Кон­да́къ 1

Избра́н­ный отъ ро­жде́нія стра­сто­те́рп­че и Хри­сто́­вы люб­ве́ во­пло­ще́ніе, вос­пѣ­ва́­емъ ти́ по­хва́ль­ная, я́ко па́че все­го́ оте́­че­ство воз­лю­би́в­ше­му. Ты́ же, я́ко имѣ́яй дер­зно­ве́ніе ко Го́­спо­ду, про­свѣ­ти́ омра­че́н­ныя умы́ и серд­ца́ на́ша, да зо­ве́мъ ти́:

Ра́дуй­ся, Ни­ко́­лае, бо­го­вѣн­ча́н­ный царю́ и ве­ли́кій стра­сто­терп­че.

Икосъ 1

Анге­ловъ Тво­ре́цъ по­сла́ тя зе­мли́ Россíйстѣй, я́ко а́н­ге­ла незло́­бія и вра­зумле́­нія къ на­ро́ду тво­е­му́, тя́ бо из­бра́ по о́бразу Сы́на Сво­е­го́ Еди­но­ро́д­на­го въ же́ртву искупле́нія за грѣ­хи́ людскíя. Мы́ же, дивя́щеся та­ко­во́му о тебѣ́ про­мыш­ле́нію Все­дер­жи́­теля, покая́нно зо­ве́мъ ти́:

Ра́дуй­ся, Хри­сту́ упо­до­б­ле́ніе; ра́дуй­ся, же́р­тво все­сож­же́­нія. Ра́дуй­ся, россíйскихъ ца­ре́й укра­ше́ніе; ра́дуй­ся, незло́­бія и все­про­ще́нія о́бразъ по­да́­вый. Ра́дуй­ся, оби́­ди­мыхъ не­ло́ж­ное упо­ва́ніе; ра́дуй­ся, вѣ́ры не­ру­ши́­мое ос­но­ва́ніе.

Ра́дуй­ся, Ни­ко́­лае, бо­го­вѣн­ча́н­ный царю́ и ве­ли́кій стра­сто­терп­че.

Кон­да́къ 2

Ви́дящи Все­бла­га́я Бо­го­ма́­ти во удѣ́­лѣ Сво­е́мъ страну́ на́шу ме́р­зо­стію рас­тлѣ́нія осквер­ня́ему, из­бра́ тя́ отъ ро­жде́нія, я́ко чи­стѣ́й­ша­го, Руси́ во очи­ще́ніе, да вси́ над­гро́б­ное ры­да́ніе тебѣ́ тво­ри́мъ пѣ́снь: Алли­лу́ія.

Икосъ 2

Ра́зумъ пред­вѣ́ч­ный преду­вѣ́­дѣ тя́ ко спа­се́нію и жи­тію́ тво­е­му́ про­о­бра­зо­ва́ніе Іова мно­го­стра­да́ль­на­го, ро­жде́ніе твое́ и па́мять пра́­вед­ни­ка со­че­та­ва́я. Мы́ же, грѣ­хи́ и без­за­ко́нія на́ша по­ми­на́­ю­ще, съ тре́­пе­томъ сер­де́ч­нымъ и со­кру­ше́ніемъ ду­ше́в­нымъ во­піе́мъ ти́ си́це:

Ра́дуй­ся, хулы́ и на­па́­сти отъ на­ро́­да тво­е­го́ пре­тер­пѣ́­вый; ра́дуй­ся, вѣ́ру до кон­ца́ со­хра­ни́­вый. Ра́дуй­ся, о́бра­зе кро́­то­сти; ра́дуй­ся, свѣ­ти́ль­ни­че пра́­вды. Ра́дуй­ся, блю­сти́­те­лю бо­го­по­чте́нія; ра́дуй­ся, пра́­ви­ло сми­ре́нія.

Ра́дуй­ся, Ни­ко́­лае, бо­го­вѣн­ча́н­ный царю́ и ве­ли́кій стра­сто­терп­че.

Кон­да́къ 3

Си́ла Вы́шняго осѣ­ни́ тя́, бо­го­вѣн­ча́н­не Ни­ко́­лае, лжему́др­ствую­щу за́­паду вра­зумле́­ніе про­ти­во­ра́т­ное пред­ло­жи́в­ша­го, да мíръ Бо́гу во­піе́тъ: Алли­лу́ія.

Икосъ 3

Имѣ́я тща́ніе о вра­зумле́­ніи за­блу́жд­шихъ по­ре­вно­ва́лъ еси́, бла­го­вѣ́р­ный Царю́, хра́­мовъ со­зи­да́­нію, мо­ще́й святы́хъ уго́д­ни­ковъ Бо́жіихъ про­слав­ле́нію, про­свѣ­ще́нія хри­стіа́н­ска­го на­са­жде́нію и обез­до́­лен­ныхъ отъ на­си́лія огра­жде́нію, да мíръ хри­стіа́н­скій со уми­ле́ніемъ во­піе́тъ ти́ та­ко­ва́я:

Ра́дуй­ся, святи́­теля Ни­ко­ла́я на зе­мли́ со­име­ни́­те; ра́дуй­ся, пре­по­до́б­на­го Се­ра­фи́­ма на не­бе­си́ со­мо­ли́­твен­ни­че. Ра́дуй­ся, Пра­во­сла́­вія на­са­ди́­те­лю; ра́дуй­ся, свѣ́­та Хри­сто́­ва но­си́­те­лю. Ра́дуй­ся, тер­пѣ́нія хри­стіа́н­ска­го учи́­те­лю; ра́дуй­ся, пра­во­сла́в­нымъ хри­стіа́­номъ за­сту́пннче.

Ра́дуй­ся, Ни­ко́­лае, бо­го­вѣн­ча́н­ный царю́ и ве­ли́кій стра­сто­терп­че.

Кон­да́къ 4

Бу́ри без­у́­мія и зло­рѣ́­чія не убоя́лся еси́, стра­сто­те́рп­че Ни­ко́­лае, егда́ со­гла́­сіе со вра­ги́ на па́­губу оте́­че­ства отве́рглъ еси́, зло­хуле́нія, за­то­че́ніе и умерщ­вле́ніе пре­тер­пѣ́въ, вопія́ Бо́гу Все­дер­жи́­те­лю: Алли­лу́ія.

Икосъ 4

Слы́ша дер­жа́­вы Россíйскія не­стро­е́­ніе и ви́дя хри­стіа́нъ ра­зо­ре́ніе, мо­ли́л­ся еси́ не пре­стая́, да спа­се́тъ Все­бла­га́я Ма́ти Ца­ри́­ца Бо­го­ро́­ди­ца Ру́сь Пра­во­сла́в­ную, сего́ ра́ди во­піе́мъ ти́:

Ра́дуй­ся, мо­ли́­твы ка­ди́­ло бла­го­во́н­ное; ра́дуй­ся, лампа́­до вѣ́ры не­у­га­си́­мая. Ра́дуй­ся, бу́й­ству­ю­щихъ кро́­то­стію вра­зумле́­ніе; ра́дуй­ся, не­у­тѣ́ш­ныхъ въ ско́р­бехъ утѣ­ше́ніе. Ра́дуй­ся, не­бе́с­ныхъ ра­чи́­те­лю; ра́дуй­ся, пра́­вды ре­вни́­те­лю.

Ра́дуй­ся, Ни­ко́­лае, бо­го­вѣн­ча́н­ный царю́ и ве­ли́кій стра­сто­терп­че.

Кон­да́къ 5

Бого­те́ч­ная звѣз­да́ россія́номъ въ раз­сѣ́яніи су́­щимъ яви́лся еси́, Царю́ Ни­ко́­лае, о и́ме­ни тво­е́мъ во еди́­но и́хъ со­би­ра́я и пу́ть Хри­сто́въ къ воз­ро­жде́нію зе­мли́ Россíйстѣй по­ка­зу́я, да по­ю́тъ а́н­ге­ли пѣ́снь о ка́­ю­щих­ся грѣ́ш­ни­цѣхъ: Алли­лу́ія.

Икосъ 5

Ви́дя, я́ко кро́­тость и сми­ре́ніе твое́ ни­что́­же успѣ­ва́­ютъ, но па́че мол­ва́ е́сть, все́ упо­ва́ніе на Пре­чи́­стую воз­ло­жи́лъ еси́ и въ ру́цѣ Все­дер­жи́­теля все­го́ себе́ пре­да́лъ еси́, да и без­у́м­ныя вра­зу­ми́тъ во е́же пѣ́ти тебѣ́:

Ра́дуй­ся, гор­ды́­ни по­бѣ­ди́­те­лю; ра́дуй­ся, вѣн­ца́ не­бе́с­на­го но­си́­те­лю. Ра́дуй­ся, не­мощ­ны́хъ стѣ­но́ не­о­бо­ри́­мая; ра́дуй­ся, го́р­дыхъ вра­зу­ми́­те­лю. Ра́дуй­ся, къ лю́­демъ сво­и́мъ любы́ пре­и­зо­би́ль­ная; ра́дуй­ся, за Ру́с­скую зе́­млю же́р­тво уми́ль­ная.

Ра́дуй­ся, Ни­ко́­лае, бо­го­вѣн­ча́н­ный царю́ и ве­ли́кій стра­сто­терп­че.

Кон­да́къ 6

Про­по­вѣ́дуютъ кон­цы́ все­ле́н­ныя сла́ву твою́, и во всю́ зе́­млю изы́­де сло́­во твое́, я́ко нѣ́сть тоя́ же́р­твы, ю́же не при­не́слъ бы́хъ за бла́­го оте́­че­ства сво­е­го́, нау­ча́я тѣ́мъ лю́ди твоя́ бла­го­да́р­ствен­но пѣ́ти Бо́гу: Алли­лу́ія.

Икосъ 6

Возсія́лъ еси́ па́че со́лн­ца зе­мли́ Россíйстѣй, Царю́ Ни­ко́­лае, пра­во­сла́в­но­му на­ро́ду за­ступле́ніе да́же до сме́р­ти яви́­вый, да вси́ къ тебѣ́ при­бѣ­га́­ю­ще, ко Хри­сту́ обра­ща́­ют­ся. Сего́ ра́ди вос­пѣ­ва́­емъ ти́ та­ко­ва́я:

Ра́дуй­ся, свѣ́­те, отъ во­сто́­ка из­ше́­дый; ра́дуй­ся, о́бра­зе ца­ре́мъ пра­во­сла́в­нымъ. Ра́дуй­ся, пра́­вды сія́ніе не­и­сто­щи́­мое; ра́дуй­ся, кро́­то­сти свѣ­ти́­ло не­за­хо­ди́­мое. Ра́дуй­ся, грѣ́ш­ни­ковъ о́т­чее вра­зумле́­ніе; ра́дуй­ся, пра́­вед­ни­ковъ усе́рд­ное про­слав­ле́ніе.

Ра́дуй­ся, Ни­ко́­лае, бо­го­вѣн­ча́н­ный царю́ и ве­ли́кій стра­сто­терп­че.

Кон­да́къ 7

Хотя́й вѣ́ру Пра­во­сла́в­ную на зе­мли́ утвер­ди́­ти, по­дви́г­нулъ еси́ все́ ца́р­ство твое́ на за­ступле́ніе оби́­ди­мыя стра­ны́ Се́рб­скія, да вси́ во­пію́тъ Бо́гу: Алли­лу́ія.

Икосъ 7

Но́ва­го тя́ Но́я, стро­и́­теля спа­се́нія на­ро́ду россíйско­му яви́ Го­спо́дь, да вся́ тру­ды́ твоя́ по­ми­на́­ю­ще, не­пре­ста́н­но вос­пѣ­ва́­емъ ти́ си­це­ва́я:

Ра́дуй­ся, россíйска­го ко­ра­бля́ во­ди́­те­лю; ра́дуй­ся, славя́нъ въ бѣ­да́хъ утѣ́­ши­те­лю. Ра́дуй­ся, Се́рб­стѣй стра­нѣ́ за­ступле́ніе; ра́дуй­ся, россія́нъ окор­мле́­ніе. Ра́дуй­ся, ми­ро­лю́­бія воз­вѣ­сти́­те­лю; ра́дуй­ся, про­свѣ­ще́нія устро­и́­те­лю.

Ра́дуй­ся, Ни­ко́­лае, бо­го­вѣн­ча́н­ный царю́ и ве­ли́кій стра­сто­терп­че.

Кон­да́къ 8

Стра́н­ное чу́до ви́­димъ на тебѣ́, Ни­ко́­лае, де­сни́­цею Все­вы́ш­няго мно́­га­жды спа­са́­е­момъ, со ча́ды же и сро́д­ни­ки я́ко овча́ на за­ко­ле́ніе ве­до́­момъ и му́­че­ни­че­скимъ вѣн­це́мъ вѣн­ча́­е­момъ, да Бо́гу Про­мы­сли́­те­лю вся́­че­скихъ во­піе́мъ: Алли­лу́ія.

Икосъ 8

Ве́сь всѣ́мъ хри­стіа́­номъ за­сту́п­никъ яви́лся еси́, бо­го­из­бра́н­не Ни­ко́­лае, сугу́­бое за­ступле́ніе на­ро́­домъ славя́н­скимъ по­ка­зу́­е­ши, на по­хва­лу́ по­дви­за́я пѣ́ти тебѣ́:

Ра́дуй­ся, за­щи́­то оби́­ди­мыхъ; ра́дуй­ся, вра­зумле́­ніе оби́дящихъ. Ра́дуй­ся, ско́рб­ныхъ при­бѣ́­жи­ще; ра́дуй­ся, го­ни́­мыхъ за­сту́п­ни­че. Ра́дуй­ся, въ жи­тіи́ тво­е́мъ ми­ро­тво́р­че; ра́дуй­ся, по убіе́ніи тво­е́мъ хри­стіа́­номъ по­бо́р­ни­че.

Ра́дуй­ся, Ни­ко́­лае, бо­го­вѣн­ча́н­ный царю́ и ве­ли́кій стра­сто­терп­че.

Кон­да́къ 9

Вся́кими чу­де­сы́ явля́ше Го­спо́дь бла­го­во­ле́ніе Свое́ россíйскимъ лю́­демъ, до́н­де­же не пре­о­гор­чи́­ша Го́­спо­да зѣло́, но то­бо́ю къ покая́нію при­зы­ва́­е­ми и въ се­ле́нія пра́­вед­ныхъ при­во­ди́­ми, ку́п­но по­е́мъ Бо́гу: Алли­лу́ія.

Икосъ 9

Вѣтíи мно­го­вѣ­ща́ніи, я́ко ры́бы без­гла́с­ныя, не воз­мо́гутъ из­ре­щи́ вы­со­ту́ тво­е­го́ тер­пѣ́нія. Мы́ же, глу­бину́ па­де́нія на́­ше­го со­зер­ца́­ю­ще, въ со­кру­ше́ніи ду́ха взы­ва́­емъ:

Ра́дуй­ся, [тер­пѣ́ніе не­о­бо­ри́­мое; ра́дуй­ся,] вѣ́р­но­сте хри­стіа́нъ не­по­ко­ле­би́­мая. Ра́дуй­ся, гор­ды́­ни со­кру­ше́ніе; ра́дуй­ся, без­у́м­ныхъ умудре́ніе. Ра́дуй­ся, о́бразъ вѣ́р­нымь въ жи­тіи́ и му́­че­ни­че­стѣй кон­чи́­нѣ да́­вый; ра́дуй­ся, за грѣ­хи́ зе­мли́ своея́ по­стра­да́­вый.

Ра́дуй­ся, Ни­ко́­лае, бо­го­вѣн­ча́н­ный царю́ и ве­ли́кій стра­сто­терп­че.

Кон­да́къ 10

Спа­сти́­ся хотя́й всѣ́мъ че­ло­вѣ́­комъ, Иже на кро́­ви му́­чен­ни­ковъ Сво­и́хъ Це́р­ковь ос­но­ва́­вый Серд­це­вѣ́­децъ Хри­сто́съ, по­ло­жи́ тя, стра­сто­те́рп­че Ни­ко́­лае, во ос­но­ва́ніе но́выя хра́­ми­ны дер­жа́­вы Россíйскія, да вси́ въ не́й су́щія во­пію́тъ Бо́гу: Алли­лу́ія.

Икосъ 10

Стѣна́ еси́ всѣ́мъ къ тебѣ́ съ вѣ́­рою при­бѣ­га́­ю­щимъ и не­о­бо­ри́­мое огра­жде́ніе мíру Пра­во­сла́в­но­му, нау­ча́я вся́ вѣ́р­ныя сла́­ви­ти тя́ си́це:

Ра́дуй­ся, на зе­мли́ не­бе́с­ныхъ явле́ніе; ра́дуй­ся, оску­дѣ­ва́­ю­щихъ до­бро­дѣ́­тель­ми вос­пол­не́ніе. Ра́дуй­ся, заре́, въ зе­мли́ Россíйстѣй возсія́вшая; ра́дуй­ся, рѣко́, вся́ пре­дѣ́­лы ея́ на­пи­та́в­шая. Ра́дуй­ся, сми­рен­но­му́­дрія учи́­те­лю; ра́дуй­ся, вѣ́ры и люб­ве́ на­са­ди́­те­лю.

Ра́дуй­ся, Ни­ко́­лае, бо­го­вѣн­ча́н­ный царю́ и ве­ли́кій стра­сто­терп­че.

Кон­да́къ 11

Пѣ́ніе Пресвятѣ́й Тро́­и­цѣ да́же до сме́р­ти при­но­ся́, те­че́ніе скон­ча́лъ и вѣ́ру со­блю́лъ еси́, е́юже вся́ пра­во­сла́в­ныя хри­стіа́­ны по­дви­за́­е­ши пѣ́ти: Алли­лу́ія.

Икосъ 11

Свѣ­то­да́­тель по́­сланъ бы́въ зе­мли́ на́­шей, я́ко а́гнецъ не­по­ро́ч­ный по­ла­га́­е­ши­ся во искупле́ніе грѣ́хъ на́­шихъ, да вси́ не­пре­ста́н­но тя́ сла́­вимъ:

Ра́дуй­ся, бо­го­лю­бе́з­ная же́р­тво; ра́дуй­ся, люб­ве­о­би́ліе не­и­сто­щи́­мое. Ра́дуй­ся, вѣ́р­но­сти Хри­сто́­вы по­хва­ло́; ра́дуй­ся, вѣ́яніе Ду́ха не­зри́­мое. Ра́дуй­ся, зер­ца́­ло пре­му́­дро­сти; ра́дуй­ся, не­на­дѣ́­ю­щих­ся на­де́­ждо.

Ра́дуй­ся, Ни­ко́­лае, бо­го­вѣн­ча́н­ный царю́ и ве­ли́кій стра­сто­терп­че.

Кон­да́къ 12

Боже́­ствен­ная бла­го­да́ть не­мощ­ны́я вра­чу́­ю­щи, преду­вѣ́­дѣ тя́, я́ко вра­чев­ство́ не­и­сто­щи́­мое вла­до́­мымъ тво­и́мъ, во­пі­ю́­щимъ Бо́гу: Алли­лу́ія.

Икосъ 12

Пою́ще стра­да́нія твоя́, стра­сто­те́рп­че Ни­ко́­лае, по­кла­ня́емся тер­пѣ́нію тво­е­му́, я́ко си́лѣ все­мо́щ­ныя Тро́­и­цы я́вль­шей­ся на тебѣ́, да вси́ со­гла́с­но во­піе́мъ:

Ра́дуй­ся, воз­лю́б­лен­ное ча́до Хри­сто́­во; ра́дуй­ся, не­по­ро́ч­ная ча́да твоя́ и вѣ́р­ныя слу́­ги ко Хри­сту́ при­ве­ды́й. Ра́дуй­ся, ца­ри́­цѣ пра́­вед­ною и му́­че­ни­цею бы́ти по­со́б­ства­вый; ра́дуй­ся, на­ро́дъ тво́й и́сти­нѣ на­ста́­ви­вый. Ра́дуй­ся, оте́­че­ства че́­сти не по­сра­ми́­вый; ра́дуй­ся, Ца́р­ство не­бе́с­ное стяжа́­вый.

Ра́дуй­ся, Ни­ко́­лае, бо­го­вѣн­ча́н­ный царю́ и ве­ли́кій стра­сто­терп­че.

Кон­да́къ 13

О, пре­чу́д­ный и пре­сла́в­ный стра­сто­те́рп­че Ни­ко́­лае! При́­зри на ца́р­ство твое́ зем­но́е и лю́ди твоя́, вся́каго бо отвѣ́­та о грѣ­сѣ́хъ на́­шихъ не­доу­мѣ́­емъ, и умо­ли́ Все­дер­жи́­теля, да не вни́­детъ въ су́дъ съ на́ми, но спо­до́­битъ ны́ не­пре­ста́н­но вос­пѣ­ва́­ти: Алли­лу́ія.

Се́й кон­да́къ гла­го́­лет­ся три́­жды. Та́же Икосъ 1-й и Кон­да́къ 1-й

Мо­ли́­тва

О, святы́й стра­сто­те́рп­че царю́ му́­че­ни­че Ни­ко́­лае, По­ма́­зан­ни­ка Сво­е­го́ тя́ Го­спо́дь из­бра́, во е́же ми́­ло­стив­но и пра́­во су­ди́­ти лю́­демъ тво­и́мъ и хра­ни́­те­лемъ ца́р­ства пра­во­сла́в­на­го бы́ти. Ца́р­ское служе́ніе сіе́ и о ду­ша́хъ по­пе­че́ніе со стра́­хомъ Бо́жіимъ со­вер­ша́лъ еси́. Ис­пы­ту́я же тя́, я́ко зла́­то въ гор­ни́­лѣ, ско́р­би го́рь­кія Го­спо́дь ти́ по­пу­сти́, я́коже Іову Мно­го­стра­да́ль­но­му, по­слѣ­ди́ же пре­сто́­ла ца́р­ска­го ли­ше́ніе и му́­че­ни­че­скую сме́рть по­сла́ ти. Вся́ сія́ кро́т­ко пре­тер­пѣ́­вый, я́ко и́стин­ный ра́бъ Хри­сто́въ, на­сла­жда́­е­ши­ся ны́нѣ вы́ш­нія сла́­вы у пре­сто́­ла всѣ́хъ Царя́, ку́п­но со святы́ми му́­че­ни­ки: свято́ю ца­ри́­цею Алек­са́н­дрою, святы́мъ о́тро­комъ ца­ре́­ви­чемъ Алексíемъ, святы́ми ца­ре́в­на­ми: Оль­гою, Та­тіа́­ною, Марíею и Ана­ста­сíею и съ вѣ́р­ны­ми слу́­ги тво­и́­ми, та́же со свято́ю му́­че­ни­цею княги́­нею Ели­са­ве́­тою и со всѣ́­ми ца́р­ствен­ны­ми му́­че­ни­ки и свято́ю му́­че­ни­цею Вар­ва́­рою. Но я́ко имѣ́я дер­зно­ве́ніе ве́ліе у Хри­ста́ Царя́, Его́­же ра́ди вси́ по­стра­да́­ша, моли́ съ ни́ми, да отпу́­стить Го­спо́дь грѣ́хъ на­ро́­да, не воз­бра­ни́в­ша­го убіе́ніе твое́, царя́ и по­ма́­зан­ни­ка Бо́жія, да из­ба́­витъ Го­спо́дь стра́ждущую страну́ Россíйскую отъ лю́­тыхъ без­бо́ж­никъ, за грѣ­хи́ на́ша и от­ступле́ніе отъ Бо́га по­пу́­щен­ныхъ, и воз­ста́­витъ пре­сто́лъ пра­во­сла́в­ныхъ ца­ре́й, на́мъ же по­да́стъ грѣ­хо́въ про­ще́ніе, и на вся́кую до­бро­дѣ́­тель на­ста́­витъ на́съ, да стя́жемъ сми­ре́ніе, кро́­тость и лю­бо́вь, я́же сíи му́­че­ни­цы яви́ша, да спо­до́­бим­ся не­бе́с­на­го Ца́рствія, идѣ́­же ку́п­но съ то­бо́ю и всѣ́­ми святы́ми но­во­му́­че­ни­ки и ис­по­вѣ́д­ни­ки россíйски­ми про­сла́­вимъ Отца́ и Сы́на и Свята́го Ду́ха, ны́нѣ и при́­сно и во вѣ́ки вѣ­ко́въ. Ами́нь.

Тро­па́рь, гла́съ 5

Ца́р­ства зем­на́­го ли­ше́ніе, у́зы и стра­да́нія мно­го­раз­ли́ч­ныя, кро́т­ко пре­тер­пѣ́лъ еси́, сви­дѣ́­тель­ство­вавъ о Хри­стѣ́ да́же до сме́р­ти отъ бо­го­бо́рцевъ, стра­сто­те́рп­че ве­ли́кій бо­го­вѣн­ча́н­ный царю́ Ни­ко́­лае, сего́ ра́ди му́­че­ни­че­скимъ вѣн­це́мъ на не­бе­сѣ́хъ вѣн­ча́ тя́, съ ца­ри́­цею, и ча́ды, и слуги́ тво­и́­ми Хри­сто́съ Бо́гъ, Его́­же моли́ по­ми́­ло­ва­ти страну́ Россíйскую, и спа­сти́ ду́ши на́ша.

Кон­да́къ, гла́съ 6

Наде́­жда царя́ му́­че­ни­ка съ ца­ри́­цею и ча́ды и слуги́ укрѣ­пи́, и къ Тво­е́й люб­ви́ окры­ли́, бу́дущій и́мъ по­ко́й пред­воз­вѣ­сти́в­ши, тѣ́хъ мо­ли́­тва­ми, Го́­спо­ди, по­ми́луй на́съ.