Кон­да́къ 1

Избра́н­ный и ди́в­ный по­дра­жа́­те­лю про­ро́­ковъ Иліи́ и Кре­сти́­теля, пу­сты́н­нымъ жи­тіе́мъ и́мъ по­ре­вно­ва́­вый и со­вер­ше́н­но Бо́гу уго­ди́­вый, пре­по­до́б­не о́тче Ма­ка́­ріе! Пѣ́снь­ми вос­хва­ля́емъ тя́ съ лю­бо́­вію, свята́го за­сту́п­ни­ка на́­ше­го. Ты́ же, я́ко имѣ́яй дер­зно­ве́ніе ко Го́­спо­ду, мо­ли́ся не­пре­ста́н­но о спа­се́ніи на́съ грѣ́ш­ныхъ, и отъ вся́кихъ бѣ́дъ сво­бо­жда́й зо­ву́щія ти́:

Ра́дуй­ся, Ма­ка́­ріе, ве­ли́кій пу­стынно­жи́­те­лю.

Икосъ 1

Анге­ломъ лю­бе́з­ную чи­сто­ту́ ю́но­сти твоея́ воз­лю­би́въ, пре­по­до́б­не о́тче Ма­ка́­ріе, ве́­тхій Ри́мъ, оте́­че­ство твое́, оста́­вилъ еси́, и во страну́ Россíйскую я́ко ни́щь и стра́­ненъ при­ше́лъ еси́, да здѣ́ обря́щеши при­ста́­ни­ще бла­го­прія́тное ко спа­се́нію. Тѣ́м­же сла́­вимъ тя́, я́ко и́стин­на­го по­слѣ́­до­ва­теля Хри­сто́­ва, и зо­ве́мъ ти́ хва­ле́б­но:

Ра́дуй­ся, Ри́ма до́­брое прозябе́ніе; ра́дуй­ся, Но­ва́­гра­да ду­хо́в­ное укра­ше́ніе. Ра́дуй­ся, Ева́н­гелія Хри­сто́­ва вѣ́р­ный по­слу́­ша­те­лю; ра́дуй­ся, за́­по­вѣ­дей Іису́­со­выхъ ре́­вност­ный ис­пол­ни́­те­лю. Ра́дуй­ся, еди́­на­го Хри­ста́ отъ всея́ души́ твоея́ воз­лю­би́­вый; ра́дуй­ся, сте­зе́ю пра́­вою во­слѣ́дъ Его́ хо­ди́­вый. Ра́дуй­ся, по­сто́мъ умер­тви́­вый въ себѣ́ ду­ше­тлѣ́н­ныя стра́­сти; ра́дуй­ся, мо­ли́­тва­ми усе́рд­ны­ми отра­зи́­вый вся́ иску­ше́нія діа́­воль­ская. Ра́дуй­ся, воз­ше́­дый на вы­со­ту́ со­вер­ше́н­ства ду­хо́в­на­го; ра́дуй­ся, при­ни́кій во глу­бину́ сми­ре́нія свята́го. Ра́дуй­ся, сле́зъ тво­и́хъ те­че́нь­ми упло­до­но­си́­вый пу­сты́­ню не­пло́д­ную; ра́дуй­ся, изъ глу­би­ны́ воз­ды­ха́нь­ми при­вле­кíй на ню́ Бо́жію бла­го­да́ть.

Ра́дуй­ся, Ма­ка́­ріе, ве­ли́кій пу­стынно­жи́­те­лю.

Кон­да́къ 2

Ви́дѣвъ Все­ви́­децъ Го­спо́дь бла­го́е души́ твоея́ из­во­ле́ніе, о́тче Ма­ка́­ріе, е́же слу­жи́­ти и бла­гоу­го­жда́­ти Ему́ въ без­мо́л­віи пу­сты́н­нѣмъ, ука­за́ тебѣ́ пу­сты́­ню бла́т­ную и не­про­хо­ди́мую въ пре­дѣ́­лѣхъ Ве­ли́­ка­го Но­ва́­гра­да, да все­ли́­ши­ся та́мо, еди́нъ Еди́­ному Бо́гу ра­бо́­та­ти въ пѣ́ніихъ, бдѣ́ніихъ и по­ще́ніихъ. Ты́ же пу­сты́­ню, отъ Бо́га тебѣ́ ука́­зан­ную, обрѣ́тъ, все­ли́л­ся еси́ въ не́й, я́ко въ раи́ сла́­до­сти зо­вы́й: Алли­лу́ія.

Икосъ 2

Разу­мѣ́въ мѣ́­сто, отъ Бо́га тебѣ́ ука́­зан­ное къ со­вер­ше́нію та́мо по́­дви­говъ пу­сты́н­ныхъ, и воз­лю­би́въ е́, о́тче Ма­ка́­ріе, со сле­за́­ми те́­плы­ми Бо́гу мо­ли́л­ся еси́, да спо­до́­битъ тя́ скон­ча́­ти на не́мъ жи­тіе́ твое́ зем­но́е, и пса­ло́м­ски взы­ва́лъ еси́: «се́ по­ко́й мо́й, здѣ́ все­лю́­ся во вѣ́къ». Мы́ же, вос­по­ми­на́­ю­ще та­ко­во́е твое́ бла­го́е из­во­ле́ніе, во­піе́мъ ти́ си́це:

Ра́дуй­ся, без­мо́л­вія лю­би́­те­лю, пу­сты́­ню по́­дви­ги тво­и́­ми освяти́­вый; ра́дуй­ся, же­сто́­кое пу­сты́н­ное жи­тіе́ про­хо­ди́­вый. Ра́дуй­ся, псалмо­пѣ́ніи не­мо́лч­ны­ми Бо́га сла́­ви­вый; ра́дуй­ся, мо­ли́­твы не­пре­ста́н­ныя Го́­спо­де­ви воз­но­си́­вый. Ра́дуй­ся, по́ст­ни­че не из­не­мо­га́яй, бы́ліемъ пу­сты́н­нымъ пи­та́­вый­ся; ра́дуй­ся, тру­до­лю́б­че не­ли­це­мѣ́р­ный, пра́з­дность воз­не­на­ви́­дѣ­вый. Ра́дуй­ся, худы́я и мно­го­шве́н­ныя ри́зы но­си́­вый; ра́дуй­ся, ве­ри́­ги же­лѣ́зныя Хри­ста́ ра́ди на ся́ воз­ло­жи́­вый. Ра́дуй­ся, колѣ­нопре­кло­не́нія мно́­гая со­вер­ша́­вый; ра́дуй­ся, въ тер­пѣ́ніи и сми­ре́ніи преус­пѣ́явый. Ра́дуй­ся, сле­за́­ми мо­ли́­твен­ны­ми оро­ше́н­ный; ра́дуй­ся, рав­но­а́н­ге­ленъ на зе­мли́ бы́­вый.

Ра́дуй­ся, Ма­ка́­ріе, ве­ли́кій пу­стынно­жи́­те­лю.

Кон­да́къ 3

Си́лою Бо́жіею укрѣп­ля́емь, Ма­ка́­ріе пре­по­до́б­не, ве­ли́кія по́­дви­ги и тру­ды́ пу­сты́н­ныя бла­го­ду́ш­но про­хо­ди́лъ еси́, и вся́ стра­хо­ва́нія и иску­ше́нія діа́­воль­ская мо­ли́­твою усе́рд­ною отра­зи́лъ еси́, зна́­ме­ніемъ кре­ста́ Хри­сто́­ва вра­ги́ не­ви́­ди­мыя про­го­ня́я и по­бѣ­жда́я, во е́же не мощи́ и́мъ при­бли́­жи­ти­ся къ тебѣ́, егда́ пѣ́лъ еси́ Бо́гу хва­ле́б­ную пѣ́снь: Алли­лу́ія.

Икосъ 3

Имѣ́я по́­мыслъ чи́стъ и не­по­ро́ч­ну ду́шу, о́тче Ма­ка́­ріе, въ пу­сты́н­нѣмъ без­мо́л­віи ви­дѣ́­ній не­бе́с­ныхъ спо­до́­бил­ся еси́, и а́н­ге­ловъ со­бе­сѣ́д­никъ бы́лъ еси́, и́же утѣ­ше́ніи бла­го­да́т­ны­ми усла­жда́­ху тебѣ́ ско́р­би пу­сты́н­на­го пре­бы­ва́­нія. Сего́ ра́ди слы́­ши­ши отъ на́съ бла­го­хва­ле́нія та­ко­ва́я:

Ра́дуй­ся, ра́бе Го­спо́­день благíй и вѣ́р­ный; ра́дуй­ся, мо­ли́­твен­ни­че бла­го­прія́тный и мно­го­сле́з­ный. Ра́дуй­ся, а́н­гель­ска­го по­сѣ­ще́нія удо­сто́ен­ный; ра́дуй­ся, на зе­мли́ не­бе́с­ная со­зер­ца́­вый. Ра́дуй­ся, учи́­те­лю бла­го­че́­стія; ра́дуй­ся, на­ста́в­ни­че бо­го­му́­дрія. Ра́дуй­ся, дре́­во бла­го­сѣн­но­ли́­ствен­ное, въ пу­сты́­ни воз­ра́ст­шее; ра́дуй­ся, пло­ды́ сла́д­кія Хри­сту́ при­не­сы́й. Ра́дуй­ся, пу­сты́­ню упло­до­но­си́­вый; ра́дуй­ся, пу­сты́н­ное оз­ло­бле́ніе му́­же­ски тер­пѣ́­вый. Ра́дуй­ся, путе́мъ тѣ́­снымъ ше́­ство­ва­вый; ра́дуй­ся, про­стра́н­ство Ца́рствія Бо́жія обрѣ­ты́й.

Ра́дуй­ся, Ма­ка́­ріе, ве­ли́кій пу­стынно­жи́­те­лю.

Кон­да́къ 4

Бу́рю мно­го­мяте́ж­ную жи­те́й­ска­го мо́ря без­бѣ́д­но пре­ше́лъ еси́, пре­по­до́б­не о́тче Ма­ка́­ріе, и во при­ста́­ни­ще без­стра́­стія до­сти́глъ еси́, на­прав­ля́емь за́­по­вѣдь­ми Хри­ста́ Бо́га, я́же бы́ша свѣ­ти́ль­никъ но­га́­ма тво­и́­ма и свѣ́тъ стезя́мъ тво­и́мъ. Тѣ́м­же на зе­мли́ до­сто́й­но и пра́­вед­но вос­пѣ­ва́лъ еси́ Тріе­ди́­ному Бо́гу: Алли­лу́ія.

Икосъ 4

Слы́­шав­ше гла­го́­лы твоя́ бо­го­дух­но­ве́н­ныя, лов­цы́ звѣ­ре́й ди́­віихъ, обрѣ́т­шіи ку́щу твою́ въ пу­сты́­ни, о́тче Ма­ка́­ріе, а́н­ге­ла па́че, не́же че­ло­вѣ́­ка, мня́ху тя́ бы́ти, и ра́­до­вахуся зѣло́, спо­до́бль­ше­ся твое́ бла­го­сло­ве́ніе и мо­ли́­твы полу­чи́­ти. Ты́ же хлѣ́бъ тво́й сухíй съ ни́ми раз­дѣ­ли́лъ еси́, и пу́ть и́мъ пра́­вый ука­за́въ, слы́­шалъ еси́ отъ ни́хъ бла­го­да́р­ствен­ныя гла­го́­лы си­це­вы́я:

Ра́дуй­ся, пра́­ви­ло вѣ́ры и́стин­ныя; ра́дуй­ся, о́бра­зе кро́­то­сти ду­хо́в­ныя. Ра́дуй­ся, че­ло­вѣ́­че Бо́жій, пре­по­до́­біемъ укра­ше́н­ный; ра́дуй­ся, во́­и­не Хри­сто́въ, вра­ги́ не­ви́­ди­мыя по­бѣ­ди́­вый. Ра́дуй­ся, мíра до́ль­няго му́­дрый стра́н­ни­че; ра́дуй­ся, пу­стынно­лю­би́­вый Го­спо́­день из­бра́н­ни­че. Ра́дуй­ся, ве­ли́­кихъ пу­стынно­жи́­те­лей вѣ́р­ный по­дра­жа́­те­лю; ра́дуй­ся, дре́в­нихъ бо­го­но́с­ныхъ оте́цъ ре́­вност­ный по­слѣ́­до­ва­те­лю. Ра́дуй­ся, пу­сты́­ню не­про­хо­ди́мую въ жи­ли́­ще себѣ́ из­бра́­вый; ра́дуй­ся, де́брь бла́т­ную сла­во­сло́­віи Бо́жіи­ми огла­си́­вый. Ра́дуй­ся, бо­го­про­свѣ­ще́н­ный по­дви́ж­ни­че; ра́дуй­ся, ан­ге­лон­ра́в­ный че­ло­вѣ́­че.

Ра́дуй­ся, Ма­ка́­ріе, ве­ли́кій пу­стынно­жи́­те­лю.

Кон­да́къ 5

Бого­те́ч­ное свѣ­ти́­ло бы́въ, о́тче Ма­ка́­ріе, къ Со́лн­цу пра́­вды, Хри­сту́, при­во­ди́лъ еси́ че­ло­вѣ́­ки, при­хо­ди́в­шія къ тебѣ́ въ пу­сты́­ню по­слу́­ша­ти отъ тебе́ гла­го́­лы жи́­зни вѣ́ч­ныя. Ибо да­де́ся тебѣ́ отъ Го́­спо­да бла­го­да́ть поу­че́нія ду­хо́в­на­го, и бы́сть язы́къ тво́й я́ко тро́сть кни́ж­ни­ка ско­ро­пи́сца, на­чер­та­ва́яй на серд­ца́хъ че­ло­вѣ́­че­скихъ спа­си́­тель­ныя за́­по­вѣ­ди Хри­ста́ Бо́га, Ему́­же уми­ле́н­но пѣ́лъ еси́: Алли­лу́ія.

Икосъ 5

Ви́дѣвъ лю́ди, при­хо­ди́в­шія къ тебѣ́ въ пу­сты́­ню, о́тче Ма­ка́­ріе, це́р­ковь та́мо во и́мя Пресвяты́я Бо­го­ро́­ди­цы, чест­на́­го и сла́в­на­го Ея́ Успе́нія, соору­ди́лъ еси́, и оби́­тель и́но­че­скую устро́­илъ еси́, та́же свяще́н­ства бла­го­да́ть вос­пріе́мъ, игу́­менъ тоя́ оби́­те­ли бы́лъ еси́, при­во­дя́й бра́тію твою́ пу­сты́н­ную ко спа­се́нію. О се́мъ тя́ хва́­лимъ и зо­ве́мъ:

Ра́дуй­ся, не­по­ро́ч­ный олтаря́ Го­спо́д­ня слу­жи́­те­лю; ра́дуй­ся, та́­инствъ Бо­же́­ствен­ныхъ до­сто́й­ный со­вер­ши́­те­лю. Ра́дуй­ся, пре­по­до́б­ніи ру́цѣ твои́ со дер­зно­ве́ніемъ горѣ́ воз­дѣ́явый; ра́дуй­ся, мо­ли́­твы бла­гоу­ми­ле́н­ныя у пре­сто́­ла Бо́жія при­но­си́­вый. Ра́дуй­ся, па́­сты­рю до́­брый со­бра́н­на­го то­бо́ю ста́­да пу­сты́н­ныхъ ове́цъ; ра́дуй­ся, не­у­сы́п­ный дѣ́­ла­те­лю ви­но­гра́­да Хри­сто́­ва. Ра́дуй­ся, со­тво­ри́­вый и нау­чи́­вый, и того́ ра́ди ве́лій на­ре­че́н­ный во Ца́рствіи не­бе́с­нѣмъ; ра́дуй­ся, оте́­че­ски воз­лю­би́­вый всю́ о Хри­стѣ́ бра́тію твою́. Ра́дуй­ся, учи́­вый бла­го­вре́­мен­но и без­вре́­мен­но ча́да твоя́ ду­хо́в­ная бо­гоу­го­жде́нію и́стин­но­му; ра́дуй­ся, бы́­вый о́бразъ пре­по­до́­бія тво­и́мъ уче­ни­ко́мъ. Ра́дуй­ся, и́мя Го́­спо­да Іису́­са во устѣ́хъ и въ се́рд­цѣ тво­е́мъ не­пре­ста́н­но имѣ́­вый; ра́дуй­ся, ско́р­би и ли­ше́нія пу­сты́н­ныя ра́­дост­но тер­пѣ́­вый.

Ра́дуй­ся, Ма­ка́­ріе, ве­ли́кій пу­стынно­жи́­те­лю.

Кон­да́къ 6

Про­по­вѣ́д­никъ бы́лъ еси́ ева́н­гель­ска­го уче́нія бра́тіи тво­е́й, пре­по­до́б­не о́тче Ма­ка́­ріе, и ча́да твоя́ ду­хо́в­ная вѣ́р­но ру­ко­во­ди́лъ еси́ къ Ца́рствію не­бе́с­но­му, идѣ́­же е́сть жи­ли́­ще всѣ́хъ спа­се́н­ныхъ ми­ло­се́р­діемъ Хри­ста́ Бо́га, при­ше́д­ша­го въ мíръ спа­сти́ па́д­шее че­ло­вѣ́­че­ство и да́в­ша­го лю́­демъ во спа­се́ніе Своя́ Бо­же́­ствен­ныя за́­по­вѣ­ди, и́мже по­слѣ́­до­вавъ, со­дѣ́­лал­ся еси́ и́стин­ный Его́ уго́д­никъ, не­мо́лч­но вос­пѣ­ва́я Ему́ пѣ́снь хва­лы́ и бла­го­да­ре́нія: Алли­лу́ія.

Икосъ 6

Возсія́лъ еси́ въ пу­сты́­ни свѣ́­томъ бла­го­разу́­мія, о́тче Ма­ка́­ріе, и де́брь бла́т­ную и не­у­до­бо­про­хо­ди́мую во учи́­ли­ще бла­го­че́­стія пре­тво­ри́лъ еси́ бо­го­му́­дры­ми тво­и́­ми сло­ве­сы́, и́ми­же при­хо­ди́в­шія къ тебѣ́ вѣ́р­но на­став­ля́лъ еси́ на сте­зю́ бо­гоу­го­жде́нія и спа­се́нія. Тебѣ́ у́бо, свято́му учи́­те­лю не­бе́с­ныя и́сти­ны, бла­го­да́р­но зо­ве́мъ:

Ра́дуй­ся, Ева́н­гелія Хри­сто́­ва не­мо́лч­ный про­по­вѣ́д­ни­че; ра́дуй­ся, апо́­столь­скихъ пре­да́ній ре́­вност­ный хра­ни́­те­лю. Ра́дуй­ся, вѣ́­рою пра́­вою и дѣ́лы бла­ги́­ми Бо́гу уго­ди́­вый; ра́дуй­ся, во­слѣ́дъ тебе́ и ча́да твоя́ ду­хо́в­ная къ Нему́ при­ве­ды́й. Ра́дуй­ся, не со­кры́вый та­ла́н­та, тебѣ́ вру­че́н­на­го До­мо­вла­ды́­кою; ра́дуй­ся, ку́­плю мно́­гу и́мъ со­тво­ри́­вый, спа­се́ніе ду́шъ че­ло­вѣ́­че­скихъ. Ра́дуй­ся, пу­сты́­ню обла­гоу­ха́­вый сла́д­кимъ бла­гоу­ха́ніемъ Хри­сто́­вымъ; ра́дуй­ся, въ не́й на­са­ди́­вый ду­хо́в­ныя цвѣ́­ты до­бро­дѣ́­те­лей. Ра́дуй­ся, я́ко тво­и́­ми уче́нь­ми грѣ́ш­ніи къ Бо́гу въ покая́ніи обра­ти́­ша­ся; ра́дуй­ся, я́ко тво­и́­ми на­став­ле́нь­ми за­блу́жд­шіи пра́­вый пу́ть спа­се́нія обрѣ­то́­ша. Ра́дуй­ся, бли́ж­нихъ тво­и́хъ и́скрен­но воз­лю­би́­вый; ра́дуй­ся, спа­се́нію и́хъ ду­ше́в­но­му усе́рд­но по­слу­жи́­вый.

Ра́дуй­ся, Ма­ка́­ріе, ве­ли́кій пу­стынно­жи́­те­лю.

Кон­да́къ 7

Хотѣ́ніе еди́­но имѣ́лъ еси́, пре­по­до́б­не о́тче Ма­ка́­ріе, е́же Бо́гу бла­гоу­го­жда́­ти и спа­се́нію ду­ше́в­но­му бли́ж­нихъ тво­и́хъ бла­го­че́ст­но слу­жи́­ти. Тѣ́м­же всѣ́хъ при­хо­ди́в­шихъ къ тебѣ́ пріи­ма́лъ еси́ съ лю­бо́­вію, и я́ко ко́рм­чій до́­брый, уто­мле́н­ныя тре­вол­не́ніемъ жи­те́й­ска­го мо́ря при­во­ди́лъ еси́ въ ти́­хое при­ста́­ни­ще пу­сты́н­на­го и́но­че­ска­го житія́, поу­ча́я и́хъ се́рд­цемъ и усты́ не­мо́лч­но воз­гла­ша́­ти Бо́гу: Алли­лу́ія.

Икосъ 7

Но́ва­го тя́ Ма­ка́­рія Ве­ли́­ка­го, на­ста́в­ни­ка ду­ше­спа­си́­тель­на­го, яви́ Хри­сто́съ во стра­нѣ́ Россíйстѣй, пре­по­до́б­не о́тче, и ди́в­ны­ми да́ры Бо́жія бла­го­да́­ти обо­га­ти́ тебе́, ду­ше́в­ныя ра́ди твоея́ чи­сто­ты́ и мно́­гія свя́­то­сти: да­де́ся бо ти́ свы́­ше бла­го­да́ть чу­до­тво­ре́нія и про­зор­ли́в­ства, и бы́лъ еси́ про­ро́къ и вра́чь без­ме́з­дный лю́­демъ, и́же нау­чи́­ша­ся зва́­ти тебѣ́:

Ра́дуй­ся, кри́­не пу­сты́н­на­го прозябе́нія; ра́дуй­ся, ма́­сли­но Бо́жія бла­го­сло­ве́нія. Ра́дуй­ся, пу­сты́­ню ду­хо́в­но упло­до­но­си́­вый; ра́дуй­ся, оби́­тель и́но­че­скую въ не́й воз­гра­ди́­вый. Ра́дуй­ся, ча́да по­слу­ша́­нія и сми­ре́нія въ не́й на­сели́­вый; ра́дуй­ся, оте́цъ и́стин­ный уче­ни­ко́мъ тво­и́мъ бы́­вый. Ра́дуй­ся, боля́щія мо­ли́­твою тво­е́ю ис­цѣ­ли́­вый; ра́дуй­ся, скорбя́щія сло­ве­сы́ тво­и́­ми бо­го­му́­дры­ми утѣ́­ши­вый. Ра́дуй­ся, бу́ду­щая я́ко настоя́щая со­зер­ца́­вый; ра́дуй­ся, по­мыш­ле́нія че­ло­вѣ́­че­ская про­зрѣ­ва́­вый. Ра́дуй­ся, дре́в­нимъ про­ро́­комъ рав­но­че́ст­ный; ра́дуй­ся, да­ро́въ Свята́го Ду́ха пре­и­с­по́л­нен­ный.

Ра́дуй­ся, Ма­ка́­ріе, ве­ли́кій пу­стынно­жи́­те­лю.

Кон­да́къ 8

Стра́н­никъ и при­шле́цъ бы́лъ еси́ во стра­нѣ́ Россíйстѣй, пре­по­до́б­не о́тче Ма­ка́­ріе, не­пре­ста́н­но взы­ску́яй оте́­че­ства го́рняго, Іеру­са­ли́­ма не­бе́с­на­го. Тѣ́м­же вся́кое по­пе­че́ніе о зем­нѣ́мъ стяжа́ніи от­ло­жи́лъ еси́, и въ кра́й­ней ни­ще­тѣ́ жи́знь твою́ про­во­жда́лъ еси́, да обо­га­ти́­ши­ся не­тлѣ́н­нымъ зла́­томъ отъ пра́­вед­на­го Мздо­воз­да́­теля Хри­ста́ Бо́га, Ему́­же при́­сно пѣ́лъ еси́: Алли­лу́ія.

Икосъ 8

Ве́сь въ Бо́зѣ бы́въ, пре­по­до́б­не о́тче Ма­ка́­ріе, во глу­бо­ча́й­шую пу­сты́­ню отъ оби́­те­ли твоея́ уда­ли́л­ся еси́, и на о́стро­вѣ по­сре­дѣ́ бла́­та ку́щу себѣ́ по­ста́­вивъ, въ без­мо́л­віи со­вер­ше́н­нѣмъ мо­ли́­тва­ми не­пре­ста́н­ны­ми съ Бо́­гомъ бе­сѣ́­до­валъ еси́, мши́цъ угры­зе́ніе и пу­сты́н­ное оз­ло­бле́ніе му́­же­ствен­но терпя́. По­ми­на́­ю­ще у́бо та­ко­во́е твое́ тер­пѣ́ніе и зло­стра­да́ніе, я́ко му́­че­ни­ковъ со­стра­да́ль­ца че­ству́­емъ тя́ зва́ніи си́ми:

Ра́дуй­ся, без­стра́­стіе со­вер­ше́н­ное стяжа́­вый; ра́дуй­ся, без­мо́л­вія не­на­ру­ши́­ма­го воз­же­лѣ́­вый. Ра́дуй­ся, мо­ли́­твы не­пре­ста́н­ныя воз­лю­би́­вый; ра́дуй­ся, о́бразъ зло­стра­да́нія и дол­го­тер­пѣ́нія себе́ яви́­вый. Ра́дуй­ся, тѣ́ло твое́ мши́цъ угры­зе́ніемъ уязви́­вый; ра́дуй­ся, ни­ще­лю́­бецъ кра́й­ній бы́­вый. Ра́дуй­ся, бла­же́н­ство ни́­щихъ ду́­хомъ уна­слѣ́­ди­вый; ра́дуй­ся, о еди́­номъ на по­тре́бу все­гда́ по­мыш­ля́вый. Ра́дуй­ся, на зе­мли́ не­бе́с­но по­жи́­вый; ра́дуй­ся, во пло́­ти без­пло́т­нымъ по­ре­вно­ва́­вый. Ра́дуй­ся, му́­че­ни­ковъ со­стра­да́ль­че; ра́дуй­ся, пре­по­до́б­ныхъ кра­со­то́.

Ра́дуй­ся, Ма­ка́­ріе, ве­ли́кій пу­стынно­жи́­те­лю.

Кон­да́къ 9

Всѣ́мъ при­хо­ди́в­шимъ къ тебѣ́ въ пу­сты́­ню, пре­по­до́б­не о́тче Ма­ка́­ріе, бы́сть ди́в­но ви́­дѣ­ти тя́, въ раз­дра́н­нѣй и мно­го­шве́н­нѣй ри́зѣ хо­ди́в­ша­го, ве­ри́­ги тя́жкія на ра́­ме­нахъ но­си́в­ша­го и въ мѣ́­стѣ бла́т­нѣмъ уе­ди­не́н­но пре­бы­ва́в­ша­го, внѣ́ вся́каго че­ло­вѣ́­че­ска­го утѣ­ше́нія. Оба́­че ты́ вся́ при­хо­ди́в­шія со свѣ́т­лымъ ли­це́мъ и лю­бо́­вію оте́­че­скою пріи­ма́лъ еси́, бо­га́­тыя и убо́гія, вельмо́­жи и про­сты́я, и ко­е­му́­ждо сло́­во ду­ше­по­ле́з­но из­ре­ка́лъ еси́, увѣ­ща­ва́я и́хъ бла­гоу­го­жда́­ти Бо́гу вѣ́­рою пра́­вою и дѣ́лы бла­ги́­ми и зва́­ти Ему́: Алли­лу́ія.

Икосъ 9

Витíи пре­му́­дрыя пре­воз­ше́лъ еси́ бла­го­да́т­нымъ дѣ́й­ствомъ сло­ве́съ тво­и́хъ, пре­по­до́б­не о́тче Ма­ка́­ріе, зане́ тѣ́ми грѣ́ш­ныя на покая́ніе при­во­ди́лъ еси́, ка́­ю­щіяся уцѣ­ло­му́­дрилъ еси́, по­дви­за́­ю­щіяся въ до­бро­дѣ́­те­ли укрѣ­пи́лъ еси́, и всѣ́мъ пу́ть спа­си́­тель­ный ко Хри­сту́ по­ка­за́лъ еси́, по не­му́­же са́мъ не­у­кло́н­но ше́­ство­валъ еси́ до бла­же́н­ныя твоея́ кон­чи́­ны, до­сто́­инъ во­и́­стину яви́вся по­хва́лъ та­ко­вы́хъ:

Ра́дуй­ся, на­пи­са́­вый на скри­жа́­лехъ се́рд­ца тво­е­го́ за­ко́нъ Хри­сто́въ; ра́дуй­ся, про­воз­вѣ́ст­никъ его́ бли́ж­нимъ тво­и́мъ бы́­вый. Ра́дуй­ся, я́ко бы́ша сло­ве­са́ твоя́ ме́да слад­ча́й­ша жа́­ждав­шимъ уче́нія ду­хо́в­на­го; ра́дуй­ся, я́ко тво­и́­ми на­став­ле́нь­ми спа­со́­ша­ся мно́­зи. Ра́дуй­ся, изъ глу­би­ны́ пу­сты́­ни свѣ­ти́­вый мíру; ра́дуй­ся, отъ де́­бри бла́т­ныя возсія́вый за­ре́ю бо­го­разу́­мія. Ра́дуй­ся, Россíйскія стра­ны́ бла­го­да́т­ное оза­ре́ніе; ра́дуй­ся, Но­ва́­гра­да ду­хо́в­ное про­свѣ­ще́ніе. Ра́дуй­ся, гла­во́ свята́я, бла­го­да́тію Бо́жіею осѣ­не́н­ная; ра́дуй­ся, исто́ч­ни­че оби́ль­ный уче́нія ду­ше­спа­си́­тель­на­го. Ра́дуй­ся, про­по­вѣ́д­ни­че слад­ко­гла­го́­ли­вый, вѣ­ща́­вый сло­ве­са́ жи́­зни вѣ́ч­ныя; ра́дуй­ся, уго­то́­ва­вый уче́нь­ми тво­и́­ми Го́­спо­де­ви по­дви́ж­ни­ки со­вер­ше́н­ныя.

Ра́дуй­ся, Ма­ка́­ріе, ве­ли́кій пу­стынно­жи́­те­лю.

Кон­да́къ 10

Спа­се́нія на­де́жду стяжа́лъ еси́ при ис­хо́­дѣ тво­е́мъ, пре­по­до́б­не о́тче Ма­ка́­ріе, и я́коже пше­ни́­ца зрѣ́­лая, во вре́мя по­жа́­тая, кон­чи́­ною свято́ю пре­се­ли́л­ся еси́ отъ зе­мли́ во оби́­те­ли го́р­нія, прія́ти мзду́ отъ руки́ пра́­вед­на­го Мздо­воз­да́­теля Хри­ста́, Иже вчи­ни́ ду́шу твою́ со святы́ми, не­мо́лч­но воз­гла­ша́­ю­щи­ми предъ пре­сто́­ломъ сла́­вы Его́ по­бѣ́д­ную пѣ́снь: Алли­лу́ія.

Икосъ 10

Царя́ Не­бе́с­на­го Хри­ста́ вѣ́р­ный ра́бъ и уго́д­никъ бы́лъ еси́, пре­по­до́б­не о́тче Ма­ка́­ріе. Тѣ́м­же и до­ны́­нѣ мѣ́­сто пу­сты́н­ное тво­и́хъ по́­дви­говъ я́сно сви­дѣ́­тель­ствуетъ о тво­е́мъ бо­гоу­го­жде́ніи, я́ко ты́ со Хри­сто́мъ во оби́­те­лехъ бла­же́н­ства вѣ́ч­на­го во­дво­ря́ешися, бла­гоу­ха́ніе чу́д­ное испуща́я отъ чест­на́­го тво­е­го́ гро́­ба. Сего́ ра́ди во­піе́мъ ти́:

Ра́дуй­ся, ра́­дост­но пре­да́­вый ду́шу твою́ въ ру́цѣ Бо́жіи; ра́дуй­ся, святу́ю кон­чи́­ну полу­чи́­вый въ воз­ме́з­діе тру­до́въ тво­и́хъ. Ра́дуй­ся, бла­гоу­ха́ніе сла́­дост­ное испу­сти́­вый отъ ме́р­тва­го тво­е­го́ тѣ­ле­се́; ра́дуй­ся, сіе́ бла­гоу­ха́ніе и до­ны́­нѣ испуща́яй вѣ́р­нымъ отъ чест­на́­го тво­е­го́ гро́­ба. Ра́дуй­ся, мо­ща́­ми тво­и́­ми въ пу­сты́­ни тво­е́й по­гре­бе́н­ный; ра́дуй­ся, ду­ше́ю без­сме́рт­ною въ Сіо́­нѣ го́р­немъ во­дво­ре́н­ный. Ра́дуй­ся, въ нѣ́­дрѣхъ зем­ны́хъ сми­ре́н­но по­чи­ва́яй; ра́дуй­ся, отъ ра́ки твоея́ пре­сла́в­но ис­цѣ­ле́нія исто­ча́яй. Ра́дуй­ся, чу­де­сы́ мно́­ги­ми про­сла́в­лен­ный; ра́дуй­ся, со­стра­да́нія къ лю́­демъ пре­и­с­по́л­нен­ный. Ра́дуй­ся, благíй цѣ­ле́б­ни­че не­ду́­говъ ду­ше́в­ныхъ и тѣ­ле́с­ныхъ; ра́дуй­ся, не­бе́с­ный за­сту́п­ни­че съ вѣ́­рою къ тебѣ́ при­те­ка́­ю­щихъ.

Ра́дуй­ся, Ма­ка́­ріе, ве­ли́кій пу­стынно­жи́­те­лю.

Кон­да́къ 11

Пѣ́ніе Пресвятѣ́й Тро́­и­цѣ горѣ́ при­но́­си­ши, пре­по­до́б­не о́тче Ма­ка́­ріе, и при́­сно хо­да́­тай­ствуе­ши за лю́ди, мо­ли́­твен­но тя́ по­чи­та́­ю­щія, прося́ и́мъ ми́ра свы́­ше и бла­го­по­спѣ­ше́нія во все́мъ бла­го́мъ. Мо­ли́ся, уго́д­ни­че Бо́жій, и за на́съ сми­ре́н­ныхъ и грѣ́ш­ныхъ, по́­дви­ги твоя́ хва­ле́б­но вос­по­ми­на́­ю­щихъ и и́мя твое́ свято́е въ по́­мощь при­зы­ва́­ю­щихъ, да не ли­ше́­ни бу́­демъ на­слѣ́дія не­бе́с­на­го и пѣ́нія со святы́ми: Алли­лу́ія.

Икосъ 11

Свѣ­ти́ль­ни­ка тя́ бла­го­да́т­на­го вѣ́мы, пре­по­до́б­не о́тче Ма­ка́­ріе, и про­слав­ля́емъ про­сла́вль­ша­го тя́ Го́­спо­да, Иже чу­де­сы́ мно́­ги­ми гро́бъ тво́й оз­на­ме­но­ва́. Струи́ бо ис­цѣ­ле́ній бла­го­да́т­ныхъ исто­ча́­е­ши вѣ́р­нымъ, во е́же во­пи́­ти тебѣ́:

Ра́дуй­ся, зем­ны́й а́н­ге­ле; ра́дуй­ся, не­бе́с­ный че­ло­вѣ́­че. Ра́дуй­ся, без­ме́з­дна­го вра­че­ва́­нія исто́ч­ни­че; ра́дуй­ся, ми́­ло­сти ду­хо́в­ныя по­да́­те­лю. Ра́дуй­ся, мѵро­по­ло́ж­ни­це бла­гоу­ха́нія Хри­сто́­ва; ра́дуй­ся, усла­жда́яй ду́ши на́ша во­не́ю сла́д­кою отъ свята́го тво­е­го́ гро́­ба. Ра́дуй­ся, скорбя́щихъ утѣ́­ши­те­лю; ра́дуй­ся, боля́щихъ цѣ­ли́­те­лю. Ра́дуй­ся, въ со́ніихъ и ви­дѣ́­ніихъ вѣ́р­ныя по­сѣ­ща́яй; ра́дуй­ся, пу­сты́­ню твою́ чу­де­сы́ про­слав­ля́яй. Ра́дуй­ся, сми­ре́ніемъ вы­со́­кая стяжа́­вый; ра́дуй­ся, дер­зно­ве́ніе мно́­гое ко Го́­спо­ду полу­чи́­вый.

Ра́дуй­ся, Ма­ка́­ріе, ве­ли́кій пу­стынно­жи́­те­лю.

Кон­да́къ 12

Бла­го­да́ть отъ Го́­спо­да ис­про­си́ на́мъ, пре­по­до́б­не о́тче Ма­ка́­ріе, по­чи­та́­ю­щимъ съ лю­бо́­вію святу́ю па́мять твою́ и усе́рд­но при­те­ка́­ю­щимъ къ чест­нѣ́й ра́цѣ мо­ще́й тво­и́хъ святы́хъ, отъ нея́же чу­де́с­ная ис­цѣ­ле́нія по­да­е́­ши не­ду́ж­нымъ. Тѣ́м­же при­лѣ́ж­но мо́­лим­ся тебѣ́: ис­цѣ­ли́ на́ша не­ду́­ги ду­ше́в­ныя и тѣ­ле́с­ныя, и по­мо­зи́ на́мъ пред­ста́­тель­ствомъ тво­и́мъ спа­се́ніе вѣ́ч­ное полу­чи́­ти, да вку́­пѣ съ то­бо́ю вос­по­е́мъ ди́в­но­му во святы́хъ Сво­и́хъ Бо́гу: Алли­лу́ія.

Икосъ 12

Пою́ще по́­дви­ги твоя́ пу­сты́н­ныя, пре­по­до́б­не о́тче Ма­ка́­ріе, убла­жа́­емъ рав­но­а́н­гель­ное жи­тіе́ твое́, и́мже поу­ча́­е­ши на́съ ко сла­во­сло́­вію Хри­ста́ Бо́га, яви́в­ша­го тя́ чу­до­тво́р­ца пре­сла́в­на. Тѣ́м­же при­па́­да­ю­ще къ ра́цѣ мо­ще́й тво­и́хъ, уми́ль­но гла­го́­лемъ:

Ра́дуй­ся, Пресвяты́я Тро́­и­цы вѣ́р­ный уго́д­ни­че; ра́дуй­ся, Пресвяты́я Бо­го­ро́­ди­цы усе́рд­ный сла́­ви­те­лю. Ра́дуй­ся, а́н­гель­скихъ ли́­ковъ со­бе­сѣ́д­ни­че; ра́дуй­ся, всѣ́хъ святы́хъ со­жи́­те­лю. Ра́дуй­ся, пу­стынно­жи́­те­лей сла́­во и по­хва­ло́; ра́дуй­ся, Россíйскія Це́р­кве ду­хо́в­ная лѣ́­по­то. Ра́дуй­ся, пу­сты́­ни твоея́ со­кро́­ви­ще бла­го­да́т­ное; ра́дуй­ся, не­ду́гу­ю­щихъ вра­чев­ство́ Бо́­гомъ да­ро­ва́н­ное. Ра́дуй­ся, при­хо­дя́щихъ на по­кло­не́ніе мо­ще́мъ тво­и́мъ святы́мъ благíй пред­ста́­те­лю; ра́дуй­ся, по­чи­та́­ю­щихъ святу́ю па́мять твою́ не­бе́с­ный по­кро­ви́­те­лю. Ра́дуй­ся, ду́шъ и тѣ­ле́съ на́­шихъ цѣ­ле́б­ни­че; ра́дуй­ся, пре­сла́в­ный и пре­ди́в­ный чу­до­тво́р­че.

Ра́дуй­ся, Ма­ка́­ріе, ве­ли́кій пу­стынно­жи́­те­лю.

Кон­да́къ 13

О, пре­по­до́б­не и бо­го­но́с­не о́тче Ма­ка́­ріе! Вон­ми́ ми́­ло­стив­но гла́су мо­ле́нія на́­ше­го, и пріи­ми́ сіе́ ма́­лое по­хва́ль­ное пѣ́ніе, съ вѣ́­рою и лю­бо́­вію тебѣ́ при­но­си́­мое отъ на́съ не­до­сто́й­ныхъ, и умо­ли́ Го́­спо­да и Вла­ды́­ку на́­ше­го, из­ба́­ви­ти на́съ отъ по­ги́­бе­ли вѣ́ч­ныя и спо­до́­би­ти бла­же́н­ства святы́хъ, во­пі­ю́­щихъ Ему́ вѣ́ч­но хва­ле́б­ную пѣ́снь: Алли­лу́ія.

Се́й кон­да́къ гла­го́­лет­ся три́­жды. Та́же Икосъ 1-й и Кон­да́къ 1-й

Мо­ли́­тва пре­по­до́б­но­му отцу́ на́­шему Ма­ка́­рію Ри́млянину

О, свяще́н­ная гла­во́, зем­ны́й а́н­ге­ле и не­бе́с­ный че­ло­вѣ́­че, пре­по­до́б­не и бо­го­но́с­не о́тче на́шъ Ма­ка́­ріе! При­па́­да­емъ ти́ съ вѣ́­рою и лю­бо́­вію и мо́­лим­ся при­лѣ́ж­но: яви́ на́мъ, сми­ре́н­нымъ и грѣ́ш­нымъ, свято́е твое́ за­ступле́ніе. Се́ бо, грѣ́хъ ра́ди на́­шихъ, не и́ма­мы сво­бо́­ды ча́дъ Бо́жіихъ про­си́­ти о по­тре́­бахъ на́­шихъ Го́­спо­да и Вла­ды́­ку на́­ше­го, но тебе́ мо­ли́­твен­ни­ка бла­го­прія́т­на­го къ Нему́ пред­ла­га́­емъ и про́­симъ тя́ со усе́р­діемъ мно́­гимъ: ис­про­си́ на́мъ у бла́­го­сти Его́ бла­го­по­тре́б­ныя да́ры ду­ша́мъ и тѣ­ле­се́мъ на́­шимъ: вѣ́ру пра́ву, на­де́жду спа­се́нія не­со­мнѣ́н­ну, лю­бо́вь ко всѣ́мъ не­ли­це­мѣ́р­ну, во иску­ше́ніихъ му́­же­ство, въ зло­стра­да́ніихъ тер­пѣ́ніе, въ мо­ли́­твахъ постоя́н­ство, ду́шъ и тѣ­ле́съ здра́­віе, зе­мли́ пло­до­но́­сіе, воз­ду́­ха бла­го­рас­тво­ре́ніе, жи­те́й­скихъ по­тре́бъ до­во́ль­ство, ми́р­ное и безмяте́ж­ное жи­тіе́, бла­гу́ю хри­стіа́н­скую кон­чи́­ну и до́­брый отвѣ́тъ на стра́ш­нѣмъ судѣ́ Хри­сто́­вѣ. Ис­про­си́, уго́д­ни­че Бо́жій, у Царя́ ца́рству­ю­щихъ и Го́­спо­да го­спо́д­ству­ю­щихъ Бла­го­че­сти́­вѣй­шему, Са­мо­дер­жа́в­нѣй­шему, Ве­ли́­кому Го­су­да́­рю на́­шему, Импе­ра́­то­ру [и́мярекъ] всея́ Россíи, здра́­віе, спа­се́ніе и на вра­ги́ одо­лѣ́ніе, все­му́ же бо­го­хра­ни́­мому ца́рству Его́ ми́ръ, ти­ши­ну́ и бла­го­стро­е́­ніе. [Или́: Ис­про­си́, уго́д­ни­че Бо́жій, у Царя́ ца́рству­ю­щихъ и Го́­спо­да го­спо́д­ству­ю­щихъ: стра́ждущую страну́ Россíйскую отъ лю́­тыхъ без­бо́ж­никъ и вла́­сти и́хъ Го­спо́дь да сво­бо­ди́тъ, и да воз­ста́­витъ пре­сто́лъ пра­во­сла́в­ныхъ ца­ре́й; вѣ́р­ныхъ ра­бо́въ Его́, въ ско́р­би и пе­ча́­ли де́нь и но́щь во­пі­ю́­щихъ къ Нему́, мно­го­бо­лѣ́зный во́пль да услы́­шитъ и да из­ве­де́тъ отъ по­ги́­бе­ли жи­во́тъ на́шъ]. Не за­бу́­ди, пре­по­до́б­не о́тче, и пу­сты́н­ное мѣ́­сто по́­дви­говъ тво­и́хъ, но бла­го­во­ли́ о не́мъ и про­сла́­ви е́ чу­до­тво­ре́ніи тво­и́­ми; и всѣ́хъ, при­хо­дя́щихъ на по­кло­не́ніе мо­ще́мъ тво­и́мъ святы́мъ, отъ иску­ше́ній діа́­воль­скихъ и вся́каго зла́ ми́­ло­стив­но из­ба́­ви. Ей, чу­до­тво́р­че святы́й! Не лиши́ на́съ по́­мо­щи твоея́ не­бе́с­ныя, но мо­ли́­тва­ми тво­и́­ми вся́ ны́ при­ве­ди́ во при­ста́­ни­ще спа­се́нія и на­слѣ́д­ни­ки яви́ на́съ все­свѣ́т­ла­го Ца́рствія Хри­сто́­ва, да по­е́мъ и сла́­вимъ не­из­ре­че́н­ныя ще­дро́­ты Че­ло­вѣ­ко­лю́б­ца Бо́га, Отца́ и Сы́на и Свята́го Ду́ха, и твое́ свято́е оте́­че­ское за­ступле́ніе, во вѣ́ки вѣ­ко́въ. Ами́нь.

Тро­па́рь, гла́съ 4

Ри́мъ, оте́­че­ство твое́, оста́­вивъ, въ пу­сты́­ню все­ли́л­ся еси́, и та́мо, въ пу́­стѣ мѣ́­стѣ обрѣ́тъ жи­ли́­ще себѣ́, от­бѣ́глъ еси́ суе­ты́ мíра сего́, и въ без­мо́лв­нѣмъ при­ста́­ни­щи до́­брѣ на­прав­ля́лъ еси́ себе́ ко Го́­спо­ду. Сего́ ра́ди и мы́, чту́щіи тя́, при­те­ка́­ю­ще, мо́­лимъ тя́, о́тче Ма­ка́­ріе: моли́ о на́съ Го́­спо­да, да по­ми́луетъ на́съ въ де́нь су́д­ный.

Инъ тро­па́рь, гла́съ то́й­же

Оте́­че­ство твое́, ве́­тхій Ри́мъ, оста́­вивъ, во страну́ Россíйскую при­ше́лъ еси́, пре­по­до́б­не, и въ пу­сты́­ни бла́т­нѣй все­ли́в­ся, та́мо при­ста́­ни­ще ти́­хое ко спа­се́нію обрѣ́лъ еси́, и без­мо́лв­ное жи­тіе́ бо­гоу­го́д­но про­во­жда́лъ еси́, на­прав­ля́я себе́ ко Го́­спо­ду мо­ли́­тва­ми не­пре­ста́н­ны­ми. Сего́ ра́ди Хри­сто́съ тя́ воз­лю­би́ и чу­де­сы́ про­сла́­ви, о́тче Ма­ка́­ріе, яви́въ тя́ па́­стыря до́­бра сло­ве́с­на­го ста́­да Сво­е­го́. Тѣ́м­же и мы́, при­те­ка́­ю­ще къ тебѣ́, уми́ль­но гла­го́­лемъ: моли́ Про­сла́вль­ша­го тя́ спа­сти́­ся ду­ша́мъ на́­шимъ.

Кон­да́къ, гла́съ 7

Отъ Ри́ма возсія́лъ еси́, я́коже звѣз­да́ пре­свѣ́т­лая, пре­по­до́б­не о́тче на́шъ Ма­ка́­ріе, и, въ пу­сты́­ни все­ли́в­ся, про­свѣ­ти́лъ еси́ чи́­стымъ жи­тіе́мъ тво­и́мъ вѣ́р­но при­те­ка́­ю­щія къ тебѣ́. Тѣ́м­же и мы́, про­слав­ля́юще свѣ́т­лую па́мять твою́, во­піе́мъ ти́: ра́дуй­ся, пре­по­до́б­не о́тче Ма­ка́­ріе.

Инъ кон­да́къ, гла́съ 8

Якоже пре­свѣ́т­лая звѣз­да́, отъ Ри́ма возсія́лъ еси́, пре­по­до́б­не, и, Бо́­гомъ на­став­ля́емь, Россíйскую страну́ свѣ́­томъ чу­де́съ тво­и́хъ оза­ри́лъ еси́ ду­хо́в­но, со­зы­ва́я вѣ́р­ныя къ мо­ще́мъ тво­и́мъ, отъ ни́х­же ис­цѣ­ле́нія не­ду́ж­нымъ по­да­е́­ши. Тѣ́м­же мо́­лим­ся тебѣ́: нау­чи́ на́съ, о́тче, тво­е­му́ бо­го­разу́­мію и увра­чу́й не­ду́­ги на́ша ду­ше́в­ныя и тѣ­ле́с­ныя, да зо­ве́мъ ти́: ра́дуй­ся, пре­по­до́б­не о́тче Ма­ка́­ріе.

Ве­ли­ча́­ніе

Убла­жа́­емъ тя́, пре­по­до́б­не о́тче Ма­ка́­ріе, и чте́мъ святу́ю па́мять твою́, на­ста́в­ни­че мо­на́­ховъ и со­бе­сѣ́д­ни­че а́н­ге­ловъ.