Все тексты на сегодня представлены в соответствии с указаниями Типикона. Специальные чтения обозначены только для Великих и бденных праздников.
Порядок чтений: Среда, 9 апреля 2025 г. (27 марта ст.ст.)
Седмица 6-я Великого поста (седмица ваий)
Мц. Матроны Солунской (III-IV)
Богослужебные указания для священно- и церковнослужителей
Евангельские и Апостольские чтения
На вечерне
Быт.43:26 Прииде же Иосиф в дом: и принесоша ему дары, яже имяху в руках своих, в дом: и поклонишася ему лицем до земли.Быт.43:27 И вопроси их: здрави ли есте? И рече им: здрав ли есть отец ваш, старец, егоже рекосте, еще ли жив есть?
Быт.43:28 Они же рекоша: здрав есть раб твой, отец наш, еще жив есть. И рече: благословен человек оный Богу. И приникше поклонишася ему.
Быт.43:29 Воззрев же очима своима Иосиф, виде Вениамина брата своего единоматерня и рече: сей ли есть брат ваш юнейший, егоже рекосте ко мне привести? И рече: Бог да помилует тя, чадо.
Быт.43:30 Возмутися же Иосиф: подвижеся бо утроба его о брате своем, и искаше плакати: вшед же в ложницу, плакася тамо.
Быт.43:31 И умыв лице, изшед удержася и рече: предложите хлебы.
Быт.45:1 И не можаше Иосиф удержатися всем предстоящым ему, но рече: отослите всех от мене. И не предстояше ни един Иосифу, егда познавашеся братии своей.
Быт.45:2 И испусти глас с плачем: слышаша же вси Египтяне, и слышано бысть в дому фараонове.
Быт.45:3 Рече же Иосиф братии своей: аз есмь Иосиф: еще ли отец мой жив есть? И не могоша братия отвещати ему: смутишася бо.
Быт.45:4 Рече же Иосиф братии своей: приближитеся ко мне. И приближишася. И рече: аз есмь Иосиф, брат ваш, егоже продасте во Египет:
Быт.45:5 ныне убо не скорбите, ниже жестоко вам да явится, яко продасте мя семо: на жизнь бо посла мя Бог пред вами:
Быт.45:6 сие бо второе лето глад на земли, и еще пять лет оста, в нихже не будет орания, ни жатвы:
Быт.45:7 посла бо мя Бог пред вами оставити вам останок на земли и препитати ваш останок велий:
Быт.45:8 ныне убо не вы посласте мя семо, но Бог: и сотвори мя яко отца фараону и господина всему дому его и князя всей земли Египетстей:
Быт.45:9 потщавшеся убо, взыдите ко отцу моему и рцыте ему: сия глаголет сын твой Иосиф: сотвори мя Бог господина всей земли Египетстей: сниди убо ко мне и не умедли:
Быт.45:10 и вселишися в земли Гесемли аравийстей, и будеши близ мене ты и сынове твои, и сынове сынов твоих, овцы твоя и волове твои, и елика суть твоя:
Быт.45:11 и препитаю тя тамо, еще бо пять лет будет глад на земли, да не погибнеши ты и сынове твои, и вся имения твоя.
Быт.45:12 Се, очи ваши видят, и очи Вениамина брата моего, яко уста моя глаголющая к вам:
Быт.45:13 возвестите убо отцу моему всю славу мою сущую во Египте, и елика видите: и ускоривше, приведите отца моего семо.
Быт.45:14 И напад на выю Вениамина, брата своего, плакася над ним, и Вениамин плакася на выи его.
Быт.45:15 И облобызав всю братию свою, плакася над ними: и по сих глаголаша к нему братия его.
Быт.45:16 И пронесеся глас в дому фараонове, глаголюще: приидоша братия Иосифова. Возрадовася же фараон и раби его.
Прит.21:23 Иже хранит своя уста и язык, соблюдает от печали душу свою.
Прит.21:24 Продерзый и величавый и горделивый губитель нарицается: а иже памятозлобствует, беззаконен.
Прит.21:25 Похоти лениваго убивают: не произволяют бо руце его творити что.
Прит.21:26 Нечестивый желает весь день похоти злыя, праведный же милует и щедрит нещадно.
Прит.21:27 Жертвы нечестивых мерзость Господеви: ибо беззаконно приносят я.
Прит.21:28 Свидетель ложный погибнет, муж же послушлив сохраняемь возглаголет.
Прит.21:29 Нечестив муж безстудно стоит лицем: правый же сам разумевает пути своя.
Прит.21:30 Несть премудрости, несть мужества, несть совета у нечестиваго.
Прит.21:31 Конь уготовляется на день брани: от Господа же помощь.
Прит.22:1 Лучше имя доброе, неже богатство много, паче же сребра и злата благодать благая.
Прит.22:2 Богат и нищь сретоста друг друга, обоих же Господь сотвори.
Прит.22:3 Худог, видев лукаваго мучима крепко, сам наказуется: безумнии же мимошедше отщетишася.
Прит.22:4 Род премудрости страх Господень, и богатство и слава и живот.
На 6-м часе
Ис.58:1 Возопий крепостию и не пощади: яко трубу возвыси глас твой и возвести людем Моим грехи их и дому Иаковлю беззакония их.Ис.58:2 Мене день от дне ищут и разумети пути Моя желают, яко людие правду сотворившии и суда Бога своего не оставившии: просят ныне у Мене суда праведна и приближитися ко Господу желают, глаголюще:
Ис.58:3 что яко постихомся, и не увидел еси? Смирихом душы нашя, и не уведел еси? Во дни бо пощений ваших обретаете воли вашя, и вся подручныя вашя томите:
Ис.58:4 аще в судех и сварех поститеся и биете пястьми смиреннаго, вскую Мне поститеся якоже днесь, еже услышану быти с воплем гласу вашему?
Ис.58:5 Не сицеваго поста Аз избрах и дне, еже смирити человеку душу свою: ниже аще слячеши яко серп выю твою, и вретище и пепел постелеши, ниже тако наречете пост приятен.
Ис.58:6 Не таковаго (бо) поста Аз избрах, глаголет Господь: но разрешай всяк соуз неправды, разрушай обдолжения насильных писаний, отпусти сокрушенныя во свободу и всякое писание неправедное раздери:
Ис.58:7 раздробляй алчущым хлеб твой и нищыя безкровныя введи в дом твой: аще видиши нага, одей, и от свойственных племене твоего не презри.
Ис.58:8 Тогда разверзется рано свет твой, и изцеления твоя скоро возсияют, и предидет пред тобою правда твоя, и слава Божия оымет тя.
Ис.58:9 Тогда воззовеши, и Бог услышит тя, и еще глаголющу ти, речет: се, приидох. Аще отимеши от себе соуз и рукобиение и глагол роптания
Ис.58:10 и даси алчущему хлеб от души твоея и душу смиренную насытиши, тогда возсияет во тме свет твой, и тма твоя будет яко полудне,
Ис.58:11 и будет Бог твой с тобою присно: и насытишися, якоже желает душа твоя, и кости твоя утучнеют, и будут яко вертоград напоен, и яко источник, емуже не оскуде вода: и кости твоя прозябнут яко трава, и разботеют, и наследят роды родов.
