́жду­щимъ по­мо́щ­ни­цы; ра́дуй­те­ся, уг­не­те́н­ныхъ сво­бо­ди́­теліе. Ра́дуй­те­ся, я́ко до́­брѣ те­че́ніе скон­ча́в­ше, ко Хри­сту́ воз­не­со́­сте­ся; ра́дуй­те­ся, я́ко въ Ца́рствіи Его́ во­дво­ря́етеся.

Ра́дуй­те­ся, Ко­смо́ и Да­міа́­не, святíи без­сре́­бре­ни­цы и пре­сла́в­ніи чу­до­тво́р­цы.

Кон­да́къ 10

Спа­сти́ хотя́ мно́­гія, яви́ на́мъ Го­спо́дь вы́, чу­до­тво́р­цы Своя́: кто́ бо не уми­ли́т­ся, ви́дя ва́ше без­мѣ́р­ное ко всѣ́мъ со­стра­да́ніе? Кто́ ли вы́ не убла­жи́тъ, я́ко не то́­кмо че­ло­вѣ́­ки отъ не­ду́гъ исцѣля́ете, но и ско­ты́ ми́луе­те? Не отри́­ни­те у́бо и на́­шихъ мо­ли́твъ, но на вся́ ны́ не­о­ску́д­но ве­ли́кія и бо­га́­тыя ва́ша ми́­ло­сти из­ле́й­те, да во­піе́мъ Бо́гу: Алли­лу́ія.

Икосъ 10

Стѣ́ны есте́ всѣ́мъ, по­хва­ля́­ю­щимъ чу­де­са́ ва́ша, о без­ме́з­днецы, и къ за­ступле́нію ва́­шему при­бѣ­га́­ю­щимъ; стѣ́­ны и за­бра́­ла есте́, огра­жда́­ю­щія отъ всѣ́хъ бѣ́дъ, усе́рд­но въ по́­мощь ва́съ при­зы­ва́­ю­щимъ. Тѣ́м­же у́бо и на́съ отъ ни­ще­ты́, на­па́­стей, не­ду́­говъ и скор­бе́й огра­ди́­те, мо́­лим­ся и те́­плѣ во­піе́мъ къ ва́мъ:

Ра́дуй­те­ся, ада­ма́н­товъ крѣ́­пость въ тер­пѣ́ніи пре­воз­ше́д­шіи; ра́дуй­те­ся, не­по­ви́н­но отъ за́­ви­сти сре­бро­лю́б­ца по­стра­да́в­шіи. Ра́дуй­те­ся, сла́в­ніи въ бѣ­да́хъ за­сту́п­ни­цы; ра́дуй­те­ся, не­мощ­ны́хъ и оби́­ди­мыхъ укрѣп­ле́ніе. Ра́дуй­те­ся, крѣ́п­цыи въ на­па́­стехъ за­щи́­ти­теліе; ра́дуй­те­ся, убо́­гихъ и ни́­щихъ все­ще́­дріи обо­га­ти́­теліе. Ра́дуй­те­ся, а́лчу­щихъ ми́­ло­сти­віи кор­ми́­теліе; ра́дуй­те­ся, бо­лѣ́знь­ми и тя́ж­ки­ми не­ду́­ги одер­жи́­мыхъ, пре­му́­дріи увра­че­ва́­теліе. Ра́дуй­те­ся, съ вѣ́­рою къ ва́мъ при­те­ка́­ю­щимъ отъ всѣ́хъ ско́рб­ныхъ обстоя́ній те́­пліи за­щи́­ти­теліе; ра́дуй­те­ся, я́ко па́мять ва́ша всѣ́­ми сла́­ви­ма на зе­мли́. Ра́дуй­те­ся, я́ко име­на́ ва́ша на­пи́­са­на су́ть на не­бе­сѣ́хъ; ра́дуй­те­ся, я́ко отъ Бо́га пре­про­сла́в­ле­ни есте́.

Ра́дуй­те­ся, Ко­смо́ и Да­міа́­не, святíи без­сре́­бре­ни­цы и пре­сла́в­ніи чу­до­тво́р­цы.

Кон­да́къ 11

Пѣ́ніе всеу­ми­ле́н­ное, ны́нѣ на́ми при­но­си́­мое, нѣ́сть до­во́ль­но къ по­хва­ле́нію пре­сла́в­ныхъ по́­дви­говъ и тру­до́въ ва́­шихъ, я́же Хри­ста́ ра́ди подъя́ли есте́ въ жи­во­тѣ́ сво­е́мъ. Оба́­че дер­за́­ю­ще про́­симъ, усе́рд­ное мо­ле́ніе на́ше пріе́м­ше, и на́съ отъ бѣ́дъ сво­и́­ми мо­ли́­тва­ми из­ба́­ви­те, да уми­ле́н­нымъ се́рд­цемъ вос­по­и́мъ Бо́гу: Алли­лу́ія.

Икосъ 11

Свѣ­то­за́р­ный и не­бе́с­ный у́мъ яви́ли есте́ ино­гда́ предъ Ка­ри́­номъ, за­блу­жде́ніе того́ об­ли­ча́я, ны́нѣ же не­тлѣ́ніемъ мо­ще́й ва́­шихъ и мно́­же­ствомъ чу­де́съ пра­во­сла́­віе утвер­жда́­е­те. Тѣ́м­же бла­го­да́р­ствен­но зо­ве́мъ ва́мъ:

Ра́дуй­те­ся, Ѵпо­ста́с­ное Сло́­во дер­зно­ве́н­но про­по­вѣ́­дав­шіи; ра́дуй­те­ся, си́лу и́доль­скую до­бро­по­бѣ́д­но упразд­ни́в­шіи. Ра́дуй­те­ся, я́ко ва́ми по­пра́ся служе́ніе бѣ­со́мъ; ра́дуй­те­ся, я́ко ва́ми по­кло­не́ніе Хри­сту́ про­по­вѣ́­да­ся. Ра́дуй­те­ся, вѣ́ры и бла­го­че́­стія учи́­теліе пре­му́­дріи; ра́дуй­те­ся, всѣ́хъ до­бро­дѣ́­те­лей не­лѣ́­ност­ніи ис­пол­ни́­теліе. Ра́дуй­те­ся, я́ко по тру­дѣ́хъ зем­ны́хъ въ се­ле́ніихъ не­бе́с­ныхъ ли­ков­ству́­е­те; ра́дуй­те­ся, я́ко и по пре­став­ле́ніи сво­е́мъ на́съ не остав­ля́ете. Ра́дуй­те­ся, я́ко всѣ́мъ, съ вѣ́­рою при­зы­ва́­ю­щимъ ва́съ, ско́рую по́­мощь по­да­е́­те; ра́дуй­те­ся, святíи вра́­че­ве, я́ко бо­лѣ́­зни на́ша исцѣля́ете. Ра́дуй­те­ся, мо­ли́­твы вѣ́р­ныхъ не отрѣ­ва́­ю­щіи; ра́дуй­те­ся, и о на́съ не­до­сто́й­ныхъ у пре­сто́­ла Бо́жія хо­да́­тай­ствую­щіи.

Ра́дуй­те­ся, Ко­смо́ и Да­міа́­не, святíи без­сре́­бре­ни­цы и пре­сла́в­ніи чу­до­тво́р­цы.

Кон­да́къ 12

Бла­го­да́ть, ю́же даде́ ва́мъ Го­спо́дь Бо́гъ, цѣ­ли́­ти вся́ не­ду́­ги ду­ше́в­ныя же и тѣ­ле́с­ныя, дне́сь со­бра́ на́съ, да по­по­чти́мъ па́мять ва́шу, святíи без­сре́­бре­ни­цы Ко­смо́ и Да­міа́­не, бла­го­го­вѣ́й­но у́бо взи­ра́­ю­ще на чест­ну́ю ико́ну ва́шу и со уми­ле́ніемъ се́рд­ца къ не́й при­па́­да­ю­ще, мо́­лимъ из­ба́­ви­ти­ся всѣ́мъ на́мъ отъ вся́кихъ зо́лъ и бо­лѣ́­зней, да вос­по­е́мъ вси́ Бо́гу: Алли­лу́ія.

Икосъ 12

Пою́ще чу­де­са́ ва́ша, вос­хва­ля́емъ тру­ды́ и по́­дви­ги, убла­жа́­емъ му́­че­ни­че­скую кон­чи́­ну, по­чи­та́­емъ хо­да́­тай­ство и си́ль­ное за­ступле́ніе ва́ше о всѣ́хъ, тре́бу­ю­щихъ по́­мо­щи ва́шея, ве­ли­ча́­емъ по­да́­теля всѣ́хъ бла́гъ Бо́га, да­ро­ва́в­ша­го на́мъ то­ли́­ко ди́в­ныхъ мо­ли́­твен­ни­ковъ, и со уми­ле́ніемъ зо­ве́мъ ва́мъ:

Ра́дуй­те­ся, Іису́­са Го́­спо­да вѣ́р­но про­по­вѣ́­дав­шіи; ра́дуй­те­ся, и́сти­ны Его́ до́бліи сви­дѣ́­теліе. Ра́дуй­те­ся, те́­пліи о на́съ у пре­сто́­ла Его́ пред­ста́­те­ли; ра́дуй­те­ся, тѣ­ле́съ на́­шихъ бла­го­со­стра­да́­тель­ніи вра́­че­ве. Ра́дуй­те­ся, Ца́рствія не­бе́с­на­го и вѣ́ч­ныхъ бла­ги́хъ на­слѣ́д­ни­цы; ра́дуй­те­ся, крѣ́п­кое на́ше по Бо́зѣ упо­ва́ніе. Ра́дуй­те­ся, мѵ́ро бла­го­во́н­ное ис­цѣ­ле́ній исто­ча́­ю­щіи; ра́дуй­те­ся, стра­сте́й зло­смра́діе мо­ли́­тва­ми сво­и́­ми отрѣ­ва́­ю­щіи. Ра́дуй­те­ся, ис­цѣ­ле́ній да́­теліе и чу­де́съ исто́ч­ни­цы; ра́дуй­те­ся, свѣ­то­но́с­ніи стол­пи́ цер­ко́в­ніи и за­бра́­ла не­дви́­жи­мая. Ра́дуй­те­ся, ви­но­гра́­да и́стин­но­го бо­же́­ствен­ныя ло́зы; ра́дуй­те­ся, дво́­и­це свѣ­то­ви́д­ная му́­дрыхъ без­сре́­бре­никъ.

Ра́дуй­те­ся, Ко­смо́ и Да­міа́­не, святíи без­сре́­бре­ни­цы и пре­сла́в­ніи чу­до­тво́р­цы.

Кон­да́къ 13

О, пре­ди́в­ніи без­сре́­бре­ни­цы, чу­до­тво́р­цы, цѣ­ли́­теліе и сла́в­ніи уго́д­ни­цы Бо́жіи, Ко­смо́ и Да­міа́­не! Пріи­ми́­те мо­ле́нія сія́ на́ша, отъ со­кру­ше́н­на­го се́рд­ца воз­но­си́­мая, ис­цѣ­ли́­те мно­го­о­бра́з­ныя не­ду́­ги на́ша и те́­плымъ пред­ста́­тель­ствомъ ва́­шимъ ис­про­си́­те на́мъ отъ Хри­ста́ Бо́га из­ба­вле́ніе отъ всѣ́хъ бѣ́дъ и на­па́­стей, про­ще́ніе пре­грѣ­ше́ній на́­шихъ и бла­гу́ю на­де́жду вѣ́ч­на­го спа­се́нія, да спо­до́­бим­ся съ ва́ми и со всѣ́­ми святы́ми въ без­ко­не́ч­ныя вѣ́ки вос­пѣ­ва́­ти Бо́гу, Спа­си́­те­лю на́­шему: Алли­лу́ія.

Се́й кон­да́къ гла­го́­лет­ся три́­жды. Та́же Икосъ 1-й и Кон­да́къ 1-й

Мо­ли́­тва святы́мъ без­сре́­бре­ни­комъ и чу­до­тво́рцемъ Ко­смѣ́ и Да­міа́ну

Къ ва́мъ, святíи без­сре́­бре­ни­цы и чу­до­тво́р­цы Ко­смо́ и Да­міа́­не, я́ко къ ско́­рымъ по­мо́щ­ни­комъ и те́­плымъ мо­ли́­твен­ни­комъ о спа­се́ніи на́­шемъ, мы́, не­до­сто́й­ніи, пре­кло́нь­ше ко­лѣ́­на, при­бѣ­га́­емъ и при­па́­да­ю­ще усе́рд­но во­піе́мъ: не пре́­зри­те мо­ле́нія на́съ грѣ́ш­ныхъ, не­мощ­ны́хъ, во мно́­гая без­за­ко́нія впа́д­шихъ, и по вся́ дни́ и часы́ со­грѣ­ша́­ю­щихъ. Умо­ли́­те Го́­спо­да, да про­ба́­витъ на́мъ, не­до­сто́й­нымъ ра­бо́мъ Сво­и́мъ, ве­ли́кія и бо­га́­тыя Своя́ ми́­ло­сти. Из­ба́­ви­те на́съ отъ вся́кія ско́р­би и бо­лѣ́­зни, вы́ бо прія́ли есте́ отъ Бо́га и Спа́­са на́­ше­го Іису́­са Хри­ста́ не­о­ску́д­ную бла­го­да́ть ис­цѣ­ле́ній ра́ди тве́р­дыя вѣ́ры, без­ме́з­дна­го вра­че­ва́­нія и му́­че­ни­че­скія кон­чи́­ны ва́шея. Услы́­ши­те на́съ, моля́щихся, и бла­го­прія́т­нымъ хо­да́­тай­ствомъ ва́­шимъ ис­про­си́­те у Хри­ста́ Бо́га Са­мо­дер­жа́в­нѣй­шему, Ве­ли́­кому Го­су­да́­рю на́­шему [и́мярекъ] здра́­віе, бла­го­де́н­ствіе, спа­се́ніе, на вра­ги́ же по­бѣ́ду и одо­лѣ́ніе, и все­му́ Ца́рству­ю­щему До́му бла­го­сло­ве́ніе Бо́жіе. Па́ки при­па́­да­ю­ще при­лѣ́ж­но мо́­лимъ: ис­про­си́­те на́мъ отъ Го́­спо­да вся́ бла­го­по­ле́з­ная я́же въ жи­во­тѣ́ на́­шемъ вре́­мен­нѣмъ, на­и­па́­че же ко спа­се́нію вѣ́ч­ному слу­жа́­щая, да спо­до́­бим­ся мо­ли́­тва­ми ва́­ши­ми улу­чи́­ти кон­чи́­ну хри­стіа́н­скую, без­бо­лѣ́­знен­ну, не­по­сты́д­ну, ми́р­ну, и да из­ба́­вим­ся отъ ко́з­ней діа́­воль­скихъ и вѣ́ч­ныя му́ки, без­ко­не́ч­на­го же и бла­же́н­на­го Ца́рствія не­бе́с­на­го на­слѣ́д­ни­цы бу́­демъ. Ей, уго́д­ни­цы Бо́жіи, не пре­ста́й­те моля́щеся за ны́, съ вѣ́­рою къ ва́мъ при­те­ка́­ю­щія. Аще бо по мно́­же­ству грѣ­хо́въ на́­шихъ и нѣ́­смы до­сто́й­ни ми­ло­се́р­дія ва́­ше­го, оба́­че вы́ вѣ́р­ніи по­дра­жа́­теліе че­ло­вѣ­ко­лю́­бія Бо́жія су́ще, со­тво­ри́­те, да при­не­се́мъ пло­ды́ до­сто́й­ны покая́нія, и въ вѣ́ч­ный по­ко́й до­сти́г­немъ, хва́ляще и бла­го­словя́ще ди́в­на­го во святы́хъ Сво­и́хъ Го́­спо­да и Бо́га и Спа́­са на́­ше­го Іису́­са Хри­ста́, и Пре­чи́­стую Ма́­терь Его́, и ва́ше те́­плое за­ступле́ніе все­гда́, ны́нѣ и при́­сно и во вѣ́ки вѣ­ко́въ. Ами́нь.

Тро­па́рь, гла́съ 8

Святíи без­сре́­бре­ни­цы и чу­до­тво́р­цы Ко­смо́ и Да­міа́­не, по­сѣ­ти́­те не́­мо­щи на́ша: ту́не прія́сте, ту́не да­ди́­те на́мъ.

Кон­да́къ, гла́съ 2

Бла­го­да́ть прі­и́м­ше ис­цѣ­ле́ній, про­сти­ра́­е­те здра́­віе су́­щимъ въ ну́­ждахъ, вра́­че­ве, чу­до­тво́р­цы пре­сла́в­ніи, но ва́­шимъ по­сѣ­ще́ніемъ ра́т­ни­ковъ де́р­зо­сти низ­ло­жи́­те, мíръ исцѣля́юще чу­де­сы́.

Ве­ли­ча́­ніе

Вели­ча́­емъ ва́съ чу­до­тво́р­цы сла́в­ніи, Ко­смо́ и Да­міа́­не, и чте́мъ чест­на́я стра­да́нія ва́ша, я́же за Хри­ста́ пре­тер­пѣ́­ли есте́.