Текст утвер­жден ре­шением Священ­но­го Си­но­да Рус­ской Пра­во­слав­ной Цер­кви 11 апреля 1881 года № 664

Кон­да́къ 1

Избра́н­ной отъ ро́да дер­жа́в­на­го уго́д­ни­цѣ Хри­сто́­вой Ев­фро­си́ніи, я́ко крѣ́п­кой за­сту́п­ни­цѣ и мо­ли́­твен­ни­цѣ на́­шей, по­хва́ль­ная во­с­пи­су́­емъ ти́, чту́щіи тя́. Ты́ же, я́ко иму́­щая дер­зно­ве́ніе ко Го́­спо­ду, Того́ умо­ли́ из­ба́­ви­ти­ся на́мъ бѣ́дъ и скор­бе́й, и въ бу́ду­щемъ вѣ́цѣ не­бе́с­ное улу­чи́­ти Ца́рствіе, да зо­ве́мъ ти́:

Ра́дуй­ся, пре­по­до́б­ная княги́не Ев­фро­си́ніе.

Икосъ 1

Ангель­ское во́­и­стин­ну без­стра́­стіе еще́ на зе­мли́ стяжа́ла еси́, пре­по­до́б­ная, ни во что́­же вмѣня́ющи княже́нія сла́ву, бо­га́тствъ оби́ліе, вся́ мíра кра́с­ная, о ю́но­сти и тѣ́ла кра­со­тѣ́ не­ра­ди́в­ши, не­пре­ста́н­ны­ми же къ Бо́гу мо­ли́­тва­ми, бдѣ́ніемъ и по­сто́мъ пло́ть изнури́в­ши и ду́шу до­бро­дѣ́­тель­ми укра́­сив­ши. Си­це­во́му рав­но­а́н­гель­но­му жи­тію́ тво­е­му́ удивля́ющеся, сія́ во­піе́мъ ти́, пре­по­до́б­ная:

Ра́дуй­ся, отъ мла­ды́хъ лѣ́тъ спа­се́нія взы­ска́в­шая; ра́дуй­ся, въ мо­ли́­твахъ къ Бо́гу при­лѣ­жа́в­шая. Ра́дуй­ся, въ на­па́­стехъ на Него́ еди́­на­го упо­ва́ніе по­ла­га́в­шая; ра́дуй­ся, въ са́нѣ кня́­же­стѣмъ сми­ре́ніе со­хра́н­шая. Ра́дуй­ся, во вла́­сти дер­жа́в­нѣй кро́­тость ко всѣ́мъ со­блю́д­шая; ра́дуй­ся, къ ни́­щимъ ми­ло­се́р­діе не­о­ску́д­ное по­ка­за́в­шая. Ра́дуй­ся, въ чер­то́­зѣ кня́­же­стѣмъ и́но­че­ски по­жи́в­шая; ра́дуй­ся, въ нѣ́­го­ва­ніи дво­ра́ ца́р­ска­го по́ст­ни­че­ское жи­тіе́ яви́в­шая.

Ра́дуй­ся, пре­по­до́б­ная княги́не Ев­фро­си́ніе.

Кон­да́къ 2

Ви́дящи пре­по­до́б­ная въ до́мѣ о́т­чемъ за́­по­вѣ­дей Бо́жіихъ усе́рд­ное хра­не́ніе и въ бла­го­че́­стіи пре­спѣ́яніе, отъ ю́но­сти на­вы́­че о спа­се́ніи ду­ше́в­нѣмъ па́че все­го́ ре­вно­ва́­ти, и въ те́­плыхъ къ Бо́гу мо­ли́­твахъ Ему́ вос­пѣ­ва́­ти: Алли­лу́ія.

Икосъ 2

Ра́зумъ во бла­го­че́­стіи утвер­жде́нъ иму́­щи пре­по­до́б­ная, не зем­ны́я ра́­до­сти въ су­пру́­же­ствѣ взы­ска́­ше, но па́че все­го́ су­пру́гу въ до­бро­дѣ́­те­лехъ по­дра­жа́­ше и того́ къ дѣ­ло́мъ до́­брымъ по­дви­за́­ше, со тща́ніемъ къ по́­че­сти вы́шняго зва́нія те­ча́­ше. Си­це­во́е жи­тіе́ пре­по­до́б­ныя по­хва­ля́юще, во­зо­піи́мъ къ не́й та­ко­ва́я:

Ра́дуй­ся, Бо́га па́че все­го́ воз­лю́бль­шая; ра́дуй­ся, въ жи́­зни сла́в­нѣй но́щи въ мо­ли́­твахъ пре­бы­ва́­ти не оста́вль­шая. Ра́дуй­ся, во оби́ліи бла́гъ зем­ны́хъ по́ст­ни­че­ской жи́­зни на­вы́кшая; ра́дуй­ся, въ мір­стѣ́й жи́­зни чи­сто­ту́ се́рд­ца со­хра́н­шая. Ра́дуй­ся, су­пру́­жествъ хри­стіа́н­скихъ удо­бре́ніе; ра́дуй­ся, же́нъ бла­го­че­сти́­выхъ укра­ше́ніе. Ра́дуй­ся, во оби́ліи бла́гъ жи­ву́­щимъ бла­го­че́­стія о́бразъ по­да́в­шая; ра́дуй­ся, во сла́­вѣ су́­щимъ хри­стіа́н­ска­го житія́ пра́­ви­ло по­ка­за́в­шая.

Ра́дуй­ся, пре­по­до́б­ная княги́не Ев­фро­си́ніе.

Кон­да́къ 3

Си́ла Вы́шняго при́­сно не­вре­ди́му тя́ со­хра­ня́ше, пре­по­до́б­ная, егда́ смер­то­но́с­ная я́зва мно́­ги о́крестъ тебе́ по­губля́ше, и мно́­га­жды въ на­хо­жде́ніихъ вра­го́въ без­бо́ж­ныхъ со­блю­да́­ше тя́ отъ меча́ и́хъ и плѣ­не́нія. Тѣ́м­же, Бо́га бла­го­да­ря́щи, вопія́ла еси́: Алли­лу́ія.

Икосъ 3

Иму́щи се́рд­це ми́­ло­стив­ное и къ лю́­демъ стра́жду­щимъ удо́бь пре­кло́н­ное, во всѣ́хъ гра́­да и княже́нія на­па́­стехъ, въ за­па­ле́ніихъ о́гнен­ныхъ, въ на­хо­жде́ніихъ и гу­би́­тель­ствахъ вра́жіихъ, пе́р­вѣе къ Бо́гу обы́­кла еси́, пре­по­до́б­ная, съ мо­ли́­твою те́­плою при­бѣ­га́­ти, и къ то́й вся́ лю́ди по­дви­за́­ти. Тѣ́м­же, по­чи­та́­ю­ще твое́ те́­плое къ Бо́гу о лю́­дехъ хо­да́­тай­ство и ско́рую бѣ́д­ствую­щимъ по́­мощь, во­піе́мъ ти́ си­це­ва́я:

Ра́дуй­ся, гнѣ́въ Бо́жій мо­ли́­тва­ми тво­и́­ми утоля́вшая; ра́дуй­ся, въ бѣ­да́хъ и на­па́­стехъ по́­мощь Бо́жію обрѣ­та́в­шая. Ра́дуй­ся, кро́­ва ли­ше́н­нымъ при­ста́­ни­ще уго­тов­ля́вшая; ра́дуй­ся, отъ вра­го́въ ра­зо­ре́н­нымъ сна­бдѣ́ніе по­да­ва́в­шая. Ра́дуй­ся, со­стра­да́ніемъ ско́р­би бѣ́д­ству­ю­щихъ утоля́вшая; ра́дуй­ся, ми­ло­се́р­діемъ ни­ще­ту́ об­ни­ща́в­шихъ отгоня́вшая. Ра́дуй­ся, ду́шу ко всѣ́мъ ми­ло­се́рду имѣ́в­шая; ра́дуй­ся, во мно́­зѣхъ бла­го­тво­ре́ніихъ лю­бо́вь къ лю́­демъ по­ка­за́в­шая.

Ра́дуй­ся, пре­по­до́б­ная княги́не Ев­фро­си́ніе.

Кон­да́къ 4

Бу́ря ско́рб­ныхъ по­мыш­ле́ній об­дер­жа́­ше тя́, пре­по­до́б­ная, егда́ ю́ный кня́зь, бла́­га ра́ди лю­де́й сво­и́хъ, во́­лею по́й­де въ жи­ли́­ще яря́щихся злон­ра́в­ныхъ ага́рянъ, я́ко овча́ въ ло́жа ди́­віихъ звѣ­ре́й, и па́ки егда́ сы́нъ тво́й два́ лѣ́та пре­жи­ве́ въ плѣ­не́ніи у без­бо́ж­ныхъ вра­го́въ. Ты́ же, ско́р­би се́рд­ца тво­е­го́ предъ Го́­спо­демъ еди́­нымъ въ мо­ли́­твахъ те́­плыхъ из­ли­ва́­ю­щи, Ему́ не­пре­ста́н­но взы­ва́­ла еси́: Алли­лу́ія.

Икосъ 4

Слы́­шав­ше ино­гда́ без­бо́ж­ніи ага́ряне твое́, пре­по­до́б­ная, изъ ца́рствую­ща­го гра́­да уда­ле́ніе, гна́­ша вслѣ́дъ тебе́, въ плѣ́нъ я́ти тя́ хотя́ще. Ты́ же, Бо́­гомъ со­хра­ня́ема, из­бѣ́­гла еси́ ру́къ вра́жіихъ, и Бо́га бла­го­да­ря́щи, мно́­ги хра́­мы и оби́­те­ли и́но­че­скія воз­дви́г­ла еси́. Тѣ́м­же, вѣ́ду­ще твою́ те́плую къ Бо́гу лю­бо́вь, во­піе́мъ ти́ си­це­ва́я:

Ра́дуй­ся, не­пре­ста́н­ны­ми мо­ли́­твен­ны­ми хва­ле́ніи Бо́га про­слав­ля́вшая; ра́дуй­ся, въ не­пре­ста́н­ную же́ртву бла­го­да­ре́нія Ему́ хра́­мы мно́­ги со­зда́в­шая. Ра́дуй­ся, при­ме­та́­ти­ся во дво́­рѣхъ Бо́жіихъ воз­лю­би́в­шая; ра́дуй­ся, въ мір­стѣ́й жи́­зни вы­со­ту́ и́но­че­ска­го житія́ по­зна́в­шая. Ра́дуй­ся, во сла́­вѣ свѣ́т­ла­го княже́нія суету́ мір­ска́­го житія́ уразу­мѣ́в­шая; ра́дуй­ся, мíра суету́ уразу­мѣ́в­шимъ, при­ста́­ни­ще ти́­хое во оби́­те­лехъ уго­то́­вав­шая. Ра́дуй­ся, спа­се́нія ду­ше́в­на­го при́­сно же­ла́в­шая; ра́дуй­ся, спа­сти́­ся хотя́щихъ къ жи́­зни и́но­че­ской при­зы­ва́в­шая.

Ра́дуй­ся, пре­по­до́б­ная княги́не Ев­фро­си́ніе.

Кон­да́къ 5

Бого­те́ч­ная звѣз­да́ яви́­ла­ся еси́, пре­по­до́б­ная, въ жи­тіи́ тво­е́мъ, егда́ су­пру́­же­скихъ у́зъ отрѣ­ши́в­ши­ся, все­цѣ́­ло Го́­спо­ду себе́ пре­да­ла́ еси́, по­сто́мъ и мо­ли́­тва­ми ра­бо́­та­ю­щи Ему́ де́нь и но́щь, и не­пре­ста́н­но во­пі­ю́­щи Ему́: Алли­лу́ія.

Икосъ 5

Ви́дящи, пре­по­до́б­ная, себе́ по сме́р­ти му́жа си­ро́т­ствую­щу, воз­же­ла́ на служе́ніе еди́­ному Бо́гу себе́ пре­да́­ти, оба́­че, во­спи­та́нія ра́ди ча́дъ, до вре́­ме­ни въ чер­то́­зѣхъ кня́­же­скихъ жи́ти и о дѣ́­лѣхъ зем­ны́хъ по­пе­че́ніе имѣ́­ти пону­жда́­е­ма, умы́­сли въ та́й­нѣ Бо́гу ра­бо́­та­ти, зѣ́ль­нымъ по­ще́ніемъ тѣ́ло ю́ное изнуря́ющи, лю́­демъ же въ свѣ́т­лыхъ ри́­захъ и крас­ну́ ли­це́мъ себе́ явля́ющи. Тоя́ еди́­ному Бо́гу вѣ́­до­мыя по́­дви­ги по­чи­та́­ю­ще, во­зо­піи́мъ къ не́й та­ко­ва́я:

Ра́дуй­ся, въ та́й­нѣ Бо́гу по­слу­жи́в­шая; ра́дуй­ся, со­кро­ве́н­но отъ лю­де́й Тому́ уго­ди́в­шая. Ра́дуй­ся, Да­ви́д­ски въ полу́­но­щи на мо­ли́тву во­ста­ва́в­шая; ра́дуй­ся, во дни бодр­ствен­но дѣла земная со­вер­шав­шая. Ра́дуй­ся, пса­ло́м­ски у́тро въ мо­ле́ніихъ пред­ва­ря́вшая; ра́дуй­ся, до но́щи во обы́ч­ныхъ о ча́­дѣхъ и лю́­дехъ по­пе­че́ніихъ пре­бы­ва́в­шая. Ра́дуй­ся, я́ко предъ Бо́­гомъ пса­ло́м­ски во вре́­ти­щи и сте­на́ніи ду́шу твою́ сми­ри́­ла еси́; ра́дуй­ся, я́ко предъ людь­ми́ ева́н­гель­ски во ума­ще́ніи гла­вы́ и въ свѣ́т­ло­сти лица́ и одѣя́ніи себе́ явля́ла еси́.

Ра́дуй­ся, пре­по­до́б­ная княги́не Ев­фро­си́ніе.

Кон­да́къ 6

Про­по­вѣ́д­нику пре­му́­дро­му со­гла­су́­ю­щи­ся, гла­го́­ла­ла еси́, пре­по­до́б­ная, въ се́рд­цѣ тво­е́мъ: "вся́­че­ская въ мíрѣ суе­та́ суе́тъ". Тѣ́м­же ти́­хое отъ суе­ты́ убѣ́­жи­ще - оби́­тель святу́ю [сію́] со­зда­ла́ еси́, е́же бы въ не́й мíра уда­ли́в­ши­ся, въ ми́рѣ и без­мо́л­віи пѣ́ти Бо́гу: Алли­лу́ія.

Икосъ 6

Возсія́ въ се́рд­цѣ тво­е́мъ, пре­по­до́б­ная, свѣ́т­лая бла­го­да́­ти луча́, та́й­ны­ми мо­ли́­тва­ми и по́­дви­га­ми воз­жи­га́­е­мая, ея́же сія́нія не терпя́ дре́в­ній вра́гъ, вос­хо­тѣ́ воз­мути́­ти ду́шу твою́, нау­сти́въ лу­ка́­выя лю́ди хулы́ гла­го́­ла­ти о жи­тіи́ тво­е́мъ. Ты́ же кле­ве­ты́ слы́­ша­щи, ду́­хомъ пре­бы­ва́­ла еси́ въ Бо́зѣ утвер­жде́­на и по́­мы­сломъ не сму­ще́н­на. Тѣ́м­же во­піе́мъ ти́, пре­по­до́б­ная:

Ра́дуй­ся, не­пра́­вед­ное по­но­ше́ніе безъ гнѣ́­ва тер­пѣ́в­шая; ра́дуй­ся, зло­ко́з­нен­ное хуле́ніе не­сму­ще́н­но по­не́с­шая. Ра́дуй­ся, за ре́­вность о чи­сто­тѣ́ се́рд­ца, въ не­чи­сто­тѣ́ житія́ окле­ве­та́­е­мая; ра́дуй­ся, за зѣ́ль­ное тѣ́ла умерщ­вле́ніе, въ жи­тіи́ сласто­пи­та́н­номъ укоря́емая. Ра́дуй­ся, отъ Бо́га еди́­на­го по­хва­лы́ на судѣ́ Его́ же­ла́в­шая; ра́дуй­ся, сла́­вы то́­кмо на не­бе­сѣ́хъ иска́в­шая. Ра́дуй­ся, тве́р­дое тер­пѣ́ніе во оз­ло­бле́ніи со­блю́д­шая; ра́дуй­ся, сми­ре́ніемъ ко́з­ни вра́жія рас­то́рг­шая.

Ра́дуй­ся, пре­по­до́б­ная княги́не Ев­фро­си́ніе.

Кон­да́къ 7

Хотя́й Го­спо́дь та́й­ныя твоя́ въ до­бро­дѣ́­те­лехъ по́­дви­ги вѣ́­до­мы лю́­демъ со­дѣ́­ла­ти, по­пу­сти́ діа́­волу бу́рю воз­дви́г­нути на тя́ по­но­ше́ній и окле­ве­та́ній, да извѣ́ст­но увѣ́­дѣв­ше свято́е твое́ жи­тіе́, про­сла́вятъ вси́ Бо́га, Ди́в­на­го въ та́й­ныхъ ра­бѣ́хъ Сво­и́хъ, при́­сно во­пі­ю́­ще Ему́: Алли­лу́ія.

Икосъ 7

Но́вую по­ка­за́ до­бро­дѣ́­те­ли вы­со­ту́ пре­по­до́б­ная Ев­фро­си́нія, егда́, ви́дяши ча́дъ сво­и́хъ злы́­ми о не́й кле­ве­та́­ми сму­ща́­е­мыхъ, при­зва́ я́ та́й­но, и ча́сть оде́ждъ предъ ни́ми откры́, я́ко ви́­дѣ­ти бѣ́ мо́щ­но тѣ́ло ея́, отъ по­ста́ и зѣ́ль­ныхъ по́­дви­говъ из­со́х­шее и очер­нѣ́­лое, и пло́ть ко­сте́мъ при­льпну́в­шу; и та́ко сму­ще́ніе отъ сер­де́цъ и́хъ от­гна́в­ши, ни­кому́­же по­вѣ́­да­ти ви́­дѣн­ное по­ве­лѣ́. Та­ко­вѣ́й пре­по­до́б­ныя до­бро­дѣ́­те­ли дивя́щеся, во­зо­піи́мъ къ не́й си­це­ва́я:

Ра́дуй­ся, во глу­би­нѣ́ сми­ре́нія по́­дви­ги твоя́ отъ всѣ́хъ скры­ва́в­шая; ра́дуй­ся, въ ши­ро­тѣ́ люб­ви́ ча́­домъ тво­и́мъ о́ныя яви́в­шая. Ра́дуй­ся, очи­ще́нія ра́ди своея́ души́, по­но­ше́ніе без­че́­стія тер­пѣ­ли́­во по­не́с­шая; ра́дуй­ся, из­ба­вле́нія ра́ди ча́дъ сво­и́хъ отъ грѣ­ха́ осу­жде́нія, чи­сто­ту́ житія́ сво­е­го́ по­ка­за́в­шая. Ра́дуй­ся, оби́­ды отъ лю­де́й Судіи́ Бо́гу пре­да́в­шая; ра́дуй­ся, худы́я по́­мы­слы ча́дъ сво­и́хъ во бла́­го ис­пра́­вив­шая. Ра́дуй­ся, во увѣ­ре́ніе и́сти­ны по́­дви­ги твоя́ и́мъ откры́в­шая; ра́дуй­ся, во из­бѣ­жа́ніе сла́­вы, уста́ и́хъ мол­ча́­ніемъ за­гра­ди́в­шая.

Ра́дуй­ся, пре­по­до́б­ная княги́не Ев­фро­си́ніе.

Кон­да́къ 8

Стра́н­ное ви­дѣ́­ніе пло́­ти твоея́, я́ко уже́ уме́р­шія, зря́ще сы́­но­ве твои́ и же­сто́­кое твое́ жи­тіе́ уразу­мѣ́в­ше, стра́­хомъ одер­жи́­ми, Бо́гу укрѣ­пи́в­ше­му тя́ въ по́­дви­зѣхъ, вопія́ху при­лѣ́ж­но: Алли­лу́ія.

Икосъ 8

Ве́сь со́нмъ зло­сло́вящихъ лю­де́й хотя́ху ча́да твоя́ на­ка­за́­ти, егда́ увѣ́­да­ша тво­е­го́ житія́ чи­сто­ту́ и уразу­мѣ́­ша ве́лію зло́бу по­но­ша́­ю­щихъ тя́; ты́ же, я́ко незло́­би­вая, ни­ка́­ко­же по­пу­сти́­ла еси́ отм­сти́­ти оби́дящимъ, отъ Бо́га еди́­на­го ча́­ю­щи оправ­да́нія сво­е­го́. Тѣ́м­же во­піе́мъ ти́, пре­по­до́б­ная:

Ра́дуй­ся, се́рд­цемъ кро́т­кая; ра́дуй­ся, ду́­хомъ незло́­би­вая. Ра́дуй­ся, ко оби́­дамъ тер­пѣ­ли́­вая; ра́дуй­ся, ко оби́дяшимъ не­гнѣв­ли́­вая. Ра́дуй­ся, въ тер­пѣ́ніи оби́дъ Хри­сту́ Бо́гу по­до́бящаяся; ра́дуй­ся, отъ Бо́га еди́­на­го сво­е­го́ оправ­да́нія ожи­да́в­шая. Ра́дуй­ся, по­но­ше́ніе тер­пѣ́ніемъ по­бѣ­ди́в­шая; ра́дуй­ся, ко оби́дящимъ лю­бо́вь со­хра­ни́в­шая.

Ра́дуй­ся, пре­по­до́б­ная княги́не Ев­фро­си́ніе.

Кон­да́къ 9

Все́ есте­ство́ а́н­гель­ское воз­ве­се­ли́ся, егда́ ар­хи­стра­ти́гъ не­бе́с­ныхъ си́лъ, пред­стоя́й пре­сто́лу Бо́жію, по́­сланъ бы́сть къ тебѣ́, пре­по­до́б­ная, ко ис­хо́ду ду́шу твою́ уго­то́­ва­ти, и Бо́гу, си́це бла­го­из­во́­лив­ше­му, вопія́ху: Алли­лу́ія.

Икосъ 9

Вѣтíи мно­го­вѣ­ща́н­ныя не воз­мо́гутъ по достоя́нію вос­хва­ли́­ти твое́ а́н­гель­ское без­стра́­стіе и чи­сто­ту́ о́ка ду­ше́в­на­го, я́ко, во пло́­ти су́щи, отъ ар­хи­стра­ти́­га Бо́жія по­сѣ­ще́нія спо­до́­би­ла­ся еси́, и отъ него́ из­вѣ­ще́ніе о ис­хо́­дѣ изъ сего́ вре́­мен­на­го житія́ прія́ла еси́. Мы́ же, та­ко­ву́ю тебѣ́ отъ Бо́га да́н­ную бла­го­да́ть чту́­ще, во­піе́мъ ти́, пре­по­до́б­ная:

Ра́дуй­ся, без­стра́­стіемъ а́н­ге­ломъ со­ре­вно­ва́в­шая; ра́дуй­ся, ар­ха́н­гель­ска­го по­сѣ­ще́нія спо­до́бль­шаяся. Ра́дуй­ся, сія́ніемъ а́н­гель­ска­го свѣ́­та осія́нная; ра́дуй­ся, бла­гоу­ха́ніемъ святы́ни отъ ар­ха́н­ге­ла обла­гоу­ха́н­ная. Ра́дуй­ся, о из­ше́­ствіи изъ мíра отъ Го́­спо­да пре­дыз­вѣ­ще́н­ная; ра́дуй­ся, явле́ніемъ а́н­гель­скимъ отъ все­го́ зем­на́­го отрѣ­ше́н­ная. Ра́дуй­ся, я́ко ар­хи­стра­ти́гъ Бо́жій явле́ніемъ сво­и́мъ кня́зя воз­ду́ш­ныхъ мы­та́рствъ отъ тебе́ да­ле́­че от­гна́; ра́дуй­ся, я́ко сво­и́мъ бла­го­да́т­нымъ по­сѣ­ще́ніемъ по­бѣ́ду на діа́­во­ла тебѣ́ да­ро­ва́.

Ра́дуй­ся, пре­по­до́б­ная княги́не Ев­фро­си́ніе.

Кон­да́къ 10

Спа­сти́ хотя́щи ду́шу твою́, пре­по­до́б­ная, егда́ отъ а́н­ге­ла вѣ́сть о ско́­ромъ отъ житія́ сего́ ис­хо́­дѣ прія́ла еси́, вни́­ти въ со­зда́н­ную то­бо́ю оби́­тель уско­ри́­ла еси́, да та́мо въ без­мо́л­віи ра­бо́­та­ю­щи Бо́гу, вос­пѣ­ва́­е­ши Ему́: Алли­лу́ія.

Икосъ 10

Стѣна́ еси́ тве́р­дая и огра­жде́ніе не­о­бо­ри́­мое оби́­те­ли, то­бо́ю со­зда́н­нѣй, пре­по­до́б­ная, е́же и яви́ Го­спо́дь, еще́ гряду́­щей тебѣ́ во оби́­тель: мно́­ги бо на пути́ не­ду́ж­ныя ис­цѣ­ли́­ла еси́, и во оби́­тель вош­ла́ еси́ не я́ко но­во­на­ча́ль­ная, но я́ко сла́в­ная чу­до­тво́­ри­ца. Тѣ́м­же, про­слав­ля́юще тя́, во­піе́мъ ти́, пре­по­до́б­ная:

Ра́дуй­ся, явле́ніемъ тво­и́мъ слѣп­цу́ ис­цѣ­ле́ніе обѣ­ща́в­шая; ра́дуй­ся, при­кос­но­ве́ніемъ ри́зы зрѣ́­ніе тому́ по­да́в­шая. Ра́дуй­ся, боля́щихъ въ жи­тіи́ тво­е́мъ ну́ж­нымъ сна­бдѣ­ва́в­шая; ра́дуй­ся, три́­де­сяти не­ду́ж­нымъ при вхо­жде́ніи во оби́­тель ис­цѣ­ле́ніе да­ро­ва́в­шая. Ра́дуй­ся, во оби́­тель ше́д­шая по сми­ре́нію, я́ко но­во­на­ча́ль­ная; ра́дуй­ся, въ ту́ю вше́д­шая по бла­го­да́­ти Бо́жіей, я́ко чу­до­тво́­ри­ца пре­хва́ль­ная. Ра́дуй­ся, бла­го­да́ть Бо́жію съ со­бо́ю во оби́­тель вводя́щая; ра́дуй­ся, вхо­жде́ніемъ сво­и́мъ укра­ше́ніе свято­лѣ́п­ное е́й пре­по­да́в­шая.

Ра́дуй­ся, пре­по­до́б­ная княги́не Ев­фро­си́ніе.

Кон­да́къ 11

Пѣ́ніе всеу­ми­ле́н­ное при­не­сла́ еси́, пре­по­до́б­ная, бла­го­да́р­ствен­ная во­с­пи­су́­ю­щи Го́­спо­ду, спо­до́бль­шему тя́ и́но­че­ское по­стри­же́ніе прія́ти, къ Нему́ же во все́мъ жи­тіи́ ду́шу твою́ преду­го­тов­ля́ла еси́, да мíра сего́ отлу­чи́в­ши­ся и ни­чи́м­же зем­ны́мъ сму­ща́­е­ма, во­піе́­ши Бо́гу: Алли­лу́ія.

Икосъ 11

Свѣ­то­за́р­ная свѣ­ща́ и́но­че­ствую­щимъ по­ка­за́­ся жи­тіе́ твое́ во оби́­те­ли, пре­по­до́б­ная: а́ще бо и не мно́­ги дни́ во и́но­че­ствѣ по­жи­ла́ еси́, оба́­че вся́кія и́но­че­скія до­бро­дѣ́­те­ли о́бразъ преизя́щный въ себѣ́ яви́ла еси́. Тѣ́м­же, вос­хва­ля́юще тя́, си­це­ва́я во­піе́мъ ти́, пре­по­до́б­ная:

Ра́дуй­ся, во́ль­на­го мíра остав­ле́нія преизя́щная на­ста́в­ни­це; ра́дуй­ся, пра́­ви­ло усе́рд­на­го за вся́ лю́ди мо­ле́нія. Ра́дуй­ся, со­вер­ше́н­на­го своея́ во́ли отсѣ­че́нія пре­му́­дрое на­став­ле́ніе; ра́дуй­ся, ду­ше́в­ныя и тѣ­ле́с­ныя чи­сто­ты́ свѣ­ти́­ло изря́дное. Ра́дуй­ся, умерщ­вле́нія пло́­ти о́бра­зе преизя́щный; ра́дуй­ся, ми́р­на­го куп­но­жи́тія на­ста́в­ни­це. Ра́дуй­ся, у́мныя къ Бо́гу мо­ли́­твы о́бра­зе; ра́дуй­ся, свята́го на зе­мли́ житія́ зер­ца́­ло.

Ра́дуй­ся, пре­по­до́б­ная княги́не Ев­фро­си́ніе.

Кон­да́къ 12

Бла­го­да́­ти ис­по́л­не­на и бла­ги́хъ дѣ́лъ, я́ко до́­брѣ те­че́ніе зем­но́е со­вер­ши́в­шая, въ ми́рѣ пре­ста́­ви­ла­ся еси́ отъ зем­ны́хъ къ не­бе́с­нымъ, идѣ́­же веселя́щися пред­сто­и́­ши Го́­спо­ду и во­піе́­ши Ему́: Алли­лу́ія.

Икосъ 12

Пою́ще твоя́ мно­го­о­бра́з­ная лю́­демъ бла­го­дѣя́нія, вос­хва­ля́емъ тя́ вси́, пре­по­до́б­ная ма́ти Ев­фро­си́ніе, не­за­ви́ст­но по­да­ю́­щую ис­цѣ­ле́нія съ вѣ́­рою къ тебѣ́ при­бѣ­га́­ю­щимъ и во­пі­ю́­щимъ ти́:

Ра́дуй­ся, я́ко на не­бе­сѣ́хъ ны́нѣ предъ Го́­спо­демъ пред­сто­и́­ши; ра́дуй­ся, я́ко о лю́­дехъ предъ Бо́­гомъ вы́ну пред­ста́­тель­ствуе­ши. Ра́дуй­ся, гра́­да тво­е­го́ крѣ́п­кое огра­жде́ніе; ра́дуй­ся, оби́­те­ли твоея́ не­зы́б­ле­мое утвер­жде́ніе. Ра́дуй­ся, о бла­го́мъ пре­спѣ́яніи и́но­че­ству­ю­щихъ те́­плѣ моля́щаяся; ра́дуй­ся, о утвер­жде́ніи до́­брѣ жи­ву́­щихъ въ мíрѣ Бо́га прося́щая. Ра́дуй­ся, чту́­щихъ па́мять твою́ предъ Бо́­гомъ по­ми­на́­ю­щая; ра́дуй­ся, о про­слав­ля́­ю­щихъ тя́ Бо́га моля́щая.

Ра́дуй­ся, пре­по­до́б­ная княги́не Ев­фро­си́ніе.

Кон­да́къ 13

О, пре­хва́ль­ная уго́д­ни­це Бо́жія, пре­по­до́б­ная княги́не Ев­фро­си́ніе! Пріи­ми́ сми­ре́н­ное сіе́ хва­ле́ніе на́ше и тво­и́мъ те́­плымъ пред­ста́­тель­ствомъ у Царя́ сла́­вы ис­про­си́ на́мъ въ не́­мо­щехъ исце­ле́ніе, въ до­бро­дѣ́­те­лехъ пре­спѣ́яніе, отъ вра­го́въ ви́­ди­мыхъ и не­ви́­ди­мыхъ из­ба­вле́ніе, отъ вѣ́ч­ныя му́ки сво­бо­жде́ніе и Ца́р­ства не­бе́с­на­го на­слѣ́діе, да съ то­бо́ю при́­сно по­е́мъ Бо́гу: Алли­лу́ія.

Се́й кон­да́къ гла­го́­лет­ся три́­жды. Та́же Икосъ 1-й и Кон­да́къ 1-й

Мо­ли́­тва

О, пре­по­до́б­ная княги́не Ев­фро­си́ніе, до́бляя въ же­на́хъ по­дви́ж­ни­це, пре­хва́ль­ная уго́д­ни­це Хри­сто́­ва! Пріи­ми́ мо­ле́ніе о на́съ, не­до­сто́й­ныхъ, съ вѣ́­рою и лю­бо́­вію къ ра́цѣ мо­ще́й тво­и́хъ при­па́­да­ю­щихъ, и те́­плымъ къ Бо́гу хо­да́­тай­ствомъ ис­про­си́ гра́ду тво­е­му́ и лю́­демъ отъ бѣ́дъ и на­па́­стей со­хра­не́ніе, [оби́­те­ли се́й, то­бо́ю со­зда́н­нѣй, утвер­жде́ніе и бла­го­спѣ́яніе, по­дви­за́­ю­щим­ся во оби́­те­ли тво­е́й ис­хо­да́­тай­ствуй у ве­ли­ко­да­ро­ви́­та­го Хри­ста́ Бо́га на́­ше­го, да вы́ну пре­бы­ва́­ютъ тща́ніемъ не лѣ­ни́­ви, ду́­хомъ горя́ще, Го́­спо­де­ви ра­бо́­та­ю­ще, въ мо­ли́­твахъ не­у­сы­па́­ю­ще; въ мíрѣ бла­го­че́ст­но жи­ву́­щимъ ис­про­си́ у Го́­спо­да] въ вѣ́рѣ тве́р­дость, во бла­го­че́­стіи постоя́н­ство, и всѣ́мъ, съ вѣ́­рою при­бѣ­га́­ю­щимъ къ тебѣ́ и твоея́ прося́щимъ по́­мо­щи и за­ступле́нія, по­да­ва́й при́­сно не­ду́­говъ ис­цѣ­ле́ніе, въ ско́р­бехъ утѣ­ше́ніе, во все́мъ жи­тіи́ бла­го­по­спѣ­ше́ніе; на­и­па́­че же умо­ли́ Го́­спо­да въ ми́рѣ и покая́ніи зем­но́е жи­тіе́ пре­и­ти́ на́мъ, мы­та́рствъ го́рь­кихъ и му́къ вѣ́ч­ныхъ из­ба́­ви­ти­ся и Ца́р­ство не­бе́с­ное тво­и́мъ хо­да́­тай­ствомъ полу­чи́­ти, идѣ́­же ты́ со всѣ́­ми святы́ми Го́­спо­ду пред­сто­и́­ши, да вы́ну сла́­вимъ Отца́ и Сы́на и Свята́го Ду́ха, ны́нѣ и въ без­ко­не́ч­ныя вѣ́ки вѣ­ко́въ. Ами́нь.

Тро­па́рь, гла́съ 8

По зем­нѣ́мъ вдовствѣ́ Не­бе́с­но­му Же­ни­ху́ себе́ уне­вѣ́­стив­ши и въ кня́­же­стѣмъ чер­то́­зѣ по­дви́ж­ни­че­ски по­жи́в­ши, по́­слѣ­жде и чер­то́гъ, и ча́дъ тво­и́хъ Бо́га ра́ди оста́­ви­ла еси́, пре­по­до́б­ная Ев­фро­си́ніе, и вше́д­ши во оби́­тель, то­бо́ю со­зда́н­ную, и во и́но­че­скомъ о́бра­зѣ мно́­ги по́­дви­ги по­ка­за́­ла еси́, и свято́е твое́ жи­тіе́ по бла­го­да́­ти Бо́жіей бла­же́н­ною кон­чи́­ною увѣн­ча́­ла еси́. И ны́нѣ пред­стоя́щи Хри­сту́ Бо́гу, моли́ спа­сти́­ся ду­ша́мъ на́­шимъ.

Кон­да́къ, гла́съ 2

Вся́ кра́с­ная мíра сего́, я́ко су́­ет­ная, пре­зрѣ́в­ши и тѣ́ло твое́ по­сто́мъ и бдѣ́ніемъ изнури́в­ши, не­пре­ста́н­ны­ми мо­ли́­тва­ми Бо́гу уго­ди́­ла еси́, пре­по­до́б­ная Ев­фро­си́ніе, и, да́ръ ис­цѣ­ле́ній отъ Него́ прія́ти спо­до́бль­ши­ся, слѣ­по́му про­зрѣ́­ніе и мно́­гимъ не­ду́ж­нымъ ис­цѣ­ле́ніе да­ро­ва́­ла еси́. Тѣ́м­же ра́­дост­но взы­ва́­емъ, гла­го́­лю­ще: сла́­ва Бо́гу, про­слав­ля́­ю­щему святы́я Своя́.

Ве­ли­ча́­ніе

Убла­жа́­емъ тя́, пре­по­до́б­ная ма́ти Ев­фро­си́ніе, и чте́мъ святу́ю па́мять твою́, ты́ бо мо́­ли­ши за на́съ Хри­ста́, Бо́га на́­ше­го.