Кон­да́къ 1

Воз­бра́н­ный чу­до­тво́р­че и ско́­рый въ ско́р­бехъ по­мо́щ­ни­че, святи́­те­лю о́тче Ин­но­ке́н­тіе, я́ко имѣ́я ве́ліе дер­зно­ве́ніе предъ Го́­спо­демъ, отъ вся́кихъ на́съ бѣ́дъ сво­бо­жда́й, да съ ра́­до­стію зо­ве́мъ ти́:

Ра́дуй­ся, Ин­но­ке́н­тіе, мо­ли́­твен­ни­че о ду­ша́хъ на́­шихъ.

Икосъ 1

Ангель­скому жи́­тель­ству на не­бе­сѣ́хъ по­ре­вно­ва́лъ еси́, о́тче: по и́ме­ни бо и жи­тіе́ твое́ не­по­ро́ч­но бы́сть на зе­мли́, сего́ ра́ди и воз­вы́­сил­ся еси́ до ли­це­зрѣ́­нія Твор­ца́ а́н­ге­ловъ. От­ню́ду­же при­зи­ра́я вы́ну на гра́дъ се́й и лю́ди, услы́­ши на́съ, по­хва́ль­ная во­с­пи­су́­ю­щихъ ти́ сія́:

Ра́дуй­ся, не­ви́н­но­стію Агнца Не­по­ро́ч­на­го по­дра­жа́­тель бы́­вый; ра́дуй­ся, воз­дер­жа́ніемъ тво­и́мъ а́н­гель­ское во пло́­ти жи­тіе́ яви́­вый. Ра́дуй­ся, я́ко а́н­гелъ, Си­би́р­скія Це́р­кве Бо́жія дѣла́ воз­вѣ­ща́яй; Ра́дуй­ся, я́ко ар­хи­стра­ти́гъ си́лы не­бе́с­ныя, всѣ́хъ при­бѣ­га́­ю­щихъ къ тебѣ́ отъ бѣ́дъ со­хра­ня́яй. Ра́дуй­ся, не­по­ро́ч­но­сти и не­ви́н­но­сти со­име́н­ный учи́­те­лю; ра́дуй­ся, незло́­бія и чи­сто­ты́ усе́рд­ный хра­ни́­те­лю. Ра́дуй­ся, убѣ­ле́н­ный не­ви́н­но­стію кри́­не ра́й­ска­го прозябе́нія; ра́дуй­ся, ума­ще́н­ная чи­сто­то́ю ма́­сли­на не­бе́с­на­го бла­го­сло­ве́нія. Ра́дуй­ся, у́ме не­бе́с­ныхъ не­и­з­рѣче́н­ныхъ бла́гъ на­сла­жда́яйся; ра́дуй­ся, па́­сты­рю, съ му́­дры­ми въ ра́­дость Па­сты­ре­на­ча́ль­ни­ка сво­е­го́ вше́­дый. Ра́дуй­ся, я́ко свѣ́тъ лица́ Бо́жія я́сно на не­бе­си́ смотря́еши; ра́дуй­ся, я́ко тѣ́мъ же свѣ́­томъ осія́нный, при­те­ка́­ю­щихъ къ тебѣ́ не­и­з­рѣче́н­но воз­ве­се­ля́еши.

Ра́дуй­ся, Ин­но­ке́н­тіе, мо­ли́­твен­ни­че о ду­ша́хъ на́­шихъ.

Кон­да́къ 2

Вѣ́дый Го­спо́дь ве­ли́­ка тя́ бы́ти свѣ­ти́ль­ни­ка во стра­нѣ́ язы́­ковъ, бла­го­во­ли́ со­кры́­ти ро́дъ и оте́­че­ство твое́, да яви́­ши­ся въ зе­мли́ Хи́н­стѣй, я́коже Мелхи­седе́къ въ Ха­на­а́н­стѣй, и увѣ́ри­ши, я́ко не отъ че­ло­вѣ́къ при­ше́лъ еси́ къ на́мъ, но отъ Бо́га, Ему́­же по­е́мъ: Алли­лу́ія.

Икосъ 2

Ра́зумъ про­свѣ­ще́н­ный хотя́ имѣ́­ти, бо­го­му́­дре о́тче, отъ ю́но­сти из­бра́лъ еси́ въ мѣ́­сто обра­зо­ва́нія сво­е­го́ ма́­терь гра­до́въ пра­во­сла́в­ныя вѣ́ры на́шея и по­дви́ж­ни­че­ства, да живя́ сре­ди́ зем­ны́хъ а́н­ге­ловъ и взи­ра́я на скон­ча́­ніе жи́­тель­ства и́хъ, по­дра­жа́­тель яви́­ши­ся вѣ́рѣ и́хъ; тѣ́м­же и са́мъ со­дѣ́­лал­ся еси́ не­бе́с­нымъ че­ло­вѣ́­комъ. Сего́ ра́ди слы́­ши­ши отъ на́съ сія́:

Ра́дуй­ся, ви­но­гра́­де мно­го­пло́д­ный, въ бла­го­рас­тво­ре́н­нѣмъ ю́зѣ воз­ра́с­шій; ра́дуй­ся, цвѣ́­те бла­го­во́н­ный, въ Ма́­лѣй Россíи про­цвѣ́т­шій. Ра́дуй­ся, сла́­во и удо­бре́ніе гра́­да Кíева; ра́дуй­ся, кра­со­то́ и утѣ­ше́ніе отце́въ Пе­че́р­скія ла́­вры. Ра́дуй­ся, я́ко из­мла́­да му́­дро­сти при­лѣ­жа́, Бо­же́­ствен­ное Пи­са́ніе я́снѣ из­вы́клъ еси́; ра́дуй­ся, я́ко от­ло­жи́въ вся́ мірскíя сла́­сти, Хри­сто́въ яре́мъ но­си́­ти из­во́­лилъ еси́. Ра́дуй­ся, въ ю́но­сти посвяти́­вый въ же́ртву прія́тну Го́­спо­ду себе́ са­ма­го́; ра́дуй­ся, со­хра­ни́­вый не­вре́д­но цѣ­ло­му́­дріе дѣ́в­ства дра­га́­го. Ра́дуй­ся, я́ко въ зем­нѣ́мъ учи́­ли­щи не­бе́с­ныя пре­му́­дро­сти учи́­вый; ра́дуй­ся, я́ко щи­то́мъ вѣ́ры вся́ раз­жже́н­ныя лу­ка́­ва­го стрѣ́­лы уга­си́­вый. Ра́дуй­ся, я́ко из­дѣ́т­ска Бо́га воз­лю­би́­вый; ра́дуй­ся, я́ко за́­по­вѣдій Его́ не­ло́ж­ный хра­ни́­тель бы́­вый.

Ра́дуй­ся, Ин­но­ке́н­тіе, мо­ли́­твен­ни­че о ду­ша́хъ на́­шихъ.

Кон­да́къ 3

Си́лою свы́­ше по­зна́ то­гда́ бла­го­вѣ́р­ный ца́рь не­по­ро́ч­ное и свято́е жи́­тель­ство твое́, свя́тче Бо́жій, и́же и из­бра́ тя́ во апо́­столь­ское служе́ніе и пред­по­сла́, я́ко пе́р­вен­ца ду­хо́в­на­го сы­но­по­ло­же́нія, на­са­жда́­ти святу́ю вѣ́ру въ зе­мли́ язы́­ковъ чу́­ждихъ, не­вѣ́ду­щихъ пѣ́ти Бо́гу: Алли­лу́ія.

Икосъ 3

Имѣ́­етъ тебе́, святи́­те­лю о́тче Ин­но­ке́н­тіе, вся́ стра­на́ Си­би́р­ская ве­ли́­ка учи́­теля и ди́в­на въ вѣ́рѣ на­ста́в­ни­ка. Сего́ ра́ди, я́ко до́бляго по­бо́р­ни­ка вѣ́р­нымъ и ско́­ра­го мо­ли́­твен­ни­ка тя́ чту́­ще, съ ве­се́ліемъ и ра́­до­стію да́ры тебѣ́ при­но́­симъ та­ко­вы́я:

Ра́дуй­ся, свяще́н­ная гла­во́, ра́зу­ма во­да́­ми напоя́ема; ра́дуй­ся, пло́дъ бла­гоу­ха́­ненъ жи­тіе́мъ тво­и́мъ отъ ю́но­сти явля́яй. Ра́дуй­ся, иско­ре­ни́­те­лю тер­но́в­на­го служе́нія и́доль­ска­го; ра́дуй­ся, на­са­ди́­те­лю лозы́ пра­во­сла́в­ныя вѣ́ры. Ра́дуй­ся, но́­вый апо́­сто­ле, обла­гоу­ха́­вый вѣ́­рою по­слѣ́д­нія кон­цы́ Россíи; ра́дуй­ся, до́­брый па́­сты­рю, утвер­ди́­вый кра́с­ныя но́ги своя́ на во­сто́­цѣ ца́р­ства Си­би́­ри. Ра́дуй­ся, мра́ч­ныя стра­ны́ про­свѣ­ти́­те­лю; ра́дуй­ся, ду­ше́в­ныя тем­но­ты́ оза­ри́­те­лю. Ра́дуй­ся, вра­го́въ вѣ́ры Хри­сто́­вы раз­ру­ши́­те­лю; ра́дуй­ся, пре­льсти́­те­лей ду́шъ хри­стіа́н­скихъ ра­зи́­те­лю. Ра́дуй­ся, идоло­слу­жи́­тель­ныхъ ста́­рецъ му́­дрость по­сра­ми́­вый; ра́дуй­ся, му́­дрыхъ вѣ́ка сего́ му­дрѣ́й­шій.

Ра́дуй­ся, Ин­но­ке́н­тіе, мо­ли́­твен­ни­че о ду­ша́хъ на́­шихъ.

Кон­да́къ 4

Бу́ря зло́­бы дре́в­ляго змíя обуя́ ца́р­ство Хи́­новъ, егда́ не мо­жа́ху отве́рзти уше­са́ ко гла­го́­ломъ Ца́рствія Хри­сто́­ва, то­бо́ю, но́­вый апо́­сто­ле, воз­вѣ­ща́­е­мымъ, и не хотя́ху прія́ти тя́, вто­ри́­цею на пре­дѣ́­лѣхъ и́хъ я́вль­ша­ся, да уму­дри́­ши я́ вос­пѣ­ва́­ти Еди́­ному Бо́гу: Алли­лу́ія.

Икосъ 4

Слы́­ша­ще и вѣ́ду­ще тя́ пре­му́­дра учи́­теля и и́стин­на­го ска­за́­теля та́­инъ Бо́жіихъ, при­хо­жда́­ху къ тебѣ́ не то́­чію ста́р­цы, но и ю́ніи, въ ни́х­же ра́зумъ на­пе­ча­тлѣ­ва́лъ еси́ дре́в­нія и́сти­ны Ева́н­гель­скія, сего́ ра́ди я́ко па́­стыря, про­свѣ­ти́­теля и отца́ на́­ше­го убла­жа́­ю­ще, зо­ве́мъ ти́:

Ра́дуй­ся, ра́бе благíй и дѣ́­ла­те­лю до́­брый; ра́дуй­ся, иско­ре­ни́­те­лю злы́хъ и про­го­ни́­те­лю не­че́­стія бо́­дрый. Ра́дуй­ся, я́ко сугу́бу мзду́ не­бе́с­ную сугу́­ба ра́ди пу­те­ше́­ствія къ Хи́­номъ прія́лъ еси́; ра́дуй­ся, я́ко спо­до́­бил­ся еси́ вос­прія́ти чу­де́съ да́ръ и сла́­вы вѣ­не́цъ пре­свѣ́­телъ. Ра́дуй­ся, апо́­столу Па́влу въ по́­дви­зѣхъ служе́нія сво­е­го́ по­дра­жа́­вый; ра́дуй­ся, тер­пѣ́нію его́ въ нау­че́ніи без­кни́ж­ныхъ ю́но­шей по­слѣ́­до­ва­вый. Ра́дуй­ся, я́ко на па́­жи­ти вѣ́ры пра́­выя и при исто́ч­ни­цѣ воды́ живы́я лю́ди твоя́ па́­ствилъ еси́; ра́дуй­ся, я́ко на зла́­цѣ кра́с­нѣ пре­бы́­ти тво­е­му́ ста́­ду му́­дрѣ на­ста́­вилъ еси́. Ра́дуй­ся, свѣ­ти́ль­ни­че все­свѣ́т­лый и все­лю­би́­мый; ра́дуй­ся, па́че звѣ́здъ яснѣ́й­шій и во­жде­лѣ́н­нѣй­шій. Ра́дуй­ся, ви­но­гра́­да жи­во́т­на­го свято­про­зя́бшій гро́здъ, вино́ иска́­па­ю­щій; ра́дуй­ся, свято­по­ма́­зан­ная гла­во́, чест­ны́й на́шъ учи́­те­лю.

Ра́дуй­ся, Ин­но­ке́н­тіе, мо­ли́­твен­ни­че о ду­ша́хъ на́­шихъ.

Кон­да́къ 5

Бого­то́ч­ный исто́ч­никъ пре­ве­ли́­кихъ чу­де́съ яви́лся еси́ въ зе­мли́ на́­шей, до­сто­сла́в­не о́тче: прія́лъ бо еси́, еще́ на зе­мли́ ти́ жи́в­шу, вла́сть не­ду́­ги изцѣля́ти, по сме́р­ти же на­и­па́­че про­сла́­ви тя́ Бо́гъ мно́­ги­ми чу­до­тво­ре́нь­ми, да вси́ чу­до­дѣ́й­ству­ю­щему то­бо́ю Бо́гу во­піе́мъ: Алли­лу́ія.

Икосъ 5

Ви́дѣв­ше жи́­теліе Ирку́т­стіи святу́ю це́р­ковь, въ не́й­же по­чи­ва́­ше не­тлѣ́н­ное и цѣль­бо­но́с­ное тѣ́ло твое́, уго́д­ни­че Бо́жій, я́ко вто­ру́ю купи­ну́ въ пла́­ме­ни су́щу, си́­лою же тво­и́хъ мо­ли́твъ не­вре́д­но со­хра­не́н­ную, про­сла́­ви­ша Бо́га. Тѣ́м­же и мы́, ви́дяще о́ную до­ны́­нѣ цѣ́лу, бла­го­лѣ́п­ну и я́вѣ по­вѣ­да́­ю­щую зна́­ме­нія и чу­де­са́ твоя́, вос­пѣ­ва́­емъ тебѣ́ си́це:

Ра́дуй­ся, всю́ страну́ Си­би́рскую уди­ви́­вый чу­де­сы́, и́ми­же оби́­тель твоя́ освяти́ся; ра́дуй­ся, ору­же­но́­сецъ ду­хо́в­ный, и́мже вся́ка зла́я стра́сть и бо­лѣ́знь отъ вѣ́р­ныхъ про­го́­нит­ся. Ра́дуй­ся, я́ко излія́ніемъ чу­де́съ отъ Бо́га обо­га­ти́л­ся еси́; ра́дуй­ся, я́ко не­о­ску́д­ный исто́ч­никъ из­цѣ­ле́ній яви́лся еси́. Ра́дуй­ся, я́ко ста́­ду тво­е­му́ по́­мощь и за­ступле́ніе да­ва́­е­ши; ра́дуй­ся, я́ко чу­де́съ сія́ніи па́­ству твою́ про­свѣ­ща́­е­ши. Ра́дуй­ся, не­вре­ди́­мо отъ огня́ со­хра­ни́­вый це́р­ковь, въ не́й­же, жи́въ сы́й, воз­дѣ­ва́лъ еси́ о спа­се́ніи людíй пре­по­до́б­ныя ру́цѣ свои́; ра́дуй­ся, я́в­ствен­но тѣ́мъ сви­дѣ́­тель­ство­ва­вый, я́ко свя́то бы́сть по­чи­ва́в­шее въ не́й не­тлѣ́н­ное тѣ́ло твое́. Ра́дуй­ся, всѣ́мъ без­по­мо́щ­нымъ прія́тное по­пе­че́ніе; ра́дуй­ся, коея́ждо не́­мо­щи ско́­рый и без­ме́з­дный вра­чу́. Ра́дуй­ся, я́ко и вся́къ бла­го­по­тре́­бенъ да́ръ отъ Го́­спо­да прося́щимъ по­да­ва́­е­ши; ра́дуй­ся, я́ко про­слав­ля́яй тя́ чу­де­сы́ Бо́гъ, то­бо́ю всѣ́хъ къ Себѣ́ при­зы­ва́­етъ.

Ра́дуй­ся, Ин­но­ке́н­тіе, мо­ли́­твен­ни­че о ду­ша́хъ на́­шихъ.

Кон­да́къ 6

Сло­ве­са́ апо́­столь­ская, е́же мо­ли́­ти­ся о спа­се́ніи па́­ствы твоея́, я́ко іе­ра́рхъ во у́шію сво­е́ю пріе́мъ, не то́­чію въ жи́­зни, но и по пре­став­ле́ніи явля́ешися священ­но­дѣ́й­стви­тель Бо­же́­ствен­ныхъ та́­инъ, увѣря́я вѣ́ру­ю­щихъ въ не­пре­ста́н­нѣмъ хо­да́­тай­ствѣ о тре́бу­ю­щихъ твоея́ по́­мо­щи и вос­пѣ­ва́­ю­щихъ Бо́гу: Алли­лу́ія.

Икосъ 6

Возсія́лъ еси́ пре­чу́д­но, ар­хіе­ре́ю Бо́жій, егда́ вто­ри́­цею яви́­вый­ся зѣ́ль­нѣ стра́жду­щему, уда́­ривъ въ по́лъ жез­ло́мъ, я́звою на дре́­вѣ того́ мѣ́­ста увра­че­ва́лъ еси́ ду­ше́в­ную я́зву омра­че́н­на­го не­вѣ́ріемъ. Абіе бо по­зна́ тя́ бы́ти бла­го­да́т­на­го вра­ча́ и сла́вя тя́, вопія́ше:

Ра́дуй­ся, іе­ра́р­ше благíй и вѣ́р­ный; ра́дуй­ся, дѣ́­ла­те­лю не­уто­ми́­мый ви­но­гра́­да Хри­сто́­ва. Ра́дуй­ся, слу­жи́­те­лю Го­спо́­день, о вѣ́р­ныхъ умоля́яй; ра́дуй­ся, на­ста́в­ни­че, грѣ́ш­ныхъ къ не­бе­си́ на­прав­ля́яй. Ра́дуй­ся, та́­инъ Бо́жіихъ и́стин­ный стро­и́­те­лю; ра́дуй­ся, мо­ли́­твен­ныхъ ру́къ не­пре­ста́н­ный воз­дѣ­ва́­те­лю. Ра́дуй­ся, я́ко из­ба­вля́еши отъ не­вѣ́рія; ра́дуй­ся, я́ко изцѣля́еши отъ ма­ло­ду́шія. Ра́дуй­ся, укрѣп­ле́ніе му́­дро­стію бла­го­ду́шія; ра́дуй­ся, про­свѣ­ще́ніе свѣ́т­ло­стію бла­го­че́­стія. Ра́дуй­ся, пре­му́­дрый про­по­вѣ́­да­те­лю; ра́дуй­ся, пре­сла́д­кій об­ли­чи́­те­лю.

Ра́дуй­ся, Ин­но­ке́н­тіе, мо­ли́­твен­ни­че о ду­ша́хъ на́­шихъ.

Кон­да́къ 7

Хотя́ще нѣ́­ко­гда са­но­ви́тіи гра́­да сего́ въ не­по­до́б­ное вре́мя ви́­дѣ­ти и лю­бо­пы́т­ною де­сни́­цею осяза́ти не­тлѣ́ніемъ уже́ про­цвѣ­та́в­шія святы́я мо́щи твоя́, святи́­те­лю Хри­сто́въ, по­тща́­ша­ся при­кры́­ти дер­зно­ве́ніе свое́ бла­го­сло­ве́ніемъ ар­хи­па́­стыря, но ты́, чи­сто­ты́ лю­би́­те­лю и вѣ́ры ра­чи́­те­лю, не вос­хо­тѣ́лъ еси́ яви́ти себе́ и́мъ, нау­ча́я тѣ́мъ не вы­со­кому́др­ство­ва­ти, но въ сми­рен­но­му́­дріи пѣ́ти Бо́гу: Алли­лу́ія.

Икосъ 7

Но́вое и пре­сла́в­ное чу́до по­ка­за́ на́мъ то­бо́ю на зе­мли́ всѣ́хъ чу­де́съ Тво­ре́цъ и Вла­ды́­ка, егда́ тебе́ ра́ди пре­мѣ­ни́­ша­ся есте­ства́ уста́­вы: сре­ди́ бо лѣ́та и зно́я мра́зъ и и́ней яви́­ста­ся при цѣль­бо­но́с­нѣмъ гро́­бѣ тво­е́мъ, е́же зна́­ме­ніемъ бы́сть, я́ко а́ще и у́мерлъ еси́ на зе­мли́ пло́тію, но ду­ше́ю въ вы́ш­немъ се­ле́ніи все­гда́ жи́въ сы́й, те́­плымъ сво­и́мъ хо­да́­тай­ствомъ по­со́б­ствуе­ши во­пі­ю́­щимъ тебѣ́:

Ра́дуй­ся, сми­рен­но­му́­дрія сто́л­пе не­о­бо­ри́­мый; ра́дуй­ся, пре­зре́н­ную го́р­дость низ­ла­га́яй. Ра́дуй­ся, лю́бящія чи­сто­ту́ ду́шъ со­блю­да́яй; ра́дуй­ся, грѣ́ш­ныхъ къ покая́нію воз­зы­ва́яй. Ра́дуй­ся, дѣ́­ла­те­лю чу­де́съ мно­го­сла́в­ныхъ; ра́дуй­ся, хо­да́­таю и по­да́­те­лю да­ро­ва́ній мно­го­раз­ли́ч­ныхъ. Ра́дуй­ся, за­блу́жд­шихъ и ослѣп­ле́н­ныхъ на­ста́в­ни­че; ра́дуй­ся, лю­бо­пы́т­ныхъ и ма­ло­вѣ́р­ныхъ об­ли­чи́­те­лю. Ра́дуй­ся, я́ко сла́ву зем­ну́ю въ уме́­ты вмѣ­ни́лъ еси́; ра́дуй­ся, я́ко че́сть Бо́га Вы́шняго всѣ́мъ се́рд­цемъ взы­ска́лъ еси́. Ра́дуй­ся, и́мже о си́лѣ Бо́жіей есте­ства́ уста́­вы пре­мѣ­ня́ются; ра́дуй­ся, и́мже по́­мы­слы зло́б­ніи про­го­ня́ются.

Ра́дуй­ся, Ин­но­ке́н­тіе, мо­ли́­твен­ни­че о ду­ша́хъ на́­шихъ.

Кон­да́къ 8

Стра́н­но бѣ́ ви́­дѣ­ти, ка́ко три́ по есте­ству́ мо́щ­ная жи­во́т­ная, си́­лою, да́н­ною ти́ свы́­ше, обез­си́­лѣ­ша, я́ко не мо­жа́ху до­вле­щи́ до оби́­те­ли твоея́ еди́­на­го пу́т­ни­ка изъ жи́­те­лей гра́­да сего́, вра­зумля́юща тѣ́мъ, я́коже дре́в­ле осля́ Ва­ла­а́­ма, да не и́детъ въ да́ль­нюю страну́, не прія́въ отъ тебе́ путе­ва́­го на­пу́т­ствія, а́біе же, вос­по­мяну́въ от­ло­же́н­ный обѣ́тъ сво́й, по­зна́ тя́ ско́­ро­го по­мо́щ­ни­ка и во­зо­пи́: Алли­лу́ія.

Икосъ 8

Ве́сь все­го́ себе́ ис­по́л­нивъ люб­ве́ не­ли­це­мѣ́р­ныя къ па́­ствѣ сво­е́й, бы́лъ еси́ ско́­рый по­мо́щ­никъ при­зы­ва́­ю­щимъ тя́ въ по́­мощь, святи́­те­лю о́тче Ин­но­ке́н­тіе: не то́­чію бо бли́зъ при­те­ка́­ю­щихъ къ ра́цѣ мо­ще́й тво­и́хъ, но и да­ле́­че отстоя́щихъ и при­зы­ва́­ю­щихъ и́мя твое́ изцѣля́еши отъ вся́кія бо­лѣ́­зни. За та­ко­во́е у́бо вра­че­ва́­ніе пріи­ми́ отъ на́съ по­хва­лы́ сія́:

Ра́дуй­ся, цѣль­бы́ ис­по́лнь яви́­вый­ся ала­ва́стре, я́ко лю́ди Хри­сто́­вы аро­ма́т­ствуе­ши тво­и́­ми из­цѣ­ле́ніи; ра́дуй­ся, аро­ма́т­ный фіа́­ле, чу­де­сы́ удивля́я, на́р­да пи­сти́­ка мно­го­цѣ́н­ный. Ра́дуй­ся, исто́ч­ни­че, бла­го­да́ть из­цѣ­ле́ній из­ли­ва́­ю­щій на́мъ отъ все­чест­ны́я ра́ки твоея́ не­за­ви́ст­но; ра́дуй­ся, я́ко тѣ́ло твое́ тру­до­лю́б­ное вмѣ́­сто ма́­стей на́мъ во гро́­бѣ оста́­вилъ еси́ исто­ща́­ти из­цѣ­ле́нія. Ра́дуй­ся, я́ко тво­и́­ми мо­ли́­тва­ми слѣпíи про­зрѣ́­ша; ра́дуй­ся, я́ко тво­и́мъ хо­да́­тай­ствомъ хро́­міи и без­но́гіи хо­ди́­ти на­ча́­ша. Ра́дуй­ся, я́ко тво­и́мъ за­ступле́ніемъ раз­сла́б­лен­ніи из­цѣ­лѣ́­ша; ра́дуй­ся, я́ко тво­и́мъ пред­ста́­тель­ствомъ отъ не­из­цѣ́ль­ныя огне­ви́ч­ныя бо­лѣ́­зни здра́­ви бы́ша. Ра́дуй­ся, по­кры́­тыхъ стру́­пами, я́ко про­ка­же́н­ныхъ, увра­че­ва́­вый; ра́дуй­ся, впа́д­шихъ въ лихора́­доч­ныя и тряса­ви́ч­ныя я́зи воз­ста́­ви­вый. Ра́дуй­ся, я́ко ли­ше́н­ныхъ смы́­сла здра́­вымъ умо́мъ сна­бдѣ­ва́­е­ши; ра́дуй­ся, я́ко отъ стра́­ха и меч­та́ній то­ми́­мыхъ сво­бо­жда́­е­ши.

Ра́дуй­ся, Ин­но­ке́н­тіе, мо­ли́­твен­ни­че о ду­ша́хъ на́­шихъ.

Кон­да́къ 9

Вся́кія ско́р­би и го́рь­кая ис­пы­та́нія тер­пѣ­ли́в­но подъя́лъ еси́, о́тче, я́ко до́бръ во́­инъ Хри­сто́въ: о́во терпя́ на­вѣ́­ты отъ кле­вет­ни­ко́въ злы́хъ, о́во же пре­пи­ра́яся съ по́л­чи­щемъ не­вѣ́р­ныхъ и суе­вѣ́р­ныхъ и о́во иску­ша́­емь отъ дре́в­ляго змíя, уязвля́в­ша­го тя́ за же́р­твы своя́, изъ че́­лю­стей его́ то­бо́ю ис­хи­ща́­е­мыя. Но вся́ сія́ по­бѣ­жда́я за воз­лю­би́в­ша­го тя́ Хри­ста́, не­мо́лч­но вос­пѣ­ва́лъ еси́ Ему́: Алли­лу́ія.

Икосъ 9

Витíйство че­ло­вѣ́­че­ское из­не­мо­га́­етъ из­ре­щи́ вся́ ско́р­би, ли­ше́нія, уни­чи­же́нія, бо­лѣ́­зни и стра­да́нія, я́же ра́ди спа­се́нія па́­ствы твоея́, свя́те Ин­но­ке́н­тіе, подъя́лъ еси́. Тѣ́м­же тер­пѣ́нію тво­е­му́ то́­чію дивя́щеся и лю­бо́­вію по­бѣ­жда́­е­ми, съ бла­го­да́р­нымъ чу́в­ствіемъ во­піе́мъ:

Ра́дуй­ся, во́­и­не Хри­сто́въ не­по­бѣ­ди́­мый; ра́дуй­ся, твер­дѣ́й­шій ада­ма́н­те, въ тер­пѣ́ніи не­вре­ди́­мый. Ра́дуй­ся, я́ко я́­рость не­бла­го­мы́­слящихъ, гнѣ́­ва­ю­щих­ся не­пра́­вед­нѣ, пре­тер­пѣ́лъ еси́; ра́дуй­ся, я́ко пре­воз­но­ся́щіяся зло­че­сти́­вымъ ша­та́­ніемъ па́ки лю́тѣ со­кру­ша́­е­мы ви́­дѣлъ еси́. Ра́дуй­ся, же­сто́­кихъ и зло­ко́з­нен­ныхъ вла­ды́къ укро­ще́ніе; ра́дуй­ся, уг­не­те́н­ныхъ и стра́жду­щихъ ра­бо́въ ско́­рое за­ступле́ніе. Ра́дуй­ся, я́ко ко­ре́нія за­блу­жде́ній и те́р­ніе не­вѣ́рія тру­до­лю́б­нѣ истор­га́лъ еси́; ра́дуй­ся, я́ко Бо­же́­ствен­ныхъ по­ве­лѣ́ній на­са­жде́нія въ серд­ца́хъ вѣ́р­ныхъ мно́­ги­ми тру­ды́ воз­дѣ́­ло­валъ еси́. Ра́дуй­ся, сми­ре́ніемъ сво­и́мъ діа́­во­ла по­бѣ­ди́­вый; ра́дуй­ся, мо­ли́­твою и бдѣ́н­нымъ стоя́ніемъ пло́ть свою́ умер­тви́­вый. Ра́дуй­ся, я́ко кра́с­ныя твои́ но́зѣ до́бль­ствен­нѣ къ бо­ре́нію со вра­га́­ми про­сте́рлъ еси́; ра́дуй­ся, я́ко до́­брѣ те­че́ніе со­вер­ши́въ, ко Хри­сту́ вос­хо­жде́ніе обрѣ́лъ еси́.

Ра́дуй­ся, Ин­но­ке́н­тіе, мо­ли́­твен­ни­че о ду­ша́хъ на́­шихъ.

Кон­да́къ 10

Спа­се́нія ра́ди отъ ослѣп­ле́нія ста́р­цу, очи́­ма тя́жко ви́дящу, полу­чи́­ти же зрѣ́­ніе хотя́щу и съ вѣ́­рою о се́мъ у тебе́ по́­мо­щи прося́щу, ско́­ро при­те́клъ еси́, свя́тче, въ хра́­ми­ну того́, идѣ́­же егда́ при­кос­ну́л­ся еси́ бо­лѣ́­знен­нѣй гла­вѣ́ его́, а́біе ощути́ о́нъ свѣ́тъ во о́чію сво­е́ю, и про­з­рѣ́, хваля́ тя́ и вопія́ Бо́гу: Алли­лу́ія.

Икосъ 10

Стѣ́ну крѣ́п­кую и огра­жде́ніе не­о­бо­ри́­мое отъ всѣ́хъ скор­бе́й и зо́лъ имѣ́­етъ тя́, па́­сты­рю благíй, стра­на́ сія́: тво­и́мъ бо си́ль­нымъ за­ступле́ніемъ и пред­ста́­тель­ствомъ до­ны́­нѣ гра́дъ се́й и оби́­тель твоя́ со­хра­ня́ются въ ми́рѣ и бла­го­де́н­ствіи. И мы́ у́бо, спа­са́­еміи то­бо́ю, бла­го­да́р­ствен­но во­піе́мъ ти́:

Ра́дуй­ся, ча́ша, еле́й ми́­ло­сти къ на́мъ Бо́жія со­дер­жа́­щая; ра́дуй­ся, горо́, Бо­же́­ствен­на­го на на́съ гнѣ́­ва ту́чи отводя́щая. Ра́дуй­ся, я́ко по­то́­ки ми́ра къ на́мъ при­во́­ди­ши; ра́дуй­ся, я́ко оби́ліе бла́гъ хо­да́­тай­ствуе­ши. Ра́дуй­ся, ми́­ло­сти пре­ве­ли́кія и ско́рб­нымъ со­стра­да́нія со­кро́­ви­ще; ра́дуй­ся, про­стра́н­ное Бо́жіяго о па́­ствѣ тво­е́й про­мыш­ле́нія прія́­те­ли­ще. Ра́дуй­ся, въ пе­ча́­лехъ су́­щимъ уве­се­ле́ніе; ра́дуй­ся, удру­че́н­ныхъ по­пе­че́ніи жи­те́й­ски­ми утѣ­ше́ніе. Ра́дуй­ся, въ дѣ­то­ро­жде́ніи ма́­те­ремъ ско́­рый по­мо́щ­ни­че; ра́дуй­ся, въ ча́съ кон­чи́­ны мо­ли́­твен­ный на́шъ пред­ста́­те­лю. Ра́дуй­ся, о ми́­ло­сти и ми́рѣ па́­ствы твоея́ извѣ́ст­ный ра­чи́­те­лю; ра́дуй­ся, о́тче чест­ны́й, отъ вся́каго зла́ и бѣ́д­ствія усе́рд­ный на́шъ хра­ни́­те­лю.

Ра́дуй­ся, Ин­но­ке́н­тіе, мо­ли́­твен­ни­че о ду­ша́хъ на́­шихъ.

Кон­да́къ 11

Пѣ́ніе всеу­ми­ле́н­ное и мо­ле́ніе те́­плое предъ не­тлѣ́н­ны­ми мо­ща́­ми тво­и́­ми, еди́­нымъ отъ боля́ръ при­но­си́­мое тебѣ́, не пре­зрѣ́лъ еси́, о́тче, но ско́­ро услы́­шавъ и во снѣ́ я́влься, облег­чи́лъ еси́ бо­лѣ́­зни и стра­да́нія его́. Си́це и на́­шихъ мо­ле́ній и пѣ́ній гла́­сы услы́­ши, іе­ра́р­ше Хри­сто́въ, вѣ́рѣ же и люб­ви́ людíй тво­и́хъ вон­ми́ и свы́­ше по­кро́въ тво́й да́руй хва́лящимъ тя́ и по­ю́­щимъ Бо́гу: Алли­лу́ія.

Икосъ 11

Свѣ­то­сія́­тель­на тя́ свѣ­ти́ль­ни­ка, чрезъ се́дмь­де­сятъ и три́ лѣ́та со­кры­ва́­е­ма въ зе­мли́ не вос­хо­тѣ́ Го­спо́дь оста́­ви­ти подъ спу́­домъ, е́же ис­по́л­ни­ти­ся ре­че́нію Его́, а́ки свѣ­ти́ль­никъ на свѣ́щ­никъ по­став­ля́ютъ, да входя́щіи ви́дятъ свѣ́тъ. Тѣ́м­же и мы́ во хра́­мѣ се́мъ и всю́­ду, я́ко тя́ зря́ще и то­бо́ю про­свѣ­ща́­е­ми, дер­за́­емъ гла­го́­ла­ти сія́:

Ра́дуй­ся, свѣ́т­лое на тве́р­ди цер­ко́в­нѣй свѣ­ти́­ло и Си­би́р­скія стра­ны́ сла́­во; ра́дуй­ся, цер­кве́й стро­и́­те­лю и обо­га­ти́­те­лю чу­де­сы́ тѣ́хъ не­ску́д­ный. Ра́дуй­ся, пре­свѣ́т­лая кра­со­то́ святы́я оби́­те­ли сея́; ра́дуй­ся, блестя́щая заре́ из­бра́н­на­го то­бо́ю гра́­да сего́. Ра́дуй­ся, свѣ́щ­ни­че все­зла­ты́й и мно­го­цѣ́н­ный; ра́дуй­ся, би́­се­ре пре­д­ра­гíй не­бе́с­ный. Ра́дуй­ся, обла­ко­о­бра́з­ный по­кро́­ве, на тѣ́­снѣмъ пути́ спа­се́нія на́съ осѣня́ющій; ра́дуй­ся, огне­ви́д­ный сто́л­пе, въ нощи́ не­вѣ́­дѣнія и за­блу­жде́ній на́съ про­свѣ­ща́­ю­щій. Ра́дуй­ся, я́ко святы́­нею тво­е́ю всѣ́хъ тре́бу­ю­щихъ по́­мо­щи твоея́ освяща́­е­ши; ра́дуй­ся, я́ко бли­ста́ніемъ чу­де́съ тво­и́хъ во вся́ кон­цы́ стра­ны́ сея́ сія́еши. Ра́дуй­ся, я́ко и по пре­став­ле́ніи тво­е́мъ съ на́ми пре­бы­ва́­е­ши; ра́дуй­ся, я́ко, и живя́ въ се­ле́ніихъ ра́й­скихъ, на́съ не остав­ля́еши.

Ра́дуй­ся, Ин­но­ке́н­тіе, мо­ли́­твен­ни­че о ду­ша́хъ на́­шихъ.

Кон­да́къ 12

Бла­го­да́ть свы́­ше съ не­бе­се́ по­да́ждь, пре­бла­же́н­не о́тче, съ вѣ́­рою и бла­го­го­вѣ́ніемъ вос­по­ми­на́­ю­щимъ чест­но́е твое́ успе́ніе и пре­свѣ́т­лое пре­не­се́ніе святы́хъ мо­ще́й тво­и́хъ пра́здную­щимъ: и́ма­ши бо да­ро­ва́н­ную ти́ отъ Бо́га си́лу и вла́сть по­да­ва́­ти тре́бую­щимъ вся́, я́же ко спа­се́нію про­ше́нія. И ны́нѣ, пред­стоя́ пре­сто́лу Бо­же́­ствен­но­му, моли́ о тебѣ́ вос­пѣ­ва́­ю­щихъ: Алли­лу́ія.

Икосъ 12

Пою́ще твое́ хо­да́­тай­ство и си́ль­ное за­ступле́ніе прося́щимъ твоея́ ско­ры́я по́­мо­щи, вос­хва­ля́емъ по­да́­теля всѣ́хъ бла­ги́хъ Бо́га, да­ро­ва́в­ша­го въ по­слѣ́д­няя вре­ме­на́ стра­нѣ́ се́й тебе́, отца́ на́­ше­го чу­до­тво́р­ца, мо­ли́­твен­ни­ка и за­сту́п­ни­ка. Ты́ же не воз­гну­ша́й­ся на́съ, грѣ́ш­ныхъ и не­до­сто́й­ныхъ ра­бо́въ Его́, но услы́­ши хва­ле́б­ны­ми гла́­сы во­пі­ю́­щихъ тебѣ́:

Ра́дуй­ся, су́­ет­ства при­вре́­мен­на­го и бу́іяго во­и́­стин­ну об­ли­чи́­те­лю; ра́дуй­ся, апо́­сто­ломъ рав­но­ре́­вност­ный Ева́н­гель­скимъ нау­че́ніемъ. Ра́дуй­ся, му́­че­ни­ковъ со­стра­да́ль­че и кра­со­то́; ра́дуй­ся, пер­во­па́­сты­рю и учи́­те­лю хри­сто­и­ме­ни́­тыхъ людíй зе­мли́ сея́. Ра́дуй­ся, цер­ко́в­ное укра­ше́ніе; ра́дуй­ся, ар­хіе­ре́­евъ до­бро́­то, свяще́н­ни­ковъ и и́но­ковъ по­хва­ло́. Ра́дуй­ся, я́ко прія́лъ еси́ тру­до́въ тво­и́хъ воздая́ніе; ра́дуй­ся, Кре­сто­но́с­но­му Импе­ра́­то­ру на́­шему по­хва­ло́ и утвер­жде́ніе. Ра́дуй­ся, тѣ­ле́съ на́­шихъ не­у­сы́п­ное хра­не́ніе; ра́дуй­ся, и ду́шъ на́­шихъ къ Ца́рствію не­бе́с­но­му воз­ве­де́ніе. Ра́дуй­ся, Бо́гу со­вер­ше́н­нѣ и все­цѣ́­лѣ уго­ди́­вый; ра́дуй­ся, вѣ­не́цъ без­сме́р­тія на вѣ́ки полу­чи́­вый.

Ра́дуй­ся, Ин­но­ке́н­тіе, мо­ли́­твен­ни­че о ду­ша́хъ на́­шихъ.

Кон­да́къ 13

О, пре­ди́в­ный чу­до­тво́р­че и пре­сла́в­ный уго́д­ни­че Хри­сто́въ Ин­но­ке́н­тіе! Вон­ми́ гла́су мо­ле́ній на́­шихъ, отъ со­кру­ше́н­на­го се́рд­ца къ тебѣ́ воз­но­си́­мому, и бо­го­прія́т­нымъ тво­и́мъ хо­да́­тай­ствомъ ис­про­си́ на́мъ отъ Хри­ста́ Бо́га на́­ше­го про­ще́ніе пре­грѣ­ше́ній на́­шихъ, осла́бу и из­ба­вле́ніе отъ вра­го́въ ви́­ди­мыхъ и не­ви́­ди­мыхъ, и отъ вся́кія ско́р­би, бѣды́ и на­па́­стей, да съ то­бо́ю и со всѣ́­ми святы́ми въ се­ле́ніи пра́­вед­ныхъ спо­до́­бим­ся пѣ́ти Ему́: Алли­лу́ія.

Се́й кон­да́къ гла­го́­лет­ся три́­жды. Та́же Икосъ 1-й и Кон­да́къ 1-й

Мо­ли́­тва ко святи́­те­лю Ин­но­ке́н­тію, ско́рб­на­го и со­кру­ше́н­на­го се́рд­ца

Къ тебѣ́, свя́тче Бо́жій, я́ко къ ско́­рому по­мо́щ­нику и мо­ли́­твен­нику о спа­се́ніи мо­е́мъ, а́зъ не­до­сто́й­ный и грѣ́ш­ный при­па́­дая мо­лю́­ся: не пре́­зри мене́ уны́­ла­го, не­мощ­на́­го, во мно́­гая без­за­ко́нія впа́д­ша­го, и по вся́ дни́ и часы́ со­грѣ­ша́­ю­ща­го, но вон­ми́ души́ мое́й, я́ко скорб­лю́, и умо­ли́ Го́­спо­да Бо́га, всея́ тва́­ри Со­дѣ́­теля, Ему́­же ны́нѣ пред­сто­и́­ши въ ра́­до­сти святы́хъ и съ ли́ки а́н­ге­ловъ, по­ми́­ло­ва­ти мя́ и из­ве­сти́ изъ тем­ни́­цы грѣ­хо́в­ныя ду́шу мою́, пре́­жде да́же не отъи́ду от­сю́­ду и кто­му́ не у́ го­то́въ явлю́ся на су́дъ Его́. Ей, о́тче! не по­сра­ми́ мене́, къ тебѣ́ съ вѣ́­рою при­те­ка́­ю­ща­го, а́ще бо и не­до­сто́­инъ е́смь тво­е­го́ хо­да́­тай­ства и за­ступле́нія, но ты́, бы́въ по­дра­жа́­тель че­ло­вѣ­ко­лю́­бія Бо́жія, со­тво­ри́ мя́ до­сто́й­на чрезъ обра­ще́ніе отъ злы́хъ дѣ́лъ къ бла­го́­му жи­тію́, да та́ко ду­ше́ю и тѣ́­ломъ здра́въ бы́въ, сла́в­лю и пою́ ди́в­на­го во святы́хъ Сво­и́хъ Бо́га на́­ше­го, и твое́ те́­плое за­ступле́ніе, все­гда́, ны́нѣ и при́­сно, и во вѣ́ки вѣ­ко́въ. Ами́нь.

Тро­па́рь, гла́съ 3

Свѣ­ти́ль­ни­че Це́р­кве пре­свѣ́т­лый, оза­ри́­вый лу­ча́­ми до­бро́тъ тво­и́хъ страну́ сію́, и ис­цѣ­ле́нь­ми мно́­ги­ми при­те­ка́­ю­щихъ къ ра́цѣ тво­е́й съ вѣ́­рою Бо́га про­сла́­ви­вый, мо́­лимъ тя́, святи́­те­лю о́тче Ин­но­ке́н­тіе, огра­жда́й мо­ли́­тва­ми тво­и́­ми гра́дъ се́й отъ всѣ́хъ бѣ́дъ и пе­ча́­ли.

Кон­да́къ, гла́съ 4

Непо­ро́ч­но­сти со­име́н­на­го па́­стыря, про­по­вѣ́д­ни­ка вѣ́ры въ язы́­цѣхъ мон­го́ль­скихъ, сла́ву и укра­ше́ніе Ирку́т­скія па́­ствы, лю­бо́­вію вос­хва́­лимъ вси́ вѣ́р­ніи: то́й бо е́сть хра­ни́­тель стра­ны́ сея́, и мо­ли́­твен­никъ о ду­ша́хъ на́­шихъ.

Ве­ли­ча́­ніе

Вели­ча́­емъ тя́, святи́­те­лю о́тче Ин­но­ке́н­тіе, и чте́мъ святу́ю па́мять твою́, ты́ бо мо́­ли­ши за на́съ Хри­ста́ Бо́га на́­ше­го.