Все тексты на сегодня представлены в соответствии с указаниями Типикона. Специальные чтения обозначены только для Великих и бденных праздников.
Порядок чтений: Пятница, 4 июля 2025 г. (21 июня ст.ст.)
Седмица 4-я по Пятидесятнице
Мч. Иулиана Тарсийского (ок. 284-305)
Богослужебные указания для священно- и церковнослужителей
Евангельские и Апостольские чтения
На литургии
Апостол
Рим.11:25 Не бо хощу вас не ведети тайны сея, братие, да не будете о себе мудри, яко ослепление от части Израилеви бысть, дондеже исполнение языков внидет,Рим.11:26 и тако весь Израиль спасется, якоже есть писано: приидет от Сиона Избавляяй, и отвратит нечестие от Иакова:
Рим.11:27 и сей им от Мене завет, егда отиму грехи их.
Рим.11:28 По благовествованию убо, врази вас ради: по избранию же, возлюблени отец ради.
Рим.11:29 Нераскаянна бо дарования и звание Божие.
Рим.11:30 Якоже бо и вы иногда противистеся Богови, ныне же помиловани бысте сих противлением:
Рим.11:31 такожде и сии ныне противишася вашей милости, да и тии помиловани будут.
Рим.11:32 Затвори бо Бог всех в противление, да всех помилует.
Рим.11:33 О, глубина богатства и премудрости и разума Божия! Яко неиспытани судове Его, и неизследовани путие Его.
Рим.11:34 Кто бо разуме ум Господень, или кто советник Ему бысть?
Рим.11:35 Или кто прежде даде Ему, и воздастся Ему,
Рим.11:36 яко из Того и Тем и в Нем всяческая. Тому слава во веки. Аминь.
Евангелие
Мф.12:1 В то время иде Иисус в субботы сквозе сеяния: ученицы же Его взалкаша и начаша востерзати класы и ясти.Мф.12:2 Фарисее же видевше реша Ему: се, ученицы Твои творят, егоже не достоит творити в субботу.
Мф.12:3 Он же рече им: несте ли чли, что сотвори Давид, егда взалка сам и сущии с ним?
Мф.12:4 Како вниде в храм Божий и хлебы предложения снеде, ихже не достойно бе ему ясти, ни сущым с ним, токмо иереем единым?
Мф.12:5 Или несте чли в законе, яко в субботы священницы в церкви субботы сквернят и неповинни суть?
Мф.12:6 Глаголю же вам, яко церкве боле есть зде:
Мф.12:7 аще ли бысте ведали, что есть: милости хощу, а не жертвы, николиже убо бысте осуждали неповинных:
Мф.12:8 господь бо есть и субботы Сын Человеческий.
